(( #تلميذ_الفقار))            #محرم_1447
…………………………………………………………

قائد من صنع الكرار
مسلم تلميذ الفقار
عنده الغيره احساس .. رابي اوي العباس
تلميذ الفقار

……………………………………………………………


عن مسلم تاريخ ايسولف . وما واصل بعده العشرين
من عمه الكرار اتعيّن  . قائد في عركة صفين

الكرار ميجامل ابد . شاف ابو طاهر كدها
فلاح لازم منجله . و روس الزلم حاصدها
احتاروا و منا گنطره . وعباس واگف سَدها
والخيل مسلم بالعكس . فوگ الزلم صعدها

ناداه من ابعيد حسين
يبن العم عاشت ليدين
اتحسدك خاف الناس .. رابي اويه العباس
تلميذ الفقار

……………………………………………………………


وابن العم الحسن استاذه . سوّاه شيخ وعالي الشان
لو سولف تتحله الگهوه . وايصيح الله الفنجان

امن حسين ماخذ هيبته . خضره وتشع چفيته
شمسين طلعن بالسلف . من يكشخ ابخاچيته
بالعِلم مرجع مجتهد . تكصد الناس البيته
يسألونه ويجاوب گبل . مثل البحر عِلميته

اتخرّج من بيت القرآن
يتصبب منه الايمان
قدسيه الانفاس . رابي اويه العباس
تلميذ الفقار

……………………………………………………………


حسين ايخاطب اهل الكوفه . هذا سفير الكم وديت
هذا أخوي وشايل دمي . مسلم ثقتي امن اهل البيت

مثل الملك طبها و خطب . والكوفه صارت صفره
والطير يمه اتجمعت . محد بقه اعل الشجره
شيّاب تنشد بالوِلِد . هالصوت زين انذكره
خافنه للمنبر رجع . حيدر طلع من گبره

صح انتم ما مشتبهين
هذا اليحجي استاذه حسين
من هاشم نبراس .. رابي اويه العباس
تلميذ الفقار

……………………………………………………………


خانوه الماعدهم نخوه . محد دلّاه دربك هاذ
ولهتزت من مسلم شعره . يمكن گلبه امن الفولاذ

بالفزعه مو دوم الزلم . اتصير احسن امن النسوه
طوعه الاميره الطاهره . مليون شارب تسوه
طاحت عگلهم بالوحل . و شيلتها بيرغ نخوه
طب يمه ياريحة علي . الطولك اروحن فدوه

بيتك وانا البي خطار
آخذ مـن وجهك أنوار
عطرك بالانفاس .. رابي اوي العباس
تلميذ الفقار

……………………………………………………………


اعليه هدّت جند و خياله . معضد عالبيت امحوطين
خافت طوعه و هو يگلها . مسلم انا و لتخافين

كل خمسه يذبحهم سوه . الواحد يهمله ايعوفه
شي شردت و شي سلّمت . وشي ماتت امن الخوفه
ودوا ال عبيدالله خبر . خليه يكثر اسيوفه
لو يبقه فد ساعه بعد . مسلم يخلص الكوفه

عدهم اصبح جمله الموت
فارغ ماكو ولا تابوت
وهو امعلي الراس .. رابي اوي العباس
تلميذ الفقار

……………………………………………………………


ذبّوه من فوگ اعل الغبره . بس صار الـ مسلم تكريم
قصر الظالم اصبح حفره . وگبة مسلم علو الغيم

الـ بالامس خلوه وحده . ومحد دعاه الداره
واليوم كوفان اصبحت . مزدحمه من زواره
الـ بالحبل جرّوه أبامس . و بالدرب دمه أتجاره
بأسمه المدينه اتحولت . وهاي البشر خطاره

باب الواسع للحاجات
و يحل الشده ابلحظات
يا راعي النوماس .. رابي اوي العباس
تلميذ الفقار

……………………………………………………………
✍️ ( سيد خضر الزاملي )
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

لسيدنا مسلم بن عقيل ( عليه السلام )


سلّم وبگلب مكسور .. لله قدّماه نحره
مسلم يابو عبد الله .. بيك الله يعظم اجره
______

اني حر وعبد عندك والوعد ديـن
وبالگلب اكتب رسالة امچتف ايدين
الأمة ما وفّت ماوعدها ونكرت الزين
ضيّعوا حتى طريقي وماعرف وين

ضماير بالرخص تنباع .. تعبد درهم الظالم
لا توصل أبد يـ حسين .. من هالناس مشتائم

______

الك من توصل اخباري يعني مذبوح
والجسم مشمور خويه من السطوح
دفني بالكوفة جريمة وغير مسموح
وبيه اواسي جسمك الينعاف مطروح

ظنوا للچتل مهموم .. من دمعي ارتوت گاعي
ما يدروني بعد الروح .. دمعي اعليك و اوجاعي

______

أدري تسمعني واگلك خويه موضوع
الخبر من يوصل خيامي طفّي الشموع
الخيل تبقى تجرّه جسمي بين الفروع
و رايد لكسرة ضلوعك انطي الضلوع

لـ اعيونك ضلوعي تروح .. ولـ دمعك فدا راسي
مسلم وبحميدة يريد .. بيها ايتامك ايواسي

______

سوده الوجوه الشفتها وسوده الگلوب
وبرسايلهم وعدهم وعد مكذوب
وحشة الملگه شثگلها وحشة اغروب
ابلا هلا وبس للأذية انفتحت البوب

بابه يفكه راعي البيت .. ولحربي يوج ناره
من سطحه يشمر احجار .. هيج يلاگي خطاره

______

منها انه كضّيت گلبي گبل الصفاح
مو الك ينشال ضدك شفت السلاح
امصفطه شفت لقتالك خويه الـ رماح
وجهه ذاك الگلك اقبِل وجه سفّاح

ابيته استقبل الشيطان .. ويـحسبه مثل ضيفه
يخشّنها القلوب اعليك .. ولقتلك يحد سيفه

______
حسين علي الدليمي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

حميده ابنت مسلم عليهم السلام تخاطب اباها


حياتي ابدون وجهك مو حياتي
اشــوفــنــك واضمك بمنياتـي
ــــــــــــــــــ

يگولون البشر يتناسى لـو ينسه
لان الله خلقها جبدتة مــلــســه
وانا وعينك ترى من يومي ولهِسه
شفت الضيم بويه الماشفت نفسه

يـبويـه وراح يـلـفـيـنـي ممـاتـي
اشــوفــنــك واضمك بمنياتـي
ــــــــــــــــــ
يتاج الراس طيفك من يـجي ابالي
وحگ عينك علي بس حسره تبرالي
قميصك لــو يرد يـابــويــه يالغالي
اتـمـنـى بحقيقة وترجع اگــبـالــي

تفطر جفني مـن گـد نايحاتـي
اشــوفــنــك واضمك بمنياتـي

ــــــــــــــــــ
موقـف شفتة بــويـه وحـيـل اذانـي
عمي حسين اجاني بـلهـفـه ضمانـي
وحط ايده اعله راسي وبويه خلاني
بحضينة ويــگــلــي انــي ابــوج انـي

ويگلي اني احسبج من بناتـي
اشــوفــنــك واضمك بمنياتـي

ــــــــــــــــــ
اشلون انساك وانته الشوف البعيني
يمسلم بوية انشدك من تــخــلـيـني
مشيت انته وخذت كل عمري واسنيني
يـالمـدللـنـي مـا لـحـضـه تـجـافـيـنـي

كـلـهـا ويـاك جـانــت ذكــريـاتـي
اشــوفــنــك واضمك بمنياتـي

ــــــــــــــــــ
يـبويه ابلا ابو مهمومة الابنـيه
باجر مـن تصير الدمعه ترجية
بحساسي وشعوري ما الك جيه
ولــو ترجع يبوية وتنظر البية

يـبـست مـن الـم فـگدك لهاتي
اشــوفــنــك واضمك بمنياتـي
ــــــــــــــــــ
يـا خيمة وحنينك لمن يسافر
رحيلك بـويه يشبه ليلة العاشر
اتاني لرجعتك من بين الف باجر
بعدك اني اكـسر خاطر الخاطـر

يالتنشدني وادور رضـاتــي
اشــوفــنــك واضمك بمنياتـي
ــــــــــــــــــ
شـوفت طولك اترد العمر بية
وانذرلك نذر لو ترجع اعلية
اطـش اسنيني ياقلبي وطورايـه
وكحل عـيني ضلمه وانته گمريه

من الگاك افك ايدي يغاتـي
اشــوفــنــك واضمك بمنياتـي
ــــــــــــــــــ
يا راحه الـبال ويا نـبـض قـلـبــي
يا قران روحـي ويـا جـرح دربــي
ياشهك الـريه وبـالـنفـس تعـبـي
يا شـمعه حياتي ويا سحر حبي

غلاتك بـويه اكـثـر من غلاتـي
اشــوفــنــك واضمك بمنياتـي
ــــــــــــــــــ
زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

( #و_ما_أدراك_ما_مسلم )      #محرم_1447
……………………………………………………………

وما أدراكَ ما مُسلم و لا تدري
أنبرى والكوفةُ إصفرّت مِن الذعرِ
لهُ الجيشُ إرتعد . مُهابٌ كالأسد 
أبو طاهر .. أبو طاهر

……………………………………………………………


وما ادراك من كانَ  . علي الكرار اله قدوه
اليبرزله احسب ابلحضات.راسه اتشوف ما هوه
اسأل طوعه كون اتريد . گلها السيد اشسوه
تگلك اعلى من الباب . سوه امن الزلم علوه

جدارُ البيتِ قد صارَ بلونِ أحمر
و سيفٌ يبرقُ موتاً على العسكر
فلم يبقى أحد . مُهابٌ كالأسد
أبو طاهر .. أبو طاهر

……………………………………………………………


وما ادراك بالماخذ . من عزم الحسن عزمه
مثل الدله بيده السيف . ايصب الزلمه عالزلمه
عزرائيل اجه خطار . في ديوان ابن عمه
ما عزبله وحده اثنين . ايچوّم بالجثث يمه

وعزرائيلُ ناداهُ ألا تصبر
كثيرٌ أصبحَ القتلى ولا أقدر
ستُمحيه العدد . مُهابٌ كالأسد
أبو طاهر .. أبو طاهر

……………………………………………………………


وما ادراك بالأسمه  . سفير حسين و اعضيده
يفر الزلم يمنه أيسار . مثل المحبس ابأيده
الجيش ومن كثر ما خاف . ترجف كل صناديده
كُرَيات الدمِ الحمراء . صارت صفره بوريده

فَمَن مِن سيفهِ خوفاً غدا هاِرب
نجى بالروحِ فرحانٌ لها كاسِب
من الآنِ إنولد . مُهابٌ كالأسد
أبو طاهر .. أبو طاهر

……………………………………………………………


وما ادراك باليشبه . طبق الاصل عباسه
من يخزر الزلمه ابعين . ايطيح اعالترب راسه
والينحصر و يلاگيه . ايضيع الهوه اعل انفاسه
يوگف گلبه من الخوف . ومسلم بعده ما جاسه

أيا طوعه فصيحي بإسمِ عباسي
يزيدُ العزمُ مِن ساقي إلى راسي
ثباتاً كالوتد .. مُهابٌ كالأسد
أبو طاهر .. أبو طاهر

……………………………………………………………


وما ادراك بل الخله . الكوفه امن الرعب ضجت
صوته ايزلزل ومن صاح.الحيره ابيوتها ارتجت
سيفه وكعبة مالت موت . وارگاب الزلم حجّت
سعفات النخل خضراء . يبست خوفن او وجّت

قتالٌ كانَ في الصبحِ غدا ليلُ
فبالعكسِ على الجندِ أمتطت خيلُ
يصيحونَ المدد . مُهابُ كالأسد
أبو طاهر .. أبو طاهر

……………………………………………………………


وما ادراك ابو طاهر . صگار ابن مرجانه
اسم مسلم و لو نطقاه . رجفه اصير بلسانه
اجاه الخبر ما ظل جيش . يلا نريد عوّانه
خاف او وجه ظل مگلوب . اصفر واسود الوانه

عُبيدُ اللهِ يخشاهُ بهِ يدري
فصارَ العرشُ في عينيهِ كما القبرِ
أرتعش قلباً و يد . مُهابٌ كالأسد
أبو طاهر .. أبو طاهر

……………………………………………………………
✍️ ( سيد خضر الزاملي )
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

مسلم ابن عقيل عليه السلام
ياهوى                          
أ               
            

ياهوى       للحسين ابعث الهَ وصل سلامي     
ياهوى         خذ تحيـاتي لبو السجاد امامـي     

كله الرساله بيده       خاتمها من وريده    ياهوى  
ــــــــــــــــــ

ياهوى وصل سلامـي واخلص انته بنيتك        
الرساله اشلون صحتك خويه وي عافيتك        
ردلي وي ريح التجيني مسك من خاجيتك        
الزفيـر العندك اٴنته عـطر مجفي اٴبريـتك        

يا دوه      لو وصل عطرك الي يسكت كلامي    
يا دوه      ينفـتح صدري لبـن عمـي هيامـي    

عطرك الي قصيده     خاتمها من وريده    ياهوى  

ــــــــــــــــــ
   
راح افك شـباج روحي واقره اسمك ايـه       
لو اقـدمـلك تحـيه وبـيدي شـايل رايـه       
من يجـي طاريك اوكف وكـفة امصلايـه       
گبل موتي ادعـي ربـي نضره للمـشايه       

والـوه      شايله ابيدي بكثر شوكي وغرامي    
والـوه      اذكر العـباس اله جـل احتـرامـي    

ابو الفضل عقيده     خاتمها من وريده    ياهوى  

ــــــــــــــــــ

طير لو فـارگـله شجـره عشـه يصبح هيمـه      
والقـلـب نيرانه تسـعـر من تـحـمل ضـيمـه      
سبحـه مقطوعه خرزها ادموعي لهل الشيمه      
علـى الـنار الوجـروهـا حركـو شجـم خيمـه      

    
كل سوه    زينب تنـادي بدمع وجـرو خـيامي    
كل سوه     الفاطمـيات بسبي ومات المحامي    

كلبي لكلب حميده      خاتمها من وريده    ياهوى  

ــــــــــــــــــ

       بالضـعـن لمن خـذوهـم ضـاعوا اوليـداتـي      
الحـادي گـال اولاد مسـلم باغـتو حسـباتي      
طاحو من العـيس طيحه دمـعه من دمـعاتي      
بهاسهـوله من لـگوهـم ذبحـو احـجايـاتـي      

  بنيـنوى    نيته الجـمال اجه وگـال الاسامـي     
بنيـنوى    تبادلو دور الذبح خل سيفـي دامي     

  عدلهـم المـكـيده      خاتمها من وريده    ياهوى  

ــــــــــــــــــ
      
كملت فرضـي ونضـرت ولا بشـر بالكـوفـه      
بيوم اجيـت الطوعه من ضمتـني عن الشوفه      
وانـي بـتـنـور اذكـره وقـصتـه المـعروفـه      
حسـين باجر وحده يبقى اسيوف كلها اطوفه      


والضوه    نحره قبـله لكل سيـوف وقلبه ضانـي   
والضوه    شمس نزلت على الجسد يوم القيامي   

خده على الصعيده     خاتمها من وريده    ياهوى   

ــــــــــــــــــ

گلـت لـو اٴكـمل الرسـايل انتـضـر تالـيـها      
طـلعـت اجيـوش ال امـيه لعبه ومسـويـها      
هـالكـمـين الي عرفـته خـدعـه ومرتبـيـها      
اقبـل اعـليـنا بـرسـائل انـتـه بـس والـيها      

ماروه      حتى لو يشبع يضل يعطش حسامي     
ماروه      اله اگـلـبها گلب ما اشـوف امـامي    

داس انتها واعيده   خاتمها من وريده     ياهوى   

ــــــــــــــــــ
الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

كعدية مسلم ابن عقيل


انصبلك مأتم يحسين ودموع ابجيلك
وتلطملك صدري الجفين وادموع ابجيلك
من دونك ياعافيتي
مخنوگة انفاس بريتي
ودموع ابجيلك       ودموع ابجيلك

ــــــــــــــــــ

حسين طلسم روحي أسمك عايش بفكري وضميري
وين ما أصد أنتميلك أنته مولاي وأميري
تگلي يا مسلم حبيبي أنته وأيميني وسفيري
الحيل أنته وي الگمر
أحزامين أنتم بالضهر
ياتجوتي وعز وفخر
سري أنته وهوه بيري


من أوجاعي نشل الحيل وادموع ابجيلك
واسمع صوت أمراگض خيل وادموع ابجيلك
تنصبك مأتم روحي
بين اجروحي وجروحي

وأدموع ابجيلك    وأدموع ابجيلك


ــــــــــــــــــ


حسين ياجمرة دليلي بالحزن يبن الصميدة
بالي يمك بيك أفكر سيدي وناسي حميدة
گمت مو مرسال ادزلك ع الفراگ اكتب قصيدة
اصبع قلم حبره الدمع
يحسين واهات وفجع
بفكاري حافر عله الضلع
وانفاسي من يمك بعيدة

اتخيل يحسين اسهام وادموع ابجيلك
واتخيل دمعات ألالم وادموع ابجيلك
من وحي احساسي البية
اسمع گطع الترجية
وادموع ابجيلك     وادموع ابجيلك



ــــــــــــــــــ


كون يمك يا حبيبي بكربلة يحسين حاضر
اني عد عينك أكلك لا تنادي هل مناصر
بجفي اشيل اتراب واطفي بالمخيم نار باجر
أفديلك الدم بالنحر
وأبعد أطفال من خطر
وامشي وي خوي اعله النهر
درع للجود اليسافر

لو يوكع جود الوفاي وادموع ابجيلك
من ادموعي اترس ماي وادموع ابجيلك
ولجلك أكطع جفيني
والنبلة تصير بعيني
وادموع ابجيلك     وادموع ابجيلك



ــــــــــــــــــ


صارت الكوفة بكبرها خنگة والله وجنها حفرة
والغريب وماله أحد گلي يحسين شيصبرة
لليحبك وطن انته الما يحبك يقضي عمره
ياوطن للماله وطن
والمايشوفك ممتحن
يامنبر ودمعه وشجن
وانته بالاهات عبرة

يامجلس حزني بأهات وادموع ابجيلك
ياباب وأقرب للذات  وادموع ابجيلك

حزني فرضي و تسبيحي
يادمعه بعيني وطيحي

وادموع ابجيلك     وادموع ابجيلك


ــــــــــــــــــ


يا حنين وماكو مثلك يا بشر شايل محنة
كلبك بگد العوالم وبالخلق كل نبضه جنة
أنته من اهل الله فطرة وحبك اليجمع شلمنه
يا راس مال ويا ربح
والخاسر يصير الرمح
حبك الغزر بالملح
المايحب شعلينة منه

ياحاكم بالحب أقلوب وادموع ابجيلك
ياغالي واغله محبوب وادموع ابجيلك

ياسلطان اعله الوادم
يا حرز وحب الخادم

وادموع ابجيلك     وادموع ابجيلك


ــــــــــــــــــ


مأتم بدار العظيمة سيدي وذكرك أرفعه
وخادمة موكب عزائك طوعة يامولاي شمعة
اني اقرة عن غربتك من خواطر هية تنعه

انعى اعله كربك والبله
عايش الغربة بكربلة
واني الغريب الما اله
واحد الي يبجيلي دمعه

بس انته التبجيلي هناك وادموع ابجيلك
شگد اتمنى هسه وياك وادموع ابجيلك

عن حالك من تحجيلي
وعن حالي من تبجيلي

وادموع ابجيلك   وادموع ابجيلك

 
ــــــــــــــــــ


الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

نزله مسلم ابن عقيل

ياسيفي انته وياي بدربي
اتقدم وتوكل ربي
بالميدان

ــــــــــــــــــ

بسم الله ابدي وماخايف ينزل دمي
فدوه لحسين وما ارجع صاعد عزمي
وانته بجفي وراسي الشايل غيره عمي
حيدر اني وفنه اليوگف يصبح خصمي

خل تشهد بفعالي الكوفه
من هاي افعالي المعروفه
بالميدان

ــــــــــــــــــ

امشي وانظر خلفي العالم تمشي بخلفي
لهناك وماضل جم واحد يمشي بصفي
وياسيفي وماضل بس انته بلزمة جفي
لو عباس وياي وهسه جتفه بجتفي

جا ماظل لو احد بيهم
سيفي وسيفه يضل سابيهم
بالميدان

ــــــــــــــــــ

طوعه تلگتني وسئلتني عن احوالـي
كالتلي شلونك وشلونه حسين الغالي
طمني عنكم بخبارك وين الوالـي
يامسلم مالهم وسف اول تالي

ياحيف بناس يعرفوكم
كالتلي طوعه يكرهوكم
بالميدان

ــــــــــــــــــ

ياسيفي وياي انته واني صرت لوحدي
ومتانيني حسين هناكه متاني لردي
كل مكتوب الكايل اقدم باطل عندي
وحسرة قلبي لغدر الكوفه بيه بگدي


من صليت اعرف عافووني
وبجم درهم من باعووني
بالميدان
ــــــــــــــــــ
ياسيفي اعيوني الماسكتت روحي بحيره
راحوا ولدي وراحت بنتي واني بديره
اسئل ياسيفي عن جرحي وعن تفسيره
وراسي مايحمل من همي ومن تفكيره

ادري بلا رحمه يذبحوني
وباقي حسين بوسط اعيوني
بالميدان
ــــــــــــــــــ

الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

رنت ومسلم اجة يصفيها
@@@@
صدر القائد بيان الحومه
جيش جيوشة ونزل مرسومه
يعرفة مسلم واضحات اعلومة
هل جيوش أعليه لا مابيها
@@@@
طبها مسلم والزعل بجبينه
ناده هل قائد يجي جاوينه
انا البكلبه علي واحسينه
وياهو العركة أتعررف راعيها
@@@@
مسلم الكوفة بجفوفة كرها
وزلم بالهيمه مسلم فرها
دخن الروس بكثر ماحرها
مسلم الكوفه نوه يمحيها
@@@
يشبه الكافل أجه يخنكها
والزلم ماتت رعب من حكها
بسيفة نصين الوطيه شكها
خنست ومحد أجه يحاجيها
@@@#
ال هاشم بالحرب كتاله
وحده وتحب الزلم بذياله
مسلم السواه شنهي اباله
يمسك القاده وچفي يجفيها

@@##
شكراً صاحب الزمان صلوات ربي وسلامه عليك

مسلم ياسر المياحي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

هوس وبالكوم صارت خوفه 

هذا مسلم لو علي البلكوفه

ــــــــــــــــــــــــــــــــــــــــــــــــــــــــــ
من سلت سيفه وطلع ليها الفحل
وصار كل واحد يكربه يشله شل
ونبض بيه عرج الهواشم من زعل
اغتاض ضل ترعد رعيد أجفوفه
ـــــــــــــــــــــــــــــــــــــــــــــــــــــــ


حين شاف الگوم عزمه وهيبته
ضنوا الكرار عاد الكوفته
هذا حيدر رد علينه بصولته
وحيدر الكرار هذا انشوفه
ــــــــــــــــــــــــــــــــــــــــــــــــــــ


من لهب سيفه توج نار السقر
وصاح مسلم أنه يحثالة بشر
عمي قالع خيبرة وفارس بدر
وأنه مسلم سيف من أسيوفه
ــــــــــــــــــــــــــــــــــــــــــــــــــــــــ
ما يهمني الموت أريد أنصر الدين
وهاي روحي اليوم فدوه للحسين
یا عبيد يزيد يا رس كافرين
يبقه إمامي حسين أبد ما أعوفه
ـــــــــــــــــــــــــــــــــــــــــــــــــــــــــــ
طلع ليها وضيك أعليها الفضا
وگامت أيمينه توج نار اللضا
عمي حيدر وأنه شبل المرتضى
اليوم أعيد أفعاله المعروفه
ـــــــــــــــــــــــــــــــــــــــــــــــــــــ


طلع ليها وغَبَر أوجوه الرجال
ومن حَمِلته مادت أركان الجبال
فارس بكوفان نكسها الأبطال
والشجاعة من علي موصوفه
ــــــــــــــــــــــــــــــــــــــــــــــــــ


والله لو ماغدر گوم الفاجره
جا صفت ذيج الرؤوس مبتره
أكبال سيفه هالسيوف مكسره
أكبال جفه أجفوفهم مجتوفه
ـــــــــــــــــــــــــــــــــــــــــــــــــــــــــــ


نال منه أعداه لكن بالغدر
والجبل ذبوه مِن فوك القصر
محزن ومهموم بحسين الفكـر
وللحسين الروح ضل ملهوفه


ــــــــــــــــــــــــــــــــــــــــــــــــــ
خادم الحسين الشاعر
مذكور العلياوي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

بالكوفه مسلم يوم من طب
خله السما سجيل تنصب
صاح انه مسلم انه مسلم
***.
طبها الغيور وبالحرب صال
خله الجثث بالمعركه اتلال
زلــــــــزلها جنه حيدر الحيد
كـال بيميني مسوي زلزال
من حيدر الكـــــرار عزمي
مخلــــــــي حثثها ارتال يمي
وبسيفي اسوي بحور من دم
صاح انه مسلم انه مسلم
*.
يوم العليه تحاشم الناس
صاح انه مسلم راعي الباس
صفين اعيده اليوم بالجيش
كالكنطره من طبها عباس
والموت صار بسيفي محتوم
واترك الحومه تغرك دموم
جوعان سيفي وزلم يلهم
صاح انه مسلم انه مسلم
***.
بالجيش صاح بساحة الويد
يامن غدرتو بحيدر الحيد
شوفو عزم مسلم بالحروب
وهذا العزم بس للصناديد
عازم لاخلي بجيشه نيشان
هذا انه مسلم عالي الشان
وكلمن تقدم صوبي يندم
صاح انه مسلم انه مسلم
****.
الطاغي شاف افعاله لن صاح
ما بينه حيل انقدم ارواح
ماچن حرب جن داخل افراح
من يدخل اليدان يرتاح
مدّونه صاح بخيل وارجال
مسلم فرد بس زلزل اجبال
عالكفر صاح بساحه الغم
صاح انه مسلم انه مسلم
****؟
وتحاشمت من كل كتر ليه
الاف صارت هيه توليه
لاناصر البلحومه وياه
بس سيفه صار هناك يحميه
بس سيفه ناصر صار وياه
والعسكر بلا راي خلاه
يم سيفه صار الموت محكم
صاح انه مسلم انه مسلم
*.
مسلم فرد بس همة الاف
من عمه حيدر ماخذ اوصاف
صاح انه مسلم مرسل حسين.
علمني ابو السجاد ما اخاف
علمني افوت علــه المنايه
واترك جثثها اعلـــــــــه البرايه
طبها وندب يحسين تسلـــم.
.صـــــــــاح انه مسلم انه مسلم
**.
ونسألكم الدعاء والتوفيق

لخادم ال محمد[ع]
الشاعر حيدر كاظم الساري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

فتحت عزاء

اني الغريب وعالقصر مجتوفة ادية
وهانت غربتي يا غريب الغاضرية

ــــــــــــــــــ

كل ساعة تخلص جنه مر بية سبوع
غيمة الجفن منه المطر صار دموع
مشلوع قلبي وحسرة قلبك مشلوع

ضمني لضلوعك مابقه كل ضلع بية

ــــــــــــــــــ
كل الرسايل بالأرض صارت موت
وسطح القصر ياخوية اصبح تابوت
حزنانه روحي ومن خلص بية الصوت

كمت احس يونس والقصر حوتة علية
ــــــــــــــــــ
وديت خوية نبضي وي المرسال
سالم اطمن عنك انته بيالحال
حتى ألاگي الموت مرتاح البال

قربت حيل من الاجل يا ابو رقية
ــــــــــــــــــ
يحسين أوصيك بحميدة من اليوم
اشتاقيت اشوفنها القلب كله هموم
لعبدالله ومحمد يضل شوكي يحوم

حرموني اشوفنهم يخيي ال امية
ــــــــــــــــــ

فوك القصر غربة وعطش جنها سنين
والتفت وقلبي نعصر من كل حين
هانت غربتي وي غربتك يحسين

تمنيت يمك خوية من هاي الرزية
ــــــــــــــــــ
ما ينوصف حالي الهجر بية هواي
يحسين ما ضل اي بشر خوية وياي
وعطشان لعيونك يخيي مو للماي

ماضل ولا واحد ابد من هالبرية
ــــــــــــــــــ
بالكوفة ماضل واحد وياي وجال
باعو ضمايرهم اغروهم بالمال
وطوعة مرة بس تسوة مية رجال

حرمة لجن غيرة وفعل بيها وحمية
ــــــــــــــــــ

الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

فصيح (مسلم بن عقيل ع )

بَرَزَ التِّلْمِيذُ فِي خَيْرِ دُرُوسْ
عَلَمَ الْكُوفَةَ مَاضْرِبُ الرُّؤُوسْ
مِنْ عَلِيٍّ وَالْفَقَار مُنْذِرٌ لِلطَّفِ صَار
* *
قِصَّةٌ مِنْ طَفِْ مُسْلِم لِعَلِيٍّ تَتَجَلَّى
لِدُرُوسٍ عَنْ لِسَانِِ عَجِلٍ مِنْ دُونِ مَهْلًا
جَادْهَا التِّلْمِيذُ وَاسْمَعْ ايَةً لِلْفَتْحِ تُتْلَى
عَلَمًا يَعْلُو مُبَيَّنًا بِعَلِيٍّ يَتَعَلَّى
جِئْتُ اهْدِيهِمْ الَى دَرْبٍ قَوِيم
لَعَلِيٍ ذَا سِرَاطاً مُسْتَقِيم
وَلَمَنْ عَادَاهُ نَار مُنْذِرٌ لِلْطْفِ صَارِ
* *
انْ اُكُنْ فِيكُمْ نَذِيرًا فَانَا لِلنَّاسِ هَادِي
نعمَةُ الدِّينِ سَبِيلٌ إنْ أُتِمَّتْ بِالرَّشَادِ
وَسَبِيلُ الدَّيْنِ فِينَا وَبِكَرَارٍ سَدَادِي
تُورَدُو يَوْمًا عَلَيْهِ اذْ يُنَادَى لِلتَّنَادِي
نَحْنُ فِي اللهِ وَلِلْأَسْلَامِ طَود
وَلَهُ فِي حَرْبِنَا خَيْرُ جَنْوُود
مَعَنَا الْحَقُّ يُدَار مُنْذِرٌ لِلطْفِ صَارْ
* *
خَرَجَ الدِّينُ غَرِيبًا وَغَرِيبُ الْيَوْمَ اضْحَى
وَخَرَجْنَا لِصَلَاحِِ نُبْلُغُ الْافَاقَ نُصْحًا
قُطِعْت رجلًا تَنَحَّتْ عَنْ حُسَيْنٍ ايَّ مَنْحًى
اِوْ كُفُوفًا لِيَزِيدٍ وَقَّعَتْ عَهْدًا وَصُلْحًا
فِي اعْتِقَادِي انْمَا الدِّينُ الْحُسَيْنْ
فِي فُؤَادِي حُبُ اصْحَابِ الْيَمِينْ
حُبهُم خيرُ مَنار مُنْذِرٌ لِلطَّفِ صَارَ
* *
انْكُمْ صُمٌّ وَبُكَمٌ وَعَنِْ الِانْوَارِ عُمْيَا
فَأبَتْ هَاشِمَ ذُلًّا وَذَلَلْتُمْ دُونَ ثَنيَا
إنمَا لِلَّهِ نَرْجُو وَرَجَانَا خَيْرَ بُغْيًا
نَحْنُ قُرْبَانٌ الْيْهِ انْ يَشَأْ نُقْتُلُ ضَمِّيًّا
مَا ارَدْتُمْ انَمَا اللَّهُ يُرِيد
بَدَمَانَا يُذْهِبُ الرِّجْسَ يَزِيد
ثُمَّ لِلَّهِ الْخِيَار مُنْذِرٌ لِلطْفِ صَارَ
* *
قَدْ ابَيْتَ الْقَتْلَ الَّا مُمْتَطٍ دَرْبَ الشَّهَادَهْ
مَالَلِيثٌ هَاشِمِيٍّ مَيْتَةً فَوْقَ الْوِسَادَهْ
وَلَنَا أُسْوَةَ خَيْرِ مَوْتِهُ كَانَ مُرَادُه
ذَاكَ حَادِينَا عَلْيَا سَالِكًا دَرْبَ اَلسَّعَادَهْ
حَمْزَةٌ سَادَ طَرِيقَ اَلْعُظَمَاء
جَعْفَرٌ فِينَا مَلَاكُ الشُّهَدَاء
وَلَنَا بَيْضُ الشِّفَار مُنْذِرٌ لِلطَّفِ صَارْ
* *
سَلَّ وَاسْتَفْتَحَ فِيهِمْ وَضْعَ السَّيْفَ وَكَبَّر
قَدْرَ مَافِيهِ سَكِّينه أنْزِلَ الرُّعْبَ وَزَمْجَرْ
قَالَ مَابَالْمَوْتِ عَارٌ انَّمَا بِالْمَوْتِ نُنْصِر
انَمَا الْمَوْتُ زُعَافًا كِيلَ فِي ذَاكَ الْمُعَسْكَر
فِيهِ عَبَّاسٌ وَ ما أدراكَ فِيه
يَحْمِلُ الْأَكْبَرُ مُوتًا فِي يَدَيْه
هَاشِمِيًّا اذْ يُثَارُ مُنْذِرٌ لِلطْفِ صَارْ
* *
رَجِّلٌ فِيهِ كَصَيْبٍ فِيهِ نُورٌ لِسَمَائِه
احَمَدِيٌ عَلَوِيٌّ فَاطِمِيٌّ فِي ضِيَائِه
وَهُوَ سَيْفٌ هَاشِمِيٌ حَيْدَرِيٌ فِي نَقَائِه
اَنْ حَمَى فِينَا وَطِيسًا مَالَنَا إِلَّا فَنائه
اِنْهُ لَيْثٌ وَمِقْدَامٌ جَسُور
نَافِذٌ فِي الْحَرْبِ قِتَالٌ هُصُورْ
انْهُ نُورٌ وَنَار مُنْذِرٌ لِلطَّفِ صَارٍ
* *

خادم الحسين ع
علي العزامي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4