((محتار))


محـــتار .. شنهي الاقدمه
وحسين .. لـبســني هدمه
والـروح .. انطــيها خدمه .. فدوه الامامي

وفــاي .. لا ما نساني
عطـآي .. حب وحناني
عالماي .. وأبچيله آني .. وانحب يضامي

بــس مجلس واحضر موكافي
من خـــيره لــحم البــچـــتافي
كون اذبح روحي أعله أمصابه
وأتــشــابـه وي بــشـر الـحافي

وأتــعذر وأخـجل من حالي
ماضاعت بــــالهيـمه أعيالي
ولا أمـــي مـچــويه بـخـيمه
ولا مسحوگ وماكو أوصالي

ولا ضــامي ضلــيت بدرب .. وآنـه زاير
ولا تـــايه والـــــوادم غرب .. يوم عاشر
ولا متني بسوط وينضرب .. وآنـه حاير

أمامي ... واحسينا واحسين

""""""""""""""""""''''''''''""""""'"'"""'''"

ويـلاه .. جسمك رميه
چم آه .. زيــنب سبيه
أحــــآ .. يــــالغاضريه .. عيله وسليبه

بالعين .. صوره الخيامك
بــالرآي .. جــرح الهيامك
بالناس .. لــوعه الكلامك .. وصارت كئيبه

أعله الغبره وجه الله بحاله
ويـــانــار الـتـاكــل بـعــياله
يتلوه وگـاع الـــطف تچوي
وبصدره الـــــداست خياله

أهنا شــوغه اهـنا حافر يعبر
أهنا ضلعه أهنا طايح خنصر
اهــــنا زيـــنب تركض بالوعه
أهـــنا واحد بحــجار ويـشمر

اهنا ترچيه أهنانه الدمه .. مــن رقيه
أهنا خوله وأهـنا فاطمه .. أهنا صفيه
اهنا نزلت عالگاع السمه .. عـــالـسبيه

أمامي ... واحسينا واحسين

""""""""""""""""""''''''''''""""""'"'"""'''"

صيوان .. راح وتــفرهد
نسوان .. ومـاباقي أحد
تربـان .. برموشه تصعد .. حسين ويويلي

وتشوف .. تـعــثر حميده
وتصيح .. وحسين أريده
الخيـمه .. صـارت بعيده .. روحي ويحيلي

وسهــام الــمتـوليه أهــروشك
ودم من راسك فوگ ارموشك
وأتـــــراب الـبـخــدودك بــويه
والـنـبـلـه الـتـتـعـــده أتـنوشك

مــتغـــيـر ويـــــلاه بــــلــونه
مــــن عـطــره يلـله يـعرفونه
أسهام احجار اشگد مشموره
أعياله أتنادي حـسين أشلونه

لن ساعه وراسه أعله الرمح .. يـــاهضـيمه
وألــــف وتـسعـــميةّ جـــرح .. هواي ضيمه
چم طفله الـــماتت بالــذبح .. چـــم يـتيمه

أمامي ... واحسينا واحسين

""""""""""""""""""''''''''''""""""'"'"""'''"

مذبـوح .. صـــار بدمعته
مطروح .. والــوَنه سكته
مجروح .. ويشاهد أخته .. تركض مصيبه

بــــالگاع .. طاحت بناته
والجيش .. كلـهم شماته
يــاحيف .. بـــمـدلـــلاته .. وزينب غريبه

جـمر الخــيمه الـضل يتوجر
اليـركض حـــافي لا ما يگدر
وعـــيال الضــــامي التتباچه
شافو دمعه اتصب من منحر

شـــافو حـافــر روحـــه ورده
يسحگ صدره ويسحگ خده
ونـــار وزينب مــا تــتــحــمل
وتگله ألــحـگ فـــك الــشِده

وبسكته ويــموت الــــطفل .. من حسرته
بچف سكينه يصير الــحبل .. يـــا جمرته
وركبن خدر الله أعله الهزل .. يــا دمعته

أمامي ... واحسينا واحسين


عبد زينب
محمد الابراهيمي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

ادعوكم لسماعها في هذا الوقت
غروب يوم الجمعة 💔

سولف ثلث ساعة وي امامك 😞

[[ نشيع والينه ]]



قصيده من وزن العگيلي

لأستشهاد مولاي جعفر الصادق ع







خلونه انشيع والينه

◾◽◾◽◾◽◾◽◾

بدموع واهات نشـــيعه
ونتگابل لمصابه وننعــه
يستاهل نذرفله الدمعه

والصادق وسفه مجافينه

◾◽◾◽◾◽◾◽◾

هذا يون وذاك ينــــادي
ويلي اعليكم ال الهادي
عالوادم همكم ما سادي

الاذاكم هم مأذيـــنه

◾◽◾◽◾◽◾◽◾

خل نشيعه ونبچي ليومـه
ونعين الزهــره المظلومــه
صادق علم العتره اعلومه

سبل ايده وغمض عينه

◾◽◾◽◾◽◾◽◾

يا ناس الصادق كل عمره
جــمره بگلبة لعمته الحره
ولحسين المتوزع صــدره

وبمصاب الطف موصينه

◾◽◾◽◾◽◾◽◾

موسى الكاظم يبچي لحاله
والــفرگـة تــأذي وكــــــتالـه
رايـــح ومـــــودعها اعيــاله

وبآه يحسين مشيعينه

◾◽◾◽◾◽◾◽◾

شايل والينه وعـــــالِمنـه
خل نواسيها الزهره امنه
شيعه وما نبخــل بالونـه

وغاد ام حسين تجازينه

◾◽◾◽◾◽◾◽◾





عبد العليلـه
✍حيدر ابو كيان الفاطمي
قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

ياصادق ال محمد


اشدد رحالكَ للبقيعِ الأطهرِ
وانثر دموعَكَ عندَ تربةِ جعفرِ

وأقم عليه بنُدبةٍ يشجى لها
مَن ذاق لوعةَ فاقدٍ متحيِّرِ

سلّم عليهِ فما رأى سِلماً ولا
يوماً لهُ طابَ الزمانُ بمنظرِ

واطلقْ لعينيكَ العنانَ وقُل لها
جودي بمُزْنِكِ ياعيونُ فأمطري

واجعلْ انينَك عند قبرهِ نُدبةً
تحكي صبابةَ والهٍ مُتحسِّرِ

وأقِمْ على تلكَ الرسومِ ولاتَعُد
الا بخدٍ لاطمٍ متعَفرِ

تنعى لمسمومٍ لآلِ محمدٍ
ومصابهُ ادمى فؤادَ الكوثرِ

لم انسَ موسى وهو يحملُ نعشَهُ
لبقيعهِ بفؤادهِ المتفطِّرِ

ناداه ياكنَفي وركنَ أرومتي
أفنيتُ فيكَ تدبُّري وتصبُّري

ياأرضَ طيبةَ مادهاكِ بفقدِهِ
أنَعِمْتِ بعدهُ بالصباحِ المُسفرِ

ام هل له يبكي الحطيمُ وخيفُهُ
وله انينٌ في الصفا والمشعرِ

قد غاب جعفرُ عن حِماكِ فأظلمتْ
تلكَ الديارُ من الضياءِ الازهرِ

جعفر الفاضلي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

#ملمّع
للإمام جعفر الصادق ( عليه السلام )

دمٌ جرى مِن عينهِ الحمراءِ
لم ينسى ما جرى في كربلاءِ
_______

الصادق العنده گلب وحسين نبضه
يون كل لحظة تمر ما ناسي لحظة
على الي جسمه انسحگ والخيل رضّه
بالحلم يبچي عليه و يبچي يقظة

على الحُسينِ دائمُ البُكاءِ

_______

عمره خلّص ما خلص فد يوم دمعه
صوت طعنات وسحگ عاشه ويسمعه
يشاهد بعينه خيم محتاجة فزعة
وحسين بيه زينب تلم لمن تودعه

على الثرى مُقطّعُ الأعضاءِ

_______

نفس الحرگ ذيج الخيم بيته يحرگه
بدخان صدره يختنگ گد ما يشهگه
حسين چم طعنة رمح صدره تخنگه
ما گـدر كثر النبـل ابنـه يشبگـه

والملَكُ قد بكى في السماءِ

_______

اتملك اعياله الرعب ، بس هو يمهم
وعيال جده بكربله مذبوح املهم
الأطفال تاهت وبحرب ياهو اليلمهم
الجيش فد ركضة ركض يحرگ خيمهم

حرقُ الخيامِ زادَ في البلاءِ

_______

شلون تخلص دمعته والنوح يگضي
والرمح گاله سمع عدوانه أرضي
انه أعرفه حسين عند الباري مرضي
لچن هذا اليوم أصبح طعنه فرضي

في كُلِ يومٍ ناصِبُ العزاءِ

_______

الصبّح اعله الدمعة عـ الآهات أمسى
گله موت ولچن لا لدگله أنـسى
الصادق بگلبه ألم مـحد يحسّه
من يمر طاري الرمح تنذبح نفسه

تحمُرُّ عينُهُ مِنَ الدماءِ
_______
حسين علي الدليمي
قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4