مبروك يـاعلي اول خليفه
تاج الفخر الك مو للسقيفه
والكال بخٍ إلك كاذب
والكال بخٍ إلك كاذب
_____1
ياعلي تحلالي دلالي نبضاته ياحيدر
من الكلب بيعه ونطيعه بهذا الشرف نفخر
الله الختاره واسراره بين الحجر جوهر

بس الك يابو النجف
تبايع جفوف الشرف
كلمن بزلمك حـلف
لو حيدر لو بطل ديني

البايع علي عِلى ما صار نصه
بغيرك لون قبل جفنه نكصه
كضينه بالذر إلك شارب
والـكـال بخٍ إلك كـــاذب
_____2
ياعلي واليها ساكيها بيوم الحشر ناسك
كل سنه تعاهد وتواعد وتحلف وحگ راسك
والناكر اثارك واخبارك ما يلحگ امداسك

غاصب الحق الجلي
فـــدوه لنعالك علي
الــك تـنـكـال الـولـي
يل الله مسويك لروحه

سواك من ذهب خالص صنيعه
مخصوص بس اله صُنعه بديعه
مولاي جفك مُنى الطالب
والـكـال بخٍ إلك كــــاذب
_____3
ياعلي عافونه وخذلونه وظلينه الك شيعه
بايعوا سافل وباطل وللضب نطوا بيعه
بايعوا خايف وراجف شيطان اليطيعه

العافك والهم سلك
ومانطه بيعه الك
مــــو عقل مخه تنك
الما حبك يعني امه افلانه

مـــولاي والنكر بيعة غديرك
ماضاگ من ملح خبزة شعيرك
العاداك ماله ابد صاحب
والـكـال بخٍ إلك كــــاذب
_____4
ياعلي فارسها وخالسها خيبر خنگ ريته
البلحرب شارد ولابد تتزين الحيته
هدومه من مرته لو اخته تحجي انهزاميته

والـمـهـم هـو شـرد
شـافـله تــله ولـبـد
نام من خلصت كعد
جا هذا شلون انطيه صوتي؟

البحروبهن شرد وخاذل نبينه
للبيت لـو رجـع مـرتـه تـهـينه
تاريخه متروس صنف هارب
والـكـال بخٍ إلك كــــاذب
_____5
ياعلي تشفعله وتوكفله اللازم نهج دينك
بعيدك اليفرح ويصدح يشوف الله يم عينك
عالعهد دايم وخادم ما يخذل حسينك

من غديرك للطبك
رحلة هموم وعشك
عـنـك ولا نـفـتــرك
يم كبرك ونصيح العوده

قـــران يـــاعلي رسمة حروفك
والحاج من صدك ذاك اليطوفك
لو طاف كبرك نجح طالب
والـكـال بخٍ إلك كــــاذب
_____
🖊الشيخ حيدر الحميداوي

قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

هله بالقاسم هله
يا عگال المرجله
======================
هـلا ببـنـي الگـام يـرعـد بالـزلـم
هـلا بـبـني العـلّم الـدنـيا الـعـزم
شاب طر الطف صبح بيهم يزم
شاف كلـمن گابـله معنى الحزم

وبـلـيالي كـربـلـه
هله بالقاسم هله
======================
ثـار غـيـره وصـار يـوم المـلـحـمه
إيده عـالـروس وگـطـعها امـعلمه
من حضر چنه علي حامي الحمه
مـن شهر سيفه گـطـر منـهم دمه

عدّل ابني المايله
هله بالـقاسم هله
======================
عـاش حـد الطـف لجـل يبذل نفس
عـلّـم الأجـيـال حـيـن الـطـب درس
فـارس الـحـومه فـرس بيـهم فرس
حمس حامسهم وحگ حيدر حمس

صدّر الطف عاجله
هـلـه بالقـاسم هله
======================
مـضـرب الامـثـال بيـهم مـن يطب
صعب ما يهوى الصعب الا الصعب
مـا رضـه ايعـيلون بـرچـابه الغرب
عـنـده تـسلايه اذا يـدخـل حــرب

موقفه بالطف حله
هـلـه بالقاسم هـله
======================
شد عزمها ودخـنت گـامت تميل
هيچ أسمه من دخلها المستحيل
احزامه شده بيده مـولانا العليل
يـالـتـدور بـالكـتـب هـاك الدلـيل

ألله نـوره جاعله
هله بالقاسم هله
======================
أبــد مـا دار الــوجــه أبـن الـنـبـي
عشعش الخوف بگلب كل ناصبي
سـوه عـمـلـه بـكـربــلـه بالأجنـبي
فـدوه موتي ولا يطيحوها العبي

من عاد صرصر نازله
هــلـه بـالقاسم هــله
======================
7/6/2025 يوم السبت
10/ذي الحجة 1446 هـ
خويدم آل محمد
الشاعر الميرزا محمد الساعدي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

نزلة للقاسم عليه السلام
............ ...........
منين هذا الشاب الي اتعنالها
ولعب بطروك الزلم واحوالها
................................................
كاشخ بصيت الحسن وهدومه
والزعل زيد حلات ارسومه
هاي سهله يكول حسبت حومه
كاضيه وكلمن يموت بيومه

اهلي اهل التضحيات وقادة    
وعار عدها الموت فوك وسادة

الروح تنعز عالحسين اشمالها
......................................
بدر من لون الورود الوانه
الطف خزرها وارتمت باحضانه
الحومه خافت جلبت بردانه
ونكت ايده الجيش تاه اعنانه

الكاع تحت اجدامه تجدح من يكر   يركض وحسبالهم جواه جمر

تدوهنت من كثر ما حسبالها
                   
                    ........................

تخردلت من صاح يا حيل الحسن
ركض سرفن كاعها كبل الردن
طب عليها الما يمل ولا يجن
جثة كامت تحت جثة تندفن

سطر بيده الماضيه تولاها    
احتارت تدور حفر خلاها

وكامت تفز من تشوف خيالها

                    ...........................

مثل طوفان ودفعها بزوده
وريح حمره من يشيل ازنوده
يكور بيها وضلمه صارت سوده
وكام يذبحها اعلى نور خدوده

الشرد ميت واليضل شك هامته
الما يموت بسيفه مات بشارته

هذا شبل المجتبى  وخيالها
                    ............ ................

يغوصها ايسار ويمين أءلوفها
مثل روف الابرة كام يروفها
منه شردت عود بلكي يعوفها
افتر سبكها اتلاكه وي اصفوفها

تحيرت لمن لكته متاني     
تصيح يمكن هذا واحد ثاني

كام من كل صفحه يتراوالها

                       ...................

صاح ابوي الحسن وتعرفونه
العمي ناذرني اموتن دونه
الموت كور صار فوك متونه
توالم الغيض وي لون عيونه

هوس برباط هوه الكاتبه    
ومبتسم عباس كام يجاوبه

اليوم اذلها اليوم ابهذل حالها

                      ............................
الشاعر مذكور العلياوي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

مو رسالة اني اكتب بالوصية
مو رسالة جني أوقع عالمنية
ـــــــــــــــــ
جني اوكعت من السمة من اكتبت مرسالي
يا زمن هذا ويا زمن بيت الحبهم خالي
داري الظلام ووحشته والغربة بس تبرالي
ولوني تغير بالحزن مو بس تغير حالي

مو حزينة قبل يوم الغاضرية
مو رسالة جني أوقع عالمنية
ــــــــــــــــــ
دمعاتي تنزل ع الظرف حبر الرسالة دموعي
موضوعي انت ولهفتي وابجي من اخط موضوعي
مو قلبي احس جنها الشمس يابوية حدر ضلوعي
ذبلت الدنيا بروحتك ورادتي وي شموعي

روحي تطلع بويه من هاي القضية
مو رسالة جني أوقع عالمنية
ــــــــــــــــــ
كل لحظة من تمر سنة أشعر عمر من دونك
يالعيشتني برحمتك تحرمني من عيونك
واشلوني اني غيبتك يا بويه و انت شلونك
مكسور قلبي بروحتك هنيال اليشوفونك

ياحبيبي ما اشوف شلون بية
مو رسالة جني أوقع عالمنية
ــــــــــــــــــ

من كتلي يصعب هالسفر بلبيت ظلي ارتاحي
يا وطن روحي وما غفت عيني وجفن ظل صاحي
يالعلمتني اعله الأدب ما طلع بوية اصياحي
سكته الدمع ع الخد يصب نهر وجرة اعله اجرحي


موتي شفته من تجيني المغربية
مو رسالة جني أوقع عالمنية
ــــــــــــــــــ
كلشي تغير من رحت حتى الوقت وأيامي
كمت ارسم بجفني الحلم ماتت جميع احلامي
يابوية ماخذني العطش يمكن دليلك ضامي
والتعب يذبح مهجتي يمكن وريدك دامي


انت حلمي ردت بس يمر علية
مو رسالة جني أوقع عالمنية
ــــــــــــــــــ
اني العليلة الايست ترجع عليه لداري
نار الغياب تلاهبت ماطفت لجلك ناري
يا أبو البخت ضاع العمر دمعه بوسط مي جاري
وقلبي الاخذته لكربلا لاخبر رد لا طاري

لا وصية منك وترجع اليه
مو رسالة جني أوقع عالمنية

ــــــــــــــــــ
الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

لأم البنين عليها السلام
..........................

عن عباس واولادي اخبريني   اخافن كصروا عن نصرة حسيني
عن عباس اريد اسأل   واعرفه وليدي المعدل
اخافن...
................
زينب بالحزن طبت وطن جدها
ولن الباب تندك حين سمعتها
هاي ام البنين بساع عرفتها
هلا بام البطل عباس نادتها
الها الباب افتحنه   ختساعدني على الونه
تعاي وعالمناحة يمي عينيني
.......... ........
طبت والدموع محفره الخدين
يا زينب صدك راح العزيز حسين
شتنفع دنيتي لوما تشوفه العين
ريت وياه اخذني وما تركني البين
متت ريت وي اولادي  فده الريحانة الهادي
عكب عينه الدهر المن مخليني
................. .....
انشدج يبت حيدر وانه اريد اعرف
خو ما كصرو اولادي يوم الطف
بس لا ضل زند عباس شايل جف
يم امج اريد افتخر واتشرف
واكلها فدوه الج عباس  اجيتج رافعة انه الراس
واريدج خادمه يمج تقبليني
............ .....
لا يمي تكللها افه شتحجين
ثلث تنعام من اولادج الطيبين
ذبوها المناحر دون نحر حسين
بخوتي نخسف طفها ونجسم نصين
شسولفلج لمن حملو   خيل اعلى الزلم كلبو
سروه الحسين وكحلو عيني
............. ......
شسولفلج ييمه من طلع عباس
طلع ليها ويطك الراس كام براس
حمل حملات حيدر ابنج النوماس
رعب سوه جفيلي تلوذ ناس بناس
اشلون الموت من طبها   شبعها طراد تعبها
واهلهله وهلا بزينب يناديني
............. .....
بأسمج يرتجز يالحرة من طبها
ووفاها الكفالة وصان معصبها
وذب جفوف اديه والغيره ما ذبها
الغيره من الصغر عباس شاربها
وفه وغيره ترضيعنه    وبينه شكد توصينه
واداها الامانه وكلي اعذريني
.............. ......
خادم الحسين
مذكور العلياوي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

قصيدة رئيسية لأم البنين عليها السلام
.....................

يلرادين بهالضعن حاجوني
احلام لو واقع تشوف عيوني

يبنيتي زينب وين شيخ الساده
              جا وين فرسان العرب والقاده
احلام لو واقع تشوف عيوني
................................................

شنهو الجرى يا هالخلك وضع المدينه تغير
والناس تتراكض غدت وياهو يصيدلي اتحسر
والمن هل ضعون اللفت تمشي النياك وتعثر
معجون وي عطره الحزن فوك المسج والعنبر

جن ذول اهلنا …  ردولنا بعد السفر والغيبه
جن ذول اهلنا …  ومن الضعن مهدوم ركن الهيبه

عمدانه شو هذا الضعن منهوبه
بيه بس نساوين وتون متعوبه
موحش ضعنهم خالي من اسياده
              جا وين فرسان العرب والقاده
.................................................

ها همه مو همه كلت واخذ واجيبن بيها
لن صوت يخمشلي الكلب والمهجتي ماذيها
يم الكمر زينب اجت كوميلها تلكيها
وبخوتها وبضيم اليسر روحيلها وواسيها

شو ما عرفتج … اشمر بيج يا زينب وهل متغيره
شو ما عرفتج …ما بطلت عينج دمع متحيره

يبنيتي وجهج بيه جروح هوايه
وجفوف ايديج اشمالها امجوايه

وعباس ميكض ناكتج كالعاده
              جا وين فرسان العرب والقاده
................................................

يبنيتي جا ليش أخوّتج عن الضعن متأخرين
لا مو طبعهم هذا ابد يخلوج وحدج تمشين
انطحنت اهروش الكلب يبنيتي ليش تسكتين
جا وين عباس الكمر يا زينب و وين حسين

خبريني بحسين …  اقسم عليك بجدك وبالزهرة
خبريني بحسين …  كوليلي ميت لو عدل يالحره

وديت انه الاربعه يفدونه
بس كون سالم كل فده لعيونه

طمنيني عن نبض القلب ومراده
             جا وين فرسان العرب والقاده

..................................................

رغم انتي ملتزمه الصمت بس حالج الخبرني
وحسين مذبوح اعرفت والدهر بيه صوبني
خبريني بافعال الكمر بس كون حقق ظني
يبنيتي لو ضل عنده جف جا ما كلت هذا ابني

ادريه عباس …   ينطيها عينه والظهر ميديره
ادريه عباس …  يذب الجفوف وما يذب الغيره

لجل الحسين ادريه ابد ما يهتم
لو راسه سبعين الف مره اتهشم

ربيته علعز والوفه من امهاده
              جا وين فرسان العرب والقاده

.............................................

يمي شسولف يا قهر من يا جرح انا ابدي
خليت اخوتي اعلى الثره ومسبيه رحت لوحدي
واضعونا عكب القمر جتاله بينا اليحدي
مقطوع راسه اعلى الرمح امن الخجل كصته تندي

من فوك الارماح …  تندار وتصدليه روس اخواني
من فوك الارماح …  زينب بجت واحد يكل للثاني

بكل المدن يم الكمر فرونه
انام بخرابه اعلى الحصو خلونه

فراش الحصو والشوك النا اوساده
             جا وين فرسان العرب والقاده
...............................................

اجرج يزينب عل السبط لله الامر سلمته
ارجال علذل ما غفت والدين دم انطته
لجن يزينب اسألج فد امر مستغربته
شو لا رقيه بهالضعن وعبد الله هم ما شفته

جا وين الازغار …  ما جنهم بهالقافله موجودين
جا وين الازغار … شنهو الحصل بالحرب هم مطلوبين

تنشدين عن الطفل حزو نحره
وماتت رقيه بالغرب يلحره

وامصابهم ثكّل الهم وزاده
            جا وين فرسان العرب والقاده

....................................................
خادم الحسين
مذكور العلياوي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

قصيدة ليلة العليلة عليها السلام
ليش احمر اشوفه هلال عاشور  
   وفوك ديار ابوي تحوم الطيور
اشم ريحت حزن بديار اهلنا  وهم يرجع بعد يلتم شملنا
   وحشه اخلاف اهلنا وخاليه الدور
...
طلعت بصحن داري كابعه بحزني وشفت حاله
ما اعرف محرم ليش احمر صاير اهلاله
احس شوغات وسط الروح  ينغز كلبي شماله
كلش خايفه اعلى حسين  عيني اعليه هماله
احس هاي العلامة امن الله انذار  
اضن مو خاليه شوف شجره وصار
لون هلاله يشرح غضب ربنا  وهم يرجع بعد يلتم شملنا
.........
علامات الحزن يحسين كامت هالشهر تردف
واشوفن هالطيور اليوم  فوك ديارك ترفرف
انظرهن وعندي احساس عدهن خبر من الطف
ومدري شمالها عيوني  ابجي وما تبطل ترف
الحمام ينوح ماكو غير تفسير  
جنه يكلي اهلج ما هم بخيرو اصيحن ياهلي يهل المحنه  هم يرجع بعد يلتم شملنا
....
وبعد منظر شفت يحسين فوك همومي ثقل هم
القارورة الي بيها تراب من الطف تحول دم
شو جن التراب يكول  ما اضن والدج يسلم
زيدي يالعليلة النوح صار فراك المحتم
اراقبها وتخبنرني العلامات 
هلج بين السبي وبين الذي مات
تكلي يالغريبه اكطعي الضنه هم يرجع يرجع بعد يلتم شملنا
....
وليلة عاشر بعاشور نمت وروحي موجوعة
شفت حسين ابوي بطيف يمي حانيه ضلوعه
يمسح راسي وصديت خنصر جفه مكطوعه
جن بالطيف اعاين روس فوك ارماح مرفوعه
شفت نار ودماء وشفت دخان   
وشفت فوك الرمح مرفوع قران
يرتل بيهن اياته وي ونه  هم يرجع بعد يلتم شملنا
....
يرسملي الحلم رسمات اصفن وانظر الرسمه
رسملي خيول عشرة ثكال داسن فوك ابو اليمه
راواني نحر مكطوع  وبصفه تون حرمه
اعرفتهم واصرخت يحسين اء يا لوعتج عمه
رسم جود وشريعة وسهم بالعين 
ورسم طايح كمر وبلايه جفين
وعرفته البلحلم عباس عمنه  وهم يرجع بعد يلتم شملنا
.....
انه من الحلم فزيت وسط الروح الف عله
اخفف ردت حزني اعليك رحت المهد عبدالله
لمن شفته زاد النوح واذكرت الحلم كله
شفته اتذكرت بالطيف جن مذبوح بالنبله
وتذكرت المشت مسبيه عالنوك  
عمتي الي كلبها ذابحه الشوك
تضل يم جسم ابو اليمه اتمنه  وهم يرجع بعد يلتم شملنا
...........
خادم الحسين
مذكور العلياوي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

(( #هدهد_كربله ))         #محرم_1447
……………………………………………………………

هدهد كربله . بجنحانه اعتله . و اليثرب رحيله
بخبار الضمه . وجريان الدمه .  كاصد للعليله
يبدي ابيا ذبح .. من جرح الجرح
هدهد كربله

……………………………………………………………


اجه جايب مصايب كون . ولگاله امصيبه تنتظره
لگاله أبنيه رفع العود  .  سواها المرض صفره

احتار ايحوّل احذاها و يداويها
و يمسح جمر دمعتها التچويها
لو ينعه و يشاركها ابنواعيها
اعل اهلها الخلصوا كلهم يواسيها

اتصفصف ما گدر . يخبرها الخبر . واتخورس لسانه
يسكت بس بچي . لو يبدي الحچي . واحتاره بزمانه
مظلم هالصبح .. من جرح الجرح
هدهد كربله

……………………………………………………………


حچه بالرمز مو تصريح . لان ما عنده كل چاره
لان جلد و عظم و يخاف . تموت بأول اخباره

شفت واحد يگلها امن الگمر احله
عليه سيف الذبح يا فاطمه اتخلّه
وانشچ الرمح بالراس و اتعلّه
ويدير ابعينه لخته الصعدت التلّه

ياهدهد اضن . هذا ابن ام حسن . ذبحوه الاعادي
هدهد خوفتي . بس لا عمتي . اعليه طلعت تنادي
گلبي اعل الرمح . من جرح الجرح
هدهد كربله

……………………………………………………………


يبت حسين مدري شلون . أنقل الج هالمنظر
شفت جثه بلايه اهدوم . و آه اسمع امن المنحر

وشفت عشره اعوجيه و بالركض هدن
يسحكن بيها ظلن ابد ما ملّن
بضلوع الصدر رحة عرب طحنن
مرواح و بگن بوصالها ايذرن

لتكمل بعد . دلالي انمرد . ما اكدر اصابر
خاف المشكله . وياه عايله . وتصد للحوافر
ينداس الصرح . من جرح الجرح
هدهد كربله

……………………………………………………………


هذا الخبر يا فاطم . يهز الميت ابعرشه
شفت طير ابيض و عطشان . راح وما اجه العشه

يضوي و فوگه تضوي اعصابته الخضره
طلب ماي وسگوه نبله ابوسط نحره
أصفر نزف دمه و ما بگت گطره
المثله امهنه يلعب مو وسط گبره 

يا هدهد احس . اوصافه نفس . عبدالله الاودّه
لو هو صدگ . الوالد يختنگ . ويموت اعل امهده
النسمه اعليه تشح .. من جرح الجرح
هدهد كربله

……………………………………………………………


يبت الزهره اسولفلج . اعل فارس حيراني امره
بيده الماي ما شرباه . وگلبه امن العطش جمره

عبّه النهر كله ابجربته و شاله
مستعجل يريد ايشرّب اعياله
درع للماي انطه اليمنه و شماله
ذبحوا جربته و انذبحت آماله

هدهد هالخبر . اتراوالي الگمر . عمي الكله غيره
عمي و اعرفه . يتنفس وفه . سگاي العشيره
مثله ما يصح .. من جرح الجرح
هدهد كربله

……………………………………………………………


منظر يا عليله هناك . خله الروح تتعصر
مره هيبه ابعمر خمسين . تركض والجدم يعثر

وراها السوط يركض بالمتن يلسع
و ضرباته ابعبايتها بگت تطبع
بنات اصيح عمه و يمها تتجمع
تحميهن و هي التظل تتوجع

صبت دمعتي . خافن عمتي . نهر الرحمه هيه
والبيها احتمن . خيّاتي اضن . سكنه وهم رقيه
عمهن منطرح .. من جرح الجرح
هدهد كربله

……………………………………………………………
✍️ ( سيد خضر الزاملي )
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

نزلة للعليلة
...............
يالكوطرت بضعونك
تمشي وتدير عيونك

.................

يلي مشيتوا بالضعن ووحيده عفتوني
اركض وراكم حافيه والدمع بعيوني
هاي انه بتكم فاطمة يا هلي تانوني
والضعن ابعد يل اهل ما ظن تسمعوني

يا قلبي ميسمعونك
تمشي وتدير عيونك

..................

اشلون ارد جا بيش ارد والدار شيطبها
والدار توحش يا هلي لو رحل صاحبها
تدرون اذاني المرض والروحي تاعبها
وافراكم فوك الالم من عندي سالبها
والدار موحش دونك
تمشي وتدير عيونك

.................

يحسين يابويه الكلب جنت انته نبضاته
وتارس حنانك ريتي واشتم بنسماته
هسه انه احس ابلا نبض والهوى اشثكلاته
والليل يذبح من يجي يكتل بصفناته

يا ليل عتم لونك
تمشي وتدير عيونك

...............

اجفوني احسهن ذبلن من كثر دمعاتي
وبراسي وبهذا العمر بينت شيباتي
يا بويه مشتاكه لعلي وعمتي واخياتي
شيردها هللمه بعد وتروح لوعاتي

واتوسط اعلمتونك
تمشي وتدير عيونك

....................

كد ما اناطر للدرب وليه النظر شابح
وجهي تشكك يا هلي من الهوه البارح
وانحب واصيحن عل ضعون الجاي والرايح
والصوت بح يا والدي امن البجة والصايح

ابجي واصيحن هونك
تمشي وتدير عيونك
.............
خادم الحسين
مذكور العلياوي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

السلام على خدر السماء
السلام على ذاك البكاء
*"*
يحسين الطف ماخلالي.
لاكافل لا خله فياي
عطشانه ويرويني حسيني
ما عطشانه لشرب الماي
دهري بكربله خلالي بس اه
الجاباني شعجب ما ارجع وياه
عله بنص دليلي فراكه رباه
كلشي تحميلته الا فركاه

شلونه.... خويه هجرك بالكلب خلاله نيشان
حسره....... اختك الما تنعرف طبت الديوان
خويه... يوم رحتو يخوتي ما ظللي عنوان

غيرتك تقبلها يالغالي.... اه يدلالي....
امشي بالسوك
واليرجبنه السلب خدري... ياهظم دهري...
واركب النوك
السلام على خدر السماء
**
مسلوبه برفجة جتالي.
اي وجروحك توجع حيل
ويسولف جتالي لربعه
هاي اخت المسحوك بخيل
ياخويه صرت واتمنى هيهات
ترجع ليه وتخلص المعاناة
امشي مكيده وبكلبي حسرات
وانه الما رحمها حجي الشمات

جلمه... توجع باليسر وتعادل سهام
زادو.... اخت بالسحك رضوله العظام
كالو..... نأذيها بعد خلوها تحتام
كوم سكتهم يغالينه.... بعينه.....
يأشر لذاك
يكله سولف يوم عاشوره....جثه منحوره
مكطه هناك
السلام على خدر السماء
*
ايتامك طشت بالبيده
شلون اجمعها وكيف تهيد
وشلون نضمد جرحاهم.
ياخويه وبچفوفي الكيد
منهم ما شفت بس دمع العيون
يتاماك بيسر يحسين يبجون
وفوك البچي شمّاتك يسبون
فوكاهه بعد كامو يضربون

سوطه.... اثر خلاله بظهر كل هاي الاطفال
يشتم... على الجلمه الحلوه عاشو موش الحبال
صاحو..... يا حسين عليك نحرك خلص الحال

حيل يوجع هاليسر ضيمه.... بهيمه
تچوي الگاع
خويه حفاي الكبل جانو.... عاشو
برفجة سباع
السلام على خدر السماء
**"""""""
انت الطعنه بأثر الطعنه.
وتطشرت بطف عاشور
وانه الضربه فوك الضربه
خويه سياط عليه تدور
متوني تحولت من الضرب سود
مثل لون العبي صارن يمفكود
بكل ضربه ردت عباسنه يعود
واكله توذرن يا خويه الزنود

وينك.... يا كفيل همومي ياخويه يعباس
اختك.... بالسياط تلوعت وبلايه حراس
صاحت...وين ابو الغيره الكبل ما يرضه انجاس

الدگلي صدره من اطلعت وينه... وينه... راسه مرفوع
ذبنه كلنه من رحل عنه.... ذبنه.
مثل الشموع
السلام على خدر السماء
****
ادخل للكوفه اعله الهزّل
بلا هودج خويه وعرجات
بطبت ديوانه تأذينه
بت حيدر تشبع شتمات
خويه من دخلنه لجور كوفان
راسك عالرمح ما عندي وليان
تتفرج الناس العدنه رعيان
وانه الجان ابوها هناك ريسان

صاحو... هاي بت حيدر علي جتال الازلام
شافو....راسك الفوك الرمح فرحوا يضرغام
نادو..... خارجيه وانه جدي سيد الاسلام

خويه اتباوع ولازلمه.... نحشمه
يدفع اخطار
والنحشمه يفزع علينه.... وبينه
يشعل النار
السلام على خدر السماء
""""*"""""""
خويه الشام شكد اكرهته
بنيتك ماتت خويه هناك
شافت راسك يا بعد امي
ياريت انه الميته وياك
رقيه باليسر ماتت يمذبوح
شافت راسك وخلصتها بس نوح
اليسر يا ابو المحنه زاد الجروح
خلاهه اعله راسك تفگد الروح

ماتت.... بخرابه تندفن مهضومه يحسين
راحت.... ليك احسن يخويه من الدوواوين
بابا..... ما اريدن عيشتي خل يحضر البين

مو رقيه خويه هم خوله..... طفله
.... تموت بسياط
هاليسر خلالي كل ذكره.... حسره
... تگطع النياط
السلام على خدر السماء
##############
ونسألكم الدعاء والتوفيق

لخادم ال محمد(ع).
الشاعر حيدر كاظم الساري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

(( #والعصرِ ))             #محرم_1447
……………………………………………………………

قرآنٌ يقسمُ و العصرِ  (ي)
إنَّ الانسانَ لفي خسرِ  (ي)
إلّا مَن هُم كلُ الفخرِ   (ي)  .. خدام احسين

…………………………………………………………


تجاره الخدمه وي حسين . تربح ابد ما تخسر
تبيع الدمعه گد گطره . وينطونك نهر كوثر
اليلطم صدره عالمنحور . يدخل ملك للمعشر
واليلبسله ثوب اسود . يصير استبرق الاخضر

كل اقرايه . من تحضرها . و اتهل العين
قصر امذهب . تاخذ غادي . من ام حسين

و لمسحِ الدمعِ على الخدِ  (ي)
يزهرُ كـفٌ لكَ بالـوردِ    (ي)
نالوا فعلاً كلَ المجدِ    (ي)  .. خدام احسين

……………………………………………………………


قال المصطفى وكل عين .تبچي بيوم القـ يامه
إلا عين تجري اشطوط . عل شچ الرمح هامه
باجر كل بشر مرعوب . گلبه ايطيح جدامه
ويدخل ببتسامه حسين . و يلگط لگط خدّامه

ويگللهم . اهلا بيكم . انتم عيناي
وشكد تحله . الجنه الخضره . وانتم وياي

رؤياكمُ قد صارت فَرَحا
فنسيتُ الحافرَ و الذبّحا
مرحى و لكم كلُ المرحى .. خدام احسين

……………………………………………………………


مو چلمة لسان و روح . الخادم مرتبه كُبره
نوح امنيته ينزل گون .  ويخسف بالعزا صدره
وابراهيم ينعه يريد . عل طم الرمل نحره
موسى و رغبته رادود . بنص بيت القدس يقره

و عيسى ايخاطب . مريم امه . ريت ترجعين
عمرج يخلص . مو بالمقدس . بتعزية حسين

يعقوبٌ ذا يصرخُ ويلاه
لحسينٍ و أبيضّت عيناه
يدعو احفظُهم يا الله .. خدام احسين

……………………………………………………………


الشعائر حافظه المذهب . الخادم يعتبر جندي
اليطلم چنه لازم قوس . اسهام وللعدو يودي
باجر عازه مال ارجال . و حرب المنتظر تبدي
اكيد امن الذي يلطمون . يشكّل عسكره المهدي

موش اتصفّط . واقع هذا . وذيچ الايام
الحارب داعش . وانطوا دمهم . همه الخدام

من عباسٍ عزمُ الخادم
بطلٌ كالاكبرِ و القاسم
يحيا سورُ الدينِ الدائم .. خدام احسين

……………………………………………………………


الف عين لأجل فد عين .  تكرم مَثل گالاها
الله وچي يحب حسين . كل الخدم حبّاها
الجنه و ملك بسم حسين . ورث للخدم خلّاها
وچي انطوا ثواب الماي . انهار اللبن خلقاها

و الله يگلهم . اهلا اهلا . يهل الدمعات
تكريم الكم . مو بس جنه . كل الجنات

فهنا الخادمُ كالسلطانِ (ي)
في رَوحٍ دامَ و ريحانِ (ي)
طوبى يا قومَ العطشانِ (ي)  .. خدام احسين

……………………………………………………………



شكبرها قيمة الخدام . لسيد جاسم اتفكر
مات و إله ابصحن حسين . گبر امجهز امحضّر
وعبد الزهره و المقتل . من صوته الصخر ينطر
و حمزه و مو صغير اسمه . جبل ظل يكبر و يكبر

بس يخواني . مو بالساهل . وصلت هالناس
حسين وياهم . عايش نسمه . وسط الانفاس

كانت خدمتُهم بالفطره
لم يسعوا من أجلِ الشهره
من نارِ الطفِ بهِم جمره .. خدام أحسين

……………………………………………………………
✍️ ( سيد خضر الزاملي )
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4