لو عاد بنا الزمان فهل نكن من المصورين أم من المستشهدين بين يديه!!؟ ...التصوير بالموبايل
الرادود يقرأ في المصيبة
وبعض من الناس فاتح جهازة ويصور

اكو ناس اختصاص واكو كوادر طالعة هيَ شغلها توثق المجلس
مو شغلك ولا شغلي
أنا وأنت نحضر من أجل طلب المعرفة وتكمُن المعرفة في طلب علوم ال محمد عليهم السلام ونبكي ونلطم ونرجع

إعلم أن حضورك للعزاء هو مواساة الى مولانا صاحب الزمان وليس للتصوير...

يا صاحب الزمان يا صاحب الزمان
كم لوعة كم حسرة
يا صاحب الزمان
**:
بيك المصايب نارها متوجره
جبد ومصلى آ يباب الزهره
والطف الك بيه للمدامع ذكره
جدك شهيد هناك حزو نحره
مصيبة الرسول يادمعة البتول
في مهجتي في دمعتي
يا صاحب الزمان
*.
الطف جبير واخذ كل دمعاتك
بقران حــــــزنك رتلت آياتك
الله يســـــــــاعد كلبك ووناتك
بكلبك احسها سياط الل بعماتك
وحسرة المصاب نذكر بأنتحاب
لسبيهـــــــــــا لضربهـــــــــــا
يا صاحب الزمان
**
مصاب الكمـــــــر يا سيدي بعيونك
وجن بالعمد بالهـــــامه ويضربونك
وجن صوت دمعك يابو فاضل هونك
حسينك وحيد وخــــــــايف يذبحونك
يا ايها الكفيل كجُرحي العليل
في كــــــــــربلا ذاك الــــــــبلا
ياصاحب الزمان
*.
ياهي العليك اكثر مصاب ولوعه
ياجرح منهن يوجعك موضوعــه
سهم الرضيع وصرخته المسموعه
لو جدك الجوه الخيول ضلوعــــه
ام صرخة النساء ثكلى بذا العراء
ام زينبً تُسلّبُ
ياصاحب الزمان

*.

حسين ومصابه والجره بطفوفــــه
وجــاسم وعرسه وحنته البجفوفه
والاكبر المنحور وسط صفوفـــــــه
وكل الجرى اعله حسين انت تشوفه
لمنحر الحسين تبكي بكل حين
لنحره لخدره
ياصاحب الزمان
**.
ياغايب وفكدك ثكيل علــــينه
الله ينشف دمعتك مهــــــــدينه
لثارك متى ياسيدي مــــــتانينه
وتاخذ بثار ال بالعرى مكطعينه
يا ايها الغريب اثقلك النحيب
في نينوى ام في طوى
يا صاحب الزمان
**.
ونسألكم الدعاء والتوفيق
لخادم آل محمد(ع)...........الشاعر حيدر كاظم الساري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

يخلص حچينه وتبقى بس كلمه
( ألله ياعالم الخدمه )

للبشر دستوره...وللعشگ قانونه
والمُوالي اتشوفه...الخدمه نور اعيونه

راية الخدمه ترف وكل وكت شلناهه
تقوى الگلوب الشعائر آيه واقريناهه
نرخص الغالي لجلهه وبالدمه اشريناهه
والله هالخدمه عظيمه يربح اليهواهه

واللي يحبهه فاطمه اتكِرمَه
( الله ياعالم الخدمه )
.................................
هالمجالس هايه...للبشر تحييهه
الدنيه لومه الخدمه...كل طعم مابيهه

واليضد هاي الخدامه باچر ايضل نادم
واعله مود الخدمه هذه الله خالق وادم
ماتهمنه اهل الملامه وخل يلوم اللايم
والمهم عدنه عقيده ايفوز بيهه الخادم

كلمن يضدهه بالحشر يِعمَه
( الله ياعالم الخدمه )
................................
خبر عن الهادي...بالكساء عنوانه
شيعتك ياحيدر...بالحشر ربحانه

نفتخر عالأمم كلهه بالنبي هادينه
والشرف يوم القيامه حيدره والينه
نبقى خدام الاطايب بالعَلَن نادينه
باچر الزهره الزچيه هِيِّه التجازينه

تنسانه حاشه أم ابو اليمه
( الله ياعالم الخدمه )
...............................
كل مُحِب نيرانه...بالعِشگ حَرَّاگه
والخَدَم مَحلاهه...بالعزاء تتلاگه

چفهم اعله الصدر يطبع بالعَزَه ايخلونه
خاطر الزهره ابدمعهم والنعي ايجبرونه
والامام المهدي عدهم واجب ايواسونه
اليحظر ابهاي المجالس يا ألف خَيعونه

ابهاي المجالس تنزل الرحمه
( الله ياعالم الخدمه )
................................
تبقى روح العاشگ ...هايِمَه وملهوفه
بالزياره اتشوفه...وبالعزاء اتشوفه

يعني بيبنان الأئمه كل وكت مطروقه
گول التحب المجالس هالبشر مرزوقه
عدنه ثابت بالروايه وبالسند موثوقه
الخدمة حسين ابو اليمه هالخَدَم مَخلوقه

نشكر إله الكون عالنعمه
( الله ياعالم الخدمه )

سيد علي الموسوي

قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

بيوم الطف ولا واحد من كفاه
شره وبالطعن ماخذ منه كفاه
زينب شافت ضلوعه من كفاه
طحن طحنت ضلوعه الاعوجيه

الشاعر شاكر محمود الگيم

دارت سنه ياجدي
عالمقتل المتسدي
واحزان طفك تحدي . بالغربه بيه

وام الخليقه تنشر
ذاك القميص اليكطر
دم وضليمه ينثر .. حزنه عليه


بكل ليله اشوفن ثوبك امسلب
وعالثار دم انحب .. ياجدي كل يوم
وليل النعي يفزز جرح ضامي
وفوك الجرف دامي .. عله خيامه مهموم
واه ياحزن كلبك عله اخيامك
البيها ايتامك .. والحيل مهدوم

لابكينَ عليكَ ياجدي دما
ومايستقر انه بيه بالهم النوى
بعيوني رسمك يجدي عاري بنبنوى
==============
بيِن هلال الحيره
ورسمه عله شاطي الغيرة
راواني كسره اجبيره .. كسرة علم

بجرف الفرات الكسره
كسرة الرايا الخضره
ويمها الكمر فض عمره .. روح الخيم

سيف العطش ذابح نحر رايا
فوگ المسنايا .. أعلن كسرتك
بهل حاله يعني ما الك خوه
مذبوحه المروه .. ونّزل دمعتك
ونيشان موتك بالسمه واضح
بهلالنه الجارح .. راسم غربتك

هلال النوايح يجدي مايرحم گلُب
يعيشني كسرة مخيم بجفوف الغرُب
ونار البغض اه يجدي گطعت كل درُب
====================


لا دار لمني ولا وطن
من يوم ماشال الضعن
اكبر غريب بهل زمن .. گلبي ودمعتي

ماعان كسري اي بشر
ياجد يمكسور الضهر
محد يحس ذاك القهر .. اللاجم مهجتي

امن الحول حد الحول النياحه
وهمومي ذباحه .. بشهر المصايب
جمرة ضمه تزت جمرة الهيمه
وگلبي خدر خيمه .. بنصه العقائل
مابين جرح النايبه وثاري
متوجره ناري .. لضعن الغرايب

ياجدي ماطفه ناري وماتنشفلي عين
لهفي على من تُنادي ادركنا حُسين
ياخويه نادت اغثنا جابو حبل ادين
ياجدي ماتطفه ناري وما تنشفلي عين
==========
بالمذبح اني مساهر
وانحب دمه عله العاشر
يعينك علي عله الحافر .. يابو علي

تلهب جروح النايبة
وبالحزن روحي لايبه
تكتل كتل ماطايبه .. جروحي لهلي

هاي المصيبه لا عزاء الها
ولا موت اليحلها .. ويعادل الصار
ضعن عله كبره منبذح نحره
وعده نسه بصحره .. لا رايه لا دار
نيشان واضح كسرته بهاشم
مسبيه بت فاطم ... ومطوگه بنار

نار السلاسل يجدي بالمعصم تحز
وتكتم المها ودمعها لا طفله تفز
وليلي اعله ليل الأساره بالهم من تنز
==
الخادم مصطفى الجبوري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4