قصائد منبريه مكتوبه 📚

0:56

4.7K viewsأمِيري حُسينٌ ونِعمَ الأَمير, 16:20

قصائد منبريه مكتوبه 📚

هل هلالها و من بدت ساعتها
اشلون ام عون هاي الليلة گضتها
ــــــــــــــــــــــــــــــــــــــ
نزلت كل زلمها وخيل تتبع خيل
ضجت بالصياح وبالطبل و اصهيل
كون الليل يبطي ولا يخلص الليل
ولا باجر اتشوف الزلم ركضتها
ــــــــــــــــــــــــــــــــــــــ
تربي حسين عين وعين تربي الجيش
والخيل اتراكض واخف من الريش
تحجي وي الحسين وكثرت بالليش
وما مرتاحة ما كعدت بخيمتها
ــــــــــــــــــــــــــــــــــــــ
هل هلالها ولا هلا بهالليلة
كعدت وي اخوها وبدت تحجيله
اشعدها اتحضرت والكفر شد حيله
ونزلت ع الشريعة الوادم اشعدها
ــــــــــــــــــــــــــــــــــــــ
شعدهم خوية حضروهن مشاعلهم
وليش اتلم احجار الوادم اشعدهم
الهم ثار لو جاتل علي منهم
و رد الثار يردون بمشاعلها
ــــــــــــــــــــــــــــــــــــــ
حاجاها ودمعته بعينه ابو اليمة
كلها لجتلي خوية الزلم ملتمة
وهذا ايصيح باجر يمه يا عمه
وهاي التركض وجفها اعله شيلتها
ــــــــــــــــــــــــــــــــــــــ
كضتها بنشد وبدمع و اموادع
وضايع ضل يودع ويشم بضايع
حسين من اخته هاي الليلة ما شابع
ولا ملت ركبته اشكثر شمتها
ــــــــــــــــــــــــــــــــــــــ
ها يا ليل طول ع الصبح لاحگ
ويانه اشعندك وي الوكت متسابگ
بس الليلة باجر يبدي المفارگ
وكلمن باجر تروح لمنيتها


الخادم أحمد داود

5.6K viewsأمِيري حُسينٌ ونِعمَ الأَمير, 16:50

قصائد منبريه مكتوبه 📚

احتاج دعائكم 🙏💔

5.2K viewsأمِيري حُسينٌ ونِعمَ الأَمير, 17:04

قصائد منبريه مكتوبه 📚

ابو صالح 💔😞

4.9K viewsأمِيري حُسينٌ ونِعمَ الأَمير, 20:17

قصائد منبريه مكتوبه 📚

كل شخص يهدي
في كل يوم من ايام العشرة الأولى
25 صلاة على محمد وآله
بنية السلامة لقلب صاحب الزمان
وتعجيل لفرجه الشريف

فهو شريك لي بكل مجلس ودمعة
وخدمة في هذه الأيام العشرة
وبالخصوص نشر القصائد
وزيارة قبر الحسين عليه السلام

#اللهم_عجل_لوليك_الفرج

4.9K viewsأمِيري حُسينٌ ونِعمَ الأَمير, edited  20:24

قصائد منبريه مكتوبه 📚

Notes_240112_100105.pdf

1.8 MB

قصة الثانية لعناية الامام المهدي روحي فداه من القصص المشهورة جدا
خلي يقروها الطلاب خصوصا

4.6K viewsأمِيري حُسينٌ ونِعمَ الأَمير, edited  21:00

قصائد منبريه مكتوبه 📚

قصائد ليلة الثاني مع الالحان 👇
(للخدمة )
ياصاحب الزمان
#اللهم_عجل_لوليك_الفرج

4.9K viewsأمِيري حُسينٌ ونِعمَ الأَمير, 21:10

قصائد منبريه مكتوبه 📚

قصائد منبريه مكتوبه 📚 pinned a photo

21:11

قصائد منبريه مكتوبه 📚

گعدية الليلة الثانيه

يل رايد أمن يوم القيامه
اتحزم والتزم درب الخدامه
كلشي اهناك فلسين بس حسين غالي
_________

يهل رايد عگب موتك صك تخلص بي رگبتك
لا صلاتك لا صيامك هيه التبيض صفحتك
آنه أگلك واختصرها يم ابو اليمه شغلتك

صدگني مامش كل مفر
يم الحسين المستقر
الجنه بيده والسقر وآنه يا صاحب نصحتك

او تدري بالحشر كثرة مخاطر
چلب بل حسين او لا تخاطر
واعرف هل چلمتين : بس حسين غالي
_________

احچايه من ناصح اخذها خلها ترچيه بذانك
نسبة ادموعك يقينن هيه التحدد مكانك
والمجالس هاي هيه حتمن الي اتعلي شانك

والزهره لا ينفع نسب
ولا كثرة اولاد . او ذهب
الينفعك بس التعب للحسين اوبي أمانك

أتعب والتعب لحسين راحه
هنيال الخدم ليله او صباحه
اشمرخص دمعة العين بس حسين غالي
_________

الدنيا لا تشغلك عنه عوفها او خلها تولي
المال . والكرسي هذني من ابنادم ما تعلي
اليعلي الشان دمعه او مجلس ابيتك تخلي

كلشي يروح ابدنيتك
متفيدك الا خدمتك
احرص عليها دمعتك كون تجريها ابتجلي

خل ابدمعتك عندك عقيده
هيه اتوصلك امچان التريده
تسكن بيها جنتين بس حسين غالي
_________

لو ردت تصبح موقّر او بل ارض كلشي يقدسك
او لو ردت يوم القيامه النار ابدن ما تمسك
عوف كلشي او لا تعوفه احسين بي كلش تمسك
عيش ابمصيبة كربلا
أحسينيه گلبك حوّله
او مجلسك بالك تهمله اقره حتى ويه نفسك

اقراله نعي مالات اهلنه
عن أمصيبة اخته ام المحنه
چثر الها الونين بس حسين غالي
_________

اهواي انعه للمصيبه حته لحسين اتقرب
لن اليحب النواعي عند اهل البيت ينحب
والتحبه الزهره گلي. اشلون بالنار ايتعذب

الينعه ويه فاطمه
حاشه تعذبه الحاطمه
لا لا . تجيه واتكرمه او سلسبيل اتگله اشرب

اي هاذه الجزه او هاي المراتب
لانك وزعت مي بالمواكب
واتروي الموالين بس حسين غالي
_________

اهواي بالخدمه تمسك واطلب امن احسين اكثر
گله زودلي ونيني. خله گلبي اعليك ينطر
خلي موتي ابهل مجالس حتى بالداربن افخر

يا أجمل او اغلى المنى
عبدك وابن عبدك انا
وياك اضل داير سنه هاذه عهدي ابدمه المنحر

ابكيفك سيدي شنهو التريده.
اقره او انعه واكتبلك قصيده
وين اليعجبك وين بس حسين غالي
_________

ابو فاطمة الطائي

قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

4.5K viewsأمِيري حُسينٌ ونِعمَ الأَمير, 21:11

قصائد منبريه مكتوبه 📚

حبيتك يحسيني
والصفنه اتوديني
يم بابك يـــاعيني .. ياعيني
"""""""""""""""""""""""""""""""""""''''''''''

حبك مو حچي ايام ولا هـــوه بسهوله
حبك فطره يحسين من مهد الطفوله

افرح لو كبر جرحي أعله منواله
اشگد اتمنى كون بصدري خياله

أموت ..
وتشملني رحمتك .. وتلمني حضرتك
وأتنفس عــذابك
خليني أعله بابك

بدروبــك مشيني
والصفنه اتوديني
يــم بابك ياعيني .. ياعيني
"""""""""""""""""""""""""""""""""""''''''''''

راحةّ حبــــك وياي حنيتك عـذابي
الغيرك مره الدموع بس انته مصابي

أهيمن والعشگ يحرگني ساعاته
اصدق حب اذا بالخلـــوه دمعاته

أهيم ..
من حبك وأجيلك .. مولايه ودخيلك
موتني غــــــرامك
وتارسني هــيامك

بالـــرايه غطيني
والصفنه اتوديني
يم بابك ياعــيني .. ياعيني
"""""""""""""""""""""""""""""""""""''''''''''

مشيني أعله منواك زمــــاني ماله رادع
أضيعن وأرجع وياك اليحبك عمره ضايع

دليني أعله جرحك خاطر ابچيله
بحنان أمي أظــــل بهداي ألوليله

حسين ..
افرشلك حناني .. گلبك ما نساني
يرزقني عـــزائه
وآلآمه وبكــــائه

بالمجلس خليني
والصفنه اتوديني
يم بابك ياعــيني .. ياعيني
"""""""""""""""""""""""""""""""""""''''''''''

سهر للگلبه مشتاگ للخــــدمه وتعبها
روحي بنار الاشواگ بس لحسين أذبها

وأتقاسم دمــــــع من گلبي لعيوني
وارسم بالعشگ سوط وعلى متوني

سياط ..
ضوگني الأذيــــه .. من سوط السبيه
جمـــره من رقيه
ولوعه من صفيه

بالخيمه چــويني
والصفنه اتوديني
يم بابك ياعيــني .. ياعيني
"""""""""""""""""""""""""""""""""""''''''''''

سحگـ صاير بلاشــــوف وأجانب ليش لمه
بخيامك تبچي الاطفال وكلها تصيح عمه

والعمه الحنـــــــونه تركـــض بهيمه
تكض الطفله مدري أطفي بالخيمه

عذاب ..
بين الخيل تركـــض .. تهد بهاي وتكض
العشگ بالروح حيره
العشگ لازم أســـيره

والـــزينب دليني
والصفنه اتوديني
يم بابك ياعــيني .. ياعيني

عبد زينب
محمد الابراهيمي

قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

4.2K viewsأمِيري حُسينٌ ونِعمَ الأَمير, 21:17

قصائد منبريه مكتوبه 📚

Audio

3.6K viewsأمِيري حُسينٌ ونِعمَ الأَمير, 21:17

قصائد منبريه مكتوبه 📚

خدمتك     أعظم وأقدس كرامة
نعمتك     تارس الدنيا أبتسامة
كون يالعايش وسط أعيوني
كون شمعة أبابك خلــــوني
.......................................................
يا جلمة هلا وتكوه     بشفاف الخـــــــدم حلوة
يا سر الوجود وخدمتك بيهـــــــا العجايب

كل خادم نذر عمره    من صغره وعلى الفطرة
من خيرك ربى وشاب وكبر وأتسمه شايب

يا شيخ السلف يا رحمة يا نعمة
نعيش أنموت كلنه بصاية الخدمة

ياشمس     ونورك يضوي بسمانه
نلتـمس     نضرة ويفيض بحنانــه
ريت كل عمري وكل أضنوني
كون شمعة أبابك خلونـــــــــي
يا حسين
..............................................
شما عشت وجزه عمري    أشتمك هوه عذري
وأهيم بعالمك يا من ألك تحلــى الخدامة

يالناذرلك أسنيني    وين أتريد خليني
يم باب الصحن كون وعسن مثل الحمامة

لكعد عالدرب كعدات المجدي
وأخدم لليجيك ودمعتـي بخدي


أمروتك   ماألي غيرك وأجيتك
بحضرتك   دورت روحي ولكيتك
طيف عايش طيفك بشجوني
كون شمعة أبابك خلونـــــي
يا حسين
....................................................
شمـــــا أبعد وأرد يمك    بدموعي أخط أسمك
وأدخل حضرتك نادم وأجــي يم بابك أنعه

وأتوضى بهوه الحضرة    وأوكف وأستعد وأقره
أقره أزيارتك وأركض وأطوف ويمك أسعه

وعلى الشباج أهيـــم ودمعتي أجريها
يمن تكضي الحوائج حاجتي أكضيها


بصايتك     شسوه لوما في وجودك
ثورتك     جسدت معنــــى خلودك
صار دربك دستور أفنوني
كون شمعة أبابك خلونـــي
يا حسين
....................................................
من ألبس ألـــــك أسود      وأسمي أمن الخدم ينعد
ومن أحضر ألك مجلس عزه والزهرة تحضر

يم الباب أجي وأكعد     وأدري فاطمة تنشد
وأتسجل أسم كلمن خـــــــــــدم وايوقعه حيدر

شحلاة الخادم الجرحك كعد يقره
باجر حيــــــدر أيجازيه والزهرة

بالحشر    يحضر بعزة ومهابة
ينذكر    خادم حسين ومصابه
نور يم بابك لــــو شافوني
كون شمعة أبابك خلونـــي
يا حسين
.......................................................
يالبسمك بديت أسمي    شفتك تجري وي دمي
وأحروفك حرز طلسم رفع بالدنيا صيتي

خادم أسمي وأتشرف    بيه جمرة من الطف
مابين الخلك آنــــــه أفتخر أسمك هويتي

يمن ألكاك حاضر ليــه كل شده
هوه اللي يحب غيرك عقل عنده

مستحيل     عاقل وعنده بصيرة
عن يقين    بلا عقل بايع ضميره
بيك مسودن وأفخر بجنوني
كون شمعة أبابك خلونـــــي
يا حسين
......................................................
خادم خدمة الحسين
الشاعر
محمد الموالي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

4.4K viewsأمِيري حُسينٌ ونِعمَ الأَمير, 21:27

قصائد منبريه مكتوبه 📚

1:59

4.0K viewsأمِيري حُسينٌ ونِعمَ الأَمير, 21:27

قصائد منبريه مكتوبه 📚

ياقتيل العبره ياعزيز الزهره
ابا عبدالله
ــــــــــــــــــــــــــــــــــــــ
لگيتك سالفت فطره يحسين اعله گد نيتي
ولگيتك مو هوئ محتار بس تتغزل بريتي
مادام الدمع يرثيك يقين اعرفت تاليتي
ياسيد العافيه مشكور منك خذت تسميتي
—————-
هيه العافيه بلياك ماتراد مذمومه
منو مثلك مغطي الدين بس مسلبه هدومه
مادام انا اعرف حسين مااحتاج معلومه
يقين الماتخلي ذنوب يعني الدمعه معصومه
—————-
ياخذني الدرب لهناك واشوف الدنيه تغويني
وشما ابتعد ياحسين انته الگاك تدنيني
الما بيهن ذكر ومصاب ماينحسبن اسنيني
حدر ضلعي تعرف شبيه تدري لبينك وبيني
—————-
يلگلك جرح مولاي عذراً خاف الچمنك
الحوافر شالهن تاريخ چ يحسين سحگنك
وبگد العرفتك بيه مدري شلون ارسمنك
حلات الفطره گون وياك من الطم واشوفنك

—————-
يالماخذ عفه السجاد ومچمله اعله عافيتي
انه من ريشت العباس ماخذ هيبتي وصيتي
ومن اگماط عبدالله تعلمت الف چفيتي
عبد عندك وآبق حيل بس مطيني حريتي


علاء شهيد الحچامي

قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

4.3K viewsأمِيري حُسينٌ ونِعمَ الأَمير, 21:38

قصائد منبريه مكتوبه 📚

جمال الدنيه بثنين ** محرم وانته يحسين
بس انته الذبح زيد جمالك
أستحرم احب واحد بدالك
/////////////////////////////
طاوعت الكلب وياك - واعرف كلبي ميجامل
ولكيتك بالعشگ يحسين - وعلي بس انته تستاهل
دلتني فطرتي اعليك - اجيتك وأنه متفائل
بالخدمة ردت مولاي - أمن ايدك ليد ابوفاضل

الك مرغوبه الجروح ** احبك وانته مذبوح
گلبي من الزغر شارد اجالك
أستحرم احب واحد بدالك
/////////////////////////////
شيريد من الله يامولاي - الحسك واكف بظهره
واحلف عاليخدمك راح - الصراط امغمض يعبره
زغيره الدنيه اشوفنهه - وخدمتك عالم اشكبره
حتى منبرك بي روح - يطش احساسه عاليقره

كلشي بااسمك يصير ** يصير براسه بي خير
كلمن يرتبط بسمك حلاالك
أستحرم احب واحد بدالك
/////////////////////////////
المصيبه اشما يضمونك - من تعتگ تصير اغله
بدم المنحر وشيبك - صرت فوگ الرمح احله
انه اول بشر يحسين - شافك انته كل اهله
عن شم الهوه استغني - وعنك صعبه اتخله

يأول نجمة غروب ** بغلاتك ماكو محبوب
يرخص دمعته الرايد وصالك
أستحرم احب واحد بدالك
/////////////////////////////
النهار بطوله خصلت شيب - يم نورك إذا اقيسه
التجنن بيك ماينلام - لون احساسك يجيسه
وهب حصل رضاك وصار - أعظم حتى من عيسى
تظحيتك درس للناس - صعب ينعاد تدريسه

هداية كل الأديان ** الغريب المات عطشان
وهب ذب الصليب وانتخالك
أستحرم احب واحد بدالك
/////////////////////////////
اگابل صورتك بالليل - بدمعتي بجرحك اتغزل
ممل كلشي بدونك صار - بس انته جذب تنمل
المهم عندي أضل وياك - وين اتحطني راح اقبل
عليك الغربن للشام - أريدك بيه تتكفل

الصورك دمعي يندار ** يجنه وفركتك نار
رضا الباري لگيته من خلالك
أستحرم احب واحد بدالك
/////////////////////////////
تمت ____ علاء الزيدي

قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

4.3K viewsأمِيري حُسينٌ ونِعمَ الأَمير, 22:05

قصائد منبريه مكتوبه 📚

الحَمِد لله بَـعـدنـي اُويـاك .. و ما زَل جِدمي بـالـدنـيّـه
يبو الأكبر و اجه عـاشـور .. و اجـيـتـك لِـلـحُـسـيـنـيّـه
ــــــــــــــــــــــــــــــــــــــ
اجيت المجلسك يَـحسين .. اُو قَـبِـل لا اِدخُـلِ اِبـابَـك
هِويت اعله الأرض ساجِد .. وَ اقَـبِّـل سـيـدي اَعتابك
و اقول الـحَـِمـد لله اِردود .. رِجعَت المجلس امصابَك

الـحَـمِـد لله بَـعـدنـي زَيــن
و رجعت المجلسك يَـحسين
شـايـلـك حَـچـي بـالـعـيـن

دِموعي تِختِصِر يحسين .. حَنيني و كِل أمَـل بيّه
ــــــــــــــــــــــــــــــــــــــ
اِجيتَك جـيّـت الـعَـطـشـان .. الما هَـمَـه اِيتِروى ابـماي
اِجيت اِبـلايـه حِلف اِعليك .. واطُـلـبَـك سيدي ابرجواي
لــو تِــقــبَــل أظــل ويّـــاك .. لَـو تِـسـمَـح تِـظَـل وَيــاي

يا بـو الأكـبـر اَتـرجـاك
خليني العُمُر بِـحـمـاك
وَيّــاك اُو فـقـط وَيّــاك

فَــرِّح گلبي يـا مـولاي .. و گلي الحاجه مَگضيّه
ــــــــــــــــــــــــــــــــــــــ
گِـلِـتـهـا و راح اقــول اِردود .. وَ أكِـدهـا عـلـى المِنبَر
“عصاتي خِدمتي لحسين” .. و حاشى اُوياك اَتعَثَر
انـتـه الـخـيـر كــلِ الـخـيـر .. وانته والأصِل والجَوهَر

اليحِبَك يِـدرِك المَعنى
ابـحزنه اعليك يِتهَنَه
يِحِس ابمأتَمَك جَـنَـه

وأنا ما هَمني كِل لايـم .. يِـحـاول يِشكِل اِبغَيّه
ــــــــــــــــــــــــــــــــــــــ
ما همني حَچي العِذال .. يَـلِـمصابَك شِـغَـل فِكري
عايش بالـعـزا و النوح .. و الـوَنـه و لـطـم صـدري
و اتمنى أنـا ابهل حـال .. الآخر لحظه مِـن عُمري

أظـل ابـمأتمك دائـم
شاعر ناعي لو لاطم
المهم أبقى إلك خادِم

المهم بآخر نِفَس يحسين .. راضي سيدي اعليّه
ــــــــــــــــــــــــــــــــــــــ
لا تُـوكِـلـنـي عِد نَفسي .. واصبَح سيدي حـايـر
خـلـيـنـي أظـل اُويــاك .. دوم ابـمجلِسَك حاضِر
وِ اقـبَـل هالعَمَل مني .. وآنه ادري العَمَل قاصِر

دِخـيـلـك لا تِبَعِدني
ومن الخِدمَه تِطرِدني
اِقبَل هالعَمَل مني

حاسبِني اِبرَحِمتَك لا .. تِحاسبني على النيّه


عبداللطيف

قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

4.6K viewsأمِيري حُسينٌ ونِعمَ الأَمير, 22:32

قصائد منبريه مكتوبه 📚

قارِب ذنوبي .. عنّك محبوبي ..  ياخذني بَعيد
وأندم بدايـه .. بس بالنّـهايه .. أذنب من جديد
عُذراً مولاي .. عُذراً مولاي
➖➖➖

شما نويت اعله گربك تعت بيدي الذنوب
وقارب ذنوبي ياخذني عن بابك بَعـيد
هيه غلطه وهجرتك لجَن هسه صَحيت
ورايد امراضة گلبك واجي تسامحني اريد

هيّه غلطة عمري هاي
من مشيت ابمشتهاي
وما شرِت گلبك وشوري الضّيعاني
چنت يمك عندي شان
وجاه عندي وكلشي چان
ورخّصت روحي بعشگ دنيا امداني


بذنوبي ذنّـي .. خايف اتْهدني .. من ايدك واضيع
مولاي اريدك ..  ربيني بيدك .. واحسبني رضيع

➖➖➖
يمته آخر عَفو احجيها من گلب ولسان
ويمته يا دمعة منها و اتوبن يا حُسين
بكلبك اتلمني مولاي واطشر روحي دوم
مو حنين انا وانت عَلي دومك حِنين

هواي گتلك راح اتوب
وما نشَفت  من الذنوب
شما ردت تبنيني اهدّم بيدي روحي
عمر خلّـصته اعتذار
يمته احس بالأنكسار
شما الك انوي اعتدل يعْـوَج طموحي

مو حلوه مني .. لو گلبي خَذني .. وما ردني ليك
كافيني اهجرك .. خايف اخسرك.. واتحسر عليك

➖➖➖
بلغة ندمان اجي احچيلك بواهس رضاك
هذا ذنبي وعلى الله بقت روحي وعليك
منين ما باوع لروحي غلطان  انا اشوف
وهل اجيت ارد اعمّر حياتي آنا اعله اديك


من مَقالب روحي راح
بفَي حنانك  أستـراح
حالي من حال الحمَام اليَم ضريحك
وثوب هجراني الطويل
راح  انزعــه وما أعيـل
وگلبي اگرصه و راح اعلمه ما يجرحك

سامحني مَرّه .. وما راح اكسره .. گلبك يا حُسين
عينك عليه .. يابو رقيه .. وادريبك حِنين

➖➖➖
ولْدي واموالي مولاي سند بس ما يدوم
وانا أحوج إلك منهم بهذا الوجــود
بعالم الدّنيا والموت بدونك انا اضيع
كلشي فاني ورحمتك فلا إلها حِـدود

مالي واهلي والبيوت
مالهم دور من اموت
انت بس انت الـذِي ما تنطي ظهرك
ومن يدفنوني ابْـتراب
وعني تتخلّه الاحباب
هنا اخاف ومالي يابو سكينه غيرك

ماعندي ناصر ..يوگفلي باچر.. بلگبر من افوت
رايد وكفتك .. انا ورحمتك..  يحسين من اموت

➖➖➖
خادم القصيدة
حيدر عبدالله السعيدي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

4.6K viewsأمِيري حُسينٌ ونِعمَ الأَمير, 23:31

قصائد منبريه مكتوبه 📚

2:09

4.1K viewsأمِيري حُسينٌ ونِعمَ الأَمير, 23:35

قصائد منبريه مكتوبه 📚

#نعي

الحمد لله وصل عاشوراء واني بهل سنه موجود
اروح الماتمك يحسين وارد البس ثياب السود
وازيد اعله السواد سواد والطم لو قره الرادود
وبلجن بالخدم اسمي متسجل بتعزيه

يبو اليمه العمر ذابل واكسر واجمع بدهره
بدخلك جاي واترجاك باجي العمر لا خسره
شچم عاشور باقيلي ابجي ويمك الزهره
ومنك ما اريد اجواب ولا لي اعليك منيه

منك ما اريد اثواب وماريد اندعي بأجري
بس يم منبر خلي ابجي ودمعتي تجري
واضل من ماتم الماتم ووسم باللطم صدري
وتكسر عبرتي مصابك كل ما يمر طاريه

منقول

#اللهم_عجل_لوليك_الفرج

4.1K viewsأمِيري حُسينٌ ونِعمَ الأَمير, 01:27

قصائد منبريه مكتوبه 📚

((شتت خيالي))


شتت خـيالي العشگ
وجيتك جرح مبتسم
عــــاري انته ماتنعقل
ماتـــــــرهم ابلا هدم

جلبابك انته السمه
يبن الطهر فــاطمه
ويلاه ميت عطش
ماترهم أنته بضمه

على رمح الملامه الراس مشيول
على صدر النبوه أدوس الخيــول
والزهره تشـوف الصـــــار ما صار
وتّگَلك طشــــــــرو يبني الدللـول

ياموطني ويا ســيدي
كون الجرح من يبتدي
يبدي انحنائي للــرمح
هيچ الگلب من يهتدي

حسين حسين ... مولايه

""""""""""""""""""""""""""""""""""""""""""""""""'''""""

اصل الكـــلام برمح
بالنضر كــل الحچي
ومن يرتفع حاجبك
يعني بضعنكم بچي

يبن النبي ويــانبي
كاسر خواطر سبي
مابي مجال الرمح
تنضر شلون الحَبيّ

تريد تشوف گـــــــــوه أدير العيون
بيا حاله تريد أتشــــــــاهد أم عون
الرمح حابس نضرتك وأنته محتار
يغـــــث بيك الـــرمح وتگله ممنون

ماتّنِـــزعْ مــــــن الرمح
والاصعب بعينك ذبــح
لا مو جرح واحد شفت
ألف وتسع ميةّ جــــرح

حسين حسين ... مولايه

""""""""""""""""""""""""""""""""""""""""""""""""'''""""

تسمع بمتن الطفـــل
مدري شــني تستمع
همس السوالف حبل
وعابر بهجرك دمـــع

تعبو وزاد العشــــــگ
وألي يحب يحتـــرگ
والمـــــات من الهضم
هذا اليحب من صدگ

جزه طاري العطش درب السبايه
هضيمه ضعــون زينب دون رايه
بحلام الهجـــــــر نصبو محطـات
البدايه النار والمــــــــوت النهايه

من تنضر الحزنك غبش
والمدمع بخــــدك فرش
بانت ملاميـــــح العشگ
من تعطش وانته بعطش

حسين حسين ... مولايه

""""""""""""""""""""""""""""""""""""""""""""""""'''""""

جرحك مثل ماردت
يحسين كلش صعب
ثوبك بحـــافر فرس
وخدودك أعله الترب

يا اترف من الجفن
حـتى بونينك لحن
من رافگـاك الرمح
علمته مثــلك يون

والهذا السبب مـــــــــن أسمك يفوت
بحروفك نغم صوت أعله مـن صوت
اليموت أعليك مــــــا يـــلام يحسين
بحيث أنقدسه البل مجــــلس يموت

مو من صعب مــن سهل
الواحد يموت اعله الهزل
من يســمع بزينب مشت
برگبتها مشــــدود الحبل

حسين حسين ... مولايه

""""""""""""""""""""""""""""""""""""""""""""""""'''""""

واليخّدمك مفخـــره
والدمعه اصل المجد
اتمنى مــــو بس ألك
لترابك أصبــــح عبد

قيـــــدني في أيّ جمر
والـــــــدنيا تمطر عسر
بس كون اظل خادمك
هـــــــــاك العمر والعمر

أخــذني الدولةّ اشواگك أسيرك
وَهَبتنا الحيــــــــــاة بفي نميرك
خير الدنيا كله مــــــــن الطفوف
ألف مشكور يحسين أعله خيرك

خَيرك تبده ومكــثره
حب وعطـاء ومغفره
وزياره ولمجلس لطم
تحضر يسيد الاخــره

حسين حسين ... مولايه

عبد زينب
محمد الابراهيمي

قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

4.4K viewsأمِيري حُسينٌ ونِعمَ الأَمير, edited  02:23

HTML Embed Code:
<iframe width="100%" src="https://www.bootg.com/buyppe/web?embed=1" title="Telegram Web" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>