Markaziy Osiyo yoshlari uchun Yevropa Ittifoqidan yangi imkoniyat

Yevropa Ittifoqi Markaziy Osiyo mamlakatlaridagi yoshlar ovozini kuchaytirish va ularni jamiyat hayotidagi muhim qarorlar qabul qilish jarayonlariga jalb etish maqsadida Yoshlari Maslahat Kengashlariga yangi a’zolarni qabul qilishni e’lon qildi.

Kimlar uchun:
– Qozog‘iston, Qirg‘iziston, Tojikiston, Turkmaniston va O‘zbekiston fuqarolari
– 18 yoshdan 30 yoshgacha (Turkmaniston uchun 35 yoshgacha)

Dasturning imkoniyatlari:
– Yetakchilik ko‘nikmalarini rivojlantirish
– Inson huquqlari, demokratiya va barqaror rivojlanish yo‘nalishlarida faollik ko‘rsatish
– Tashabbuslarni ilgari surish va siyosiy qarorlar jarayonida ishtirok etish
– Mintaqaviy va xalqaro mashg‘ulotlarda qatnashish

Ariza topshirish muddati:
2025-yil 15-iyun

👉 Batafsil ma’lumot va ariza topshirish havolasi

Agar siz jamiyatda faol bo‘lishni istasangiz va mintaqaviy o‘zgarishlarda yoshlar ovozining eshitilishini xohlasangiz, ushbu imkoniyatdan foydalaning.

@grantlar_namuna

​🇬🇧 MDIST tomonidan ingliz tili bo‘yicha 11-sinf bitiruvchilari tanlov

Buyuk Britaniyaning O‘zbekistondagi yetakchi ta’lim muassasalaridan biri bo‘lgan MDIST 11-sinf bitiruvchilari uchun ingliz tili bo‘yicha respublika miqyosidagi tanlovni e’lon qildi.

📌 Kimlar ishtirok etishi mumkin?

– O‘zbekiston bo‘yicha barcha 11-sinf maktab bitiruvchilari.

🎯 Nima uchun ishtirok etish kerak?

– G‘oliblarga MDISTga kirish uchun ingliz tili bo‘yicha kirish imtihonidan ozod bo‘lish imkoniyati beriladi.
– British Council tomonidan xalqaro tan olingan sertifikatlarga ega bo‘lish imkoniyati mavjud.

💸 Ishtirok mutlaqo bepul!

🗓 Muhim sanalar:

– Ariza topshirishning oxirgi muddati: 2025-yil 15-iyun
– 1-bosqich (IELTS sinoviga tayyorlov testi): 2025-yil 24-iyun
– 2-bosqich (Aptis ESOL kompyuter testi): 2025-yil 25-iyul
– Natijalar e’lon qilinadi: 2025-yil 30-iyul

📣 Tanlov natijasida faqat eng yuqori ball to‘plagan 100 nafar ishtirokchi saralab olinadi.

Bu tanlov – xalqaro ta’lim sari ilk qadamingiz bo‘lishi mumkin. O‘zingizga ishoning va hoziroq ro‘yxatdan o‘ting!

🔗 Ro’yxatdan o’tish havolasi

📍 Tashkilotchilar: MDIST | British Council Uzbekistan

@grantlar_namuna

Turkiyada talabalik 🇹🇷

•Turkiyada 100% tekin talim?
•Turkiyada grant dasturlariga hujjat topshirish?
•Turkiyada online ta’lim?

Kanal nimalar haqida?
1. Qanday qilib diplom baholari bilan top universitetlarda oʻqish
2. Chet elda oʻqimoqchi boʻlganlar uchun tekin maslahatlar
4. Turli xil grantlarni qoʻlga kiritish
5. Islomiy bilimlar yoʻnalishida ta’lim.

Barchasi haqida 👇

Turkiyada Talabalik 🇹🇷

@turkiyadatalabalik

Chet elga o‘qishga ketayotgan talabalar uchun muhim maslahatlar!

(faqat hujjat emas – o‘zingizni ham tayyorlang!)

Chet eldagi ta’lim faqat bilim emas, balki mustaqil hayot, til muammosi, ijtimoiy muhit, moliyaviy reja va sog‘liqdagi o’zgarishlar tajribasidir. Quyidagi tavsiyalar sizga bu jarayonda muammolarsiz yo‘l olishga yordam beradi:

1. Sog‘ligingizni to‘liq tekshiruvdan o‘tkazing.
O‘qishga ketishdan oldin umumiy tibbiy ko‘rikdan o‘ting, ayniqsa tish, ko‘z, yurak, allergiya va surunkali kasalliklar bo‘yicha. Chet elda tibbiy xizmat qimmat bo‘lishi, yoki faqat sug‘urta orqali taqdim etilishi mumkin. Tish muolajalari ko‘pincha sug‘urtaga kirmaydi va juda qimmat.

2. Doimiy foydalaniladigan dorilarni o‘zingiz bilan olib boring.
Chet elda ko‘plab dorilar faqat shifokor retsepti bilan sotiladi. Sizga kerakli dori u yerda mavjud bo‘lmasligi ham mumkin. Doimiy foydalanadigan dori-darmonlarni yetarlicha miqdorda, rasmiy shifokor tavsiyasi bilan olib boring.

3. Hujjatlaringizni raqamlashtiring va nusxasini saqlang.
Pasport, vizalar, sug‘urta polisi, kirish xati, bank hujjatlari va qog‘ozdagi nusxalarini alohida joyda saqlang. Fayllarni Google Drive yoki boshqa ishonchli platformalarda zaxiralang.

4. Moliyaviy rejangizni tuzing
O‘qish, turar joy, ovqatlanish va transport xarajatlarini oldindan hisoblang. Shoshilinch holatlar uchun alohida zaxira puli bo‘lishi kerak. Bank kartangiz chet elda ishlashiga ishonch hosil qiling va iloji bo‘lsa, xalqaro valyutada zaxira saqlang.

5. Universitet qoidalari va talabalik huquqlari bilan tanishing.
Kutilmagan muammolar (vizaning yangilanishi, dars qoldirish, o‘qishni ko‘chirish) yuz berganda o‘zingizni himoya qilish uchun universitetnibg rasmiy adminstratsiya bo’limi, qoidalari va talabalar xizmatlari bilan oldindan tanishib chiqing.

6. Mahalliy madaniyat va urf-odatlarga hurmat bilan yondashing. Madaniy farqlarni tushunish – muammolarni oldini olishning eng muhim yo‘li. Mahalliy madaniyatni hurmat qilgan holda o’zligingiz, o’zbek madaniyatini ham yoddan chiqarmang.

7. Psixologik tayyorgarlikni ham unutmang.
Chet elda o‘qish ba’zida yolg‘izlik, sog‘inch yoki madaniy shok keltirishi mumkin. Bu holatlar tabiiy va vaqtinchalik. Oila bilan aloqa saqlash, yangi do‘stlar orttirish va faol hayot tarzi psixologik barqarorlikni saqlashga yordam beradi.

8. Kerakli ilovalarni yuklab oling.
Viza, telefon aloqalari, dars jadvali, transport, sog‘liq, xarita, tarjima kabi xizmatlar uchun kerakli ilovalarni telefoningizga yuklab oling. Internet bank, VPN, shaxsiy ma’lumotlarni himoya qilishga doir sozlamalarga e’tibor bering.

9. Yengil va kerakli narsalarnigina olib boring.
Iqlimga mos kiyim-kechak, dars uchun asboblar, zarur elektronika, dori vositalari – shular yetarli. Og‘ir yuklar nafaqat noqulay, balki bojxona cheklovlariga ham duch kelishi mumkin.

10. O‘qish rejalaringizni real holatga moslashtiring.
Dastlabki oylar moslashish davri bo‘ladi – til, atrof-muhit, akademik yuklama. O‘zingizga mos tartib va o‘qish rejimini shakllantiring. Yordam so‘rashdan uyalmang – universitetda bu uchun maxsus xizmatlar bor.

Bu tavsiyalar Yevropa, AQSh, Kanada, Avstraliya, Janubiy Koreya, Yaponiya va boshqa rivojlangan davlatlar uchun mosdir. Har bir mamlakat o‘ziga xos shartlarga ega – bularni oldindan o‘rganing.

🧳 Ketishdan oldin faqat chamadon emas, o‘zingizni ham to‘liq tayyorlab oling!

@grantlar_namuna

NSP granti javoblar chiqdi – 82 nafar oʻzbekistonlik g’olib!

Slovakiyada 2 semestrgacha oʻqish/tadqiqot olib borish imkonini beruvchi Slovakiya Milliy stipendiya dasturining (NSP) natijalari eʼlon qilindi.

Bu safargi qabulda jami nafar O'zbekistonlik nomzod ushbu grantni qo'lga kiritgan. Shulardan aksariyati @grantlar_namuna loyihasi tomonidan tashkil qilingan maxsus kurs va/yoki hujjatlarni tekshirish xizmatidan foydalangan!

👉 NATIJALARNI KO’RISH

Kategoriyalar kesimida oʻzbekistonlik gʻoliblar soni:
– A kategoriya: 75 ta gʻolibdan 66 tasi Oʻzbekistonlik
– B kategoriya: 25 ta gʻolibdan 13 tasi Oʻzbekistonlik
– C kategoriya: 46 ta gʻolibdan 3 tasi Oʻzbekistonlik

Yutganlarni tabriklaymiz!

@grantlar_namuna

Slovakiyada 1 semestr davomida o‘qish uchun grant yutgan magistratura talabasi hujjatlari

Javokhirbek Kurbonov – Farg‘ona Politexnika Institutining Mexanika muhandisligi yo‘nalishi talabasi. Javokhirbek National Scholarship Programme of the Slovak Republic stipendiya dasturida ishtirok etib, Žilina universitetining Mexanika muhandisligi fakultetida 2025-yilning sentabridan 2026-yilning fevraligacha bir semestr davomida almashinuv dasturi asosida tahsil olish va ilmiy izlanish olib borish imkoniyatini qo‘lga kiritgan.

Javokhirbekka ajratilgan grant miqdori quyidagicha:
– Oylik 620 yevro stipendiya
– Safar xarajatlari uchun 750 yevro mablagʻ
– Tibbiy ko‘rik xarajatlari kompensatsiya qilinadi

Bugun sizga Javokhirbek Kurbonov tomonidan mazkur dasturga topshirilgan hujjatlar to‘plamini taqdim etamiz.

Quyida ushbu hujjatlar bilan tanishasiz:

👉 Motivatsiya xati

👉 Javokhirbek tayyorlagan CV

👉 O’qituvchisi tomonidan berilgan tavsiyanoma 1

👉 O’qituvchisi tomonidan berilgan tavsiyanoma 2

👉 Slovakiya universitetiga taqdim etilgan study plan (o‘quv rejasi)

Ma’lumot uchun: Javokhirbek ushbu natijaga erishishda bizning xizmatlarimizdan foydalangan. Hujjatlar uchun Javokhirbekka minnatdorchilik bildiramiz va uning keyingi akademik faoliyatida ulkan zafarlar tilaymiz!

🚨 OGOHLANTIRISH: Hujjatlardan faqat o‘rganish va namuna sifatida foydalaning. Boshqa shaxs hujjatlarini ko‘chirib, o‘zingizniki sifatida taqdim etish plagiarizm hisoblanadi va bu holat osongina aniqlanadi hamda arizaning rad etilishiga olib keladi.

@grantlar_namuna

Slovakiyada 1 semester davomida almashinuv dasturi orqali tadqiqot qilish uchun Slovakiya milliy stipendiyasini yutib olgan talaba – Javokhirbek Kurbonov dasturga topshirgan motivatsiya xati.

OGOHLANTIRISH: Hujjatdan faqat oʻrganish maqsadida foydalaning. Boshqa shaxsning hujjatlarini koʻchirib, oʻziniki sifatida taqdim etish plagiarizm hisoblanadi va osonlik bilan aniqlanib, arizaning rad etilishiga olib keladi.

@grantlar_namuna

Slovakiyada 1 semester davomida almashinuv dasturi orqali tadqiqot qilish uchun Slovakiya milliy stipendiyasini yutib olgan talaba – Javokhirbek Kurbonov dasturga topshirgan CV hujjati.

OGOHLANTIRISH: Hujjatdan faqat oʻrganish maqsadida foydalaning. Boshqa shaxsning hujjatlarini koʻchirib, oʻziniki sifatida taqdim etish plagiarizm hisoblanadi va osonlik bilan aniqlanib, arizaning rad etilishiga olib keladi.

@grantlar_namuna

Slovakiyada 1 semester davomida almashinuv dasturi orqali tadqiqot qilish uchun Slovakiya milliy stipendiyasini yutib olgan talaba – Javokhirbek Kurbonov dasturga topshirgan tavsiyanoma xati.

OGOHLANTIRISH: Hujjatdan faqat oʻrganish maqsadida foydalaning. Boshqa shaxsning hujjatlarini koʻchirib, oʻziniki sifatida taqdim etish plagiarizm hisoblanadi va osonlik bilan aniqlanib, arizaning rad etilishiga olib keladi.

@grantlar_namuna

Slovakiyada 1 semester davomida almashinuv dasturi orqali tadqiqot qilish uchun Slovakiya milliy stipendiyasini yutib olgan talaba – Javokhirbek Kurbonov dasturga topshirgan tavsiyanoma xati.

OGOHLANTIRISH: Hujjatdan faqat oʻrganish maqsadida foydalaning. Boshqa shaxsning hujjatlarini koʻchirib, oʻziniki sifatida taqdim etish plagiarizm hisoblanadi va osonlik bilan aniqlanib, arizaning rad etilishiga olib keladi.

@grantlar_namuna

Slovakiyada 1 semester davomida almashinuv dasturi orqali tadqiqot qilish uchun Slovakiya milliy stipendiyasini yutib olgan talaba – Javokhirbek Kurbonov dasturga topshirgan o’quv rejasi.

OGOHLANTIRISH: Hujjatdan faqat oʻrganish maqsadida foydalaning. Boshqa shaxsning hujjatlarini koʻchirib, oʻziniki sifatida taqdim etish plagiarizm hisoblanadi va osonlik bilan aniqlanib, arizaning rad etilishiga olib keladi.

@grantlar_namuna

Future Leaders Bootcamp 2025 – yo’l va turar joy xarajatlari qoplanadi

16–17 avgust kunlari bo‘lib o‘tadigan 2 kunlik Future Leaders Bootcampga ariza topshirish boshlandi. Dastur C5+1 Youth Council tomonidan tashkil etilgan bo‘lib, American University of Central Asia va AQSh elchixonasi (Qirg‘iziston) ko‘magida amalga oshirilmoqda.

Markaziy Osiyo va Afg‘onistondan 30 nafar yetakchi yoshlar tanlab olinadi!

📍 Qarshi, O‘zbekiston
🗓 16–17 avgust, 2025
🌐 Dastur tili: Ingliz tili
👥 Format: Oflayn (faqat ishtirokchilar uchun)

Kimlar qatnasha oladi?
• 16–22 yoshli ingliz tilida gaplasha oladigan maktab o’quvchilari va universitet talabalari
• Markaziy Osiyo yoki Afg‘oniston fuqarolari
• Xalqaro grant va yetakchilik dasturlariga qiziqqanlar

Moliyaviy qo‘llab-quvvatlash:
Qozog‘iston, Qirg‘iziston, Tojikiston, O‘zbekistonning boshqa shaharlari (Qarshidan tashqari)dan keladiganlar uchun yo‘l va turar joy xarajatlari to‘liq qoplanadi!

Ariza topshirish muddati: 2025-yil 23-iyul, soat 23:59 (Toshkent vaqti)

Saralash bosqichlari:
• 1-bosqich – arizalarni ko‘rib chiqish: 25-iyul
• 2-bosqich – onlayn suhbatlar: 25-iyul – 1-avgust oralig‘ida

🔗 Ariza topshirish uchun havola

🔍 Batafsil o‘qish uchun havola

Nimalarni o‘rganasiz?
✅ Grant yutish uchun kuchli ariza tayyorlash
✅ Essay yozish, suhbatga tayyorgarlik
✅ Yetakchilik ko‘nikmalari va motivatsion treninglar

@grantlar_namuna

NSP g'oliblari uchun maxsus ovozli suhbat

Xabaringiz bor, yaqinda NSP dasturi bo'yicha o'zbekistonlik g'oliblar haqida post joylagan edik. Ushbu g'oliblarga yordam berish maqsadida g'olib bo'lgandan keyingi bosqichlar haqida batafsil ma'lumot berishni reja qildik.

Suhbat vaqti: 2025-yil, 7-iyul 21:00
Suhbat manzili: @grantlar_namuna

Suhbat davomida vizaga topshirish jarayonlari, ketish oldidan tayyorgarliklar haqida ma'lumot beriladi. Ishtirokchilar o'zlarining qiziqtirgan savollariga javob olishlari mumkin.

Ushbu postni NSP g'olibi bo'lgan tanishingizga yuborib qo'ying.

@grantlar_namuna

NSP g’oliblari uchun suhbatning yozib olingan videosi

Kuni kecha NSP g’oliblari uchun yo’riqnoma tarzda suhbat tashkillab, keyingi bosqichlar haqida ma’lumot bergan edik.

E’tiboringizga ushbu suhbatning yozib olingan video shaklini taqdim etmoqdamiz.

Suhbatda vizaga topshirish hujjatlari, viza to’lovlar haqida ma’lumot berilgan.

👉 Elchixona rasmiy sayti: https://www.mzv.sk/taskent-ru

@grantlar_namuna

Dunyoda TOP 1000 likka kirmaydigan chet el universitetlarining diplomi Oʻzbekistonda tan olinmaydimi?

Kanalning ayrim obunachilari “Bu universitet TOP 1000 talikka kirmas ekan, diplomi Oʻzbekistonga oʻtmaydi/tan olinmaydi” degan fikrni bildirayotgani kuzatilmoqda.

BU MUTLAQO XATO. Qaysidir xorijiy universitetning TOP 1000 talikka kirmasligi uning diplomi Oʻzbekistonda tan olinmasligini anglatmaydi.

Unda chet el diplomining tan olinish tartibi qanday?

Chet el universiteti diplomining Oʻzbekistonda tan olinishi uchun 3 ta asos bor. Universitet TOP 1000 talikka kiradimi yoki kirmaydimi, shu 3 ta asosga mos boʻlsa, uning diplomi Oʻzbekistonda tan olinadi.

Bu asoslar quyidagicha:
– xorijiy ta’lim to‘g‘risidagi hujjatni bergan ta’lim muassasasi va ushbu muassasa tomonidan berilgan hujjatning o‘sha davlat tomonidan tan olingan bo‘lishi;
– xorijiy ta’lim to‘g‘risidagi hujjat berishga asos bo‘lgan ta’lim standartlarining yoki ta’lim dasturlarining O‘zbekiston Respublikasida amalda bo‘lgan davlat ta’lim standartlari va ta’lim dasturlariga muvofiqligi;
– O‘zbekiston Respublikasi va xorijiy ta’lim to‘g‘risida hujjatni bergan davlatning ta’lim tizimiga qo‘yilgan umumiy talablarning mosligi.

Yuqoridagi asoslarga mos boʻlgan chet el diplomi shu asoslarga mos boʻlsa, Oʻzbekistonda tan olinadi.

Nostrifikatsiya nima?

Nostrifikatsiya – bu chet el diplomining tan olish. Yaʼni diplomni “nostrifikatsiya qilish” va “diplomni tan olish” ayni bir xil atamadir.

TOP 1000 talikka kirgan universitetlarning diplomi nostrifikatsiyasiz tan olinadimi?

Bu savolning oʻzi mantiqsiz, lekin shunday savol ham kuzatiladi.

Universitet nufuzi boʻyicha dunyoda 1-oʻrinda turgan boʻlsa ham, 5000-oʻrinda turgan boʻlsa ham, uning diplomi Oʻzbekistonda nostrifikatsiya qilinadi (yaʼni rasmiy tan olish jarayonidan oʻtadi).

Unda TOP 1000 talikka kirgan va kirmagan universitetlarning diplomini tan olishda (nostrifikatsiya qilishda) qanday farq bor?

Farq quyidagicha:
– TOP 1000 likka kirgan chet el universitetlari diplomlari toʻgʻridan-toʻgʻri, yaʼni maxsus sinovlarsiz (imtihonlarsiz) tan olinadi. Yaʼni tegishli hujjatlarni tegishli tashkilotga topshirasiz va diplomingiz nostrifikatsiya qilinadi (tan olinadi).
– TOP 1000 talikka kirmagan chet el universitetlari diplomlari tan olinishi uchun esa talaba Oʻzbekistonda maxsus sinovlardan (imtihondan) oʻtishi kerak. Maxsus sinov natijasiga ko‘ra, talaba kamida 55 foiz natija qayd etsa, uning xorijdan olgan diplomi tan olinadi (nostrifikatsiya qilinadi), aks holda, tan olinmaydi.

Maxsus sinov tartibi haqida batafsil BU YERDA ma'lumot olishingiz mumkin.

TOP 1000 talikka kirgan chet el universitetlarining diplomlari Oʻzbekistonda tan olinmasligi mumkinmi?

Ha, mumkin. Agar chet el diplomi Xorijiy davlatlarda ta’lim olganlik to‘g‘risidagi hujjatlarni tan olish tartibi haqida Nizomning 7-bandidagi talablariga toʻgʻri kelmasa, diplom TOP 1000 talikka kirgan universitetniki boʻlsa ham, tan olinmaydi (nostrifikatsiya qilinmaydi).

Bu Nizomning 7-bandi talablari bilan BU YERDA tanishing.

Lekin TOP 1000 talikka kirgan universitet odatda bu talablarga toʼliq mos boʻladi va tabiiyki, bunday universitetlar diplomining Oʻzbekistonda tan olinmasligi (nostrifikatsiya qilinmasligi) ehtimoldan juda uzoq.

@grantlar_namuna