Farzand oldida gaplashmaslik kerak bo‘lgan masalalar

Farzandlar ota-onaning har bir so‘zini diqqat bilan kuzatadi va ular orqali hayotiy qarashlarini shakllantiradi. Shuning uchun ota-ona o‘z gaplariga alohida e’tiborli bo‘lishi kerak. Quyida farzandlar oldida gaplashmaslik lozim bo‘lgan ba'zi masalalar keltiriladi:

1. Oilaviy mojarolar va nizolar. Farzand ota-onaning janjaliga guvoh bo‘lsa, bu uning ruhiyatiga salbiy ta’sir qiladi. Kelishmovchilik yuzaga kelganda darhol alohida gaplashib olish kerak.

2. Xos munosabatlar haqida. Er-xotin to'shak hayotiga doir gaplarni nafaqat bolalar oldida, balki hech kimning oldida gapirmasligi kerak!

3. Yosh bolalar tushunmaydigan kattalar mavzulari. Siyosat, qiyin hayotiy muammolar yoki ularga qiyin bo‘lib tuyuladigan mavzularni farzand oldida muhokama qilish ularda chalkashlik va tushunmovchilikka sabab bo‘ladi.

4. Bolalar tarbiyasi haqida. Hatto uning aka-ukalari, opa-singillarining xulqi, tarbiya borasida tutmoqchi bo'lgan yo'lingiz haqida ham bolalar oldida gaplashmang.

Farzandlar bilan muomala qilishda ehtiyotkor bo‘ling. Ular ota-onasining nafaqat so‘zlaridan, balki munosabatidan ham saboq oladi. Shu sababli har bir so‘z va harakat tarbiyaviy ahamiyatga ega ekanini unutmang.

#tarbiya

@GiyosiddinYusuf

Bolangizga yordamlashing!

Ota-onani rozi qilish har bir farzandning burchidir. Ammo buning uchun ularning o'zi ham bolaga yordamlashsa, qanday ham yaxshi!

Yaxshilikka undash o‘rniga yomonlikka buyurish yoki ortiqcha qaysarlik qilib, farzand bilan orani buzishga sabab bo'lish ota-onalikka to‘g‘ri kelmaydi.

Siz avvalo ota-onaning roziligini topadigan farzand tarbiyalashga harakat qiling, so'ngra o'zingiz buning uchun unga mehr va tushunish ila ko'maklashing. Har holda sizda hayotiy tajriba, ota-onalik shafqati, marhamati bor.

#tarbiya

@GiyosiddinYusuf

Yozish bo‘yicha tavsiyalar

1. O‘qing va kuzating. Har bir yozuvchi o‘quvchi bo‘lishiga kerak. Shuning uchun ko‘p kitob o‘qing. Hayotni har tomonlama kuzating, odamlar, voqealar va his-tuyg‘ularga e’tibor bering.

2. Sodda yozing. Fikringizni juda murakkab ifoda qilishga urinib, uni tushunarsiz qilmang. Oddiy, ravon va ma’noli so‘zlarni tanlang. O‘quvchiga gapingiz qanday ta’sir qilishini o‘ylab yozing.

3. Mulohaza qiling. Yozishdan oldin fikringizni to‘g‘ri shakllantiring. Nima yozmoqchi ekaningiz, nima uchun yozayotganingiz va bu kim uchun kerakligini aniq bilsangiz, matningiz ravon va ta’sirli chiqadi.

4.Har kuni yozing. Qancha ko‘p mashq qilsangiz, shuncha malakangiz oshadi. Hatto qisqa qayd, kundalik xotira bo‘lsa ham har kuni biror narsa yozishni odat qiling.

5. Qayta ishlang. Har qanday matnni bir marta yozish bilan tugatmang. Yozganingizni qayta-qayta o‘qing, keraksiz so‘z va jumlalarni olib tashlang. Fikringizni aniqroq va ravonroq ifoda qilishga harakat qiling.

6. O‘rinli tanqidlarni qabul qiling. Boshqalarning fikrini eshitishdan qochmang. Tanqid ijodingizni yanada rivojlantirish uchun zarur. O‘rinli tanqidlarni qabul qilib, o‘z ustingizda ishlang. Ayniqsa, hasadgo‘ylar, dushmanlar sizning kichik kamchiligingizni ham bo‘rttirib ko‘rsatadi. Siz o‘zingizga ko‘rinmagan aybni mana shunday "beminnat mikroskoplar" orqali ko‘rib, xatolaringizni tezda tuzatish bilan ag‘yorlaringizni "changingizda" qoldirib keting. Tanqidlardan aslo tushkunlikka tushmang, ortga qaytmang!

7. Ilhomni kutmang. Ilhom kelganda yozish zavqli, lekin ilhomsiz ham yozish mumkin. Dastlabki bir necha qatorni yozishga kuch topish bilan ilhomni "uyg‘otib oling".

8. Mazmunga e’tibor bering. Gaplarning chiroyli chiqishiga emas, balki ularning mazmuni qanchalik ta’sirli ekanligiga e’tibor qarating. Jimjimador so‘zlarning bir-biriga ulangani emas, ma’noli matn yaxshi matndir.

9. O‘z uslubingiz bo‘lsin. Biror yozuvchining uslubini takrorlashga intilmang. O‘z fikringiz, o‘z til va uslubingiz bo‘lsin.

10. Yozishni seving. Bu siz uchun og‘ir vazifa emas, yoqimli jarayon bo‘lsin. Yozish bilan yashang, nafasingiz kabi muhim bo‘lsin! Yozishdan zavq olishni o‘rganing, shunda ijod ham yoqimli va samarali kechadi.

@GiyosiddinYusuf

Bolalar uchun odobga doir yangi kitob yozdim. Rasmlar bo'yicha dizayner @Dilshod_Bahrom bilan birga ishlayapmiz.

Tez kunlarda emas, lekin 2-3 oyda nashr qilinadi, inshaalloh. 😊

#Ijod

@GiyosiddinYusuf

Ota-ona o‘z farzandiga go‘zal axloq -odobdan yaxshiroq meros qodirolmaydi degan gapga ko‘proq amin bo‘lyapman. Ulg‘ayganim sari o‘zimdagi nuqsonlarni ko‘proq ilg‘ayapman, bolalarim tarbiyasida o‘zim yo‘l qo‘ygan xatolarni tushunyapman.

Insonda kerakli ilm bo‘lmasa o‘zi bilganicha va o‘zi ko‘rganicha ish tutarkanda, to‘g‘ri bilim, sinalgan to‘g‘ri tajriba asosida ish tutilsa natija ham shunga yarasha go‘zal bo‘lishi mumkin.

Tarbiya va sayqallash ishi o‘lgunimizcha davom etaveradi, o‘zimizni tuzatishga doim muhtojmiz. Shu yo‘lda G'iyosiddin Yusuf yozgan ushbu kitobni ham tavsiya qilaman. O‘qib, ma’naviy boyib, shunga yarasha axloqimiz yaxshi tomonga o‘zgarsa ajab emas. Bolani emas o‘zingni tarbiya qil bolang sendan o‘rnak oladi deydilar. Ha, o‘zimizda yo‘q narsani berolmaymiz.

Kitobni Qamar kitob doʻkonidan topish mumkin.

https://www.tg-me.com/YaqinOzbek

72 yoshli Muhammad Aziz – dunyodagi eng ko‘p suratga olingan kitob sotuvchisi, Rabot shahri, Marokash.

U kuniga 6–8 soat vaqtini kitob o‘qishga bag‘ishlaydi va faqat ovqatlanish, namoz o‘qish yoki mijozlariga yordam berish uchun tanaffus qiladi. Qolgan vaqtda esa u shahar bo‘ylab yurib, kitob izlaydi va keyinchalik ularni o‘z do‘konida sotuvga qo‘yadi.

U kishining o'zi bunday deydi: “Men arab, fransuz, ingliz va ispan tillarida 4000 dan ortiq kitob o‘qiganman, demak, 4000 dan ortiq hayotni yashaganman. Har bir inson shunday imkoniyatga ega bo‘lishi kerak! Menga kunimdan zavq olish uchun faqat ikkita yostiq va bir kitob kifoya".

#Tarjima #kitob

@GiyosiddinYusuf

"Jelsomino yolg‘onchilar mamlakatida"

Butun dunyo bolalar yozuvchisi Janni Rodarining ushbu kitobi bolalar maza qilib, kulib o‘qiydigan asar bo‘lsa-da, kattalar bu kulgilar ostidagi achchiq haqiqatni anglay oladi.

Bu mamlakatni bosib olgan qaroqchi o‘zining obro‘sini ko‘tarish maqsadida barcha so‘zlarni teskari ma’noda aytishga buyuradi. Shunda "qaroqchi" so‘zi "yaxshi odam" degan ma’noni, "yaxshi odam" so‘zi "qaroqchi" degan ma’noni bildirar edi-da. Hatto mamlakatda haqiqiy pul o‘rniga soxta pul ishlatiladi. Kim bularga amal qilmasa, jazolanadi!

"Xayrli kun" o‘rniga "xayrli tun", "non" o‘rniga "siyoh" so‘zlari ishlatiladi. Hatto mulozimlar shohga ezgulik tilamoqchi bo‘lsa, "Aftingiz qursin!" deydi.

Jelsomino bu mamlakatga kelib, bunday tartib-qoidalar bekor bo‘lishiga, odamlar rost gapirishga qaytishiga sabab bo‘ldi. Yana kitobda o‘tirsa qarib qoladigan qahramon ham bor. U doim yuradi, ammo o‘rni kelganda odamlarga yaxshilik qilish uchun o‘tiradi. U odamlarga yaxshilik qila-qila qarib qoldi va umri poyoniga yetdi... Bu qahramon ham bolalarni fidokorlikka, ezgulikka undaydi.

Bolalar va kattalarga o‘qishni tavsiya qilaman.

#mutolaa2025

@GiyosiddinYusuf

So'rovnomada "Andijondaman" deb ovoz bergan 200 dan oshiq kishi, sizlarni eslab qoldim! 😊

Yangilikka tayyormisizlar? — 🔥

"Go'zal xulqlar" kitobining taqdimoti ANDIJONDA!

8-fevral, 10:00 da Andijon shahrining "Billi school" maktabida "Go'zal xulqlar" kitobining taqdimoti bo'ladi!

Taqdimotda maktab o'quvchilari ushbu kitob yuzasidan kitobxonlik bellashuvi o'tkazadilar hamda muallif bilan uchrashuv bo'ladi.

Barcha ishtirok etishi mumkin, bepul!

Aloqa uchun:
+99855-500-99-88
+99893-910-99-88

Telegram: @Billiuz

@GiyosiddinYusuf

Alloh taolo go'daklarga ulkan qalb bergan-da, bo'lmasa, bunchalik mehr-e'tiborni ko'tarish qiyin edi!

Farzandlaringiz, atrofingizdagi go'daklarga qarang: kattalarning biri qo'yib biri o'pib, quchib mehr beradi. Biz kattalarga buncha e'tibor berilsa, o'zimizdan ketib qolsak kerak. 😊

@GiyosiddinYusuf

Ali Jobir Fayfiy | "Buyuk shaxsiyat"

"Nabaviy tarbiya"dagi halovatni boshqa kitobdan topa olmayotgan bo‘lsangiz, bu kitob aynan siz uchun! Hatto bu kitobda jumlalar yanada ziynatli, yuksak badiiy mahorat bilan yozilgan, muhabbat ifori kelib turgan har bir so‘z guldek ochilib qalblarni fath etuvchi ekan.

Kitobda Rasululloh sollallohu alayhi va sallamning bir necha go‘zal xislatlaridan ibratlar keltirilgan. Xususan, vahiy nozil bo‘la boshlagandagi holatlari, sabrlari, hilmlari, tabassumlari, vafotlari... 😔

Kitob "Munir" nashriyotida nashr qilingan. 176 betdan iborat.

01.02.25

#mutolaa2025

@GiyosiddinYusuf

G'iyosiddin Yusufning "Bolamni yaxshi ko'raman" kitobidan #iqtibos

#tarbiya

@GiyosiddinYusuf

Jonli mavjudotlarning rasmini chizgani to'g'ri emas, lekin topgan uslubi yaxshi ekan. 😊

@GiyosiddinYusuf

Qattiq intizom bolaning ruhiyatiga zarar yetkazadi

Statistik ma’lumotlarga ko‘ra, oilalarning 90 foizida ota-onalar kamida bir marta farzandiga baqirgan. Biroq bu usul bolaning xulqini tuzatish o‘rniga, aksincha, muammoni yanada chuqurlashtirishi mumkin.

Child Development jurnalida chop etilgan tadqiqot natijalariga ko‘ra, olimlar 967 oilani kuzatgan va 13 yoshli bolalar bilan olib borilgan tajribalar shuni ko‘rsatdiki, qattiq so‘zlar bilan jazolash o‘smirlarning xulq-atvorini yomonlashtirib, ularda depressiya rivojlanishiga olib kelgan. Qizig‘i shundaki, bu holat ota-onalar farzandlari bilan yaqin munosabatda bo‘lishsa ham kuzatilgan.

Aksariyat ota-onalar farzandi bilan iliq munosabatda bo‘lish qattiq intizomning salbiy ta’sirini kamaytiradi deb o‘ylashadi. Aslida esa ota-ona mehrining o‘zi og‘ir so‘zlarning ruhiyatga yetkazadigan zarbalarini yumshata olmaydi – ular har qanday holatda ham bolaga zarar yetkazadi.

#tarbiya #tarjima

@GiyosiddinYusuf