هل موسم اجروحي 00 محرم محرم
ابچي اعله مذبوحي 00 محرم محرم
حزني كربلائي مايخلص عزائي
ــــــــــــــــــــــــــــــــــــــ
آنه ناذر كـل حياتي 00 للحسين وخدمته
مره الطم بالـمجالس 00 مره أطوف بحضرته

والحمد لله شهر عاشور اجاني
وماخلص عمري ولهسه عايش آني
امحضر ادموعي واعدن بالثواني

كل عمري ياريته 00 محرم محرم
بعيوني خلّيته 00 محرم محرم
لحسين انتمائي مايخلص عزائي
ــــــــــــــــــــــــــــــــــــــ
الله سوّاني حسيني 00 وانترس گلبي عشگ
كل محرم بالمجالس 00 شمعه اصير واحترگ

ينسطر خد الشمر لو ادگ صدري
تطفه نيران الخيم لو دمعي يجري
أمن الزغر طابع الزنجيل اعله ظهري

تَكويني بالفطره 00 محرم محرم
يچوي الگلب ذكره 00 محرم محرم
للضامي بكائي مايخلص عزائي
ــــــــــــــــــــــــــــــــــــــ
العشره الاولى من محرم 00 اذكر اخيول العشر
طشّرت جثة امامي 00 ورضرضت منه الصدر

ومن اثر هذا السحگ شوف الرزيه
وصلت اظلـــوعه الحضن بنته رقيه
وزينب اوي الروس اخذوهه سبيه

عاشور احزاني 00 محرم محرم
لوّعني بچاني 00 محرم محرم
ثار الله ندائي مايخلص عزائي
ــــــــــــــــــــــــــــــــــــــ
ابو فاظل من اذكره 00 جمره توگع دمعتي
وبس احلفه بخدر زينب 00 والله تخلص حاجتي

من اطب الگبره كون اچفوفي اضمهه
الخاطر اچفوفه الوگع منهن علمهه
واذكر الهامه العمد لّـمن هشمهه

ذابح هوه انفاسي 00 محرم محرم
ضيّعلي عبّاسي 00 محرم محرم
للكافل ولائـي مايخلص عزائي
ــــــــــــــــــــــــــــــــــــــ
اذكر المهدي وكـــلامه 00 بالزيارة الناحيه
عله مصاب احسين عيني 00 مو دمع دم باكيه

آنه جدي الشيّعو جسمه بحصيره
وآنه عمتي اوي الشمر راحت اسيره
المهدي آنه وقصة احزاني چبيره

شيب رمـش عيني 00 محرم محرم
بي ذبحو احسيني 00 محرم محرم
أظهر كل رجائي مايخلص عزائي

محمد الجماسي

قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

#تراث

أُمْرُرْ عَلَىْ جَدَثِ الحُسَيْنِ وُقُلْ لِأَعْظُمِهِ الزَّكِيَّةْ
يَا أَعْظُمَاً لَا زِلْتِ مِنْ وَطْفَاءَ سَاكِبَةً رَوِيَّةْ
مَا لَذَّ عَيْشٌ بَعْدَ رَضِّكِ بِالجِيَادِ الأَعْوَجِيَّةْ
قَبـــــرٌ تَضِمّــــــنَ طيّبّـــاً آبـــاؤُهُ خَيـرُ البرِيّه
آباؤُهُ أهـــل الرياســـةِ والخِلافَــــــةِ وَالوصُيّه
وَالخَيرِ والشِّيــــمِ المهذَّبـــةِ المَطيّبةِ الرّضيّه
فإذا مَرَرْتَ بِقبــــــرِهِ فأطِـــل بِهِ وَقِفَ المَطيّة
وَابْكِ المُطَهّــرِ للمطهَّـــــرِ والمطَهَّرةِ الزكيَّة
كَبكــــاءِ مُعْــــوِلَةٍ غَدَتْ يَوماً بِواحِــدِها المنيَّة
وَالَعنْ صَــدى عُمَرَ بْنُ سَعْدٍ والمُلمّــــعِ بالنَقيّه
شِمْرِ بنِ جوشــــنٍ الذي طاحــت بهِ نَفْسٌ شقيّة
جَعَلوا ابنَ بنْتِ نَبَّيِهم غَرَضاً كما تُرْمى الذَّرِيّة
لمْ يَدْعُهُــــمْ لِقِتـــــالِـــهِ إلا الجعــــالةُ والعَطِيّة
لَمّا دَعــــوْهُ لِكــــي تُحّكّـــمَ فِيــــهِ أولادُ البغيّة
أوْلادُ أخْبثِ مَنْ مَشى مَرَحــــــاً وأخْبثهِم سَجِيّه
فَعَصــــــاهُمُ وأَبَتْ لَـــــــهُ نَفْسٌ مُعَــــزّزةٌ أبيّه
فغذو لهُ بالسابغاتِ عليهِمُ و المشرَفيّة
والبِيضِ واليَلَبِ اليمانيْ والطِــــوالِ السَّمْهَريَّة
وَهُم أُلـــــوفُ وَهْوَ في سَبْعينَ نَفْســــاً هاِشمِيِة
فَلَقـــــوْهُ في خَلَفٍ لأحمــــدَ مُقبِليِـــنَ مِنَ الثّنيِّة
مستيقنين بأنّهــــم سِيقــــوا لأسبــــــــابِ المنية
يا عَيْنُ فابْكِ ما حَيَيْتِ عَلى ذوِي الِذمـــمِ الوفيّة
لا عُذرَ في تَــــــرْكِ البُكاءِ دَمــاً وأنْتِ بهِ حَريّة

الشاعر المرحوم
سيد اسماعيل الحميري

كلبي يحن ليل الحزن اجاني
ما ينكطع شهر الدمع اجاني
افراك اخوتي ماذيني يهلال لتبجيني
*
يهلال عاين حالتي مكسور كلبي اعله اخوتي شيردهم العافوني
ما يرحم افراك المشو جم حيل من عندي خذو ماي برمل خلوني
مليت من كثر الصبر بالباب ضليت انتظر الحد ما عميت عيوني

ذاك الكلب فوك الترب عفتهم
نوحي اعتله وبكربله عفتهم
صارت ظلام اسنيني يهلال لتبجيني
**
افرش صورهم بالكلب وذكرهم ودمعي يصب وجرح الاحبهم يكبر
امن اليل لليل انتظر كبرني الفراك اشكثر امن السهر لوني تغير
احنه العمر جبناه سوه ليش انكطع حته الهوه ونار المصايب تسعر

امن الون كضت وتغربت حياتي
ما بيها ابد راحه بعد حياتي
اغفه ودمعتي بعيني يهلال لتبجيني
***
ماريد اشوفك يا شهر مني خذت احله كمر وما فاركتني طيوفه
مهشوم راسه بالعمد وكلب اخته لحضه مابرد ومكطعات جفوفه
اصعب جرح وصعب الم من شفت بعيونه السهم صحت الكمر ماعوفه

ماضل امل عني رحل كفيلي
فوك النهر خان الدهر كفيلي
وعكبه ضعت تدريني يهلال لتبجيني
**
ريج الحسين اشكد يبس والماي اشد امن الفرس عذب حسين تحسه
تربع عله صدره الشمر وحسين ضلعه منكسر وبرجله كام ايرفسه
بالسيف يطبر هامته ومن الكفه حز ركبته والخيل كطعت نفسه

وبعد الذبح شاله برمح ذباحه
اطهر دمه وبجه السمه ذباحه
فوك التراب حسيني يهلال لتبجيني
*
يهلال زيدت الالم وتذكرت حرك الخيم وصار السبي كدامي
جم طفل بالخيل انسحك وجم واحد اكبالي احترك وضامي يلوذ بضامي
اجمع بالاطفال واون وصياطهم فوك المتن وتكاثرت الامي

وويه الابو تحجي بدفو رقيه
تكله خفت وتسلبت رقيه
يمك اضل خليني يهلال لتبجيني
**
تمت
تحسين الخفاجي

قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

من قلب الجرح
الله يساعد گلبك
سيدي ياصاحب الزمان 💔😭