چذب
هم بعدك اتحبني
وتجي ملهوف الاشعاري ..

وبعدك
مثل الاول
تسأل إبلا شوف .. ؟
عسى الله وتلگه واحد جايب اخباري ..

وأنه مثلك
والك وازود
يوميه اطلع عذر ما مر بيك
الى ان خلصت اعذاري ..

واگلك بعد مااحبك
وأحبك وانته ما داري ..

يكاتلني
واحبنك
واخاف اعليك من عندك
وخافن من بشر مغرم يجيك يطالب بثاري

وشتلگه بعد مني ..
گطرة ماي وتبديت .. ظلمه والنهر جاري

احبك حيل احبنك
احبك وابقى احبك دوم الآخر كلمه بشعاري.

_حيدر قاسم المالكي💚
.

گلتله
العيد موعدنه ..
ونسيت
العيد مو عدنه ..


_حيدر قاسم المالكي💚 .
.

ريت بصباح العيد .. ما يندگ الباب
خاف افتح وماشوف جيه من الاحباب .

_حيدر قاسم المالكي💚
.

الحچي
الماينحچي يأذي

لذلك من يضكني الشوگ
أطلع صورتك وهذي

وادور بالملامح غاد
ووگف يم رمش عينك

وفوگ خدودي ينزل ماااااااااي
مالح
لحد ما انگع بطينك

وادور
بالصور
نبضات من گلبك
بلكت بعدك اتحبني ..
بلكت الگه شي مني بشراينك. .

والك وينك ..

_حيدر قاسم المالكي💚
.

_حيدر قاسم المالكي💚

ارد اشمك من رگبتك
ووصل التل الفخاتي بليل واعثر .

يا خمر
نث
اعله شفتك
رايد اسكر ..

ارد ابووسك بووس واكثر
.

_حيدر قاسم المالكي 💚

انته
يا آخر
نثيث ..
يندي من زخ المطر لتراب ادينه .. .

انت طير الكاشف اسرار المدينه ..

ياگصيبة
عافيه اعله اچتاف نثيه

انباگت
ابليله حزينه ..

يا بعييييييد العاش بينه ..
.

_حيدر قاسم المالكي

يا صديقي الكاتبه الله يصير
وتصير السوالف ..

ياصديقي الحزن ناشف ..

دير بالك على عيونك
والله من حزنك عليك هواي خايف .. .

_ حبيبيني ❤️
.

انته لعابة حياتي
العاشت ابروح الزغار ..

وأنه ذاك المامش بجيبه وشراها .
وفرفحو گلبه ليغار ..

_حيدر قاسم المالكي 💚
.

لا لك عرف بالصيت لابي الك ايد
الدرهم السواك .. من الاجاويد .

_حيدر قاسم المالكي 💚




.

_حيدر قاسم المالكي 💚


شتضن اردلك بعد
لا والخلق ادم

مثل اليطب لسجن هاگد ندم نادم ..

ماشيتك إبلا دغش
حسبالي عندك حض

شمدريني مثل الچلب
بس عمي قدوه الچلب ما مره صاحب عض

رادوني اطيح
وما طحت
صح أمشي ما منكسر .. بس گلبي شابع رض
.

_حيدر قاسم المالكي 💚


عاجبك
ابچي من اشوفك
وانت تضحك بالصور .. .
.

چنك
أتريد المحنه

چنك
اتعاتب وطنه

چنك
ادگول
العشگ وجه الله الابيض
ليش چا صخمو اهلنه ..


_حيدر قاسم المالكي 💚 .

_حيدر قاسم المالكي 💚 .

يفرفرنه
العشگ ونغار

وتدير الوجه مني
ووجهي هم يندار

ساعه وتخلص السچه
ويرد الشوگ بينه الاول المشوار

يحبيبه الزعل خطار

_حيدر قاسم المالكي 💚

الليله
صوتي بصدري احبسه

الليله
لو فز گلبي اونسه

والله ما بياش ارجع للنحيب
الليله أضم اجروحي ما ورجي الطبيب .
.

رساله
الكل محب ما يعرف العرفه ..

لا تگعد تتاني
ومنتظر صدفه ..

لو تتعنه ولفك لامن تشتاگ
لو من راسك اتحذفه ..

_حيدر قاسم المالكي 💚 .

حزنك عرس للشمات .




_حيدر قاسم المالكي 💚
.

يل طبعك
طبع چكليت
اخاف اعليك لا تتلف .. .
.

_حيدر قاسم المالكي 💚

ومثل لف الجگاره اعليك حيل التف ..

وعذرني
من الح وياك

يل طبعك طبع چكليت
اخاف اعليك لا تتلف ..

وبعد گلي شلحگ بيك
مطره بهور ما تنشف ..

وعذرني من الح اوياك وأنه اعرف ..

وعذرني من اخافن لا ...
اخافن لا يجرحونك واظل أنزف .. .
.

يا بعييييد العاش بينه



_حيدر قاسم المالكي 💚 .
.

وبعدنه
انحير الدكتور . ما نندل وجعنه منين .


_حيدر قاسم المالكي 💚