_حيدر قاسم المالكي 💚



اذا بچاچ
واذا مل وبدهء يخونچ ..

عليچ الله
ارجعيلي .. واصيرن كحله بعيونچ .
.

_حيدر قاسم المالكي💚

ومن اجيتچ
گلبي نورس .. ليش ما صرتي نهر

امنية العميان تحلف بالنظر ..

وما خسرتچ
خاف حسبالچ خسرتچ
گلبي يربح لو مثل گلبچ خسر .. .
.

_حيدر قاسم المالكي💚



_ إنه وحدي اثنينه .
.

_حيدر قاسم المالكي 💚

اجابك النه
غيمه حزن ارواحنه وتطلگ مطر ..

شلون مرينه اعله بالك ..؟
واحنه منسيين بدروب الفكر ..

نسكت وتحچي المحنه
ونضحك وتبچي الصور ..

اجابك النه ..؟
وأحنه والحرمان رفجه من الزغر

واحنه حنظل
وانته احلى من الشكر ..

وانته
ما جاسك عطش
وصيام أكثر من شهر

ولو ردت طاسة ماي .. يفدولك نهر

لا طول خلگ بينه
ديره مال اشباح والدنيا غروب
لا تحاول .. تتعب وما تستقر
.

_حيدر قاسم المالكي 💚




انته ما تسوه العتب .. بس سوله أعاتب
.

_حيدر قاسم المالكي 💚


تغثوني
شني واشتاگ

الكرامة
أوله
واذا احبكم ..

وخاف
ابالك مشغول
ترى أنه كلشي ماعندي
واظل اسبوع يله افتح رسايلكم .. .
.

حلوه اشفايفچ تنحط على الحمره .





_حيدر قاسم المالكي 💚
.

شلون
أمنع روحي لو رادت تشبگك وانته امام .




_حيدر قاسم المالكي 💚

شلون ماشيلك وابوسك
وانته نعمه وأنه اخاف من الحرام .. .




_حيدر قاسم المالكي 💚
.

رسـالـة لـك:

‏يجب أن تُحب وليس أن تقع في الحب، فكل شيء يقع ينكسر، بين الفهم والوهم حرف، وبين الحب والحرب حرف، وبين الداء والدواء حرف، وعلينا أن نختار طريقنا، حتى نكون مؤهلين لخوض معركة الحياة.
هما طريقان لا ثالث لهما، إما حُبٌ أو حرب، وإما فهمٌ سليم أو وهم سَقيم، وإما دواءٌ مُحيي أو داء مُميت.

تسودنت يمكن
جاي أكثر الصفنات
ومن الصبح لليل أظل بالغرفه ..

مادري يمتى
تخلص ومنها ارتاح
ومادري شنهي البيه هم ماعرفه ..

اشعل جگارة
وهيه تبدي الحسبات
وانسه الجكارة بچفي حد ماتطفه .. .

_حيدر قاسم المالكي 💚
.

_حيدر قاسم المالكي 💚


حدر
گطوات احط رأسي
مگفافة شتاء
وبليل
يلچمني الدفو واطره ..

وينث
ذاك الندى الغافي
وگطرة تعاند بگطره ..

افك ذاني
واهيس صوت البروحي رشگ مطره ..

ظلمة
ويستحي الفانوس
اسد جفني واظلن بالچفوف اقره .. .

_حيدر قاسم المالكي 💚

يلوموني
ويلومونك ..

ويرف گلبي
ويگرصة الخوف
لا يفلان لا تعشگ يكتلونك ..

بس تهوى .. يصير اوداع .. .
بس تحتج .. اتموت بساع ..

هاي الناس
مابيهم ترافة ووشوگ

غصبن ع الگلب ينباع ..
.

_حيدر قاسم المالكي 💚





وانته ولا تهم بالصار
يوميه ويواحد بدلة معرسه .
.

_حيدر قاسم المالكي 💚


منو ابالي
ومنو ابحالي

لا عاشگ
ولا معشوگ
ولا عندي گلب يهوه ..

ياروحي ولچ فدوه ..

وياروحي
مثل باقي الخلگ بلليل اريد ابچي .
وريح البال
وسلطن وعشگ لغنوه ..

اريد ابچي بحضن حلوه ..

انه اچم دوب اظلن هيچ
ماعندي جرح يسوه ..

حدي وياچ تالي الليل ياروحي
اذا مامش
ادبرلي حزن گوه ..

_حيدر قاسم المالكي 💚




وبعدنه
نحير الدكتور ما نندل وجعنه منين .. .

حزنك عرس للشمات .




_حيدر قاسم المالكي 💚
.

نمت كلهم يحبوني
ومن فزيت .. شفت الناس متغيره
ولا واحد مثل ما چان ..

يا گلبي العشگ دخان ..

ويا گلبي ..
لگيت الناس لعابات
ورخيصه السلع معروضه بالدكان .. .

گبل چان البشر فد لون
وهسه ملونين الوان ..

يا گلبي البشر دخان ..

_حيدر قاسم المالكي 💚
.

تعريف بعض المصطلحات
للشاعر _ حيدر قاسم المالكي 💚 .


الحب ؛
_جندي مفقود بسنة ما ادري يمته ..

التضحية ؛
_مشهد وهم وابداً مو حقيقه
ضحه جاك .. الروز .. شفته ..

الخيانه ؛
_الخيانه خلها سكته ..

الملل ؛
_انسان بالسبعين عمره
ومقعد ومشلوله شفته ..

التسامح ؛
_چان عندي
وچنت اعرفه .. وريتني اصلاً ماعرفته

الاشتياق ؛
_مالت الله
إنه حيل اشتاگ لحسين بحضرته

الاكتفاء ؛
_انسان شاف الله حبيبه
وياهو مثل الله حبيب التارس الدنيا برحمته

وأنه ضايع
ضايع الدور عليه ..

ب اي مكان .. أبين دخان الزويه

هدوم واگف .. والعناكب بنت كوم احلام بيه ..

هذا هذا
هذا وحده ..
وهذا باقي انسان بعده ..

وحتى مرجوحة حياتي
راحت ومامنها رده ..

وااااه يشباچ القديم الماتمر نسمه اعله خده ..

الناس
ملتهيه بذنبها
وأنه بي لاهي الذنب..

وأنه خايف تطلع الدنيا چذب ..

_حيدر قاسم المالكي 💚
.