------- ቀን --------

ቀን ቀንን አርግዞ
ቀን እየወለደ፣
አንድ ቀን ሌላን ቀን
አልፎት እየሄደ፤

በቀናት መካከል
ቀናት ተደራርቦ፣
የቀናት ክምችት
የቀናት ርብራቦ፤

ቀናቶች ስንቆጥር
ቀናት ስንመነዝር፣
ቀናት ስንዘራዝር
ቀናቶች ስንገብር፤

ቀኖች እያሰብን
ዝክር ስናዋጣ፣
ቀንን ሳንጠቀም
ምፅአት ቀን መጣ።

@getem
@getem
@paappii

ጥርሷ ሰዋሪ
ሳቋ ነዳፊ ፤
ከንፈሯ ገዳይ
ዐይኗ ገራፊ ፤

ፀጉሯ ሐመልማል
ልብሷ ደመና ፤
ገላዋ አበባ
ቃናዋ ናና ፤

ልክ እንደ ሰንደል
ልክ እንደ ብርጉድ ፤
የቀመሷት ለት የምታስብል ጉድ !

ከሰማይ በቀር
የምድር አፈር የማይመጥናት ፤
ከመለዓክ በቀር
በሳር በቅጠል የማይመስሏት ፤

ልጅማ ልጅ ናት !

ጨረቃ ኮኮብ የሚሰግዱላት
አበቦች ከዱር የሚያረግዱላት ፤

የሚገድሉላት
የሚሞቱላት
ከአንቺ ጋ አድሬ ሲነጋ ልሙት የሚዘፍኑላት ፤

ልጅማ ልጅ ናት !

ሲሻት በምድር
ሲሻት በሰማይ የምታበራ ፤
ነፍስ የምታስት ስትስቅ ስትኮራ ፤

እንኳን ለአዘቦት
ለክት ለዓመት ባል የሚሸሽጓት ፤
እንኳን በፀሐይ
ሌት በጨረቃ በሩቅ የሚያውቋት ፤

ልጅማ ልጅ ናት !

እንኳን ቁሞ ሃጅ
ሙቶ የተኛን ታሳብዳለች ፤
እንኳን የሰው ዘር
ባህሩን ወንዙን ታስረግዳለች ፤

ከፍቅር በቀር
ሌላ አይችላትም ፤
ከራሷ በቀር
የቱም አበባ አይመጥናትም ፤

የምድር ዕንቁ ናት
የምድር አበባ ፤
እንዲሁ ታይታ ዐይን የምትገባ ፤

እንዲሁ ታይታ ቀን ታፈካለች ፤
በዐይኖቿ ብቻ
ውኃን ወደ ወይን ትቀይራለች ፤

ለባህር ዛጎል
ለሰማይ ኮኮብ
ለምድር አደይ ናት ፤

እንኳንስ ቁሜ
ስሞት ከጎኔ ትብቀል የሚሏት ፤

ልጅማ ልጅ ናት
ከአንድ እኔ በቀር
ሌላ የሰው ዘር የማይመጥናት ።

by Tewodros Kassa

@getem
@getem
@paappii

ሰላም ወዳጆች ዛሬ 9:30 አራት ኪሎ በዋልያ ቡክስ አዳራሽ የወዳጄ የኪሩቤልን መፅሐፍ እናስመርቃለን።

የምትችሉ እዛው እንገናኝ።

ማስታወሻ የኔን ምስል እዚ ውስጥ ፈልጎ ላገኘ የመጀመሪያው ሰው መፅሐፉን እሸልማለሁ...😅🙏

      "ይጠፋል"
---------------------------

ፀጉሬን ሽበት ወሮት
ፊቴም ቢጨማደድ፣
የወጣትነቴ ወዛናው ቢጠፋ
ምን ቢመስል አመድ፣

ክንዴም አቅመ ቢስ
ወኔዬም የከዳኝ፣
ያለኝ ጥቂት እድሜ
ያለኩኝ አለም በቃኝ፣

እርጅና እንደ ከንፈር
ቢመጣ አሞጥሙጦ፣

እንዴት ብወድሽ ነዉ

አንቺን ባሰብኩ ቁጥር፣
ሚጠፋው ደንግጦ።

@getem
@getem
@paappii

የኔ ሳቅ
.
.
ሁሉም ለየብቻዉ
             እንደተለያየ
የኔ ሳቅ ለብቻው
              ከኔ ጋራ ቆየ

አየሁት ሰማሁት
          ሁሉን ተረዳሁት
ሳቄን ለማርከሻ
             ቢቸግር ጠጣሁት
             ቢቸግር በላሁት
             እንደ ጎሽ ጠላ
             እንደ 'ባር ማሽላ

ሳቄን ለማርከሻ
              ከነገዉ መድረሻ

              መረጥኩት ጠላሁት
               ይስቃል እንዲሉኝ
              ጥርሴን ተነቀስኩት

@topazionnn
@getem
@getem

------------------------
የለት ተቀን ስራ
ድግግሞሽ ብዛት፣
ጥሩም ቢሆን መጥፎ
ያሳለፍነዉ ግዚያት፣

አንድ አንዴ በፌሽታ
በደስተ መፍለቅለቅ፣
ደግሞ ሌላ ግዜ
በእንባ መንሰቅሰቅ፣

ለዚ ዉጣ ውረድ
ባናገኝ ተማጽኖ፣
ምንም እንኳን እድል
ቢኖረዉም ተጽኖ፣

ከሁሉም ሚሻለዉ
ከሚመጣዉ ክስረት፣
ከሴጣንም በላይ
ልማድን ነዉ መፍራት።

@getem
@getem
@paappii

[ #ለእሷ! ]

የመዋደዳችን አበቃ ምዕራፉ
የመገናኛችን ተዘጋ በራፉ
ለምለም ምኞታችን እንደ ጉም በነነ
ዘላለም ነው ያልነው ቅጽበታችን ሆነ።

━━━━━━━━━━━━━━━━━━

ያኔ
በመስታወት ጡቦች በታሰረ ብርሀን 
ጎጆ'ችንን መልተን
ከገበታችን ላይ ፍቅርን ዘርግተን
መውደድ በትኩሱ የተቋደስንበት
ነፍሳችን ጥለን ህጻን የሆንበት

ዛሬ እንደ ትዝታ በምኞት ይገርፋል
አየሩ ንፋሱ "የለሽም" ብሎ ያልፋል ።

━・・・━ ★ ━・・・━

የለሽም የለሽም

የመስታወት ጡቡ ወድቆ ተሰበረ 
ብርሀን ጸዳሉ ወዳንቺ በረረ 
በስብርባሪ ውስጥ ጸጸት ብቻ ቀረ
በጊዜ ጠብታ ትዝታን ያዘለ.  .  .

✿

ይኀው እዛች'ጋ 
የገጽሽ ሀመልማል ጽልመቱን ይቀዳል 
ከሳቅ ከጭዋታሽ ብርሀን ይወለዳል
እንደ ጀንበር ውበት በማለዳው ይሄዳል።

ይኀው እዛች'ጋ
የዳናሽ ማህሌ' ሀዘኔን ሳያስረሳኝ 
ኮልታፋ አንድበትሽ በፍቅር ሲያነሳኝ
ህይወት እንደ ምንጣፍ እየጠቀለለው 
ከትዝታ መቅረዝ ሰብስቦ ሲጥለው ።

✿

ይኀው ወደ አንቺ ጋር 
ዛሬም እንደ ትናንት ልቤ ይሰደዳል 
ተስፋውን ሰንቆ ለምኞቱ ይሄዳል

ከንፋስ ከአየሩ ♡ 
ከዛፍ ከቅጠሉ ♡

የለሽም የለሽም
የሚል ኦና ቃላት በምጥ ይወለዳል!።

━━━━━━━━━━━━━━━━━━

#የአብስራ_ሳሙኤል
@YabisraSamuel

@getem
@getem
@getem

አካልን ቢያስጠብቁት
  በድካም ቢወቁት

ልብ የጠበቀ ለታ
ህመምና ዋይታ።

ዮኒ
     ኣታን @yonatoz

@getem
@getem
@getem

ሥትገቢ ሥትወጪ-
ዐይኔ ተደሥቶ ልቤን የሚያሞቀው፣
ዝቅ በል ሥትይኝ፣
መውረዴ ተክቦ - ክብሬን የሚንቀው።

በመናኛ ቀልድሽ-
እንድያ የምሥቀው - ድዴ እሥኪሠበር፣
አሁን የማይገባኝ፣
ያን ሠሞን ግን ካንቺ - ምን ፈልጌ ነበር?

(የሞገሤ ልጅ)
By @eyadermoges

@getem
@getem
@getem

ህይወት ግን ምንድ ነው?

ህይወት ግን ምንድ ነው
ከዉስብስቡ አለም ግንኙነት ያለው

እንደፈለገ የሚያስደስት የሚያሳዝነው
ህይወት ግን ምንድን ነው

ለብዙ ነገሮች ጥያቄ የሆነው
ከጥልቁ ባህር አጥልቆ ሚያስቀረው
ግን ህይወት ምንድን ነው???????

አልቅሶ አለመሳቅ አቶ አለማግኘት
አዝኖ አለመደሰት ነው አይደል? ህይወት 😊😊😊
Kal..... @pilopater
@getem
@getem
@getem

ጷግሜ
.
.

'ያመት ማካታቻ የቀናት ጭማሪ፤
የተስፋን ፀዳል ንጋት አብሳሪ፤

በሩፋኤል ጠበል ከበራችን ወተን፤
የዝናቡ ወጨፎ ብርዱ ሳይበግረን፤

በጉጉት ስንጠብቅ እስኪደርስ ቀኑ፤
አደይዋ እስክትፈካ ሲለወጥ ዘመኑ፤


በአዲሱ ልብሳችን እጅጉን ተዉበን፤
አበባዮሽ ስንል የክቱን ለባብሰን፤

የልጅነት ጊዜ.....
በትዝታ አስጉዞ ሁሌም ይናፈቃል፤
እንደ እንቦሳ ጥጆች ዘወትር ያስቦርቃል።
.....................................
ዔደን ታደሰ
@topazionnn
@getem
@getem

ዉስጤ ረቂቅ ነበር ፣ ጣፍጦ የጎመራ፣
ትልቅ ምትሀት ያለው፣ ማንንም ሚጠራ።
አንቺ ደግሞ ጥሬ፣ ለመብሰል ሚቀርሽ፣
ገና ለጋ ቅጠል፣ የማይስብ ወዘናሽ።

ምንም ብስል ቢሆን፣ አንድ ጣፋጭ ፍሬ
ምንም ለምለም ቢሆን፣ ቢጣፍጥም ዛሬ።
ግዜ፣ ቦታ፣ ምክንያት፣ ካልተገጣጠሙ
ፍሬውም፣ ይረግፋል፣ ደስ አይልም ጣሙ።

ፍሬሽ ፍሬ አፍርቶ፣ ቢጣፍጥም አድጎ፣
አንቺን ለማብሰል ስል፣
ለካስ መሬት ነበር ፣ የኔማ ጠዎልጎ።

@getem
@getem
@paappii

ቄጠማ ሆነብኝ እግሬ| አቃተኝ ነፍሴን ማበርታት
በይግባኝ ሸንጎ ገጥሜህ
   ---በአርምሞህ ቃሌን በመርታት
ስታውቀው የዓለም መልኩን አጨኀኝ ለመከራ ቁር
ክፍት ነው ደጄን አትቆርቁር!።
°
በል ግባ እንደ አብርሃም ቤት
ጓዳዬን ማጀቴን ቃኘው
ሰባራ ሸክላዬን ጥጄ
በምኞት ሆዴን ሳሞኘው
አረፍ በል ከሳር ፍራሼ
አይመች ለገላ አይመጥን
ሳለቅስ ሳነባ አድራለሁ
ውል አልባ ህልሜን ስወጥን
በል ባርካት ደሳሳ ዳሴን
በፍቅርህ መሰረት አጽናት
ካልሆነም ስጋን አፍርሰህ
የዛለች ነፍሴን አድናት!።
°
ተመልክት የዓለም መልኩን
ተለምዷል ወድቆ መረሳት
ጎዳናው ዕንባ ጠገበ
ይፋጃል ዕግርን እንደ እሳት!!!
ስታውቀው የዓለም መልኩን አጨኀን ለመከራ ቁር
ክፍት ነው ደጄን አትቆርቁር!።

#የአብስራ_ሳሙኤል
@YabisraSamuel

@getem
@getem
@getem

ለ
    ኔ
       ም!

ሙሴን ስትሰጠው ባህርን ሚከፍል
ለዳዊት ጠጠር ጎሊያድን የሚጥል
ምን አል በሰጠኸኝ ለኔም ልዩ አቅም
ቁስሏን ማድንበት ሀገሬን የሚጠቅም፡፡
            
          by   @Abuugida ᵗˢᵉᵍˢʰ

@getem
@getem
@getem

ከጭፈራው መሐል

አበባዮሽ እያልን ስንዞር ከየቤቱ፣
ቄጠማ ተይዞ ተለብሶ የክቱ።

ጨዋታዉ ሲደራ የከበሮዉ ድልቂያ፣
የድምድምታዉ ጩኸት ሆኖ ፈንጠዝያ።

ከጭፈራዉ መሐል ስትወርድ በእስክስታ፣
መቀነት ታጥቄ ሳይህ በስርቅታ።

በነፋስ ሽዉታ አይናችን ተጋጭቶ፣
በሴኮንድ እይታ ልባችን አዉግቶ።

ፀሐይ ስታበስር የድል ብስራት ዜማ፣
እስክስታዉ ሰደደን ወደ ፍቅር ማማ።

           በዔደን ታደሰ
@topazionnn
@getem
@getem
🌼🌼🌼🌼🌼🌼🌼🌼🌼

(በዕምዓዕላፍ)

            የማፍቀርን ያክል
            መውደድን የሚያክል
            ምን አለ ትክክል ?

የፍቅር  ምትሀት   ካባውን ደርቦ
በወዳጅ አይን ላይ  ማሳዬት አስውቦ

            ገላ ኩንስንሱን
             ደርቦ ሞገሱን
ግዘፍ    ረቂቀ ስልቱ
ማብቃት  ፍቅር ምትሀቱ

                    እንከን የለሽ ውበት
                    ፅንፍ የለሽ መለኮት
እፁብ ድንቅ

       ፍቅር  እምነታችን
       መቅደሱ ገላችን
       መሲህ ለምናችን
      ህያው ናት ነፍሳችን                    
___እፁብ ድንቅ
                                       እፁብ ድንቅ____

@getem
@getem
@getem

በማያልቅ ሩጫ
በማይበርድ ፍጥጫ
መርጋት በሌለበት
መዋተት.....
ሁልጊዜ መጣደፍ
በቁስአለም መክነፍ
እፍፍፍፍ......
በጎዶሎ ፅዋ
በሰባራ ፎሌ
ደጋግሞ መጨለፍ
መንጠፍ........
መኖር እንዲ ሆኖ
ያለረፍት መክነፍ
መሞት ሆኗል ማረፍ።
          
By @poetkidus

@getem
@getem
@getem

ጭር እንዳለ ቀን
ዝም እንዳለ ሌት
በጥባጭ ህጻን ልጅ
እንደሌለው ቤት
ቆሌ እንደራቀው አዚማም ሀሙስ
እንደ ጫት ድባብ
እንደ ቡና ሱስ

ቅር ቅር አልሽኝ...

ማተብ እንዳጣ ራቁት አንገት
እንደ ዋዜማ እንደ አዲስአመት
( ሆቴል እንደተከበረ አውዳመት... )

ቅር ቅር አልሽኝ...

ውዱዕ ሳያደርግ እንደሰገደ
እያመነታ እንደፈረደ
ሳይሰናበት ርቆ እንደ ሄደ ።

ቅር ቅር አልሽኝ...

እንደ መሰልጠን
በትዝታ ላይ እንደመጨከን
እንደ ሩቅ ሀገር
የማይለመድ እንግዳ ነገር

ቅር ቅር አልሽኝ...

ጨርሰው እንዳልቆረጧት ጥፍር
እንዳላፈረጧት ትንሽዬ ብጉር
በጥርስ መሐከል እንደ ገባች ስጋ

እየናፈቅሽኝ
እያጓጓሽኝ
አልዋጥ አልሽኝ ።

ቅር ቅር አልሽኝ ...

by Hab HD

@getem
@getem
@paappii

የመሄድሽ ነገር፣ ምክንያቱ ባይገባኝ
መጨከን ቢከብደው፣ አንቺን ላልል በቃኝ

ስለት ገበው ለእግዜር፣ ለፈጠረን ጌታ
ድንገት ካመጣልኝ፣ ለመክፈል ውለታ

ስለት አስገብቼ፣ ስመጣ ከቤቴ
ካንቺ ምትበልጠውን፣ ባገኝ ከማጀቴ

ይቺን አታሳጣኝ፣ ብዬ እየለመንኩኝ
የቅድሙን ስለት፣ ተው ልለው ተሳልኩኝ።

@getem
@getem
@paappii

ART EXHIBITION

WITHOUT WORDS

solo Exposition by HANI MIKIYAS
At STUDIO 11

Don't Miss this

Date: 19n September
Time: 5-10pm
Location: Bole, Next to Ambassador Hotel
Zemilo Hotel, 1stFloor

@seiloch