دروة السنه

حسبالي السنه اتدير ويرجعون
ماضنيت هالغيبه يغيبون
كلبي اليوم مكسور
عالناموا بالكبور
وياكسر الكلب يوجع تعرفون

ياكسر الكلب يوجع ولاطاب
صار الهم سنه وماهمه الاحباب
لانشدوا بعد لادكوا الباب
ولامروا عليه
راحوا من اديه
شمحلاهم كبل جانوا ينشدون

اشمحلاهم كبل جانوا وجنه
يسيرون العصر ونلم شملنه
صارلهم سنه وماردول النه
نسوني المانساهم
ومانشدوا شجاهم
لامرسال لاطارش يودون

لاخط لاخبر من البعيدين
ضلت بس صورهم عالحياطين
مر اعله المشوا مو عيد عيدين
انطرهم يجوني
شو ماعايدوني
كولي اشلون بالمظلم ينامون

مر عيد الضحايا وعيد رمضان
بالمبارك عليكم وين ماجان
وحشه المكبره وتخلي يالاحنان
لاديوان لاسوك
باب الكبر مغلوك
والتربان حار ويعمي العيون

عمت عين التراب الخرب ازلام
ايلوح اوجوهم من يركد الخام
ثاري اغيابهم بالمكبره اعوام
كلت شيجيب باجر
واروحن للمكابر
بلكت من اضيفنهم يكعدون

ايس يادليلي وكول هيهات
يكعد للعدل ويكابله المات
عمت عين التراب الضم شبابات
اشلون اولاد حلوه
بلاها الموت بلوه
شبان الهوه الدنيه يحنون

نسالكم الدعاء
شاعرة اهل البيت
ام هجران العمارجيه


غير مبري الذمه من يمحي الاسم او يغيره

قناة دمع زینب للقصائد والالحان
کل ما تحتاجه تجده هنا قصائد
نعي

لطميه فزاعيه
لدوران السنه للاب😭💔

دارت سنة ابوي وايست منه
ابونا الراح ماينشد بعد عنه

(وكعداته جا وين الوالي)

♣️♣️♣️♣️♣️

كعداتك الحلوه وين نلكاها
ايام المضت بويه شمحلاها
احله ايام وي الاهل شفناها

(شيرده اعلينه الهيبه الغرب)

♣️♣️♣️♣️♣️

هيبه انت وصدر ديوان بالكلفات يردونك
لو صارت طلابه الكل يندبونك
صدر ديوان يابويه يخلونك

(انت التعدلهه لو صارت ميله)

♣️♣️♣️♣️♣️

دارتلك سنه وماشفتك بعيني
شلون يهونلك بويه تبجيني
انه عزيزتك عدمن تخليني

(تخليني عدمن يابويه)

♣️♣️♣️♣️♣️

عفت البيت يابه وارحلت منه
شلون انطاك كلبك من تفاركنه
بجيت وايست وانكطعت الظنه

(ماخذ حيلي ياجد ابني)

♣️♣️♣️♣️♣️

عكب عينك يبويه حيلي معدوم
مابطل البجي وانعيك كل يوم
صبح محزن اكليبي اعليك مهظوم

(مهظومه من يومك بويه)

♣️♣️♣️♣️♣️

تمت بعون الله تعالئ

بقلم✍شاعرة اهل البيت

ام احمد ( البصراويه)

صاحبة كتاب
(ديوان الحزينه)

اسالكم الدعا۽ لي

ولوالديه بالمغفره🙏🙏

نعي بحق دورة سنة الاب


صدك شالوا كبار البيت غياب

وتفاركنه وعلى الفركه شبدينه

صدك جنهم نسونه ومايردون

واليوم الابو دارت اسنينه

تمر اسنينهم وتهدم الحيل

لهذا اليوم ابد ماحسبينه

جان البيت يزهي وجنه العيد

وهسه البيت ابد مارايدينه

كرهنه البيت هسه خلاف عيناه

بعد للبيت شنسوي اجينه

شحلات الدنيه جانت حلوه اليام

من نسمع ابونه ايصيح بينه

انتهت ذيج الليالي وصارت احلام

ولا جنه كعدنه وسولفينه

لملكاهم تحن الروح ياناس

والوالد عزيز وفاكدينه

جانت حلوه دارك يالابو هنا

واليوم انتهت وتيتمينه

عشرتنه انتهت صارت سوالف ليش

وتدري احنه عليك اتعلمينه

بويه وداعتك مااحمل افراك

كلساع وصحت والدنه وينه
🎤🎤🎤🎤🎤🎤🎤🎤🎤🎤🎤🎤بقلم✍الشاعرة سحر ام كرار الساعدي

:لطمیه للاب والمجالس الخاصه (الفواتح)فی دورة السنه

🌀🌀🌀🌀🌀🌀🌀🌀🌀🌀
طالت غیبتک یابوی چایمته تمر بینه
دار الحول یامهیبوب وانته غایب اعلینه

🌀🌀🌀🌀🌀🌀🌀🌀
اعتب والعتب میفید مایسمعنی المچنه
حیلی یرگد انا اعلیه الوالی امن اذکرنه
شایل یاحسافه اشلون ابوی وما اشوفنه
عینی شابحه للباب تنطر جیته لینه

🌀🌀🌀🌀🌀🌀🌀🌀
هلصارت سنه والحید مایرجع بعد ضنه
واحسب چنت بلایام والیوم ایست منه
ما یرجع بعد هیهات عمری ابضیم اخلصنه
ما اتحمل اغیابه وگلبی الله ایعینه

🌀🌀🌀🌀🌀🌀🌀🌀
ضلت بس صور بلدار اتبچینی من اصد اله
ظلمه وموحشه دارک یمته اترد دگلله
روحی امناطره وتتناک چابلکت تحن اله
من عگبک یبعد الروح ضاع العمر واسنینه

🌀🌀🌀🌀🌀🌀🌀🌀
بویه الحرمه ماتنهاب لو ضلت بلا والی
طالت غیبتک یابوی وانا احترگ دلالی
لیله لو ترد واتشوف حال الضیم انا احوالی
افراگک یصعب اعله الروح کلش حیل ماذینه
🌀🌀🌀🌀🌀🌀🌀🌀🌀
تمت وبعون الله وبقلمی المتواضع ام عدنان سیاحی ونسالکم الدعا🌹🌹وغیر مبری الذمه الی یحذف او یغیر الاسم

نعي لفقد الأب
دوران السنه
---------------------------------------------------
مرت سنه والبيت خالي
وحال الهظم يا بويه حالي
كطعنه اليأس منك يوالي

شال الحنين وين نلكاه
ماينحمل  يا ناس فركاه
ويحله العتب هاليوم وياه

مرت سنه والوالي مفكود
وكطعنه الياس ما ظنته يعود
ونصبنه عليه ماتمه ردود

التمن بناته يعاتبنه
اونن عليه ونه عل ونه
وسفه العزيز يفاركنه

غالي الابو ماكو بغلاته
حزام الظهر يبقه البناته
نوحن  عليه يمضيعاته

ونيت والونه ثجبله
فراك الابو ما بيه حيله
ومنهو البعد عينه اشتكيله

عكبك يبويه انسدت الباب
صرنه غرايب مثل الاجناب
نهل الدمع يم عتبة الباب

حسافه الإبو بالدار مفكود
نون عليه  بثيابنه السود
شال العمد ما ظنته يعود

شال الضمد شيال الهموم
وما ينحمل فركاه فد يوم
شلون نفاركه  يا ناس للدوم

يا وسفه الابو حمل وشال
يتم بناته وعاف العيال
وظل الدمع بالعين همال

قصيده بحق الاب
لدورت لسنه................ثكيله

هداء هاذي القصيده الي روحي والدي😭
والي ارواح المؤمنين والمؤمنات الفاتحه ونسئلكم الدعاء🤲


دارت سنة ابوي وماجاني
وانه كل هاي لسنه ادعي واتاني
✰❥ــــــــــــــــ✰❥ــــــــــــــــــــ❥✰

دارت سنة ابوي ومااجه لينه
وبنياته منتضره وحزينه
لاحسبالكم مات ونسينه
شلون انسئ ابوي لمانساني
✰❥ــــــــــــــــ✰❥ــــــــــــــــــــ❥✰

وحشه الدار بويه وتاخذ لروح
وكلبي من رحت مسطر جروح
ماتبطل بعد دمعاتي ولنوح
وحشه لبيت خالي وعذباني
✰❥ــــــــــــــــ✰❥ــــــــــــــــــــ❥✰

موسهله عليه لسنه دارت
فركتنه يابويه بعجل صارت
من يوم لمشيت لروح بادت
بفراكك تره حرت بزماني
✰❥ــــــــــــــــ✰❥ــــــــــــــــــــ❥✰

ماينطب تراه وحشه البيت
للهم ولحزن يابويه ضليت
بعد ميفيد وني لون ونيت
خذاه لموت مني ودولباني
✰❥ــــــــــــــــ✰❥ــــــــــــــــــــ❥✰

يابويه لجرح ينزف ولاطاب
وجن كلبي يبويه بسهم نصاب
من عكبك بعد ماالكه احباب
وغيابك يبويه مرمراني
✰❥ــــــــــــــــ✰❥ــــــــــــــــــــ❥✰

الشاعره والمـله أم اســد المحمداويه

قصيده للامام علي ع {چلمه البويه}

چلمه البويه تموت اويه الابو
ومايسد عازاته بفراگــه الاخو

محد يعوض مجانه
ابوي وعتاز لحنانه

چلمه البويه تموت اويه الابو
❥❥❥❥ـــــــــــــ❁❁ـــــــــــــ❥❥❥❥
چلمه الـــــبويه بعد لا طاري ليها
تموت حســــره يالبنيه بلا وليها
الابو خيمه شمحله لو فيه عليها

التنسه كلشي بشوفته
شــــلون تحمل فرگته

چلمه البويه تموت اويه الابو
❥❥❥❥ـــــــــــــ❁❁ـــــــــــــ❥❥❥❥
شلون تتحمل العيشه ابلا ابوها
الفارگته تنـــــــهظم لو لـوعوها
ليش يالفگدت سندها يهظموها

تنهظم حكها تره
النام ابوها عالثره

چلمه البويه تموت اويه الابو
❥❥❥❥ـــــــــــــ❁❁ـــــــــــــ❥❥❥❥
عازه الاب عازه مامـــش من مثلها
شحالها العاشت وحدها ومحد الها
تظل ملچومة بطرگ دمعة التهلها

تهل دمــعات الهظم
زغيره كلش عاليتم

چلمه البويه تموت اويه الابو
❥❥❥❥ـــــــــــــ❁❁ـــــــــــــ❥❥❥❥
تهل دمعات الهـــظم بالليل سكته
تگله بويه من رحت حيلي هدمته
ليش يا روحي الابو لا ما حـــوته

تموت يالبت بالقهر
صعب ياناس الهجر

چلمه البويه تموت اويه الابو
❥❥❥❥ـــــــــــــ❁❁ـــــــــــــ❥❥❥❥
يالهجـــــر چــتال ما ينـرااد ياناس
تفهم الجلمات يالحست بالاحساس
الفارگوها اعزازها تخنگها الانفاس

تختنگ من الهوه
ويالجرح ماله دوه

چلمه البويه تموت اويه الابو
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني

قصيده للامام علي ع {مصيوب}
                    لحن تلگيني يزينب حيل مابيه

مصيوب // بالهامه وخطر كلش علي وضعه
مصيوب // زينب هالمســـــــيه تهل بالدمعه

تگل للاخو // حاله اشلونه // حاله اشلونه // حاله اشلونه
حسين الابو // مكدر بدونه // مكدر بدونه // مكدر بدونه

علي بويه // علي بويه // علي بويه
❥❥❥❥ـــــــــــــ❁❁ـــــــــــــ❥❥❥❥
تعبان // هالليله الابو لتــــگلي يحسيني
تعبان // لو يمشي علي يخنـگها يسنيني
تعبان // افدي الحيل اله هوه نظر عيني

مكدر بعد // احمل اهضيمه // احمل اهضيمه // احمل اهضيمه
لا ما گعد // ليش يالخيمه// ليش يالخيمه//ليش يالخيمه

علي بويه // علي بويه // علي بويه
❥❥❥❥ـــــــــــــ❁❁ـــــــــــــ❥❥❥❥
جتال // افراگه ما احمله خل يفز كله
جتال // بس بشوفته اه يالعمر يحله
جتال // لو راح الكبر اشتاگ انه لضله

حيل الاخت// رگد يحسيني // رگد يحسيني //
رگد يحسيني
دمعي يكت // خويه حاجيني //خويه حاجيني //خويه حاجيني

علي بويه // علي بويه // علي بويه
❥❥❥❥ـــــــــــــ❁❁ـــــــــــــ❥❥❥❥
يحسين // ابونه هم بعد يتفطر اويانه
يحسين // تتذكر قبل من جنه محلااانه
يحسين // ساكت لاتظل زينبك وجعانه

جرحه كلف // عذب ادليلي // عذب ادليلي // عذب ادليلي
راح النجف // واخذ كل حيلي // واخد كل حيلي // واخذ كل حيلي

علي بويه // علي بويه // علي بويه
❥❥❥❥ـــــــــــــ❁❁ـــــــــــــ❥❥❥❥
چم آخ // يتـــــــحمل دليل الفارگ اعزازه
چم آخ // يجرها لو يحن وتذبحه يالعــازه
چم آخ // تهــــد بالحيل لو طلعت يالجنازه

شوگ الگلب // ناره لهابه // ناره لهابه// ناره لهابه
حاله صعب// الشالوا احبابه//الشالوا احبابه//الشالوا احبابه

علي بويه // علي بويه // علي بويه
❥❥❥❥ـــــــــــــ❁❁ـــــــــــــ❥❥❥❥
مليت // من الون گضيت العمر بالونه
مليت // ابوي اشلون هالليله اودعنه
مليت // عزيز الروح صعبه من اعوفنه

يحن اليدگ // للمشه وعافه // للمشه وعافه // للمشه وعافه
حگي اختنگ // رايح اوسافه//رايح اوسافه//رايح اوسافه

علي بويه // علي بويه // علي بويه
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني

قصيده للامام علي ع {ليش يوميه}

ليش يوميه النفس يخنگني بالليل
گلبي ماعايز اهموم وفگدك  ايعيل
❥❥❥❥ـــــــــــــ❁❁ـــــــــــــ❥❥❥❥
آخ يالجرحك ابين اضلوعي نيشان
آخ بس چم آخ تترس بويه المجان
گلبي ماعايزله يتعب تدري عيزان

فز اليــــه يالونـــــــينك رگد الحيل
ليش يوميه النفس يخنگني بالليل
❥❥❥❥ـــــــــــــ❁❁ـــــــــــــ❥❥❥❥
تدري بي شگد يحن ليك اليدگ
بكل مسيه بسبب الاشواگ احترگ
اشم بالصوره اضل لو  اختنگ

اعتازلك لا تبطي اه ياريحه الهيل
ليش يوميه النفس يخنگني بالليل
❥❥❥❥ـــــــــــــ❁❁ـــــــــــــ❥❥❥❥
اجروحي ديره شلون اداويها يوالي
رايح وعايفيني بدموعي التلالي
تعمه عيني ولا اشوف البيت خالي

شعجب مارداك وني ودمعي ليسيل
ليش يوميه النفس يخنگني بالليل
❥❥❥❥ـــــــــــــ❁❁ـــــــــــــ❥❥❥❥
اليختنگ ويريد بس شوفة حبيبه
بعلته لا ميطيح صدگني طبيبه
الراده گلبي بهل مسيه امنين اجيبه

كمت اكتب ياعلي بدمعي مراسيل
ليش يوميه النفس يخنگني بالليل
❥❥❥❥ـــــــــــــ❁❁ـــــــــــــ❥❥❥❥
اعليك لو نشدوني اكلهم يلفي باجر
ومثل كل ليله عله شوفك ابقه اناطر
آخ لو بس تدري بيه اكسر الخاطر

كاضيه عافيتي بعدك من العويل
ليش يوميه النفس يخنگني بالليل
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني

قصيدة للامام علي ع {سوت فاتحة}

سوت فاتحه ام عون اعله واليها
صاحت يالعيون اتريد غاليها
❥❥❥❥ـــــــــــــ❁❁ـــــــــــــ❥❥❥
سوت فاتحه والدمعه مجريه
صاحت ياعلي للفركه مابيه
احزان الكون كلها التمت اعليه

ام عون لفرگـتك يالوالي مابيها
❥❥❥❥ـــــــــــــ❁❁ـــــــــــــ❥❥❥
افراگك ما احمله ردلي يالوالي
بس النوح عكبك صار يحلالي
يكون وياك ميته كلش اشوالي

زينب يالحنين الحزن غاطيها
❥❥❥❥ـــــــــــــ❁❁ـــــــــــــ❥❥❥
غاطيني الحزن بعدك يعافيتي
شلون تعوفني ها يانفس ريتي
صار اضلم بدونك يالشلت بيتي

وعيوني الدمع بالفركه عاميها
❥❥❥❥ـــــــــــــ❁❁ـــــــــــــ❥❥❥
عاميهه الدمع وتريدك اعيوني
تعال اعليه انشد يالولي اشلوني
بعدك يالحنين العده ايضربوني

بنيتك حيل تعبت كوم حاجيها
❥❥❥❥ـــــــــــــ❁❁ـــــــــــــ❥❥❥
حاجيني يبويه تعبت بلفرگه
بعد وياك كلي هم تصح ملگه
توجعني وحك اعيونك الشهگه

روحي تون عليك و لا تخليها
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني

قصيدة للامام علي ع {صدگ اذاني}

البارحة امچـــانك صدگ اذاني
خالي شفته وابچي دم خـلاني

امچان كعداتك خلي ** فز اليه ياعلي

البارحة امچـــانك صدگ اذاني
❥❥❥❥ـــــــــــــ❁❁ـــــــــــــ❥❥❥
البارحة افراكك لچم دلالي
كلها ملتمه ومچانك خالي
كونك تفز وتشاهد حالي
شلون تمشي وانه غيرك مالي

بعد ماعندي ولي ** فز اليه ياعلي

البارحة امچـــانك صدگ اذاني
❥❥❥❥ـــــــــــــ❁❁ـــــــــــــ❥❥❥
كلشي يوجعني بدونك يالشلت
اوياك اتمنه يبو زينب متت
يتمت زينب يبوها من وكت
هظيمه عايفها وللمكابر رحت

بعد بالعيشه شلي ** فز اليه يا علي

البارحة امچـــانك صدگ اذاني
❥❥❥❥ـــــــــــــ❁❁ـــــــــــــ❥❥❥
لا تطول النوم ردلي يالحنين
بفركتك تالي اموت من الونين
اكبال عيني ينذبح ضامي الحسين
راح تشلع گلبي بجفاك السنين

ترضه زينب تنولي ** فز اليه يا علي

البارحة امچـــانك صدگ اذاني
❥❥❥❥ـــــــــــــ❁❁ـــــــــــــ❥❥❥
ترضه زينب تنولي يابو الحنان
رايح انته وماكو بالدنيه امان
لا امان ولا محنه بهل الزمان
احنانك وصوتك عليه اشكثر عان

ردلي ها ياكل هلي ** فز اليه ياعلي

البارحة امچـــانك صدگ اذاني
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني

قصيده مهداة للامام علي عليه السلام
لوحشة رمضان
الوزن موشح
========


ياشهر رمضان وحشه خلافهم

من فرشنه السفره أذكرناهم

صبن دموعي وبچيت
شلون چنه تذكريت

ظلمه مابيها ضوه يادارهم

🧂🧂🧂

وحشه شهر البركه هاي السنه

بعد راحت بيك ايام الهنه

بلحزن جتني السنين امسرفنه

جتني ايام العذاب
من صفو حدر التراب

نگطعت من النزل ذيچ اخبارهم

🧂🧂🧂

من فرشنه السفره صبت دمعتي

عذبتني بصدري ضلت حسرتي

انعجنت بدمعي يهلنه لگمتي

نامو برملة علي
وحدي عافوني هلي

ذبلت بسرعة ورد اعمارهم

🧂🧂🧂

تذكريت شلون لمتنه سوه

ياحلاهم جان بيت اهلي ضوه

هسه يخنگ صار لن مابي هوه

احس گلبي مختنگ
العبره خنگتني خنگ

تسعر بروحي سعر يانارهم

🧂🧂🧂

چانو احبابي مثل سلة ورد

دفو چانو لو يمر بينه البرد

بعد ذيچ اللمه ابداََ ماترد

راحو بعيد ومشو
والاحباب اتطشرو

ابدموعي وزعيت اثوابهم

🧂🧂🧂

وانه علسفره قريت الفاتحه

وحسرتي بگلبي سيوف وجارحه

ما ابطل دوم ليكم نايحه

صحت وين اهلي مشو
بلنجف كلهم صفو

بسد ابو الحسين صاير جارهم

========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

جرح امير المؤمنين

ناظر اختك يالحسن لينه وصِل
نـزلـوني منـها اذانـي الخـجـل
+++++++++
ابنيتي واعرفها شكثر متألمـه
وگفت اعله الباب تشبه فاطمه
مسحو عن الشيب يولادي الدمه

حيل خطفت لونها شلتني شل
***
السؤال ابـنظره مـتوجـه الي
انت محمول شعجب حيدر علي
حته لو چان اليشيـلك كافلي

ما اصدگ عيني غير انت الفحل
++++++++++
اقران من نظراتها سوالف دمع
ينفهم حچي الدمع ماينسمع
چنها نظرة فاطمه بكسر الضلع

من تصد لعيوني مدمعها نزل
++++++++++
نزلوني خل اسير اعله الجدم
الخاطر اختك گادر اتحمل الم
ابگلبي احسها نظرة الحره سهم

ابقى اشبع موت من قبل الاجل
+++++++
سارع الها واحضن اختك يالگمر
يبني روح وخفف اعليها الخبر
گلها مامات الفحل بس انطبر

راجع الها خل يضل عدها امل
+++++++
هلّله كل هلله باختكم والخدر
كونه سالم مو مهم عدنه العمر
ليلة الوحشه تألـمني اشكـثر

وينه كافل خدرچ اتگلي انكتل
+++++++
گلها ذيچ الساعه تلحگ عالبچي
عالهزيله ماكـو تچوه وتنتچي
تحچي المن ياهو ليسمعه الحچي

ماكو راي ايصير للماعدها اهل
+++++++++

ثائر الربيعي

قصيدة ثقيلة 💔 ليلة الجمعة 💔


شالوا عن العين شالوا ...شالو عن العين
وين ماشين اهلنا .....وين ماشين
ضعتو مني ياحسافه
كطعتوا كل هاي المسافه
🌱وين ماشين 🌱
🧿
كل خميس انتاني اهلنا بعتبة الباب
ننتظر يمته يعودون امن الغياب
ارد اناشدكم وسمعوني ياالاحباب
للنجف شلتوا وعليكم ها الكلب ذاب

لاماترجعون بعد ....لا ماترجعون .

ونهل العيون بكينه ...نهل العيون
راحو وخلوا علامه
بقت بلدار الحمامه
🌱 وين ماشين🌱
🧿
للنجف كوطر ظعنكم ليله ضلمه
ارواحهم ترفه وعليهم عيني تعمه
ليش طشرتوا الشمل منهو اليلمه
رحتوا عنه ياحسافه والله هضمه

تركونه الاحباب عجب
....تركونه الاحباب
مابسكم غياب يروحي ..بسكم غياب
هلبت يرجعون بسلامه
تنزاح كل هاي الغمامه

🌱وين ماشين 🌱
🧿
الليله جمعه وكلت اكتب عن الاحباب
وعن حبيبي حسين جرحه بكلبي ماطاب
حرت شكتب يا هظيمه وعظم المصاب
جن تذكرت العليله وهيه عاالباب

تصبح بويه جفاني ..تصيح بويه

لاما خذاني وتركني .ماخذاني

بقت بس هاي العمامه
خضره وتبجي اليتامه

🌱 وين ماشين 🌱
🧿
ياما سولفنه وحجينه ها يطيبين
عتب مانعتب بعد بس نهمل العين
بداركم بتكم تون وتجر با الونين
مضلمه وتنعه عليكم ها الدواوين

بيتك يمهيوب بقى ...بيتك يمهيوب
مشلوعه الكلوب بقت ..مشلوعه الكلوب

داركم يوحش ضلامه
خالي من اهل النشامه
🌱وين ماشين🌱
🧿
بويه لمن سافرت عالوا عليه
بويه كلي شوكت رجعتكم اليه
انا مشتاكه اشوفك هاالمسيه
اكعد احذاك واحضننك بديه
طماهم تراب هلي ....طماهم اتراب

والدمع سجاب يبويه ...الدمع سجاب
الليل يابويه منامه
حسره اخلصنه وملامه
🌱 وين ماشين🌱


بقلم الشاعرة الحسينية نور الهدى المياح✍️ صاحبة كتاب الصوت الحزين 📕

ندبه للامام علي عليه السلام

جيت يم بابك واجر بخطوتي
ادري تگـضيها وعندك طلبتي

*•──≪✿🕸✿≫──•*

جيت يامولاي كاتـلني الهظم
بزينب محلفتك وجـر الجدم
وبعد بالزهره وضلعها المنهشم
اندبك مولاي تجري دمعتــــــي

*•──≪✿🕸✿≫──•*
ادري من انخاك تفزع يا ولي
روحي گاضيها ألمـها المبتلي
يا عقيده ومعتقد انته الـــــي
يلي انته الخير يا كل عزوتـي

✍️ام حيدر العباديه عماره

*•──≪✿🕸✿≫──•*

جيت يامولاي غاطيني الحزن
ضاگت الدنيه عليه وبس محن
نضره منك ارتجي يبن الحسن
بفاطمه اترجاك شافي علتـي

✍🏻 #_بنت العباس ع ام منتظر الجابري
*•──≪✿🕸✿≫──•*

حاضر الشدات حـماي الحــــمه
ابقه دوم انخــــــــاه انـه معلـمه
وين ابو الحسنين يحضر خادمه
دوم من انخاه يحضر شدتـــي

✍️خادمه ام البنين ام رضا
*•──≪✿🕸✿≫──•*

بدمعتي مولاي دوم اتوسلت
نـضـره للـعلات هالـليله ردت
بيك يابو الكلفه انه الزامطت
لاتخليني بهمومي ومحنـتـي

✍️ سهام علي المالكي
*•──≪✿🕸✿≫──•*
جيتك اللوعات مرسومه بدمع
ونتي تدري الشوك ذوبني شمع
ونته لليشتاك ياخير السمع

انه ازامط بيك عزي وهيبتي
✍طالبةالزهراء
*•──≪✿🕸✿≫──•*
تمت القصيده باقلام شاعرات رابطه الطف

#الندبه_بديوان_صبر_العقيلة_الجزء_١٤_.


لطميه ... ندبه لأمير المؤمنين علي عليه السلام


دير وجهك للنجف من تبتلي
وصيح حلال المشاكل ياعلي
🏴🏴💔🏴🏴
لو شفت كلبك تحير وابتله
انخه ابو زينب يحل المشكله
حلفه بالمذبوح ضامي بكربله
وكله يا مولاي غيرك ما الي
🏴🏴💔🏴🏴
كله اريدنك تنشف دمعتي
من بعيد انخاك واسمع نخوتي
انته مولاي وشفيعي بحفرتي
وانته بالمحشر تجيني لمنزلي
🏴🏴💔🏴🏴
يسمع النخوه ويحضرك حيدره
لو كلت بحماك دنيه واخره
حلفه بضلوع الزجيه الطاهره
هاذه ابو الحسنين يا نعم الولي
🏴🏴💔🏴🏴
هاذه ابو الحسنين حماي الحمه
يكضي الكلفه ويشيل الموزمه
انريد يحضرنه بهذيج المضلمه
ايطفي نار اكلوبنه التغلي غلي
🏴🏴💔🏴🏴
عدنه نار وما طفت جوه الدليل
شفنه ضيم وضيمنه الماله مثيل
يا علي وباجر المحمل من يميل
كولي اريدنك اتعدل محملي
🏴🏴💔🏴🏴
انريدك اتعدل حملنه من يطيح
احنه شيعه ياعلي وبأسمك نصيح
كل كلب بكلوبنه صبح جريح
وانهضمنه والهضم ما ينجلي
🏴🏴💔🏴🏴
حيل مهضومين هضمونه العده
اليوم جم والد يون اوالده
اليوم جم فاكد العدنه وفاكده
امذبحه الشبان نامت بالخلي
🏴🏴💔🏴🏴

*تـــمت والـــــفضـــ🤲ـــل لله تعالى*
*بقلم✍الشاعره المله أم هجران العمارجيه*
*صاحبه ديوان📚صبر العقيلة*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام

✍️🏴أنت المعزى سيدي يا صاحب الزمان ... عظم الله اجوركم💔

✍️..بذمته يحذف اسم .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👤🧿....................🥺😭💔...خدمتكم شرف لنا

قصيدة بعدة اطوار بحق الفاقد احباب


شيردج بعد ياذيج اليام
كلبي لشوفت الزينين محتام
🍂🍂🍂🍂🍂🍂🍂🍂🍂🍂🍂🍂
كلبي هموم متروس اعله فركاهم
بعد هيهات ترجع كعدتي وياهم
اعيش شلون ما ارهم بلياهم
عليهم ماطبك جفني ولانام
🍂🍂🍂🍂🍂🍂🍂🍂🍂🍂🍂🍂
عيني شلون تغفه وما اشوفنهم
غالين اعله كلبي وما افاركهم
متروسين غيرة شلون اوصفهم
وياهم ياحسافه الوكت مادام
🍂🍂🍂🍂🍂🍂🍂🍂🍂🍂🍂🍂
مادام الوكت ياناس ويانه
اخذ كل زين منه وكطع رجوانه
من دون الخلك هل وكت بجانه
وماندري بعد هم شكثر ضام
🍂🍂🍂🍂🍂🍂🍂🍂🍂🍂🍂🍂
هواي هموم بالدلال ياذنه
اريد ابجي واونن لايكه الونه
على احباب الكلب كل حيلي اهدنه
صوبني الزمان اسهام وسهام
🍂🍂🍂🍂🍂🍂🍂🍂🍂🍂🍂🍂
صوبني بدليلي وتوجع الطكه
كلبي لو يون والله الكلب حكه
خسرناهم مثلهم مابعد نلكه
شوفتهم حسافه صارت احلام
🍂🍂🍂🍂🍂🍂🍂🍂🍂🍂🍂🍂
بقلم الشاعرة سحر ام كرار الساعدي
غير مبري الذمه من يحذف اسم الشاعر


#اللهم_عجل_لوليك_الفرج🏴أنت المعزى سيدي يا صاحب الزمان ... عظم الله اجوركم💔

✍️..بذمته يحذف اسم .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀......✏️...............🥺😭💔...خدمتكم شرف

*☘️ في حق امیرالمؤمنین ع☘️*

*((الوزن موشح))*


*يا اَمصلّي الليل يا خير العمل*
  *يا علي مثلك فلا واحد حِصل*
*_(١)_*
🏴🏴🏴🏴🏴

*بس علي انت فلا    غيرك  علي.*
*يشهد  ابزودك  محمد   والعليّ.*
*وانت للاسلام ضل فضلك جَليّ*

*وسيفك ابكل موزمه الاول نِزَل*
*_(٢)_*
🏴🏴🏴🏴🏴
الك هده   وانزعوا  بيه الثياب
تشهد  ابهايه الك كل الصحاب.
لايك اسمك حيدرا  يابو  تراب
*ياكتاب ومعجزه وبيك الفَضِل*

*✍ ام يحيي العبودي*
*_(٣)_*
🏴🏴🏴🏴🏴

*ياهو مثلك علي يتحدى الصعاب
وياهو غيرك طبر مرحب راسه صاب
يل  قلعت  بغزو  خيبر  منها  باب*

*يلي فرحت النبي وشلت الحِمِل*

✍☘ام فراس الساعدي☘
*_(٤)_**
🏴🏴🏴🏴🏴

ماكو غيرك نصر دين الله محال
ابد ما ينوجد   مثلك    بالخيال
شرد اوّصفك بلمعاجز والافضال

*يلي نفسك نفس طه بلا فَصِل**
✍☘ام فراس الساعدي☘
*_(٥)_*
🏴🏴🏴🏴🏴

*ياعلي اسمك يطيّب كل نفس
منو  مثلك  علي  ردتله  الشمس
شلون يتجرى ويضربك هلرجس

*نكر زادك والملح لا ماخِجَل*

✍☘ام فراس الساعدي☘
*_(٦)_*
🏴🏴🏴🏴🏴
بيك الوذ وماالي غيرك سند
انت   حلال المشاكل   ياضمد
الشيعه كلها تصيح ياحيدر مدد

*ياشفيعي بگبري لو حان الأجَل*

✍☘ام فراس الساعدي☘
*_(٧)_*
🏴🏴🏴🏴🏴
٨/رمضان /١٤٤٤
*تمت بحول الله وقوته*
باقلام شاعرات اهل البيت ع
✍☘ام فراس الساعدي ☘
✍ام يحي العبودي
غير مبري الذمه لكل من يغيير الاسم او ياخذ كلمات القصيده وينسبها اليه

بطور الموشح
لطمية لمولانا امير المؤمنين علي عليه السلام
٪٪٪٪٪٪٪٪٪٪٪٪٪٪٪٪٪٪٪٪٪٪٪
اتگول زينب والدمع منها جره
كثرت اهمومي وروحي امرمره

➖➖➖🖤➖➖➖
ابد عيني ماطبك الها جفن
روحي مَمروده نَحلهه الحزن
الگلب حَن الشوفتک یا ِابو الحسن
عوفها یا بویه نوم المگبره

✍🏻... *ام حيدر العباديه عماره*
➖➖➖🖤➖➖➖
شلون بيه ومن تحن روحي الهلي
بل هضم ونوح گلبي مبتلي
رد حمل وياك ومشي ياعلي
بویه اخذنی ویاک ما احمل تره

✍🏻...*العلويه ام علي*
➖➖➖🖤➖➖➖
أنه زينب بت علي حامي الدخيل
شال ابوي ودمعي عل وجنه يسيل
وسفه راح الماكو بأوصافه مثيل
روحي بغيابة صفت متدهورة

✍🏻 ...*هدى المرزوق*
➖➖➖🖤➖➖➖
اشلون گلبک طاوعک تجفینی
یل مشن ویاک احله اسنینی
ليلي شاهد ما تغمض عيني
الیل ما نامه اعیونی مساهره

✍🏻....*یسرا الموسوی*
➖➖➖🖤➖➖➖
ليلي ونهاری احن الشوفتک
نَحلت کل حیلی بویه فرگتک
اِلمقابر حيف مِنی فردتک
الیل ما نامه اضل امناطره

✍🏻...*ام علی البیضانیه*
➖➖➖🖤➖➖➖
روحي ماتحمل غيابك والهجر
والكلب بجفاك مملي بالقهر
لاتكلي صبري ما احمل صبر
بدليلي النار بويه موجرة

✍🏻 ...*هدى المرزوق*
➖➖➖🖤➖➖➖
تـــمـ بعون الله تعالى ـــت
بقلم شاعرات اهل البیت ع
في رابطة دموع العقیله ع 
لانجيز حذف الاسماء✋
🙏🏻نسالكم الدعاء🙏🏻

⬛️◾️▪️⚫️﷽⚫️▪️◾️⬛️
*تجليبة لأمير المؤمنين ع بطور الفزاعيه او المربعه او النزله وأطوار أخرى مكتوبة نهاية القصيدة*
.
🏴 القصائد والنواعي والأطوار الجديده والقديمه المكتوبة (لمناسبات شهر رمضان وليالي القدر)
▼
علي ابمحرابه طايح والدمه اخضابه
قريب الموت  ، يوگف ويلي بعتابه


صرخ جبريل و أركان الهدى اتهدمت
عليه الحور و أملاك السمه لطمت
على الشيعه جيوش النايبه هجمت
و اجت له ابمسجده محزونه أحبابه


تنادي الحره يخواني شنو الصاير
عجيبه كل فرد منكم طلع حاير
أحس دلالي چن عالمرتضى فاير
يخوفي امطبر ابراسه في محرابه


تعالوا انشوف اشجره بالمرتضى حيدر
تلون مسجده يا ويلي بالأحمر
كثر نزف الدمه چن وجهه ظل أصفر
تون أرض و سمه و اتنوح لمصابه


إجوا أولاده مفزوعين للمسجد
يريدون الوصي عالرجله يمشي ايرد
لگوه اعله الأرض يا وسفه متمدد
ينادي له الحسن ما يسمع اجوابه


وصي المختار و اشذنبه اليطبرونه
وسط فرضه في محرابه يغدرونه
على امصابه ، گلب أهله يكسرونه
دمه جرحه بقى شاهد على اثيابه
==
.📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ـــ

لطميه للإمام علي عليه السلام🎤🎤


الله أكبر صوبو مولانه

الليله عينك ياعلي سهرانه

______________________

شلون ابن ملجم اجه وطفه الضوى
لايصلي ولا لوجه الله نوه
راح يضرب راس شيال اللوه
وگمنه نصرخ والحزن غطانه
الله اكبر صوبو مولانه

__________________

انت للأسلام حارسهه وامين
انت ياسيف النبي ابذيچ السنين
ليش صابو راس أمير المؤمنين
اليوم عينه امن السهر ذبلانه
الله اكبر صوبو مولانه

________________


ماطرح راسه لمَ انطر الفجر
شخملك ياحيد يافارس بدر
العيد باچر واليتيم ينتضر
ايگول واعدنه ومشه وخلانه
الله اكبر صوبو مولانه

__________________
بقلم شاعرة اهل البيت ع المله
أم ريام دخيل الركابي✍..

قصيده حزينه لوداع زينب لأبيها ع

حالفه لا ما اعييد ...والبس اسود يا علي
عيد ما بيه الزچيه...وانته شايل يالولي

عيدي اخلصه بالمگابر
عفيه گلبي شلون صابر

وبعد ضيم اهواي ادري وادري تگضي كل هلي
😭😭😭😭😭😭😭🏴🏴🏴🏴🏴
طبرتك مردت دليلي جمره تلهب بالگلب
شلون من جابوك إليه الهامه من دمك تصب
صاحو اهنانه يزينب هذا ابوچ ومنضرب
ضربو الهامه بسيجوده وهوه لله محتسب

صورته تبقه بخيالي
عيدي اون وهذا حالي

ما يفل حزنك يگلبي وادري تگضي كل هلي
😭😭😭😭😭😭😭🏴🏴🏴🏴🏴
ما يفل حزنك يگلبي وبعده ايجر الونين
عالحسن مسموم يمشي وبعده ايروح الحسين
والحسن يمرد دليلي يا بعد عيني الحنين
ايخاف لا اشوفن چبدته اه يا ضيم السنين

اه يا بين النوايب
گلبي منك دوم ذايب

اكتب احزاني بدموعي ...وادري تگضي كل هلي
😭😭😭😭😭😭😭🏴🏴🏴🏴🏴
اكتب احزاني بدموعي ما تجف حد الممات
اعضم امصاب اليهدني بعده ما اريد الحيات
من اشوف حسين مرمي  هاي اكبر نايبات
بعده نمشي ابليه والي حيف كلنه ميسرات

والشمر يبره الضعنه
بكربله اشتت شملنه

والشمر يزمخ عليه وادري تگضي كل هلي
😭😭😭😭😭😭😭🏴🏴🏴🏴🏴
هذا يا عيد الاعيده وانه باليني الدهر
ما شفن راحه بحياتي ونتي طول العمر
مو عجيبه شلون گلي ادخل بمجلس كفر
وانه معروفه العقيله والعزيزه ام الخدر

انه بت خير العمل
دمعي من عيني همل

اه يا نار الشماته وادري تگضي كل هلي
😭😭😭😭😭😭😭🏴🏴🏴🏴🏴
من يگلولي بشماته وين كافل محملچ
وين عباسچ يزينب منهو عگبه اينّزلچ
وينهم اهل الحميه اليوم شالو كل هلچ
صار اسمچ خارجيه گولي چا منهو الچ

جابو الروس بطشتهم
اله نحرك گلب اختهم
نضري لخوانچ يزينب وادري تگضي كل هلي
😭😭😭😭😭😭😭🏴🏴🏴🏴🏴
راح نگعد بالخرابه ولوعت الطفله بعد
راح اشاهدها يخوتي ربي واعدني وعد
من تصيح اهنا يبويه وانه ضيعت السند
تغفه عالراس بدمعها ترحل اولا ما ترد

لو جبل صبري تهدم
والجرح ما يوم يلتم

جروح البگلبي چثيره وادري تگضي كل هلي
😭😭😭😭😭😭😭🏴🏴🏴🏴🏴
تمت بحمد الله وتوفيقه بقلمي الشاعره الحاجه ام حسين العسكري ناصريه يحرم الحذف والتلاعب بالقصيده أو حذف الاسم ونسألكم الدعاء

,الشاعرة الحاجه ام حسين العسكري:
الشاعرة الحاجه ام حسين العسكري: