هذه الاستمارات الجميع مطالب بها لغرض السماح لهم بالتقديم على الدراسات العُليا #داخل_العراق سنة ٢٠٢٥/٢٠٢٦
والذي سيفتح يوم الأحد المصادف ٤/٥/٢٠٢٥

وايضا أنتم مطالبين بها بالتقديم الالكتروني وكذلك بالتقديم الورقي .

ملاحظات عن الاستمارات

1. الاستمارة رقم ٥٠٠ من تسحبونة ممنوع تكون ورقتين #شرط بورقة وحدة.

2.تكتب هذه الاستمارات بخط يدوي واضح وبقلم اسود او أزرق.

3. اي خطأ يكون بالاستمارات هذه معناه الخطأ راح يكون بالتقديم ورقي والالكتروني وترجع تفتح استمارة التقديم مرة أخرى ، لهذا لا تستعجل ، ومن تطبع بالقرص CD خلي القرص اخير مرة حتى ماتطبع الأخطاء ان حدثت.

4. تستنسخ هذه الاستمارات ٣ نسخ كل وحده مع باقي المستمسكات على ثلاث نسخ
وصور عدد ٦
والفايل لا تشتري الجامعة تحدد لون الفايل .

5. احتفظ بالاميل ولا تتجاهل اي شيء ، ومن تكمل التقديم الالكتروني روح سلم الملف ورقي بالجامعة حته تدقق وباقرب وقت حته تعالج الأخطاء لو حدثت.

ان شاء الله تكون هذه المعلومات كافية ووافية لكل المتقدمين للدراسات العليا داخل العراق 🫶❤️✨

باجر ان شاء الله اسولفلكم عن مناهج الامتحان التنافسي لاقسام اللغة الانكليزية حصرا✨❤️ وعدد المقاعد ونماذج اسئلة لسنوات سابقة.

@nour777a

هلو مساء الخير تأجل موعد التقديم

🔴 وزارة التعليم تعلن تأجيل التقديم إلى الدراسات العليا الى 2025/5/15

اللي بعدهم ممتحنين وطني او ما مكملين امتحانات ( عربي،انكليزي،حاسوب)

اذا تدخلون على رابط حجز الامتحان الوطني راح تلكون اخر يوم حجز يوم ٨ بهذا الشهر
يعني احتمال يكون هذا اخر اسبوع
فاستعجلوا وكملوا امتحاناتكم

بس تصيرلي فرصة اسولفلكم عن نعوم تشومسكي❤️🫶✨ ونظرياته اللغوية وحتى آراءه بالقضايا السياسية والاستعمار وفلسطين وإسرائيل وحتى عن زوجته اسولفلكم.
هواي راح تستفادون
تشومسكي شخصية مثيرة للاهتمام ورائعة ولازم تتعرفون عليه سواء كنتم طلاب لغة او لا

اللي يواجهون صعوبة بطباعة شهادات الامتحان الوطني
تواصلوا وياي
@nour777a
اساعدكم بطباعتهن pdf
الشهادة لازم تكون ملف pdf .
ولتاخذون سكرين للشهادة.

هلو هلو..صباح الخير ✨💙🦋
خلي اجاوبكم على استفساراتكم بخصوص الدراسات العليا.

التقديم على الدراسات العليا يكون بطريقتين او قناتين (النفقة)
القناة العامة : التقديم عليها يكون للي معدلاتهم ٦٥ فما فوق ومن اسمها القناة العامة يعني تكون الدراسة مجانية وعلى الدولة

نجي للقناة الخاصة (النفقة الخاصة): لكل المتقدمين اللي معدلاتهم ٦٥ فما دون وتكون الدراسة على حساب الطالب نفسه ويدفع بشكل أقساط والمبلغ يختلف من تخصص للثاني
بالنسبة للتخصصات الإنسانية(ماستر عربي، ماستر انكليزي،ماستر علم نفس،ماستر تاريخ ، جغرافية...الخ)
تكون ٦ ملايين بالسنة
كل سنة ٣ مليون.

ملاحظة مهمة: شرط النجاح موجود سواء كنت مقدم على القناة العامة او الخاصة

المنافسة: كل طالب ينافس على قناته هو
يعني انت مقدم على قناة النفقة الخاصة راح تنافس اللي مقدمين على النفقة الخاصة فقط ومالك علاقة بباقي القنوات.

@nour777a

اي استفسار ثاني عندكم
راسلوني و اوضحه الكم 🫶❤️