#محرم_١٤٤٧_هــ
ليلة سابع

القصيده حوار بين السيده زينب ولامام الحسين:

مولاتي زينب تنشد الامام الحسين عن ابو فاضل صلوات الله عليهم


ها يحسين لازم ضهرك شبيك
بس لاكتله كوم ومارضه يكوم
نحنه ضهر الحسين وصاير هلال
وجي عباس نام وطول النوم
ياهو الطاح تركض يم يحسين
ومن طيح يمك من يجي اليوم

حسين شلون يرتاح ،، وحزام الضهر طاح
يكوم شويه ويطيح ،، علخيه لازم صفاح

وتتوسل بخيك ما سمع صوتك
المثلك يمي يبقه مو وكت موتك
رد اللمشرعه حلفه بخيام معون
حلفه بخدري بلكت يفزع مروتك

-------------
رد حسين من عباس عطشان
وكل ضنه يرد بل جود عباس
بصفه وكوه واكف يحجي وياء
حسين بطوله دمعه يطيح ياناس
حافي ويركض أول مره الحسين
وصل يمه وشبج جفينه علراس

محدب شفت الحسين ،، ودمعته بطرف العين
يصفك بيده علراح ،، النهر طيحله جفين

يجي للخيمه ويرد للنهر يركض
فوك الضيم ضيم الوادم التعرض
يعيرون الحسين بطيحت العباس
وين الجان غصبن عل زلم يفرض
--------------

تعب شمسوي بيك يهب هو طيح
وفكد عباس خله حسين ملهوف
ورد للخيمه وحده بدون عباس
دمع جان بجوابه طايحه جفوف
هس شلون بيك بوحدك اتحيره
وعلي خوفي علطولك تاخذ سيوف

اشوفن حيله خلصان ،، رد حسين عطشان
كاسر ضهر عباس ،، وفكد عباس نشان

من يحمينه جا من تركض الوادم
تعوفنه الغرب تحدي بضعن هاشم
وراح دير شوفك للنهر كل ساع
بعد شي كومه اخوك العل نهر نايم

-------------

كعد يمي واسولف كوه يحسين
شوف شلون زينب فاكده الحيل
مناشخ بلبواجي مو شله الدموع
مره اني وشرد سوي بركض الخيل
قبل لا توكع انت عذرني يا حيد
واخاف اطلع وهج بضلمت اليل

تعذر منك هواي ،، ومن الطاح علماي
اخاف شوفني الناس ،، وخاف شوف ممشاي

عجوز اني وجبيره حيل مابيه
واذا توكع حتار بروحي برقيه
لمنه وطنه راي وحته نطلع بي
قبل لاتنذبح خنشوفك شويه

صباح جهاد

قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

وقف على مصرع اخيه قمر بني هاشم العباس عليه السلام
متأملاً ذلك المصرع العظيم ومستذكرا بطولات اخيه العباس عليه السلام وبعدما قال مقولته الخالده الآن انكسر ظهري يا ابن والدي
فكأني به يقول....

عباس وينك ظهري حس بالكسره
ردلي احلفك يا كمر بالزهره
ردلي اجاني الموت وانه بلياك
وحدي وعليه يدور بالهم دهره
عباس يل ذكرك يرد ليه الروح
ياروح اخوك الراحت بكل حسره
عباس وحدي وگوم اميه بكل صوب
چنت بوجودك ما اهتم لامره
چنت انت جيشي ودرعي لا كل حماي
بيالك علي محد وصل وتجره
لمن گلتلك صول والجيش الاف
يتهامس الجيش لمنيته الحمره
تدري صحت للگوم ابرز عباس
الما لحك يشرد بيده يحفر گبره
طبيت والموت بيمينك مرهون
چنك علي لمن يطب بمهره
بالجيش انت الحطت لا ماحاطوك
من كل كتر يلكوك مثل الكمره
غدروك وانه ادري الغدر عدهم ساس
صابو يمينك ياكمر واليسره
والعمد والعباس صابالي الهام
يمك واسولف وانه احس بالطبره
عباس چا هو الاخو وكت الضيج
يترك اخيه وما يجيله يصبره
عباس وشحالي يخويه بلياك
من طحت خويه چن ممات العتره
عباس ردلي الدنيه من دونك ضيم
ظهري ودليلي وروحي بيهن كسره

#ياقمر_بني_هاشم
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

لأبي الفضل العباس عليه السلام


خافوا وكالو خلي نلاكي حلها
بس أسمى راعب آل اميه كلها
يا ابو فاضل ... يا أبو فاضل


من ينزل العباس كلها تهابه
من الخوف دفنوا روحهم بترابه
قمر العشيرة ( فحل ) ألي جابه
أم البنين أطلكت بي بأعجابه

طر بيهم يسوي لمن ينزلها
بس أسمى راعب أل اميه كلها
يا أبو فاضل ... يا أبو فاضل


راد الشمر يغري يجيبه عليهم
وكله أمان انطيك بس عاديهم
سواها ما حط أيده ويه ايديهم
جيش اكبره كل زلمه لا ما بيهم

كال الكمر هالمعركة علي خلها
بس إسمى راعب آل اميه كلها
يا أبو فاضل ... يا أبو فاضل


سمعوا أبو فاضل نزل للحومه
تتراكض الوادم بهل معلومه
الشمر ضل يركض ومحد لومه ( يلومه)
يدكله تحيه الجندي بس بالكومه

هاي الحرب كلها ابد ما اهتملها
بس أسمى راعب أل اميه كلها
يا أبو فاضل ... يا أبو فاضل


شحلاته من يدخل حرب ما يحجي
خياله اذا شافه العدو يضل يبجي
يروح ألبو فاضل يضل يترجي
دخيلك يا كافل بعد لا ما احجي

من نادو العباس اجه عزلها
بس أسمى راعب أل اميه كلها
يا أبو فاضل ... يا أبو فاضل


لمن يهد الكمر ما تكدرله
كالوا على العباس ما توصله
للنهر راح وخله بيهم عله
على القمي هوايه تره يعرفله

خوف ورعب سوه الكمر كتلها
بس أسمى راعب أل اميه كلها
يا أبو فاضل ... يا أبو فاضل

خادم الحسين عليه السلام
الشاعر زين العابدين الاسدي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

سهم يسأل سهم واسمع حجي السهمين
سهم عين الكمر والثاني سهم حسين
………………..
سهم يحجي السهم والعبره خانكته
يكله يأسهم من ياكتر صبته
كلبك مافطر من اسمعت ونته
صدر اطهر بشر بكل جرئه هشمته
رجع كله شفت كل خوته منذبحين
سهم يسأل سهم واسمع حجي السهمين
…………………….

رجع كله شفت منضر فلا شفته
الجسد مطشر وباله عله اخته
تحاجيني اخيته تكلي ماعفته
گلب زينب اخوهه وانته كطعته
ينشده ياسهم زينب بلا جنحين
سهم يسأل سهم واسمع حجي السهمين
……………………..
امنيه سهم يضربله واحد زين
حضي شكد حلو لاكاني صدر حسين
بلحضة ضربتي شابكني صدره حنين
وگلي ياسهم أطفالي عطشانين
ويسأله ياسهم هم تدري زينب وين
سهم يسأل سهم واسمع حجي السهمين
،،،،،،،،،،،،،،،،،،،،،،،،،،،،،،

شنهو من حقد عندك يسهم الراس
شسوالك كفيلي وتضرب العباس؟!
وعفت حسين أخيه وحده ضد انجاس
وأنه امشي أسيره وحدي بين الناس
كونك بالشلل لا تدنه يم العين
سهم يسأل سهم واسمع حجي السهمين
سهم عين الكمر والثاني سهم حسين
امير مكي العارضي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

عندما سقط العباس حامل لواء الحسين من المهر بدون كفين وسهم في عينه وقد تلقا الارض بجبهته الشريفه فنادا بكلمات اخيره قبل ان يقع الى الارض !!!!




هلبت الصوت من الكمر يوصل للحسين
طايح اخوكً من المهر ماعنده جفين
منً عبر بعيوني السهمً. الحكً لوائك والعلم
طاح من الجفوف

**

من طحت اعله وجه الكاع وماضل عندي انه جفين
طحت منً المهر للكاع وحجر طر هامتي نصين
حضنت. الكاع بعيوني وسهم نابت بنص العين
وكلت اتلاحكً انفاسي واردد اسم اخوي حسين

طحت من مهري الحكني
وحجر بل وجه. صادفني
وعمود بغدر. صوبني
نشف دمي انكسر عضمي
ومن ضهره المهر ذبني


بعمري وحياتي ما كلتلك سيدي بهاي
تعذرلي خويه من الحرم ما جايب الماي
ماعوفكم واقسم قسم الحك لوائك والعلم
طاح من الجفوف

**

فزع لحسين للعباس وكام وطاح جم مره
وبرجلينه مات الحيل مايكدر يصل مهره
تكض جدامه من يمشي وكف حته الدمه بصدره
ماسامع يصيح حسين ما كايلها كل عمره
العطش يكتل الضمه يذبل
واريد اوصله مستعجل
انشده حالي. المهر عالي
اصعده واوكعً. شمالي


ماسامعهً بعمري يصيح باسمي الحسين
لو سيدي لو خادمكً ذني الجلمتين
والحيل بيه من انهدم الحكً لوائك والعلم
طاح من الجفوف

****

وصلته ومنً وصلته شلون حالي والضهر محني
اريد اوصله ما اكدر ا جدامي ما يشيلني
وسمعته يردد العباس حجايه هوايه اذتني
يكلي انتضر يل ذباح اشوف حسين واذبحني

النضر معمي وسهمً مرمي
بنص عيونيً تعبني
لاتذبح اريد اشرحً
واودع حسين واذبحني

يل ناوي تذبحني انتضر خليني اشوفه
لحسين ضل بوحده مو مال اعوفه
امهلني اوصي عل خيم. الحكً لوائك والعلم
طاح من الجفوف

***

ومابين الحياه والموت واحداث الجرت صعبه
سهم نابت بفص العين وسهم متوسط بكلبه
واشكال الجروح البيه الف طعنه والف ضربه
مايدرينيً اني حسين اخيه الجاعد بكربه

شوصفها وشسولفها
المصيبه روحي هدتها
اقبلنه. واضمنه
وخايف لا الجمنه

كتله الحسين اني يخويه وجيتك اركض
ومن حضني نزل راسه عل تربان يرفض

ويرفض اشيله للخيمً الحكً لوائك والعلم
طاح من الجفوف

*
ومن ودعته ردت امشي وارد للخيم والنسوان
شلون ارجع شكول الهن اذا طلبن كمر عدنان
الحيره الحارها كلبي ومصيبه تشيب الرضعان
هاذه كافل الخدر تراه وموش ياهو الجان

العمد طايح. وبده الصايح
وكمرنا اعله النهر طايح
انكسر ضهري انثلمً عمري
وارد شلون مادري

ودعتك الله يا كمر عيني و ضواها
مصابك سواد اعله لارض مضلم اجاها

مصابك ترس كلبي الم الك لوائك والعلم
طاح من الجفوف




ضرغام منعم الكربلائي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

نرال ليلة العباس

نرال ليلة العباس عليه السلام


بيده رايه تشوفه هاي الناس
هذه حيدر دخلهه لو عباس
------------------------------------
من دخل للحومه*
سابگاته اعلومه*
حيدر يسمونه*ذكراهم يومه
ابو فاضل طبهه*
وللمعاره ضبهه*
خيل ولخياله*حارت ابمهربهه

ناده بالجمع *وبصوت مرتفع*وينه الگاطع الماي
اترس جربتي *وبزود خطوتي*انه الاسمي حماي

ارد ابجودي*
ووفي اوعودي*
ارد لحسيني* شايل الماي

ماتحده جيوش ولاله مقياس
هذه حيدر دخلهه لو عباس
-------------------------------------------------
طبهه ابن الانزع*
سوه بيهم مصرع*
بيده هزهز سيفه*سيوف حدره تركع
شايل ابجفينه*
كل خيام احسينه*
كل حلم عطشانه*براسه وعد اسكينه

غاضب الگمر*گاصد للنهر*الجيش يمه اوهام
بيده رايته*ولماي غايته*بچفه يروي لخيام

يرد للخيمه*
الضمايه الهيمه*
يروي اطفاله.* اعذوبت الماي

ومنه تجري شهامه وغيره وحساس
هذه حيدر دخلهه لو عباس
-----------------------------------------------------
للشريعه گاصد*
للحرب متواعد*
مايرده العسكر* وي علي متوارد
ولنهر صوبينه*
اتملكه ابچفينه*
وخله بيهم موقف*من بدر وحنينه

للماي من وصل*عباس البطل*يسمع بس الانفاس
كلشي منخرس*علمهم درس *صاحو هذه عباس

كمش بجروفه*
نطق بحروفه*
العطاشه يسمع*عجل الماي

وعله جوده ترفرف ذيج الانفاس
هذه حيدر دخلهه لو عباس
-----------------------------------------------------
ارويحته الوفايه*
شال بيده مايه*
وعاينه بچفوفه* وردله مايه المايه
اشلون اضوگه وشرب*
وگلب اخوي اليلهب*
يادرس للخوه* للوفاء امرتب

ماضاگ العذب*وچلماته التهب*مثل النسمه لحسين
مخلوق للوفه*غيره وعاطفه*كافل ناصر الدين


شهيد الخوه*
اعله حبه ويهوه*
سقاهه اخيامه* امروه ولماي

منزله عضمه هايه يانبراس
هذه حيدر دخلهه لو عباس
-------------------------------------------------------
اعله متنه الجربه*
كوراهه الصعبه*
اعله جنح الخوه*حسين ينبض گلبه
مايريد ايامه*
بس يصل لخيامه*
بالغدر وصلوله *صوبوله الهامه

صابوو چبدته* من صاب جربته*بسهام لاحو العين
ياحيف عالنفل*مغدور ينچتل*ناده ادركني يحسين

قسم ميعوفه*
هداله اچفوفه*
اعله حبه اتسمه*ساقي للماي

مدرسه للوفاء ايعلم الناس
هذه حيدر دخلهه لو عباس
------------------------------------
علي سليم الحسناوي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4