إحساس الأمان بالعلاقة، أهمّ من إحساس الحُب
لأن أيّ شخص بالعالم قادر إنه يعطيك شعور الحُب
بس نادراً ما تلاقي شخص يحسّسك بالأمان بمعناه الحرفيّ
يحسّسك بالأمان و السّلام و يخلّيك واثق و متطمّن بلا قلق
قارنوا بين الشّعورين منيح، رح تعرفوا شو الأهمّ وجوده
و مين تأثيره أقوى و أمتن بالعلاقة 🖤

11:11

" عوض ربنا دايماً بيجي بعد التعب، وبعد الزعل، وبعد الإحساس بالظُّلم، وبعد الصبر، وبعد الدُّعاء، وبعد الابتلاء، وبعد المَجهود، وبعد كُل إحساس كان ثقيل على نفس الإنسان..

بيجي عشان ينسِّيه كُل اللي فات كأنّه ما كان ولا صار..
بضل بس شُعور الفرحة، والامتنان، ولذّة الوصول، والرضا.

وعوضه بكون مُبهِر وجميل، جميل جداً " 🖤

‏أنا دائماً بجانبكِ أنا ضحكتكِ وكتفكِ وضلعْكِ وقلبكِ
أنا لكِ أمَان وملجأ أنا هُنا لأجل فرحكِ لأجلكِ وحدكِ.
-

‏مرات عادي يكون إنجازك الكبير إنك من جواتك مسالم بتقدر تحب الكُل وتتقبل الحياة وقت تزعلك ، وتساند الشخص التعبان ، وتحكي كلمة حلوة لحد باهت، انك تاكل اكلة بتحبها بشهية هنيّة، وتحمم وتلبس بجامتك الجديدة وتنام، عادي يكون إنجازك الكبير إنك تكسب حالك ♥️.
-

1:11

وصلِت لحالة عظيمة من الاكتفاء الذّاتي.


بطّلت اهتم لتفاهات الناس من حولي، هاذ زعّل هاذ وفلان عتبان عليك، بطّلت محتاج حدا أهرب عنده أول ما أوقع بمشكلة، صرت أحل كل مشاكلي بطريقتي.

صار عندي تجارِب كثير خلّتني أشبع بحالي، ما بدي اهتمام وبقدر أعيش شهور ويمكن سنين بدون ما يتواجد شخص بحياتي، مش شايف أي حدا مستاهل مغامرتي عشانه، ولا إني أبادر لحتى أكسبَه.

عملية الضّغط والأخطاء يلي وقعت فيها مع النّاس هي يلي وصلتني لهون، وأنا فخور جدًا بالمرحلة هاي، عالأقل لما بدي أعيش تجربة جديدة مع شخص جديد، بتقبل نهايتها وأنا مبسوط!

حتكتشف إنو كلهم بيعطوك نفس النّهاية ونفس البداية، لكن الشّاطر فيهم يلي بلعب فيك لأكبر مدّة ممكنة، العالم هاد وهمي كثير وأنت الحقيقة الأوضح يلي فيه، ركّز بهالجملة منيح لحتى يكون مهربك الوحيد هو أنت🖤


#مراد_الشركسي

10:10

ما تزعلش لو اخترت غلط، لو خابت توقّعاتك وتعاقبت على قرار اخذته بحُسن نية، بعض الأوقات بنكون معميّين ومش عارفين بأي طريق بنمشي، بننكسر وبنضطر نسكُت عشان محدش يشمت فينا، الموضوع طبيعي وما بنزعل عليه، هي شوية أغلاط صغيرة بتوعّينا على مصايب كبيرة كنّا راح نوقع فيها لولا لطف ربنا.

#مراد_الشركسي

قلبك لاتفتح بابه لحدا، اذا ما حسّ بأمان و راحة كبيرة
مشاعرك ماتعطيها لحدا اذا ما حسّيت روحك مرتاحة 🖤

أكتر ناس بشوف وجودهم حلو أوي وبيطبطب على القلب هما الناس اللي قادرين في كل قعدة يخلقوا جو مُريح، بيقدروا يضحّكوا كل اللي حواليهم رغم همومهم، الكلام معاهم حلو، وابتسامتهم اللي مش بتفارقهم، وجودهم دايمًا دافي..
بيبقوا حلوين أوي بجد! 💙
-

ما حدا بهالدّنيا خسر أشياء قدّي، ما حدا وقِع ووقّف مرة ثانية قدّي، تعايشت مع خسارات بعُمري ما توقعت إني اتقبلها، انحطيت بضغوط أعظم من إني اتحملها، فلا تفكّر إنه في خساره ممكن تهزني ولا تفكر تتحداني بالتّخلي، الي قدّامك تربّى عالتّعب وشاف أشياء الي أكبر منه بالعمر ما شافوها، أنا مش متباهي ولا حد قاعد بكابِر، بس "رحم الله إمرءٍ عرف قدرَ نفسه"
وأنا عارف قدري منيح.🖤

هتقابل شخص بحياتك عديم التقدّير، مهما اهتميت فيه ما بثمَر، مستحيل يقدّر الضغط الي بتتحمله عشانه ولا راح هيشوف التضحيات الي إنت بتقدمله ياها، اتركه بحاله وروح وخلّي يعيش الفراغ الحقيقي بدونك، وقتها بس راح يتمنّى لحظة وحدة يكون فيها معك ويعطيك حقّك.

الجفا هو السّرطان الي ممكن يموّت العلاقات، لما تتخاصموا وبعد يومين ترجعوا، بعديها تتزاعلوا كمان مرة وتضلّوا اسبوع بدون ما تحكوا مع بعض، مرّة على مرّة بتصيروا متعودين عالغياب، وقتها بتقدروا تكملوا يومكم طبيعي من دون ما تتواصلوا والبرود هيسيطر على العلاقة ومشاعركم هتختفي.

لهيك لا تتركوا الجفا يدخل بينكم، قدموا تضحيات ومش لازم كل واحد فيكم يشوف إنه هو الصح ويضل ماخد زاوية لحاله، بلاش توصلوا للحظة يلي بتشوفوها فيها كل وعودكم مجرد كم كلمة انحكوا بوقت سعادة.


#مراد_الشركسي

لا تستنى تعيش حياة مثالية وتكون كُل أمورك تمام، لازم يكون في عندك خسارات مخبيّة وزاوية مظلمة محشور فيها كُل تعبَك، لازم تجرّب شعور الكسِر وتمُر بظروف عمرك ما توقعتها، لازم تتخلى عن أشياء بتحبها غصب عنك عشان بس ما تخسر أشياء أكثر، ولا تفّكر إنه هيك حظك أسوأ من حظ غيرك، لا هاي هي الحياة الطبيعية، يا بتتقبلها وبتتقألم مع مصايبك، يا بتحاربها وبتحرم نفسك من نعمة الرَضى.

#مراد_الشركسي

ياربّ،
عبدُك
مُتعب
مُنهَك
نالَت منهُ جميعُ الأشياء.

بعطي من قلبي للشخص يلّي بحبّه
بعطيه من إيجابيتي و بخفّف عنّه أي شي عم يزعجه ..
احياناً بنسى حالي بلا ما حسّ، بوصل لوقت بشوف حالي
بلا طاقة، بلا قوّة بقلبي لأقدر واجه أي شي مزعج بمرّ فيه ..
مابندم على الشي يلّي عملته، لأن لمّا حبّ الشخص
و يكون منيح، بعرف إنو بيستاهل كلشي اعملتله ياه ..
بس بندم لأن نسيت حالي بهالفترة، بندم لأن ما احتفظت بشوية طاقة لحالي كرمال أيامي الجاية ..🖤

راح تتعوّض عن كل شخص سيء عشت معه بعمرك، عن كل شعور مؤلم حسيت فيه، عن كل ساعة تمنيت فيها إنك ما تكون موجود.
‏راح يجيك العَوض بوقت تكون فيه بدون ذرّة أمل إنك تتعوّض، لو ما اجت هاللحظة صدقني راح تيجي، ولو اجت فحافظ على التعويض يلي اجاك من السما.🖤

‏⁧ #مراد_الشركسي⁩

انت متعرفش حاجة عن اسباب الناس
اعتنق الفكرة دي كويس !
انت متعرفش هو ساكت ليه ؟! قال الكلام دا ليه ؟
ليه قرر يمشي ؟ ليه لسه موجود ؟ ..
انت معندكش اى صورة كاملة عن اي حقيقة غيرك!
انت عندك تفسيراتك انت , تحليلاتك انت
ادراكاتك الخاصة بيك اللي بتسقطها لا اراديا علي اي موقف او سلوك ! .. انت عندك انت ! .. و اللي لا يمكن عمره هيكون اي رأى، اي معلومة، اي حاجة غير انت !!

وأكظمُ غَيظي وحُزني وقَلقِي وكلّ مُصابي، ثمّ أستودعُ الله أمري فأطمَئن 🤍

الي بلّشت استوعبه بآخر فترة من حياتي إنه بقدر أعيش روتيني اليومي لحالي بدون أشخاص وعلاقات مؤقتة، وإنه المشاكل الشخصية مش لازم تِنحكى لأي حد والسّلام بحجّة الفضفضة، فهمت إنه الواحد طول مهو معافى وبصحة كويسة وأهله حوليه فما في اشي بالدّنيا مستاهل زعله، وإنه كلشي بُهون لمّا توصل لأي انجاز صغير وتشوف فرحة عيلتك فيه.

الدّنيا بسيطة والله طالما ما حاولنا نعقّدها. 🖤

أبدِل اللهم خَيْبَتَنَا بأنفسنا، وبالناس، وبكل شيء، أبدلنا سَلامًا منك، ومواساةٍ بك، وعِوضًا منك جميل.🤍

عزيزتي:

تلك الهالات التّي تقطُن أسفل عينيك هي نتيجةُ مقاومة حزنك في كلّ ليلة، وملامحُك المرهقة هي حصيلة الصراعات التّي تنشبُ داخلك بين الحين والآخر، أنتِ جميلة ومقاومة وهذه المظاهِر الخارجية ما هي إلا دليل واضِحُ على قوّتك وصمودك أمام كلّ الضغوطات التي تتعرضين لها يوميًا، فلا تُلقي لها بالًا.

بعضُ الأمور التي تظنّينها عيبًا بكِ، هي ما تجعلكِ مميزة وناصعة، فكوني فخورةً بها.