#Dolzarb90kun

Filologiya fakulteti “Ingliz tili va adabiyoti” kafedrasi o‘qituvchisi Shukurullayeva Barno “Dolzarb 90 kun” loyihasi doirasida yozgi ta'til davrida o‘quvchilar bo‘sh vaqtini mazmunli o‘tkazish maqsadida, Guliston davlat universiteti “Tayyorlov kurslarida kambag’al va kam ta’minlangan oilalarning bitiruvchi sinfdagi farzandlarini o’qitish tog’risida” gi 20-O sonli buyrug’iga asosan Guliston tumani 11-sinf bitiruvchilari uchun haftada ikki marta ingliz tilidan to‘garak o‘tib kelmoqda.
To‘garak mashg‘ulotlari doirasida o‘quvchilarning kasbiy yo‘nalishini aniqlashga ko‘maklashish, ularning til kompetensiyasini rivojlantirish, shuningdek, mahorat saboqlari orqali ularni mustaqil fikrlashga, ijodiy yondashuvga va faol hayot pozitsiyasini shakllantirishga yo‘naltirish asosiy vazifa etib belgilangan.

Mazkur tashabbus ijtimoiy tenglikni ta’minlash, iqtidorli yoshlarni aniqlash hamda ularning ta’lim olish imkoniyatlarini kengaytirish nuqtai nazaridan alohida ahamiyatga ega bo‘lib, kelajak avlodni ongli kasb tanlashga, ilmli va faol bo‘lib ulg‘ayishlariga xizmat qiladi.

#dolzarb90kun

“Farmakopiya” to‘garagi faoliyati davom etmoqda

2025-yil 27-iyun kuni Guliston davlat universiteti Tabiiy fanlar fakultetida “Dolzarb 90 kun” loyihasi doirasida yozgi taʼtil davrida talabalarning boʻsh vaqtlarini mazmunli tashkil etish maqsadida tashkil etilgan “Farmakopiya” toʻgaragi oʻz faoliyatini qizgʻin davom ettirmoqda.

Mazkur toʻgarak mashgʻulotlarini “Dorivor oʻsimliklar va botanika” kafedrasi katta oʻqituvchisi N.Ergashiva olib bormoqda.

Mashgʻulotlar davomida talabalar Oʻzbekiston Respublikasining Farmakopiyasida qoʻllaniladigan dorivor oʻsimliklarning biologik va farmakologik xususiyatlari, ularning xalq tabobati hamda zamonaviy farmatsiyadagi oʻrni haqida chuqur va tizimli bilimlarga ega boʻlishmoqda.

To‘garak doirasidagi amaliy va nazariy mashgʻulotlar talabalarda dorivor o‘simliklarga bo‘lgan qiziqishni oshirib, ularni ilmiy izlanishlarga yo‘naltirishga xizmat qilmoqda.