نعي

صحت اهنا يغالي رد عليه
انوحن وصرخ وصفگ بأديه
ها كلي ايست ما ألك جيه
لذة النوم بعدك ما حلى النه

يل عايش ابروحي اشلون بيه
ليل انهار دمعاتي جريه
يا هو الشافني يصرخ  خطيه
يا هو أخلافك الشايل حملنه

ما جانت أبالي ولا امحسبتهه
مجفيه الدنيا عني وخذت رادتهه
ووسط الروح جم بركان شعلتهه
ما تطفاش لا يا بعد اهلنه

يشيال الحمل يل بيك غيره
وعلي وَداعة علي فجتك جبيره
صعبه غيبتك والفرگه حيره
نجاوب بالدمع كلمن سألنه
🔸🔸🔸🔸
نعي أو رده سريعه
غريبه الدار وتناشد اهلهه
شالوا وين جا ما ردوا الهه

وين البيهم امروه صفو وين
وسفه بالنجف يا ناس ميتين
دم تبجي عليهم صبت العين
هاي الدنيا وهذا عملهه

تنشد وين راحوا هل الميامين
عليهم تلطم وتبجي المحبين
عزيزين ونشامه وحيل غالين
وحق زينب وابو الغيره الكفلهه

هذا الموت ياخذ وين الاحباب
وتسعر بالگلب نيران عطاب
وتظل العين تربي بس على الباب
بلكت تنسعد ويرد املهه.

الشاعر 🔸هادي الساعدي

هوسات افراح بحق فاطمه الزهراء ع
هلا ابمولد الزهره ام الميامين
بت طاهه النبي سيد الكونين
بأم الحسن وحسين فرحانين
🔸وفرحانه الأملاك اويانه،. 0
/////////////////////////////////

السمه گبل الأرض فرحانه مبتشره
ابمولدهه الزجيه الطاهره الزهره
ونگلهه انريد منج فقط بس نضره
🔸وهنياله الفاز ابحبج،،،،
////////////////////////////
لبو الحسنين نمشي الليله انزوره
وكل واحد يطش جكليته ونذوره
ونگله شيعتك بالزهره مسروره
🔸بالمولد فرحانه الشيعه،،،
/////////////////////////
يا هو بالفضل مثلج ويوصلج
ولا يوصل اشويه حتى من ضلج
وانت المصطفى بالشبه شو كلج
🔸ابنص گلبي اسمج خطيته

الشاعر،، هادي الساعدي

نعي.
تنام عيونهم وعيوني متنام
وجن عگلي عليك اتشتت وهام
مكسورة گلب جن كسرة الجام
تشضى وما يصح كل دوه ليه

مرت جم سنه وما بيه انساك
طير ومنذبح لو مرني طرواك
تمر كل لحظه وتجويني ذكراك
يبعد ارويحتي ما بيك جيه

حبيبي وسلوتي ساكنهه العيون
عليك الطم عمر وهدلهه المتون
وهيمن بالبراري حد الجنون
لو ما تعتب الوادم عليه

ابو گلب الحنين ألما قسه ابيوم
وجودك جان فرحه اتزيل الهموم
وهسه اهمومي انه محمله أغيوم
انت فرحتي ورحت من أديه

يل كلك حميه وكلك احساس
عايش بالگلب للريه انفاس
فخر كلك عجيد و رفعة الراس
تظل  طول العمر عيني جريه

الشاعر 🔸هادي الساعدي

نعي
لرض النجف ودوني
مدفون نور عيوني
يا ناسي لتلوموني

هناك العزيز الغالي
الأول وموش التالي
بعده الحزن موالي

سبع ابحور ابجيله
يم الگبر احجيله
صعبه تمر كل ليله

جيله البعد جتاله
گطع الگلب وو صاله
من اوصل انه أگباله

كل ساعه گلبي ملجوم
ابجي بجي جن مفطوم
يعين گلبي المهموم

كل نشغه من نشغاتي
اتوضح عمق آهاتي
تنزل مطر دمعاتي

وينك يغالي وينك
صبح ومسه امتانينك
يل بالعمر شارينك

الشاعر،، هادي الساعدي

هوسات بحق الامام الكاظم ع🔸
عدنه أسرار نحجيهه فقط يمك
وننسه أسمائنه ونذكر فقط إسمك
وتكضي الحاجه بس انحلفك أبأمك
ها ها
،، نتعناك،،،، ايزورك حتى اليرضع
🔸🔸🔸🔸🔸🔸🔸🔸🔸
اسروب اسروب جنه اطيور ومحلقين
نعم هجرة عشگ وبلهفه متعنين
نحوم بمرقدك تهمل دمه العينين
ها ها
،، ويه الموعود،، ننصب مأتم يمك

🔸🔸🔸🔸🔸🔸🔸
للمحتاج ما سديت بابك دوم
وكلمن يگصدك ما تبقه عنده هموم
بلسم للجروح ودوه الكل ملجوم
ها ها
،،، والگاصد تنطيه امراده،،،
🔸🔸🔸🔸🔸🔸🔸
نعم كلمن تنخاكم اهو يعرف
متعوفونه حاير والدمع يذرف
ومن خيراتكم ينهل ترى ويغرف
ها ها
اشما رايد،، تنطونه ازياده

خادم الإمام الكاظم ع
الشاعر، 🔸هادي الساعدي

َنعي على الأخ
اه يل اخو موته صعب اه
نار وتشب للفاگد اعضاه
ينزل دمع هم ومعاناه
راح ومشه نتمناه نلگاه
لا ما يرد  عشناهه ذكراه
موت الشجر متنه بلياه
حزن ودمع ويلي أويلاه
بين الخلگ ما نلگه مثلاه

افراگ النحبهم يا خلگ صدگونه ذباح
ياخذنه ويرد الگلب شيرده الراح
ابلياهم نخلص العمر بس دمعه ونياح
فدوه تعالوا يا أملنه وعيدوا الافراح
ردو ولو ساعه فقط صاح الگلب صاح

الشاعر، هادي الساعدي
202 3 /1/31

نعي عن زينب ع
مثل امج يهيبه بكل صفاتج
يل ما شفتي كل راحه بحياتج
من حزن الحزن والحد مماتج
خلص عمرج يزينب وسط الاحزان

انت ام الخدر وانت ام الايتام
أسيره امگيده من رحتي للشام
وذبح اخوانج ويا حرگ الخيام
كل هذا الجرى ميحمله انسان

الله يعين كلبج يخت الحسين
عطاشا تصيح أطفال ونساوين
وين اليوث هاشم عنه جا وين
ذاك ايصيح ابوي وذاك عطشان

عذرآ سيدي،،،،،،
شفتي حسين داست صدره الخيل.
وابوج الجان بيه ايلوذ الدخيل
على هذا الجرى يراد الف حيل
وانت للمواقف صرتي عنوان
خادم أهل البيت ع
الشاعر،، هادي الساعدي
202 3 2/2
https://www.tg-me.com/had_jaa
الوادم بعالم تسولف.
َوانا سالفتي الحسين

(   ابوذيات على الإمام الكاظم ع )

  هاي انصار تبعث شوك ودهه
  تضحي أرواح للمسوم ودهه
  مكر تعلب بني العباس  ودهه
  بغدر سمو إمام الجعفريه

○○○○○○○○○○○○○
   بسلاسل قيدوهه اشلون يداك
   وامك فاطمه   والنبي   يداك
   السمك مو شجاع وصار يداك -
    لئن يعرف يمينك حبدريه

○○○○○○○○○○○

   يصب دمعي على الكاظم ويهلي
   ذنوبي بحظرته اغسلهن  وبهلي
   اله   خادم  اظل   انا    ويهلي
   ونظل للموت شيعه  وجعفريه

اجيتك وانا احس أمشي بلاداي
واعرفه اليگصدك يرجع بلا داي
نخيتك تحفظ من الشر بلادي
يابن خير الورى يابن الزجيه
،،،،،،،،،،،،،،،،،،،،،،
وحق ام الخدر زينب وجدهه
گلبي الحضرتك جنه وجدهه
روحي اعليك ما بطل وجدهه
تظل تنعاك كل صبح ومسيه
الشاعر /هادي الساعدي

قصيدا افراح ولادة الإمام الحسين ع

نبض گلبي وشرايني
يدگ وينبض حسيني
بمحبوبي بمحبوبي
🔸🔸🔸🔸🔸
رسايل حب اوديهه
وروحي وكل امانيهه
تظره منك ارجيهه.
يمحبوبي يمحبوبي
🔸🔸🔸🔸🔸🔸
عطر الجنه اشمنك
حب للموت احبنك
ميبعدوني ابد عنك
يمحبوبي يمحبوبي
🔸🔸🔸🔸🔸🔸

تظل غالي وبن غالي
ساكن انت دلالي
غيرك لا ميحلالي
يمحبوبي يمحبوبي
🔸🔸🔸🔸🔸🔸
اسمك من اكتبنه
بدم گلبي اخطنه
اموت بدربك اتمنه
يمحبوبي يمحبوبي
🔸🔸🔸🔸🔸🔸
رحمه من أصل رحمه
وحق طاهه النبي وأسمه
شفيع وقائد ونعمه
يمحبوبي يمحبوبي
🔸🔸🔸🔸🔸🔸
حبك حير الوادم
واسمك يرعب الظالم
الما حبك يظل نادم
يمحبوبي يمحبوبي

الشاعر،، هادي الساعدي

💔 موال بحق الامام المهدي عج 💔
انت عاشگ لو ولهان
            يا هو محبوبك يفلان
لاتخجل واحجيهه صراحه
             مبين بعيونك. سهران
  بيه اتفكر هم گلنه
           واليعشگ ندريه حيران
وگلتلهم عاشگ مهدينه
           وكلمن حبه مو خسران
هو النور وكل آمالي
         وانا ابهذا الحب ربحان
هو العايش وي انفاسي
        عطر الجوري والريحان
وتنطر كل لحظه اهلاله
          هو العيد وبيه فرحان
دگة گلبي تنبض مهدي
      بالدم يسري ويه الشريان
وخل يسمعني هذا العالم
            هو منقذ كل  انسان
من حباه حب طاهه وربنه
             حبه معناه. الأيمان

الشاعر،،،،هادي الساعدي
2020/10/22




ئ

🌹هوسات بحق الإمام المهدي عج 🌷
موالين ونحب المهدي عشاگه
ما بينه بعد ما نحمل افراگه
لهيب الانتظار ونار حراگه
ها🔹بأسمك نادينه مهدينه🔹
🔸🔸🔸🔸🔸🔸🔸🔸
نعوف أحزانه وخل نفرح الليله
وعجل بالفرج كل احنه ندعيله
ولبوه حسين نتعنه ونمشيله
🔹ونعاهد كل احنه اجنوده🔹
🔸🔸🔸🔸🔸🔸🔸🔸
نجي للحضره زوار ومحبين
ونجددله  العهد والشاهد حسين
لبو صالح فداء وكلنه متحضرين
ها ها
لأخر لحظه واخر يوم
انموت ابحب  المهدي

الشاعر،، هادي الساعدي

       🌷 يمهدينه🌹
يمهدينه دخيلك نعلن التوبه
مشينه ابعيد كلمن شغلته اذنوبه
     باعدنه الآمل عنك
    العذر كل العذر منك
  يمهدبنه يمهدينه
🔸🔸🔸🔸🔸🔸🔸🔸🔸🔸

يمهدينه الذنوب اهواي
    لذلك انت ما تظهر
تمد اجفوفك النه بخير.
      ألك احنه نمدهه ابشر
ولمن نوگع ابشدات
      نريدك توگف وتحظر
يصاحبنه يغالينه
نعرفك ما تجافينه
يمهدبنه يمهدينه
🔸🔸🔸🔸🔸🔸

ناس وتيهت الدروب
         وهيه تندل المعبر
ظلت تمشي بالمگلوب
      عافت درب ابو الأكبر
غواهه المال والشيطان
       وتسابق على المنكر
وي الظالم يصيرون
       وتمجد ابهل الشر
عافت منهج العتره
بالدنيا أصبحت اسره
يمهدينه يمهدينه
🔸🔸🔸🔸🔸🔸🔸
بكل جمعه الك ندعي
            عجل بالفرج عجل
واحنه بكل صلافة عين
             من الغيبه لا منمل
هذا يطعن بذاك
    بعضنه اعلل بعض يشكل
والمؤمن عليه نحجي
       نفضحه لو لسانه ايزل
صارت سوله عد الناس
يغويهه حجي الخناس
يمهدينه يمهدينه
🔸🔸🔸🔸🔸🔸🔸🔸

       العذر كل العذر منك
          ولدك احنه ومقصرين
   ابونه انت وندگ بابك
        انت الهوى ونور العين
تلمنه اشما تشتتنه
      ما تتركنه  متفرقين
تدعي النه يبو صالح
    واحنه ندعي الك كل حين
  نحلفك بالگمر وحسين
أضهر حيل مشتاگين
يمهدينه يمهدينه
#الشاعر_هادي_الساعدي

الخدمه مو معناهه تلطم
لو تصيح الله اعد

كلمات الشاعر / هادي الساعدي

بصوت. مسلم المطيري

ابوذيات بحق الإمام الحسن ع 🌹
كريم آل النبي معروف وصفاه
أنقى من الذهب معدنه وصفاه
للمعلول حبه دوه وصفاه
كرامات الحسن معروفه هيه
🔸🔸🔸🔸🔸🔸🔸🔸
عليه الدهر والأحزان مالن
عليل وردت للدكتور مالن
نخيت البلشدايد ابد مالان
الكريم ابن الكريم وحلهه ليه
🔸🔸🔸🔸🔸🔸🔸
دارميات
عاشك وحب وشتاگ خل تسمع الناس
بالمجتبى مجنون حد گطع الانفاس

انولد هذا اليوم  نور   الولايه
أعني الحسن معروف وبحسنه ايه

يا هو الذي باساه من فمه طاهه
منك اريد الجواب بيه انتباهه

للجنه سيد صار عنه النبي گال
هو وأخوه معروف جاوبني يالحال
الشاعر،،، هادي الساعدي

هوسات  بحق الإمام الحسن ع🌹🌹
إذا عندك امر مستصعب اعليك
وإذا محد اجاك وينشد اشبيك
لوجه الله أخبرك راح ادليك
بس انخه الحسن شتريد ينطيك
،،، بس اومي بجفك وحجيله،،،،
🔸🔸🔸🔸🔸🔸🔸🔸
منو حاتم الطاىي يم ابو محمد
الكرم خجلان من الحسن يتودد
مواقف اله ما تنحسب لا تنعد
،،،، من حيدر ماخذ عنوانه،،،،،، 🔸🔸🔸🔸🔸🔸🔸🔸
الشاعر هادي الساعدي