يا جسام يوليدي
*
يوليدي مكتوب الحسن .........وبكلبي ضميته
لعاشر محرم انتظر......... ونوفــي بوصيته
كال الحسن وكت الشدد.... جسامي ضميته
من اجه شهر الحزن...انفتحت وصية الحسن
هناك الجروح انتجن...ما نسى هناك الحسين
يمه نوفي حجايته.........ولحسينك غايته
هناك ترفع رايته.......بكربله تقدم الوتين
توفي حسين يوليدي......يا جسام يوليدي
***
اول وصيته لو شفت..... عمك على الحومه
وتعسكر عليه الكفر...... يبني انذبح كومه
وصور مناحركم غدت..... يوليدي مرسومه
يعني هالموعد وصل.....بكربله حان الاجل
ينتهي هناك الامل....وتبتدي هناك الحتوف
يكتب وكلبه انجوى.........من مصيبة نينوى
ينكطع بيها الهوى.....هناك يبني بالطفوف
والطف حان يوليدي......يا جسام يوليدي
****
يوليدي من تسمع الا........ من ناصر بصوته
يعني الحسين بكربله.......حان وكرب موته
تحزم يغالي وللعده...... حضـــــر توابيته
وانصر الما له وطن ....واكسر اصحاب الفتن
ونادي انه ابن الحسن.....لعمـي اجيت لنصرته
بكربله عيد الجمل .....خلي عدوانك وصل
يا فحل يبن الفحل.......يا غيور بفزعته
ذل الجيش يوليدي .......يا جسام يوليدي
**
ان تنكــــــروني يا خلك.... انه الحسن عودي
ذكرهم هناك بعلي ...للمـــــا نسوا جودي
اعله الوادم تنومس اسد .... من يكرب حدودي
دينك حسينك صبح......يمــه لاجله انذبح
لا تردلي بلا جرح.............ولعمك موت وياه
ولفاطمه نوفي عهد.........ما نعوفه لل لحد
هناك اناديها الولد.......لحسينج انطى دماه
الزهره تصيح يوليدي .... يا جسام يوليدي
****
ناده المنيه بكربله ......مثل العسل واحله
والمايضحي بمنحره ....ما اظنه يوصله
لو انذبح وارجع بعد.............. نحري اقدمله
لعمي اقدمله النحر ......يمه واشعر بالفخر
لو يرد بيه الدهر.......افدي المنحر وبزود
بنذرج اليوم الوفه ........ انذبح للمصطفى
هالعشك ما نوصفه.....هالحب لا ماله حدود
صيحي بزود يوليدي .......يا جسام يوليدي
**
ونسألكم الدعاء لتعجيل الفرج


لخادم محمد وال محمد(ع)
الشاعر حيدر كاظم الساري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

كاني برملة تخاطب القاسم



يذبحني اليروح بغير توديع
وبسرعة الجنازة تريد تشييع
شاب الموت ميسئلك
رايح گلي من اهلك
وبسرعة الجنازة تريد تشييع
ــــــــــــــــــ
شما طال العمر لازم وراها نموت
نعرف هالامر لمن يفوت الفوت
اليوم صوت عدنه وباجر بلا صوت

وبس الصور تذكار
نار وتشتعل نار
ثلكلة تنوح لجم اجروح تطلع روح
رايح عدنه خطار

بسرعة بسرعة ظمك ذاك التراب
وقلبي ينخمش وي دكت الباب
بلكت ربي ويعدلك
رايح گلي من اهلك
وبسرعة الجنازة تريد تشييع
ــــــــــــــــــ
ورده وتنگطع بين الكبور تنام
وفراشك بقى خالي من الاحلام
غطوك بنعش بي حسرة الايام

رايح مني ليغاد
يايمة الألم زاد
تعب أسنين رايح وين يالكل حين
بية الدمع مافاد

اليحفر باللحد يحفر بالجروح
يالعريس ازغر عمرك يروح
جبير القبر ميگدلك
رايح گلي من اهلك
وبسرعة الجنازة تريد تشييع
ــــــــــــــــــ
قلب الألم ترف يشبه جنح فراش
من تفگد ضنها بنص عمرها العاش
يتشگگ قلبها مثل قطعه قماش

بيها النفس محروگ
وجفن الگوة مطبوگ
تعب أربات منها ومات بالويلات
تحنلة حنة النوگ

من گد الحنان الدمع تعويد
من موتت ابنها تبجي بالعيد
حرز بحيدر تشدلك
رايح گلي من اهلك
وبسرعة الجنازة تريد تشييع
ــــــــــــــــــ
حق الموت بس الفاجد شلون
منين يجيب خلقة الباجي العيون
دار البيها صيحة مغيرة اللون

ظلمة تصير هالدار
تصبح كومت احجار
ما تنشاف بيها اوصاف ما تنعاف
بيها الحزن يندار

الدار البيها شمعة نطفت والعين
ماتت بيها ذكرى واحلى السنين
يالرايح على القبلك
رايح گلي من اهلك
وبسرعة الجنازة تريد تشييع
ــــــــــــــــــ
عمرك مال واحد بالسماء يطير
مو عالموت ترحل على الماي تسير
عطر الهيل دومه بالمضيف يشير

يندك فوك الدلال
مثل الدوه الينشال
واسمك راي وانته فياي وانته الماي
بس اترابك انهال

حاشة لربي ما معترضة عالصار
بس بفادي جمرة وتستعر نار
بس هذا القلب يهلك
رايح گلي من اهلك
وبسرعة الجنازة تريد تشييع
ــــــــــــــــــ
الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

تراثية.... القاسم ابن الحسن

قلب امك المفجوع بالغاضرية
اصبح لهيب اخيام يوليدي بية
ابقى يبني مكسورة الخاطر بعد عينك

►►►► ◄◄◄◄

يمة الفگ جتال والغربة يبني
بالخيمة ومتاناك يايمة هدني
رافگت وني عليك ماسكت وني
دمعي منهد فرگاك صابغلي ردني

ابقى يبني مكسورة الخاطر بعد عينك

►►►► ◄◄◄◄

متبدي فوك الكاع ياماي العيون
واني الحزن تابوت وتشيلة المتون
اشوكت طاري يعود وي اليعودون
خضرت يمتى ووين يايمة وشلون

ابقى يبني مكسورة الخاطر بعد عينك

►►►► ◄◄◄◄

يازرعة الله شلون من أيدي تنحاش
زاگيتك بدمعات وادري الغصن عاش
ماهمني فوك رمال مو كعدة بفراش
بالرمشة شوف العين للجية غباش

ابقى يبني مكسورة الخاطر بعد عينك

►►►► ◄◄◄◄
مو مثلي يالعريس چلاب الاخيام
كل لحضة من تفوت من العمر عام
لو جيتك لو موت دلالي محتام
حالي نهر عطشان يوليدي جسام

ابقى يبني مكسورة الخاطر بعد عينك

►►►► ◄◄◄◄

قلبي انصلب وانهار مايقبل يهيد
شيصبرة عمري شلون يالدربك بعيد
طبعت بخدي اعليك ولجيتك الأيد
ام وابنها يموت شتسوي بالعيد

ابقى يبني مكسورة الخاطر بعد عينك

►►►► ◄◄◄◄

مخنوگة حيل اعليك والوسعة تنشاف
ثقب إبرة هذا الكون يايمة بخلاف
حج الهضم والاه بية الحزن طاف
ضيمي جبل وانشال وانحط على جتاف

ابقى يبني مكسورة الخاطر بعد عينك

►►►► ◄◄◄◄

الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

يا جسام  يا جسام

ــــــــــــــــــ

يبني يا جاسم انه امك والله مهمومة
من رحت عن عيني يمة قلبي حد يومه
ما اشم انفاسي جنها ريتي ملجومة
ليل يمة وشمع عرسك طفته الحومة


يا جسام  يا جسام

ــــــــــــــــــ

يالموسد اعله الترايب طولك بعيني
حنتك دمك وعرسك كبر اسنيني
گطعت سباح روحي الفرگة تاذيني
من سمعت اجروح قلبك يمه ذكريني


يا جسام  يا جسام

ــــــــــــــــــ

من اغمض عيني احسك يمي يالغالي
يالولد زفة شبابك كملت ابالـي
من افتح عيني يمة وانظر اقبالي
شمع طافي وهذا راسك ع الرمح عالي


يا جسام  يا جسام

ــــــــــــــــــ

يمة مشتاگة اسمعه صوتك بروحي
اسمع أشلونج ييمة تخفف اجروحي
وتاخذ احزاني وهمومي ودمعتي ونوحي
سمة ضيك لليتاني وجهك اليووحي


يا جسام  يا جسام

ــــــــــــــــــ

عطرك بجفي اشمة من رحت مني
اشبگ اثيابك واناغي اثيابك بوني
يمة يا جاسم ييمة يالغبت عني
شلونه احمله افراگ وجهك يمه ألمني


يا جسام  يا جسام

ــــــــــــــــــ

ودعتني وروحي راحت يمة يوليدي
نبضي بس جاسم يجاسم قلبي وأوريدي
من عفت امك يغالي يمة يوحيدي
وابقة من بعدك اتاني وافرك ابيدي


يا جسام  يا جسام

ــــــــــــــــــ

الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

شور

يا يمة يا جسام
ــــــــــــــــــ

يا رباتي وعمري انته ويا ضواي
اني امك رد علية يا هواي

يالعيني تربي طايح يتعبي
يا يمة اموتن وراك

حلمي اعله عيني ولهفة حنيني
شدعي اعله موت الخذاك

للحومة يمة من الخيمة اجيتك ركض
وانفاسي تعثر وبقلبي يعثر نبض


يا يمة يا جسام
ــــــــــــــــــ
من لمحتك تنزف اجروحك سنين
الورده من توكع بذبلها الحنين


طحت بمصابك رايح شبابك
ومطشر اعله الرمال

من اعتنيتك ترفس لكيتك
راح من اديه الدلال

طولك تكطع بالدم تنكع نزف
كلي شيرجعك للخيمة يبني الكلف

يا يمة يا جسام

ــــــــــــــــــ
راح اوداعك خيمة اجيبن يلة اجيك
حتى اخلي جوة ظهرك خيمة ليك


ثكلوني يبني يا يمة وني
وعرسك اشوفه يضيع

يا فادي عمك والحنة دمك
وراسك يغالي قطيع

عطرك تتطشر بس ما تفسر حلم
يا يمة كلي من جسمك اني شألم

يا يمة يا جسام
ــــــــــــــــــ
قلبي يمك من تبده عالتراب
يا عزيزي وشوفي دونك بس سراب

هالليلة وحدي وبالحومة جبدي
تفتر منيتي السهام

يم جسمك افتر قلبي تكسر
كسرة جناح الحمام

حزني شيحملة ما جني رملة وطن
همي اعله كبره جنه مضيف الحسن

يا يمة يا جسام
ــــــــــــــــــ
يا اماني واني هسه بلا امان
كون يوليدي يرد بية الزمان

حتى امنياتي يمه بحياتي
تتمنى يمة وتعود

بس انته غايب وقليبي ذايب
وبحزنه والهم يزود

يا يمة عيني ينفعها گلي الدمع
ياهو اليفارك وقليبي حارك شمع

يا يمه يا جسام
ــــــــــــــــــ
الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

اني شبل المجتبى اني شبل المجتبى
ــــــــــــــــــ
وصيتي من والدي طلسم حرز بيدي نكتب
نذر من المجتبى لعيون الحسين الذهب
نهر دمك لو جرة يوليدي وبصدرك لهب
اريداً تعب الربة ولعمك مجازة التعب

اني شبل المجتبى اني شبل المجتبى
ــــــــــــــــــ
يعمي إذن الي هاي الحرب تصبح عرس
انه بصدر المعركة من اظلم گلادة شمس
انه سيف بيمنتك باجر ويومك والامس
انه طالب بالوغة واستاذي انته والدرس

اني شبل المجتبى اني شبل المجتبى
ــــــــــــــــــ
من أصول بهالمعركة هالجيش الزمهم سرة
وادنيها كربلة وفرسان ارجعهم ورة
وارد حملات الأسد جدي علي بكل مفخرة
أشد فارس بالحرب من اوصلة يصبح مرة

اني شبل المجتبى اني شبل المجتبى
ــــــــــــــــــ
يفوح مضيف الحسن والكهوة جانت بالهوة
من يهدرها بكرم ويمر عليها اسمك دوه
اليجي عبالة شمس بس هذا وجهك بي ضوه
ينور الله والنبي وكل الوصف بيك احتوه

اني شبل المجتبى اني شبل المجتبى
ــــــــــــــــــ
تحت امرك للنفس والقاسم بحبه استعد
انه تربات الحسن اني الشبل من هالأسد
حبيبي وكل دمي الك يا روحي ونطيتك وعد
انا بايعتك عهد وابقى يعمي اعله العهد

اني شبل المجتبى اني شبل المجتبى
ــــــــــــــــــ
الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

جنت انه اخاف عليك يمه يحسدونك
واشلون اشوف الكوم يبني يوذرونك
حلمي عرس وبخور عمامك يحنونك
و يهوس العباس لمن يزفونك

انطيني نحرك خل اشمه     
وعرس  المبارك  ييمه
دايفه  الحنه  بدمعتي
وبالهلاهل صوت لجمه

عفت الحرب تكتل         وبثيابك تعدل
ليك فزعت    لمن شفت   خيل الرفس تصهل
....................................................
يا سلسبيل الروح متبدي بالميدان
واول عرس شفناه بي تلطم النسوان
المثلك ورد متروس مو تنذبح عطشان
وترسوها دم و رمال صينيتك العدوان

ثياب عرسك من لكوها
بخيمه اسكينه احركوها
ويا صواني العرس ذيجه
بخيلهم شو طشروها

ما ينشبع منك          واشلون اعوفنك
لا تبتعد     بخدك ورد     خليني اشمنك
.....................................................
موذر  يبعد امك  و ما ميزك  باالعين
بس  يبني  نيشانك هاالحنه باالجفين
امنيتي الف مبروك ايكلي اكون حسين
و ع الخير يا رمله ولد ابنج اتشوفين

بعرسك الهلهوله ونه
واهليه نطش دمعنه
الخيل لاينطيها الله
جفت صينيه الحنه

ومرتك اجوا ليها          وباكوا تراجيها
لو تنسلب   لو تنضرب    لو تنجوي ايديها
...............................................
عريس و اجمل شاب يا  فرحه ايامي
الحنه وصواني الياس طشروها كدامي
بعين الحقيقه تموت يا اجمل احلامي
يمه اعله بخت الماي من تنذبح ضامي

وين اكو ام عريس تنعه
وابدال كل هلهوله دمعه
وع الرمح باجر ازفك
بكل خرابه احط شمعه


ما نثرت امك ياس            نثرت رمل ع الراس
لمن طحت     كافي اسمعت   سكتني العباس
...................................................
ثوب العرس جسام يبني عليك يلوك
بس ما شفت عريس بحافر فرس مسحوك
كونك تشم عطاب كلب امك المحروك
من تسمع  بمرتك  باجر  تطب  لسوك

شفت واحد اجه علينه
كلت ابني رجع لينه
ثاري واحد لبس ثوبك
وحرك خيمتنه وبجينه

مهنه يبعد امك        يالحنتك دمك
لعرسك عفت     ما قصرت  يسوه الذبح عمك
...................................................
مرتضى عامر الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

يشع نور ابو فاضل جان. بس ماي
وابد مايوم واحد. عرف. بس ماي
يزينب كالي شتردين. ..بس ماي
لجيب النهر والشاطي سويه


انه زينب اليحجون .. عناي
المصايب داهمني غفل ..عناي
ابو فاضل نخيته وراح ..عناي
اعتنه الشاطئ ولا رد بعد ليه




‏يخويه الصابنه مكتوب يو عين
‏وخفت بس لا وعيون عداك يوعن
‏شسولفلك على السلاب يو عن
‏اليتامه وفركتك والهد عليه
‏
‏السهم بل وسط نايم شال عينه
‏وخفت من ردت اطلعه شال عينه
‏كلب زينب يخوتي شالعينه
‏
‏بمصايب كربله والغاضريه
‏

‏شكثر ياخوتي روحي ضاميه الكم
‏متى ترجعون واشكي ضاميه الكم
‏بكثر ماي الشريعه ضاميه الكم
‏عتب واشتكي اعله اليحدون بيه
‏
‏
‏
‏شصفطلك مصايبنه واعدلك
‏وصيه من امي الزهره وعدلك
‏امنيتي انطيك من روحي وعدلك
‏والبسنك جفوف وترد ليه
‏
‏
‏يتامه وياي تنطر مي اتاني
‏ومثل صبري يخويه مي يتاني
‏منهد من ردلي محني مي يتاني
‏وعشت بس جسد مامش روح بيه
‏
‏
‏
‏متى تعوفك حوافرهم لميته
‏يكونه جسمك بايدي لميته
‏روحي مادري عدله لميته
‏شلون اطلع واعوف ابن الزجيه
‏
‏
‏عليه مخلبصات هموم ماحيل
‏خطوه ماكدر امشي وما حيل
‏تولتني العساجر حيل ما حيل
‏وسياط وخيزران التم عليه
‏
‏انكسر كلبي يخويه عليك ونهار
‏وعسى يجفن ابحار الكون ونهار
‏ابجفاك ابجي عليك اليل ونهار
‏من اهد ما غربو للشام بيه
‏
‏
‏ابو فاضل كمر ويلوح بسماي
‏بجاله ماعرف مخلوق بسماي
‏اشو ياعين دمعج يهل بسماي
‏ابجي دموم عل كافل واخيه
‏
‏
‏سكاني الدهر حنضل فوكه بس مر
‏وهاذه الدهر يشهد جان بس مر
‏اخيتك تنتخي عباس بس مر
‏تعال وشوف شنهو الصار بيه
‏
‏
‏الدهر بجفوف عدوانك عماني
‏وبعد ليتامي وين الكه عماني
‏عمى اسود من شفت عينك عماني
‏ومثل سهم البعينك عاش بيه
‏
‏
‏بوفائك مادري شحجي شوصفن
‏عيوني من الدموع انشفن وصفن
‏على هزلتهم ادير العين وصفن
‏راسك عل رمح ويحامي اليه
‏
‏
‏عليك انشد ضعون الراح والراد
‏وهبلبت خبر من حسين وراد
‏بر حيلك انضر العاكول وراد
‏ولا رد خبر من عندك اليه
‏
‏ضعنك ليش مستعجل متانه
‏وخذت كل اهلي وياكم متانه
‏خلص عمرين من عمري متانه
‏يجي وياخذني لرض الغاضريه

ضرغام منعم الكربلائي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

رئيسية للقاسم عليهالسلام

ـــــــ    ــــــــــ      ــــــــ
يبني اريدك    بالغاضرية
تقدم وريدك   لبن الزجية
  يبني يجاسم     يا ضنوتي يا ضنوتي
ـــــــــــــــــــــــــــــــــــــــــــــــــــــــــــــــ
اسمعني يا جسام يبني  وافتهم مقصد كلامي
انه للشدة ذخرتك  بالطف اتحقق مرامي
وحده يا جسام عمك  ومحد اليفزع يحامي
اطلع وقدم وريدك  لعمك إمامك وإمامي


هاليوم اريدك   يبن الاطايب
  اتفرق ايدك    هاي الكتايب
بتر الصوارم    يا ضنوتي يا ضنوتي
ـــــــــــــــــــــــــــــــــــــــ
جاسم امن أمه سمعها  گلها عد عيناج يمي
شلي بالروح ارتجيها   لو رحل هاليوم عمي
واجب بهاليوم    گبله  عالوطيه يسيل دمي
ومن اشوف حسين وحده   انهضم ويزيد همي


بالغاضرية   افدي بوريدي
لبن الزجية   عمي وعميدي
فخر الهواشم   يا ضنوتي يا ضنوتي
ــــــــــــــــــــــــــــــــــــــــــــــــ


اتقدم العمه بعبرته  ودمعه علوجنات يسري
اطلع الهالكوم خلني  واكشف من هموم صدري
گله يا جسام يبني      من  ابوك ابقيت ذخري
يبني ما اكدر اشوفك   دمك بهالحومه يجري


لن ناده جاسم    واشلون أناضر
تتنخه يا عم         وبلايه ناصر
بهالجيمه مااهم    يا ضنوتی یا ضنوتی
ــــــــــــــــــــــــــــــــ
كله ابرز يا دليلي  وفاضت من دموعه عينه
توجه يودع الحراير  أمه وعمته وسكينه
تنادي يا جسام يبني  رمله مهضومة وحزينه
أمه من نحره تشمه   وزينب أتقبله بجبينه


وأمه تنادي   الهاليوم أذخرك
ذل الاعادي   وحامي اعلى عمك
وتبجي الفواطم   يا ضنوتي يا ضنوتي
ــــــــــــــــــــــــــــــــــــــــــــــــــــــ
ناده انه اوصيج يمي   يكلها واستمعي الجملتي
يمه لو شفتي عرايس   أذكري شبابي وحسرتي
وبالله لو شبان مروا    أذكري من أدماي حنتي
ولو شربتي الماي يمي   أذكري ضماي وجمرتي

لو شفتي دامي     وخلصت حياتي
ذكريني ضامي    ساعة مماتي
وعالغبره نايم    يا ضنوتي يا ضنوتي
ــــــــــــــــــــــــــــــــــــــــــــــــــــــــــــ                                                                
برز وبصوته ينادي   انه شبل الحسن عودي                                                        وانتوا هذا اليوم شوفوا  صبري وإيماني وصمودي
اليوم دون حسين عمي   أوفي للباري بوعودي
اليوم يا محله المنية      وعلى جدي الورود

بالدم تخضب      طاح الشفيه
وبصوته يندب    الحك عليه
وأدركني يا عم   يا ضنوتي يا ضنوتي
ــــــــــــــــــــــــــــــــــــــــــــــــــــــــــــــــــ
   
مذكور العلياوي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

القصيدة ( شور)
.....


شوغة منيه وصوغة عرس .. بالخيم
حلمي الرسمته بعيوني أمس .. أنهدم
بعمر الشباب اتغيب الشمس .. وأنصِدم

مبارك ينور عيوني.. والدمعه شربت لوني.. عگبك صفالي التعب
بدر الهواشم اشوفه.. تغازل هوه الله زلوفه.. تتركني يمه شعجب

نزاح الضلام ابطلعته
گدامي لابس لامته
لوحة جمال بكشخته .. منه النجم غار

خوفي عليه أمن الحسد
يشبه بدر ليلي الولد
بهل الطلعه چن حان الوعد .. بجفوفه بتار

*
لاتنطي فرصه يمر الهوى .. ونفترگ
لجروحي يبني انته الدوه .. ياعشگ
من العطش گلبي انچوه .. ومحترگ

ليل اسود اعله رموشي .وإني الحزن ملبوسي. تعبني ليل الهجر
حر الشمس برسومك . مو وكته جاسم نومك. بهجرك عذاب شكثر

عريس گاصد حومته
بين ألف صارم زفته
مهر الزفاف برگبته .. ويزفه الموت
صينية الغالي متلت
من دمه والدنيه انطفت
بالخيمه عمته هلهلت .. بنبرة حزن صوت


*

لزفتك أضوي العشره شمع .. يالولد
ويه الهلاهل سال الدمع .. عالوعد
حني الهلال احنيله الضلع .. للأبد

نباگ الفرح من داري. صار الحزن خطاري. كلشي أنتهه بغيبتك
ماأگدر اني بدونك. طفهم يغير لونك. بدم النحر حنتك

جنك بياض بشيبتي
بوجهك اشوفن دنيتي
بالدمعه تمت قصتي .. جاسم بعد راح
كل حُب يحليه الدمع
گلبي بغيابك ينشلع
زهرة شبابك تنگطع .. لاتحسب أرتاح

*
حنه وصواني خيل اوحرب .. تجتمع
يل فگدك اصعب من الصعب .. والدمع
نجمه بسماك وهيمه الدرب .. ياشمع

ضاع الأمل يوليدي. حلمي أزفك بيدي . احلامي صارت وهم
جاسم شبابك وينه. للمذبح مقدمينه. بعدك سكوتي ألم

مطشر مثل نجم السمه
من هامته يسيل الدمه
سماعيل كبشه يقدمه .. وإني ابني مطعون
بجروحه متوضي الرمح
مايحمل وليدي الجرح
وي دنيتي مالي صلح .. مشيبات الجفون

*
عدمن عفتني وحيده بكربله .. للغرب
بهاي الطفوف اصرخ لاهله ... ونسلب
چم دوب أضل يبني أمعلعله .. ونضرب

للحومه من زفيته. جسمك وذر خليته. نحرك يحصده الذبح
مالي عرف بالديره. أمك تضل ابحيره. يلچمني طاري الصبح

التمت شفت خيل العده
ويه المنايه موعده
فوگ الورد مات النده .. شمسوي ياماي
هوه الگلب لمن يحب
يتجرع انواع التعب
خليني اروح بهل درب .. وجروحي هواي

*

علي محسن الفرطوسي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

القاسم


بالعرس ياجاسم يهنوني
وحنه من دم النحر حنوني

ليش نايم بالشمس
صوته ماسمعه من امس
ماتت احلام العرس
وخيبت يالولد بيك ظنوني

وين عرسك والشمع
ليش زفوك بدمع
بيك عمك منفجع
يصيح بوليد الحسن عازوني

حيف ياشبل الحسن
بيك لوعاتي ابتدن
شمعه طفاها الزمن
وانطفت ويه الشموع اعيوني

شگال ابوك بهالمصاب
خله يتلگه الشباب
فايضه بدمه الثياب
رحتو انت اوياه وخليتوني

يبني اشمنك هوى
وانت لعيوني ضوه
يالولد گلبي انچوه
اعليك يايمه تغير لوني

يبني يالشفت اليتم
وزفتك چانت حلم
وهسه زفوك بسهم
بسهم نحرك يالولد صابوني

نار گلبي اموجّره
شلون اعوفك عالثرى
وعنك امشي اميسره
شلون باجر من تشيل ضعوني
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

القاسم



شبل الحسن ….هذا الغصن
والشجرة حيدرية
وارث إبا ………من المجتبى
والغيرة هاشمية


***

طف كربله …. يشهد اله
والسيف هذا يومه
خله العده…. امن تشاهده
حيدره چنها رسومه
ياحيدره …. هذا الجرا
شبلك وهاي علومه
مايرتهب …. طب للحرب
ليث ونزل بالحومه

—————شبل الحسن هذا الغصن والشجره حيدريه
وارث ابا من المجتبى والغيره هاشميه

****
حسين امتحن….ببن الحسن
سالم يضل يريده
بعينه الهظم ….. شايف يتم
وخاف العدو يكيده
لموته اعتنى…. حسين انحنى
ياسلوى من عضيده
طف نينوى…. بدمه ارتوى
وخضابه من وريده

——————شبل الحسن هذا الغصن والشجره حيدريه
وارث إبا من المجتبى والغيره هاشميه


****
كله عزم… ….يحصد زلم
مشتاك للشهادة
صح بالعمر…. عنده زغر
بس بالعزم قيادة
ماينثني …..يشبه علي
والموت اله سعادة
لعمه اعتنى … ويستأذنه
ومعزم لمراده

*
————— شبل الحسن هذا الغصن والشجره حيدريه
وارث ايا من المجتبا والغيره هاشميه

*

شايل قيم ……مثل العلم
ماتنوصف فعاله
مثل الاسد ….. وكت الشدد
بالهمه والبساله
عمر الورد…… ضامي الچبد
بس ماخرب جماله
حان الوعد …. يوفي العهد
توب الحرب حلاله


*
————-—— شبل الحسن هذا الغصن والشجره حيدريه
رارث ابا من المجتبى والغيره هاشميه

*

شبل الحسن …. يطوي الزمن
والسيف بيده رايه
مثل الهوى …. نار وضوه
والموت عنده غايه
وبحملته… ياعمته
زفيه للمنايه
يافاطمة…. حنه ودمه
ترويلج الحكاية

*
—————شبل الحسن هذا الغصن والشجره حيدريه
وارث ابا من المجتبى والغيره هاشميه
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

يوليدي يوليدي

.....

يل بعدك بعمر الورد .. لاتبتعد .. ضل گلبي ممرود
يوليدي ماشفت الشمع.. حنه الدمع .. بحبال الخدود

للحومه زفيته بدموعي هنيته

حلمي الرسمته امن المهد عريس اشوفنه
بين الهواشم للفرح بيدي اعجن الحنه
بيدي ألبسنه الدرع للحومه اودعنه
آمنين اجتني كربله ومنه اگطع الضنه

عجنت الحنه بدموعي
الزمن طفاهن شموعي

يوليدي يوليدي

*

ماينحمل فگد الولد .. راح الولد .. شيرده جسام
عريس ابني إبلا عرس .. حلم الأمس .. حاجبته السهام

من العرس محروم واني بگلب ملچوم

من خيمتك يبني أطلعت گتلك ترد سالم
مبارك ييمه اعله الذبح مابين ألف صارم
خلوني اشتم الولد مني الگلب هايم
يوم المبارك جنت اضن أسمعها يا جاسم

اخضب شيبتي بدمك
ييمه بنحرك اشتمك

يوليدي يوليدي

*

عماته مابين الخيم .. يهل الشيم .. وين العرس وين
مذبوح عمه بيه رجع.. گلبي نشلع .. بين الصواوين

نايم يمذبوحي يامكثر جروحي

نام برغد بين الخيم واني أحسب جروحك
غافي على راسك جرح منه أطلعت روحك
خليني اكعد يمك واسمع شجن نوحك
اغفه اعله صدري الرمل ماريدن يلوحك

اضمد جرح البراسك
وخلي أنفاسي بنفاسك

يوليدي يوليدي

*

يوليدي ياغيم السمه .. شلون الدمه .. أمن الغيمه جاري
ذاخرتك لو كت الكبر .. تالي العمر .. انته التباري

حلمي العله جفوني بعرسك يهنوني

بلون الفرح يوليدي مفصله ثيابي
حلمي الرسمته زفتك يبني اعله بابي
الموت من جفي خذك تالي بمصابي
روحك صفت بيد الأجل وإني بعذابي

دمع عيني على جفوني
يجاسم خابت ضنوني

يوليدي يوليدي

*

علي محسن الفرطوسي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

((أرجع بداعت علي))

ام القاسم تسولف على وليدها... شتكله

ثكيل... ليلة القاسم ص


يبچن اعليك... عيوني واشموعك سوه
شنهي بيديك... حنه لـــــــو دم يا ضوه

يالوحيد انته ألي.... أرجع ابداعت علي
يبني جسام.... يبني جسام
ــــــــــــــــــــــــــــــــــــــــــــــــــــــ
دمعه دمعه ابروحتك خدي تچوه
كربله يمـــــه خذتك منـــــي گوه
بضهر امك يالولد. خلـيت حـنــوه
من بعد طولك ييمه بـدمعي اروه

تگول رايح.... ذاك عمي الـّـــــوحده
دمعه طايح.... حزن گلبي جـــــدده

رحت تركض للــــولي....ارجع ابداعت علي
يبني جسام..... يبني جسام
ـــــــــــــــــــــــــــــــــــــــــــــــ
من كثر دمع النزل..أيـــــدي توضت
وصلاة الفُــــرگه يبني. عليك صلت
حاربتني الدنيه مني. كلشي اخـذت
بس دموع وذكـريات. ابـگلبي خلت


بيوم عرسك...رحت بيــــــــدك للذبح
رخصّت نفــسك...وتاجرت بكبر ربح

يل گلتلي ادللـــي.ارجع ابداعت علي
يبني جسام... يبني جسام
ـــــــــــــــــــــــــــــــــــــــــ
أحساب احسبلك واعد. بيها الليالي
تدري من يوم الحسن. حزني حلالي
انتـــــــــضر تكبر وزفك. هــــا يغالي
وبيك ارجع فرحتي وعـــــزي ودلال

لمّـــن اتروح....احسبني ميته يالـــــولد
ما ألي روح... وادري رايـــح ما تـــــرد

رمله عگبك تبتلي.... ارجع ابداعت علي
يبني جسام... يبني جسام
ــــــــــــــــــــــــــــــــــــــــــــــــــــــــــــ
رحت وگليبي ييمه.. جاسه بُعـدك
يبسـت الحنه يجاسم. وين وعدك
خلصت الشمعه وتاني. وانته بعَدك
زحمه من اسكينه. يـوليدي تنـطرك


تأخرت ليش...شنهـــــي تيهت الدرب
شلون اعيش..گلبي شو حس بــرعب

يل گلتلي اتحملي.. ارجع ابداعت علي
يبني جسام... يبني جسام
ــــــــــــــــــــــــــــــــــــــ
تچوه ردتك لون حيلي. يمه هدل
شوايت الله اعله الكُبر. ركبوني هزل
خالف افكاري زماني. عليه بدل
طبل زفتك ما سمعته. لسبيي طبل

بدل زفتك....زفو امك ع  الهــــــــزل
بدل حنتك... حنّـــو ايــديها ابـــحبل

بهل عمر بعدك شلي... ارجع ابداعت علي
يبني جسام... يبني جسام
ـــــــــــــــــــــــــــــــــــــ
تمت بفضلهم ص
عريس الهواشم
✍️ياسر الزيادي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

جسام     مبارك زفتك بالغاضرية جسام    صارت حنتك دم المنية
يبني للوكت والعوز ردتك               تالي بأول اصباك وفكدتك
              صارت حنتك دم المنية


ــــــــــــــــــــــــــــــــــــــــــــــــــــــــ

مبارك زفتك بالطف يعريس المنايه
اعلى نصر حسين ربيتك يلموفي الربايه
ذخرك للحسين ومن ابوك احمل وصاية
كال تزيح عن حسين بالطف السرايا

هاليوم   صلب يبني عرفتك وابد متلين
هاليوم   بيك انه افتخر يم ام الحسين
انه اليوم الشدد يبني ذخرتك           تالي بأول اصباك وفكدتك
         صارت حنتك دم المنية

ــــــــــــــــــــــــــــــــــــــــــــــــــــــــ

حمام الدوح يوليدي جزيته انه بالونين
وأنه الحتى الصخر لو نظر حالي ينوح ويلين
تنشدني الخلك نوحج كلف المن تنوحين
اجاوبهيم ثكيل النوح لليفكد معرسين

شبان    مثل نور الورد بالعين يزهون
شبان    براضه عالمنايا من تزفون
اشلون الموت بالعرسان يفتك              تالي بأول صباك و فكدتك
              صارت حنتك دم المنية
ــــــــــــــــــــــــــــــــــــــــــــــــــــــــ

من اطل علي جانت ترد روحي وي طلتك
وابد ما حسبت بصباك يا جسام  افكدك
كل احسابي جان اشلون يالعريس اعرسك
تالي حسابي خاب وعالمنية بيدي ازفك

عريس   جنت اتمنه اشوفك يالشفيه
عريس   يا جسام ليش اكطعت بيه
اعد ساعات جنت اليوم زفتك             تالي بأول اصباك وفكدتك
                 صارتحنتك دم المنية
ــــــــــــــــــــــــــــــــــــــــــــــــــــــــ

تذكر بالمدينه حين من داري اطلعتني
وتذكر يبني هم بكربله من ودعتني
اخذت الروح يبني بس جسد هامد عفتني
اتاني ومرجعت بالنوح والهم كبعتني

بعداك   شوف الروح هالضلت حزينه
بعداك   يبني اشلون ارجع للمدينه
كلت وياي اطلعي أنه وتبعتك              تالي بأول اصباك وفكدتك
              صارت حنتك دم المنية
ــــــــــــــــــــــــــــــــــــــــــــــــــــــــ

طحت والكلب فوك الكاع فز وطاح وياك
وعيوني طفت من غمضت يعيوني عيناك
عهد طول العمر بيت الحزن منصوب وانعاك
عسن روحي وي روحك طلعت واتمدد احذاك

وياك   يا ريت اندفن باللحد يبني
وياك   شلي بالعمر وياك اخذني
ريت افد لحد جثتي وي جثتك              تالي بأول اصباك وفكدتك
      َ     صارت حنتك دم المنية
ــــــــــــــــــــــــــــــــــــــــــــــــــــــــ

يبني الهيج جروحي  يجاسم للهظم زاد
اعداكم من سبونه وما رعونه غصب ننكاد
بعد اعظم مصيبه يوم مرونه اعلى الاجساد
وما خلونا نشبع من جثثكم عنكم ابعاد

اجساد  شفناكم يجاسم عالوطية
اجساد  بلا روس وعلى الغبرة دمية
معفر بالترب يوليدي شفتك          تالي بأول اصباك وفكدتك
               صارتحنتك دم المنية
ـــــــــــــــــــــــــــــــــــــــــــــــــــــــ
                                                                مذكور  العلياوي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

فزاعية للقاسم عليه السلام


ناده جسام يحومه اليوم اسمعيني
انه تربيت الحسن والسيف بيميني
انه جسام      انه جسام
ـــــــــــــــــــــــــــــــــــــــــــــــــــــــــ
انه جسام  خل تتحضر الحومه
انه من كنز الحسن والغيره معلومه
اليوم بصمات احط بجفوفي موسومه
اليوم هلجيش سيفي يغير علومه

اليوم اطب الملحمه  واطبك ارض وي السمه
اليوم اضحي الروح بالطف وانصر الديني
انه جسام          انه جسام
ــــــــــــــــــــــــــــــــــــــــــــــــــــــــــــــ
الحسن كاتبلي وصية ومحتفظ بيها
يبني لمن كربله عمك يطب ليها
دونه رخص الروح لعيونه تضحيها
وواجب اليوم الوصيه انه اديها

واحملتها وصيته    وهالفزعت النصرته
الك روحي ومهجتي ودلالي يحسيني
انه جسام          انه جسام
ـــــــــــــــــــــــــــــــــــــــــــــــــــــــــ

اليوم يا جيش اليكضني ويكطع ادروبي
وانه عنواني الشجاعه والحرب ثوبي
عمي الحسين عشكته وصار محبوبي
ضحي هاليوم يروحي بالعشك ذوبي

حسين راعي الموزمه    يسوه ينزفله الدمه
واسمع اصوات الشهادة هلتناديني
انه جسام          انه جسام


ـــــــــــــــــــــــــــــــــــــــــــــــــــــــــــ

برز والسيف بيمينه يشتعل نار
الكوم شردت بالمعاره وصفت طشار
جثث فوك الجثث سواها ابن الاطهار
جنه ابوه بالقادسية وبيده فقار

جنه ابوه لمن حمل    بيوم صفين وجمل
صاح وين الزلم بلله خل تلاكيني
انه جسام          انه جسام
ـــــــــــــــــــــــــــــــــــــــــــــــــــــ

شلون اشوف حسين هذا الجيش بيه داير
وأسمعه بصوته ينادي ويطلب الناصر
انه هذا اليوم يومي شلي بيه باجر
اليوم اريد اختم حياتي وللحسن عابر

اليوم موتي كنطرة   اعبر اعلى الاخرة
اليوم اروحن للحسن مشتاكة اله عيني
انه جسام          انه جسام
ــــــــــــــــــــــــــــــــــــــــــــــــــــــــــــــ

طاح بالحومه وندب عمه الشفيه
ومن تعنه حسين شافه اعلى الوطيه
ناده يا جسام يا عمي شبديه
انه كبلك كون تلفيني المنيه

ولا اشوفك عالثرة     جثة صرت موذرة
اه يذخر المجتبى يا زهرة سنيني
انه جسام          انه جسام
ـــــــــــــــــــــــــــــــــــــــــــــــــــــــــــــــــ
مذكور العلياوي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

فزاعية شجاعة القاسم ( نزلة)

منين هذا الشاب الي اتعنالها
ولعب بطروك الزلم واحوالها
................................................
كاشخ بصيت الحسن وهدومه
والزعل زيد حلات ارسومه
هاي سهله يكول حسبت حومه
كاضيه وكلمن يموت بيومه

اهلي اهل التضحيات وقادة    
وعار عدها الموت فوك وسادة

الروح تنعز عالحسين اشمالها
......................................
بدر من لون الورود الوانه
الطف خزرها وارتمت باحضانه
الحومه خافت جلبت بردانه
ونكت ايده الجيش تاه اعنانه

الكاع تحت اجدامه تجدح من يكر   يركض وحسبالهم جواه جمر

تدوهنت من كثر ما حسبالها
                   
                    ........................

تخردلت من صاح يا حيل الحسن
ركض سرفن كاعها كبل الردن
طب عليها الما يمل ولا يجن
جثة كامت تحت جثة تندفن

سطر بيده الماضيه تولاها    
احتارت تدور حفر خلاها

وكامت تفز من تشوف خيالها

                    ...........................

مثل طوفان ودفعها بزوده
وريح حمره من يشيل ازنوده
يكور بيها وضلمه صارت سوده
وكام يذبحها اعلى نور خدوده

الشرد ميت واليضل شك هامته
الما يموت بسيفه مات بشارته

هذا شبل المجتبى  وخيالها
                    ............ ................

يغوصها ايسار ويمين أءلوفها
مثل روف الابرة كام يروفها
منه شردت عود بلكي يعوفها
افتر سبكها اتلاكه وي اصفوفها

تحيرت لمن لكته متاني     
تصيح يمكن هذا واحد ثاني

كام من كل صفحه يتراوالها

                       ...................

صاح ابوي الحسن وتعرفونه
العمي ناذرني اموتن دونه
الموت كور صار فوكا متونه
توالم الغيض وي لون عيونه

هوس برباط هوه الكاتبه    
ومبتسم عباس كام يجاوبه

اليوم اذلها اليوم ابهذل حالها

                      ............................
الشاعر مذكور العلياوي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4