فزاعيه اول يوم من محرم
-----
هاي ام الحسن وحسين
تحضر كل مجالسنه

--------
حضرت مجلس الوالي
تصيح النوح يحلالي
واسوني بدمع هالي
بدمع العين والونه
--------
تحضر مجلس المظلوم
تنادي وتنتحب كل يوم
حسين امن العذب محرم
وخيل الكوم داسنه
-------
على حسين الدمع جاري
وما تبرد ابد ناري
انوح بليلي و نهاري
وين الي تساعدنه
---------
المصايب هدمت حيلي
انوح انهاري وليلي
على ابني تصوب ادليلي
مصاب حسين دوهنه

--------
مصايبهم تفت روحي
انوح وهاجت اجروحي
على المذبوح كل نوحي
مصاب ابني لتنسنه
--------
وياكم ما تشوفوني
ابجي ويعمن عيوني
على المذبوح عينوني
وذكرو كل مصايبنه
----------
شاعرة اهل البيت

ام حسين الهلالي
لتنسوني ووالدي من الدعاء
https://www.tg-me.com/gjjyfko

هذا مجلس اليوم الثاني من محرم
👍👍👍👍
نسالكم الدعاء

شده الخروج من المدينه

زينب تنادي لكربله ماشين اهلنه
عفنت المدينه وماشيه ويه اهل المحنه
-------
زينب تنادي فاركت ارض المدينه
ورحنه سويه لكربله برفكه ولينه
عباس والاكبر وجاسم حايطينه
طول الدرب عباس ظل يبره بضعنه
-------
طول الدرب عباس يتفكد اضعوني
محله خوال الولد همه يدللوني
يحفظكم الباري وتفداكم عيوني
ياريت وياكم سوى يرجع شملنه
--------
ماقصروا وليانه طيبن الكلوب
حاطوا ظعنه بك مروفه كطعنه الدروب
وياهم انه مدلله لو صار الغروب
كلهم اخواني حايطين الضعن النه
--------
متنومسه زينب واهلها حايطيها
وطول الدرب عباس حط
عينه عليها
وصاه ابوه المرتضى هو وليها
وياك اجينه يالولي وانته التردنه
-------
وياك طلعتنه سوى والراس عالي
عفنه المدينه وعفنه دار حسين خالي
وكبالنه ترف ريته بيده الوالي
عباس اخونه وهو حامينه وذخرنه
---------

شاعرة اهل لبيت
ام حسين الهلالي
لتنسوني ووالدي من الدعاء

https://www.tg-me.com/gjjyfko

فزاعيه نصف بحر طويل
لليوم الثاني

وين اهل المروه اليوم
شالوا وين نيتهم

---------
شالوا وين هالنيه
ابو اليمه وغواليه
هم الهم بعد جيه
لو هيهات ردتهم
==============
كل العايله اخذوها
والديران سدوها
خافن مايردوها
وليها بعد شيردهم
=================

مسدود النزل ظلمه
عنه شال ابو اليمه
على اعياله كثر همه
طلعوا من وطن جدهم

=================
مسدود النزل خالي
عنه شايل الوالي
وانه شصاير ابحالي
روحي والفكر عدهم
=================

حسين محمل اعياله
وياه محزمه ارجاله
وعباس العلم شاله
اشحده اليوصل الحدهم

=================
اشمحله رفجه الاخوه
وياهم كعدتي حلوه
هيبه وللكلب سلوه
ريت الروح فدوتهم

==================================
✍️✍️ام حسين الهلالي
اسالكم الدعاء لي ولوالدّي
لا اجيز شرعا حذف الاسم
https://www.tg-me.com/gjjyfko
---------

مجلس اليوم الثالث نسالكم الدعاء 👍👍👍👍👍

هذا مجلس يوم الرابع للعليله 👍👍👍👍
لتنسونه من الدعاء

قصيده للعليله الوزن شيعتي


يابويه اشلون تخليني
موتدري فراكك ياذيني
حكي لو ونيت بويه
ياعمود البيت بويه
موتدري فراكك ياذيني
.........................................
بالدرب ظليت اتاني
هم تجي وترجع اليه
لا خبر منك اجاني
ولا اجت منك وصيه
كلبي يتواجر لهيبه
وطالت الغيبه عليه

زادت حسراتي وونيني
وعليكم بس تهل عيني

موجله ظليت بويه
ياعمود البيت بويه
موتدري فراكك ياذيني
...........................................
موحشه الدار بغيابك
ظلمه من بعدك يوالي
وانه يابويه وحيده
ودمعتي بعيني تلالي
طالت الغيبه عليه
وحشه يابويه الليالي

من عكبك ياهو يسليني
مكسوره خاطر تدريني
بالحزن ونيت بويه
ياعمود البيت بويه
موتدري افراكك ياذيني
...........................................
طالت الغيبه عليه
بويه والوحشه كتلتني
لا خبر منكم اجاني
ولا احد منكم وصلني
وانه تدريني عليله
ماسألتوا يهلي عني

ماكدر احمل فركاكم
يالعفتوني وين الكاكم
عالدرب تانيت بويه
ياعمود البيت بويه
موتدري فراكك ياذيني
..........................................
بالنزل عفتوني وحدي
ورحتوا يحبابي بجمعكم
عالدرب مشبوحه عيني
انه ظليت بأملكم
خايفه اعليكم يهلنه
واسال الباري يردكم

تردولي وأهنه بشوفتكم
مااكدر احمل فركتكم
للدمع هليت بويه
ياعمود البيت بويه
موتدري فراكك ياذيني
..........................................
الشاعره ام حسين الهلالي
اسالكم الدعاء لي ولوالدّي
لا اجيز شرعا حذف الاسم

https://www.tg-me.com/gjjyfko

نعي للعليله
...............
ظليت يهلي تايه الراي
ماكوا ولي بالبيت وياي
والكربله حمّلوا ولياي
.............
مشوا حمّلوا كلهم سويه
لاسألوا ولا فكروا بيه
ابجي واون صبح ومسيه
..............
ظليت وحدي بالمباني
ولاطارش المنهم اجاني
عليله وحيرني زماني
...............
حيرني زماني ورايدتهم
طالت المده وماشفتهم
واهواي صار امفاركتهم
...............
يهل المحنه وين صرتوا
بحال العليله ماسالتوا
طالت الغيبه ومارجعتوا
..............
الغيبه طويله اشلون بيه
محد اجه وينشد عليه
تدرون ما احمل اذيه
................
ماغمضت بالنوم عيني
عليله واهلي مفاركيني
ياهو الي يذكرني ويجيني
.................
مشتاكه روحي اليوم ليهم
ارداشوفهم واسمع حجيهم
ياهو اليدليني عليهم
.................
لتنسونه من الدعاء
ام حسين الهلالي

https://www.tg-me.com/gjjyfko

شده لاولاد مسلم
------
شيكول كلب الوالده الضاعوا ولدها
تدور بوادي كربله عليهم وحدها
----
شيكول كلب الوالده الضايع ضناها
تحشم يبو فاظل اخوها ومااجاها
وتكول ليش الوالي بت عوده نساها
ماكال اختي ولا ولي هاليوم عدها
------
ظلت حزينه اعلى الولد من فاركتهم
وتكول شيصبر الكلب عالضيعتهم
ماعندي والي واهلي بالحومه افكدتهم
ياهو اليدور عالولد ياهو اليردها
-------
شيكول كلب الوالده الضايع طفلها
تحشم بهلها اليوم والدمعه تهلها
واخوانها نومه على التربان كلها
ايست منهم ظلت تفرفح وحدها
------
شكول كلبي وراحوا اولادي سويه
والليل اجاني والوكت اظلم عليه
حيرني دهري وافكدت طاهر واخيه
الليل مانامت ودمعتها اعلى خدها
-----
حشمت بالوليان والوليان نومه
بين الذي عالمشرعه فاضت ادمومه
بين الذي ممذبوح ومسلبه اهدومه

والله عظيم مصابهم روحي مردها
-----
شيكول كلبي افكدت حلوين المعاني
وهذا المصاب امنين ياهالناس اجاني
بخواني والويلاد حاربني زماني
احباب كلبي والوكت عني بعدها
----
شاعرة اهل البيت
ام حسين الهلالي
لتنسوني ووالدّي من صالح الدعاء
https://www.tg-me.com/gjjyfko

فزاعيه لولاد مسلم

------
ويلي على الايتام
مارحموهم
------
ايتام فروا وين
من طاح اخويه حسين
تصيح وتهل العين
ايتام مسلم هالعده تولوهم
------
من هجمت العدوان
من حركوا الصيوان
فروا من الميدان
شنهو ذنب الاطفال ويضربوهم
-------
اتنوح وتهد الحيل
وتصيح اجاني الليل
اولادي المداليل
اعزاز كلبي والعده تولوهم
------
من العده يخافون
وبالليل يرتاعون
واعلى الاهل يبجون
هاي اليتامه امن الاهل حرموهم
-----
اطفال وارتهبوا
ومن العده خافوا
وللوالده صاحوا
ولورادوا ينامومون ميخلوهم
-------
اطفال ظلموها
لمن تولوها
عالنهر ذبحوها
عتره الهادي ليش ماراعوهم

-----
شاعرة اهل البيت
ام حسين الهلالي
من ديوان عبرات الموالين
الجزء الرابع
---------
https://www.tg-me.com/gjjyfko
لتنسوني ووالدي من الدعاء

شده لولاد مسلم

من شاف حلوين الصور ضاعوا عليه
ياهو اليدورهم واخوتي اعلى الوطيه
***
يا ناس منهو الشاف حلوين المعاني
مشدوها مدري وين وداهم زماني
الليل اظلم والمدلل ما
اجاني
زغير ولا يحمل يها الوادم
اذيه
*****

زينب بجت وتنادي من شاف المداليل
منو اليدوركم ييمه بتالي الليل
ياناس والله ناحله ومابيه كل حيل
ظليت يبني امحيره واصفك بديه
****

اولاد مني ظيعت والكلب محتار
لاوين وداهم زماني والفكر
طار
من عندي ضاعوا والكلب يشتعل بالنار
من هجمت العدوان ضاعوا من اديه
*****
من حركوا اخيامي علي كوم الاعادي
فروا اطفالي بالخلي ومردو افادي
ناديت من ينغر الي يدور اولادي
ماواحدلصوتي سمع ويكوم ليه
****

زينب بكت متحيره وتصفح بالايدين
وتنادي لاويلاد لاعباس وحسين
بس العليل وكومه اطفال ونساوين
ياهو اليدورهم الي. وينغر عليه

***
شادهني خال ابني وضيعت المداليل
فروا امن ايدي يالولي من هجمت الخيل
افتر وادور بالخلي والمدمع ايسيل
ماكعد خال ابني و يدورهم اليه

*
الشاعره
ام حسبن الهلالي
اسالكم الدعاء لي ولوالدي
لا اجيز شرعا حذف الاسم
https://www.tg-me.com/gjjyfko

نعي  مجرد
لاولاد مسلم ابن عقيل

اه اه

الله  يساعدها  الغريبه

تكول المدلل من يجيبه

ومذبيح اهلي بالحريبه

-------------

تاه  الفكر  والكلب  محتار

وانه امضيعه ويلادي الازغاز

فروا سوى من لهبت النار
---------------

ياكربله اشسويتي بيه

وشبان راحوا من اديه

الليل اجه وشلون بيه
-------------

اظلم الوكت والليل اجاني

وانه حرمه ودولبني زماني

وضيعت حلوين المعاني
---------------

هجمت الخيل ورجف كلبي

واعلى الولد ماشوف دربي

دخيلك  دسلمهم   يربي
----------------

ام   الولد  شنهو  صبرها

وسط الكلب يسعر جمرها

بالولد   حاربها     دهرها

------------
ضاع  الولدواشلون صبري

ومدوهنه ومشدوه فكري

وتحيرت   ياناس  بامري

--------------

ضاعواولادي بهجمت الخيل

واشلون اسوي لو اجه الليل

انه حرمه واعندي  رياجيل
-----------
تدور   ولا تندل   دربها

واعلى الولد طاير كلبها

تفرفر ودمعتها تصبها
-----------

يم الولد جبرج على الله



الشاعره
ام حسين الهلالي
اسالكم الدعاء لي ولوالدّي
لا اجيز شرعا حذف الاسم
https://www.tg-me.com/gjjyfko

فزاعيه للقاسم ع


للمحروم يحله النوح
والونه نعليها
-------
كوموا انوح وياها
هاي الفاكده صناها
ليش الولد خلاها
تنوح ومادره بيها
-------
تنوح الله يساعدها
عريس انفكد عدها
فراكه هواي ماردها
عليه العين تجريها
---------
من المدلول حرموها
تون وتنوح خلوها
بيه اشلون فجعوها
راح الجان يحميها

------
هاي ام الولد شتكول
عنها شايل المدلول
وبدال العرس مكتول
الزفه انحرم تاليها
--------
محروم الهوى بنفسه
لا زفه ولا ونسه
اشبيب وانحرم عرسه
اشموع العرس طفيها
------

جسام العرس فاته
دم النحر حناته
يتصارخن عماته
راح وما رجع ليها
--------

شاعرة اهل البيت
ام حسين الهلالي
نسلكم الدعاء لي ولوالدي بالرحمه

https://www.tg-me.com/gjjyfko

هنا مجلس للشباب القاسم ابن الحسن👍👍👍

{﷽} 💙

📌 يبدأ الـآن دعـم صَبراً وَ نَصراً تثبيت اللستة نصف ساعة بدون نشر لطفاً.

من هنا مجلس علي الاكبر
عليه السلام👍👍👍👍

من هنا قصايد للطفل الرضيع👍👍👍👍

مجلس اليوم العاشر ماجورين👍👍

هنا مجلس السيده رقيه
👍👍

هذا مجلس الدفن اضغطوا من هنا👍👍