#dolzarb90kun

Yozgi ta’tilda "Dolzarb 90 kun" loyihasi doirasida Guliston davlat universiteti Tibbiyot fakulteti 79S-24 guruhi talabasi Amirova Dildora Sirdaryo tumanlararo perinatal markazi chaqaloqlar reanimatsiyasi bo‘limida faoliyat yuritib, ushbu muassasada davolanayotgan chaqaloqlar g‘amxo‘rlik qilmoqda

#dolzarb90kun #karyera_kuni

Bitiruvchi talabalar bandligini ta’minlash bo‘yicha “Karyera kuni” mehnat yarmarkasi o‘tkazildi

Guliston davlat universitetida 2025-yilning yozgi ta’til davrida bitiruvchi talabalarni ish bilan ta’minlash, ularning kasbiy yo‘nalishlar bo‘yicha mehnat bozoriga integratsiyasini kuchaytirish maqsadida keng ko‘lamli chora-tadbirlar amalga oshirilmoqda. Ushbu sa’y-harakatlar “Dolzarb 90 kun” loyihasi doirasida bosqichma-bosqich amalga oshirilayotgan bo‘lib, bitiruvchilarni yo‘nalishlar kesimida band qilishga qaratilgan tizimli yondashuv asosida olib borilmoqda.

2025-yil 27-iyun kuni universitetning Ishlab chiqarish texnologiyalari fakulteti faollar zalida navbatdagi “Karyera kuni” mehnat yarmarkasi doirasida “Muvaffaqiyatli bandlik — sifatli ta’limning ishonchli kafolati” shiori ostida “Yoshlar bandligi oyligi” tadbiri o‘tkazildi.

Tadbir Guliston davlat universiteti Registrator ofisi tashabbusi bilan, Sardoba tumani hokimligi vakillari, bitiruvchi talabalar va ularning ota-onalari ishtirokida tashkil etildi.
Mazkur uchrashuv universitet Registrator ofisi hamda Sardoba tumani hokimligi o‘rtasidagi hamkorlik asosida tashkil etilib, 2024–2025 o‘quv yili bitiruvchilarining kasbiy yo‘nalishlari bo‘yicha bandligini ta’minlashga xizmat qildi.

Tadbirda Sardoba tumani hokimining o‘rinbosari B.Jumaboyev, tuman maktabgacha va maktab ta’limi bo‘limi rahbari G.Usmonova, Sirdaryo viloyati Yoshlar ittifoqi kengashi raisi A.Rahmonov hamda universitet rahbariyati vakillari ishtirok etdi.

Uchrashuv jarayonida bitiruvchilar uchun dolzarb bo‘lgan bandlik masalalari yuzasidan ochiq muloqotlar tashkil etildi. Mas’ul vakillar mehnat faoliyatini tuman hududidagi ta’lim muassasalari va tashkilotlarida davom ettirish istagini bildirgan bitiruvchilar bilan individual suhbatlar o‘tkazib, ularning ishga joylashishida zarur yordam ko‘rsatishga tayyor ekanliklarini ma’lum qildilar.

Guliston davlat universiteti bitiruvchilarining bandligini ta’minlash bo‘yicha quyidagi tizimli chora-tadbirlarni amalga oshirib kelmoqda:
-      Talabalarni ishga joylashtirish bo‘yicha maxsus markaz faoliyati yo‘lga qo‘yilgan;
-      Har yili an’anaviy tarzda “Karyera kuni” mehnat yarmarkalari tashkil etiladi;
-      Korxonalar bilan ikki tomonlama hamkorlik shartnomalari imzolanib, bandlik kafolatlari olinadi;
-      Pedagogik yo‘nalish bitiruvchilari viloyat xalq ta’limi boshqarmasi ko‘magida umumta’lim maktablariga yo‘naltiriladi;
-      Iqtisodiyot, muhandislik, texnologiya va axborot texnologiyalari yo‘nalishlari bo‘yicha bitiruvchilar startaplar hamda xususiy sektor subyektlariga yo‘naltirilmoqda.

Universitetda yaratilgan kompleks yondashuv, zamonaviy mehnat bozori talablari asosida shakllantirilgan o‘quv dasturlari, amaliyot tizimi hamda ish beruvchilar bilan yo‘lga qo‘yilgan yaqin hamkorlik natijasida bitiruvchilarni ishga joylashtirish samaradorligi ortib bormoqda.
Ushbu tadbir universitetning nafaqat ta’lim sifati, balki bitiruvchilarning real hayotga tayyorligi, amaliy ko‘nikmalari va kasbiy integratsiyasini ta’minlash yo‘lidagi yuksak sa’y-harakatlarining yana bir isboti bo‘ldi.

#dolzarb90kun

"Dolzarb 90 kun" loyihasida yozgi ta'til davrida Guliston davlat universiteti talabalarining bo‘sh vaqtlarini mazmunli tashkil etish maqsadida Avazbek Ismatullayev tomonidan "3D modellashtirish" to‘garagida mashg‘ulotlar o‘tilmoqda.