دخل نوماس هاشم والرعب حل
و حراس النهر باالماي تعبر
الريشه براسه كام توازي الغيوم
بحيث الرعب فوگ الحومة يمطر
خله اجدام مهره توازن الگاع؟!!
جدم فوگ الجماجم جدم يهطر


رجيف وكلشي ضل مايل..... الشامخ بس ابو فاضل
والعين شوكت تتعله ع الحاجب
سلام الله على عيونه....... أشد من سيفه وفنونه
وعله متون القدر بالمعركة راكب

رهبر...... من صوب الخيم طالع الرهبر
قسور......يشبه والده ذاك الغضنفر
يرعب.... مو بس سيفه حتى عيونه عباس
كَبْر..... وحده وما ثبت جدامة عسكر
...............................................................
يا مخيط يسد فتوگ السيوف
اهو عباس خله بروسهم رأي
حط بمتنه جوده وشد اللثام
وبرز خيال هاشم گاصد الماي
سد عين الشمس بعجاج التراب
من گد ما عليهم رايح وجاي

بعد ما تنفع التوبه..... اليريد يضل يذب ثوبه
ضل حتى ابزرهم يطلع الخوف
ابد ما كابله واحد...... شارد يعثر بشارد
من كد الرعب ما يسلم الشوف

ديه....... يذبحهم نوه للخيمة ديه
ريه...... . تشتم بس هوه ولد الزجيه
يرعد.... بعده للحرب ما راخصه حسين
أخَييه..... لو راخصلة يمحي الغاضريه
..............................................................
هاشم لو برز من عدها خيال
الحبر ما يلحك يعد الخساير
عمية الغاضريه وطبها عباس
كحل عينها بدم العساجر
ارث عنده الشجاعه ابن الشيوخ
بجثثهم ع النهر سوه الكناطر

ثنة ركبة وترس جوده...... وحاشه تغره البروده
وكسر خشم النهر من ما شرب منه
الماي أخرس مشه خامل........ شبع ضيم من ابو فاضل
ولگد مهره ورجع شيمنعه عم سكنه

واهم.... الفكر ينجوا منه هذا واهم
حالم... يلبس شيلة امة الينجو لازم
غاير..... شمر روسهم يم ضفة الماي
نادم.... جيش بكبره ضل  بروحه لايم
..............................................................
رغبة سيفه عبرت فكرة الموت
سيفه القارعه وبس بيها ينقاس
جا وين الجيوش التحرس الماي
اشو محد ثبت من طبها عباس
تنقاس الزلم بالموقف الحار
بس من الكفل بلشرده تنقاس

من الراية كلشي يغار..... لئن شايلها جف مغوار
مقياس الشهامة شارب الكافل
كض الحومة بجفوفه....... وهف نصها عله الكوفه
وطشار الزلم  لشام واصل

فارس...... طب وما ثبت جدامه فارس
لابس...... درعه ويرتعد هل من منافس
جندل.... كلف ومعدل اربات ام البنين
واهس... نار وما تخلي اخضر ويابس
...........................................................
يطب لريته ثاري الهوى المحظوظ
الهوى الما مار زينب ما يشمه
كاسر ضهر جيش اعداده الاااف
بس لحسين ما كاسرله جلمة
مثل رجف السعف رجلين الجيوش
وع الشرده بعد ما بيها همة

كباله ما وكف احد....... خشنه حجاية المبرد
مد و جزر صار مدافع الناس
واحد ودع الثاني....... فوت انته وراك اني
جيش شكبره ماخذ رأيه وهواس

كافل....... رفرف بيرغه وضهضب الكافل
شايل......... غيرة حيدره وبارز يقاتل
شسوه... خله الخيل فوك الزلم تصعد
كامل..... وثلث تنعام من زود ابو فاضل
..............................................................
مرتضى عامر الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

نزال العباس

الحومة بالطف جمعت فرسانها
ومثل غيران النمل غلمانها
ــــــــــــــــــ
جاهم من أقصى المدينة الكافل
غضب رب العالمين ونازل
ضرب راس براس صار الحاصل
جثث فوك الحومة كل نيشانها
ــــــــــــــــــ
ضهضب العباس طب وعازم
لازم بجفة المهند لازم
ما اخذه بلله لومة لائم
كربلة لعباس كل عنوانها
ــــــــــــــــــ
غبرة گاع الحومة ذرة ترابها
وخيبر الطف بيدة قالع بابها
ما نفع بيها ويفيد انگابها
عجت الطف من جميع اركانها
ــــــــــــــــــ
أنعم وأكرم نزل كفالها
وبالمكاون بيدة ذل ارجالها
جن كمر فوك الفرس خيالها
وبرهاوة الفرس جر اعنانها
ــــــــــــــــــ
هذا سبع الگنطرة يسمونه
يروه سبعين الف ويلاگونه
والله لو مليون ميهمونه
دك صدر لحسين طب ميدانها
ــــــــــــــــــ
الحومة صارت جنها سبحة بأيدة
وعلى النزال وبالحرب تعويدة
هيبت العباس جنها ارعيدة
كفها كف ايد ويكف ردانها
ــــــــــــــــــ
الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

يخيتي بوريدة    كتبلج قصيدة
بدايتها عذراً       نهايتها ايدة

تطشر حنينة     هلال المدينة
كتبلج قصيدة
ــــــــــــــــــ
وكع فوك النهر والراية ملفوفة
يخيتي وبالغدر من گطعوا اجفوفه
كتب من الدمه يا زينب احروفة
قصيدة اعله النهر قصتها معروفة
اخوج وكافلج بالدنيا وطفوفة
تروح الروح اذا بس عينج تشوفة


صعب يالعقيلة     يأذي رحيله
يتعب وداعه      رحلته طويل
بعد ما يجينة      هلال المدينة
كتبلج قصيدة

ــــــــــــــــــ
طلب عذرج يزينب واعتذر لية
جربته اعله النهر بالسهم مجفية
ولا گطرة شرب من النهر مية
ولا غرت جبدتة المشرعة شوية
مشة يجيب العذب لسكينة ورقية
ولاجن هالزمن شوف شعمل بية


اخذلي عضيدي     أخذ دم وريدي
زماني الغدرني      يدمعاتي هيدي
برحيله انتهينا        هلال المدينة
كتبلج قصيدة

ــــــــــــــــــ
كتبلج اعله النهر من طاحت الراية
قصيدة من الوفة لعيونج قراية
ضرب أروع مثل جان الوفه الغاية
من الخيمة حد الماي دك ثاية
ساقي العطشه بالطف سابع بماية
وساقي كل قلب بالطيب الهواية


خيمنا السگاها     مطر من اجاها
يروي تجربته        بحنينه ملاها
بنظرته روينه      هلال المدينة
كتبلج قصيدة

ــــــــــــــــــ
طفت بالمعركة من السهم عينه
وكع واني العمر جن وكعت اسنيه
عضيدي وضهري گلي قلبي شيعينة
وگع قلبي بگطع ياخوية جفينة
اقرب واسمعه بس بجلمة بونينه
يزينب جلمته الرددها كل حينة


يخيتي يزينب     بقى وقلبه ينحب
ونينه لعذابج     جمر وسطه يلهب
بجفوفه الحزينة     هلال المدينة
كتبلج قصيدة


ــــــــــــــــــ
يزينب فيي اخوي مطشرة العاشر
يزينب راح اخونه بسحگت الحافر
يخيتي وباجر انتي وحدج باجر
وره العباس ميت روحي التهاجر
محنتج صعبة لكن قلبج الصابر
يزينب عله الرماح ويمج اناظر


يخيتي بحزنة     نباوع ضعنه
برماح العوالي   عليكم نظرنا
وعليكم بجينة      هلال المدينة
كتبلج قصيدة
ــــــــــــــــــ
الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

نزااال للإمام العباس


يا ساقي العطاشى وانته حاميها
كل هاي الخدم من جودك اسگيها
ــــــــــــــــــ
يا راعي الكفالة وراعي المروة
بداعة حبك وي حسين والخوة
نخيتك وادري اهلاً انته للنخوة
من ماي العشك خدامك ارويها
ــــــــــــــــــ
يالوحي الشعر بالخوة حيرتة
ولا بيت بقصيدة يوصلك شفتة
ما نتوصف صعبة وانتة ذاك انتة
كلمة خوة يمك صعبة نرثيها

ــــــــــــــــــ
يالجودك بحر ما ينوصف ماية
وكل قطرة بالجربة تعيش أولاية
الله الشاء تعطش انته عن غاية
حتى الدنيا يمك تجي برجليها
ــــــــــــــــــ
تاريخ الوفة وسجلتة بالغيرة
من الخيم حد حسين تفسيرة
يالزارع الطيب واحسن السيرة
من اسمك حرف هالدنيا والبيها
ــــــــــــــــــ
يا باب الحسين وريته وصبرة
عامود الخيم وحزامة البظهرة
من حب الحسين تقدرك الزهرة
بجفوفك تطالب غداً باريها
ــــــــــــــــــ
خدامك يغالي اسقيها من صبرك
بداعة حب اخوك الينبص بصدرك
يالضحيت روح ودمك وعمرك
خدامك يغالي وانظر عليها
ــــــــــــــــــ
الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

نزال

بجـفوفك نسولف لسه بجفوفك             
وبزودك وعزمك صارن اطفوفك             
ــــــــــــــــــ

من نـزلـت بطـف اليكـفل الايـه            
گلي انطـيت يمه لزينـب احجـايه            
سـبع الگـنطره والحـامل الرايـه            
صاحـب غيره انته وجود معروفك            

بجـفوفك نسولف لسه بجفوفك             
وبزودك وعزمك صارن اطفوفك             
ــــــــــــــــــ

يوسـف جان عنـده اهدعش خوانه           
لحسـين الشـهم بس انتـه ريحـانه           
يـاريـحـه بخـور وشـايـل الـوانـه           
كمر عدانان ضاوي بكربله انشوفك           

بجـفوفك نسولف لسه بجفوفك             
وبزودك وعزمك صارن اطفوفك 
            
ــــــــــــــــــ

عالجيـش بخـزرتك تجـدح اعـيونك           
والسبـعيـن الف فـنـهم يـلاوونـك           
ويله الجيـش لو بس صكت اسنونك           
خـيرهـم عـثـر من تـزمخ احروفك           

بجـفوفك نسولف لسه بجفوفك             
وبزودك وعزمك صارن اطفوفك             

ــــــــــــــــــ

كلـت الحـومـه افيـضها بدماياهـم            
معركه البسوس بسـيفـك ويـاهـم            
شردو تـاه عـدهم حتـى مسراهـم            
مرادم صـار بالعسكر من تشـوفك            

بجـفوفك نسولف لسه بجفوفك               
وبزودك وعزمك صارن اطفوفك              

ــــــــــــــــــ

كض الـكاع بـيده وطـقها بالحومـه            
ينفـضـهـم نفـض ما تاخـذه الومـه            
بـس الـي تـضده تبـقى محرومـه            
خـزره وسيـف رتبه الي عالجتوفك            


بجـفوفك نسولف لسه بجفوفك               
وبزودك وعزمك صارن اطفوفك               

ــــــــــــــــــ

الشاعر زيـن العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

طاح الگمر وادنت الناس
ونكسر ضهري بلايا عباس

محدب بهم البين      بية الوجع ضعفين
ــــــــــــــــــ
متابع الراية وي هوه لو مالت يميل
وعج التراب بكربلة وامراكض الخيل
رغم المسافه شوفتك بعيوني ترتيل

من دونك اني بلا هوه مختنگه الانفاس
من تبتعد يا ابو الفضل خويه يعباس
فكري يضل يم روحتك بالي والاحساس


مشغول فكري بروحتك هاي
افكاري يمك وانته وياي

بالدرب تربى العين       بية الوجع ضعفين
ــــــــــــــــــ
بالي يضل يمك رغم ما انته بـ البال
الفرگة خوية والفگد بقليبي جتال
ينكسر ضهري بروحتك مو جلمه تنكال

متانيك يا ريحة هلي وفانوس دنياي
طالت الروحه وكفتي طالت ترة هواي
ردتك تجي ياسلوتي ما رايد الماي


ماردت ماي وردتك تعود
يابو الكرم والغيرة والجود

متاني وي الأمتانين       بية الوجع ضعفين
ــــــــــــــــــ
كمت اقلق لجيتك بطت ياشوف الاعيون
كمت احس ثقلت مشيتي وي ثقل الامتون
رايتك ما رفت بعد يا گمرة الكون

ما ضل صبر لازم اجي يم شاطي الاطفوف
لمن وصلتك ياگمر متقطعه الاجفوف
وطايح يخي والسهم ماردلك الشوف


مرت بروحك كل الالام
متصوب بألالف الاسهام

طفك علي طفين       بية الوجع ضعفين
ــــــــــــــــــ
انكسر ضهري وكع من عنده الاحزام
من شفتك بهذا الوضع وبهاي الالام
مهشمين جسمك ومتله ألالف الاسهام


بية ولا بيك الوجع يامهجة الروح
نحري ولانحرك يخي اتمنى مذبوح
وجسمي ولاجسمك يخي كون امتله اجروح


جسمي مو جسمك بالاجروح
ومو نحرك اني النحري مذبوح

بية ألم جرحين       بية الوجع ضعفين
ــــــــــــــــــ
خليني اشيلك للخيم ياحيل الحسين
ياضهر اخيك يابعد كل شوفي والعين
بفي الخيم عن الشمس ولنك صرت زين

جروحك اضمدها الك من ثوبي الاضماد
جا خوية وكفات الاخو بالشدة تراد
حدبت والحيل ارتحل من جسمي ليغاد


من ثگل حزني شايل الليل
الحيل مني مابقى الحيل

ما جني اني حسين      بية الوجع ضعفين
ــــــــــــــــــ
الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

(ياعباس يااخو زينب )

طباهة اخوة زينب خلة روس تطشر
جي زينب تكلة الماي راواهم ضهر الاحمر

ياعباس يااخو زينب
……

طب للمعركة العباس ابن بدوية المشيم
خل روس تركع روس ويا حضة الذي يسلم
طب للمشرعة يباوع من خوفة نهر يلتم
جي عباس حدر الماي جان جبير هسة اصغر

………. ياعباس يااخو زينب


برز ويقاتل ابقوة ثلم بيهم الف ثلمة
المن بعيد يحجي سطور كربلة وحجة جلمة
اجاني الموت هل كرب وحس الدنية هل ضلمة
اذا حس بل نفس عباس بضربت سيفة يتوذر

……. ياعباس يااخو زينب


حكهة الوادم تشرد خزراتة الهب بركان
اذا الحت تطفي العين وربع الجيش هل عميان
ويافكرة الايشر بيد يحسب ما ترد ذرعان
المو كد الحجي بحروب لا يحجي يم كبار

….. ياعباس يااخو زينب


صعد عل الامطهم العباس والحافر الهب نيران
من كثر العجاج الصار قائدهم وكف حيران
يطلع كل كتر عباس جن عايش وسط دخان
وذا صاح المبارز وين كل الجيش يتكتر

….. ياعباس يااخو زينب


خلة بل حرب نيشان جوة الطف ابن حبتر
كلهم ويل الف ياويل وينة الجان يتبختر
اليوم ازرع الكاع بروس وخلي الجيش يتبتر
وادوخ قابض الرواح ميلحك يضل يفتر

….. ياعباس يااخو زينب


طلع واحد يصيح الغوث جنهة كربلة قامت
اليل علينة صار نهار وللسيف ركب هامت
وكبل لينازل الواحد نقرة الفاتحة وهل مات
عجوبت ربك العباس والأعادا يضل خاسر

ياعباس يااخو زينب

✍🏼: يونس علي الكعبي

ذل امية بكربله بزوده الكفيل
سيفة وين ايميل گاع الطف تميل

…………

من تعنه اعشوشها وطب للقتال
الزلم ضلت ما تبلّع ارياجها
من الخيم صاحتله زينب عفية اخوي
من سمعها الحومة طر زياجها
گال اميرة تبقى زينب بت امير
ياهو گال اليوم انزل تاجها

ياهو راد بعيلة المصطفى يعيل
ذل امية بكربله بزوده الكفيل

…………

ضهضب وطباهم وطفة النهار
سيف عطشان ويگطع بالرگب
الدم اوصله اليوم لحدود الخيام
ما يكفيني اذا حده الركب
الشرد مات الما شرد ماله وجود
الزلم واحد فوگ ثانيها نگلب

الحومة طراها ابو السيف الثگيل
ذل امية بكربله بزوده الكفيل

…………

هجم والعسكر تراجع للوراء
ما تقدم خطوة وحدة بمحضر
الدنيا ورقة وسيفة يكتب قلم صار
من دماهم سوه بيهم محبرة
كلها ضمت روسها اشباه الرجال
قام كل ضنهم قيام الاخرة


تاهو اعله النهر ماصح اي دليل
ذل امية بكربله بزوده الكفيل

…………

اجه موجر نار يحرگ بالرجال
خنگ صوت الموت بحبال النفس
الزلمة بيهم صار سيفه اعلي ثگيل
داسه ابو فاضل بحذوات الفرس
انذار جيم الموت واگف بالقصاص
الموت فوگ النهر صاير ينلمس


الجيش صار گبال ابو فاضل قليل
ذل امية بكربله بزوده الكفيل

…………

عد اخو زينب الما صاير يصير
طبگاها الحومة فوگ رجالها
النهر خايف راد يشرد للخيام
نشف ماية من الحرورة الشافها
كلشي ماخله الگمر سيفه يصيد
رجال خشنة برجلة جرها وصادها


الجيش يم حسين صاح انه دخيل
ذل امية بكربله بزوده الكفيل

…………

اختار وينه ووينه المدنگ الرجال
ما وصل للچان خانس بالحرب
اختار زلمتهم الزين وطر گفاه
على روس القادة بايمينه شطب
عفية اخو الزينب اليلاوي الحديد
البالملاگة يدور ثگال وصُعب


الجيش تسمع منه انواح وعويل
ذل امية بكربله بزوده الكفيل

…………

محمد عبد الساعدي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

(خُطاب) بده بالمعركة بامر الجلاله
(خُطاب) بين اهل الكرم واهل البسالة

بين المحسن وعباس (جاءَ هالنداء)
ربك امر هيچي يصير (في طف كربلاء)

خُطاب …. خُطاب

…………

سكون .. الدنيا سنطة بيها كلشي هادء
سكون .. الحچي بس چان لاصحاب المبادئ
سكون .. ضجيج الجيش ضايع بالملاجئ
سكون .. من بعده نعلن حالة طوارئ

صارت زلزلة .. بطف كربله .. (جاءَ بها العباس)
المحسن حشمة ..لهالملحمة ..(وكان لها العباس)
دگالة الصدر .. مايعتذر .. (كُفئاً لها العباس)

گلة يبو فاضل صول (يا معنى الوفاء)
ربك امر هيچي يصير (في طف كربلاء)

خُطاب …. خُطاب

…………

ضياع .. ضاع الجيش ويدورلة شردة
ضياع .. من شاف الگمر طره وتعده
ضياع .. المحسن حشمة ياهو اليردة
ضياع .. الگاع بسطوته وصارتله وحدة

هو المنتصر .. كلمن يفر .. (من قبضة العباس)
ماي الشط نشف..خاف ورجف..(من هيبة العباس)
سد حتى الهوى..وطفة الضوة..(من يوقف العباس)

جاوب محسن بصولاته (ابن الانقياء)
ربك امر هيچي يصير (في طف كربلاء)

خُطاب …. خُطاب

…………

رهيب .. ما خله بجسد رگبة سليمة
رهيب .. رفت رايتة وصارتله غيمة
رهيب .. وگف ع المشرعة وسواها هيمة
رهيب .. تخرج من علي برتبة عظيمة

المحسن ذكره .. بالگنطره .. (واستبسل العباس)
شد اعله الحرب..كض الدرب..(حين ابتدا العباس)
خط نهر الدمة..بالملحمة..(ذل العدى عباس)

ابتسم ثغر الحسين وصاح (يا ذال العداء)
ربك امر هيچي يصير (في طف كربلاء)

خُطاب …. خُطاب

…………

سلام .. المحسن صاح ع الطر العساكر
سلام .. ع الطش الجثث گص المناحر
سلام .. على الي بالحرب ضل گلبه حاضر
سلام .. على الماهزته انواع المخاطر

گلبه مارجف..صاح وهتف..(هذا انا العباس)
طبلهم غضب..گص الرگب..(وارث علي العباس)
جابهم سبي..لسبط النبي..(هذا هو العباس)

سوة الما خطر ع البال (في يوم اللقاء)
ربك امر هيچي يصير (في طف كربلاء)

خُطاب …. خُطاب

…………

صنديد .. يفرض باليريدة يصير گوة
صنديد .. يحرك الجيش كله بكيفه هوه
صنديد .. سوه كلشي لعيون الاخوه
صنديد .. وي بدر العشيرة الخوة حلوة

شيال العلم..منك نعم..(حي اخي العباس)
وفيت وكفو..يالخوش اخو..(ليث الوغى العباس)
يازين الزلم..يابو الشييم..(حامي الحمى العباس)

گمر هاشم بالمضوي (في عُليات السماء)
ربك امر هيچي يصير (في طف كربلاء)

خُطاب …. خُطاب

…………

مهيوب .. يالماقصرت يحگوگ اخوتك
مهيوب .. ضلت ينحلف بيها نخوتك
مهيوب .. يبقى يدوي خوية عالي صوتك
مهيوب .. صيتك عاش حتى بحين موتك

امن واطمئن..مَر الزمن(لن يُمحيَ العباس)
السويته عبر..عقل البشر..(لا يدركوا العباس)
حلوة خوتك..ومروتك..(فُصِلّ لها العباس)

شانك راده يعلى العالي (ياسيد الاباء)
ربك امر هيچي يصير (في طف كربلاء)

خُطاب …. خُطاب

…………

محمد عبد الساعدي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

طَلَعَ الْبَدْرُ عَلَى ارْضِ الطُّفُوف
وَجَبَ الْكَسْرُ عَلَى تِلْكَ السُّيُوف
كَاللِّيثِ انْبَرَا فِيهِمْ زَمْجَرَا
* *
طَلَعَ الْبَدْرُ وَكَبّرْ فِي ثَنَايَا الطُّفِّ قَسْور خَلَتْهُ قَامَةُ حَيْدَرْ
عَيْنَهُ عَيْنُ الْبَصِيرَةِ مُلْئَ الْاكْوَانَ غِيرَهْ وَبِهِ الِاسْلَامُ يُنْصَرْ
وَعَضَ الْقَوْمَ وَاجْزَلْ ذَكَر الْوَحْي الْمُنَزَّل وَحُسَيْنٌ فِيهِ يُذكَرْ
فدَعَى اللهُ حُسَيْنًا بَاهَلَ الأقوام فينا وَبِهِ الْحَقُّ تَبشّرْ
أَعْلَمْتُمْ بَيْتَ طَهَ بَيْت نُور
وَتَبِعْتُمْ بَيْتَ كُفْرٍ وَ فُجُورْ
فِيهِم ذكّرا فِيهِمْ زَمْجَرًا
* *
طَلَبَ الْاذنَ وَرَتَّل رَجْزَهُ فِي خَيْرِ مَحْمَل بِاسِمًا لِلْمَوْتِ اقْبَلْ
انْنِي الْعَبَّاسُ اغْدُو فَاسْتَعِدُّو وَأَعْدُو عَدَدًا مِنْكُمْ لِيُقْتَل
فَهَلُمُو لِقِتَالِي فَبِمَوْتِي لَا أُبَالِي انَّمَا بِالْمَوْتِ نُقْبَل
إِنَّ رَقَتْ حَدَّ التَّرَاقِي فِي الْمَصَالِيتِ نُلَاقِي تُسْأَلُو فِينَا وَنُسْئُل
فَقَدِمنَا خَيْرَ مَاتَهْوَى النُّفُوسْ
وَقَدِمْتُمْ للدُنا دَنيا الرُّؤُوسِ
خَيْرًا مَا جَرَى فِيهِمْ زَمْجَرَا
* *
صَالَ فِيهِمْ ثُمَّ جَالَا مَارْأَى فِيهِمْ رِجَالًا تُرَغِّبُ الْمَرْءَ النِّزَالَا
ذَلَلَ الدَّرْبَ وَسَارَا وَرَمَى الْمَاءَ اخْتِيَارًا فَاضَ عَيْنًا ثُمَّ قَالَا
قَدْ دَرَّتْ نَفْسِي شُجُونِي مُذْ رَأَتْ قُرْبَ الْمَنونِ لِحُسَيْنٍ فِي عُجَالَا
فَأَبْت وِرد الْمَعِينِ وَرَمَتْ مَائِي يَمِينِي وَأُعِدْت لِلْقِتَالَا
عَنْ امَامِ الْحَقِّ بِالنَّفْسِ اجْوَد
فَهُوَ فُرقَانٌ ورُبَّانُ الْخُلُود
لَيْثٌ قَسُورًا فِيهِمْ زَمْجَرًا
* *
انْنِيَ نَجْلٌ مُؤَيَّد حَازِمًا بِالْعَزْمِ سَرْمَد ذَائِدًا عَنْ سِبْطِ احْمَد
مُهْتَدٍ قَلْبِي وَسَيْفِي يُبلِغُ الَاعِدَاءَ حَيْفِي ضَرْبُ صَمْصَامٍ مُهَنَّد
يَلْتَقِي صَدْرِي سِهَامِي وَأُحَامِي عَنْ امَامِي فَهُوَ قِرَانٌ مُسَدَّد
وَأُعِدُ الْيَوْمَ عَيْنِي وَشِمَالِي وَيَمِينِي دُونَ الِّ الْبَيْتِ تُفقَد
قَسَمًا فِي تُرْبِ اصْحَابِ الْحُجُون
سَتَرُو فِي عَزْمِنَا مَالَمْ تَرْوَون
رِيحٌ صَرْصَرًا فِيهِمْ زَمْجَرًاا
* *
قَسَمًا فِي عَيْنِ زَمْزَم لَوْ عُيُونِي الْيَوْمَ تُعدَم فَحُسَيْنٌ خَيْرُ بَلْسَم
فِيهِ افْنَيْتُ حَيَاتِي صَادِقًا حَتَّى وَفَاتِي وَمَمَاتِي خَيْرُ مَغْنَم
مَاخَشَتْ نَفْسِي حَتُوفِي وَارْتَوَتْ مِنِّي سُيُوفِي وَتُرَابُ الطَّفِّ بِالدَّم
قَطْعُو بَغْيًا شمالِي بَلَغَتْ نَفْسِي كَمَالِي فُزْتُ وَالرَّبُّ الْمُعَظَّم
فَقَضَى نَحِبِّي بِحُسْنِ الِاخْتِيَار
لِجَوَارِ الْمُصْطَفَى خَيْرُ جِوَار
اِيْثَارَا سَرًّا فِيهِمْ زَمْجَرَا
* *

خادم الحسين ع
علي العزامي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

دخل نوماس هاشم والرعب حل
و حراس النهر باالماي تعبر
الريشه براسه كام توازي الغيوم
بحيث الرعب فوگ الحومة يمطر
خله اجدام مهره توازن الگاع؟!!
جدم فوگ الجماجم جدم يهطر


رجيف وكلشي ضل مايل..... الشامخ بس ابو فاضل
والعين شوكت تتعله ع الحاجب
سلام الله على عيونه....... أشد من سيفه وفنونه
وعله متون القدر بالمعركة راكب

رهبر...... من صوب الخيم طالع الرهبر
قسور......يشبه والده ذاك الغضنفر
يرعب.... مو بس سيفه حتى عيونه عباس
كَبْر..... وحده وما ثبت جدامة عسكر
...............................................................
يا مخيط يسد فتوگ السيوف
اهو عباس خله بروسهم رأي
حط بمتنه جوده وشد اللثام
وبرز خيال هاشم گاصد الماي
سد عين الشمس بعجاج التراب
من گد ما عليهم رايح وجاي

بعد ما تنفع التوبه..... اليريد يضل يذب ثوبه
ضل حتى ابزرهم يطلع الخوف
ابد ما كابله واحد...... شارد يعثر بشارد
من كد الرعب ما يسلم الشوف

ديه....... يذبحهم نوه للخيمة ديه
ريه...... . تشتم بس هوه ولد الزجيه
يرعد.... بعده للحرب ما راخصه حسين
أخَييه..... لو راخصلة يمحي الغاضريه
..............................................................
هاشم لو برز من عدها خيال
الحبر ما يلحك يعد الخساير
عمية الغاضريه وطبها عباس
كحل عينها بدم العساجر
ارث عنده الشجاعه ابن الشيوخ
بجثثهم ع النهر سوه الكناطر

ثنة ركبة وترس جوده...... وحاشه تغره البروده
وكسر خشم النهر من ما شرب منه
الماي أخرس مشه خامل........ شبع ضيم من ابو فاضل
ولگد مهره ورجع شيمنعه عم سكنه

واهم.... الفكر ينجوا منه هذا واهم
حالم... يلبس شيلة امة الينجو لازم
غاير..... شمر روسهم يم ضفة الماي
نادم.... جيش بكبره ضل  بروحه لايم
..............................................................
رغبة سيفه عبرت فكرة الموت
سيفه القارعه وبس بيها ينقاس
جا وين الجيوش التحرس الماي
اشو محد ثبت من طبها عباس
تنقاس الزلم بالموقف الحار
بس من الكفل بلشرده تنقاس

من الراية كلشي يغار..... لئن شايلها جف مغوار
مقياس الشهامة شارب الكافل
كض الحومة بجفوفه....... وهف نصها عله الكوفه
وطشار الزلم  لشام واصل

فارس...... طب وما ثبت جدامه فارس
لابس...... درعه ويرتعد هل من منافس
جندل.... كلف ومعدل اربات ام البنين
واهس... نار وما تخلي اخضر ويابس
...........................................................
يطب لريته ثاري الهوى المحظوظ
الهوى الما مار زينب ما يشمه
كاسر ضهر جيش اعداده الاااف
بس لحسين ما كاسرله جلمة
مثل رجف السعف رجلين الجيوش
وع الشرده بعد ما بيها همة

كباله ما وكف احد....... خشنه حجاية المبرد
مد و جزر صار مدافع الناس
واحد ودع الثاني....... فوت انته وراك اني
جيش شكبره ماخذ رأيه وهواس

كافل....... رفرف بيرغه وضهضب الكافل
شايل......... غيرة حيدره وبارز يقاتل
شسوه... خله الخيل فوك الزلم تصعد
كامل..... وثلث تنعام من زود ابو فاضل
..............................................................
مرتضى عامر الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

خوية طيحتك فوگ النهر كسرت عشيرة
انت عسكري وكل شي ألي وما عندي غيرة
يا خوية منو لخدري
وحدي وانكشف ظهري
......
راح اخوي حزام ظهري راح عباس الحنين
بعد ما اسمعها منه صار مولاي الحسين
الحيرة بالطف بدت هسه وبعد انطي وجهي وين

محد وياي
وحدي بالطف شرد اسوي
الچان مگفاي
طاح وتنومس عدوي
بعد يا ماي
من بعد عباس يروي

ترضى يالگمر صوت العدو يعلا اعله صوتي
منا غربتي ومنا خيم وما عندي اخوتي
بس كوم انشده فكري....وحدي وأنكشف ظهري
..........
العنده مثلك يابو فاضل بسدك مأمن ينام
عگب طولك ياخو زينب بعد ياهو الخيام
انكشف ظهري وصدري هسه وصرت حصة للسهام

يا خيم هاي
و طاح خيمتنا الچبيرة
الراية والراي
طاحن و فزت الحيرة
الچانلي فياي
عافني بعز الظهيرة

انا والخيم لمن طحت صحنه نريدك
ارجع للخيم هز رايتك وأحميها بيدك

بيه شصار ما تدري...وحدي وانكشف ظهري
............
الگظه عمره وياي واگف عافني ومحد بقالي
چان ابو فاضل بظهري بظهري هسه بس خيالي
رحت ما فكرت بيه اليحمي اخيّك ياهو تالي

حسين محتار
گوم چم عباس عندي
شبو النار
بالخيم والجيش ضدي
ازغار وكبار
هدو وبس انا وحدي

تدري بالحرب انا ارد جيوش وحدي
بس من انشغل عن الخيم يدوسون حدي
وستر هاي الخيم ستري...وحدي وانكشف ظهري
.........
رحت أكل لزينب اختك شلون انخاه ويجيني
انتي كبرتيه بيدج شني أيفزعه جاوبيني
گبل لا اندهله يحضر اخواني هيجي معوديني

خويه ياصوت
بي اصيحك بلكي تحضر
يبعدك الموت
عن عزيزك ابو الاكبر
ابچي بسكوت
فرگتك عباس تقهر

أعليك اتعودت ابن وأخو شيسد مكانك
ياهو للخيم ياهو ألي ماكو بحنانك
وگفت عبرتي بصدري..وحدي وأنكشف ظهري
......
چبير انا وكلشي شايف وماره اشكال بزماني
ضلع امي وراس حيدر والحسن چبده عماني
بس يبو فاضل امصابك كسر ظهري وشيباني

خوية عباس
صحت انا بصوت عالي
رفعت الراس
صحتك ومحد أجالي
تشمتت الناس
عافك العباس تالي

الما عنده اخو يم الغرب نظراته حيرة
ترضا ينولي بطف كربلة شيخ العشيرة
هايه خاتمة عمري...وحدي وانكشف ظهري


مرتضى يوسف
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

خوية يابوفاضل خوية
___
وينك يابوفاضل وينك
حسينك ماتحاجي حسينك
جيتك والهظم ماليني
عيني شوك بيها لعينك

انا ابو الكلب الجلد بالنايبات
اركض من الخيم جيتك للفرات
مهدل بشيبي واصيحن وين اخوي
والعدة يضحكون صاحو مات مات

يابو راس الحار
كلب اخوك احتار
ضحكت الشمات
بيه شبت نار
_
بهمي اوصلت المسناية
وجودك شفته طايح ماية
عالكاع رايتك مطروحه
ودمك شفته فوك الراية
عثر جدمي بجفك وضليت الوي
واعرفت جي حار هذا جف اخوي
سهم عينك حيراني وبيه عميت
طايح اعله الكاع وسفه اربات ابوي

يمك امتديت
عالترب وابجيت
بيه ياعباس
سهم عينك ريت
_
دمعي هل عليك مدمه
وتدري صعبة يبجي الزلمه
احجي وخاطري لاتكسره
ووياي يلا كوم بهمة

رد علي عباس احجي ورد علي
هاك ادي بس كوم خوية هاك ادي
حيل مشتاك بكفاي يرف لواك
وعلي يكسر لو مشيت وياك في

ياحليف الواي
يلا كوم وياي
لشوفتك عطشان
ما اريد الماي
__
حيلي خويه خلص حيلي
ليلي رد يكمرة ليلي
وحدي ترضى اضلن وحدي
وانت خويه قايد خيلي

كض لواك وكوم يابدر التمام
اخلاف عينك عالخيم حل الضلام
لاتخلي حسين ايده تكض كفاه
ينكسر مكفاي لو عينك تنام

انحني من اتروح
ياخليص الروح
كلبي ترسه اهموم
لاتجمله جروح
____
طايح ياعمد صيواني
وبيه اتشمتت عدواني
كالو راح اخوك من ايدك
وانت الك رمح يتاني

استضعفوني الكوم والعيال عال
بعد اخوك الذبح جاي عليك كال
ولو طحت عباس للخيمة يجون
وينسبن المعودات اعله الدلال

اكبالك الذباح
سيفه جره وصاح
بعد اخوك انشيل
راسك اعله ارماح
_
علي بدر المنصوري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

قصيدة ﴿هلا بعباس﴾

هلا بعباس...****

هلا بخيال الزلم يطي الدروس

كربله بيد ابو فاضل ما تحوس

هذا رواي الخيم يروي النفوس

إسمه ساقي بكربله يعرفونه

****

و نزل بطف شد بيده الثام

صار مهرب بيهم وحل القيام

هذا عباس الگلف معروف عام

و إبن قالع بابها من عيونه

****
سطرت معنى الملاحم بطفوف

أنته سيف لوحدگ تسوه سيوف

وهذا عباس العجب من تشوف

وقصب عالتاريخ يذكرونه

****
أنته ضهر حسين ونعمه المجيب

و بالگفالة لزينب و احلى حبيب

يا ابو فاضل بالشدد توگف طبيب

وهذا شبل القسوره يسمونه

****
بني هاشم شدو أبناء البتول

وأبو رايه أبو فاضل ويقول

أضرب الگفارا فيهم واجول

إبن حيود العرب بفنونه

****

أنته منگ القمر زداده الجمال

ذو فقارگ بالحرب سوا المحال

يشد عزمه شما كثر بيه بالرجال

ليلة السابع عبر اجنونه

****

كلمات
عضيد هادي الصالحي
﴿ﺎللھُمۘ ؏َـجۚل لِوليۧڪَ ﺎلفَرجۚ﴾
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

#نزال

ضهضب من برز  عباس شاهر للحرب سيفه
سبحة وخرز روس الجيش ويطشرهم بكيفه
**

گاصد للشريعة اليوم يازلمة الوصل حده
ابن ام البنين اوصال ويسمونه ابو الهده
هذا المايعرف الخوف ماسامع شنو الشرده
من طبهم گمر عدنان ماخذ بالزلم حيفه
**

يذبح بس چبير الگوم والعسكر طلب هدنه
ضل ايكر يسار ايمين فنه المازلف عنه
ميت خوف من عباس ذاك الماشرد منه
متوسط بنص الجيش من الدم ثگل سيفه
**

شجاع وحشماه حسين والطف عايل عليهم
شد حيله ب علي الكرار راح اليوم يفنيهم
اغضب ورتعد عباس صاح ابسيفي اصفيهم
يذبح بالزلم صوبين واحتاروا بتوصيفه
***

شيخ ويامر بمعروف بالطف صارت اطلابه
يحلها المامعلم چان سيفة اينام بگرابه
بيوم الگنطره العباس بيهم موجع اصوابه
يفرض ع العساكر گام ينهي ويامر ابكيفه
***

شال الماي بيده وصاح هوني وماقبل يشرب
واتذكر عطاشى حسين ضلت بالخيم تنحب
اگصد واسرع بممشاك عمي المهجه تتلهب
ماضل كل صبر بالروح واحنه العالي تشريفه
***

احمد ديوان الخيكاني
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

#شور_حزين_ثگيل

يعبــــاس ياخويـــــة يعبــــاس ياخويـــــة

اخر مسية ومانشوف رسومك
عباس گلي منين اجيب علومك
ترضاها عني تروح وتخليني
يالعودتني عليك گرب يومك
مثل الشمع ذابت الروح عليكم
لا لا تطول خوية باچر نومك
يعبــــاس ياخويـــــة يعبــــاس ياخويـــــة

ياذي الهجر يالعازتك مريودة
ماضل صبر والروح هل ممرودة
اشلون اشوف الخيمة باچر طايحة
يطيح الستر لو طيحوا عامودة
يالعلمتني على الدلال دخيلك
افزعلي يلي فزعتك مشهودة
يعبــــاس ياخويـــــة يعبــــاس ياخويـــــة

يالواعدتني بماي گوم اسگينه
مو سهله عني تروح وتخلينه
ادري بخوي المايردلي حچاية
مايبقى نايم من تريدة سكينه
عزب چفوفه للنهر من رادهن
وسيرله سهم البين ضافة بعينه
يعبــــاس ياخويـــــة يعبــــاس ياخويـــــة

افزع ل اخوك حسين لو ضل وحدة
وانصارة كلهم ع الترب متوسدة
لا من حبيب ولا زهير ولا جون
والخطر عن حسين ياهو يردة
باجر يرض ضلوعه راح الحافر
وعلى الترب يبقى متوسد خدة
يعبــــاس ياخويـــــة يعبــــاس ياخويـــــة

ادري العبي راح ايتغير لونها
والخيمة خوية علية ويحرگونها
ياگلب عندي مگطع مخليتك
والنوگ هزل راحوا يجيبونها
عرجه وهزيله الناگه مرت بيكم
وعلى الجسد ماقبلوا يوگفونها
يعبــــاس ياخويـــــة يعبــــاس ياخويـــــة

احمد ديوان الخيكاني
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4