”الدنيا صغيرة وعمرنا فيها قصير

الهى في نفسك وحياتك وخلي الناس في حالها

أفعالك المُضرة اليوم حتندم عليها غدوة

لما تكرّس حياتك لكره وضرر شخص معين فأنت ماعاش عندك حياة راه

مش حتحس بيها هادي لين يختفي ذلك الشخص

وقتها حتلقى نفسك فارغ ومكسد وحتعرف مدى تفاهتك وقداش ما الشخصنة متاعك معبية رخص

اللهم اشغلنا بأنفسنا وربي يهدينا جميعاً“

في هلبا اشخاص حتشوفهم يفتحولك في الطريق معاهم مرة تانية، لكن مش معناه إن المرة هاذي مرحب بيك زي ما انت، ومش معناه إن هما تغيروا للافضل.

في حاجات تجي متأخرة باش تخليك تعرف قيمة الصبر.

مش ديما ناخد في شن نبي، لكن مش ديما ندور في بديل ولا بديل سريع، في حاجات عندي قناعة إن يقعد مكانها فاضي افضل من إني نعبيه بأي حاجة غير باش نثبت لروحي ولا لأي حد إنه مش هامني.

حينشافلك على إنك شخص أناني، حتى وقت تباعدهم عليك لمصلحتهم.

مافيش مبرر مش مقنع، لكن هي تمشي بالمزاج.

مرات هلبا ننسو إن النفس اللي عندنا أمانة، ونسلموا فيها للي يجي يتحكم بنفسيتنا ومزاجنا، فا مش لأنك اقوى واحد ولأن قلبك حديد ولأن الناس كلها ما تسواش شي فا انت لازم ما تخليش حد يأثر فيك، مافيش حاجة من هاذي
لكن لأنك لازم تحافظ على الأمانة هاذي، لأنها مسؤوليتك انت مش مسؤولية حد تاني.

في هلبا حاجات تفرق، لكن مافيش جهد 1% إني ندير رد فعل.

خدت مني هلبا وقت وجهد باش وليت الشخص اللي مافيش حد يتمنى يصاحبه.

حاول ما تخافش من إنك تقرب، مش ديما في حد سابقك زي ما انت تفكر.

المزاجية اللي تحبها هي نفسها المزاجية اللي تسكتك في نص الهدرزة والضحك، وتاخدك من نص الزحمة، المزاجية هي ديما اللي حتاخدك للوحدة وللجانب اللي ما تحباش منك.

مشكلة إن اللي تبيه ياخد بإيدك مش حيدير هكي، لأنه ديما يحساب في حد واخد بإيدك، لمجرد إنه يشوف فيه معاك.

زي اليوم من سنة فاتت محمد ولد اختي كان عايش، زي الساعات هاذي كان عايش وكان مازال شوية ساعات على الحادثة الشنيعة.

ربي يصبرنا على فراقك ويجمعنا بيك في الجنة.

كانوا يتأسفوا على حاجات داروها وهما قاصدينها، أنت اللي جيت تفوّت بس.

ما تتحملش هلبا لأن قدرة تحملك هي اللي تحدد حجم معاناتك من كل شي، المدة اللي بتقعد فيها تحت الضغط من اي جيهة، ومدة العلاقات اللي بتضرك، وكم مرة بتنحط فيها في موقف يضايق وكم مرة بتسمع فيها كلمة تضايق، وكل ما تزيد قدرة تحملك كل ما تزيد الحاجات هاذي كلها

فا مش ديما حاجة كويسة إنك تتحمل، لأنه كله قاعد يتخزن ويصنع في أثر حتى لو انت في لحظتها تخطيته، لما حتتراكم عندك حيبدا صعب تتخطى.

ما تعطيش فرصة بلا مكانة، اللي ما تقدرش تعامله زي قبل خليه بعيد افضل ليه وليك.

انا مش هذاكا الشخص اللي في الموقف الكويس اللي درته معاك، فا لو تبي تعرفني على خاطره، لازم تكون عارف ومتوقع مني كل شي.

"‏مايجعلك تُحدث الله بطمأنينة، هو يقينك أن الله يدرك كل شيء بحقيقته، لا يتطلب دعاءك أن تسهب في تفاصيلك لتوّصل إليه ماتشعُر، أو تُقسِم بحرقة ليصدقك، يعلم مالا تستطيع شرحه، ومالا تُتقِن ترتيبه، حتى وإن رفعت يديك صامتًا ودموعك تنهمِر."

„بشوطها بسرعة، ما بتلحقش تصد“.

- "مش حيتغير شيء في 2022، المشكلة مش في رأس السنة، المشكلة في رأسك أنت".