واه حسيناه واه حسيناه واه حسيناه
ــــــــــــــــــ
طاح العشگ من الفرس طيحة مطر
من انگلب سرجة انگلب كل الدهر
والراية والجف طاحن بسد النهر
من طاح ابو الفضل لزم بيده الظهر

واه حسيناه واه حسيناه واه حسيناه
ــــــــــــــــــ
كل الأرض من النزف فاضت دمه
ومطرت دماء اعله الأرض كل السمة
نزلت تدور جسم ابنها فاطمة
ما ينعرف من السهام المؤلمة

واه حسيناه واه حسيناه واه حسيناه
ــــــــــــــــــ
مامر على سنين الدهر كل معظلة
تشبه مصيبة عاشر بطف كربله
هاي الظليمة الما مثلها بكل مله
وجه النبي فوگ الرمل جرحة امتله

واه حسيناه واه حسيناه واه حسيناه
ــــــــــــــــــ
بيبن النواويس وصحاري نينوى
أوصال ابو الأكبر رمل بيها وهوه
وشمس الظهر تشرب ملامح كل ضوه
وتكطع أصحابه على الغبرة سوة

واه حسيناه واه حسيناه واه حسيناه
ــــــــــــــــــ
مثل الخريف الي يمر ورگة بغصن
مر المحرم وگع ادموع الجفن
قرح جفون ال النبي بهذا الحزن
من ضلع ابو اليمة بحوافر ينطحن

واه حسيناه واه حسيناه واه حسيناه
ــــــــــــــــــ
لا زلتي كرباً وابتلاءاً على القلب
وشخلت بزينب ألم هاي الحرب
والله الحصل ياكربلة اصعب من صعب
صعدتي زينب على الهـزل طول الدرب

واه حسيناه واه حسيناه واه حسينا
ــــــــــــــــــ
ما ظلت اخيام وتفيي اعله الظعن
لا ظلت ازلام وتردهم للوطن
بس العليل القلب مفجوع بمحن
ضاع الدوه وضاع الحجي وشاخ الزمن

واه حسيناه واه حسيناه واه حسيناه
ــــــــــــــــــ
بعد المصايب والحزن مات الصبر
باجر ولا ينفع اعله الصاير عذر
من يظهر المهدي ويجي بجفة الامر
مثل انتصار الدم يعيد الطف نصر

واه حسيناه واه حسيناه واه حسيناه
ــــــــــــــــــ
الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

عبدالله الرضيع


وردة وگطعها السهم
ويفرفح من الالم
وقليبي بيه انكسر
عبدالله حرز الخيم

ــــــــــــــــــ

جان    جان
ورده بدمع من الجفن سگيها
غار      غار
منجل حقدهم بالغدر عليها
مات      مات
حيلي وي روحي ومابعد يجيها
وين     وين
جف الينشف دمعتي وبجيها

من نوحي ما ضل صبر
اتمنى جسمي بكبر
ولا أحتمل هالقهر
عبدالله حرز الخيم

ــــــــــــــــــ
اه    اه   
فرفح عطش من شدة الضماية
صار   صار
حضن الصبر كاروكه بالبدايه
نام   نام
بالفي ألوليلة حدر عباية
فاق     فاق
ألسانة يابس گربت النهاية

يذبل بده من العطش
بوجهه الصفار الفرش
وي الملامح كثر
عبدالله حرز الخيم

ــــــــــــــــــ
هاك     هاك
بلكي يروؤفون بطفل خطية
ماي    ماي
يسگونه عطشان العطش قضيه
حيف    حيف
لو عدل ويشوفه ابو الحمية
جان    جان
جاب النهر بس غدرته المنية

ما قصر بغيرته
مايه بترس جربته
وي جرفه جابه النهر
عبدالله حرز الخيم
ــــــــــــــــــ
صاح    صاح
ياقوم ارحموا طفل هذا عمره
ذاب   ذاب
من العطش جنها عالقلبه جمره
طير   طير
جنة ويفرفح بالضمه اعله گطره
شلون     شلون
يتحمل ويگدر يقوي صبرة

شيتحمل من الضمه
جنها اعله راسه السمه
من عمره ينقص شهر
عبدالله حرز الخيم
ــــــــــــــــــ
ليش      ليش
ترمونه نبلة وينطفيله شمعه
هيج     هيج
حتى الاقماط من الوجع يگطعه
اخ اخ
ماضلت بعيني اعله موده دمعه
ناح ناح
وامه البجي بس بالقلب تسمعه

مايگدر من الالم
يبجي وتسمعه الخيم
بس امه تسمع خطر
عبدالله حرز الخيم
ــــــــــــــــــ
راد راد
حسين برضيعه للخيم يجيبه
حار حار
ولمن رجع بالحيرة كثرة شيبة
ضاق ضاق
صدره وتملك صبره ع المصيبة
صار صار
خلف الخيم يدفن جسد حبيبة

كفف الم دمعته
من خاطرة وغربته
عل لا نشوف الاثر
عبدالله حرز الخيم
ــــــــــــــــــ
الشاعر زين العابدين الشمري
 
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

كاني لمولاي صاحب الزمان يتكلم مع كربلاء

كربلاء يا كربلاء لا تزيدني ابتلاء
ــــــــــــــــــ
صوت باجر من نحر ما بي دمه
يعلىٰ هل من ناصرا لاخر سمة
وتنشر الزهرة قميصمة فاطمة
وتيبس الدنيا بكثر مابي ضمة

ضاميا فوق العراء لا تزيدني ابتلاء

ــــــــــــــــــ
باجر ترد الخيول اعله الضلع
لاخر اخيامة الكسر من ينسمع
لا مناصر باجر ولا من فزع
لا اخو عنده يظل لا من ربع

بعد حينٍ وانتهاء لا تزيدني ابتلاء
ــــــــــــــــــ
كربلا وكل العشيرة اعله الثرة
اشبه انجوم السماء مطشرة
والتأذي من المصاب الي جرة
زينب ام الستر تمشي ميسرة

ليتهُ صار الفناء لا تزيدني ابتلاء
ــــــــــــــــــ
ماتت الخوة وبعد ما تنشد
بلا ابو فاضل منهو للخوة يسد
عالشريعة بلا يعين ولا زند
الجود مات ومابقى بعده الورد

بعدما ذاك الوفاء لا تزيدني ابتلاء
ــــــــــــــــــ
كربلا وفوك الرمح صار الفرُض
من بنات المصطفى فرن ركُض
بالصحاري وما تلهم اي أرُض
خوفهم يعلى مثل صوت النبض


ويعتلي صوت البكاء لا تزيدني ابتلاء
ــــــــــــــــــ
كربلا وما ظل عشيرة ولا شمل
عالترب كلهم ذبح حتى الطفل
كربلة وكلشي الجرة ما ينحمل
لكن اصعب زينب تروح بهزل


بعد نيران الخباء لا تزيدني ابتلاء
ــــــــــــــــــ
ماتوا بنار التعب من التعب
وما وصل ماي الشريعة بكل سبب
مهر جان لفاطمة هذا العجب
ما وصل للخيمة بس نار ولهب


كان للضامي ناداء لا تزيدني ابتلاء
ــــــــــــــــــ
الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

#ليلة_العاشر

نامي يبنيتي اجه وكت الهضيمه هي جم ساعه ويصيحولج يتيمه
تهندمي لدرب السبي
خيطي من همج عبي
*.
يا رقيه وهاي اخــــــر ليله الج وي الحنان
نامي هالليلـــــــه يورده عندج الليله امــان
باجر الدنيه وغدرهه بوالدج يغدر زمــــان
من مكان الرحمه دهرج ياخــذج لاتعس مكان
من حضن دافي تروحين لخرابه هالحنان وباجر تحسي بغيابه
والج حك من تعتبي تهندمي لدرب السبي
***.
هنه جم ساعــه يبويه للحرب امشي بيقين
غايه لابد اعتنيهــــــا ولا بد لكطع الـــوتين
ادري هالقصه تألــــمج لجن يا بت الحسين
الدين دم وريدي وهالامـــــر يبنيتي دين
بويه لابد يعتني الدين بدمانه وبركبتي الدين يبنيتي امــــانه
ودين جدي بشاربي تهندمي لدرب السبي
***.

نامي بلكي تشوفي حيدر يحضر بذاك المنام
سلميلي اعليه يبويه ومـــنه بلغيني السلام
بويه كليله بعزيزك باجـــــر يحل الظلام
باجر اعله الرمح اشوفن يا علي راس الامام
وبمنامج حيدره بوسيلي ايده
ابنك الغالي الشمر يكطع وريده
وينسفك دم الابي تهندمي لدرب السبي
***.
شبعي نوم وباجر ادري من يطر وجه النهار
تشوفي عسكر ال اميه بكلبج يصير انكسار
اشلع بكلبي من اسولف وادري كلبج يدوي نار
نامي من نوم العوافي ليل الموادع مــــرار
نامي يا بعد الكلب بويه الحنينه بحضني نامي بلكي ترفجج سكينه
نامي لاتتعذبي تهندمي لدرب السبي
***.
بلا كمر باجــــر يبويه وعمج الكافل طريح
وبس يبقى من اهلنه بالعصا يكـوم ويطيح
ومن بعدها كلشي يظلم وكلبج المـــا يستريح
روحي نامي بحضن عمج باجـر الكافل ذبيح
بوسي جفه مو غدا تنحز جفوفه
بلا كمر ظلمه العمر ما اريد اشوفه
ع النهر تتنحبي تهندمي لدرب السبي
***.
بويه لاجاسم يظللج لاعــــلي عينج تشوف
شبعي منهم شوف بويه باجر يحل الخسوف
وبفكدهم بويه غربه توذرو بين الالــــوف
تسجلي من ايتام حيدر بعد اذان الطفــوف
بويه باجر كربله تعلن غدرهه
وراية حسينج ولا واحد نصرهه
ومن يودع صاحبي... تهندمي لدرب السبي
***.
نامي يابويه وعوافي باجـر يقيدون اديج
غيمة احزان ومآسي باجـر تظلل عليج
اغفي مو باجر يبويه النوم مـا اظنه يجييج
بس شمر بويه بسياطه بلا رحم يفتر عليج
وبخرابه موتتج بالهم غريبه
ويا حبيب يودع بموته حبيبه
ويحدي بيج الاجنبي تهندمي لدرب السبي
***.
ونسألكم الدعاء والتوفيق
لخادم ال محمد((ع))
الشاعر حيدر كاظم الساري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

شنهي النومه خويه حسين ؟ ليش اموسد چفوفك ؟
زينب آنه جيتك گوم   لو مذبوح ما عوفك 

---------------------------------------  


تعبني  الركض  والسوط    جيتك  يا بعد حيلي
طبت   نار   للخيمات  اگعد چاره سويلي
انهض يلاخو  لا موت   بيدك  خيمه تبنيلي

أگعد  مو  وكت  نومك
ويلي امسلبه  هدومك
من يومي گبل   يومك

يلكلك  محنه  طيب  واصل  خويه معروفك
زينب آنه جيتك گوم   لو مذبوح ما عوفك 

--------------------------------------

هذا  انته العلى التربان  وسفه حسين يبن أمي
من شفتك  طحت علگاع  مات من الخبر جدمي
دمك هذا فوگ تراب  لا  كون  الخلص دمي

عميه  عيوني  يلوالي
اخ اعله الترب    تالي
نحرك  خويه   چتالي

طايح يلولي  والناس  كلهه ابكربله اتطوفك
زينب آنه جيتك گوم   لو مذبوح ما عوفك

---------------------------------------

يا بعد العمن بجفاك  اجيت وقبلت بنحرك
مالوحن چثيره سهام  شيوصلني يم صدرك
چا فوگ العطش يحسين رمل المشتعل حدرك

شمس   الگيض   لهابه
آه  يحسين     ومصابه
اخوي المات     يا يابه

چا  وين  اتجه  يحسين  حتى انذبحت احروفك
زينب آنه  جيتك گوم   لو مذبوح ما عوفك

----------------------------------------

آنه  من التعب والضيم اجيتك والدرب عثره
بوليدي اعثرت يحسين  وگتله الخالك الجمره 
صح انه امك الحوراء بس  غير  امه الزهره

نام   اتهنى   بعد    امك
والخالك     نزف   دمك
من اردلك ياله   اشتمك

راح امشي العجيد الگوم شيل اعله النحر شوفك
زينب آنه جيتك گوم   لو مذبوح ما عوفك

-----------------------------------

خليني اريد اموت وياك  دنيا بدونك شتنفع ؟
اذا ترجع اعيش اردود  بس شو چنهه ما ترجع
جيتك وادري بيك تشوف لو مذبوح هم تسمع

هاي الحومه   هذا  انته
كلامي وياك حل  وكته
مثلك  ما   يعوف  اخته

سهام رماح ويه سيوف  كلهن صارن ضيوفك
زينب آنه جيتك گوم   لو مذبوح ما عوفك

رعد الفريجي _ محرم  1447
ثوابها  الى روح والدتي

قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

قصيدة شور برنامج محرم 1447 هـ


حسين.... غريب..... حسين.... غريب.....

أنحب واجر ونه
دلـوني بـس عنه
گلبي انشلع والمرتضى ريته حضر يمي

من عاشر اهمومي
يـا دمعـتي دومـي
عالراحوا وتركوا أثر حتى بألم حلمي

يا عزوتي.. ناديتكم بس مـا حچيتوا
يا عزوتي.. زينب سبوهه وما أجيتوا
يا عزوتي.. شدوني عالـهـزله دريـتوا

عالناگـه وگـيـدوهـا احـلامـي
ضامي اشتاگ الشبگه ضامي
وسـفه الحگ مذبـوح ودامي
واسـهـامـه بـعـيـونـه..

خلوني وراحـوا خوّاني
والشامـت واگـف أذاني
باتت عالوجنات احزاني
منكم ردت عونه..

حسين.... غريب..... حسين.... غريب.....
=====================
ثاري الهجر غربه
بعد الأهل صعبه
حضروا ولكن يا وضع بس روس گدامي

عاد الألـم بـيه
علويه مسـبيه
يوم المشوا ياغربتي حرگوهن اخيامي

يا حسرتي.. سـموني وادم خارجيه
ياحسرتي.. وعيونـهـم تشـبح عليه
ياحسرتي.. بحبال مشدودات اديه

بـعـيـاد الشام اتـلـگـوني
ولا من خوان ايحاموني
ديـوان بنصهم دخلونـي
مـوقـفـهـم اشكبره

والتكـتل شـوفـة احبابي
دمـهم واصـل حد اركابي
ولا من ناصر يطرق بابي
يا سيدي نـضـره

حسين.... غريب..... حسين.... غريب.....
=====================
التـمـوا فـرد لَـمـه
شو كلها متحزمه
ياهو اليجي يكسر ظلع لو سوطه يتلوه

خـويه بـنـهـار وحر
حـرگوا گـلب حيدر
هذا الي يردونه صدگ يبغضونه مو گوه

سر وگفتي.. كـلـمـا اطـــيـح ايـدك عـلـيـه
سر وگفتي.. حتى احمي من شرهم رقيه
سر وگفتي.. مـا خـاف گـمـت آنـه المـنـيـه

بكل موقـف واگف تبرالي
فجأه وظل امچانك خالي
من بـعدك لـو تنـظر حالي
التفگد اخو كلفه

لا عــبـاس ولا چــفــيــنـه
واشتاگيت الشوفت عينه
وسفه انباگت منه اسنينه
عين الدهر صلفه

حسين.... غريب..... حسين.... غريب.....
=====================
ريـت الذبـح بـيه
ولا شوفه يوميه
لا سامـح الله وينّسي جـرح الأهـل دايـم

مكسوره جنحاني
ألـمـاتـوا اخـواني
كل ليله يذبحني الدمع وسفه الفحل نايم

يا محنتي.. محنة اخـت تفـگـد وليها
يا محنتي.. الما قدّروا وادم حـچـيهـا
يا محنتي.. محروگه خيمة بت نبـيها

كـل هـذا وصـار اكـثر بينه
اتخيل واحد طگ اسكينه
ياروحـي وكلش مـاذيـنـه
يا حسرة الحسره

حسبالي الحگكم ما صارت
شـو دنياي اعـلـيـه انـدارت
اختك يابو الغـيره احتارت
صدري اشتعل جمره

حسين.... غريب..... حسين.... غريب.....
=====================
2/11/2024 يوم السبت
29/ربيع الاخر 1446 هـ
خويدم آل محمد
الشاعر الميرزا محمد الساعدي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

ويلي وويلاه ويلي وويلاه
======================
آه يـا عـاشــر مـــحــرم.. ويلي وويلاه
حسين من الماي يُحرم.. ويلي وويلاه
والسفـيه بمايـه يـنـعـم.. ويلي وويلاه
لسه دمع الحره من دم.. ويلي وويلاه

ويه ام عون انحب لا توگف
======================
عـاش هـذا الألـم بيـنه.. ويلي وويلاه
شلون حالچ يا سكينه.. ويلي وويلاه
حسيـنكم غـالي علينه.. ويلي وويلاه
وبالسيـوف امگطعينه.. ويلي وويلاه

ما ننسى حسين اويالدم
======================
چم جـرح هـالليله نازف.. ويلي وويلاه
اليوم ملچ الموت طايف.. ويلي وويلاه
طـاح سـيـدها الطوايف.. ويلي وويلاه
والدمع ما لحظه ناشف.. ويلي وويلاه

هذا اليوم الطم لا تبرد
======================
يـا شـبـول الـغـاضـريـه.. ويلي وويلاه
زيـنـب الـلـيـلـه سـبـيـه.. ويلي وويلاه
شافت اخيول اعوجيه.. ويلي وويلاه
دمـعـه مـنعـدهـا جـريه.. ويلي وويلاه

يا خدام الحره اتحشم
======================
مــا نـغـر فـــزاع لــيـهــا.. ويلي وويلاه
وحيده يا ناس شبديـها.. ويلي وويلاه
والشـهم طـايـح ولـيـهـا.. ويلي وويلاه
والـعـمـامـه امـسلـبيـهـا.. ويلي وويلاه

بصدره وشافت حافر بي
======================
هـاي أيـام الــمـــصــيــبـه.. ويلي وويلاه
وســفـه زيــنـبـه غــريـبـه.. ويلي وويلاه
اتنادي اخوي منين اجيبه.. ويلي وويلاه
وجـثـتـه عـالـغـبره سليبه.. ويلي وويلاه

هذا الصار اشمت يا شامت
======================
7/5/2025 يوم الاربعاء
9/شهر ذو القعده 1446 هـ
خويدم آل محمد
الشاعر الميرزا محمد الساعدي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

شور أو فتحة عزاء

حسين حسين حسين حسين
======================
أتـمنـه الـعـمــر اگـضـيه
خـادم ســيـدي ابـابــك
ويوم الي يحين الموت
يـمـروني عـلى اعـتابك
سجـلني مـن اليبـچـون
مـن الـحـزنـوا اغـيـابـك
هــنــيــالـي إذا ونــيـت
واسچب دمعي لمصابك

خادمك.. عينك اعله الخِدَم
يالـولي.. هاا يراعي الشيم
مـا ألي.. بس فقط خدمتك
عالـمك.. أبـد مـا بـي نَـدم

حسين حسين حسين حسين
=====================
يابو خدمتي متانيك
بـاچـر بـالـگـبر راعـي
من نشـدوني گلتـلهم
لحسيني چـنـت ناعي
لتـفــشـلني يـا مـولاي
بس ثوبك تره امتاعي
غيرك ما ألي يحـسين
بيدك رابـطـه اشراعي

بالحشر.. أشــفـع الخادمـك
دمـعـته.. انـذرفـت بمأتمـك
يا أخـو.. زينب ارجو العذر
لو چنت.. مـذنــب بـعـالمـك

حسين حسين حسين حسين
======================
خـلـيـنـي عــــبـد مـولاي
وارزقــنــي الـك جـمــره
كـلـشي ما اريـدن غــيـر
تـرضـا عــنـي والــزهــره
مـن تـرضـا أصـير بـخـير
نـضـره برحمـتـك نـضـره
من الخدمه صرت اچبير
أكـتــب والــطــم وأقــره

مــنـبـري.. قدوتي ومصدري
دفــتـري.. أبيـض وجـوهري
يل صرت.. بس الك ياشـهم
خاطـري.. لا تـهـد خـاطـري

حسين حسين حسين حسين
======================
عاشگ دربك امن ازمان
وادعـي بـربـي يــومـيـه
إلــهي لـو گـربلي الـموت
أخـذ روحـي بـحسـينـيه
لو يـم بـاب ابـو السـجاد
يـخـلـص هـالـعـمـر بـيـه
لو تشييعي يصـبح كون
يــــوم الأربــعـــيـنـــيــه

رايــدك.. تحضر بساعتي
بنضرتك.. أنـزل بحـفرتي
من تجي.. تنگلب يالولي
من عسر.. لليـسر دفنتي

حسين حسين حسين حسين
======================
19/1/2025 يوم الأحد
18/ رجب الأصب 1446 هـ
خويدم آل محمد
الشاعر الميرزا محمد الساعدي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

هظيمة يغربك عاشر...وحدك ما ألك ناصر
اه يا غربة حسين...اه يا غربة حسين
........
واعيتك تفطر گلوب روحك بالحچي طلعت
صوتك منكسر عطشان حگها ام وهب فزعت
ألا من ناصرٍ ناديت وچلمتك خالية رجعت

هظيمة حسين حتى اطفال فزعولك
والعطشوك كلهم فدوه يرحولك

وحدة تنخت بوحده
ظل حسينچن وحده

وحده يكسر الخاطر...هظيمة يغربك العاشر
اه يا غربة حسين...اه يا غربة حسين
........
كلشي محظر لعاشور وكلشي حاسب حسابه
ولابس ثوب ما مرغوب ما يعجب السلابه
بس تالي بكتر جسمك وبيد الوادم ثيابه

الناس شبيها بالطف رادت تلوعك
ما فلت المحبس ليش كص صبعك

انترست اسهام تتلوه
الٱخ تجرها بالگوه

وبعد ما تنعرف صاير...هظيمة يغربك عاشر
اه يا غربة حسين...اه با غربة حسين
.....
ماذبحوك رادو كون صوت امن الحرم تسمع
صبراً موتوك حسين روحك قبل لا تطلع
ردت تفزع لچن ياحيل عندك حتى بي تفزع

على سيفك كمت من زينبك صاحت
ارفعت ايدك لچن من التعب طاحت

اذا بعدك عدل گلي
افزع بلكي توصلي

اهنا ماتگدر تكابر.. هضيمه يغربك العاشر
............
كلهم أشرو للخيل هذا حسين هذا حسين
ودلوها دربها اعليك حتى يسحگنك زين
اول مرة هاي تصير ميت ينسمعله أونين

گبل الخيل روحك سيدي طلعت
ومن گد الألم اهاتك انسمعت

توجع سحگت الحافر...هظيمة يغربك العاشر
اه يا غربة حسين ...اه ياغربة حسين
......
طايح على حر الگاع وأرماد الخيم لاحك
حر الشمس مدري الكاع مدري شيلچم جراحك
وشال أسهام من صدرك بس مو لله ذباحك

حتى بالذبح ما ينشغل بيهن
ما يعدل گعدته لو مخليهن

حسرتك مو على حالك
اگبالك تركض أطفالك
ولزمو حاير بحاير....الهظيمة يغربك العاشر


مرتضى يوسف
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

مولاي الحسين يخبر مولاتي زينب عن عبدالله الرضيع


حسبة جم سهم وارجع للاخيام
جايبلج طفل مذبوح توه
جايبلج اكماط منگع الغيم
ماتت على شفافة ضحكة حلوه

ــــــــــــــــــ

زينب مطمئن عبدالله وياي
يباوعلي واعرفه رايد الماي
ما نزلت دمعته والسهم جاي
فرفح بيدي زينب رافس هواي

راية بريح رفرف ما سكت دوم
وتنكع اكماطة وحتى الاهدوم


طير بجفي زينب غمض العين
عباله ارتوه من دمه هوه
جايبلج اكماط منگع الغيم
ماتت على شفافة ضحكة حلوه

ــــــــــــــــــ

كاروكة جفوفي بصدري هلكان
الغيمة اشربت دمه وهو عطشان
من فك الاقماط تگول قران
من حر السهم طلعلي ذرعان

حتى اعيوني خلصن قلبي موجوع
لو باجي للوليدي ويشرب دموع

أندهه بوية بوية وصوتي مبحوح
صوتي من الضمى من عندي گوه
جايبلج اكماط منگع الغيم
ماتت على شفافة ضحكة حلوه

ــــــــــــــــــ

جنة غافي زينب مدري مجتول
وانده بي يبوية اكعد يمدلول
أشدا نحرك بجفيتي محمول
بوية بية مخنوگة الدللول

وردة وذابلة مابين الاورود
من السهم اصبح نحره ممرود

حاولت وي سهمة مثلث الجان
جف وخنك نحرة السهم بلوه
جايبلج اكماط منگع الغيم
ماتت على شفافة ضحكة حلوه

ــــــــــــــــــ

ما أيست بلكت يبجي وينوح
كتلة مو تحب ارقية بالروح
حتلو تبجي بوية بصوت مبحوح
ولا اختك تشوفك بوية مذلوح

من يشوف اخيتة يحرك الايد
وهية تشوف أخيها جية العيد

حاير بالوليد البيدي مذبوح
امشي وحاير وما عندي تجوة
جايبلج اكماط منگع الغيم
ماتت على شفافة ضحكة حلوه

ــــــــــــــــــ
مات اوليدي بيدي شمعه البيت
وحنيت الاجفوف بدمة حنيت
ناغيتة من أخذته وليدي ناغيت
ورديتة نحر مذبوح رديت



حر وضمى ودم واتراب وخيول
ومغوش الشوف وبيدي مجتول

صعبة وحيرة والله وماكو اليعين
وجهي وجهة بالحر يتجوة
جايبلج اكماط منگع الغيم
ماتت على شفافة ضحكة حلوه

ــــــــــــــــــ

صبريلي الرباب وزيلي الاوهام
قلبها جمر صاير والله محتام
خل ادفن أوليدي خلف الاخيام
وارجع يالعقيلة بحزني الف عام

قلبي الي تگطع وي الاقماط
ودم من عندن صار بوجهي نقاط

أمه تموت لو شافتني مفجوع
لسبحاح القلب عبدالله سلوه
جايبلج اكماط منگع الغيم
ماتت على شفافة ضحكة حلوه

ــــــــــــــــــ

قلب الأم شگلة بأي عذر غاب
شجرة وذابلة الگاها على الباب
موقف صعب وشما احسب احساب
واني بجفي دم اكماط واتراب

يا زينب دفنته وقلبي محتار
يم قلب الرباب المشتعل نار

من تسالني عنه تسولف العين
وماينذبح نحرة وتبقي فجوة
جايبلج اكماط منگع الغيم
ماتت على شفافة ضحكة حلوه

ــــــــــــــــــ

الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

يالمفارك دليلي ورايح ما ترجع بعد ليه
عفتني خاليه احظاني بيمن أقنع ايديه

يالرايح من ايدي... عبدالله يوليدي.... يمه
..........
ربيتك لجن مني خذاك الماي
وبحظ السهم ووبخته راح ارباي
ردتك يمه باجر الي تصير فياي
بس تموت كبلي ما حسبت لهاي


يمه شلون بجفوفي تلولي وانت مو بيها
تعال وردلي معروفي رد لمك وحاجيها

يالرايح من ايدي... عبدالله يوليدي... يمه
.......
دللول الولد ما ابطل لساني
هدومك يمه مفروشات بأحضاني
ترا امك حنينه وكاعده اتاني
ارجع يابعد كل اهلي وخواني

ألّف اكماط فوك ايدي وأتخيلك واحجيلك
وأكلها شبيك يوليدي يمه السهم هد حيلك

يالرايح من ايدي... عبدالله يوليدي
..........
يالما كملت ولا سنة من اسنينك
حتى شلون تمشي ما معلمينك
عليك نخاف تزحف ما مخلينك
ترف والكاع خاف اتجرّح ايدينك

من حضن لحضن مشيول خواتك ما يهدنك
ومن رديت الي مجتول مذبوح ويلعبنك

يالرايح من ايدي... عبدالله يوليدي
............. َ.
كلت لحسين اخذه بلكي يروونه
غافي اوليدي كلهم لا يكعدونه
السهم جي حار رد امفتح اعيونه
شمسويلهم حتى يذبحونه؟؟

يمكن ماي منطينه رد امفتحه عيونه
من نومته امكعدينه كلتلك لا يكعدونه

يالرايح امن ايدي.... عبدالله يوليدي
..............
رقية ما يعوفج يرجع تكلي
اذا ما رد الج عبد الله يرجعلي
ازغر مني بس هو اليدللني
عطشانه واتاني ماي جايبلي

بعده زغير بس كلبه جبير وكله حنيه
الماي العنده ميشربه اهم شي تشرب أرقية

يالرايح من ايدي.. عبد الله يوليدي... يمه


مرتضى يوسف
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

زينب حزينه وتهمل العين
بالحومه نصبت ماتم حسين
وامه الزجيه تعنته وتگابلن يم جثته
* *
بعد ماچل الضلام وشمس الطفوف انطفت
وذبلت عيون الاطفال ومن الدموع اكتفت
اجت تتعثر الحره ويم الحسين اوگفت
حطت الراس عله صدره وغمضت العين وغفت
شافت الزهره بدمع همال
شالت قميصه مگطع اوصال
وضلت تون لمصيبته وتگابلن يم جثته
* *
گالت الزهره عله كيفج خل يطول مأتمه
احجيلي عن كل جرح منه يأذي أمج فاطمه
ياهو خله حسين ملعب للسيوف تقاسمه
شفتي راسه وذاك رمحه الناگع بفيض الدمه
من العطش متفطره الاشفاف
وبلحيته دم النحر جاف
والرمح فاتح رگبته وتگابلن يم جثته
* *
تنشد الزهره بدمعها وزينب ترد الجواب
تگلها ضل حسين وحده وكثرت عليه الحراب
وصابه المثلث بگلبه وطيح حسين الصواب
و وگعه من فوگ مهره وفتح ميزاب العذاب
خله بلحيته من الدمه خضاب
ووساده جمّع من التراب
وانمزج دمه بترتبته وتگابلن يم جثته
* *
انا فوگ التل واسمع بالمنادي وصيحته
انزلو اعليه ريحوه وخلي تسكت علته
وكثرت عليه السهام احتار حته بنومته
من الضهر يطلع اسهامه لان تصعب طلعته
وابن الضبابي تگرب عليه
وعلى الوجه لازم يخليه
وگدامي صارت ذبحته وتگابلن يم جثته
* *
يشوفني ويذبح باخيي وضل يگطع رگبته
شال راسه وجاب رمحه بگلبي جانت وخزته
تجمعت خياله عشره گبال عيني وسحگته
تگلب حسين الحوافر بالسنابك رضته
تتناهشه چفوف الغنايم
وسلبو حسيني وهو نايم
هذا الحسين وقصته وتگابلن يم جثته
* *
لخادم الحسين ع
علي العزامي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

هظيمة يغربك عاشر...وحدك ما ألك ناصر
اه يا غربة حسين...اه يا غربة حسين
........
واعيتك تفطر گلوب روحك بالحچي طلعت
صوتك منكسر عطشان حگها ام وهب فزعت
ألا من ناصرٍ ناديت وچلمتك خالية رجعت

هظيمة حسين حتى اطفال فزعولك
والعطشوك كلهم فدوه يرحولك

وحدة تنخت بوحده
ظل حسينچن وحده

وحده يكسر الخاطر...هظيمة يغربك العاشر
اه يا غربة حسين...اه يا غربة حسين
........
كلشي محظر لعاشور وكلشي حاسب حسابه
ولابس ثوب ما مرغوب ما يعجب السلابه
بس تالي بكتر جسمك وبيد الوادم ثيابه

الناس شبيها بالطف رادت تلوعك
ما فلت المحبس ليش كص صبعك

انترست اسهام تتلوه
الٱخ تجرها بالگوه

وبعد ما تنعرف صاير...هظيمة يغربك عاشر
اه يا غربة حسين...اه با غربة حسين
.....
كلهم أشرو للخيل هذا حسين هذا حسين
ودلوها دربها اعليك حتى يسحگنك زين
اول مرة هاي تصير ميت ينسمعله أونين

گبل الخيل روحك سيدي طلعت
ومن گد الألم اهاتك انسمعت

توجع سحگت الحافر...هظيمة يغربك العاشر
اه يا غربة حسين ...اه ياغربة حسين
......
طايح على حر الگاع ولهب نار الخيم لاحك
حر الشمس مدري الكاع مدري شيلچم جراحك
وشال أسهام من صدرك بس مو لله ذباحك

حتى بالذبح ما ينشغل بيهن
ما يعدل گعدته لو مخليهن

حسرتك مو على حالك
اگبالك تركض أطفالك
ولزمو حاير بحاير....الهظيمة يغربك العاشر


مرتضى يوسف
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

خِيَرَةُ اللهِ مِنَ الخَلْقِ حُسَيْنٌ
#########
خِيَرَةُ اللهِ وَحِيدًا فِي الفَلَا
إِنَّهُ الْوَتْرُ بِجَمْعِ الْعَسْكَرَيْنِ
جَاءَهُ شِمْرٌ بِحِقْدٍ مُقْبِلًا
وَلِدِينِ اللهِ بِالْحِقْدِ الدَّفِينِ
#########
وَعَلَى صَدْرِ الْهُدَى شِمْرٌ عَلَا
وَرَقَى الشِّرْكَ عَلَى صَدْرِ الْأَمِينِ
وَرَقَى بِالْحِقْدِ وَالسَّيْفِ الصَّقِيلِ
سَيْفُ أَهْلِ الْكُفْرِ أَرْدَى الْفَرْقَدَيْنِ
############
فِيهِ دِينُ اللهِ مَنْحُورًا غَدَا
وَكِتَابُ اللهِ يَنْعَى بِالْأَنِينِ
وَلِدَمِ الدِّينِ قَدْ أَبْدَى مَسِيلٌ
مُذْ هَوَى بِالسَّيْفِ حَزَّ الْوُدَجَيْنِ
##############
وَاحُسَيْنَا! جِسْمُهُ بَيْنَ الْعِدَا
وَلِسُمْرِ الْجُنْدِ قَدْ أَضْحَى رَهِينِ
مِنْهُ لَمْ يَبْقَ وَلَا عُضْوٌ سَلِيمٌ
أَظْهَرُوا فِي الطَّعْنِ حِقْدَ الْأَوَّلِينَ
###############
خِيَرَةُ اللهِ وَبَعْدَ النَّحْرِ صَارَ
لِخُيُولِ الْكُفْرِ دَرْبَ السَّائِرِينَ
وَطَأَتْهُ الْخَيْلُ فِي مَيْدَانِهِ
كَسَرَتْ أَضْلَاعَ شِبْلِ الطَّاهِرِينَ
#############
وَبِكَسْرِ الضِّلْعِ فِي رَمْضَائِهَا
كَسَرُوا ضِلْعَ نَبِيِّ الْعَالَمِينَ
وَبِطَعْنِ السِّبْطِ فِي ذَاكَ الْمُصَابِ
طَعَنُوا صَدْرَ أَمِيرِ الْمُؤْمِنِينَ
############
ونسألكم الدعاء لتعجيل الفرج

لخادم محمد وآل محمد عليهم السلام
الشاعر حيدر كاظم الساري


---
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

#اهوازي

ماضل كل صبر بالروح
دگ ثايه الحزن والنوح
آه يـحسين ياخوية آه يـحسين ياخوية


طول ياسواد الليل باجر ينخطف كل لون
ياريح الصبا يحسين هاي اخر مسية شلون
باجر كل بني عدنان فوگ العلگمي يضلون
وانت اظل طريح تراب وعليك العده يسحگون
مايرحم الحافر بيك
تلتم كل امية عليك
آه يـحسين ياخوية آه يـحسين ياخوية

گلي شلون اصبر الروح بيش الخيمة اطفيها
شيسكت الحرم يحسين الحرمه تريد واليها
سكنة خلاف عمها الحيد لو سلبوا تراچيها
من بعد الدلال نشوف مدمعها وبواچيها
مو هين عليها الصار
طفله وخايفه من النار
آه يـحسين ياخوية آه يـحسين ياخوية

باجر بالفله ايطشن من ايجن علينه الليل
اطفال وصوت نوگ ونار ماضلي بعد كل حيل
ماخله الوكت فزاع ودموعي على خدي تسيل
شيخلص العمر يحسين بعدك بس مناحه اويل
ماتنشف دموعي عليك
عيني على الدرب تربيك
آه يـحسين ياخوية آه يـحسين ياخوية

مااسمع بعد كل صوت بيه تدللين وصار
اسمع بس زجر وصياح وارماح وعذاب ونار
گد دوس الحوافر راح جسمك من المه احتار
وعلى العلگمي العباس صعبه وموش هين الصار
باچر توگع الخيمه
ونطش كلنه بالهيمه
آه يـحسين ياخوية آه يـحسين ياخوية

الحرمة بلاية والي شلون رچبتها على ضهر النوگ
وحدي ومايصح امعين مابين البشر مخلوگ
شيصبرني وبيا حال نسوان ونطب للسوگ
شوصف حالة السجاد مگيد وبهظم مخنوگ
ماحسبت هيج يصير
نمشي وي الغرب ونحير
آه يـحسين ياخوية آه يـحسين ياخوية


احمد ديوان الخيكاني
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

ليلة العاشر من محرم 1447 هـ
لمولاي رضيع الحسين ع


على اوليدي اليحن.. دمه يجري الجفن
يـعـبـدالـلـه الــگلب.. ألك يــبــقـه يـون
======================
ربــيـتـك انــه لــيـام كـــبـــري
ردت بيدك ييمه اتحفره گبري

مـجـروح الگلب واعليك يـنعه
وافـراگك من اهروشه يشلـعه
يـمـه المنـحـرك مـا بـيّه فزعـه
حزن امصيبتك گلي شيجرعه

مفطوم بسهم.. شيجرعه الألم
فدوه المنحرك.. بـالحـر انلچم
======================
أفز بالليل مرعوبه
حسبالي بچه اوليدي وگعد يرضع
غير الونه والأهات يازينب فلا أسمع

يازيـنـب دمـه يـجـري دليـلي
بس دمع الحزن صاير خليلي
عبـدالله انـذبح زينـب أويلي
حيلي منـهدم يحبيـبه حيلي

كل هذا الجره.. بعدني مناطره
كسرة خاطري.. ذبحة منحره
======================
يبني الضيعتني بضيعتك مني
دوهـنـي زمـاني بـيك دوهنـي

دوهنـي زماني بكل مسيه
يوم الشاهدت ذيچ الرزيه
وسـفه تـنـذبح بالغاضـريه
هيچ وتاخـذك مني المنيه

بـعـدك بالـعمـر.. ما يـبـقـه صـبر
عاشرت الدمع.. العذر يمه العذر
======================
وين الفاجده الشبان وين الضايگه اللوعه
خل نتگابل اني وياچ ننعه بروح مفجوعه

يم جاسم على الويلاد ننحب
وعالفوگ الرمل جسمه تسلب
والعـبـاس بسـهامـه ايتـعـذب
وفـوگاها شمر بخيامه ينهب

يمن فدوه العمر.. ألك صدري جمر
يـسـباح الگـلب.. جزه وكت الصبر
======================
أهـز  مهدك يـعـبـدالله
وعاين عالمهد خالي ..  يبني وثمر دلالي
أهـز   مهـدك  يـعـبـدالله

بـكل هـزة مـهد ينهز كـياني
تـانيـت الولد بس ما أجـاني
ولمن رد عليه بسهم مفطوم
بوليدي وسف دهري رماني

انه بـعازة سند.. الولد يمه الولد
لو عني ارحلت.. ما يبقالي احد
======================
الـوادم لـو لـفـاهـا الليل .. تعد الليل للونسه
وانه چم ليل چم انهار .. يجي ويروح من نفسه

من بعد الجره يا حيل أشيله
حـالي صـار چن حـال العليله
ليلي الفات متونسه بالدموع
والـدارن عـلـيـه مـو قـلـيـلـه

بگيت امحيره.. عگـب ذاك الـجره
عزيزي مندفن.. وانه اعليه ساهره
======================
3/6/2025 يوم الثلاثاء
6/ذي الحجة 1446 هـ
خويدم آل محمد
الشاعر الميرزا محمد الساعدي

آه يحسين ياابن امي … آه يحسين ياابن امي

شيصبر الگلب يحسين هاي الما اتحملها
سولفلي يماي العين تعوف اختك منو الها
حرمة ابنص غرب ابقى هاي الما حسبتلها
شجاوب من ينشدني سكنه شراح اگللها
راح حسين مايرجع .. الحافر بالصدر يطبع
آه يحسين ياابن امي … آه يحسين ياابن امي

شحالك باچر ابنص جيش مالك بالخلگ نغار
الكافل واخوته يطيحون تتوذر وذر الانصار
كلها تهجم اعلينه وبخيامي تشب النار
وتفر بالفله من الخوف ياهو يلمها كلها ازغار
دخان الخيم يعمي .. وتچوه بالجمر جدمي
آه يحسين ياابن امي … آه يحسين ياابن امي

تمنيت العمر يخلص گبل فجرج يهل ليله
ولا شوفاً اخوي حسين طايح محد ايشيله
تبقى على الترب ياحيف راح الچنت انا اشكيله
واسمع بس بچي النسوان ماضل بيدي اي حيله
ادري على الهزل تالي .. وراسك ع الرمح عالي
آه يحسين ياابن امي … آه يحسين ياابن امي

من گد دوسهن يحسين باجر تترس الهيمه
ويطشرونك على الگاع ناس المالهم قيمه
وتفرهد اعضامه الخيل اخوي وصاحب الشيمه
بيمن راح افييلك وسويلك بعد خيمه
عباتي تحترگ بالنار .. وبلم اليتامى احتار
آه يحسين ياابن امي … آه يحسين ياابن امي

ماضل كل صبر بالروح زاد على العمر عمرين
هظيمه مدللت عباس گصه عليها الهضم والبين
الچانت بالدلال اتعيش راح على الهزل تمشين
بناتك ياعزيز الروح تبچي وتهل دمع العين
بنات وتكسر الخاطر .. مامش كل رحم باچر
آه يحسين ياابن امي … آه يحسين ياابن امي

احمد ديوان الخيكاني
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4