كسر الخواطر بده من فرگت اعيونه
المعلوله روحه بهجر بيمن يطيبونه
الميت گبل فرگتك يحسين خيعونه
لحد يسكته البجه وإلمن يسكتونه
البعيونه شاف السلف يحملون من دونه

تحملون وآنه گلبي رايح
وحايط فراگك فوگي طايح
انه الوراكم علّه صايح
من هسه راح انصب فواتح
••••••••••••••••••••••••••
ياهو البعد كل صبح بشبگه ايتلگاني
لمت خواتي انگضت ولا لمت اخواني
من طول اخوي الطفل ماشبعت احضاني
اليدري اهله تگضي ذبح  بعد المن يتاني
ولو الله جابك الي  مو عدله تلگاني

بتكم أنه لو موش بتكم
تكتلونها ليش بهجركم
ثگل المشي البجدامي منكم
طيبه آنه بس هذا حزنكم

••••••••••••••••••••••••••
تدري شكثر صيحت  مادرتوا لعيوني
ميته بجي إعله الدرب  يابويه عفتوني
بنيه مريضه وصعب هيج أهلي خلوني
وهدومي أنه إمنمس محضرتها يدروني
جا ليش كلهن مشن بس آنه رجعوني

إمن البارحه إعله فراشي اتاني
وضني بمحاملهم مچاني
وأول خواتي الأصعد آني
صعد هلي وآنه جزاني
••••••••••••••••••••••••••

مناشغ گضته الدرب وگلبي جمر صاير
لو شايف اشگد طحت والله اكسر الخاطر
عفيه اعله روحي وبقت من سمعت اتهاجر
كون بوداعك متت  ولا شوفك مسافر
باجر يجيني گلت  وآنه ادري مو باجر

گلبي اعله فگدك بويه مصيوب
وتدري اليتم ذباح الگلوب
يل ماترحمك هاي الدروب
ما راح يرحم بيّه الغروب

••••••••••••••••••••••••••

ورگه إعله نار اوطحت شيصير بالورگه
مو إله سيف الذبح  يصير الذبح فرگه
ولا إله نار الحرگ  وداعك أشد حَرْگه
لبجيك حد العمه ونطي الهجر حگه
عيونك حجلي وشفت مامنها كل ملگه

فورة هضم بالروح تغلي
تمشين ماگلتولي يهلي
ميله بوگفتي فراگ حملي
وآيا حجاية بويه ضلي
••••••••••••••••••••••••••
إيدي إعله خدي انتظر بالعتبه ذبلانه
المتعلق وينهجر يموت إمن المتانه
بالبيت اطب والتفت اهنا گعدوا اهنانه
إعله افراشك بكل عتب بويه اغفى زعلانه
وينه اليگلي الجره گعدي انتي حلمانه

اهنا يالعفتني حدر الشموس
شكثر الحجي البلروح محبوس
بس منه بويه يحز بالنفوس
فارغ البيت الجان متروس

محمد الربيعي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

إمامي الحسن

مولاي  جيت الك
گلــبي  اتـوسلك..إمامي الحسن

رايـــد  جمره اله
مولاي  الـكـربـله..انـوح الضعن

للضـامي وخيـام الخدر
من موگدك أطلب جمر…إمامي الحسن

•••••••••••••••••••••••••••••••
أبـابك يـاكريم أهـلك   تردني حـاشه أدري
ضيفك لايـذ ابـختك    دخيلك ارشـد امري
دنيه وسيدي خـايف   بغفله ايضيع عـمري
اكرم گلـبي من جمرك  وديره فـوگ جمري

مجـدي  وأسـألـك
مديــت  جفي إلك.. الحزن الكربله

احرگلي  هل گلب
للبـات  ع التـرب.. بهجير الفله

دگـيتـه بـابـك وانتـظر
من موگدك أطلب جمر…إمامي الحسن

•••••••••••••••••••••••••••••••
عـرفت أبـابمن اوگـف   وأكلـفه بحـالي وأمـره
أنـه بگلبي الجمـر طـافي  ونـارك تـحيي جـمره
لأخوك وخيمته الطاحت ردت دمعه اعله خدره
يخـو أترف وحـن ساقي  اجيـتك عـيني صـحره

بخـوته  ورايـتـه
اكرمني   الغربته.. حرارة دمع

بكسرة   ظهر أخو
ودمعه   اليم عدو.. اضل منفجع

مـاريـد جــاه ولا أجــر
من موگدك أطلب جمر ... إمامي الحسن

•••••••••••••••••••••••••••••••
يشـلال الكـرم والـحب   الكرمـني وبان خيره
مثـل ادلالك ارد اصبح   ضمـيري يفـور غيره
على الهزت مهد محـروگ  وأبنهه بغـير ديـره
لـيل ورمـحه عذبـها   ومشـت والليـل حيـره

گعدت   وبـجرح
لـولـت   للـرمح.. وتگمطه وتون

إبـــني   لا يـفـز
تنعــى  وبي تهز.. كتلهه الحزن

الهايه ارد أون طول العمر
مـن مـوگدك أطلب جمر …إمامي الحسن

•••••••••••••••••••••••••••••••
مضيف وگلبك مشرعات اليجيك ونيته دمعه
وأنه ادري بنارك اتحشم حميتي الضعنه فزعه
عل المحـد فـزع مـابين  الخيل وبين ضـلعه
وفرد طيحه الخيم طاحن  وطلعن فرد طلعه

الصيوان  مشتعل
وحسين  ع الرمل.. ونهار الفله

حتــارن   يـا درب
يـمشـن  والغرب.. ترس كربله

ع الشاطـن بـذاك الضهر
مـن موگدك أطلب جمر …إمامي الحسن

•••••••••••••••••••••••••••••••

ديـن ابـرگبتي اخيـامه  اضـل الحـد منيتي
يـالمدليني ويـن أگعد  ويالمكبريلي صيتي
بحزنكم أنـه مـن زغري وتكفلتوهـا تربيتي
وحـق اموعك إعله حسين عزاكم هو بيتي

يـــا روح   فاطمه
الهل ساع  محزمه.. الغريب الوطن

أنخاك   سيـدي
جرحي  يضل ندي.. إعله طول الزمن

لـلـهزل لـحبال الـيسر
مـن موگدك أطلب جمر…إمامي الحسن

محمد الربيعي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

يعثرني دمعي


اجيت  يعثرني دمعي
اجيت  ويدي اعله ضلعي
اخاف  ما الگه منك رسم

لكيت بالحومه دمك
لگيت  كلشي اله جسمك
عليك  شما اقترب انلجم

طايح
بالدرب طايح ..وبالنزف سابح يمه
حسنك
امن العطش رايح.. جيت الك صايح  يمه

يالمندفن بالحجر  ليك اوصلت گوه
آنه امك الأنتحب والفوگك اتلوه
شخله عطش كربله بعيونك الحلوه
الگلبك جبت دمعتي منهه اگعد اتروه

هاك ..
هلبت يبرد الدمع
نار الي جوه الضلع
الصوتك اريد استمع  هاك

يمه حبيبي حسين
يمه حبيبي حسين
•••••••••••••••••••••••••••••••
اريد ..ابعد سهامك
اريد ..تعدل منامك
حرام ..نايم چفي اعله الترب

وحيد..والحومه ضدك
وحيد..وع الغبره خدك
عجيب..شمسويه ببني الغرب

العاشر
شعايف العاشر..اعليك العدو داير  يمه
بايگ
ضحكتك حافر…وبحالك شصاير يمه

فوگك أحوم ابدمع ومذهوله بآ لامك
شما جيت اريد اشبگك   ماتقبل اسهامك
شدعي اعله ذاك النهر لميبس احلامك
يالميت إمن الهظم جي طاحت اخيامك

گوم
مو حلوه فوگ الترب
نومك يألم الگلب
خلصت ييمه الحرب  گوم

يمه حبيبي حسين
يمه حبيبي حسين

•••••••••••••••••••••••••••••••
تطيح..وحافر يجيلك
تطيح..ومحد يشيلك
تشوف..نار بوسط خيمتك

تصيح..عباس أريده
تصيح..اختك وحيده
أجيت..الطم على غربتك

شفتك
ع النهر شفتك ..تبجي وسمعتك يمه
تگله
حسينك ابختك ..خل نرد لختك يمه

شسويتوا بيه لمن  توادعتوا ع الغبره
بجيتني إمن وگعت  تلمه وتشم صدره
عباس گتله الغرب الماعنده اخو تكسره
يشبگك يحاول لچن  لا يمنه لا يسره

آآآآآآه
گتله اعل ياهو أنتجي
مات وي خوك الحجي
ورديت ناگع بجي  آآآآآآه

يمه حبيبي حسين
يمه حبيبي حسين

•••••••••••••••••••••••••••••••
تنام.. بحضني اريدك
تنام.. وخل اشبگ ايدك
حسين..يايمه چلمه ردت

حرام.. يعطشوني حسنك
حرام.. يحرموني منك
بصباك..زغير انت وانه رحت

بزغرك
عفتك بزغرك…وبيي ضل عطرك يمه
وتالي
بيدي دم نحرك..ومنسحگ صدرك يمه


جانت بسمتك دوه. لأمك يغالي امك
جنت ازعل اعله الهوه لو مايمر يمك
بس هسه گاع الحرب مرتويه من دمك
يل ما بقالك اخو  يضلل يجي الجسمك

وين..
اختك تدير النظر
وماخذ وطنهه النهر
شتحمل بعد ياقهر. وين

يمه حبيبي حسين
يمه حبيبي حسين

محمد الربيعي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

غيور الدمعه


بحزن ياگلبي روح
الغربته بحسره نوح
انترس گلبه جروح  حسين حسين

على الماله عضيد
انفجع ضل لا تهيد
بقى بالطف وحيد حسين حسين

هضم يشبع يگلبي الماكو اخو بظهره
اليكظ اصفاحه بي ماتنعد الكسره
يطيح الماتسنده اصحابه بالحومه
وتشوفه الناس طايح لاچن اتعبره

التهضم يگلبي بالغاضريه
ماعنده حيل يگوم الرقيه
وبخيامه طبت خيل آل أميه حسين
••••••••••••••••••••••••••••••••••
حجه بصوته الجريح
سگف خدري يطيح
على أصحابه يصيح حسين حسين

خذه احزامه الفرات
وبدِي عبدالله مات
انحنه إمن النايبات حسين حسين

شال ايده وصرخ يابو الفضل وينك
نحنه ظهري واطلبك خويه جفينك
گوم وشوف كل الحومه متحضره
وما تبقى خيم بس يوگع احسينك

ماينعدل ضهري اله بوگفتك
ياجيش اخوك ويا زمزم اختك
خويه اعله طولي مبينه كسرتك حسين
••••••••••••••••••••••••••••••••••
العدو اتزهده الغريب
ورخص دمه عجيب
المجيب ابلا مجيب  حسين حسين

على اضعونه يدير
أبو الفي الجبير
بقى بحر الهجير حسين حسين

وين ايحطها عينه يصد عدو يگصده
اليمشي ويلتفت عايف خدر وحده
سبعينه گضوا حيله وعدو يطلبه
والماعنده اخو اهنا ينعبر حده

من كل مكان الخيل اعتنته
وفزعت تشيله امن الغبره اخته
بس المصيبه ما لحگته حسين

••••••••••••••••••••••••••••••••••

أخذ بالحب قرار
ذكر اسمه انكسار
ومواطن بيها حار  حسين حسين

بجه ويم ابنه هام 
وبجه فاگد حزام   
وبجه اباب الخيام حسين حسين

ترى درب العشگ ياگلبي ع النيه
ومثل حسين ما يتساوم بدنيه
بس ياگلبي ساموا دمه بالحومه
وبالطف عاري ضل بعز ضهاريه

سيد المحنه الماكو بمثيله
يشوفون طايح محد يشيله 
وعنه اخته راحت فوگ الهزيله حسين

••••••••••••••••••••••••••••••••••
يگلبي الحب ضمير
وغيور الدمعه صير
خيامه أجمل مصير حسين حسين

اتخذ شرع العويل
الدمع ابسط سبيل
صعب رد الجميل حسين حسين

لو نبجي الزمن كله ابد والله
من عبدالله مانوفيلك امناغاه
لگينه الدمعه الك أوجه عذر مولاي
وعشت وي گلبي الك بالواحسيناه

عهد وي گلبي للزهره گلته
يا فاطمه ماننسه غربته
اسمه اعله باب اعيوني كتبته حسين

محمد الربيعي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

((#حواريون ))                #محرم_1447
……………………………………………………………

حواريونَ صاروا للحسينِ
لعينِ السبطِ تُكرم ألفُ عينِ
عروجُ بالدماءِ .. إلى أعلى السماءِ
حواريون

……………………………………………………………


مامش اذن سمعت هيج . و لا عين الذي شافت
زلم چنها ابعرس مو موت . وحنّاها ابدمه اندافت
چن تسيوره للديوان . ولا چن نبل يتهافت
خاف النخل من الجيش . و هاي الزلم ما خافت

زلم عدهه  . الحرب نزهه  . الذبح قمة سعاده
الوقت طوّل . شوكت يوصل . ويجي وقت الشهاده

دماهْم طهّرت أرضَ العراقِ
إلى الموتِ إنطلاقٌ كالسباقِ
ولاءٌ في ولاءِ .. إلى أعلى السماءِ
حواريون

……………………………………………………………


اتركوني و جمل هالليل . وبريت اوياكم الذمه
گالوله و صدگ مجنون . اليمشي و يترك النعمه
مباح الهوه الكل الناس . وحرام اخلافك انشمه
العمر طاموره حدر اجبال .اذا ما بيه ابو اليمه

يذبحونه . و يگطعونه . والف مو مره وحده
فلا انعوفك . نجي انطوفك . فراشات اعل ورده

معاكَ الموتُ كالشهدِ المصفى
هنيئا مَن يُلاقي اليومَ حتفا
و حورٌ بأنتقاءِ .. إلى أعلى السماءِ
حواريون

……………………………………………………………


طمّن بت علي و گلها . هاي الزلم خدّامج
شجره و خل يهزنه الموت . وتسگط رگب جدامج
عمرنه وابد مايسواش . تراب الداسته  اجدامج
تسحگنه الزلم و الخيل . الا أتعبر لخيامج

يخدر الرب . الچ نركب . على جناح المنيه
مناحرنه . وسفك دمنه . فده لبنت الزجيه

فأنتِ ليسَ تحتاجُ مُقاتل
وذا عباسكِ للخدرِ كافل
أميرُ للوفاءِ .. إلى أعلى السماءِ
حواريون

……………………………………………………………


كلمن للحرب يدخل . احتمالين العگل خلّه
عدل خمسين بالميه . وخمسين أحتمل چتله
بس الربعه گال حسين . ما تبقه نفس عدله
مثل صايم شهر رمضان . وباجر عيدك اتگله

يحيّونه . و يشكرونه . على هاي البشاره
غداً كلنه . الى الجنه . الچتل اربح تجاره

سويعاتٌ و تأتينا السهامُ
و يسقينا على الحوضِ الأمامْ
رجالُ هؤلاءِ .. إلى أعلى السماءِ
حواريون

……………………………………………………………


واحد شايب ومتعوب . وتحس اثمنطعش عمره
وعبد صار ابيض الوجنات . و فاق اعل الورد عطره
و غُلام الگال اميري حسين . و أمه الحزّمت ظهره
ومريم ودت الها اوليد . وهب هاديته للزهره

وبرز واحد . اسد قائد . نزل للحگ يحامي
كشف صدر . شعر يقره . جنون ابحب امامي

زهيرٌ صدرُهُ صَدَّ السِهاما
بريرُ الشيخُ ذا يفدي الإماما
رجالٌ من نقاءِ .. إلى أعلى السماءِ
حواريون

……………………………………………………………


درس مجاني بالصحبه . ومنه الزوم نتعلم
يم صاحبنه بالكلفات . مو وكت الضحك نلتم
صديجگ لو على الحگ چان . افزع حافي و محزم
أجمل قصه ربع حسين . كتبوها بقلم من دم

الرجل موقف . فلا يزلف . عن الدين و طريقه
مَثلها الحُر . وفه يمطر . تبع نهج الحقيقه

يُخيّرُ نفسهُ أصعب خيارِ
أ للفردوسِ يعلو أم لنارِ
و فازَ أبنُ السخاءِ .. إلى أعلى السماءِ
حواريون

……………………………………………………………
✍️ ( سيد خضر الزاملي )
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

حماسيه .  ( #وما_بدلوا_تبديلا )    
#محرم_1447
…………………………………………………………

فمنهُم مَن قضى نَحبه .. و منهُم ينتظر صَلبه
وما بدّلوا تبديلا

……………………………………………………………


زلم خالقها الله من زبر الحديد
حتى ميتهم تعارچ روحه
صار يتفاخر جريح اعل الجريح
البيهم الاكثر تكون جروحه
زلم سوت للحرب طعم ومذاق
بيهم العركه اصبحت مملوحه

المات منهم مايوصي لا ابمال و عيلته
يبچي ويأشر بصبعه بالحسين اوصيته

بنهرِ الدمِ قد باتوا . فهُم أحياءُ ما ماتوا
فصار الذبحُ تبجيلا
وما بدّلوا تبديلا

……………………………………………………………


لا حواريين وي عيسى المسيح
لا ربع موسى الذي نجّاهم
واذا اصحاب الكهف ناموا سنين
ذوله ناموا و السهام اغطاهم
هدوا اعل الزهره اصحاب الرسول
وذوله يم زينب جروها أدماهم

جيش حيدر لو مثلهم وضع صفين اختلف
ايصير كل الشام شيعي وحلب تتحول نجف

لسبطِ المصطفى وقفُ . وفيهِم يفخرُ الطفُ
فقد قُتّلوا تقتيلا
وما بدّلوا تبديلا

……………………………………………………………


شگد عجيبه واحنه ما سمعينه هيج
لا ابقصه و لا فلم شفناها
واحد اتگله تره باچر تموت
يفرح و ظل للصبح يتباها
ينتظر چن لحظه افراج السجين
ابشوگ لحظات الذبح تاناها

جيش سبعين الف واحد رفعوا اسيوف الذبح
وتضحك الاصحاب چنهم عيد رمضان الصبح

فإنَّ القتلَ ميقاتٌ .. لهُم تشتاقُ جناتٌ
وأمسى الساقي جبريلا
وما بدّلوا تبديلا

……………………………………………………………


بله منهم خلي ناخذ فد مثال
حتى ناخذ صوره عن الحاله
تگول عمر اثمنطعش راجع حبيب
ركض يهجم يسبگ الخيّاله
اللي يبرز گبل لا راسه يطيح
رعباً الشارب يطيح أگباله

يكله يحسين انا عمك تره مو شايب ولد
سيفي جاع و ما يشبعه إلا رگبة بن سعد

حبيبٌ كالأبابيلِ .. على إبرهه و الفيلِ
وسيفٌ يرمي سجّيلا
وما بدّلوا تبديلا

……………………………………………………………


زينب وتنشد حسين اعل الانصار
خافن ايتركونك ابهل الهيمه
سمعوا وفزعوا و چن حرگة مضيف
وچن سباق و ركضوا اعل الخيمه
احنا يا زينب ابليّاكم عبيد
تره بيكم النه صارت قيمه

عالمخيم أحنا غيمه نمطر اعليج ابرگب
حبل من خيمة رقيه يعادل اجبال الذهب

فقري العينَ يازينب .. فدِا كلٌّ لكِ يذهب
يصيرُ الرملُ إكليلا
وما بدّلوا تبديلا

……………………………………………………………


الدين موقف مو فقط صوم وصلاه
يريد كلمه و لو تتطلب موته
الما فزع للمذهب ابرخص التراب
والفزع يسواله الف ياقوته
تره نفس القصر وي جون وحبيب
اليجي ملفوف ابعلم تابوته

احنا ما شاهدنه عابس شفنه بس زلم الوطن
حررونه امن ايد داعش وانطوا ادماهم ثمن

حسينٌ عندهم يحضر .. عليهِم يَحنو كالأكبر
وباتَ الدمُ تغسيلا
وما بدّلوا تبديلا

……………………………………………………………
✍️ ( سيد خضر الزاملي )
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

يلوموني بحبك يحسين  خيلوموني خيلوموني
                                                 من فاضل طينك مخلوق مايدروني   ما يدروني
  تتفاخر بيك الكونين               يحسين يا نور العين
                 خيلوموني خيلوموني
ــــــــــــــــــــــــــــــــ                                                    

حب حسین ماله حدود     مونزوة عشك هاوين
عشكنه حسين من الذر     واحنه بعالم التكوين
عقيدة انته بظمايرنه      وفرض حبك صبح يحسين
حبك للخلق برهــان       وصرنه بحبك مجانين


وي عابس من صاح بصوت    بارض الحومة  بارض الحومة
بالذر احنه وصحنه وياه         الكل مهظومة   الكل مهظومـــة
وبحبك صحنه مجانين             يحسين يا نور العين
                                   خيلوموني خيلوموني
                  
ـــــــــــــــــــــــــــــــــــــ
عدنــــــــه تذكر الاخبـار    عن اقوال ايمتنه
أنذكر عن جعفر الصادق    يشرح بيه نشأتنه
كـــــال بطينــــه الفاضل     ربك خلق شيعتنه
اذن حب الشهيد حسين     كسبناه اعلى فطرتنه

عالفطرة نحبك يحسين    موبيدينه    موبيدينه
والايم خل بينه يلــــوم    ميهم بينه  ميهم بينه
نحبك وبدربك ماشين     يحسين يا نور العين
              خيلوموني خيلوموني
          ــــــــــــــــــــــــــــــــــــــــــــ
اكو حب بالكلب يروون    واكو حب بالعكل يرسه
بس حب الكلوب يموت    وهم حب العكل ينسه
وحبك معجزة يحسين      حبك بالدم انحســـــه
حبك مو فرض مولاي    بل انته الفرض نفسه

حبك ينبض بالشريان    وي ادمانه 
وي ادمانه
میموت ولا ننساه يوم   باقيويانه   باقي ويانه
حبك معناه حب الدين    يحسين يا نور العين
                 خيلوموني خيلوموني
             ـــــــــــــــــــــــــــــــــــــــــــــــــ
من يوم الفتحت العيـــن    وطفل بالمهد خلونــــــي
باسمك يالسبط ناغيـــت    اعلی اسمك اهلي ربوني
وبعد هم من ردت امشي   وبقوا عالمشي يعلموني
يكلولــــي علي ويــــاك    وهم باسمك يشجعونــي

بسمك يحسين تربيت    واعلى مصابك   واعلى مصابك
وافهمت الدين وصليت   اعلى ترابـــك   اعلى ترابــــك
وعرفتك عالحق متلين       يحسين يا نور العين
                    خيلوموني خيلوموني
                ـــــــــــــــــــــــــــــــــــــــــــــــــــــــ
ربيت انه اعلى خدمتكم      وبيكم مقترن حبـــي
وعكلي بنهج ابو السجاد     نور ونفتح كلبـــــي

ومن طف كربله و عاشور   تأسس ونرسم دربي
وعيني شما تمر سنين       الكبر حسين بس تربي

فرض وواجب هاي الروح    حبك بيها    حبك بيها
ونـــارمصـــابـــك بالــدلال   شيطفيها     شيطفيها
  حبك يزداد بكل حين          يحسين يا نور العين
                  خيلوموني خيلوموني
            ـــــــــــــــــــــــــــــــــــــــــــــــ
لأن شيعي واحب طرواك     بعض الناس عادتني
وبعض الناس لان انعاك      لهذا السبب كفرتني
وبعضهم جوزوا قتلــي       وبعض الناس لامتني
وبذبحـــي فتاويهــــــم       عزم واصرار زادتني

خلهم يحسين يفجرون     ميغيرونه
میغیرونه
بمنهجهم عزم واصرار    ایزیدونه    ایزیدونه
   للموت وياكم باقين      يحسين يا نور العين
                 خيلوموني خيلوموني
ـــــــــــــــــــــــــــــــــــــــ                                                
                                                             
خادم الحسـين
مذكور العلياوي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

هذا فرض العزاء...حزن ولطم البكاء

أم المجالس فاطمة الزهراء*

تنوي عله الحزن وتهل الدموع
المصيبة بكربله مكسور الضلوع
اهات والألم طفيات الشموع
و المهدي كل سنينه مفجوعه

ما ينوصف بيه حال المهدي
قطرات بالسما جروح تندي
غير السبي من ديره لعد ديره
يمصاب العمر مرسوم لبخدي

دموع تهل كربلاء.

هذا فرض العزاء...حزن ولطم البكاء

أم المجالس فاطمة الزهراء*

كل عام ليمر نتلگه المصاب
صوته والحزن متوسد تراب
محرم الفرض الوجه اخظاب
يا عطر جرح كربله منا الهاب

كل عمري اگضي بالدمع
وگلبي جروح عله لضلع
بطاري محرم و المصيبة
بسم حسين آهات نفجوع

رياح محرم الهواء

هذا فرض العزاء...حزن ولطم البكاء

أم المجالس فاطمة الزهراء*

حضوري من الزغر تعويد أمي
يبني هذا الفرض إنه أوصي
بالگ يمه عن الزهراء تبطي
هاي المكانة بالعمر گبر حضي

تعويد المجالس ولهفة أطفال
تارس كربلاء متوسد الرمال
إنه الفجع بطاري الرماح
يا عشگ العمر وتفگير البال

مولاي حبگ الرجاء

هذا فرض العزاء...حزن ولطم البكاء

أم المجالس فاطمة الزهراء*

مجلسگ خير وأمان بطول السنين
تحضر الزهراء بذكر الحسين
أنته رحمه باب حبُ ويقين

دموع لعاشور تلهب الجروح
بعزاء سيدي تطمئن الروح
الله يعين المهدي بطول العمر
حسين العطشان والمذبوح

العمر كله نداء

هذا فرض العزاء...حزن ولطم البكاء

أم المجالس فاطمة الزهراء*

عضيد هادي الصالحي
﴿ﺎللھُمۘ ؏َـجۚل لِوليۧڪَ ﺎلفَرجۚ﴾
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

كربلاء يا كربلاء لا تزيدني ابتلاء
ــــــــــــــــــ
صوت باجر من نحر ما بي دمه
يعلىٰ هل من ناصِراً لاخر سمة
وتنشر الزهرة قميصه فاطمة
وتيبس الدنيا بكثر مابي ضمة

ضامياً فوقَ العراء   لا تزيدني ابتلاء

ــــــــــــــــــ 
باجر ترد الخيول اعله الضلع
لآخر خيامة الكسر من ينسمع
لا مناصر باجر ولا من فزع
لا اخو عنده يظل لا من ربع

بعد حينٍ وانتهاء    لا تزيدني ابتلاء
ــــــــــــــــــ 
كربله وكل العشيرة اعله الثره
جنهم نجوم السماء مطشرة
والتأذي من المصاب الي جرة
زينب ام العفة تمشي ميسرة

ليتهُ صار الفناء  لا تزيدني ابتلاء
ــــــــــــــــــ
ماتت الخوه وبعد مات النشد
بلا ابو فاضل منهو للخوة يسد 
عالشريعة بلا يعين ولا زند 
جربة ماتت بالسهم مات الورد

بعدما ذاك الوفاء   لا تزيدني ابتلاء
ــــــــــــــــــ 
كربله وفوك الرمح صار الفرُض
من بنات المصطفى فرن ركُض
بالصحاري وما تلمهم أي أرُض
والقلق صاير مثل صوت النبض


   ويعتلي صوت البكاء   لا تزيدني ابتلاء
ــــــــــــــــــ
كربله وما ظل عشيرة ولا شمِل
عالترب كلهم ذبح حتى الطفل
كربله وكلشي الجرة ما ينحمل
لكن اصعب زينب تروح بهزل


   بعد نيران الخباء   لا تزيدني ابتلاء
ــــــــــــــــــ
ماتوا بنار التعب من التعب
وما وصل ماي الشريعة بكل سبب
مُهر جان لفاطمة هذا العجب
ما وصل للخيمة بس نار ولهب


   كان للضامي نداء    لا تزيدني ابتلاء
ــــــــــــــــــ 
الشاعر زين العابدين الشمري 
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

القاسم

قلب امك المفجوع بالغاضرية
اصبح لهيب خيام يوليدي بية

ابقى    يبني    مكسورة الخاطر بعد عينك

ــــــــــــــــــ

يمة الفگد جتال والغربة يبني
بالخيمة ومتاناك يايمة هدني
رافگت وني عليك ماسكت وني
دمعي منهد فرگاك صابغلي ردني

ابقى    يبني    مكسورة الخاطر بعد عينك

ــــــــــــــــــ

متبدي فوك الكاع ياماي العيون
واني الحزن تابوت وتشيلة المتون
اشوكت طاري يعود وي اليعودون
خضرت يمتى ووين يايمة وشلون

ابقى    يبني    مكسورة الخاطر بعد عينك

ــــــــــــــــــ

يازرعة الله شلون من أيدي تنحاش
زاگيتك بدمعات وادري الغصن عاش
ماهمني فوك رمال مو گعدة بفراش
بالرمشة شوف العين للجية غباش

ابقى    يبني    مكسورة الخاطر بعد عينك

ــــــــــــــــــ
مو مثلي يالعريس چلاب الخيام
كل لحظة من تفوت من العمر عام
لو جيتك لو موت دلالي محتام
حالي نهر عطشان يوليدي جسام

ابقى    يبني    مكسورة الخاطر بعد عينك

ــــــــــــــــــ

قلبي انصلب وانهار مايقبل يهيد
شيصبره عمري شلون يل دربك بعيد
طبعت بخدي اعليك ولجيتك الأيد
ام وابنها يموت شتسوي بالعيد

ابقى    يبني    مكسورة الخاطر بعد عينك

ــــــــــــــــــ

مخنوگة حيل اعليك والوسعة تنشاف
ثقب إبرة هذا الكون يايمة بخلاف
حج الهضم والاه بيه الحزن طاف
ضيمي جبل وانشال وانحط على جتاف

ابقى    يبني    مكسورة الخاطر بعد عينك

ــــــــــــــــــ

الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

(اعثر واكومن)

حسين خوية .. حسين خوية
————————————
رحت ارد اوصل اشكيلة
هجمو كلهم علية
واجيتك وامشي بين الموت
اجيتك وانة محنية
ادور بل جثث يحسين
ادور بية ما بية
واعثر بابني واتخطى
واكولن هوة غالية

لــيش .. اعثر واكومن
لــيش .. ساكت ياخوية
لــيش .. ما تومي لختك
لــيش .. هجمو علينة

حسين خوية .. حسين خوية
————————————

وصلتة وهسة بس اسهام
ماكو مجان الايداية
وتهضم دليلي هواي
الحافر مارد الارية
إذا ميت كمر عدنان
وطفو ضوة البدوية
معناهة الاميرة تروح
القصر الشام مسبية

شــلون.. خوية الحكنة
شـــلون .. نكطع ضنة
شـــلون .. حركو خيمنة
شـــلون … ماترجع النة

حسين خوية …حسين خوية
——————————-
دفهمني ياخوية شصار
غريب يكود علوية
عكب ماجان اخوي الحيف
هسة جفوفة مرمية
ومابيدي اروح اهناك
واشوف عيونة مطفية
جنت اني النضر والشوف
وبيهن انة محمية

كــــوم .. هل جتفونة
كــــوم .. مو ركبونة
كــــوم .. كلهم ولونة
كـــوم … خوية وسبونة

حسين خوية .. حسين خوية
————————————-
راحت انة الكمر عدنان
بلكت ينهض عليهم
اخبرنة اخيك طاح
ويمرد صدرة حافرهم
وكلة العشرة مبيوكات
الخنصر ضال هل عدهم
مو بس هيج اكلة بهاي
يدوسة المار من يمهم

شــوف : فكدك نهيبة
شٌــوف : ردنة خيمة
شــوف: نركض بهيمة
شــوف : كلبي شيعينة

حسين خوية … حسين خوية
————————————
اودعكم ياخواتي اليوم
اضن راح امشي مسبية
ماضل كلشي يل خوان
بعدكم ضايع البية
بعدكم امشي بل ياويل
امشي وانة علوية
اه يا هضمت المكسور
شكضيهن ليالية

مــات : كل حيلي انة
مــات :بعدة هوانة
مــات: حسين وحنانة
مــات : راعي لوانة

حسين خوية : حسين خوية
____


✍🏼: يونس علي الكعبي

قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4