خوية يابوفاضل خوية
___
وينك يابوفاضل وينك
حسينك ماتحاجي حسينك
جيتك والهظم ماليني
عيني شوك بيها لعينك

انا ابو الكلب الجلد بالنايبات
اركض من الخيم جيتك للفرات
مهدل بشيبي واصيحن وين اخوي
والعدة يضحكون صاحو مات مات

يابو راس الحار
كلب اخوك احتار
ضحكت الشمات
بيه شبت نار
_
بهمي اوصلت المسناية
وجودك شفته طايح ماية
عالكاع رايتك مطروحه
ودمك شفته فوك الراية
عثر جدمي بجفك وضليت الوي
واعرفت جي حار هذا جف اخوي
سهم عينك حيراني وبيه عميت
طايح اعله الكاع وسفه اربات ابوي

يمك امتديت
عالترب وابجيت
بيه ياعباس
سهم عينك ريت
_
دمعي هل عليك مدمه
وتدري صعبة يبجي الزلمه
احجي وخاطري لاتكسره
ووياي يلا كوم بهمة

رد علي عباس احجي ورد علي
هاك ادي بس كوم خوية هاك ادي
حيل مشتاك بكفاي يرف لواك
وعلي يكسر لو مشيت وياك في

ياحليف الواي
يلا كوم وياي
لشوفتك عطشان
ما اريد الماي
__
حيلي خويه خلص حيلي
ليلي رد يكمرة ليلي
وحدي ترضى اضلن وحدي
وانت خويه قايد خيلي

كض لواك وكوم يابدر التمام
اخلاف عينك عالخيم حل الضلام
لاتخلي حسين ايده تكض كفاه
ينكسر مكفاي لو عينك تنام

انحني من اتروح
ياخليص الروح
كلبي ترسه اهموم
لاتجمله جروح
____
طايح ياعمد صيواني
وبيه اتشمتت عدواني
كالو راح اخوك من ايدك
وانت الك رمح يتاني

استضعفوني الكوم والعيال عال
بعد اخوك الذبح جاي عليك كال
ولو طحت عباس للخيمة يجون
وينسبن المعودات اعله الدلال

اكبالك الذباح
سيفه جره وصاح
بعد اخوك انشيل
راسك اعله ارماح
_
علي بدر المنصوري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

قصيدة ﴿هلا بعباس﴾

هلا بعباس...****

هلا بخيال الزلم يطي الدروس

كربله بيد ابو فاضل ما تحوس

هذا رواي الخيم يروي النفوس

إسمه ساقي بكربله يعرفونه

****

و نزل بطف شد بيده الثام

صار مهرب بيهم وحل القيام

هذا عباس الگلف معروف عام

و إبن قالع بابها من عيونه

****
سطرت معنى الملاحم بطفوف

أنته سيف لوحدگ تسوه سيوف

وهذا عباس العجب من تشوف

وقصب عالتاريخ يذكرونه

****
أنته ضهر حسين ونعمه المجيب

و بالگفالة لزينب و احلى حبيب

يا ابو فاضل بالشدد توگف طبيب

وهذا شبل القسوره يسمونه

****
بني هاشم شدو أبناء البتول

وأبو رايه أبو فاضل ويقول

أضرب الگفارا فيهم واجول

إبن حيود العرب بفنونه

****

أنته منگ القمر زداده الجمال

ذو فقارگ بالحرب سوا المحال

يشد عزمه شما كثر بيه بالرجال

ليلة السابع عبر اجنونه

****

كلمات
عضيد هادي الصالحي
﴿ﺎللھُمۘ ؏َـجۚل لِوليۧڪَ ﺎلفَرجۚ﴾
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

#نزال

ضهضب من برز  عباس شاهر للحرب سيفه
سبحة وخرز روس الجيش ويطشرهم بكيفه
**

گاصد للشريعة اليوم يازلمة الوصل حده
ابن ام البنين اوصال ويسمونه ابو الهده
هذا المايعرف الخوف ماسامع شنو الشرده
من طبهم گمر عدنان ماخذ بالزلم حيفه
**

يذبح بس چبير الگوم والعسكر طلب هدنه
ضل ايكر يسار ايمين فنه المازلف عنه
ميت خوف من عباس ذاك الماشرد منه
متوسط بنص الجيش من الدم ثگل سيفه
**

شجاع وحشماه حسين والطف عايل عليهم
شد حيله ب علي الكرار راح اليوم يفنيهم
اغضب ورتعد عباس صاح ابسيفي اصفيهم
يذبح بالزلم صوبين واحتاروا بتوصيفه
***

شيخ ويامر بمعروف بالطف صارت اطلابه
يحلها المامعلم چان سيفة اينام بگرابه
بيوم الگنطره العباس بيهم موجع اصوابه
يفرض ع العساكر گام ينهي ويامر ابكيفه
***

شال الماي بيده وصاح هوني وماقبل يشرب
واتذكر عطاشى حسين ضلت بالخيم تنحب
اگصد واسرع بممشاك عمي المهجه تتلهب
ماضل كل صبر بالروح واحنه العالي تشريفه
***

احمد ديوان الخيكاني
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

#شور_حزين_ثگيل

يعبــــاس ياخويـــــة يعبــــاس ياخويـــــة

اخر مسية ومانشوف رسومك
عباس گلي منين اجيب علومك
ترضاها عني تروح وتخليني
يالعودتني عليك گرب يومك
مثل الشمع ذابت الروح عليكم
لا لا تطول خوية باچر نومك
يعبــــاس ياخويـــــة يعبــــاس ياخويـــــة

ياذي الهجر يالعازتك مريودة
ماضل صبر والروح هل ممرودة
اشلون اشوف الخيمة باچر طايحة
يطيح الستر لو طيحوا عامودة
يالعلمتني على الدلال دخيلك
افزعلي يلي فزعتك مشهودة
يعبــــاس ياخويـــــة يعبــــاس ياخويـــــة

يالواعدتني بماي گوم اسگينه
مو سهله عني تروح وتخلينه
ادري بخوي المايردلي حچاية
مايبقى نايم من تريدة سكينه
عزب چفوفه للنهر من رادهن
وسيرله سهم البين ضافة بعينه
يعبــــاس ياخويـــــة يعبــــاس ياخويـــــة

افزع ل اخوك حسين لو ضل وحدة
وانصارة كلهم ع الترب متوسدة
لا من حبيب ولا زهير ولا جون
والخطر عن حسين ياهو يردة
باجر يرض ضلوعه راح الحافر
وعلى الترب يبقى متوسد خدة
يعبــــاس ياخويـــــة يعبــــاس ياخويـــــة

ادري العبي راح ايتغير لونها
والخيمة خوية علية ويحرگونها
ياگلب عندي مگطع مخليتك
والنوگ هزل راحوا يجيبونها
عرجه وهزيله الناگه مرت بيكم
وعلى الجسد ماقبلوا يوگفونها
يعبــــاس ياخويـــــة يعبــــاس ياخويـــــة

احمد ديوان الخيكاني
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

#نزال

حيهم من برز عباس صاحت زينب ابضهره
طبلهم عجيد الكوم ماواحد وصل كدره
++++++++++++++++++++++++++++
ماخذ طبع ابوه الحيد ما ثناها ضرباته
تتراجف اكبار الگوم من صولته وخزراته
شد عزمه بعلي الكرار وتجادحن ريشاته
لجل حسين وطفاله راح وراخص ابعمره
++++++++++++++++++++++++++++
مايغلى العمر يحسين وانا كافل الخدر
گاصد للشريعه اليوم سيفي ع الرگب زمجر
واليوگف اگبال السيف يحسب طاير المنحر
ردت خيبر وصفين گاع الطف صفت حمره
++++++++++++++++++++++++++++
گهوه الطف هذاك اليوم صار وياهو يوصله
بس من طب اخوج ام عون بيده خدر الدله
ضل ايحط نبل ورماح حتى النار تتعله
مو بس بالكرم عباس بالكلفات دگ صدره
++++++++++++++++++++++++++++
تاه عليهم المشراد والطف صارت ازغيره
يردم فارس ابخيال والعسكر غده بحيره
طبهم معجزة العباس واحتاروا بتفسيره
محد وصل حد الحيد من طبها وركب مهره
++++++++++++++++++++++++++++
مامهتم الكثر الجيش راد الماي لعياله
من توسط الميدان ما واحد تدناله
ما لاگوا السيف الحار والشارد يهنياله
وبيهم ماتوا من الخوف مالاحتهم السطره
++++++++++++++++++++++++++++
طر الجيش عن الماي صد للعلگمي بعينه
شاله و ماشرب عباس من اتذكر اسكينه
من بعد الحسين اتهون نفسي وماتشربينه
والمهجه بهذاك اليوم صارت تشبه الجمره
++++++++++++++++++++++++++++
احمد ديوان الخيكاني
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

العباس



اسد وشلون گدرتله المنيه
چفوفه ورايته طاحن سويه


وفاها بكربلا وعوده. ودينه
وگع وي رايته وجوده. وادينه
رخص عينه لجل زينب ودينه
ومن دمه سگاها الغاضريه

اسد وشلون گدرتله المنيه

عليك الروح مابطلت. ونها
وعودك ذيج ياعباس وينها
اخلص العمر يمك ردت وانهي
واسولفلك زماني شعمل بيه

اسد وشلون گدرتله المنية

انگطع حبل الصبر وياك. وانحل
وجسمي من الحزن عدمان. وانحيل
سمعت حسين يم النهر ون حيل
عرفتك بعد ماترجع عليه


اسد وشلون گدرتله المنية


الدنيا وياي ياعباس. يارت
ردت وياك موتي يصير. ياريت
المصايب وحده وحده علي. يارت
الدهر وفراگك التمن عليه

اسد وشلون گدرتله المنية

الهضم گطّع دليلي وحيل مارد
لخوي الاخذ جوده وراح مارد
اخذني وياك عمري بعد مارد
الدنيا من رحت ظلمت عليه

اسد وشلون گدرتله المنية

مشينا وعالنهر طايح. علمنا
الدهر عالنوح والونه علمنا
يخويه وياك سلمنا على امنا
بناتج گلها بالهيمه سبيه

اسد وشلون گدرتله المنية

الگلب ونّ وثگيله حيل. ونته
نضيع خلاف عينك بعد. ونتيه
احنا اعلى الهزل ماشين. وانت
على التربان وادمومك جريه

اسد وشلون گدرتله المنية

بيه جروح يصعب علَي. شَلها
وروحي من عگب عباس شلها
الجود ورايته اعلى المتن. شلها
وبعد لو راح مايرجع عليه

اسد وشلون گدرتله المنية
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

وينه الماي هل تحجي عينه
وينه الماي راح من ادينه..
وينه الماي كافلنه وينه
يخوي يخوي
@@@@
حزني ونياحي بروحي رماحي ماظن جراحي
تطيب
كلبي تصدع والعسكر اجمع عل خيمه يطلع
رهيب
أي يادهر شيبته راسي
أي يادهر ضليت اقاسي
أي يادهر ذبحوها ناسي
يخوي يخوي
@@@@
ضنيت اشوفة فدوه لحروفة كلي جفوفة
بدية
لو لا تجزر عباس الزهر احجيلي تكدر
علية
ماهو وياك كلبي لجمني
ماهو وياك وضعك ضهدني
ماهو وياك وتعاله وني
يخوي يخوي
@@@@.
تدري العطاشة جنهم فراشه حيلي تلاشة
صفيت
خوفي يموتو بالخيمه سكتو ياخويه شهكو
واجيت
دمع العين @ من عيني رايح
دمع العين كثر ماطايح
دمع العين عشت النوايح
يخوي يخوي
@@@.
عبدالله تدري كاسرلي ضهري يبجي يعمري
يكول
كلما انظره بعيونه عبره عباس انظره انظره
ينول
جربه ماي من أيده احله
جربه ماي عشت عل ضله
جربه ماي من عدها اغله
يخوي يخوي
@@@@.
هل الدنيا حلوه بضل لاخوه والعيشه تسوه
حنان
فدوه لعمرهم ضحو نحرهم خاطر خدرهم
امان
هذا الموت عكب المحنه
هذا الموت وي غربه رحنه
هذا الموت ذبحو اهلنه
يخوي يخوي
@@@@.
شكرا صاحب الزمان صلوات ربي وسلامه عليك

مسلم ياسر المياحي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

ياابوفاضل يابوفاضل
@@@@
من نزل صوب المعاره الموت بجفوفة حده
زلمه حيد ومن يقاتل بجة أبطال العده
ذبح زلام المعسكر قدم السكنه فده
ضنو المحشر اجاهم يوم المحاسب بده

ورايتة تخفك خفك@ هذا زلمتنه الصدك
يابوفاضل يابوفاضل
@@@@@@
من نخته سكنه ناده الَكاع اطويها طوي
تلهب الحومه من اطبها السيف بلحر ينجوي
مده ومتاني النزال أحتاج من عدهم قوي
يمنعونه الماي عنه واحنه من عدنه الروي

الماي اشربنه دمه@ وانا بن حامي الحمه.
يابوفاضل يابوفاضل
@@@@
خنسه صارت بالمعاره الكون وياهم صفن
هذا حيدر لو محمد لو ابو أليمه وحسن
شمرته ماهي غريبه تجيب وياها المحن
شرد القاده بهجومه وضلو بلايه وطن

القاده شبعهم ندم@ الكافل وشال العلم
يابوفاضل يابوفاضل
@@@@
واكف وراجز عليهم فنه قائدهم حجة
واحد لواحد يكله حظي وشجابه وبجة
من دخلها كافل اخته محد من ايده نجة
ويرجع بلايه ركبته كلمن يبارز اجة

وطشر اركاب الزلم @ الكابله بلايه فهم
يابوفاضل يابو فاضل
@@@
شمر اجفوفة لجلها زينب بصدري السهم
لجن وداعة عباتج اله أخذهم خدم
شفته جفي علل وطية ولازم بعزمه العلم
ميت ومني يخافو يحجي واحد بالخيم

مدخل العسكر رعب @ كلها تسكت من اطب
@@@@
يابوفاضل يابوفاضل
شكرا صاحب الزمان صلوات ربي وسلامه عليك
مسلم ياسر المياحي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

اليله حل اوداع زينب وي كفيل اضعونهه
................
گرب اوداع العقيله وي گمر عدنانهه
دمعت الفرگه ثجيله وناگعات اردانهه
اليوم للرايد يوصفه الدمعه بس عنوانهه
الله الايعين العقيله واليصبر اعيونهه
...........

ضكت ارض الغاضريه والنفس ماظن يمر
اليله من دون الليالي بيهه لوعات شكثر
آه يا صبرج يزينب الله ينطيج الصبر
حگهه لو ونت لخوهه ولو تغير لونهه
............

الله الايعينه ابمصابه كلمن ايفارك حنين
العاشرك لو يمشي عنك كلبك يسولف ونين
تمشي للعباس مره ومره ترجع للحسين
اشلون بيهه وبالتودهم باجر ايفجعونهه
..........

إخ يفراگ التودهم ياكل ابنص الچبد
تمشي مهضومه لخوهه وبالدمع لمن ترد
ويلي يا عباس يومك خنجر بگلبي ويحد
هاي اختكم يابو فاضل بلا اخو  اتخلونهه
............

لا تخلوهه وحيده وبالطفوف امحيره
وانته ياعباس تدري اعداك ماترحم مره
احجي وياك ودمعتي لزمت اعله الخد سره
وين راحت ذيج اخوتي الدمعتي اينشفونهه
.............

وداعة الله يا كفيلي وضاله ابموقف صعب
زيبنب الجانت اميره ضاله ابديرة غرب
اعداك ما خلتني اوصل كضت اعليه الدرب
ياهضيمه الليله زيبنب خصمك اليولونهه

خادم اهل البيت علي الزرگاني
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

كوم خويه الشر اجانه وكومه
خويه دنهض مو وكتها النومه
#####*####**
خويه عباس اجت لينه العدا
كوم ردهــــــــا اجو حد خيامي
انه حرمه والعليل لـــــــــوحده
محد اعله عيالي صار يحامي
وصارت الناس لخدرنه تفرهده
تطشرو بالصحره خويه ايتامي
وصارت ايتامي اعله كبر الحومه
###############
ولينادي بشدته وين الكمــــــــر.
مـــــــــــا ترده وطلبته تگضيها
خويه دكطع نومتك شوف الشمر
لزينب اختك يا كـــــلف يسبيها
شكد ندهتك توجع سياط الظهر
واليتامـــــــــى تصيح يا واليها
ياكلف يل طيبات علــــــــــــومه
**
حاطت اختك ناس خيرهم صلف
شحالـــــي ولوحدي ادير عيوني
دورت بالحومــــه مابيهم عرف
صحت ساجي الضاميه دلــوني
ساعه الك وجهي اديره وللنجف
حشمت جا ليش مـــــا تلفوني
اختك بطف كربله مهمومـــــــــــه
################
حشمت والحشميته اعله الثره
وين ابو الغيره ويباوع حالي
خويه بين ايتامي صرت محيره
كلـــها تصرخ وين ابونه الغالي
وانه بهمـــــومي يسبع الكنطره
كوم يا عباس يا كفالــــــــــــي
حشميت وبالفكد ملجومـــــــه
#################.

يل جبتني وبالكفاله تحزمـــــــت
حملي عكبك من يجي ويشيله
بيك متشيمـــــه بكفيلي تنومست
هـــــم كلي ليا كلب يشكيلـــــــــــه
الكوم وصـــلونه يخوي وحشمت
وين كفــــــالي يحامـــــــي العيله
الخيل اجتنه بالحقد ملجومـــــه
##################.
ونسألكم الدعاء لتعجيل الفرج


لخادم محمد وآل محمد(ع)
الشاعر حيدر كاظم الساري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

رد اليها بصدره حسره
من الكمر رد محني ظهره
حرام
من الكمر رد محني ظهره
##############
ظلعي وهلالي النطرته عني راح
خويه زينب عفته ما بين الجراح
عسكري مگطع اشوفه هناك طاح
بيا گلب ارجــــع يزينب واستراح 
بيا گلب ارجع واعوفه       
  ع النهر گطعوا چفوفه
شهيد
گلبي بيش وبيش اصبره          
  من الكمر رد محني ظهره
حرام
##########
العين ذيج الچانت اصفى من الزلال
الـــــــوجه ذاك والحسن ذاك الجمال
راحن بيوم الكفــر عالغيره مـــــــال
خويه والله مصرعـــــــه يهد  الجبال
والسهم غمضله عينه    
  بعمد راسه مخذمينه
ظلام
راح اخونه الچنه زهره        
  من الكمر رد محني ظهره
حرام
############
مگطع وماكــــو مكان بجسمه تام
الا بيه طعنة رمــــــح  لو بالسهام
والسيوف اعله الصدر عدها ازدحام
من وصلته اسمــــعت ياخويه سلام
مگطع بيا حال اشمه  
    وين حيلي وريت المه.
طريح
سهام مزدحمه اعله صدره     
  من الكمر رد محني ظهره
حرام
**
باذني صوته من سمعته شگد حنين
يگـــــــول زينب راح يسبيها اللعين
بهذي حــــــاله وما نسه وعد السنين
گلــــــــــــي زينب عندي بعيوني الثنين
خاف يسبوها يگلي    
وهي قبله عليها اصلي        يقين
والكفلها خل تعذره         
    من الكمر رد محني ظهره
حرام
#############
بيش اصّبر كلبي خويه هناك بيش
وانه ودعته اعله جرحك كيف اعيش
ليش تتركني بغربتي لوحدي ليش
وانه من عندي الگمر چن عندي جيش
ما اهم عندي اليحلها
عندي من لخته كفلها
كفيل
راح خله بروحي كسره
من الكمر رد محني ظهره
حرام
############
ونسألكم الدعاء والتوفيق
لخادم آل محمد (ع).....
. الشاعر حيدر كاظم الساري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

صوووووت      خويه يا كفالـــي
الموووووت       ريت الي يدنالي
آااااااااه           خويه شاهد حالي
*.
خويه يا كافــــــل ضعنّه
                               جيتك بحمل الثجيل
هودجي خلافك يغالي
                             صـــــار بالممشه يميل
الشامت خلافك يسبني
                                 كـام ع الخدّر يعيل
وانه اصيحن يا ابو فاضل
                               كوم يا خويه الكفيل
كوم       والحرم يسبوهه    
بسوط    كامو يضربوهه
شوف     اختك يشتموهه
*.
ايدي معكوده اعلـــــــــــه ايدك
                                    لا تخليها وتروح
بُعدك المـــــــوت وسفرتك
                              زادت بكلبي الجروح
روحي بأرض الطف عفتها
                        وامشي خويه بلايه روح
راح كفالـــــــي وتركني
                        اجمع ايتامــــــــي وانوح
النوح        باليسر ياذيني    
وين     رحت يا ضي عيني
ليش        عنك مبعديني
****
العدها كافـــــــل مثل وجهك
                                    ما تفكر بالمصير
مـــــــــا تفكر بالمخاطر
                        خل يصير شمــــــا يصير
لجن من يوم العفتني
                     وانه بهمـــــــــــــــومي احير
هيج اختك يا ابو فاضـــــــــل
                               عكبك اذاهــه المسير
شلون        والايتام هوايه    
الطاح     من يرجبه ويايه
ايتام          للسبي مشايه
*.
يا كمر ليلي عفتني
                      عمـــــــري من عكبك ظلام
العافت ارباهــــــه وضناهه
                               شلون يا خويه تنام
دهري شافك ع الشريعه
                            صــــار يرميني بسهام
توجع سهام الشماته
                          من حجو وين الحسام
اه           شامت يأذيني 
يريد        للسبي يوديني
كوٓم      خويه ياضي عيني
*.
ونسألكم الدعاء والتوفيق

لخادم ال محمد(ع)..
. الشاعر حيدر كاظم الساري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

عباس اخيي على النهر فاركتة عباس
يسارة ويمينة نكطعن ومتهشم الراس
____
ليلي ابلا شيخلصه
فراكك يخويه غصه
يا كمر هاشم رايح
ظلامي وجهك نقصه

بس كلمة الخويه نهر
يمبجي ذرات الحجر
يشهد الباري من رحت
ما ادري شنهوه انكسر

ما شوف بعدك من رحت ياخويه دربي
مكسور ضهري ابغيبتك ما ادري كلبي
___
محنة افراكك محنه
ماجن طحت جن طحنه
لمن رحت صوب الموت
للشام بعدك رحنه

ميته ابغيابك ما عشت
مو بيدي للغربه رحت
انلجم وي كل جر نفس
والراسه جابوه ابطشت

يا خيمتي ولمن طحت ما ظلي خيمه
عدواني من بعدك حرس والله هضيمه
___
وينك يخويه وينك
يمبجي عين حسينك
يالتلم كلبه وشمله
بالعاشر امكطعينك

جفك على الشاطي وكع
الما كاطع العشره انكطع
عباس خويه عباس
ما تحجي مو كلبي انشلع

النضراتي يقراها كبل ساكت اشوفه
متمدد ويجري دمه وكطعوا جفوفه
_
يابعد روحي وعيني
يالتشد ضهر حسيني
بالغربه ادري بغيرتك
ما تقبل اتخليني

من عدي باكاك الاجل
كلشي خلص خويه بعجل
والعشره ماي اتطشرت
المتبدي من عده شيضل

يالتمشي وي دمي وكف كلشي ابغيابك
ما قصرت حته الكلب يشفى ابعتابك
____
ياخويه يا بو فاضل
ما قصرت يالكافل
ناصر الدين ابدمك
يبن امي سعيك واصل

كل لحضه بغيابك عمر
احيى واموتن من تمر
فراكتك وطولك نهر
ادعي الله يرزقني الصبر

بالعاشر وبالطف كضو يا خويه اهنه
ماضل حنان بروحتك يابو المحنه
__
يا كمر رادك ليلي
يا قوتي ويا حيلي
راح انسبي بحر الشمس
بس راسك ايفيلي

جرحي ابد ما ينشفي
راسك درع خويه الوفي
عندي قناعه واقتنع
وبعشرتك ما اكتفي

ردتك ذخر للموزمه وتنظرلي عينك
تاليها بالطف يالولي كطعو يمنيك
___
#لاتنسوا_صاحب_الزمان_من_دعائكم
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

يبوفاضل دخيلك يبوفاضل دخيلك
==================
من فزع بوالفضل شافوها العجايب
سـيفه مـن شـمّـره راواهم مـصايب
ضهضب الطف لمن طباها الحرايب
عايـش الملحمله وفـرگـهـا الكتايب


يبوفاضل دخيلك يبوفاضل دخيلك
==================
زمجر وكل رجس منحور بـيـمـيـنه
قـاتـل وبـالـرعب چـن حـيدر علينه
دخنت مـن دخل يا حـيا الله عيـنه
من خـزر طاحت الـما چانت رزينه


يبوفاضل دخيلك يبوفاضل دخيلك
==================
هذا شيخ الحـرب سلطان المواقف
منـهـو يگدر يشذ لو لحـظه يخالف
بيده كاسر ظـهر مـو كلمه وسوالف
تشهد الگنطره يمحي اعدائه حالف


يبوفاضل دخيلك يبوفاضل دخيلك
==================
طرها ظهر بظهر وحسينه اعله باله
ضهضب ودلهـمـت عـالكـافـر نـزالـه
يـشـبـه المرتـضـى يـا وادم قــتـالـه
بغـيـرة المصطفى كانـسـها الحُـثاله


يبوفاضل دخيلك يبوفاضل دخيلك
==================
حشّـمت زيـنبـه وانفـاسـه رخـصـها
خايـف مـن الهوه لـو لحـظـه يمـرها
وفّـه جود وعلم واجـفـوفه شـمـرها
خاطر اخته الشهم لا تمشي بيسرها


يبوفاضل دخيلك يبوفاضل دخيلك
==================
ملحمة طف رسم ما همه المنيه
ثاير اعـلـه الـعـده ثورة هاشميه
كـاتـب بگـصـته كلـمـات ابدويه
فـدوه آنـه وهلـي لـولاد الزچيه


يبوفاضل دخيلك يبوفاضل دخيلك
==================
22/6/2025 يوم الاحد
25/ ذي الحجة 1446 هـ
خويدم آل محمد
الشاعر الميرزا محمد الساعدي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

ليلة السابع من محرم الحرام 1447 هـ
لمولاي عين فاطمة حضرت العباس ع


سـيد الـعـلم.. راعي للخيم.. ثوره بالشيم.. عــبـــاس
بعينه فاطمه..حامي للحمه.. سوه ملحمه.. عــبـــاس

ذا مولانا الأبي صار بهيئة نبي عــبـــاس
======================
مال.. عال.. يـقـره مايلي.. حيـدري وهلي.. مـد
نار.. دار.. عالعده ابغضب.. غيره بيها صب.. هد

حــروف الـــدم تـلاهـا التجي گباله خذاها
الحرب شروه اشتراها.. عــــلاهــا.. قـراهــا

خـطـابـاتـه بدايـه يشيعي اقره الروايه
ابو فـاضـل نهايـه.. مـــنـــايــه.. رزايـــه

عاش اخو كفو.. خبل العدو.. مل سأل منو.. عــبـــاس
حومته اليطب..جدول الضرب..عالعقل صعب..عــبـــاس

شحده اليوصل عبي صار بهيئة نبي عــبـــاس
======================
عاد.. راد.. يـرضي زيـنبه.. هايه مرتـبـه.. قـر
فاز.. حاز.. نضره من علي.. وخاطر الولي..سر

عِشگ من الطفوله رضا الباري ورسوله
إبن اطَهر حـمـوله بـطـولـه.. رجــولـه

صبح رمز الشجاعه رفع بالحگ شراعه
حـياتـه كلـها طاعه بـراعـه.. صـراعـه

ويه حنتمه.. بعالم الدمه.. دخل الضمه.. عــبـــاس
صرصر وعبر.. عِزة النهر.. واضح الگمر.. عــبـــاس

مو همه الناصبي صار بهيئة نبي عــبـــاس
======================
جاد.. حاد..سيفه عالگَصُب.. كامش الحرب..حـد
حيد.. عيد..طـبها وافـترس..گاطـع النفس.. شـد

عـرض بالغاضريه شمايل حيدريه
نضـرتـه زيـنبــيـه ثـريــه.. حمـيـه

مِـله الطـف بعـيونه ابو النضره الحنونه
اليتامه ايشاهدونه بـدونـه.. ولــونــه

معتلي المُهر..عسكر الفجر..ساحگه الظهر.. عــبـــاس
ملحمة شرف..منهو الانحرف..بيها والطرف.. عــبـــاس

ضيّق عالأجنبي صار بهيئة نبي عــبـــاس
======================
صوت.. موت.. راعي للنصر.. هزه للكفر.. هـز
سار.. غــار.. عابر الخطر.. زلزله ومطر.. حـز

يغيـمـهـا طـفـوفه برق عينه نشوفه
رعد تنزل چفوفه كسوفه.. خسوفه

يـزلـزلـهـا بـيـمـينـه يـداويها اللعينه
كتب رسمه بجبينه ونـينه.. حـنيـنـه

الزينب الصبر.. گلبه منجمر.. راسم النصر.. عــبـــاس
يشهد الدهر.. كل عدو قهر.. سيد النهر.. عــبـــاس

كاتل روحه السبي. صار بهيئة نبي عــبـــاس
======================
ليل.. ويل.. يطوي كل صعب..طرها كالسُحب.. مر
سيف.. طيف.. كـرها دخـنـت.. مـرها بـيّـنـت.. شر

بده ايصفي السفيها فـلا بيـهم نـزيها
الجره كله من اديها بچـيها.. عليـها

التضده دمـدمـاها گطع نسل الوراها
برعب من عيشاها نـسـاها.. اعتلاها

دمدم وعِله.. بصيته ياهله.. كله مرجله.. عــبـــاس
ألعلع انتچه.. همهم وبچه..من سمع حچه.. عــبـــاس

خوف ويدبي دبي صار بهيئة نبي عــبـــاس
======================
18/5/2025 يوم الاحد
20/ ذو القعده 1446 هـ
خويدم آل محمد
الشاعر الميرزا محمد الساعدي

للأستماع للحن القصيدة ((أضغط هناا))
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

ليلة السابع من محرم الحرام 1447 هـ
لمولاي عين فاطمة حضرت العباس ع
رئيسية


ناديتك اهواي والدمـعه تشرح حـالي
ماريـدن الماي بس رد يروحي الغالي
عباس اخوي شلونك
فدوات انـه لعـيونـك..... ماريـدن الماي
======================
مـا تـفـارگ خـاطـري بـالـروح احـسـك بالروح
وآنـه گـلـبـي منـلچـم عـبـاس اضـنك مجروح
تـدري لـو لحـظـة غـبت اصبح مثل حالة نوح
همس صوتي من القهر بالطف كثر ما مبحوح

ما ظلت عيون الحگ عليّ يا هيبه
گاموا يسلبون والراس يكثر شيبه
گـالـــوا تـغـيّـر لـونـك
فدوات انـه لعـيونـك..... ماريـدن الماي
======================
خويه ملاني الصبر صبري سبگ صـبر ايوب
تعرف اليفـگ أخـو مـن الهـجر گـلبه ايـذوب
نـايـم اعلـه المشرعه لـو مـاي منـك مسلوب
رد يبو الغيره علَيّ انطر يعـمري اشچـندوب

حسباتي والآه والدنيا مالت بيه
أنـحـب اويلاه عباس مالك جيه
مانمت لحظة ابدونك
فـدوات انـه لعـيونـك..... ماريـدن الماي
======================
رد عـليـه امـروتـك مـو طبعك اتعوف ام عون
يالـوفي الشامت صلف واهواي بينه ايشمتون
ايـتامـك اتگـطع الگلـب چاوين عمنه ايسألون
حـرگـوا خـيـمات الـولـي ظـلام گـام ايـنـادون

شوف ارجع الصار حـرگوها كل اخيامي
واحسيني مذبوح عالغبره بالطف دامي
وايـتامك اليبـچونـك
فدوات انـه لعـيونـك..... ماريـدن الماي
======================
عـذبتني دنـيتي وامـصـايـب اشـكال انشوف
من فرگتك والنـهر الدرب السـبي المامعروف
عگبك انشاف الخدر گام الشمر بينه ايطـوف
والأشـد مـن حرمـلـة گـلالـي صـدرك مزروف

گـالـولي الاسـهام شكلك تغـير بيهن
وعـيوني مـتنـام من انفگد حاميهن
ما لاگي اليشيعـونك
فدوات انـه لعـيونـك..... ماريـدن الماي
======================
خويه مرحلة البچي ما خلصت الحد الآن
ألـجـره اعلـيه ظلم ما مـر على كـل إنسان
حره من يوم الصرت مسبيه صار العنوان
ظـلي ما شـايف بـشر تاليها اطب بديوان

مرمرني الفراگ وينك يبو الحنيه
لعيونك اشتاگ ولفرگتك محنيه
أتـعـيش مـيـخـلونك
فدوات انـه لعـيونـك..... ماريـدن الماي
======================
19/5/2028 يوم الاثنين
21/ ذو القعده 1446 هـ
#خويدم_آل_محمد
الشاعر الميرزا محمد الساعدي


للأستماع للحن القصيدة ((أضغط هناا))
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

ليلة السابع من محرم الحرام 1447 هـ
لمولاي عين فاطمة حضرت العباس ع


تاخذني دنياي.. وتردني مولاي
يابو الفضل... يابو المحنه
======================
اجيـتك مذنب ونـادم بكيفك بيه شتسوي
تريد اصبح عبـد مولاي تريد بنارك اتچوي
عنـك سـولفوا محـبوب وبحـنيـتك اتـروي
وآنه المالي غير اهواك گلبي المحترگ قوي

اسگيني يرواي.. من جربتك ماي
يابو الفضل... يابو المحنه
======================
ملّـت مـني حـتى الـروح واتعنـيتك بلـهفه
عليك عيون فاطمتك بيدك هالجرح يشفه
مـد ايـدك علـيـه ارتـاح آنه بـحاجة الترفه
شبعني بچي الخيمات حتى ذنوبي تتوفه

خويدم تقبلون.. لا لا تردون..
يابو الفضل... يابو المحنه
======================
كـلـش مبـتـعـد حـيـران اخـذني واگـف ابابـك
عـيشـني دمـع وآهـات بلـچـن اصـبـح اعـتابك
غيبه وچان هيچ فلان من اعمالي الذي صابك
هـم ارجـع عبـد عباس تحسبنـي مـن احبـابك

لا تكسر اوحيد.. بالساني ترديد
يابو الفضل... يابو المحنه
======================
ياباب الحسين ارجوك يسعه الخدمتك عمري
طيـحلي المـضه والـفـات نـادم بالگـلب تدري
مـادور أجـر ويـاك أجـري امن اخـدمك أجري
وعيت وشاهدت دربك بحبكم هالفلك يجري

من حضرتك جاي... حتى اخذ الراي
يابو الفضل... يابو المحنه
======================
مـن ابـعـيد اجيت انعاك من واحـد بـلا نـيـه
هـيـچ الـنـاس تـعـرفـنـي واذنـوبـي عـلانـيـه
شفـت مجلس عزائك نـار هيچ وهيّجت بيه
على صوت البچي واسمك طبيت الحسينيه

محلفك بالحسين.. انطي الوجه وين
يابو الفضل... يابو المحنه
======================
عشگت احروفك امن اول مره اسمع صدى اسمك
چـا شيـصـيـر بـيـه بــيــوم أنـضـر يالـولي رسـمـك
أحــسـبـنـي عــبــد مـحـروم وارزقـنـي رضـا أمـك
خــلـيــنـي أشـيـل اهــمـوم ثـارك وي ولــي دمــك

يل تنطي بالأيد.. أرزقني تسديد
يابو الفضل... يابو المحنه
======================
31/5/2025 يوم السبت
3/ذي الحجة 1446 هـ
#خويدم_آل_محمد
الشاعر الميرزا محمد الساعدي


للأستماع للحن القصيدة ((أضغط هناا))
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

‏ليله وداع تشيب الراس
‏              زينب  تودع بيها عباس
‏الچلمه هاي ثجيله.. ....وداع الكفيل اليله
‏
‏___
‏
‏بمعرها  والله  ما صارت   تودع زينب  الكافل
‏ومنهو اليضل وي  زينب اذا فاركها   ابو  فاضل
‏الوداعك    ما يكفي.    اليل رايدله   عمر   كامل
‏كل احساسي خويه وياك ماضل عندي شي غافل
‏
‏     كلبي  وحنيني   يودعنك
‏     عيوني.  ابد.  ما فاركنك
‏التمت عليه العيله .....وداع الكفيل اليله
‏
‏____
‏
‏اليل 12 ساعه ادري وكون   12     عام     يصير
‏الوداعك مايكفي.  اليل  وحك   عينك اليل  صغير
‏نفتك جرح الوداع وياك واشوف الجرح صار جبير
‏ الفكر مشدوه  بيك  احتار  اخيتك  بل وداع تحير
‏          
‏         عيونك يخويه  يقدسوهن
‏          خايفه   باجر    يطفوهن
‏امسحهن الك بل شيله .....وداع الكفيل اليله
‏
‏___
‏سم الله عليك ياعباس السهم ياريته بعيوني
‏والعامود  موش  عليك  براسي  ريت طكوني
‏كون افديك بجفوفي واكطعهن  من  امتوني
‏وشفته حسين رد محني تغير ونخطف لوني
‏
‏             يكلي يزينب راح اخونه
‏           ورماحهم   خسفن   متونه
‏
‏ وطاح وتهدم حيله ... .....وداع الكفيل اليله
‏
‏___
‏كتله  حسين  سولفلي  شصار   بكافل   الخدر
‏كال العذر  الله  وليج  الخناجر  ترست  المنحر
‏اسهام  ارماح  وي  سيوف شفت الكمر  يتوذر
‏وجفوفه مكطعه العباس وعلا  الشاطي  تشمر
‏
‏           خويه الجفوف مكطعيها
‏          وسهام    عينه   مصوبيها
‏
‏  ودمعات دم نبجيله .........وداع الكفيل اليله
‏
‏__
‏الماي  الماي  ماريده  اريدك  بس  ترد  عباس
‏اشرب  من حنان البيك الحنان  البيك ماينقاس
‏يريته  السهم  بعيوني  عيونك  ريت  ما تنجاس
‏والمن  ضاله   زينب   عكبك.   يابو.    النوماس
‏
‏          ريت العمر يخلص ولايام
‏         ولا  ادخل  اني بعدك الشام
‏
‏    وبخاطري احجيله ......وداع الكفيل اليله
‏_____
‏بين الاف  من  الجيش  يضل  حسين  وبوحده
‏لا  انصار.   لا  خوان    لاعباس.   ضل.    عنده
‏وعشر خيول منتضرات يسحكن عل صدر عمده
‏الحوافر  يثكلوها  اوزان  تدوس  الجسد وتمرده
‏
‏             الحافر  الواحد  ثكله  ضعفين
‏            يروح ويرد يسحك على حسين
‏
‏وياريتني امشيله ........وداع الكفيل اليله
‏
‏ضرغام منعم الكربلائي
‏
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

‏ياهو المضيعله كمر خل يفزع وياي
‏خل نمشي صوب المشرعه وندوره عل ماي
‏
‏كالو وكع راعي الوهً … ماتً الضوهً وشح الهوه
‏
‏———————————————————-
‏تعنينه صوب المشرعه ندور ضوانه المفكود
‏اني ونجوم العايله ردنه كمرنه الموعود
‏وبحذر نمشي ونترعش الجيش خافنه يعود
‏الجيش الاف شكثر تشبه جيوش النمرود
‏
‏اتستر وامشي بحذر عنً لا يحسون
‏رايده اوصل للنهر ياحيرت ام عون
‏
‏تعنيته واقرهً القل هوه …مات الضوه وشح الهوه
‏
‏__
‏وبالف حسره ويا علي لمن وصلت المشرعه
‏عاينت اخوي المنطرحً وجفوفه يمه مكطعه
‏ومن شافني حاول يكف بس طاح ينضح منبعه
‏ينضح دمه وينضح خجل وعيونه دمعه مرصعه
‏
‏عباس ردتك بل خيم مو نومتكً هاي
‏ارجع احميها العايله مارايده الماي
‏
‏والتمتً الامي سوه … مات الضوه وشح الهوه
‏
‏
‏————————————————————
‏
‏مخسوف صدره من كثر طعن الرماح بصدره
‏وسهام متروس الكمر متشابكات بضهره
‏وجروحه تنزف. ياوسف والنزف صاير مجره
‏يادوب اضمدله جرح. ينزف الثاني بكتره
‏
‏
‏جروحكً جثيره واعتذر. مالهن ضماد
‏عباس لاتنزف خجل يابعد ال اولاد
‏
‏
‏جروحكً فلا الهن دوه …مات الضوه وشح الهوه
‏
‏__
‏عباس يا خويه اعتذر راح ارد يمً عيالك
‏ودعتك الله يا شهمً كل عمري كون بجالك
‏يردونً من عندي خبر راح اشرحلهمً حالك
‏عن العمود ال صوبك وعن يمنتك وشمالك
‏
‏
‏عن الي شفته بحالتك راح اشرحلهم
‏وعن وضعك الي ما سمح يجمع شملهم
‏
‏
‏وبحجايتي كلبي نجوه …مات الضوه وشح الهوه
‏
‏
‏———————————————————
‏
‏
‏بس الله يدري بل تعب زينب السادي عليها
‏بليله وضحاها يا خلك شافت ذبح واليها
‏واخوانها الي ذبحت والنار وصلت ليها
‏محتاره تمشي اليا كتر. الزمن دولب بيها
‏
‏ماجانتً ابالي ابد اطلع سبيه
‏عباس مايحدي الضعن كلفه عليه
‏
‏
‏والجيش يسبيني نوه….مات الضوه وشح الهوه
‏
‏
‏
‏ضرغام منعمً الكربلائي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

‏
‏انهض واوكع كل ما اسمع راح العباس
‏بنار خيامي تصيح ايتامي راح العباس
‏
‏وداعك والمنيه نجمعن خويه بيه
‏راح العباس
‏
‏
‏انه زينب ياقدر.. شلون صوبني الدهر من رحت يم النهر
‏شيب دليلي
‏شلون اوصف حالتي طايحه كبالي اخوتي ونار تاكل خيمتي وذبحوه كفيلي
‏السهم بعيونه انغرس وطاح اخوي من الفرس ونكطع منه النفس وانهدم حيلي
‏لنهر لمن رحت بخوتي شكد حلفت ردت كومتهم ردت
‏بس دماهم ياوسف ترست شليلي
‏
‏روسهم خليتها بحضني واشمها
‏من كثر مابيها دم ضايع رسمها
‏روس اخواني بحضني الدامي ماتت ياناس
‏تغير حالي وشمر كبالي وراح العباس
‏وداعك والمنيه نجمعن خويه بيه
‏وراح العباس
‏
‏____
‏
‏المقتل كبالي حدث لا سمعته ولا ورث حجايتي حجايه بخت احجيها عدله
‏ساعه وداعك بلاء وموت طب بكربلاء واخذ من عندي اوفياء موتها غفله
‏ماصخه الخوه بجفاك وريتني ميته وراك ولا عشت لحضه جفاك شلون عله
‏خوتك منبع عتيچ وفركتك حادث چديد رت بس اندل طريچ اصعدت تله
‏وصعدت التل يخوتي ماهيه سهله
‏ريت ميته بكربلا ولا ساعه عدله
‏
‏فوك التله ردت اندله بعطر لانفاس
‏راحت روحي وضل بس نوحي وراح العباس
‏وداعك والمنيه نجمعن خويه بيه
‏راح العباس
‏
‏__
‏
‏راحت ايام الدلال ورجعت اخواني محال تغيرت كل الأحوال شلون صدمه
‏
‏مثل اعمه بل منام وخلص من جوف الضلام امنيته يبقاله عام بذاك حلمه
‏
‏ريت وي عباس اموت ولااعيشن هل سكوت مكطعه جفوف القنوت وماكو جلمه
‏
‏للحجي ماعندي صوت مثل اخرس من يموت يكضي كل عمره بسكوت وموته نعمه
‏
‏صوتي راح بكربلاء وخواني راحو
‏ومن حزن ايامها الدنيا استراحو
‏
‏لاخرس حلمه ينطق چلمه وشوف المقياس
‏ميت صوتي وراحت خوتي وراح العباس
‏وداعك والمنيه نجمعن خويه بيه
‏وراح العباس
‏
‏
‏
‏
‏
‏
‏كام يبجيني الحجر وينحب الحالي المدر وينزف دموعه الشجر من المصيبه
‏انخسف هليله الكمر عل شريعه من انغدر جفوفه طاحن والنحر ولحيه خضيبه
‏وين الكه الخوه وين بعد عباس وحسين انكطع حبل الوتين منين اجيبه
‏السهم بعيونه استراح وراسه رفعوه عل رماح وجسمه عل شاطي مباح واني غريبه
‏
‏الكمر راح وراحت ويا ذكرياتي
‏ومن دمه روس اخوتي ثكلت عباتي
‏
‏
‏تغير لونه الكمره عيونه الجان يضوي الطاس
‏
‏كلشي تغير وعسكر يفتر راح العباس
‏
‏وداعك والمنيه نجمعن خويه بيه
‏راح العباس
‏___
‏
‏حيرتي خويه شاكول بيوم دكوها الطبول وحركو ذيج الخيول ال اعوجيه
‏خيول حافرها ثچيل تسحك الكاع وتميل وعندي بس نوح وعويل شلون بيه
‏طحنت ضلوع الخليل والدمه نزفه يسيل وزعت جسمه سبيل اعله الوطيه
‏وين ابو فاضل اصيح لحك حسينك ذبيح واوكع وانهض واطيح من الرزيه
‏الغريب بكربلا وماضله صاحب
‏تسحكه الخيول الي ماعنده كرايب
‏
‏جسمه الناحل ودم سايل وعليه مجتمعه ارجاس
‏ضليت افتر وكل ساع اعثر وراح العباس
‏
‏وداعك والمنيه نجمعن خويه بيه
‏راح العباس
‏
‏ضرغام منعم الكربلائي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4