#dolzarb90kun

"Dolzarb 90 kun” loyihasi doirasida 26-iyun kuni Guliston davlat universiteti professor- oʻqituvchilari hamda ishchi-hodimlar oʻrtasida sportning Stol tennisi boʻyicha sport musobaqasi oʻtkazilmoqda.

2025-yil 26-iyun kuni kafedra dotsenti D. Nurmuxamedova tomonidan “А.S.Pushkin asarlarining til xususiyatlari” mavzusida to‘garak mashg‘uloti o‘tkazildi.

Mashg‘ulot davomida barcha talabalar faol ishtirok etib, mavzu yuzasidan o‘z fikr-mulohazalarini bildirib o‘tishdi.

To‘garakning asosiy maqsadi — A.S. Pushkinning adabiy merosi va uning rus adabiyotidagi o‘rni haqida umumiy tushuncha berish, Pushkin asarlarida qo‘llangan til vositalari, uslubiy xususiyatlar hamda badiiy ifoda vositalarini tahlil qilish; yozuvchi tilining soddaligi, obrazliligi va xalq tiliga yaqinligi kabi jihatlarni aniqlashdan iborat edi. Shuningdek, mashg‘ulot talabalarning mustaqil tahlil qilish ko‘nikmalarini rivojlantirish, o‘z fikrini asoslab bera olishga o‘rgatish hamda ularning Pushkin ijodiga bo‘lgan qiziqish va hurmatini shakllantirishga xizmat qildi.

#Dolzarb90kun

Filologiya fakulteti “Ingliz tili va adabiyoti” kafedrasi o‘qituvchisi Shukurullayeva Barno “Dolzarb 90 kun” loyihasi doirasida yozgi ta'til davrida o‘quvchilar bo‘sh vaqtini mazmunli o‘tkazish maqsadida, Guliston davlat universiteti “Tayyorlov kurslarida kambag’al va kam ta’minlangan oilalarning bitiruvchi sinfdagi farzandlarini o’qitish tog’risida” gi 20-O sonli buyrug’iga asosan Guliston tumani 11-sinf bitiruvchilari uchun haftada ikki marta ingliz tilidan to‘garak o‘tib kelmoqda.
To‘garak mashg‘ulotlari doirasida o‘quvchilarning kasbiy yo‘nalishini aniqlashga ko‘maklashish, ularning til kompetensiyasini rivojlantirish, shuningdek, mahorat saboqlari orqali ularni mustaqil fikrlashga, ijodiy yondashuvga va faol hayot pozitsiyasini shakllantirishga yo‘naltirish asosiy vazifa etib belgilangan.

Mazkur tashabbus ijtimoiy tenglikni ta’minlash, iqtidorli yoshlarni aniqlash hamda ularning ta’lim olish imkoniyatlarini kengaytirish nuqtai nazaridan alohida ahamiyatga ega bo‘lib, kelajak avlodni ongli kasb tanlashga, ilmli va faol bo‘lib ulg‘ayishlariga xizmat qiladi.