لحبابي تون هايه أ دياري
@@#@
تون ادياره اليوم الوالي
وجافي أصبح بيتي وخالي
غربه وفركة ونار بجالي
يمهم مشغوله انا افكاري
@@@.
طير البوم يغر بالديره
عكب الوليان انا بحيره
يهلي تعرفون أنا ازغيره
من عندي هواي أكبر ناري
@@@
كلبي تعرفوه هايه اوجاعة
يصحة من اكعد يمكم ساعة
اخذوني الكم كل هل الطاعة
خدامة الكم كلها كتاري
@@@
شدت سكنه أمتاع الرحله
ماضلت ويلي اهنا طفلة
منهو يكوم أحملها يكله
عل لخد المدمع هل جاري

@@@
شمني احسين وباس اعيوني
خابت هلساع انا اضنوني
بدمع العين اهلي يودعوني
چنه ا حسين يخلوه عاري
@@@
مسلم ياسر المياحي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

ودعتهه جرح الفراك اشيودعه
فاركتهه وعاتبتني دمعه دمعه
ودعتهه وفاركتهه
****

ما شفته هظمه ابحياتي مثل هظمتهه الجبيره
تون وتنوح
لاتخليني يبويــــــــــه اوياك اخذني بهل مسيره
لونّ اتروح
واشبگتهه وقبّلتهــــــه والدمع بعيوني ديــــــره
وگلب مجروح
شاهدت حسرة غيابي بنظرة الطفلـــه الكسيره
العتاب ايلوح

هدّأتهه ماتهيد اللي مثلهه
صبّرتهه والصبر ما ظنّه الهه
ودعتهه وفاركتهه

*

اتلملم الحيل ابمرضهه وتمشي خطوه وخطوه تعثر
بلاية حيل
تلزم بطارف عــــــباتي تگلي لتظن راح اگدر
وداعك ويل
انته لو بس تمشي عني گلبي يوگف يابو الاكبر
يبدر الليل
تسحگ ابروحي الخواطر هيكل احلامي ايتكسّر
كأنهه الخيل

كــــلّمتهه وكلّمتني وعذّبتني
واسمعتهه اتكول چنّك يتّمتني
ودعتهه وفاركتهه

*

راحــــــت لهودج رقيه اتگلهه شو عفتوني وحدي
اروحن وين
چنت فرحانه بوجودج هسه كلشي ايصير ضدّي
اعيش البين
انطيني من عيناج نظره هاي نظره تبقه عندي
يماي العين
تنتهي قصــــــة دلالي قــــصة الاحزان تبدي
بوداع احسين

وانظرتهه اتعاين لهودج رقيه
ولإختهه اعتقد عدهه وصيّه
ودعتهه وفاركتهه

*
يـــــم علي الاكبر تعنّت تشرح ابهمهــــه وتگلّه
تضل ياريت
انته شمعه بداري تضوي لو رحت يرعبني شكله
بظلامه البيت
الله يــــــا كسرة گلبهه دمــــــــع الموادع تهلّه
وانه اتاذّيت
والاخت تشبگ اخوهه إلك شوگي ايصير عِلّه
لَوَن حنّيت

مــاردتهه الدنيه من عگبك يخويه
واكرهتهه لان راح افگد ابويــــــه

*
للرضيع ابحسره راحت بـــــويه بس خلّيه يمّي
يظل ويّاي
هـــــذا عبدالله حبيبي لو فگدته ايزود همّي
يتيه الراي
ردته أتسلّه ابوجـــــوده من تروح انته اويه اُمّي
يهيد الداي
لو أخذته عـــن عيوني اشلون أنساه انسه إسمي
فگدت ادواي

من شفتهه قبّلت عبدالله هيّه
قبّلتهـــــه شبگت ابشوغه إديّه

*

تلتفت محتاره ظلّت إلمت اتروح و تعاتب
عتب إحساس
ما إلي غيرك وسيله صدّت لبدر الغوالب
گمر عباس
عمّي لو عفتوني وحدي ودارت اعليه النوايب
اشتگول الناس
انته كفّال الضعينــــه وآني گلبي اهواي ذايب
يبو النوماس

عـــاينتهه تنتخي بعباس عمهه
واشبگتهه گـــلّي منهو يبقه يمهه

*







للدكتور رضا حامد الحسّاني
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

واحد من الرواديد سمع حجي عبد چيچان رضوان الله عليه وهوه يقول الرادود اليشرط على مجلس الحسين يروح الى جهنم وطبعاً الحاج الكلام ما جايبه من جيبه انما هوه حديث لمولانا الصادق او الرضا بمن يستأكلون باهل البيت .المهم الرادود گله اني حجي رادود ومن اسافر الغير مكان ادفع من جيبي فگاله الحاج موطن نفسك تروح يمهم وتاكل وتنام عدهم گله اكيد گاله حتى هاي لازم تشلعها من گلبك وتخلي بذهنك فقط الحسين يعني لو فرضاً خلوك في مكان مو نظيف او انته ما متوقعه اذا صار بگلبك عليهم شيئ فراجع حساباتك اذا كنت صدگ نيتك وعنوانك خادم كون تتحمل كلشي يصيبك في سبيل الحسين.انتهى

احاجي الرواديد الله يحفظهم لا تروح لمجلس ونيتك راح اتحصل مبلغ زين من هذا المجلس روح ونيتك خدمه لمولاك الحسين حتى تحصل رضاه ورضا امه المظلومه ولا تحمل اهل الموكب فوق طاقتهم اكثر اهل المواكب حالهم ضعيف ويجمعون الفلس على الفلس من اليسوه والمايسوه في سبيل يقدمون خدمه لمولاهم
للأسف هسه جاي نشوف الرادود ما يكتفي بمبلغ خدمته لا النوب ياخذ فلوس حتى يشتغل القصائد الي قراهن ومبالغ عاليه وطبعاً هاي صوج اهل الموكب عليمن تدفع مبالغ لاجل القصيده وتكلف نفسك واصير مثل المگدي كل شويه رايح لواحد تگله انطيني لا يكلف الله نفسا الا وسعها انته جزاك الله خير خدمت ونصبت العزاء وانطيت هدية الرادود وكلها بعين مولاتي وعندك انته ناس تشتغل وتنزل القصائد.

اسأل الله بحق سيد الشهداء ان يوفق الجميع ويوفقنا للقيام والمشاركه في عزاء مولانا الحسين بما يرضي مولانا صاحب العصر والزمان ويجعلنا من المواسين لقلب مولاتنا الزهراء.

بالطريق لنستقبله بما يرضيه لا بما يرضينا

القصة الرابعة من عناية وعطف الإمام المهدي روحي فداه

#لنندب الإمام عسى أن يفعل ذلك بقلوبنا ؟