👨‍💻1 થી 5 સ્થળ પસંદગી માટે સૂચના

#tet

*મોર્નિંગ મ્યુસિંગ્સ:*

ક્યાંક વાંચ્યું હતું: "જીવનમાં મુખ્યત્વે બે જ પીડા હોય છે; એક અનુશાસનની પીડા, અને બે, પ્રશ્ચાત્તાપની પીડા." કાં તો તમે લાંબા સમયની સફળતા અને સુખ માટે ટૂંકા ગાળામાં આત્મ સંયમ અને પરિશ્રમની પીડા સહન કરો,
અથવા
આળસ અને નિષ્ક્રીયતાને પ્રેમ કરીને સફળ અને સુખી થવાના અવસરો ગુમાવી દો અને પછી બાકી જિંદગી સુધી પ્રશ્ચાત્તાપમાં દુઃખી થાવ.

બંનેમાં પીડા તો છે જ, પણ એક પીડા પ્રગતિ તરફ લઈ જાય છે અને બીજી પીડા નારાજગી અને અસંતોષ તરફ લઈ જાય છે.
જીવનની બાકી તમામ પીડાઓ અને ખુશીઓ આ બે પીડાઓમાંથી આવે છે.
જીવનમાં પીડા અનિવાર્ય છે, પણ એક પીડા મુક્તિ તરફ લઈ જાય છે અને બીજી પીડા બાંધી રાખે છે. પ્રશ્ચાત્તાપની પીડા કરતાં અનુશાસનની પીડા સારી, કારણ કે અનુશાસનમાં કમ સે કમ તમે કોઈક લક્ષ્ય હાંસલ કરવાનો આનંદ તો મેળવો છો.
*Happy Morning*

*મોર્નિંગ મ્યુસિંગ્સ:*

"તાર્કિક દ્રષ્ટિએ કોઈ કારણ કે પ્રશ્ન ન હોવા છતાં, સતત કોઈ અજ્ઞાત ભય સતાવે એવુ કેમ બનતું હશે?"
ભય નૈસર્ગિક ભાવ છે. આપણું સમગ્ર અસ્તિત્વ fight or flight વૃત્તિ પર ટકેલું છે.
મગજનો વિકાસ જ જોખમી અને ભયજનક પરિસ્થિતિઓથી બચવા માટે થયો હતો.
આપણા તમામ મનોભાવમાં, ભય સૌથી પ્રમુખ અને પ્રબળ ભાવ છે. બાળક જન્મતાં વેંત પોતાની સુરક્ષા માટે સચેત થઇ જાય છે. તે અજાણ્યાને જોઈને રડે છે, પોતાનાને જોઈને શાંત થાય છે.
એટલે, ભયનો અનુભવ થવો સહજ છે.
ઘણીવાર, આપણું મન વર્તમાનમાં કોઈ કારણ ન હોય તો પણ ભય મહેસૂસ કરતું હોય છે, કારણ કે ભૂતકાળમાં તેને એવા અનુભવ થયા હતા.
આપણું મન નેગેટિવ અનુભવો અને લાગણીઓને વધુ સારી રીતે સ્મૃતિમાં સંગ્રહિત કરે છે. તે જ તેનું મુખ્ય કામ છે. તે ભવિષ્યમાં સુરક્ષિત રહેવા માટે સંભવિત જોખમોને યાદ રાખીને પોતાની જાતને સક્ષમ બનાવે છે.
આપણું મન વર્તમાનમાં કોઈ સામાન્ય બાબત કે અનુભવ પરથી તેની સ્મૃતિઓને જાગૃત કરી બેસતું હોય છે. એટલે, ભયનાં કારણો તો હોય છે, પણ તે અતીતનાં હોય છે અને અર્ધજાગૃત મનમાં હોય છે.
બીજું, Anxiety (ચિંતા, ઉદ્વેગ, વ્યગ્રતા) પણ ભયનો ભાવ પેદા કરે છે.
Anxiety એટલે જે જોખમ આવ્યું નથી અથવા આવવાનું પણ નથી તેની ચિંતા કરવી તે.
Anxiety બહુ જ સામાન્ય છે. અમુક માણસોને ચોમાસામાં વિજળી પડવાની ચિંતા હોય. અમુક માણસોને અંધારામાં જવાની ચિંતા હોય. અમુક માણસોને ચેપ લાગી જવાની ચિંતા હોય. ચિંતા તાર્કિક નથી હોતી. તે મનનો સહજ રિસ્પોન્સ છે.

ઘણીવાર, સ્વાસ્થ્ય બરાબર ન હોય કે ઉંમર થઈ હોય તો પણ ચિંતાનો ભાવ વધી જાય છે. એવી ચિંતાઓ આપણી અંદર અકારણ ભય પેદા કરતી હોય છે. ભય સકારણ જ હોય તેવી માન્યતા ગેરમાર્ગે દોરનારી છે.
ભય લાગવો તે મગજની ડિફોલ્ટ અવસ્થા છે. એટલા માટે સપનાં હંમેશાં ડરામણા હોય છે, આનંદનાં નહીં.
આનો શ્રેષ્ઠ ઉપાય શારીરિક અને માનસિક તંદુરસ્તીને મજબુત કરે તેવી પ્રવૃતિઓ કરવી, બને એટલું સર્જનાત્મક જીવન જીવવું, સંયમિત જીવન શૈલી અપનાવવી, પૂરતી ઊંઘ મેળવવી અને પ્રકૃતિના ચક્ર સાથે સંતુલન રાખવાનો છે.
*Happy Morning*

RBI Various Post Recruitment Notification

💁‍♂ પંચાયત સેવા પસંદગી મંડળ ઓફિશિયલ કેલેન્ડર વર્ષ 2025-26

#GPSSB #Calendar

GPSSB

પંચાયત તલાટી અને જુનિયર ક્લાર્ક નો સિલેબસ

#GPSSB

*મોર્નિંગ મ્યુસિંગ્સ:*

જેમ બહુ ખાવાથી આફરો ચઢે અને તમે હલનચલન કરી ન શકો, તેવી જ રીતે મગજમાં વધુ પડતી ઇન્ફોર્મેશનનો પણ આફરો ચઢે અને તેને પચાવવા માટે તમે ઓવર થિન્કિંગ કરો.

ઓવર થિન્કિંગ મનની શાંતિ હણી લે છે અને આપણે સતત "જો અને તો"ના ડરની સાઇકલમાં જીવતા થઈ જઈએ છીએ.
જેમ ખાવામાં સંયમ હોવો જોઈએ અને ભૂખ હોય તેટલું જ ખાવું જોઈએ, તેમ જાણવાની પણ સીમા હોવી જોઈએ અને ખપનું હોય તેટલું જ જાણવું જોઈએ.

આપણે ડિજિટલ દુનિયામાં જીવીએ છીએ અને ઇન્ફોર્મેશન પર આપણું નિયંત્રણ નથી.
ડિજિટલ દુનિયા , ફાસ્ટ ફૂડની જેમ , આપણી અંદર નકલી ભૂખ પેદા કરે છે અને "આ પણ કામનું છે અને તે પણ કામનું છે" કરીને આપણે વધુને વધુ ઇન્ફોર્મેશન "ખાવા" મજબૂર કરે છે.

કશું ન જાણવું અજ્ઞાનતા નથી, પરંતુ શું જાણવા જેવું છે તે જાણવું એ વિવેકબુદ્ધિમાં જરૂર ગણાય છે.
*Happy Morning*

‍💁‍♂300 કે તેથી વધારે સંખ્યા ધરાવતી સરકારી પ્રાથમિક શાળામાં 21000/- ના ફિક્સ પગાર કોન્ટ્રાક્ટથી શાળા સહાયકોની નિમણૂક

*મોર્નિંગ મ્યુસિંગ્સ:*

હમણાં એક શબ્દ વાંચવામાં આવ્યો હતો:
*બૌદ્ધિક બદમાશી*
તેનું વિશ્લેષણ......
બૌદ્ધિક બદમાશી એટલે જેની વાતચીતમાં કે લખાણમાં નિષ્ઠાનો અભાવ હોય, જે તથ્યોને સહેતુક તોડે મરોડે અથવા છુપાવી રાખે અને બીજા લોકોને ગેરમાર્ગે દોરવા માટે અથવા તેમના પર છાકો પાડવા માટે ઉટપટાંગ વાતો કરે તેવી વ્યક્તિ.

આવી વ્યક્તિને નવી જાણકારી મેળવવામાં, આપવામાં કે પોતાના દૃષ્ટિકોણનો વ્યાપ વધારવામાં રસ ન હોય, તેને માત્ર પોતાનો કક્કો સાબિત કરવામાં અને દલીલો જીતવામાં જ રસ હોય. તેના માટે તે કોઈપણ હદ સુધી જવા તૈયાર થાય.

તે જુઠ પણ આસાનીથી બોલી શકે.
બૌદ્ધિક ઇમાનદારીનું સૌથી મહત્વનું લક્ષણ એ હોય છે કે તેમાં જુઠનું કોઈ સ્થાન નથી હોતું, પછી ભલે વાસ્તવિકતા ગમે તેટલી આકરી હોય.

જે વ્યક્તિ પોતાના સ્વાર્થ માટે બીજી વ્યક્તિ સાથે વૈચારિક ઠગાઈ કરે તેને બૌદ્ધિક બદમાશી કહેવાય. બૌદ્ધિક બદમાશને તેની પાસે કેટલું જ્ઞાન છે તેનું પ્રદર્શન કરવામાં રસ હોય,
બૌદ્ધિક ઈમાનદારને તેની પાસે કેટલું અજ્ઞાન છે તે કહેવામાં શરમ ન હોય.
આવી વ્યક્તિને કેવી રીતે ઓળખાય?
પાંચ લક્ષણો છે:
૧. તે સવાલોની ઉપેક્ષા કરે અથવા સીધા જવાબો ન આપે
૨. બેવડાં ધોરણોનું પાલન કરે. પવન જોઈને પૂંઠ બદલે
૩. ક્યારેય ભૂલનો સ્વીકાર ન કરે અને ખોટાને સાચું સાબિત કરે
૪. લોકોને ગેરમાર્ગે દોરવા માટે થઈને ગોળગોળ વાતો કરે
૫. બીજાની દલીલો કે મુદ્દાઓને આડેધડ ખારીજ કરી નાખે
*Happy Morning*