‏مقطع صوتي من حمزه صباح

اي استفسار عن الكلام أو اللحن مالت القصائد اني خادمكم اخوتي خدام الحسين(ع) وهذا معرفي الخاص للي يحب يتواصل وياي واكون بخدمته👇👇

@hamza1999kk


معرفي الخاص👆👆


الله يديم نعمة وجودكم انشاالله حبايب كلبي.

والله يوفقكم انشاالله لخدمة مولاي الإمام الحسين عليه السلام ويحفظكم انشاالله يآرب🤍

اسئلكم الدعاء.🙏🤲

اخوكم الخادم:حمزة صباح الزيدي.

لمولاتي فاطمة العليلة عليها السلام


ما يحمل أفراك الكلب يحسين

اذا عني رحت ميتة انه مرتين

يظل خالي مجانك

وانه اشتاك لحنانك

اذا عني رحت ميتة انه مرتين

__________

يذبل كلشي لو تمشي انت وتروح وتموت أمنياتي

انه المتعودة كلما ادخل البيت تجي وتشبك غلاتي

مثل خيط الشمع أحترك كل يوم اظل انطر مماتي

اليتعبني البعد مو مرض يحسين يبلسم كل حياتي


يعافيتي الصدك والماخذة الروح

بقت روحي بغيابك تلهج اجروح


بأامان الله وأمانك

وانه اشتاك لحنانك
__________

من حمل ضعنكم ما طلع صوت متت يابوية سكته

اليبقه ابلاية أهل بالغربة شيعيش اذا مذبوحة دكته

كلساع الحزن يعصرني ويروح ويخلص دمعي وكته

ابيوم السافروا عن عيني الاحباب طايح كلبي شفته


يهضمني الهجر من رحتو مني

ابكل مغرب يصير اشكبره وني


صعب والله زمانك

وانه اشتاك لحنانك

__________

يعذبني انتظاري ابعتبة الباب وانه ادري اتفاركوني

عليلة او هدت اضلوعي المحطات المنعتكم تجوني

الحدر جفني وصل بجفاكم الشيب يالمغيرين لوني

البقه مرسالي بيكم بس الدموع وأمل ماكو بعيوني


اثغيب الدنيا كله بريتي يندار

اذا منكم صدك مااشتم اخبار



كبر ظيمي ابهوانك

وانه اشتاك لحنانك

__________

اكابل حيرتي وادعي الله لو طيف يجي منه اثرهم

ابسنة اتمر الثواني بدون اعز ناس خلو بس صورهم

كل ذكرى بقت تلجمني بالروح انذبح كلبي ابهجرهم

سراب الدنيا صارت من مشو ليش اظل ابقى بعدهم


شصار ابحالي لو بيه يعرفون

حتى الدمع ناشف من العيون


الحزن غير الوانك

وانه اشتاك لحنانك

__________




حمزة صباح الزيدي✍️

لسيدي ومولاي الإمام العباس عليه السلام


حياالله الكمر  اجه و شايل نهر  الماهمه بشر  كسر ظهر  الكتائب

زلزلها الأرض دخل طول و عرض تسجدله فرض كل زلم الحرايب


حياالله ابو فاضل..... حياالله ابو فاضل





:::::::::::::::::::::::::::::::::::::::::::::::::::::::::::::::::::::::::::::::::::::::::::::


هلا ابغيرة اخو زينب..... الشجاع الترهب اعيونه

ابساعات االغضب عباس..... اتطيح كربله امتونه

من اصياره انشغل كلبه.....ابحب حسين وضعونه

وهذا الحب كبر يا ناس..... الهوى ما يشتم ابدونه


لبس درعه الكفيل والله يستر من نزاله

ابن حيدر علي الحيد الجمع كل البساله

المتعب الشكر والحيل من فنه أَو قتاله


يشيخ على الزلم صدك فارس شهم كفو والله ونعم يابدر الهواشم

الصعب يمك سهل حجي كول وفعل ما شالك عقل يمحير العوالم


حياالله ابو فاضل..... حياالله ابو فاضل
:::::::::::::::::::::::::::::::::::::::::::::::::::::::::::::::::::::::::::::::::::::::::::::


حيرة حسين اذا وحده.....يلمحه من العطش ذابل

هنا للخوه كلشي يهون..... يكطع اجفوفه ابو. فاضل

التشوفه ابعينها الزهره..... ذخرها او عل حرم كافل

يرجف السبعة والحومة..... اويحد احدوده كل عايل


خيال الحرب بالجربة طالع من المخيم

يا زلمة اليوكفه لويهد من فووك المطهم

جبيرة اطلابة العباس وعليها تره امحزم


ميعرف مستحيل اوطبع جفه ثكيل للحره كفيل عبر كل المواقف

سيد أعلى الزمن او ريشاته حجن أتجاوز كل محن بينها الكلايف


حياالله ابو فاضل..... حياالله ابو فاضل
:::::::::::::::::::::::::::::::::::::::::::::::::::::::::::::::::::::::::::::::::::::::::::::


طلع راعي الكرم والجود..... خيل او عسكر ارتجفت

انسد حتى الهوى اعليهم..... واعروك الأرض نشفت

حالف يكضي هل لسبعين.....البيه هيبة علي اتجلت

او كد ماجان رأسه ايفور..... ناره أعلى العدوو شبت


ذل الماي بجفوفه وصارت كربله بكيفه

اليصد لنظر عباس مات بخزرته اوحيفه

علك رايته او شدها جثث تتلولح بسيفه


شايل ذو الفقار أسد وعيونه نار ياخذ بيده ثار ابن حامي الحمية

ادخيل الجابته على الحك ربته ابكلشي وصته لأجل هاي القضية


حياالله ابو فاضل..... حياالله ابو فاضل
:::::::::::::::::::::::::::::::::::::::::::::::::::::::::::::::::::::::::::::::::::::::::::::


درس للخوه سوه اهناك.... اساس لكل وفه ينقاس

المنطي اجفوفه وعيونه..... ويكول امقصر العباس

من كصته الخجل ينكط..... اذا ظل الخيم ينجاس

امن املوحة بني هاشم..... او بالملكه يدخن الراس


رسم لوحة فدائية اودمه ابكربله شاهد

دون اسمه علتاريخ اجمل فارس اوقائد

ذكره ابكل وكت ينعاد ميشبه ابد واحد


لحسين اعطشت على دربه متت ابكلبه اتربعت وبروحك فديته

دمعك ظل يصب من شفت الغرب بعيونك صعب اتفاركها اديته


حياالله ابو فاضل..... حياالله ابو فاضل
:::::::::::::::::::::::::::::::::::::::::::::::::::::::::::::::::::::::::::::::::::::::::::::


حمزة صباح الزيدي

لمولاتي زينب عليها السلام وهية تروي فقد اخوها الحسين عليه السلام ومصائب الطف الأليمة التي جرت عليها.



انه العشت كل عمري حزنانه. عثرت علدرب ودموعي خلصانه
بكيت انه سبية. لحد يوم المنية.


__________



مااريدن اعيش ويمي شماتي ويسموني الغريبة وتكثر اهاتي
وسفه علوكت طفالي شمعاتي  وأخذ كل امنياتي وزاد دمعاتي
انه زينب سبوني وغيرو حالي وتالي الشام اخذني وحرك دلالي
يبوية ياعلي والسوط سلاني كمت اوكع واطيحن وانه بمجاني

صرت امعلعله كل دهري خلوني
هضيمة ياعلي وباللسن سبوني
َراحو كل هلي وبالغربة خلوني


بجيت علوطية
لحد يوم المنية


__________

جزع مني الصبر ياحد اظل انطر علي دارت الدنيا وظوكتني المر
بقى للان جرحي ابعمره متحير. يوم الشفت راس حسين متوذر
الوجع كلبي يلجمه دوسة الحافر. من كامت الخيل وعلصدر عابر
الشاف الطف يظل كل العمر ذاكر. للابو الف وتسعمية جرح هادر

امسح بالدمى ويخضر اردود
ينزف والجسد شيلمه ويعود
ياكبر الجرح مااظن اله حدود


بقى جرحك اليه
لحد يوم المنية


__________





يهد حيلي الفراق وما اظن انسى عطش ذاك المصاب ابليلة الوحشه
كلبي اتحير من صيار ذاك اليوم من شفت الرمح بالرأس من أمسى
عكبك يابخت كل السلف ذاب النفس بعدك تجوى وي الهوه.
الهاب

اريد اشهك الفكدك وانتحب حيل لان طيحتك كسرة وروحي
أعتاب

ما يشفى كلبي وبيه مصاب
من مات اخوي أنحب عذاب
ابجي واناغي وكلي انتحاب

كبر حزنك عليه
لحد يوم المنية


__________
أشد خلكي وي خلك الموت واتحسر واناطر بلجي ملك الموت يتنطر
بجيت وصيحت وانتحب واتعثر يخوية الحك عليه وينك بأي
بر
حزن حالي يبجي طيوف اي ديرة. بس يوم السبي محد بجى وحيرة
ناديت باسمك يا كفيلي افزعلي دارت عليه الشام من كل ديرة


يا كفيلي ما تجيني تعاال
انولينه وماتت بأيدي لعيال
ياصبر هذا اليرجعك محال

طول اغيابك عليه
لحد يوم المنية


__________
تذكرت الطفولة العشنه بيها صغار جنه ابحب علي لحد ما بدينه
كبار
وكبل جانت محنة هاشم الاحرار تضم كلمن يجيها ويعتني بأصرار
هسه احنة الغرب كاموا يسمونه وعلي الكرار داحي الباب كامو هم يشتمونه
إلهي ارجوك عجل بالأجل موتي لان باسواطهم واحبالهم ظلو يضربونه
الحك ياعلي ياقالع الباب
زينب بالغرب تتفكداحباب
وتره دارت عليها كل الذياب

موتي الغاضرية
لحد يوم المنية


__________



خادم القصيدة
حمزة صباح الزيدي✍️

مو جرح واحد واعد اهواي يحسين الجروح
اشما المك خيل تعرض تأخذك عني اوتروح

الخوة خوية عالتراب امطشرة
والاعادي لذبحتك وكفوا سرة

**********

من نص الكلب مكطوع افراكك ناره تجويني
كل خطوة ابمسير النوكـ اديرن عالرمح عيني
تتناثر دمه أعلى الكاع احس راسك يحاجيني
خوية لسكنة ديرِ البال هضمها اشكبره ياذيني


حركوا الخيمة وركضنه والحرم شافت رعب
وعازتك ياخوية عازه شفت كلشي ابلا كلب


طحت من شفتك بقيت عالثره
والاعادي لذبحتك وكفوا سرة
**********

ضليت ابطرك نوحي او للغربة انكشف دمعي
احشم يا خلك يا ناس بس محد فهم وضعي
عفت كل اهلي علتربان والحادي يكلي اسعي
للشام انسبي وانوب بالسوط انضرب  ضلعي


تعبتني الحومة واخلافك صرت ما بيه رأي
وحيرة من تسئل بناتك عمة كطرة نريد ماي


امنهد عطشن محد البيهن دره
والاعادي لذبحتك وكفوا سرة
**********

الموت اشوه وعلي ولا شوف ينسبون خواني
والأصعب هوسوا بالروؤس جاياكلبي شمتاني
الكاع اهتزت لظيمي اوخجل مامش ابعدواني
وين أهل البخت ياناس الحكوا وطفوا نيراني


والغريبة اتصيح كلها الجلمة تذبح يهلي هاي
الماشية ابنص دمهم انه حيل كسرولي كفاي


حزني مااظن مثله دار ولا جره
والاعادي لذبحتك وكفوا سرة
**********

انشد روحي شمسوين ليش ابهيمة يحدونه
وليش الظل بلا خوان الغربة اتكسر امتونه
المجوي من الهضم كلبه عجيبة ابنار يجونه
العايش ذني شيسوي اودمع ما ظله بعيونه


خدري مابين الشماته يفوت امر كلش غريب
اليجرح ابروحي نظرهم أشد من ذاك اللهيب


كصر شوفي وعيني ذبلانه تره
والاعادي لذبحتك وكفوا سرة
**********

خلصت الدرب بالوين انه امشي اوي جتالي
وصواب السحك والنار اثرهن شفته بخيالي
المحنة السومرت وياي مرفوعة ابرمح عالي
عكب هاشم صدك صارت محد يرحم ابحالي


العشرة ذيج اكبالي ماتت وانذبح ذاك الدلال
اشكد عثر كلبي واصيحن خوية للحرة تعال


روحك ابصحرة عفتها امودزه
والاعادي لذبحتك وكفوا سرة
**********



تمت___حمزة صباح الزيدي

لمولاي صاحب العصر والزمان عجل الله تعالى فرجه الشريف



ابروحك دافن جم آثار. عصرة باب وخيل ونار


من ياهو ابديلك. يا جرح اشكيلك.

يا لمهدي ومحتار. يا لمهدي ومحتار.


____________________


امتعبتك الغربة اشكثر متوسف لصار ودار
غايب واحسك تحترك لو تسمع ابذيج النار
من يبدي مصباح الصبح حد ما يظلم تندار
قبلة صلاتك علخيم وجروحك يصيرن غار



دمعك علطف يلهب صار. ودمك ينزف ليل نهار


واتلجمك ذكرى. من باب الزهرة

يالمهدي ومحتار. يالمهدي ومحتار

__________
__________



شلعان كلبك مستمر جايمته اشوفك ترتاح
من الهجر لونك ذبل مذبوح من كل اصفاح
بالهم تحير لوحدك وابراسك امعلكة ارماح
منهو اليسكن لوعتك ويا مرة دمعك ينزاح


ابروحك ميت كل الحيل. واضلوعك تسحكها الخيل


امشيب كل عمرك. او لا جرح ايعبرك

يالمهدي ومحتار. يالمهدي ومحتار


__________
__________

جم اه تنعه امصيبتك يا وضع حالك صاير
ديرة حزن كلبك صفه اوباقي بزمانك حاير
ليلية تتجوى ابجرح وكل ساعة تشبك حافر
َوالشيب حد جفنك وصل من ذاك ليل العاشر


من تنعه ذاك العطشان. وجهك يظل ينطي الوان


متعوبة ارسومك. مذبوح ابيومك

يالمهدي ومحتار. يالمهدي ومحتار


__________
__________

بعيونك امكابر عطش وايلجمك اهواي الشام
من تذكر اجروح السبي من كل كتر تلكه الام
متخوصر بظهرك سهم وبحركة تبجي الايتام
افراكك صعب ياسيدي وبهيمه ميته الاحلام


واتظل غريب ابلا رأي. على الماتو وظل الماي


مايخلص حزنك. واليهضم ونك

يالمهدي ومحتار. يالمهدي ومحتار


__________
__________

امغطية السواد اعمامتك لحسينك الدم ايفور
وادموعك اتنكط عتب بس منتظر جي مجبور
غيضك يا ابو صالح كبر وسط الكلب ثار ايدور
بأرض الله نصب رايتك وامحي الضلال المقبور


اشما مرت عليك ايام. بجروحك اتصير اسهام


يالنافذ صبرك. متعذب بأمرك

يالمهدي ومحتار. يالمهدي ومحتار


__________
__________


اللهم عجل لوليك الغريب الفرج ياالله🤲🤲



تمت___حمزة صباح الزيدي

والله ياوسفة يرد ودموعه سابكته

حيدرة بفيض جرح يدفنها فاطمته



كلبه نار وتارس اعيونه الظلام

ودعاها وليله جارح كل السهام

__

جرحه يكبر يمشي يعثر والهوه خلافج ابد ما شمه حيدر

ناره تسعر طوله يكصر والحزن يا ام الحسن بعيونه خضر

ابليله غربة وكف كلبه ويأكل ابروحه الهجر ودموعه تكثر

والله صعبة كلف دربه وهو من شال النعش بجروحه كبر


وبملامح وجه مرسوم العتاب.

ويوكع شما ينظر بعينه علباب


بهمه وبجرحه الكلف عينه تنام

ودعاها وليله جارح كل السهام

__
َ
ابليل هجره يموت حسره والوضع يصعب وماضل عنده رأي

محني ظهره وضاع عمره وشارب اهواي الحزن بدموعه ماي

كلشي سكته موش وكته يومي الييخلي العطش ملكه بسماي

يضيع بخته أو حتى دكته تنبض بكلبه الخجل والحـيرة جاي


الشايل بروحه امنايتج والحنان.

بريته ما يشتم هوه يشتم دخان


الفاكد الزهره وعطرها والغرام

ودعاها وليله جارح كل السهام

__

ابروحه لجمة اليقره همه عرف معنى أجروحه ماطابت وراج

او شاب غمه اونزف دمه مستحى افراك الطفت عينه ابضماج

دمعه طايح وصوته رايح او كطعة أنفاسه بدت من شح هواج

ليله جارح او كلشي ذابح ابصحرة همومه وعطش كلبه اعتناج


منجز أحزانه الكبل سارح وراه.

كطرة يم كسر الضلع صاير مداه


ابشوغة المذبوح نحره بلاكلام

ودعاها وليله جارح كل السهام

__

صعب يلتم جرحه سلهم وي نياشينه اطبعت كسرة الضلوع

الشاهد الدم لو تقدم خطوة من يمشي الجدم يدمي اويلوع

ابكل حياته او امنياته جان صوته بكل دعاء ابوكت الشروع

وي صلاته عد مماته عمره يخلص يم حسن واطفي الشموع


وي كل ذكرى انكتب معنى الوداع.

راحت الزهره ومست داره بضياع


صار كلشي من الهجر يمه حطام

ودعاها وليله جارح كل السهـام


#ساعد الله قلبك مولاي يا أمير المؤمنين بفقدك الزهراء عليها السلام

#لاتنسوا_صاحب_الزمان_من_دعائكم


حمزة صباح الزيدي✍️

انه زينب .....يالتزور حسين وصيه اعلى امري
انه زينب........ كله مشتاكه واريده يزور كبري
انه اليكلي الحبيبه        هسه من بعده غريبه
                  انه زينب
__
شايف الفاكد عزيز               وناطره ايمر لو حلم
انه يعكوب الحسين             وعطره يوميه اشم
ناطره اتراب اعلى راك         واعلى يا ساعه انهدم
انه شمعه بكلبي نار             اشما احنله انثلم
الفاكده اخوان اوغريبه اتروح وين
بالاخص لو جان واحد ك الحسين
والمثل جود ابو فاضل ماله ادين
اه يا عظم المصيبه     هسه من بعده غريبه
              انه زينب
__
يابعد ذني اليشوفن              واليدك جوه الضلع
انشلع كلبي ابغايبك              وادري راسك ينشلع
وانكطع هم لابو فاضل          مثل جفه الينكطع
متت مرتين بغيابك              واليواسيني الدمع
الحيلها اخوتها ومشوا هم يبقه حيل
الجَبَر الدين ابدمائه اترضه خيل
يموت كل يوم الفكد لو صار ليل
تفتر الدنيه عجيبه     هسه من بعده غريبه
             انه زينب
__
بالسنه لو مره دزلي              مو خيالك لو ترب
لمن اشتمه اعيش               ويرجع ايدك الكلب
كربله اتصيح الغريبه           وانته زوارك تطب
وآه لو للشام وصلو             يمكن ايموت الغرب
حجر دنيانه صفت والغربه جام
ليل من دون اخوتي يخنكني كام
والتريد لكربله امعطلتها شام
والبقه اثيابه سليبه   هسه من بعده غريبه
               انه زينب
__
انه عطشانه ارد اشوفك                 ما يرويني النهر
من تجي بطولك عليه                لو تجي بس النحر
انه اخاف اعليك تتعب             يا حسين الدنيه حر
انته بس انته الامان                وكلها هاي الدنيه شر
انه مشتاكه ارد اشوفك من زمان
يا حنان الدنيه ما شفت الحنان
من بعد بعدك عليه ماكو امان
والعلى كلبه قريبه    هسه من بعده غريبه
          انه زينب
__
ياكسر كلب العزيزه                    والكظتها امدلله
من تشوف حسين وحده           وما بقه واحد اله
زينب بليلة العاشر                         موتتها  كربله
للهوه من بعد اخوتي                اتكله زينب لاهله
كل بشر مره يموت بهالحياة
تموت مرتين الاخوها يمها مات
وعالنهر جفين اخوها امكطعات
والبقى اخدوده تريبه            هسه من بعده غريبه
       انه زينب
__
جيب وياك ابو فاضل         خل اشوفه كلبي حن
بيش يشبكني امنشوفه            مو اديه اتكطعن
يشوف من سهم البعينه           من الاكيه ابجفن
ما يكلولي الغريبه                  خويه جيتكم وطن
واليحن كلبه ويجي يمه الحبيب
مثل اليحصل وطن ميضل غريب
مثل ابو فاضل بعد من وين اجيب
والثبت بالطف حليبه       هسه من بعده غريبه
           انه زينب
__
#اللهم عجل لوليك الفرج


الخادم
حمزة صباح الزيدي

يالتسالني عالزهره ووضعها
                              انهشم بالباب واتكسر ضلعها
الباب امنالجذوع ..............ما تحمل وزنها
__

كصدوا لديوان حيدر ....لجن مو خير بطلابه
رادوا ايطبون داره.......وابتدوا صنع الربابه
والمخرب روحه راد...ايعم على الوادم خرابه

الباب عالزهره دفع ....ومنالعصر محسن وكع
لحدما بالدم نكع ....حيدر امنالزهره بابه

والله لو ما سبحت الزهره ودعاها
                                   جا طبك بيده الارض ربنه ومحاها
تبجي الزهره وتلوع................ماتحمل وزنها
__

بعد ما دفعوا الباب..........واذوا الزهره بضلعها
الصخر من ونها يتفطر......يكسر الخاطر دمعها
اثمنطعش عام وشباب.......وطفت الوادم شمعها


تندل دروب السمه .....بت محمد فاطمه
ينكسر حامي الحمه...من يجي يشاهد وضعها

الارض من العرك حيدر شلعها
                                  لون نادبته وصدك حيدر سمعها
ابد ماتكضي الدموع....ما تحمل وزنها
__

ما خلص من بعد ابوها........ومانكص ساعه حزنها
وزاد اضعاف وتكاثر.......من وكع محسن ابنها
اتخيل ام وطفل راح.........اتمنت اتشوفه بحضنها

استشهد بهاذ العمر.......عظم الله الاجر
الام اذا تذكر تدر.......عالولد ملحة لبنها

شما يجي بالبال طفل الجان غالي
                                       تركض لمهده وترد تلكاه خالي
حزن مايكضي باسبوع........ما تحمل وزنها
____

استشهدت ام النوايب.....واتركت دار ويتم
مكبره صبح البيت...وبيت ضل بس بالاسم
وروح من حيدر تخلت....من بعدها ضل جسم


عمر خلص وي عمرها.....ميت ويمشي لكبرها
يمشي كل خطوه يعثرها....شلون وحده ضل يهم

من مشت للمكبره وراحت زهرته
                                    حيدر امنالدنيه طفاها شمعته

بعد ما تضوي الشموع.........ما تحمل وزنها
__

ابد ما بالدنيه واحد ......عاش كل هاي المصايب
دار حيدر جان اسمها.....وهسه بس دار النوايب
هاي دنيه وعكس دارت.......سوت بحيدر عجايب

راد يقظي اعلى الظلم........والمصايب والهظم
تالي تظرب عالعظم....وعكس حيدر تحارب

ابد لا تامن بالهدنيه منونك
                                الخانت بحيدر غدا حتما تخونك
حيل رجيجه الضلوع ......ما تحمل وزنها
__
#اللهم عجل لوليك الفرج


الخادم
حمزة صباح الزيدي

فاجعة الزهراء ........اول عاشوراء
من باب الله كرامة بابي....وتعدا عليها الارهابي
فاجعة الزهراء...فاجعة الزهراء
__

ابو الكلمه الماله كلمه الكال للزهراء وان
دفع باب الله عليها وطاح من عدها ابن
الجبان الختم معنى الظالم وحد الجُبن
صار من انطاف عده ومن نسل جدا اسن

اسس ارهابين ....للزهره ولحسين
العفه انطلقت من احجابي....وتعدا عليها الارهابي
فاجعة الزهراء.....فاجعة الزهراء
__

يا مكص كطعت بيدك نور حبل الله المتين
وانطلاقاً من فعلتك اسست قتل الحُسين
تدعي الدين واصوله وانته اصلك ماله دين
من نسل خنزير اشكن صرت ابن واحد هجين

ارجع للانساب......زهرة داحي الباب
الله مكرمهم انسابي...وتعدا عليها الارهابي
فاجعة الزهراء....فاجعة الزهراء
__

النسله طاهر وابن طاهر  ما يسوي هالفعل
وانته اثبت ابن باغي ومو ابن طاهر نسل
جهل خلوك الخليفه يا خليفه اعلى الجهل
باجر المهدي يصلبك على الباب وعالطفل

غايبنه يطلبك......عالنخلله ايصلبك
ريشة جبريل بمحرابي.....وتعدا عليها الارهابي
فاجعة الزهراء.....فاجعة الزهراء
__

ان جان فعلك للخلافه انته ابد ما تستحق
الخلافه اتريد اهلها وانته تصلح للنعق
انته والخنزير واحد ابد ما بيكم فرق
عالخمر جانت قبلتك والحكم خط الافق

باجر بالمحشر...اضرب لو تكدر
ماتكدر توصل لثيابي....وتعدا عليها الارهابي
فاجعة الزهراء......فاجعة الزهراء
__


النار بالباب اضرمتها باجر اتعيشك جحيم
اعوذ بالله من فعلتك جنت شياطناً رجيم
بالسليم اشلون ينحط الانسان المو سليم
باب من اجذوع حقدك عالسراط المسقيم

آيات الرحمن....يسطرها الشيطان
مو من شيمة اي اعرابي.....وتعدا عليها الارهابي
فاجعة الزهراء......فاجعة الزهراء
__

حته عالما عده غيره ما يصح هذا الفعل
والجهل منك تعلم معنى وعلوم الجهل
شوف ياهو اليعلى شانه وياهو ينصه ويالزبل
شلون قران الله بيدك يستباح وينكتل

شنكلك حيره...ماعدك غيره
حسين ابخيمتهم رابي.....وتعدا عليها الارهابي
فاجعة الزهراء .....فاجعة الزهراء
__

اللهم عجل لوليك المنتقم الفرج



حمزة صباح الزيدي

طفو اسنيني وعشرتج ميتة بين اعيوني
و دارنه الينبض محنه انهدم فوكـ امتوني


ضلعج بروحي انكسر
أو ما رحم بينه القدر
__________


ياام حسن من كلبي ذبحتني المصيبة
اوليل هجرج اخذ كل عمري  اونصيبه
ذبلت ادموعي و صفت روحي  غريبة
أو بين حيطان الجذع حيدر    نحـيبه


مجروح و كلشي امتعبني بفراكج والله احتاريت
يالزهرة ومن دفعوا بابج موتي بهل الدنيا  اتلكيت
يانار الحسرة البضلوعي والتكتلني اشما    ضليت


من مشيتي وكلبي مالاكه السلام اخالافج
اشيبقى من عنده اليشاهد للمأسي   ابابج



صرتي بأحزاني  اثر
أو ما رحم بينه القدر
__________



والله جرح الباب أخذ كلشي من ادية
اشلون اهيد أو محسن اكماطه المنية
الصدمة  بعيوني البقت والكسرة  الية
اكبالي شفته امن انعصر ضلع الزجية


مهدود الحيل أو كل دمعي متبدي ابين الحيطان
يجبل موتج ما حسبته وابقى على افراكج ذبلان
جانت روحي اكبالج تزهر هسه امشيبها الهجران


راحت أو من وسدوها ابكل كتر مصيوبة
اوفوك حمل الظيم جانت ناحلة ومتعوبة


الشيب لرومشي عبر
أو ما رحم بينه القدر
__________



لا حزن يكفي أو دمع يشرحلي حالي
أو غربة بعيوني أصبحت ذيج الليالي
ما مصدك جرحي من روحي أو دلالي
وانطوت كل صفحتي ابروحة حلالي


متغير كلشي اعلى ارسومي ولو صد لداري اتعثر
أو ثكلت حتى النسمة ابريتي مو ذاك الشالع خيبر
اشما حاولت اخفيها ادموعي ظيم الباب يرد أكبر


كوه اجر انفاسي وانه النار حدر اضلوعي
اتطشرت كل امنياتي الذابت من اشموعي


ابلاية روح أو مستقر
أو ما رحم بينه القدر
__________



من عبير احساسي فايض كل سباتي
ا فراك وجه الخل طوى سيرة حياتي
 ضاعت أحلامي ابجرح يشهد مماتي
اوجوه الاتراب ادفنت روحي وغلاتي


مكسور الخاطر واتعذب لو مر طيف الزهرة ابليل
والتهضمني حرورة جرحي كلما إميل وياي اتميل
لون الغربة التارس وجهي رافكني بدمعة أوياويل


التنذبح كل ذكرياته اشلون يجبر خاطره
والمفارك عينه تكضي الليل بس امناطره


امعلك ابروحي القهر
أو ما رحم بينه القدر
__________



كوه شلت اجدامي من خذت الجنازة
أو ما شفت واحد فزع لمصابي عازة
واضحة اعلوم السلف ردلي اشمزازه
  اوكلبي بين الحقد واجروحي توازه


حاير والشمات اهواية واسهام ابروحي اللجمات
مجبور وهذا امري من الله اصبر عالصاير والفات
وحده اليدري اشصاير بية وبثاري اتموت النظرات


بذاك الموادع واشوفن ناس تلجم روحي
من الهضم اتلوه كدما زاد همي أو نوحي


والعدو ابظهري غدر
أو ما رحم بينه القدر



اللهم عجل لوليك المنتقم الفرج



حمزة صباح الزيدي

راحت فاطمة يدموعي سيلي
ثجيل افراكها أو يذبح دليلي

من طاحت وره الباب
جفني اتهدل أو شاب


::::::::::::::::::::::::::::::::::::::::::::::::::::::::::::::::::::::::::::::

شسولف وانتي جرحج تارس الديرة
علي من رحتي ضاع اعلينه تفسيره
قره ابروحه الوداع اوفاضت الغيره
على الملكه أصبحت سودة تصاويره


بعد عينج يغطي اتراب عيني
علطيوفج اجي ابلهفة حنيني

من شاهدت أبو تراب
جفني اتهدل أو شاب
::::::::::::::::::::::::::::::::::::::::::::::::::::::::::::::::::::::::::::::

ابتده وياج الحزن يالزهرة من صغرج
أو كل الليلة التمر تخلص بجي بدمعج
يباب الله اشحصل هل الناس وادفعج
وعجيبة اجفوف اديهم كسرت ضلعج



غريبة اتصير كل هاي المدينة
واعيش الموت بعدج يالحزينة

ابشوغة ذاك المصاب
جفني اتهدل أو شاب
::::::::::::::::::::::::::::::::::::::::::::::::::::::::::::::::::::::::::::::

شفت يم داري كلها اتحزمت الوادم
وانه كلبي أرتجف من شاهدت فاطم
ثار أو جمر غيض على الجذع صارم
أو عليها ابكل كتر صارت تره اتهاجم


ذرة امن الخجل ما لكت بيهم
الحقد تارس ملامحهم واديهم

بقت مجهولة الأسباب
جفني اتهدل أو شاب
::::::::::::::::::::::::::::::::::::::::::::::::::::::::::::::::::::::::::::::

النار ابروحي تلهب من وره العصره
أو شفت كل اخوتي خنكتهم العبره
انادي ابجرحي ماتت فاطمة الزهره
ويظيم الباب ما مش عثرته أو مره


نشف ريجي ابكثر نوحي عليها
وصبر ما ظل وصبر روحي بيها

  كلبي اعلحصل ذاب
جفني اتهدل أو شاب
::::::::::::::::::::::::::::::::::::::::::::::::::::::::::::::::::::::::::::::


اللهم عجل لوليك المنتقم الفرج


حمزة صباح الزيدي

ام البنين الطايعه_ وصت ولدهاالاربعه صاحت بصوت الفاجعه__ الله وياكم
_


صاحت الهم هلله هلله.............. كومو يمه توكلو بالله
ها يطيبين
ولدي يصحاب الحميه.............. ارضوا حيدر والزجيه
والميامين
عند ابو اليمه رساله................... ثار عد اهل الضلاله
ونصرة الدين
روحو يالثبتو ساسي ................روحو يمه رفعوا راسي
يم الحسين

صاحو ابشري ادللي_ واحدنه جن حيدر علي واليضدنه يبتلي __الله وياكم
_
بحسره وصت كل ولدهه............حسين غالي هواي عده
عنه متميل
روحو يابعد امكم انه ..................روحو انسحكو بمكانه
من تجي الخيل
روحو يَمه وطيحوا دمعه......... من تچل صيروله شمعه
وضوو بالليل
انتبهو خاف حسين يهوه .......يمه صيروا لحمله تجوه
بشحت الحيل


يستاهل احسين الضنه ___يُمه روحوا بالهَنه
فدوه اروحله انه____الله وياكم
____
هلله هلله حسين وينه ...........بالسيوف مكطعينه
لا يكولون
ولدي لجل حسين طاحوا.........اربعتهم فدوه راحوا
لا يزعلون
وي برير ويه عابس .............. كلمن يعين المجالس
من يلطمون
بونته الرادود يحجي .............يَمه كل اولادي تبجي
بحسره يبجون

توصيهم بنبرة حزن ____تبچي على احسين وتون
لاتعوفونه يضن _الله وياكم
____
صيرو فوك حسين خيمه.........لو عطش صيروله غيمه
لا تقصرون
فدوه فدوه حسين صيحوا.........كبلله فوك الغبره طيحو
من تروحون
امكم اموصيتكم انه............... حسين يا ولدي امانه
يالتسمعون
لو لنصر حسين رحتوا......... وكبلله فوك الغبره طحتوا
ماتموتون

العلا احسين بروحه حاقد__كولوا دم حسين خالد
عالمنابر والمراقد____الله وياكم
___
خل اخبركم يولدي .......حسين غالي هواي عندي
بلسم الروح
ملح ينحط ابجروحي.......تطيح فوك الغبره روحي
ولاهو مجروح
كل محرم ادعي باجر........كون مايلفيني عاشر
وادري مذبوح
نبضي كل واحد يسمعه........جن يتيم وباقي ينعه
ووادم اتنوح

يالبعدكم ياهو الي___روحوا يحرسكم علي
بالشدد هوه الولي ___الله وياكم
___

صيحوا يا مولاي صيحوا .....طيحوا فوك الكاع طيحو
لخاطر حسين
صالو اعلا الكوم صالو........يمه عد عيناج كالو
لاتوصين
كلمن محضرله حذره .......... لوسهم يلفي اعلا صدره
انصده بالعين
يُمه ليل انهار ننحب ......... كون بس حسين يشرب
وانتي تبجين


تُرضيك يا رب العُلا__ ام البنين بكربله
اطت ولدهه للوله _الله وياكم وياكم____



#ليلة سيدتي ومولاتي ام البنين عليها السلام


حمزة صباح الزيدي

السلام عليكم خدام الحسين(ع)معرف حسبابي تلكونه موجود بالوصف ربي يوفقكم ويحفظكم إن شاء الله



للقصائد الحسينية


@hamza1999kk


أي استفسار عن كلام القصائد أو اللحن هذا معرف خادمكم👆👆

يانور للعتره
مظلوم ك الزهره
يا فظلك اشكبره
صادق زمانك...صادق زمانك
__
اسمه علينه يمر
تعلمنه منه الصبر
ما يسوه شي بالعمر
لو ما حدث تنتظر

المن تعيش افتهم
والمن تريد العلم
بين الاهم والمهم
يحتاجك لكل عزم

يا راي بي حكمه
يا جوهر ابعلمه
معروف من اسمه
صادق زمانك ...صادق زمانك
_
جعفر الصادق اله
بكلب العلم منزله
وخدوده امبلله
لمن تمر كربله

زينب ذكرها وحزن
هم ما صفاه الزمن
مرت عليه المحن
زادن ابد ما كضن

صامد بقه ايكابر
يبجي على العاشر
ملجوم عالحافر
صادق زمانك ......صادق زمانك
_

بوكتك جنت مدرسه
اكبرهم امدرسه
ذكر الزمن لو نسه
ما فاركاك الاسه

وعيونك الدامعه
بوكتك جنت جامعه
كل للزمن سَمِعَه
وهاذ الحجي يطَبعَه

سَموك وافضالك
ماتنعد ابجالك
والدين حامالك
صادق زمانك ...صادق زمانك
_

مثل الحسن موتتك
ظلت تون شيعتك
كل الفتن اذتك
كاسرهم ابطيحتك

بكلب اليحبك عشت
يا جعغر وما متت
بالينبظ اتربعت
وبدمنه صادق صرت


ياموت ما عافك
مسموم واشفافك
حزنان واوصافك
صادق زمانك ...صادق زمانك
__
متروسه روحك حزن
عالزهره تبجي وتون
تخنك يكلمة وان
عاقبته صارت فان

الضدكم ذكر مال اله
لا نسله ولا هله
ما ينعرف اوله
كلمه ابشرف ماتله


يا سور بعلومك
معروف من يومك
والدين مرسومك
صادق زمانك...صادق زمانك
__

#لاتنسوا_صاحب_الزمان_من_دعائكم


#السلام على صادق ال بيت محمد(ص)


الخادم
حمزة صباح الزيدي