#Dolzarb90kun

Guliston davlat universiteti Filologiya fakulteti “Ingliz tili va adabiyoti” kafedrasi o‘qituvchisi Shukurullayeva Barno “Dolzarb 90 kun” loyihasi doirasida yozgi ta’til davomida o‘quvchilarning bo‘sh vaqtini mazmunli tashkil etish maqsadida faoliyat olib bormoqda.

Mazkur faoliyat Guliston davlat universitetining “Tayyorlov kurslarida kambag‘al va kam ta’minlangan oilalarning bitiruvchi sinf o‘quvchilarini o‘qitish to‘g‘risida”gi 20-O sonli buyrug‘i asosida tashkil etilgan bo‘lib, Guliston tumani 11-sinf bitiruvchilari uchun haftada ikki marotaba ingliz tili fanidan bepul to‘garak mashg‘ulotlari o‘tkazilmoqda.

To‘garak darslari doirasida o‘quvchilarning til kompetensiyasini rivojlantirish, kasbiy yo‘nalishini aniqlashga ko‘maklashish, mustaqil fikrlash va ijodiy yondashuvni shakllantirish, shuningdek, ularni faol hayotiy pozitsiyaga ega bo‘lishga undash asosiy vazifalar sifatida belgilangan.

Mazkur tashabbus ijtimoiy tenglikni ta’minlash, iqtidorli yoshlarni aniqlash hamda ularning ta’lim olish imkoniyatlarini kengaytirish nuqtai nazaridan muhim ahamiyat kasb etadi. Shu orqali yoshlarda ongli kasb tanlash madaniyatini shakllantirish, ularni ilmli, faol va mas’uliyatli shaxslar sifatida kamol topishiga xizmat qilinmoqda.