"Эслаб эслаб..."
Ҳалимасизлик...
17.05.2020 й
@Guljamol_Asqarova
@halima_xudoyberdiyeva

17 май Ҳалима Худойбердиева туғилган кун

“БОЛАМ НА РУС, НА ЎЗБЕК, АРОСАТ БЕЛГИСИ БОР”

"...Сенда бодом иси бор,
Сенда бобом иси бор,
Болам на рус, на ўзбек,
Аросат белгиси бор.
Беш юз йиллар аввалги
Хатни мен англайман, бас,
Мен бугун айтганимни
Болам баъзан тушунмас.
Кўкрагимда дод қотган,
Яқинлашар катта хавф,
Ўз тилини йўқотган
Халқ бўлмасми ердан даф..."


Шеър номи: “Эски ўзбек тили”га ёзув”
Муаллиф: Ҳалима Худойбердиева
Ўқиган: Раҳимбой Жуманиёзов

@halima_xudoyberdiyeva

​​17 май Ҳалима Худойбердиева туғилган кун

КЎКСИМДАГИ ВУЛҚОН...

Меҳрибон, забардаст ўғлим Умиджонимнинг порлоқ хотирасига!

Бу ер, бу тупроқда азиз жон ётар.
Қирққа ҳам тўлмаган порлоқ шон ётар.
Етти авлодини қўллагувчи зот,
Умидбек аталмиш паҳлавон ётар.

Ларзага келарди юрганида ер,
Юраги мулойим, келбатида шер.
Ер!
Боламни чинор қилиб қайтиб бер,
У сенинг бағрингда мисли дон ётар!

Ҳаёт юкин тортдим, оғир зил-замбил,
Оёқ зирқиради, синиб кетди бел,
Фарзанд доғи деган қондек қип-қизил,
Кўксимда ястаниб бир уммон ётар!

Кўнгандим-ку дунё ўйинларига,
Чидадим-ку бўрон, қуюнларига,
Ҳурлар қўл ташлабми бўйинларига,
Арслон болам мисли Хон-Султон ётар.

Во дариғ, ё Раббим, бу не тақдирдур,
Байрамни кам кўрдим, кўпи таҳқирдур,
Худо, тақдиримга бу не таҳрирдур?!
Руҳимда минг йиллик жим исён ётар.

Билмадим ё осмон, ойда юргансиз,
Пиёдами ёки тойда юргансиз,
Аё, биродарлар, қайда кўргансиз,
Ки, ернинг бағрида ос(и) мон ётар?!

Шам каби олдинга ўтиб олай деб,
Келса қўлларидан тутиб олай деб,
Озурда онамни кутиб олай деб,
Жаннат эшигида зўр қалқон ётар.

Начора, ажалга бериб бўлмас чап,
Боласи ўлганга бу дунё не гап?
Ўлимдан қўрқмайман, чунки қўриқлаб,
Қабристон бағрида шер-арслон ётар.

Бу ер, бу тупроқда азиз жон ётар,
Қирққа ҳам етмаган бир ўғлон ётар,
Етти авлодини қўллагувчи зот,
Умидбек аталмиш, паҳлавон ётар.

Жону жаҳон ётар, меҳрибон ётар!!!

✍ Ҳалима Худойбердиева, Ўзбекистон халқ шоири


17-may Halima Xudoyberdiyeva tug‘ilgan kun

KO‘KSIMDAGI VULQON...

Mehribon, zabardast o‘g‘lim Umidjonimning porloq xotirasiga!

Bu yer, bu tuproqda aziz jon yotar.
Qirqqa ham to‘lmagan porloq shon yotar.
Yetti avlodini qo‘llaguvchi zot,
Umidbek atalmish pahlavon yotar.

Larzaga kelardi yurganida yer,
Yuragi muloyim, kelbatida sher.
Yer!
Bolamni chinor qilib qaytib ber,
U sening bag‘ringda misli don yotar!

Hayot yukin tortdim, og‘ir zil-zambil,
Oyoq zirqiradi, sinib ketdi bel,
Farzand dog‘i degan qondek qip-qizil,
Ko‘ksimda yastanib bir ummon yotar!

Ko‘ngandim-ku dunyo o‘yinlariga,
Chidadim-ku bo‘ron, quyunlariga,
Hurlar qo‘l tashlabmi bo‘yinlariga,
Arslon bolam misli Xon-Sulton yotar.

Vo darig‘, yo Rabbim, bu ne taqdirdur,
Bayramni kam ko‘rdim, ko‘pi tahqirdur,
Xudo, taqdirimga bu ne tahrirdur?!
Ruhimda ming yillik jim isyon yotar.

Bilmadim yo osmon, oyda yurgansiz,
Piyodami yoki toyda yurgansiz,
Ayo, birodarlar, qayda ko‘rgansiz,
Ki, yerning bag‘rida os(i) mon yotar?!

Sham kabi oldinga o‘tib olay deb,
Kelsa qo‘llaridan tutib olay deb,
Ozurda onamni kutib olay deb,
Jannat eshigida zo‘r qalqon yotar.

Nachora, ajalga berib bo‘lmas chap,
Bolasi o‘lganga bu dunyo ne gap?
O‘limdan qo‘rqmayman, chunki qo‘riqlab,
Qabriston bag‘rida sher-arslon yotar.

Bu yer, bu tuproqda aziz jon yotar,
Qirqqa ham yetmagan bir o‘g‘lon yotar,
Yetti avlodini qo‘llaguvchi zot,
Umidbek atalmish, pahlavon yotar.

Jonu jahon yotar, mehribon yotar!!!

✍ Halima Xudoyberdiyeva, O‘zbekiston xalq shoiri

@halima_xudoyberdiyeva

🎧 🎼 🎧 🎼 🎧 🎼 🎧 🎼

#dil_navolari

📝 Begim...
✍ Halima Xudoyberdiyeva she'ri
🎙 Zarnigor Ibragimova ijrosi

@Ozori_dil
@halima_xudoyberdiyeva

​​Филология фанлари номзоди, Алишер Навоий номидаги Тошкент давлат ўзбек тили ва адабиёти университети доценти, таржимон Қосимбой Маъмуров Ўзбекистон халқ шоири Ҳалима Худойбердиеванинг “Муқаддас аёл” шеърини инглиз тилига ўгирди. Ўқинг, аслига солиштириб кўринг ва баҳо беринг.

Ўзбекистон Ёзувчилар уюшмаси
АХБОРОТ ХИЗМАТИ


Ҳалима Худойбердиева, Ўзбекистон халқ шоири

МУҚАДДАС АЁЛ

Ошиқларинг пойингта гул отиб ҳам бўлди,
Хилватларда лабингдан бол тотиб ҳам бўлди,
Ва бу ҳақда кимларгадир сотиб ҳам бўлди,
Сен бари бир муқаддассан,
Муқаддас Аёл!
Аввал: «Кел-эй, қучоғимга тўл, балқ», дедилар,
Унамадинг, аёл ўзи терс «халқ», дедилар,
Ичолмагач юз ўгириб, шўр, талх, дедилар,
Сен бари бир муқаддассан,
Муқаддас Аёл!
Сен дарёсан, ўпганини қирғоқ яширар,
Жуфтим бўл, – деб чопганини ҳар тоқ яширар,
Жаннатим, – деб қувонмасдан қумлоқ яширар,
Сен бари бир муқаддассан,
Муқаддас Аёл!
Асли бу бор эрмакларнинг борар ери Сен,
Росту ёлғон эртакларнинг борар ери Сен,
Асов отдай эркакларнинг борар ери Сен,
Сен бари бир муқаддассан,
Муқаддас Аёл!
Чорлашганда сен келсанг, гоҳ бекор келсанг-да,
Маст даврага бир сарин ел, бир тор келсанг-да,
Хор келсанг-да, номардларга гоҳ хор келсанг-да,
Сен бари бир муқаддассан,
Муқаддас Аёл!
Қимтинасан, астагина кўтарасан бош,
Минг йилликдир кўзингдаги жавдираган ёш,
Гуноҳкорлар мингу битта Сенга тегар тош,
Сен бари бир муқаддассан,
Муқаддас Аёл!
Ҳарир, хушбўй баданингда тошлар изи бор,
Кўкрагингда эгилган не бошлар изи бор,
Қуёш изи, куйдирган қуёшлар изи бор,
Сен бари бир муқаддассан,
Муқаддас Аёл!

А SAINT WOMAN…

By Halima Khudoyberdiyeva
Translated into English by Kosimboy Mamurov,
English language professor and translator

At your foot flowers thrown your lovers have,
In lonely places already kissed your lips they have,
And of it to others already betrayed they have,
In any case, Saint you are, the Saint woman!

“At first, come on, hey, into my embrace”, said they,
When refused, “women are stubborn folk”, said they,
Being unable to drink, they are salty, bitter”, said they,
In any case, Saint you are, the Saint woman!

A river you are, those who kissed, the bank hides,
Those who run saying be my better half a tree hides,
Those who joylessly say my paradise, the sand hides,
In any case, Saint you are, the Saint woman!

The only address for pleasure, entertain, is You,
They only theme for false stories, fables is You,
The only field for men to run as steeds is You,
In any case, Saint you are, the Saint woman!

Called, you came, just with no errand would come,
To a drunkard’s circle as wind, or unfit, would come,
Though humiliated or applying undignified you come,
In any case, Saint you are, the Saint woman!

You’d hardly say, your head slowly you raise no high,
A thousand years old is a fading tear in your eye,
The sinned are a thousand one, but guilty you’re, why?
In any case, Saint you are, the Saint woman!

Silky, flavoring body of yours have a stone stain,
On your breast what not bowed heads left stain,
The Sun’s print, sunburnt spots are there in plain,
In any case, Saint you are, the Saint woman!

@halima_xudoyberdiyeva

https://www.tg-me.com/joinchat-AAAAAFR5VfSQjPeC7ODZMA
https://www.tg-me.com/joinchat-AAAAAFi6S36Eciyxe9lKJw

ҲАЛИМАИ ЖАҲОН МАКТАБИНИНГ САБОҚЛАРИ

# Шамс келди, дедилар, Мавлоно (Румий) шодланганидан суюнчисига тўнларини ечиб бердилар. Алдадик, дейишди. Мавлоно жилмайиб, "ёлғонингга тўнимни бердим, рост айтганингда жонимни берардим", дедилар...

#Ҳазрат Жомий қуёшдир, мен тупроқман. Тупроққа қуёшдан нур тушмаса бир гиёҳ унгайми?, деганлар Навоий бобо...

#"Ўлаётиб тобутимда бошим остига Сизнинг китобингизни қўйишларини сўрайман", дея мактуб битган улуғ Анна Ахматовага Марина Цветаева...

#Леонардо до Винчи Довуд пайғамбар сувратини чизаётганда шогирдининг сиймосидан фойдаланган экан...

Ҳалима опам билан биз яхши кўрардик бу тарихий фактлар ва ришталар таърифини, ўта инсоний меҳр изҳорларини...
Ва меҳру муҳаббат камёблашиб, меҳр ҳеч кимга керакмасдек совуқ бир ибтидони бошдан ўтказаётган замонда бу улуғвор муносабатлар Устозим ва мен ўртамдаги ришталарни ҳам янада қаттиқроқ боғлашга ҳисса қўшган бўлса ажабмас.❤

Барчангизга Ҳалимаи жаҳонимизни дуо қилганингиз, эслаганингиз учун раҳмат🙏

Бисотимда ёдномаю жавоҳирлар кўп, уларни Устознинг 75 йиллик юбилейларига атадик.( Ҳалима опамни қизи, азиз синглим Моҳигул Америкадан боғланиб менга бугунги кун учун раҳмат айтиб, шу таклифни билдирди)

Ўша кунларга ҳаммамиз омон етайлик. ҲАЛИМАИ ДАВРОНИМИЗНИНГ РУҲЛАРИ ШОД БЎЛСИН!!!🙏❤

Ҳалима опам тўйимда тўн кийгазгандилар, онам реанимацияда бўлганлари учун оналик ҳам қилгандилар, меҳрибоним, жону жаҳоним. РУҲЛАРИ ШОД БЎЛСИН😔❤👇

@Guljamol_Asqarova
@halima_xudoyberdiyeva

17- may-Halima Xudoyderdiyeva tug'ilgan kun
🌿O'zbek adabiyoti rivojiga ulkan hissa qo'shgan hassos shoira Halima Xudoyberdiyevaning 73 yilligiga🌿

✍H.Xudoyberdiyeva "Begim sizni tabiat...."

🎤 Qashqadaryo viloyati Kitob tumani 87- maktabning ona tili va adabiyot fani o'qituvchisi Nurmuradova Dilobar

TOMOQ QIRISHI

Ota kelganini doim qishu yoz
Tomoq qirishidan bilar edilar.
Bola-yu kattalar chiqardi peshvoz,
Barsday yurishidan bilar edilar.

Endi u yo’lbars yo’q, tortmasdan sergak
Bemalol o’tirar, uyda ayol — oy.
Erkak shunday bo’lsa, kelganda erka,
Ayol tipirchilab topmay qolsa joy.

Bu ayol oldinam bemalol edi,
Uddalay olmadi erga shamlikni.
Qabul qilolmadi erkakning didi
Ayoldagi bu tur xotirjamlikni.

Ayol endi hushyor, qulog’i ovda
Yig’lab eslar erin har bir kirishin
Endi tushlarini qilar bezovta
Shovqin. Va erkakning tomoq qirishi

✍Halima XUDOYBERDIYEVA

@halima_xudoyberdiyeva

Бугун Ўзбекистон Ёзувчилар уюшмаси Ахборот хизматига ижодкорлардан, ўқувчилардан адабий-бадиий ва бошқа мавзудаги материаллар келиши кўпайган. Аммо карантин сабаб бўлимимиз тўла қувват билан ишмаяпти. Баъзи мақола ва шеърлар сайтимиз, телеграм каналу фейсбукдаги саҳифамизда кечикиб бериляпти, бошқаларини таҳрир қилиб эълон этяпмиз, баъзиларини эгаларига ишлашга қайтаряпмиз, баъзиларини беришни лозим топмаяпмиз. Бунда бизни кимдир тушуняпти, кимдир эса йўқ.

17 май Ўзбекистон халқ шоири Ҳалима Худойбердиева туғилган кун муносабати билан сайту ижтимоий тармоқларимизда бир қанча материал бердик. Шоиранинг шогирди, Ўзбекистон Ёзувчилар уюшмаси аъзоси Фароғат Худойқулова ҳам устозига бағишланган шеърлари ва у билан боғлиқ хотираларини виоео тарзда бизга йўллаган эди. Ушбу материални кеч эълон қилаётганим учун муаллиф ва сизлардан узр сўрайман.

Фозил Фарҳод, Ўзбекистон Ёзувчилар уюшмаси Ахборот хизмати раҳбари

👇👇
https://www.tg-me.com/joinchat-AAAAAFR5VfSQjPeC7ODZMA
https://www.tg-me.com/joinchat-AAAAAFi6S36Eciyxe9lKJw

* * *

Taxtga chiqar yo'l bordir,
Chiqaver shoshib baxtdan.
Taxtdan tushar yo'l yo'qdir,
Yiqilmoq bordir taxtdan.

✍Halima XUDOYBERDIYEVA

@halima_xudoyberdiyeva

* * *

Tiyolsang nafsingni tiy,
Tiyolmasang yeyaver.
Bo'lsa uch-to'rtta soqiy,
Bazm o'ldi deyaver.

Bir boshlig'i yo'q yurtdan
Etak qoqib qochaver.
Soqiy bo'lsa uch-to'rtta,
O'zing quyib ichaver.

✍Halima XUDOYBERDIYEVA

@halima_xudoyberdiyeva