تجليبه(مربعه)
-------
خلصنه العزه وكملته القرايه
ويه ام الخدر لحسين وفايه
--------

خلصنه التعازي واللطم والنوح
دم ادموعنه تنزل على المذبوح
الله يعودنه مشايه كلنه نروح
نواسي ام الخدر زينب بهالغايه
--------
خلصنه التعازي بخدمة الوالي
على المذبوح صبينه الدمع هالي
يستاهل بجينه ونوحنه الغالي
فدوه نروح لسمك آيمولايه
-------
فدوه نروحلك يحسين كل احنه
تستاهل الك يجرن مدامعنه
نواسي ام الخدر بالنوح والونه
اشما نلطم عليك نقصر اهوايه
-------
اشما نلطم عليكم احنه المقصرين
تستاهل دمه تجري دموع العين
منوافيك يامذبوح آيحسبن
ولانقدر نواسي صاحب الرايه
-------
شهرين التعازي بخدمة الزهره
نواسيها بولدها المنكطع نحره
ماذينه مصاب الرضرضو صدره
يمه النهر يجري او ماشرب مايه
-------
يمه الماي يجري او ماشرب منه
عطشان انذبح والخيل داسنه
يستاهل لطم يستاهل الونه
اريد امه الزهره توكف اويايه
-------

خادمة اهل البيت
ام حسين الهلالي

لتنسوني ووالدّي من صالح دعائكم
https://www.tg-me.com/gjjyfko

هاي قصيده جديده الان كتبتها بطلب من احد الاخوات 👍👍👍

من هنا مجلس الإمام العسكري (ع)

مربعه للزهراء
--------

شهو اليوجعج يايمه حاجيني
وتلوجين منه يابعد عيني
-----
شنهو اليوجعج يم حسن يايمه
وتلوجين وكليبي كثر همه
مااحمل افراك عليج متعلمه
لتروحين يايمه وتخليني
-----
شنهو اليوجعج يم الحسن وحسين
وتلوجين من عنده ينور العين
ومانمتي ييمه الليل وتونين
كسر ظلعج ييمه هواي ماذيني
------
كسر طلعج يبمه هواي ماذينه
على مصابج يزهره اهواي ونينه
لتروحين يحبيبه وتخلينه
مااكدر على فركاج تدريني
-------
ماصحلي دوه لضلعج واجيبنه
على مصابج اجر ونه باثر ونه
بعد وجهج ييمه وين اشوفنه
اريد اوياج يمه اكضي اسنيني
--------
اريد اوياج يمه اكضي العمر كله
ترى افراكج يماي العين شيحمله
مردتي ارويحتي يابت رسول الله
اهنا يم الحسن عدمن تخليني
-------
ارثي للزجيه واجهد عليها
مولاتي واريد اليوم انخيها
اريدن حاجتي بالعجل تكضيها
وبيوم الحشر مولاتي حضريني
-------

شاعرة اهل البيت
ام حسين الهلالي
لا اجيز حذف الاسم
https://www.tg-me.com/gjjyfko

نعي للزهراء



زينب تصيح اشلون بيه
البيت صار اظلم عليه
تردين لوله هاي هيه

---------
البيت صار اظلم ابدونج
وعيوني مشتاكه لعيونج
يردون ويلادج يجونج
-----------
امنه ونريد انروح ليها
وكلنه اشتاكينه الحجيها
حنينه وترد الروح بيها
---------
امنه ونريد انروح عدها
وهيه احبيبتنه النودها
والوكت عن عيني بعدها
----------
بالباب ادك او ماتطلعين
اجينه الج يم كلب الحنين
جاهاي هيه او ماتردين

------------
ماتردين ونكعد وياج
حبيبه ويرد الروح ملكاج
رحتي امن اديه وين الكاج
----------
رحتي يالحبيبه امن ادينه
وكلبج انطاج اتفاركينه
لحنانج وحضنج مانسينه
---------
بالبيت صار اظلم مكانج
وياهو اليعوضنه حنانج
علواه ويردج زمانج
---------
علواه زماني يعود بيها
امي او كعدتها اشتهيها
شالت بعد وين الاكيها
----------

ام حسين الهلالي✍️
شاعرة اهل البيت
اسالكم الدعاء لي ولوالدي وللمؤمنين والمؤمنات

https://www.tg-me.com/gjjyfko

قصيده للزهراء
على طور بعد هالمسيه وداع ومنيه لباسم الكربلائي


تنوح الزجيه بهاي المسيه
وتشكي المها لرب البريه
كسروا ضلعها
ويجري دمعها
بهاي المسيه
@...............................@

خلف الباب هاي الكوم عصروها
واعلى الكاع ويلي شلون شمروها
خلوها تون مهظومه خلوها
لا راعوا ابوها او لا يهابوها
هجموا عليها
ماتدري بيها
نادت يبويه
واغشى عليها
محد سمعها
يجري دمعها
هاي المسيه
@..............................@

يبويه تصيح وينك يالرحت عني
مانشفت دمعتي ولا بطل وني
خلف الباب عصروني وجرى دمي
ومحسن طاح يابويه او وكع مني

كومك ولوني
يبويه اسكطوني
اظلوعي اكسروها
ولطموا عيوني
الظالم صفعها
يجري دمعها
هاي المسيه
@.............................@

تنوح ام الحسن والدمعه مسجومه
ولله تشتكي هالظاغي او كومه
عصروها وصفت الضلوع مهشومه
وبعد ماتكدر ام حسين عالكومه
يفضه تعالي
وشوفي اشجرالي
طايح جنيني
وظل دمعي هالي
المحسن فجعها
ويجري دمعها
هاي المسيه
@...............................@
عصروها البتول وعالارض طاحت
وكع منها الحمل ياويلي وناحت
مكسوره الضلوع او روحها راحت
تعاليلي يفضه امن الالم صاحت
يفضه الحكيني
وسمعي ونيني
كوم الولوني
سكطوا جنيني
الظالم دفعها
ويجري دمعها
هاي المسيه
@.............................@
على العتبه بقت منها الدمع سجاب
ماتكدر على الكومه الضلع منعاب
وصاحت صوت يافضه الجنين انصاب
اجت فضه ولكتها تلوج عالاعتاب
تصيح الزجيه
لحكي عليه
يفضه جنيني
راح امن اديه
تغير وضعها
ويجري دمعها
هاي المسيه
@...............................@
على فراش المرض ظلت تهل العين
مانامت ابد مكسوره الظلعين
تون بهداي لا يسمع ابو الحسنين
تخاف يذوب كلبه لو نضرها الحين
مايدري عنها زايد حزنها
تخفي المها عنه ومحنها

تخفي وجعها
ويجري دمعها
هاي المسيه
....................
شاعرة اهل البيت
ام حسين الهلالي
اسالكم الدعاء لي ولوالدي
لااجيز شرعا حذف الاسم
https://www.tg-me.com/gjjyfko

اعزيكم بشهادة الصديقه الطاهره مولاتنا فاطمه الزهراء
واسال الله ان يجعلنا من الاخذين بثائرها مع امام منصور من ال بيت محمد

نعي كرناوي للزهراء عليها السلام

انه بعازتچ وبعازه ارباج
ا يالوالده ويانور العيون

يالرحتي وظعنج حمل بساع
و لا كلتي بناتي وين يرحون

تدرين الافراگ ايطول اعوام
الناموا بالكبر ماضن يرجعون

تدريني ييمه معلمه اعليج
واظل انطر على دروب اليمرون

بلجي اعليه يايمه تحنين
وتكولين بنتي بحالها اشلون

طالت غيبتج والكلب مرتاع
واحس روحي گضت والحيل مرهون

الابوذيه

مصابج هاليعت بيه وعتبي
وابجي والقهر روحي وعتبي
عتابي عليج يايمه وعتبي
على هذا الزمان الخان بيه

الخطيبه الحسينيه
ام حسين الهلالي
اسالكم الدعاء لي ولوالدي وللمؤمنين والمؤمنات

https://www.tg-me.com/gjjyfko

من هنا مجلس لم البنين
لتنسوني من الدعاء👍👍👍

مجلس للامام الهادي عليه السلام
نسالكم الدعاء🙏🙏🙏🙏🙏🙏

قصايد للامام الهادي 🙏🙏🙏🙏

قصيده فزاعيه
نصف بحر طويل للامام علي الهادي

ننصب ماتم الاحزان
عالمسموم هالليله
.........
اليوم انهدم ركن الدين
كلنه عليه حزنانين
على مصاب نهل العين
الظالم سمه ياويله
..............
ننصب ماتم وننعه
والله مصيبته. فجعه
شال الوالي شيرجعه
سمه كطع ادليله
.............
والله مصعبته صعبه
بالسم گطّعوا كلبه
ودفنوه بارض غربه
عليه المدمع. انسيله
...........
ننصب ماتمه وانوح
عالهادي الكلب مجروح
ولمصابه نحيله الروح
كلنه الليله ننعيله
............
ننصبله تعازينه
مصاب هواي ماذينه
وعليه اشكثر ونينه
ونعزي حامي ادخيله
...............
مصابه. بالكلب اثر
وعليه الدمع حدر
نعزي المرتضى حيدر
وبالدمعات نشكيله
.........
شال الحيد وفكدناه
ننصب ماتم وننعاه
وعلينه صعب فركاه
كلنه اليوم نبجيله
.............

بقلم شاعرة اهل البيت
ام حسين الهلالي
نسالكم الدعاء لي ولوالدّي

https://www.tg-me.com/gjjyfko

السلام عليكم
اخواتي الكريمات عظم الله لكم الاجر بشهادة امامنا الصادق
وهذا مجلس للامام لتنسوني ووالدي من الدعاء👍👍👍👍

السلام عليكم
متابعيني الاعزاء سوف ابعث لكم قصائد عن شهر محرم الحرام
تستفادون منها ان شاء الله في مجالسكم
اسالكم الدعاء ارجوا ان لتنسوني من الدعاء في هذه المجالس جزاكم الله الف خير اسال الله التوفيق
لكم في هذه الخدمه الشريفه
دمتم بالف خير
شاعرة اهل البيت
ام حسين الهلالي

شده اول يوم من محرم
------

بالحزن ننصب مجلسك ياسيدي اليوم
ونبجي ونون عليك يامسلوب الهدوم
---------
بالحزن ننصب مجلسك ونصيح يحسين
ونبجي لمصابك آيمحزوز الوريدين
وعليك يامظلوم نهمل دمعه العين
يالمنذبح عطشان ومن الماي محروم
---------
بالحزن ننصب مجلسك يبن الزجيه
ماتنسه يومك ياغريب الغاضريه
يالمنذبح عطشان ماظاك الميه
وتنوح كل شيعه علي والدمع مسجوم
-------
مالومه وتهل الدمع للمات عطشان
وتواسي امه الطاهره والنبي العدنان
دارت عليه كل العده وذبحوه عطشان
وبالخيل داسوا جثته والصدر مهشوم
-------
للموت ماتنسه مصابه ولاغربته
عطشان ذبحوه العده وحزوا رگبته
لمصيبته الله يساعد زينب اخته
مذبوح طايح عالترب حجة القيوم
-------

عاشور اجانه بالحزن والحسره والاه
يذوب الكلب لمصيبته كلما ذكرناه
للموت ماننسى الجره والصاير اوياه
كل شيعي لمصابه يون والكلب مالوم
-------
كل شيعي حزنان ويون ويهل الدموع
ويصيح ياعطشان يامهشوم الظلوع
وعليك كل واحد يون والكلب مفجوع
منصوب الك وسط الكلب ماتم يمظلوم
----------
ام حسين الهلالي
لتنسوني ووالدي من الدعاء

https://www.tg-me.com/gjjyfko

نعي اول يوم محرم
-------
شهر الحزن بين عليه
بيه المصايب والاذيه
فجعني بهلي كلهم سويه
-----
شهر الكدر بين علينه
ذكرنه مصايبنه وسبينه
بيه انذبح عزنه او ولينه
------
بين علينه شهر الاحزان
ذبحوا اخونه حسين عطشان
واحنه حرم مابين عدوان
-------
شهر الاحزان اردود اجاني
سطرني على اعيوني وعماني
راحوا هلي والهم لفاني
-----
عاشور بيه والله انفجعنه
ذكرنه مصايبنه او حزنه
مذابيح شفنه كل اهلنه
-------
اويلاه ييوم الغاضريه
شفنه المصايب والاذيه
ذبحوا اهالينه سويه
-------
ام الحسن نصبت عزاها
عاشور شهر النوح اجاها
تبجي على مصيبة ضناها

-------
وين التحبها تهمل العين
وتصيح يامظلوم يحسين
وتنصب عزى ويه المحبين

-------
يشيعه الغريب اليوم ذكروه
بلاذنب هاي الكوم ذبحوه
نصبوا مجالسكم وندبوه
-------
نصبوا المجالس والعزيه
وابجوا لغريب الغاضريه
عطشان ذبحوا ال اميه
-------

شاعرة اهل البيت
ام حسين الهلالي
لتنسوني ووالدي من خالص الدعاء
https://www.tg-me.com/gjjyfko

قصيده لاول شهر محرم

هل عاشور والدمعه جريه
نواسي الطاهره الزهره الزجيه
ننصب ماتم حسين
ونهل دمعة العين
ونجدد عزانه بهل المسيه
--------
هل عاشور وتجدد حزنه
ننصب ماتم المذبوح كلنه
لجل مصيبته يهمل دمعنه
ماتم ننصب انوح
نلطم على المذبوح
عطشان انذبح بالغاضريه
ونجدد عزانه بهل المسيه

----------
-------
ننصب ماتم انساعد الزهره
لمصيبة حسين وكطع نحره
نذكر غربته ونهمل العبره

حسين انذبح ظامي
ومنه النحر دامي
وذبحوا اهله واصحابه سويه
ونجدد عزانه بهل المسيه
---------
ننصب ماتمه وتهيج الاحزان
ونذكر كربله وحركة الصيوان
ونبجي اعلى الغريب المات عطشان

ضامي حسين ذبحوه
ماي العذب حرموه

وداست فوك صدره الاعوجيه
ونجدد عزانه بهل المسيه
---------
اريد ابجي واهلن دمعة العين
حسين بكربله دامي الوريدين
ثلث تيام ظل بغير تجفين
عاري بغير تغسيل
صدره داسته الخيل
ظلت عالترب جثتة رميه
ونجدد عزانه بهل المسيه
--------

الزهره تكول وينه الينحب وياي
على اوليدي تهل ادموع عيناي
عطشان انذبح ماظايك الماي
على ابني تهل عيني
ولا يبطل ونيني
للظل عالترب جثه رميه
ونجدد عزانه بهل المسيه
---------
بالله ساعدوني وكثروا النوح
على حسين الكظه عطشان مذبوح
وخله بالكلب لجمات وجروح
حسين انذبح عطشان
عليه الكلب حزنان
ماننسه ابد هاي الرزيه
ونجدد عزانه بهل المسيه
--------
شاعرة اهل البيت
ام حسين الهلالي
لتنسوني ووالدي من صالح الدعاء
https://www.tg-me.com/gjjyfko

مربعه لليوم الاول من محرم
------
الزهره اعلى الولد نصبت عزيتها
مالومه وعليه تسيل دمعتها
-------
الزهره اعلى الولد نصبت تعازيها
الله يعينها مذبوح واليها
تبجي لغصته وياهو اليواسيها
على المذبوح وين التهل عبرتها
------
الليله اعلى الولد نصبت عزى الزهره
مالومه لمصابه والدمع يجره
تصيح ابصوت ابني هشموا صدره
وجثته اشلون خيل الكوم داستها
-----
جثته الكوم بالميدان خلوها
وليش بخيلهم ياويلي داسوها
وزينب والحرم محتاره خلوها
الله يعين زينب يوم شافتها
-------
الله يعين زينب شافت ابن امها
جثته اعلى الترب ومخضبه بدمها
ولا والي بقه ولا ظل اخو يمها
حتى اخيامهن هالكوم حركتها
-------
مغصوبه خذوها الكوم مسبيه
وعافت جثته عالغبره مرميه
وجروح البجسمه ماهن اشويه
الله يعين زينب يوم عافتها
------
مغصوبه مشت وبوليت اعداها
وعالتربان ظلت جثث ولياها
وعليهم بس تهل ادموع عيناها
اجساد اخوتها عالتربان خلتها
-------
ام حسين الهلالي
لتنسوني ووالدي من صالح الدعاء
https://www.tg-me.com/gjjyfko

فزاعيه اول يوم محرم

وين اليعزي فاطمه
بالمذبوح هالليله
-----
وين اليعزي ام الحسن
وينصب الجادر للحزن
ويصيح يحسين ويون
وينوح اله ويبجيله
--------
لم الحسن عزوها
بوليدها فجعوها
تنوح وتون خلوها
تبجي ودمعها تسيله
-------

وين اليعزي فاطمه
وينوح ودموعه دمه
وينصب الليله ماتمه
عالرضوا امفاصيله
-------
يبجي لحسين وغربته
ويذكر اولاده واخوته
بالخيل داسوا جثته
محد حضر ويشيله
------

يبجي على مصابه الجره
يواسي البتول الطاهره
بالظل طريح اعلى الثره
محد سعى بتغسيله
-------
عالكاع مرمي شحاله
داست عليه خياله
الله يعين اعياله
من المصاب نحيله
------

شاعرة اهل البيت
ام حسين الهلالي
لتنسوني ووالدي من الدعاءhttps://www.tg-me.com/gjjyfko

{﷽} 💙

📌 يبدأ الـآن دعـم صَبراً وَ نَصراً تثبيت اللستة نصف ساعة بدون نشر لطفاً.

#لستة_ودعم_صبراً_ونصراً
للقنوات الدينية فقط__صباحاً 5


🤍 @AbbasAlkinaniu11☞︎︎︎الشيخ عباس الكناني
🤍 @jsiguejjniiownxbbmgh☞︎︎︎أقوال اهل البيت ع
🤍 @yasaydy ☞︎︎︎ تنوير العُقول لتمّهيد الظهُور
🤍 @hvj313 ☞︎︎︎ لعشاق الحُجة
🤍 @gjjyfko ☞︎︎︎الشاعرة ام حسين الهلالي
🤍 @t_0313m ☞︎︎︎ Ya Mahdi Mudad


💛 @mamedmmm ☞︎︎︎ قصائد حسينية
💛 @Aliii55667 ☞︎︎︎ عاشقة أهل البيت
💛 @ousana20055 ☞︎︎︎قصص أهل البيت ع
💛 @mahdimylo ☞︎︎︎ المدافعة عن محمد وآل محمد
💛 @fabk313 ☞︎︎︎ سدن الحسين
💛 @NAFA_16_17 ☞︎︎︎ طريق الأمل


🌼 @mohammadssadiq☞︎︎︎ خواطر الوالهين
🌼 @imamaliss ☞︎︎︎ قصص الامام علي عليه السلام
🌼 @gha_mus ☞︎︎︎ أهلَ البيت عليهم السلام
🌼 @vpuxiop ☞︎ دعم القنوات الحسينية
🌼 @spiritmhadi313 ☞︎︎︎ يا روح نرجس


🌸 @vsmsnbdg ☞︎︎︎ 「حُب عَاشور.」
🌸 @cjxgbm ☞︎︎︎ وَهُوَ أَرْحَمُ الرَّاحِمِينَ
🌸 @alhasanalmasmoom ☞︎︎︎الحسن المسموم ع
🌸 @Fatiiimafll ☞︎︎︎الشاعرة فاطمة البصراوية
🌸@mahdyra ☞︎︎︎ ياصاحب الزمان



❍ للاشتراك باللستة والدعم مراسلة المعرّف ☜︎︎︎ @sabeb_w (ملاحظة فقط للقنوات الدّينية)

❍ فريق صبرًا ونصرا. @sabran_w_nasra

❍ قناة التّجمع @canter_chanel

⧫ نشر اللستة يكون ⊰ الساعة 00: 10إلى السّاعة 12:00_صباحاً⊱
• و التثبيت نصف ساعة بعد النشر
• والمخالف يستبعد من الدعم