حسين عندي اغلى من عافيتي
اربع وعشرين ساعه بريتي
…………………
شلون انسى حسين ذاك الغالي
وهوه ما غايب ابد عن بالي
عودت بي مهجتي ودلالي
حسين هوه وطن قلبي وبيتي
…………………
ماكو دنيا بلا جمال اعيونه
حگه عابس من صبح مجنونه
فكر ما اخله علي يحبونه
امنيتي اشوف اعيونه هسه امنيتي
…………………
أسم ابو الاكبر عطر لانفاسي
ما يفارگني اسمه دوم براسي
حرز لعيونه أنذرت عباسي
بي ولاضاعت ابد تربيتي
…………………
ماشفت لحسين واحد ثاني
مملكة عشكة بسحر رباني
يسوه واحد كل حياته يتاني
منتظرته وخضرت عوجيتي
…………………
أني من دون أبني ما مرتاحة
من سمعت اخبارة كثر اجراحة
وحدة بالغربة واديه بصفاحة
واني اموت لهالحزن تاليتي
…………………
اخر ايام ويموت الخاطر
كونه ضلعي المنهشم بالحافر
وكون روحي لكربلاء تسافر
وانثر ادموعي بكثر حنيتي
…………………
بية ساعات الاجل معدودة
وادعي كون حسين ربي يعوده
وكون يمي فاطمة وموجوده
تستقر انفاسي يم غاليتي
…………………
ننعى اني وفاطمه الحزنانه
والعيون من الدمع تعبانه
يمي زينب بالحزن ذبلانه
واني ابجي وبالصبر تعزيتي
…………………
الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

العليلة


انت مسافر بوية واني على وشك الموت
ارحل بعدك و يشليوني بوية بتابوت
يا بوية حسين يا بوية حسين
ــــــــــــــــــ
خضر كلشي بداري
واني انتظرك طاري
والموت اني من الاه يتانيني

موتي اليترصدني
ما كف يسئل عني
كلساع اوكع بيه تغوش عيني

عيني تغوش كلساع أشعل شمعه
ويمطر جفني دمعه وتلحگ دمعه
صار هواية وتخلص جمعه و جمعه
ودونك بوية تضيك الدنيا الوسعه


يا غربة وجهك يا بوية يافي البيت
يا خيمة ويمدلل بنتك وشما ضحيت
ودموع العين يا بوية حسين 
ــــــــــــــــــ
طبعت أيدي بخدي
واني انتظرك وحدي
گدما انتظرك يا قلبي ونبضي

بية الحيرة أولاية
أمرايه تشوف أمرايه
اتخيل ترجع يا ديني وفرضي

حرت بأمري وما متعوده الحيرة
وينك بوية كلساع اخذ خيرة
والهاضمني بكل عقلي وتفكيرة
انت بديرة وغربة واني بديرة

بيا كاع انته واني انتظرك على حر النار
لهاي اللحضه لأجلك باقي فكري المحتار
حيرة قلبين يا بوية حسين
ــــــــــــــــــ
اشتاگلكم اني
ويا فرگة خواني
يالماخذتوني وضليت لوحدي

بويه عليكم خوفي
والكم تبجي جفوفي
ومن ارقيه ضلت ذكره العندي

خوفة قلبي جن طيحة ترجية
وتنغز روحي من اذكرها رقية
ليش اتخيل ضاعت لا ماهية
خرزة سبحة وظعنك صارو ميه

ما أوصيكم بوية عليها تره قلبي يروح
اكثر وحده تعيش بروحي تموت عليها الروح
ورقيتك وين يا بوية حسين
ــــــــــــــــــ
بوية انهلت الهلله
لا يعطش عبدالله
بالهودج فيّ من الحر لا يضمى

من يتعب بالسفرة
انخى تحضرة الزهرة
هيه تلوليلة والتحضر يمه

ما يتحمل جسمة وروحه الترفه
لا لا يتعب لا عطشان ويغفى
من گد حرصي بويه وانته تعرفه
هاي اوصيتي حرز اكماطه وجتفه

لف عبدالله بوية بحضنك لا نوره يشيع
شذره محبس بس لا يوكع من ايدك ويضيع
احرص غالين يا بوية حسين 
ــــــــــــــــــ
بدعه قلبي اليتعب
ما وصيك بزينب
هاي النبضه الجوه ضلوعي وصدري

هاي امنه كل حنه
بعده الزهرة تلمنه
تنطي سنين وما كالت لا عمري

تبرد هية وتغطينة بحبها
حنينه ام عون وجنها فاطم امها
يا غربتها وياهو الباجر يمها
الله يخليها والله يسلمها

اكثر من قلب الام هية وحنينه هواي
وسوالفها لمن اعطش وشلون الماي
وتوزع سنين يا بوية حسين
ــــــــــــــــــ
الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

العليلة

بوية گلي من المدينة شايلين
حيل مهظومة وحزينة يالحنين

ــــــــــــــــــ
وين هاي النوگ بلله محمليها
وشايلين من المدينه وعايفيها
ليا بلد يا بويه گلي الگاصديها
واني هم تاخذني يالغالي اعتنيها؟

راح اهيئ نفسي وامشي يامعين
حيل مهظومة وحزينة يالحنين
ــــــــــــــــــ
گمت الاحض بالوجوه وقلبي يلهب
ياهو اليباوع علية يگوم ينحب
بين تفكيري وسفركم كمت اتعب
ومدري ليش انكسر قلبي لعمتي زينب

ابد ما مرتاحة عمتي شگاصدين
حيل مهظومة وحزينة يالحنين
ــــــــــــــــــ
مثل ميت هاي اول ليلة الية
بوية گلي يا عزيزي شلون بية
جمرة الدلال تبدي المغربية
عاد خلو يمي بس اختي رقية

خاف تبطون بسفر ومطولين
حيل مهظومة وحزينة يالحنين
ــــــــــــــــــ
بوية من تمشي احلفك بالغوالي
مرني حتلو بالحلم مر اعله بالي
يشيب بفرگاك يا بوية خيالي
وين يا بوية وتكلي انتي تعالي

كون الي تودي علي يگلي تجين
حيل مهظومة وحزينة يالحنين
ــــــــــــــــــ
هو مو شرط العيش بديرة غربة
الغربة البنص الوطن دون اهله صعبه
النار تبدي تلوح قلبة مثل خشبة
ونهر ما يطفي اللهيب الي يتعبه


بقلبي ما يطفى اللهب من الونين
حيل مهظومة وحزينة يالحنين
ــــــــــــــــــ
خاطري لا مو جنح طير وتكسر
وصار من اعيوني ينزل دمع احمر
اه يا وحشة غيابك بية تكبر
لو ترد أسنين عمري بية تزغر

من اشوفك عمري يرجع والسنين
حيل مهظومة وحزينة يالحنين
ــــــــــــــــــ
بوية وديلي رسالة من مجانك
يطمئن قلبي إذا اشعر حنانك
خلني بالبال وعلى طارف لسانك
انت يا سيد عرش قلبي وزمانك

بوية وديلي قميصك طمئنين
حيل مهظومة وحزينة يالحنين
ــــــــــــــــــ
الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

گدها انته وگدود بالطف ضحي بزنود
يوليدي يعباس

**
ابسمه حسين يعباس گمر وديتك
ضحي بزنود بالعهود تره وصيتك
وفه وخلاص ينوماس نه غذيتك
شمر جفوف على الجود أنه ناديتك

يستاهل تره حسين يبني ضحي جفين
يوليدي يعباس

.....
من ترحلون للطفوف حيادر كلكم
اربع ابدور للحسين بنين انذركم
صگر ويحوم على الروس تره واحدكم
ليوم الطفوف يالاولاد علي ذاخركم

هدو بالميادين وحموها النساوين
يوليدي يعباس

....

فوگ الضعون يعباس ترف الرايه
گبرت اني للطف زلم وفايه
يا ابو الجود يموعود تضل تچايه
للنهر روح تره اضماك يخوف مائه

من الخيمه مرسوم يصدر للنهر گوم
يوليدي يعباس
...

أشمر زنود أوصيك لجل خدر اختك
راحت أوياك يعباس تلوذ ابختك
هودج النور تحاميه گمر من شفتك
أسد معروف بالحروب فخر سالفتك

ترسم بالخيم ماي تكتب اني وفاي
يوليدي يعباس
.....

ها ينوماس يعباس يرافع راسي
من اصد ليك اناديك هلا بعباسي
من ترحلون بالاحزان اجر أنفاسي
دمعتي هاي للحسين يغالي تواسي

اصرخ يلي ماشين ماتغمض تره العين
يوليدي يعباس
....
علي محسن الفرطوسي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

#النبي_اسماعيل_ع_صادق_الوعد
الذي ورد ذكره في سورة مريم


صادق الوعد اعتنه لطّف كربله
واسى بدمـــــــــاه الدماء السايله
بين المجاتيل يالنبي اسماعيل
***.
ابتدت بالطف قصص للأنبياء........كلها جاباهه الحزن يم كربلاء
كلها سالت عالنحر اطهر دماء....من بجو سالت دمه عين السماء
والمصاب الجاباهه بذاك الالم........خله كل مرسل دمعه ويه دم
دم طاهر يسيل.................يالنبي اسماعيل
**.
الله وداه لبشر ماعدهه دين......عبدوا اصنام ورضوا ذل المهين
ناصح تعناهم شلون الحسين..........استوحدوه بغربته بلا معين
عليه دار اهل الكفر ولــــوحدّه......... لا اخو لا يمه ناصر ساعده
والكافر يعيل............يالنبي اسماعيل
**.
على الناس تنصب الطاغي اله.. رفضت دينه وهالفعل لا ما رضاه
من عذاب الله وسعيره حـــــذراه......صار مثل ابن النبي ما بايعاه
ما ابايعهم قسم بابن الفحل.......... حتى لو بسيوفه اتحول وصل
ما بيها تأويل...........يالنبي اسماعيل
****

تحمل لدين العلي كل العذاب..... شاف دمه يسيل يا عظم المصاب
واجـــــــــــــــــه وحي الله ويرد الجواب
ردت اواسي حسين دامي اعله التراب
ما وطت خيل الكفر فوك الظهر........ولا الي نسوان راحت لليسر
يل همك ثجيل.........يالنبي اسماعيل
*.
ينسلخ وجهه ودمه منه يسيل.....وجلد راسه بخنجر الطاغي يزيل
نزل ليه الوحي من رب الجليل........هالعذاب الهم لون رايد احيل
ردت اواسي بالدمه خير العمل.....شنهو قدري لو دمه راسي نزل
حزنك تراتيل..........يالنبي اسماعيل
***.
وي ابو صالــــح ردت هاي العهود
وي الحسين ارجع ردت يارب اعود
اخذ بثار الذي بدمه يجود........ واعلن هناك النصر ضد الجحود
يرجع وي حسين وبثاره يرّد......... تحمل انواع الام لاجل العهد
ولسيفك تشيل.......... يالنبي اسماعيل
***.
ونسألكم الدعاء والتوفيق
لخادم ال محمد(ع)...........
.....الشاعر حيدر كاظم الساري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

نعي ليلة السابع من المحرم

***
يا عيني هلي لها الفجيعه
اعله الطايح بصف الشريعه
جفوفه غدن يمه گطيعه

والراس صار بعمد مصيوب
وحسين بالعباس منيوب
چم دوب يهمل دمع جم دوب
ومصابه اخيه يفت الگلوب

عباس ما يوجد مثيله
چان الكمر ويضوي ليله
ويلي الاخو زايد عويله

اعله حزام ظهره وراح الحزام
وجان الدرع لحسين جدام
ظل صدره خالي تصيبه السهام

وظهره انكسر من طاح اخيه
يتمنى تدناله المنيه
عباس خويه الحك عليه

مو وكت نومه اعله الوطيه
اختك تصيح شلون بيه
عگبك يودها سبيه

وعالهزل تمشي الهاشميه
وتدخل لديوان ال اميه
خلافك يسبها ابن الرديه

عبدالله عگبك يشرب الموت
كاروكه خويه يصير تابوت
سكينه تشوفه وتصرخ بصوت

عمي يعباس ذبحو اخيي عمي عباس
الدرع والطاس انهض وولم الدرع والطاس
تشمت الناس عمي ببونه تشمت الناس

كالوله جيشك طاح يحسين
الجان بوجودك حجي بزود
شو صار ابونه حجيه بونين
وبطرف عينه دمعة العين

سكينه ويه الكمر عاشت يهلها
وتشوف حسين دمعاته يهلها
صاحت واعولت حضروا يهلها
انذبح عباس ليث الغاضريه

بواجي تكت دمع جانت علمها
واجه الطف وانذبح بيها علمها
آه شلون من طايح علمها
تصيح اليسر هالگرّب عليه

راح الچان لعياله يسرها
عسر ما شافت وشافت يسرها
هوه وتكنطر تدنه يسرها
وبدت آثار سوط الهاشميه
######**

ونسألكم الدعاء والتوفيق

حيدر كاظم الساري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

شسولفلج ييمه وشحجي يا آه
انه ذاك الطحت محد بكه وياه
جروحي صارن هوايه
طحت بطيحة الرايه
.****
اجيت ومستند ظهري
ما اهم لغدر دهري
وال بظهره جبل ما يخشى كل ريح
ابو فاظل كمر ليلي
ييمه بيه اشد حيلي
وابو فاضل بصفي والله مـــا اطيح
اخوي وتچوتي وحزام دنياي
مـا اهم للعده من هو وياي
حامل رايتي وبالحرب يمناي
علّي ظلمه ييمه خلافه دنياي
من يروح والله عسكري يروح
ييمه وابقه جثه وراحت الروح
عضيدي والي التجايه
طحت بطيحة الرايه
**
لو طب يحكم بكيفه
الحرب كلها بطرف سيفه
مثل حيدر علي ما هاب الارتال
مكبل محد يكــــــــدره
اخذهم عسكرهم بصدره
ومن يفزع فلا يدناله خيّال
لو صال العساكر تشعر بخوف
يزهره لوحده يزلزلها الطفوف
ما همه الرماح وضرب السيوف
ليث وبالحرب عباس معروف
لو ما هالغدر يفنيها عباس
سهم بعينه يمه وطبره بالراس
والهم بالغدر غايه
طحت بطيحة الرايه
***
گصد وبيمنته الجربه
الكمر ما يعرف الصعبه
كاصد للشريعه ورايد الماي
وصل بس ما شرب مايه
اخيي بالوفـــــــــــــه ايه
يبست كالحجر شفة السقاي
وصل حد الشريعه يروّي العيال
وصل لكن وصل يا ييمه ياحال
ضامي ولجبدته العطش جتال
ما ضاك العذب رواي الاطفــال
العنده هيج اخو كل عمره مامون
مـــا يهتم لون الاف يكصون
فكدت الما شرب مايه
طحت بطيحة الرايه
*.****
اخوي وريته بصفي
من اوكع ليه امد جفي
المايمه عضيده يموت ملجوم
يقرالي ويجبلني
وبراسي يقبلني
واخلافه السيوف لمنحري تحوم
طحت يمُه وحيد وماكو عباس
خلافه استوحدتني جيوش الارجاس
راح الجان جيشي ورفعة الراس
طاح وبكه خدري بلايه حراس
طحت واسمع شماته يمي يحجون
اخوه مذبوح منه لاتهابون
موتي ولاهالحجايه
طحت بطيحة الرايه
*.****
ييمه الراح من عندي
وحك محسن فطر جبدي
كِسر ظهري وسلب من عندي الحيل
عليه تحاوطت كلها
فكد عباس چملهـــا
طاح وعكبه داست صدري الخيل
عزيزج انه يمه وكرة العين
طحت عكب الكمر بين الميادين
لويمي الكمر ما يوصل البين
وما واحد وصل يم راس الحسين
بعد شحجي وشسولف والكمر طاح
راح وطحت بين سيوف ورمـــــاح
وبعد من يبقه ويايه
طحت بطيحة الرايه
.**
نسألكم الدعاء والتوفيق


لخادم ال محمد(ع)........
..الشاعر حيدر كاظم الساري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

(#خلقت_من_الوفاء )        #محرم_1447
……………………………………………………………

للوفاءِ قالَ ربُ العالمين
كُن فكانَ الحرةُ أمُ البنين
خُلِقت للسبطِ  تنعى .. غيمةٌ تمطرُ دمعا

……………………………………………………………


انخلقت و چان اول عمل
منها الدمع يركض نزل . و أحمّرت العين
الرب أذن الها و حچت
اول عِباره اتكلمت . يحسين يحسين

گالتها و السابع سمه . چن صارت احسينيه
مريم و ساره اتجمعن . وانعقدت اللطميه
اصدر حكم رب السمه . تحضر شكو حوريه
كل وحده منهن تنحي . اتسلّم على البدويه

مِن يديّها خُذنَ يا حورُ المُراد
هذهِ بابُ الدعاءِ للعباد
لرِضا الزهراءِ تسعى .. غيمةً تمطرُ دمعا

……………………………………………………………


ناده الله يا فاطم تره
خلقيت الج هاي المره . بمچانج اتكون
اتخاف اعل ولدج تلچم
الخاطرهم اتعوف الاسم  . كلشي الهم يهون

خدامه لحسين و حسن . لا مو شريچة الـ أمهم
اتحس راسها ابعلو الجبل . لو صاحوا و تخدمهم
تركت اهلها الـ بالبدو . و لا ليله راحت يمهم
امن اتعوف دارج تختنگ . ولدج هوه وتشمهم 

سرعةٌ تأتي كبرقِ في السماء
حينَ يحتاجُ الحسينُ شربَ ماء
زمزمٌ يأتيها طوعا .. غيمةٌ تمطرُ دمعا

……………………………………………………………


طبع النسه اتربي الوِلد
ايحضرونها اجنازه ابلحد . ايهيلون التراب
بس هالمره ابخاطر سمح
ربّتهم اليوم الذبح .   ومنتظره المصاب

كل هذا و اتحس بالخجل . وتگول خاف امقصره
ما يوصل الاربع زلم . من ابن فاطم شعره
لو عندي من عباس الف . والكل اشوفن نحره
وما اكتفي الا انذبح . وانوي بثواب الزهره

ليتَ تطحنُ صدري آلافُ الخيول
و يظلُ سالماً أبنُ الرسول
و لهُ اصبحُ درعا .. غيمةٌ تمطرُ دمعا

……………………………………………………………


من سمعت ابزينب أجت
تركض و حافي اتوجهت . تشهگ بالانفاس
صاحت يالحسين الولي
اتلگتها تلطم بت علي . و صاحت يعباس

ياريت يازينب صرت . ابدالج أنه اليسبوني
اتسلمين أنتي وخل الف . سوط اليورم امتوني
يابعد طولي و مو حجر . ريت ابسهم ضربوني
وابدال امج فاطمه . انا وهلي ايشتموني

ليتَ حبلَ الشمرِ في كفّي حديد
يأكلُ العظمَ و يقطعُ بالوريد
دونكِ الأيتامَ أرعى . غيمةٌ تمطرُ دمعا

……………………………………………………………


واتوجهت و بكل فخر
واتگله يوليدي الگمر . عفيه يعباس
مشكور يابو الغانمه
باجر اطب يم فاطمه . مرفوعة الراس

چفوفك الطاحن عالأرض . رفعني يم النجمه
بيك اكشخ بيوم الحشر . وبجربتك متشيمه
ايهود ونصاره و مسلمه . اعليه ابغدن ملتمه
لو هيجي لو مامش ولد . هنيالج الـ هالنعمه

هل رضعتيهُ حليباً أم وفاء
هوَ درعٌ كانَ للجودِ فداء
فهوَ و الجودُ صرعى . غيمةٌ تمطرُ دمعا

……………………………………………………………


سوّت لبو اليمه گبر
انهار ومسه يمه اتحضر . و اسلم اعليه
رغم الگبر رمزي و رسم
اظل تلزم اترابه وتشم . واظل تحاچيه

مو ثلث تيام العزه . يل جثتك مگلوبه
يوليدي فاتحتك تظل . ليوم الحشر منصوبه
ارفع ابچادر هالعزه . قطعه ابدمع مكتوبه
هذا عزاء المنذبح . و ذباحه ماخذ ثوبه

عندي أولادٌ بأعدادِ الألوف
يلطمونَ الصدرَ حزناَ للطفوف
دولةُ الخدامِ تُدعى . غيمةٌ تمطرُ دمعا

……………………………………………………………
✍️ ( سيد خضر الزاملي )
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

((#غراب )).             #محرم_1447
روايه في (بحار الانوار) ج45 . ص172 . تقول: أن غراب ملطخ بالدماء جاء الى دار العليله بنت الحسين يخبرها بمقتل اهلها
…………………………………………………………

غُراب املطّخ ابدم المصيبه
ابوسط دار العليله اظهر نحيبه
يعلويه الروايه .. هلج صاروا ضحايه
مصيبه .. مصيبه 

……………………………………………………………


يعلويه الابو الخلّاچ . بلسانه العطش يغلي
گال وبي يحز السيف . ابنيتي اعليها سلملي

يعلويه بكثر نجم السمه اجراحه
الجسد گاع و عليه انشتلت ارماحه
و تتعارك خناجرهم على اصفاحه
ابهيده ابهيده يذبح بيه ذباحه

ابوج ابموتته محد يشبهه
السيف أمن الگفه و عالرمل وجهه
يردد نحره آيه .. هلج صاورا ضحايه
مصيبه .. مصيبه

……………………………………………………………


ابوج وراسه صح عالي . دوم و مرتفع حاله
وهسه انحمل مو بچتاف . يعلويه الرمح شاله

بذاك الصدر يامه و يامه ألج  شبگه
هسه اضلوعه فوگ الظهر منطبگه
ثجيله اخيولهم و اتغمّج السحگه
حديد الحافر و نحر الابو ايحرگه

الخيل اويه الجسد عدهن عداوه
بحيث اويه الارض كلش تساوه
ابرجلهن ظل بقايه .. هلج صاورا ضحايه
مصيبه .. مصيبه

……………………………………………………………


جنتي ابلهفه تشتمين . يتفاوح عطر ثوبه
وهسه اعل الرمل عريان . ابوج اهدومه مسلوبه

چفوف القبليتيها بالف مره
الاصابع بيها ظلن تسعه مو عشره
طمع بالمحبس السلاب و الشذره
قرر خنصره بالخنجر ايبتره

ابوج ابين نارين و تعذّب
الشمس فوگاه وحدره الرمل يلهب
ألم وبلا نهايه .. هلج صاروا ضحايه
مصيبه .. مصيبه

……………………………………………………………


أخوچ الطفل عبدالله . تره موش ابوسط مهده
موش اعل الوساده اينام . صار اعل الرمل خده

خذاه الهم ابوج و يشرب ايريده
سگوه مو ماي نبله و گصّت أوريده
فل أگماطه گام أيرفرف ابأيده
أبوچ ومات الف موته على اوليده

ابحضنه و ظلت ابنحره نبلته
اذا طلّعها خاف أتگص رگبته
زغير اعل المنايه .. هلج صاورا ضحايه
مصيبه .. مصيبه

……………………………………………………………


بعد مامش لخوتج صوت . لا جاسم و لا الاكبر
واحد حنته امن ادماه . واحد عالثره امطبّر

عمج عِطش بس ما فكّر ابحاله
كل احساس عمج يوصل اعياله
مثل الكنز جوده و درع سوّاله
فده ينثر عليه يمناه و اشماله

ابسهم عينه كتب عذراً يزينب
عفت گلبج يخويه ابعطش يلهب
جرح چلمة سبايه .. هلج صاروا ضحايه
مصيبه .. مصيبه

……………………………………………………………


خواتج و المخيم نار . جمر يمطر اعل اعبيهن
سوط الشمر چن ناعور . رايح راجع اعليهن

يأذيچ الخبر هذا يعلويه
زينب عمتج تركض و محنيه
ساعه بشوچ ساعه ابجمره مچويه
مو علويه صار الاسم مسبيه

وي عمج سوه ذبحوا خدرها
من خمسين ميه اصبح عمرها
خيال اعليه عبايه .. هلج صاروا ضحايه
مصيبه .. مصيبه

……………………………………………………………
✍️ ( سيد خضر الزاملي )
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

(( #هدهد_كربله ))         #محرم_1447
……………………………………………………………

هدهد كربله . بجنحانه اعتله . و اليثرب رحيله
بخبار الضمه . وجريان الدمه .  كاصد للعليله
يبدي ابيا ذبح .. من جرح الجرح
هدهد كربله

……………………………………………………………


اجه جايب مصايب كون . ولگاله امصيبه تنتظره
لگاله أبنيه رفع العود  .  سواها المرض صفره

احتار ايحوّل احذاها و يداويها
و يمسح جمر دمعتها التچويها
لو ينعه و يشاركها ابنواعيها
اعل اهلها الخلصوا كلهم يواسيها

اتصفصف ما گدر . يخبرها الخبر . واتخورس لسانه
يسكت بس بچي . لو يبدي الحچي . واحتاره بزمانه
مظلم هالصبح .. من جرح الجرح
هدهد كربله

……………………………………………………………


حچه بالرمز مو تصريح . لان ما عنده كل چاره
لان جلد و عظم و يخاف . تموت بأول اخباره

شفت واحد يگلها امن الگمر احله
عليه سيف الذبح يا فاطمه اتخلّه
وانشچ الرمح بالراس و اتعلّه
ويدير ابعينه لخته الصعدت التلّه

ياهدهد اضن . هذا ابن ام حسن . ذبحوه الاعادي
هدهد خوفتي . بس لا عمتي . اعليه طلعت تنادي
گلبي اعل الرمح . من جرح الجرح
هدهد كربله

……………………………………………………………


يبت حسين مدري شلون . أنقل الج هالمنظر
شفت جثه بلايه اهدوم . و آه اسمع امن المنحر

وشفت عشره اعوجيه و بالركض هدن
يسحكن بيها ظلن ابد ما ملّن
بضلوع الصدر رحة عرب طحنن
مرواح و بگن بوصالها ايذرن

لتكمل بعد . دلالي انمرد . ما اكدر اصابر
خاف المشكله . وياه عايله . وتصد للحوافر
ينداس الصرح . من جرح الجرح
هدهد كربله

……………………………………………………………


هذا الخبر يا فاطم . يهز الميت ابعرشه
شفت طير ابيض و عطشان . راح وما اجه العشه

يضوي و فوگه تضوي اعصابته الخضره
طلب ماي وسگوه نبله ابوسط نحره
أصفر نزف دمه و ما بگت گطره
المثله امهنه يلعب مو وسط گبره 

يا هدهد احس . اوصافه نفس . عبدالله الاودّه
لو هو صدگ . الوالد يختنگ . ويموت اعل امهده
النسمه اعليه تشح .. من جرح الجرح
هدهد كربله

……………………………………………………………


يبت الزهره اسولفلج . اعل فارس حيراني امره
بيده الماي ما شرباه . وگلبه امن العطش جمره

عبّه النهر كله ابجربته و شاله
مستعجل يريد ايشرّب اعياله
درع للماي انطه اليمنه و شماله
ذبحوا جربته و انذبحت آماله

هدهد هالخبر . اتراوالي الگمر . عمي الكله غيره
عمي و اعرفه . يتنفس وفه . سگاي العشيره
مثله ما يصح .. من جرح الجرح
هدهد كربله

……………………………………………………………


منظر يا عليله هناك . خله الروح تتعصر
مره هيبه ابعمر خمسين . تركض والجدم يعثر

وراها السوط يركض بالمتن يلسع
و ضرباته ابعبايتها بگت تطبع
بنات اصيح عمه و يمها تتجمع
تحميهن و هي التظل تتوجع

صبت دمعتي . خافن عمتي . نهر الرحمه هيه
والبيها احتمن . خيّاتي اضن . سكنه وهم رقيه
عمهن منطرح .. من جرح الجرح
هدهد كربله

……………………………………………………………
✍️ ( سيد خضر الزاملي )
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

#محرم  الحرام١٤٤٧-ه
# الليله العشره
____
عله صوتي يمه متعود اناغيك  وتناغيني
حاجيته السهم جا ليش تدري يذبح سنيني
يبني الماخطر عله البال خذاك الموت من عيني
اهز بلمهد وابجبي واكول بحيره لا تخليني
نارالفراكك  تجويني
نازل دمع من  عيني
حيل اتعب الفركه
واول مره تجافيني
نايم لكيته.  بهيده اجيته
حسبالي نايم الولد
اكعد والولي.  ميت كلولي
اشوفه نام وما كعد
***
افزن يمه تالي الليل اللولي والمهد خالي
اسمع صوتك واركض و حلم هذا يتراولي
يايمه حالي من فركاك سعفه بالهوه العالي
يكبر جانت امنيتي مات وماتن  امالي
بليل افز وماهو انته
ركضت عالكاروك وشبكته
اقنع روحي بدللول
بقيت اون انا بلسكته
صوتك اسمعه .وتجري دمعه
عليك ابجي وانته غالي
بهداي اهزه  . ابني شمعزه
اهز بلمهد بس هوه خالي
****
اجذب موتك بعيني يايمه ما مصدكته
اول مره هيج اتنام  نومك صاير بسكته
حضني دافي يايمه برد من انته فاركته
حار السهم لمن جاك مو حضني وشبكته
كمت ما اصدك اليحجون
وعنك ميت يكولون
بعيني اشوف وما مصدكه
وميت بله كلي شلون
بعيوني شفته.      ابني وعرفته
زغير مو وكته الرمح        
شفتيه يلالي    .   والرمح عالي
ياهو ذبح وجه الصبح
***
بعده يمه ماكايل وبسرعه اجه اوداعه
يبني ويانضر عيني وعيني ماغفت ساعه
اخاف اغفه و تكعد انته ويحل وكت الرضاعه
يمه عالرمل نايم ليش وقلبي هاجت اوجاعه
ريش النعامه والكطن
ركبته اتعرف من هذن
ازغار كلش عله السهم
نحره وريده اتكطعن
صغيره ركبته.    جيت وشبكته
ترفه مو مالت ذبح
بيهه اشمه.      ومسحته دمه
وزغيره حته اعله الجرح
__
لخادم الزهراء ابو فاطمه
_
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

#محرم الحرام ١٤٤٧ه
#اليله العاشره
__
انا وجروحي ونحيبي
انا صح زغيرة لاكن شفت بس ضيم وعذاب
يا هو مثلي زغير عمره نايم ووساده التراب
انا وجروحي ونحيبي
اركض  من خوف وحدي محد يكلي تعاي
راح ابوي الجان اليه ستر وخيمه وفياي
كلشي راح.   راح مني اعز غالي
كلشي راح.   وراح كل عزي ودلالي
مسبيه انا وهم أسيره
عشت حيره الاهي حيره
****
هاي وحدها حيره
اطع من الخيمه اركض خاف لاتحركني نار
الجمر بك كتر صاير يحرك اجدامي الزغار
هاي وحدها حيره
اجفوف ايديه ازغار كلش والحبل كلش جبير
شما ردت ارفع جفوفي معصمي احمر يصير
بكل مكان.  تارس الكاع الجمر
بكل مكان.  بسوطه يضربني الشمر
المثلي هسه كون اميره
عشت حيره الاهي حيره
****
شفت بعيوني عذاب
جابون النوك وبجينه وكالو صعدو عالهزل
هسه لو عله النوك سهله وجتفو ايدنه بحبل
شفت بعيوني عذاب
تمشي بينه النوك نغفه ومن تميل انرد نفز
اه يا ثكل السلاسل بلجدم كامت تحز
كتله اوكف. عيوني ذبلها البواجي
كتله اوكف. كام جر مني التراجي
يتيمه انا وهم زغيره
عشت حيره الاهي حيره
****
اخر مصيبه هايه
اوجوهنه متغيره كلش من كثر حر الشمس
تلكونه بطبول وهلاهل جن عدهم زفه عرس
اخر مصيبه هايه
كعدت من نومي ابجي حطو كبلي طشت
وصرخت ماريدن اكل شالو الغطه وشفت
هذا ابوي .شفت راسه وشغت
هذا ابوي . انضرت بعيونه ومتت
معقول لموك بحصيره
عشت حيره الاهي حيره
_
لخادم الزهراء ابو فاطمه المالكي
____
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

#محرم الحرام ١٤٤٧-ه
# الليله التاسعه
#لعلي الاكبر

_
يجمالك كلشي عابر ماكو مثله
وشايل  الوان السمه بوجه كله
علي الاكبر حته من الكمر  احله


جمال الله أحله من الكمر وجه
جمال الله شرد اوصفه جنه ورده
جمال الله كل جمال الكون عنده
جمال الله يضوي من الصور خده

مولاى اكبري .    العشق الأزلي
أحله من الكمر و من الصوري
عشق الأكبري.     يجري بدمي
عقلي والكلب بسمه هم ينجلي

**
شايل الفقار بيده ومن يطب
ولو هجم علجيش يكلبها كلب
يخزر بعينه ويوكف كل كلب

شايل سيف طكته شبه الزالزل
شايل سيف يشتعل نار من يقاتل
شايل سيف ما وكف جدامه راجل
شايل سيف شبه عمه أبو فاضل


يسطر بلزلم.     منه هم والنعم
وسيفه يشبه هم  مو بس بالأسم
إلزلمه بلزلم  .  چيه صارت ردم  
وحيو الاكبري  وحي الله الشهم
**
لحروره البسيفه مثل عمه الكمر
وبجدمه داس اعله لزلم لمن عبر
الجيش بعينه  يوصفه قطره بحر

سوه نصين بالجيش كله من يضهضب
سوه نصين مثل جده شطر مرحب
سوه نصين سيفه مايرد مثل المعزب
سوه نصين ملثم ومن لثامه محرب


بجفه العلوي.  حرورت هاشمي
يكطع بالركب جي جده علي
سيف الاكبري . كفون من علي
لا ماله شبه جفو الأكبري
**
خله كل الجيش يركض من يشوفه
وكل جدم كل عسكر بي خلاله خوفه
واليشرد يرد دايخ بسطرة جفوفه

هوه قتال دوم اشوفه بيده رأيه
هوه قتال طكته بثكل  الحجايه
هوه قتال  ليله لعلي الكبرتقرا ايه
هوه قتال جاب العلكمي وكل مايه

هوه يرتجل.    مثل ابو الفضل
جدامه ركض ماوكف كل رجل
من كثر القتل.   سيفه مايمل
من هذا الفتى لحسين الشبل
__
لخادم الزهراء ابو فاطمه المالكي
__
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

#محرم الحرام#محرم الحرام ١٤٤٧-ه
# الليله السبعه
..........................
# محرم الحرام١٤٤٧-ه
# الليله الثامنه
# لمولاي القاسم
__
يشبه عباس بريشاته
هيبه وطوله شمحلاته
شاب تخوف خزراته
يشبه عمه الكمر
القاسم يامحلاه اعلومه
صكر و يفتر علحومه
الاكه ايذب هدومه
تيه وين المفر
يهوى السيوف يكتل الألوف   عليهم يطوف جفه شحلاته
عنهو يقال وكت النزال مشرد الرجال محله صفاته
الشارد جدامه  وراجف
من عنده شكثر خايف
شابع ركض بلحومه
والقاسم بعده واكف
الشارد والابد
ما خله واحد
والشاف اعيونه
ضل يركض شارد
*
زلمه وطالع من زلمه
معلم محد امعلمه
وبصوته حسين ايحشمه
ابن اخوي الكلف
الحسن خلف أمثاله
زلمه ومحد يدناله
شرد خيل وخياله
وكاتل جم الف
ليثآ يكر يسطر سطر زلمه اليفر من جفه شارد
مر بلرجال مثل الخيال  يكتل محال ماخله واحد
يگطع بروس القاده
محد واصل لعناده
الحرور بسيفه تموت
ياويله الي يتماده
هنياله هنياله
الحسن بفعاله
عاف العركه
شد شسع انعنله
*
وارث حيدر بفنونه
كل الجيش ايهابونه
تكتل خزرات عيونه
جدامه الكل تفر
القاسم لو ذب الثامه
ياهو اليوكف جدامه
معلم يطبر عل هامه
عليهم من يكر
وكت الحرب يهوى الضرب منين الدرب يردم
واحد بواحد
من ارتجز  بسيفه برز مثل الخرز طشرهم من الجندي للقائد
يحكم بلحرب سيفه
يطبر بلقاده بكيفه
حته النايم بلحرب
اجه وموته بطيفه
حاكم حاكم
سيف القاسم
شاب شمحلاته
ومحير الوادم
****
معزب مايرد ضيفه
ماسد مره امضيفه
سيفه يطبر بكيفه
لو هجم عالحرب
خيال وما واحد شافه
حته الشارد ما عافه
حيل الكمر بجتافه
وعليهم لو يطب
مثل الكمر  يخزر خزر زلم اليمر جدام راجل
القائد لبد صاحو مدد جاهم اسد يهوى المراجل
الشافو خزرة عيونه
من ابعيد ايهابونه
فرو كلهم جدام
زلم وما يگدرونه
زلمه زلمه
داس بجدمه
بسيف يعارك
الراد يكلمه
____
لخادم الزهراء ابو فاطمه المالكي
____
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

#محرم الحرام ١٤٤٧-ه
#الليله السابعه
#أمير الوفاء
___

يا أمير الوفاء .......مولاي أبا الفضل
ياكريم العطاء .......مولاي أبا الفضل
ياسيد الماء..........مولاي أبا الفضل

عينه... تضوي كلشي بلوجود
جفينه ...تنطي غيره بلا حدود
كافل ...مثله ادور وما لگيت
علينه ... يمطر جفه غيره وزود

لو ترف الرايه
بس حجاله حجايه
ترجف الرمايه
مولاي مولاي
آيشور وبيه شاره
عنده الحرب تسياره
قائد عالغاره
مولاي مولاي
***
يروي جفه الساقي ....مولاي اباالفظل
بسمه تصيح أعماقي....مولاي أبا الفضل
ابگلبي هوه الباقي .....مولاي أبا الفضل


احساسه... يعش باقي ويه الزمان
أنفاسه... يفوح عطره بكل مكان
دخيله ... وجه ايه امن الجمال
براسه....ريشه تعني هيه الامان

ادخيله لو زمجر
الزلم كله تعثر
سيطر عالعسكر
مولاي مولاي
بلحرب سيفه شاطر
يسوي.گلشي قادر
وسوه الماصاير
مولاي مولاي
**
يادخيل الكافل .... مولاي أبا الفضل
غيره وشهامه شايل... مولاي أبا الفضل
بجفه يرد العايل ... مولاي أبا الفضل

صوته... يرعب رعب بلعسكر
قوته.... ماخذها من جف حيدر
وحده ...يفني الألوف بسيفه
موته.... عله النهر موته شمر

يخزر خزر بعيونه
دخيله ودخيل متونه
كلهم ايهابونه
مولاي مولاي
يختار بعينه الصيده
گالب گلاب البيده
ويسوي الي يريده
مولاي مولاي
***
هوه عيده الحرايب .... مولاي أبا الفضل
يمحيه كل الكتايب........ مولاي أبا الفضل
بجفه سوه العجايب ......مولاي اباالفظل


جفه... ناعور ويغرف بلزلم
وفه ...والكمر منه والنعم
ياهو ... اليگدر جدامه وگف
بجتفه... مشبع العسكر ردم


يا زلم اليتماده
خلص كل القاده
وبعده عله عناده
مولاي مولاي
ولو يشد الثامه
طگاته فوك الهامه
محد يضل جدامه
مولاي مولاي


____
لخادم الزهراء ابو فاطمه المالكي
__
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

#محرم الحرام ١٤٤٧-ه
# الليله السبعه
..........................
يا عباس        يا عباس        يا عباس          ياعباس
.........................................................................
ادخيل اسمك يكفال الخيم
وانته بعينك تلكيت السم
اشلون اوصفك يا ايه من الجمال
ولون وجهك من الغيمه انرسم
يا عباس  انته طولك هيبه ابيك الله اتباه
وياحلات الشيبه انته تشبه طه
ياشايل اللواء واحجي وترتيبه
ياحامي كربلاء
انته وشلت النهر
بجفه الكل تنسطر
اليخزره بعيون الكمر
يكوم يمشي وينهطر
¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥
  يا لازم الحد بالطول وبالعرض
ادخيل جدمك خسف بيهم ارض
دوم تضحك  لون تطب حرب
الجيش كله فحطته من الركض
ياعباس انته الحرايب عيدك وجفك مجويه
يالساطر بجف ايدك الحومه و مبجيه
يانوماس الحرب الحومه هي اتريدك
علحومه لو تطب
انته صكار الزلم
الكابله ايذب الهدم
هوه وحده من يطب
الجيش يترادم  ردم
¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥
بيوم عاشر  تزلزل  كربله
بركان لو طب الجيش ايبهذله
  بلحومه  خله العساكر ترتجف
ادخيل جفك ياحامي القافله
يا عباس انته بسيفك  كاتب عله جدار الحومه
خل يحذر لي حارب بخزره اضيع ارسومه
ياشايل العلم وانته جفك راهب
يامرجف الزلم
انته بعيونك غضب
الحومه تكلبها كلب
سفيه لو نار اشتعل
والله من كثر الضرب
¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥
يل محد يشبك انته  بزماط
وبجفك ايدك  شايل الصراط
بحيث زينب نخته   بلزغر
كام بلسيف وكص بيده الكماط
يا عباس انته ترهب حومه وجفك شايل حيدر
الجيش يذب اهدومه  بسطره اتخليه يفتر
ياشبل حيدر عيد خبير ويومه
ياساقي الكوثر
انته كافل الخدر
في الخيم والستر
لون زينب نادتك
جره من عكاله الشمر
¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥
لخادم الزهراء ابو فاطمه المالكي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

#اليله السابعه
__

ياخويه  ياعباس    ياخويه   ياعباس    ياخويه  ياعباس

.....................................................................

ياالرابي  بضنوني   ياالكابر بعيوني   ومندونك ضربوني

                       ترضاها ياابو فاضل


اتعثر من جيتك   ياخدري اتعنيتك   ابجي من حاجيتك

                       ماكتلي انت ياخويه




   روحي انت وبعد روحي وشيصبرني من نوحي

   من دونك صفن بالي وراحن كلهن امالي

روحي اضيع من دونك جنت شايلن بعيونك من اطلع 

من اخيامي كلهم شافو اخيالي
 
الدمع من عين مابطل وابجي وانا عطشانه يااكتلي انته

كفالي كوم امشي انته ويانه


    ياعباس   ياخويه   ياعباس   ياخويه  ياعباس ياخوبه
.....................................................................

ياخدري وكفالي ياستري انته الغالي مرسوم وي خيالي
                      
                       ياخويه انا ربيتك

يافيي واخيامي  مر طيف بحلامي  صارت ضلمه ايامي

                      بغيابك كبر حزني



جنت وياك من امشي وبفراكك خلص كلشي

الخيم والبيها حركوها  وجدمي بجمره جوها
 
وانا بحركت الخيمه  اركض وحدي بهيمه واحد كال 

للثاني زينب هايه شوفوها

كوه عله الناكه صعدوني امشي وانا مسبيه الشمر 

بلسوط يضربني بحبل شدوهن ايديه




  ياعباس   ياخويه   ياعباس    ياخويه  ياعباس ياخوبه
.....................................................................

عناكه و يحدوني  عالسوك يمروني  بحجاره يضربوني

                   هذا حالي من دونك


من دونك مسبيه انا امشي ومحنيه  هاي الما مرجيه

                     ترحل عني ياغالي




حلم ترجع يمسافر عيني الجيتك اتناطر

 دمع واعتاب اوديلك روحي بهضمه تحجيلك

اغمض عيني واتخيل اشوف جاي واتأمل افز

وافتح عيوني يرجع كلشي مثل اول

مر بحلامي بس مره بلكت انا اشوفنك وياريت الحلم 

طول حته ما اعوفنك



ياعباس  ياخويه   ياعباس   ياخويه  ياعباس ياخويه

.....................................................................

 ياخويه مشتاكه  جا يمته نتلاكه بيه بان افراكه
           

                 صدگ شيبني افراكك


ياخويه ماالومه  السهم ابعينك نومه.  خيك ماكو هومه        
       
                   وانت  امكطعه جفوفك



ماضلت بعد خوه و اصبر روحي بلكوه
 
مرات احجي ويروحي بلكت تتشف اجروحي

شنهي الماي وتكصدله  وزينب ميته مو عدله  يعايفني

ومسافر حدب ضهري من نوحي   

الجربه بروحك امعلكه  جنت شابكه بجفوفك بسهم من

ضربو الجربه  صدك حرموني من شوفك  



ياعباس  ياخويه   ياعباس   ياخويه  ياعباس ياخويه
...................................................................

كل ضني تدفني  ولكبري تنزلني  جاليش تفاركني

                   هاي الماهي محسوبه

   بيدي من ربيتك  كفالي سميتك تدفني تمنيتك
     
                      ردتك خويه تدفني


هاي الجانت ابالي تنزلني الكبر مالي


ضلت بلكلب حسره الفاكد اخو شيصبره

دنيا علي من دارت اختك زينب احتارت الي مفكر 

يدفني طايح هسه علغبره




شما رادن الجروح اتهيد صاحو يونه كفالج كامو بيه

يشمتون شكثر صيحت ماجالج



 ياعباس  ياخويه   ياعباس   ياخويه  ياعباس ياخويه
.....................................................................

لخادم الزهراء ابو فاطمة المالكي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

#محرم الحرام ١٤٤٧-ه
# الليله السادسه
# الانصار
حبيب علمنه نحب حب من صدگ
وعلمنه شني يصير معناته العشگ
وكون مثله انصير  لو ردنه نحب
وكلبه من حسين يسمع يضل يدگ
بزغره خادم...بحسينه هايم...محله الهيام
عشك الطفوله...محد ينوله ...وهذا الغرام
حبيب يااول واحد  يعرف يحب
حبيب بحسينه هايم روح وكلب
حبيب لوتيه عطر حسين الدرب
حبيب يااجمل عاشگ واجمل محب
****
وهب عايف دين وتبع دين المحب
وعنده حب حسين اغله من الذهب
و من صدگ تتسمى  تضحيه هاي
يضحي كلشي الحبيبه هوه اليحب
التضحيه هايه .. وبلايه غايه..لنصرة امام
والله عجيبه .. يضحي الحبيبه ..ولجل الخيام
وهب عايف دينه وعنه ابتعد
وهب لدين حسينه هوه عبد
وهب من الطفوله منطي وعد
وهب عايف صليبه وبلطف سجد
*
بلحضه وحده عاف التجار امر عجيب
لو اقتل مره والف مره ولجل الحبيب
وهيج كال لخاطر حبيبه وكلبه هايم
نال الشهاده بحضن أمامه اجمل نصيب
والله شهامه .. يضحي الامامه.. هذا الوفاء
التضحيه عاده..نال الشهاده.. ..لجل اللقاء
زهير ضحه باخر عمر اله
زهير وسيفه جره  بكربله
زهير لبه الحبيب وترك هله
زهير عاشگ أمام هل المسأله
*
عايش حياته بلخدم بهاذا الدرب
صح وجه اسود لاكن ابيض گلب
الرايد نجاته ورايد يوصل اله
اليمشي بطريقه سهله مو صعب
هوه اليحب.. من الگلب  .. بالفطره حبه
هذا الدرب.. مثل الذهب.. فاز اليطبه
جون عاشگ أمامه حد الجنون
جون يعرف بحسينه گلبه حنون
جون فاضح عشگه دمع العيون
جون ضحه بحياته ولا ما يخون
___
لخادم الزهراء أبو فاطمة المالكي
___
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4