Она тил. Ona til.
Ҳамза Юртдош. Hamza Yurtdosh.
Истанбул. Istanbul.
@Turon_adiblari 👈 guruhi
@Turonadiblari👈 kanali

💐🍃🌿🌸🍃🌾🌼
🍃🌺🍂
🌿🍂
🌸
🌹

Ўзбекистон, юксалтар ёдни,
Ганж, хазина тупроқ қатлари.
Кўтармоққа қодир, авлодни
Ухлаб ётган Муҳаммадлари.

Муҳаммад!
Бир вақтлар Бухоро ҳақида сиз қуйидаги жумлани ёзган эдингиз: «Бухоронинг батамом соғайиб кетиши учун — обидаларнинг, бетакрор қасрларнинг буюк меъмори — Синоси етишмай турибди».

Бугун ҳам мен баъзан баланд давраларда, улуғ халқнинг сайлларида, тантаналарида, оддий кунларида Сизнинг етишмаётганингизни сезиб қоламан. Ахир ким Сиздай мустақилликнинг илк аёзли даврларидаёқ «Ҳеч кимга бермаймиз сени, Ўзбекистон», деб кураш майдонларига туша олган эди. Ким элга, юртга меҳру муҳаббатини шу қадар содда, шу қадар суюкли айта олган эди:

Кўринганни дуолар
Қилар бизда момолар.
Ғанимга ҳам омонлик
Тилар бизда момолар.
Момолар ҳар жойда бор,
Бизда бори қайда бор?

Бизнинг бўстон қайда бор,
Шоҳимардон қайда бор,
Сўлим Сурхон қайда бор,
Самарқанд нон қайда бор-а,
Ўзбекистон қайда бор?

Мен агар биз Сиздан Ватанни севишни, ёрни севишни, ардоқлашни, асрашни ўргандик десам, бу сўзимда қилча муболаға йўқ. Кўзингиз тушган бўлса, забардаст шоирамиз Қутлибека Раҳимбоевада «Айт, қандай севайин» деган сатр бор. Сиз шундай, атрофингиздаги борки мавжудотни жондан севдингиз, қарқарали, нашъу намоли севдингиз. Ўпай десангиз «пешонаси йўқ қизғалдоқ»дан тортиб, «кўзи тўла ёш жайрон»гача...

Албатта, шеърият аталмиш бу қадимий гулхан атрофида ўтирганларнинг ҳар бири билганини айтади. Аммо биз Сизнинг айтганларингизнинг ҳар сатрига кўзмунчоқ тақиб яшадик. Ўтирганларнинг ҳар бири меъёрига етказиб, кўнгилларга малҳам сатрларни демоқдалар. Аммо ҳали ҳеч ким «Кимда ғам кўп бўлса — у менинг онам» демади. Назаримда, ғамдийдаларга ҳеч биримиз Сизчалик бағримизни очганимиз йўқ. Ғамдийдалик бизга бобомерос хислат, назаримда.

Ўз кўз ёшим ёмғирида
Тойиб бораман, —

деган эдилар Огаҳий ҳазратлари. Ахир одамни одам қиладиган, одам сонига қўшадиган ҳам шу — ғамкашлик, дилшодлик эмасми.

Орият, ғурур, тиклик ҳақида ҳар биримиз имконимиз қадар нималардир деганмиз, лекин бирортамиз:

Бўйним эгилгунча кетсин узилиб! —

демаганмиз. Бундай баланд пардаларга шу қадар осонлик билан чиқиш ҳаммага ҳам насиб қилавермайди.

Баъзан хиёл бўғиқ овозда шеър ўқншларингиз етишмайди. Телефонларингиз етишмайди. Баъзан кечалари бир-иккиларда телефон жиринглаб қоларди.

— Алло, Ҳалима опа, бугун «Овоз»даги шеърларингизни ўқидим. Зўр. Мен шеърларингизни яхши кўраман. Сизни яхши кўраман.

Маъюс куним кўзим тушса,
Куяр осмон, тушунмайсан.
Мени само тушунгайдир —
Сен, эй инсон, тушунмайсан.

Куйиб кўксим ўтар бўлсам,
Оҳар бўлсам, кетар бўлсам.
Мени дарё тушунгайдир,
Сен, эй уммон, тушунмайсан.

Менинг борим эрур кўнглим,
Менинг ёрим эрур кўнглим.
Маъюс, танҳо тушунгайдир,
Сен, эй хандон, тушунмайсан.

Кўнглим гул, кўзларим гулдир,
Юзим гул, йўлларим гулдир.
Мени сабо тушунгайдир,
Сен, эй тўзон, тушунмайсан.

Ғуборимдир бўйи райҳон,
Миноримдир, тилим бийрон —
Мени дунё тушунгайдир,
Сен, эй нодон, тушунмайсан.

🌹
🌿 ✍Ҳалима ХУДОЙБЕРДИЕВА
🌾🍂Ўзбекистон халқ шоири
🍃🌺🍂
💐🌾🍀🌼🌷🍃🌼

🍃🍃🍃🍃🍃🍃🍃🍃🍃🍃🍃🍃

Муҳаммад Юсуф издошлари телеграм канали ва гуруҳи👇
@Muhammadyusufizdoshlari👈 канали.
@Muhammadyusufizdoshlariguruhi👈 гуруҳи


https://www.tg-me.com/Muhammadyusufizdoshlari

Ассалому алайкум!

Туркияда турк тилида чиқаётган янги тўпламларга материал оляпмиз:

1. Таржимаи ҳол (олти қатордан ошмаган),
2. Селфи қилинмасдан олинган расм (китоб учун),
3. Халқаро миқёсдаги шеър ёки ҳикояларидан 6 та (Тўпламга сараланиб 3 бетга лойиқ 4 куплетлик шеърдан 3 таси киритилади),
4. Таржима ва тўплам учун олдиндан 30 $ ёки 342 минг сўм пластикка клик қилинади...

Эслатма: тўплам ҳар бир муаллифга 2 ёки 3 донадан Туркия Ёзувчилар уюшмаси сертификати билан берилади.

Туркиядаги тўплам тақдимоти август ойида Истанбул шаҳрида бўлиб ўтади.

64 та иштирокчи тўпланди яна 6 та ижодкор керак.

Шошилинг, материаллар 30 июнгача қабул қилинади.

❗️Эълонни ижодкор дўстларингизга ҳам улашинг!

Мурожаат учун: @Muqimjonnurboyev

Assalomu alaykum!

Turkiyada turk tilida chiqayotgan yangi toʻplamlarga material olyapmiz:

1. Tarjimai hol (olti qatordan oshmagan),
2. Selfi qilinmasdan olingan rasm (kitob uchun),
3. Xalqaro miqyosdagi sheʼr yoki hikoylaridan 6 ta (Toʻplamga saralanib 3 betga loyiq 4 kupletlik sheʼrdan 3 tasi kiritiladi),
4. Tarjima va toʻplam uchun oldindan 30 $ yoki 342 ming soʻm plastikka klik qilinadi...

Eslatma: toʻplam har bir muallifga 2 yoki 3 donadan Turkiya Yozuvchilar uyushmasi sertifikati bilan beriladi.

Turkiyadagi toʻplam taqdimoti avgust oyida Istanbul shahrida boʻlib oʻtadi.

64 ta ishtirokchi toʻplandi yana 6 ta ijodkor kerak.

Shoshiling, materiallar 30 iyungacha qabul qilinadi.

❗️E’lonni ijodkor do‘stlaringizga ham ulashing!

Murojaat uchun: @Muqimjonnurboyev

...

..... ВАТАН КЕЛАЖАГИ...

Республикамиздаги барча талабаларни,,17- ноябрь ~Халқаро талабалар куни,, билан самимий муборакбод этаман.


Талабасан толибсан,
Ҳар жабҳада ғолибсан,
Айт, қай ишдан нолибсан,
Сен келажак-шараф-шон,
Сен-Янги Ўзбекистон !

Билимда пешво бўлдинг,
Илмга ошно бўлдинг,
Кўнглингга пошшо бўлдинг,
Сен билимдон, сен нишон,
Сен-Янги Ўзбекистон!

Юртга кучли пойдевор,
Қадаминг мардонавор,
Сўзингда шижоат бор,
Сен байроқдор, сен достон,
Сен-Янги Ўзбекистон!

Юртбошимнинг ишончи,
Чанқоқбилим қувончи,
Ишонаман, чунончи,
Сен-авлодсан жўшқин қон,
Сен-Янги Ўзбекистон!

2022.17.11.10:52

Абдурашид Эргашев, Асака тумани.

@halima_xudoyberdiyeva

*    *    *
Ҳар тонг кўзни очиб кўрсанг қуёшни,
Янги кун яшашга чорласа сани,
Эл аро мардона кўтарсанг бошни,
Шудир Худойимнинг ёрлақагани.

Аликсиз қолмаса берган саломинг,
Бирорта чеҳрада кўрсанг табассум,
Бир қишлоқ нарида билсалар номинг,
Шу ҳам қисматдаги энг гўзал мавсум.

Фарзандлардан қайтса яхши амалинг,
Умринг зийнатию ҳикмати ҳам шу.
Умринг баҳори шу, шудир Ҳамалинг,
Топган қадринг шудир, қиммати ҳам шу.

Битта дўст тополсанг юз йилча яшаб,
Бирорта авбошга қолмаса кунинг,
Кимнингдир қўлига боқмасанг қақшаб,
Билгинки, роҳатда ўтмоқда умринг.

Пешонанг терласа, қўлинг тинмаса,
Саодат эшиги ёпилмас асло.
Биров меҳр бериб миннат қилмаса,
Бахт дегани бундан бўлолмас аъло.

Рост сўзни айтишга тополсанг қувват,
Сенга муносибдир инсон деган ном.
Шудир жавонмардлик, шудир улувват,
Шудир ҳаётингда энг нурли айём.

Яна нима керак инсонга ахир,
Ортиқчалик қилар бошқа муддао.
Сени эл қатори сийлабди тақдир,
Сени ҳам бандам деб сийлабди Худо.

Ҳикмат бор ҳаётнинг ҳар бир кунида,
Бу олам қолмаган ҳеч қачон бенур.
Унинг издиҳоми, талотумида
Бу тонг кўз очмоқ ҳам саодат эрур.

✍ Сулаймон ШОДИЕВ,
Бухоро вилояти.

Турон адиблари телеграм канали ва гуруҳи 👇
@Turonadiblari 👈 каналимиз,
@Turon_adiblari 👈 гуруҳимиз.


*    *    *
Har tong koʻzni ochib koʻrsang quyoshni,
Yangi kun yashashga chorlasa sani,
El aro mardona koʻtarsang boshni,
Shudir Xudoyimning yorlaqagani.

Aliksiz qolmasa bergan saloming,
Birorta chehrada koʻrsang tabassum,
Bir qishloq narida bilsalar noming,
Shu ham qismatdagi eng goʻzal mavsum.

Farzandlardan qaytsa yaxshi amaling,
Umring ziynatiyu hikmati ham shu.
Umring bahori shu, shudir Hamaling,
Topgan qadring shudir, qimmati ham shu.

Bitta doʻst topolsang yuz yilcha yashab,
Birorta avboshga qolmasa kuning,
Kimningdir qoʻliga boqmasang qaqshab,
Bilginki, rohatda oʻtmoqda umring.

Peshonang terlasa, qoʻling tinmasa,
Saodat eshigi yopilmas aslo.
Birov mehr berib minnat qilmasa,
Baxt degani bundan boʻlolmas aʼlo.

Rost soʻzni aytishga topolsang quvvat,
Senga munosibdir inson degan nom.
Shudir javonmardlik, shudir uluvvat,
Shudir hayotingda eng nurli ayyom.

Yana nima kerak insonga axir,
Ortiqchalik qilar boshqa muddao.
Seni el qatori siylabdi taqdir,
Seni ham bandam deb siylabdi Xudo.

Hikmat bor hayotning har bir kunida,
Bu olam qolmagan hech qachon benur.
Uning izdihomi, talotumida
Bu tong koʻz ochmoq ham saodat erur.

✍ Sulaymon SHODIYEV,
Buxoro viloyati.

Турон адиблари телеграм канали ва гуруҳи 👇
@Turonadiblari 👈 каналимиз,
@Turon_adiblari 👈 гуруҳимиз.
https://www.tg-me.com/Turonadiblari

ВАТАН ДИЙДОРИ

Қизғалдоқнинг армонини қўшиқ қилдим,
Қалдирғочнинг ошёнини қўшиқ қилдим.
Битта баргнинг узилгани минг дард экан,
Мен шу дарднинг дармонини қўшиқ қилдим.

Ер соғинди, кўкдан тушинг, бургутларим,
Майсаларнинг мироблари булутларим.
Кўз ёшимда кўлоблатиб суғорайин,
Хазон бўлманг, хаёллардан унутларим.

Олиб келинг ошиқларнинг беморини,
Териб олсин райҳонларин ифорини.
Соғинганлар кўрманасин бериб кўрсин,
Онамдек хуш бу Ватаннинг дийдорини.

Булоқларим — юзи тиниқ кўзгуларим,
Оппоқ-оппоқ гуллайверинг, орзуларим.
Мен ҳурликнинг меҳробига тизлар чўксам,
Оятдайин оқар тоза туйғуларим.

Мен қадрнинг қалқонини қўшиқ қилдим,
Эл орини, эл шонини қўшиқ қилдим.
Тинчлик тилаб ой-қуёши кулиб турсин,
Момо Ернинг осмонини қўшиқ қилдим.

✍ Маҳмуд ТОИР.

Муҳаммад Юсуф издошлари телеграм канали ва гуруҳи 👇
@Muhammadyusufizdoshlari 👈 каналимиз,
@Muhammadyusufizdoshlariguruhi 👈 гуруҳимиз.



VATAN DIYDORI

Qizgʻaldoqning armonini qoʻshiq qildim,
Qaldirgʻochning oshyonini qoʻshiq qildim.
Bitta bargning uzilgani ming dard ekan,
Men shu dardning darmonini qoʻshiq qildim.

Yer sogʻindi, koʻkdan tushing, burgutlarim,
Maysalarning miroblari bulutlarim.
Koʻz yoshimda koʻloblatib sugʻorayin,
Xazon boʻlmang, xayollardan unutlarim.

Olib keling oshiqlarning bemorini,
Terib olsin rayhonlarin iforini.
Sogʻinganlar koʻrmanasin berib koʻrsin,
Onamdek xush bu Vatanning diydorini.

Buloqlarim — yuzi tiniq koʻzgularim,
Oppoq-oppoq gullayvering, orzularim.
Men hurlikning mehrobiga tizlar choʻksam,
Oyatdayin oqar toza tuygʻularim.

Men qadrning qalqonini qoʻshiq qildim,
El orini, el shonini qoʻshiq qildim.
Tinchlik tilab oy-quyoshi kulib tursin,
Momo Yerning osmonini qoʻshiq qildim.

✍  Mahmud TOIR.

Muhammad Yusuf izdoshlari telegram kanali va guruhi 👇
@Muhammadyusufizdoshlari 👈 kanalimiz,
@Muhammadyusufizdoshlariguruhi 👈 guruhimiz.

https://www.tg-me.com/Muhammadyusufizdoshlari

ВАТАН ИЧРАДИР

Дунёни зиёрат қилса ким -- қилсин,
Менинг зиёратим Ватан ичрадир.
Бировнинг кўнглини биров не билсин,
Менинг тиморатим Ватан ичрадир.

Мен учун шу ердан бошланар дунё,
Дунё ватанимсиз мен учун рўё,
Мен бунда дунёни кезаман гўё,
Сайр этмоқ одатим Ватан ичрадир.

Унинг тўрт томони битта қибламдир,
Шундан димоғим чоқ, дилим беғамдир,
Паноҳим бошимда ёлғиз Эгамдир,
Тоқат-қаноатим Ватан ичрадир.

Зар тўнли сўзларга учмасман асло,
Ватан деган сўздан сўз йўқдир аъло,
Бир сўз тополмадим ундан муалло,
Тоат, тиловатим Ватан ичрадир.

Кимгадир ёқаркан Малай қуёши,
Канар бўйларининг зумуррад тоши,
Ўзидай ўйлайди ҳар кимнинг боши,
Роҳат-фароғатим Ватан ичрадир.

Кўрдим “Ватан!”, дея бўзлаганларни,
Лек шу сўздан кўнгли ўсмаганларни,
Ғам куни хотирин бузмаганларни,
Байрамим, мотамим Ватан ичрадир.

Борим ҳам, йўғим ҳам танҳо шу Ватан,
Барчасидан азиз-аъло шу Ватан,
Хуршидим, муршидим, мавло шу Ватан,
Олий саодатим Ватан ичрадир.

“Ориқ”ми, “семиз”ми ёнимда ҳамён,
Бошим омон бўлсин, омон бўлсин жон,
Бунда бир дарахтдай муқим Сулаймон,
Энг сўнгги соатим Ватан ичрадир.

✍ Сулаймон ШОДИЕВ,
Бухоро вилояти.

Муҳаммад Юсуф издошлари телеграм канали ва гуруҳи 👇
@Muhammadyusufizdoshlari 👈 каналимиз,
@Muhammadyusufizdoshlariguruhi 👈 гуруҳимиз.


VATAN ICHRADIR

Dunyoni ziyorat qilsa kim -- qilsin,
Mening ziyoratim Vatan ichradir.
Birovning koʻnglini birov ne bilsin,
Mening timoratim Vatan ichradir.

Men uchun shu yerdan boshlanar dunyo,
Dunyo vatanimsiz men uchun roʻyo,
Men bunda dunyoni kezaman goʻyo,
Sayr etmoq odatim Vatan ichradir.

Uning toʻrt tomoni bitta qiblamdir,
Shundan dimogʻim choq, dilim begʻamdir,
Panohim boshimda yolgʻiz Egamdir,
Toqat-qanoatim Vatan ichradir.

Zar toʻnli soʻzlarga uchmasman aslo,
Vatan degan soʻzdan soʻz yoʻqdir aʼlo,
Bir soʻz topolmadim undan muallo,
Toat, tilovatim Vatan ichradir.

Kimgadir yoqarkan Malay quyoshi,
Kanar boʻylarining zumurrad toshi,
Oʻziday oʻylaydi har kimning boshi,
Rohat-farogʻatim Vatan ichradir.

Koʻrdim “Vatan!”, deya boʻzlaganlarni,
Lek shu soʻzdan koʻngli oʻsmaganlarni,
Gʻam kuni xotirin buzmaganlarni,
Bayramim, motamim Vatan ichradir.

Borim ham, yoʻgʻim ham tanho shu Vatan,
Barchasidan aziz-aʼlo shu Vatan,
Xurshidim, murshidim, mavlo shu Vatan,
Oliy saodatim Vatan ichradir.

“Oriq”mi, “semiz”mi yonimda hamyon,
Boshim omon boʻlsin, omon boʻlsin jon,
Bunda bir daraxtday muqim Sulaymon,
Eng soʻnggi soatim Vatan ichradir.

✍ Sulaymon SHODIYEV,
Buxoro viloyati.

Muhammad Yusuf izdoshlari telegram kanali va guruhi 👇
@Muhammadyusufizdoshlari 👈 kanalimiz,
@Muhammadyusufizdoshlariguruhi 👈 guruhimiz.
https://www.tg-me.com/Muhammadyusufizdoshlari

Ҳалима Худойбердиева,
Ўзбекистон Халқ шоири

ВАТАН БАЙРОҒИ

Юрт байроғин ҳар жойгамас,
Кўнглингга эк. Кўксингни ўй.
Ишлов бергин, юмшатиб тур
Илдиз отсин, кўрсатсин бўй.

То бу байроқ, Ватан, нурлар
Ич-ичингга кетсин кириб.
Токи ғаним — ватанхўрлар,
Ололмасинлар суғуриб.

Шундай ўргат қулни, хонни,
Учмас қуш ҳам учар бўлсин.
То байроқдан олдин жонни
Бермоқ осон кечар бўлсин.

✍ Ҳалима ХУДОЙБЕРДИЕВА

@halima_xudoyberdiyeva

​Балиғ қорнида бир соҳиб каромат,
Чилла ўтирдию чиқди саломат.
Сўфи Оллоҳёр.

ФОЙДАЛИ ДОРИ

📝 Дорининг номи:

Бугундан бошлаб сиқилманг!

⚗Таркиби:

«Лаа илааҳа илла Анта Субҳанака инний кунту миназзолимийн». (Сендан ўзга Илоҳ йўқ, Сен поксан, албатта, мен золимлардан бўлдим)

🗒 Қўллаш услуби:

Сажда қилган ҳолда ўқилса, таъсири аъло бўлади.

✳️ Таъсир даражаси:

«Бас, Биз унинг (дуосини) ижобат қилдик. Унга ғамдан нажот бердик. Мўминларга шундай нажот берурмиз» (Анбиё: 88-оят)

Хос хусусиятлари:

Бошқа дорилардан фарқ қилади. Қалбга хотиржамлик бағишлайди. Хафачилик, қўрқув, ташвиш, асабийликни кетказади.

Истеъмол қилиш вақти:

Зулм, қаҳр, ғамни сезганда қўлланилади, натижада қалбдан ҳаёт машаққатларини сиқиб чиқаради.

Даволаш муддати:

Тўхтовсиз айтилса, инсон фақат ва фақат фойда кўради. Зарари ҳақида гап-сўз бўлиши мумкин эмас.

Муҳим Эслатма:

Бу малҳамни бошқаларга ҳам истеъмол қилишларини тавсия қилиб улашсангиз, ўзингизга фойдаси тегади!

Бу дорини дўстларингизга ҳам жўнатинг!

@Turonadiblari kanali

Prezident Shavkat Mirziyoyevning Halima Xudoyberdiyeva nomidagi ijod maktabiga tashrifi

https://www.tg-me.com/joinchat-AAAAAFLnk5eVnLdM5grpxw

Қадрли кечада ўқиладиган дуо. Яқинларингизга ҳам юборинг!

Турон адибларига қўшилинг👇
@Turonadiblari 👈 каналимиз,
@Turon_adiblari👈 гуруҳимиз.

Ўзбекистон халқ шоири
Ойдин Ҳожиева оламдан ўтди, деган хабарни ўқиб...
"Саодат" журнали жамоаси билан ҳамиша устознинг ёнида бўлдик.
Дуоларини олдик. Афсус, бугун олисдаман.
Устоз, бугун Аллоҳнинг муборак манзил макони Байтуллоҳ пойида туриб Сизга дуо қиламан. Охиратингиз обод бўлсин. Жаннатий оналаримиз қаторида бўлинг!

@Munavvarausmonovaijodlari

ЁШЛАРГА ДЕГАНИМ

Кўнгилда қулф урган гулшанларим Сиз,
Нафаси муборак гулханларим Сиз,
Эртан ҳар кифтида бир тоғни тутган
Алпомиш ҳайбатли улканларим Сиз.

Тожу тахт эгаси—шаҳзодаларим,
Орзу-хаёллари озодаларим,
От босмаган изни босган тойларим,
Ялпизли, райҳонли шаббодаларим!

Қошу кўз ораси қабоғимдасиз,
Жон пилигим ёнган равоғимда Сиз!
Етти шажарамнинг шоҳ ҳалқасида
Хизр назар солган туёғим-да Сиз!

Ватан қоясида лочин бўлгайсиз,
Ёвлар елкасига—қамчин бўлгайсиз,
Булутсиз беғубор очун бўлгайсиз,
Фикри ҳур, маслаги некбин бўлгайсиз!

Ит текса булғанар оқар дарё ҳам…
Бузғун хаёллардан асрасин эгам,
Онага тик боқиб, бўлманг боши ҳам,
Зангламас, айнимас олтин бўлгайсиз.

Ватанни бир товоқ кепакка сотиб,
Бир умр хиёнат лойига ботиб,
Дурдай жигарларин балчиққа қотиб,
Юрган нокаслардан йироқ бўлгайсиз…

Йигитлик даврони—тахту тожлидир,
Инсон юрти билан бахтли, божлидир,
Бегона элларда султон бўлгунча,
Остонада бир кафт туфроқ бўлгайсиз,
Қарғиш-коҳишлардан йироқ бўлгайсиз.



ЎЗИМГА

Билакда қувватинг, кучинг бор экан,
Яшашга, курашга ўчинг бор экан,
Дилда Орзу деган лочин бор экан,
Ёниб яша, токи жонинг бор экан!

Майсадай шимиргин офтоб ўтини,
Қўзидай симиргин баҳор сутини,
Авайла Юракни—бу Руҳ қутини.
Уйғоқ яша, ғафлат сенга ор экан!

Ер—ипак, қадаминг пардан-да енгил,
Мўрча қанотида мусаффо кўнгил.
Ё ҳайқириқ, ё бир оҳ бўлу, тингил,
Ёниб яша, дунё бир бозор экан.
Бир бошга бир ўлим харидор экан…

✍ Ойдин ҲОЖИЕВА.

Турон адибларига қўшилинг👇
@Turonadiblari 👈 каналимиз,
@Turon_adiblari👈 гуруҳимиз.




YOSHLARGA DEGANIM

Koʻngilda qulf urgan gulshanlarim Siz,
Nafasi muborak gulxanlarim Siz,
Ertan har kiftida bir togʻni tutgan
Alpomish haybatli ulkanlarim Siz.

Toju taxt egasi—shahzodalarim,
Orzu-xayollari ozodalarim,
Ot bosmagan izni bosgan toylarim,
Yalpizli, rayhonli shabbodalarim!

Qoshu koʻz orasi qabogʻimdasiz,
Jon piligim yongan ravogʻimda Siz!
Yetti shajaramning shoh halqasida
Xizr nazar solgan tuyogʻim-da Siz!

Vatan qoyasida lochin boʻlgaysiz,
Yovlar yelkasiga—qamchin boʻlgaysiz,
Bulutsiz begʻubor ochun boʻlgaysiz,
Fikri hur, maslagi nekbin boʻlgaysiz!

It teksa bulgʻanar oqar daryo ham…
Buzgʻun xayollardan asrasin egam,
Onaga tik boqib, boʻlmang boshi ham,
Zanglamas, aynimas oltin boʻlgaysiz.

Vatanni bir tovoq kepakka sotib,
Bir umr xiyonat loyiga botib,
Durday jigarlarin balchiqqa qotib,
Yurgan nokaslardan yiroq boʻlgaysiz…

Yigitlik davroni—taxtu tojlidir,
Inson yurti bilan baxtli, bojlidir,
Begona ellarda sulton boʻlguncha,
Ostonada bir kaft tufroq boʻlgaysiz,
Qargʻish-kohishlardan yiroq boʻlgaysiz.



OʻZIMGA

Bilakda quvvating, kuching bor ekan,
Yashashga, kurashga oʻching bor ekan,
Dilda Orzu degan lochin bor ekan,
Yonib yasha, toki joning bor ekan!

Maysaday shimirgin oftob oʻtini,
Qoʻziday simirgin bahor sutini,
Avayla Yurakni—bu Ruh qutini.
Uygʻoq yasha, gʻaflat senga or ekan!

Yer—ipak, qadaming pardan-da yengil,
Moʻrcha qanotida musaffo koʻngil.
Yo hayqiriq, yo bir oh boʻlu, tingil,
Yonib yasha, dunyo bir bozor ekan.
Bir boshga bir oʻlim xaridor ekan…

✍ Oydin HOJIYEVA.

Turon adiblariga qoʻshiling👇
@Turonadiblari 👈 kanalimiz,
@Turon_adiblari👈 guruhimiz.

https://www.tg-me.com/Turonadiblari

ВАТАНГА МУҲАББАТ ИЗҲОРИ

Ҳазориспанд бўлсам саҳроларингда,
Феруза тош бўлсам дарёларингда,
Ҳайит ойи бўлсам самоларингда,
Меҳру вафо—кўрар дунёларингда,
Сени ёмон кўздан асрамоқ учун!

Остонангда ётган итинг бўлойин,
Наслингни пок тутган сутинг бўлойин,
Кўзингдаги ҳурлик ўтинг бўлойин,
Баланд тоғларда бургутинг бўлойин,
Сени ғаним кўздан асрамоқ учун!

Сўзим бор—савашда қилич бўлоли,
Шахдим бор—қуввати биринч бўлоли,
Яхши-ёмонингда илинж бўлоли,
Ипак жоним метиндан синч бўлоли,
Сени офат кўздан асрамоқ учун!

Фақат сен кўзимга боқиб тур, Ватан,
Онамдай елкамга қоқиб тур, Ватан,
Қалбимда дарёдай оқиб тур, Ватан,
Бошимда Хумодай балқиб тур, Ватан,
Мени гумон сўздан асрамоқ учун!
Сени ёмон кўздан асрамоқ учун!


УМР БУ…

Умр бу—Аллоҳдан бизга омонат,
Аллоҳнинг фарзи бор азиз жонларда,
Омонатга қилма ҳаргиз хиёнат.

Умр—ёмби олтин, буғдой донидай
Майдалама уни тегирмонларда,
Аллоҳнинг фарзи бор азиз жонларда.

Омонатга ҳаргиз қилма хиёнат,
Уни пуллаб юрма майхоналарда,
Умр—бу Аллоҳдан қарзи қиёмат.

Умр—бу толедан барака, хирмон,
Елларга совурма, туфроққа сочма,
Аллоҳнинг мулки бул ҳар дон, ҳар сомон.

Ғурбат-ғийбатларга талош айлама,
Йўлингда учраган нокасу нодон
Кимсаларни унга фаррош айлама.

Сенга бир ҳадият бул феруза тош,
Ўзинг заргарисан, заҳҳоби—ўзинг,
Қаллобларни-да сангтарош айлама…

Умр—бу Аллоҳдан бизга омонат…

✍ Ойдин ҲОЖИЕВА.

Муҳаммад Юсуф издошларига қўшилинг👇
@Muhammadyusufizdoshlari👈 канали.
@Muhammadyusufizdoshlariguruhi👈 гуруҳи



VATANGA MUHABBAT IZHORI

Hazorispand boʻlsam sahrolaringda,
Feruza tosh boʻlsam daryolaringda,
Hayit oyi boʻlsam samolaringda,
Mehru vafo—koʻrar dunyolaringda,
Seni yomon koʻzdan asramoq uchun!

Ostonangda yotgan iting boʻloyin,
Naslingni pok tutgan suting boʻloyin,
Koʻzingdagi hurlik oʻting boʻloyin,
Baland togʻlarda burguting boʻloyin,
Seni gʻanim koʻzdan asramoq uchun!

Soʻzim bor—savashda qilich boʻloli,
Shaxdim bor—quvvati birinch boʻloli,
Yaxshi-yomoningda ilinj boʻloli,
Ipak jonim metindan sinch boʻloli,
Seni ofat koʻzdan asramoq uchun!

Faqat sen koʻzimga boqib tur, Vatan,
Onamday yelkamga qoqib tur, Vatan,
Qalbimda daryoday oqib tur, Vatan,
Boshimda Xumoday balqib tur, Vatan,
Meni gumon soʻzdan asramoq uchun!
Seni yomon koʻzdan asramoq uchun!


UMR BU…

Umr bu—Allohdan bizga omonat,
Allohning farzi bor aziz jonlarda,
Omonatga qilma hargiz xiyonat.

Umr—yombi oltin, bugʻdoy doniday
Maydalama uni tegirmonlarda,
Allohning farzi bor aziz jonlarda.

Omonatga hargiz qilma xiyonat,
Uni pullab yurma mayxonalarda,
Umr—bu Allohdan qarzi qiyomat.

Umr—bu toledan baraka, xirmon,
Yellarga sovurma, tufroqqa sochma,
Allohning mulki bul har don, har somon.

Gʻurbat-gʻiybatlarga talosh aylama,
Yoʻlingda uchragan nokasu nodon
Kimsalarni unga farrosh aylama.

Senga bir hadiyat bul feruza tosh,
Oʻzing zargarisan, zahhobi—oʻzing,
Qalloblarni-da sangtarosh aylama…

Umr—bu Allohdan bizga omonat…

✍ Oydin HOJIYEVA.

Muhammad Yusuf izdoshlariga qo‘shiling👇
@Muhammadyusufizdoshlari👈kanalimiz.
@Muhammadyusufizdoshlariguruhi👈 guruhimiz

https://www.tg-me.com/Muhammadyusufizdoshlari

ОНАМНИ МАККАГА ОЛИБ БОРАМАН

Ишларим юришиб кетса галма-гал.
Камларим, ғамларим бўлса бутун, ҳал.
Дунёни бир четга қўйиб энг аввал.
Онамни Маккага олиб бораман.

Кафтидан қадоғи кетмаган ҳамон.
Мен нодон қадрига етмаган хамон.
Меҳримга хеч даъво этмаган ҳамон.
Онамни Маккага олиб бораман.

Қўйганман кўнглимни кўнглига солиб.
Орзуйим ушалмай кетмаса қолиб.
Йўл бўйи ортимга орқалаб олиб.
Онамни Маккага олиб бораман.

Мен ёмон у яхши кўргани ҳаққи.
Бормасам келиб хол сўргани ҳаққи.
Жонидан менга жон бергани ҳаққи.
Онамни Маккага олиб бораман.

Дунёни ортидан кетсам гар йироқ.
Кутгувчим кўз юммай, ўчирмай чироқ.
Юзида ажин лим, сочлари оппоқ.
Онамни Маккага олиб бораман.

Онамдек меҳрибон кишим борми, йўқ
Бўлак ким улчалик менга зорми, йўқ.
Чин дўстим фарзандим, жигар, ёрми, йўқ.
Онамни Маккага олиб бораман.

Фаслнинг фарқи йўқ ёз, кўклам, куз, қиш.
Айтингчи дунёда битганми ҳеч иш.
Кетиб қабри узра унмасдан қамиш.
Онамни Маккага олиб бораман.

Жилмаяр, кўнглида яширин арзи.
Бўйнимда осиғлиқ фарзндлик қарзи.
Аллоҳнинг хоҳиши, мўминлик фарзи.
Онамни Маккага олиб бораман.

Ишларим юришиб кетса галма-гал.
Камларим, ғамларим бўлса бутун, ҳал.
Дунёни бир четга қўйиб энг аввал.
Онамни Маккага олиб бораман.

✍ Ғуломжон НОРМАТ.
Сирдарё вилояти.

Муҳаммад Юсуф издошларига қўшилинг👇
@Muhammadyusufizdoshlari👈 канали,
@Muhammadyusufizdoshlariguruhi👈 гуруҳи.



ONAMNI MAKKAGA OLIB BORAMAN

Ishlarim yurishib ketsa galma-gal.
Kamlarim, gʻamlarim boʻlsa butun, hal.
Dunyoni bir chetga qoʻyib eng avval.
Onamni Makkaga olib boraman.

Kaftidan qadogʻi ketmagan hamon.
Men nodon qadriga yetmagan xamon.
Mehrimga xech daʼvo etmagan hamon.
Onamni Makkaga olib boraman.

Qoʻyganman koʻnglimni koʻngliga solib.
Orzuyim ushalmay ketmasa qolib.
Yoʻl boʻyi ortimga orqalab olib.
Onamni Makkaga olib boraman.

Men yomon u yaxshi koʻrgani haqqi.
Bormasam kelib xol soʻrgani haqqi.
Jonidan menga jon bergani haqqi.
Onamni Makkaga olib boraman.

Dunyoni ortidan ketsam gar yiroq.
Kutguvchim koʻz yummay, oʻchirmay chiroq.
Yuzida ajin lim, sochlari oppoq.
Onamni Makkaga olib boraman.

Onamdek mehribon kishim bormi, yoʻq
Boʻlak kim ulchalik menga zormi, yoʻq.
Chin doʻstim farzandim, jigar, yormi, yoʻq.
Onamni Makkaga olib boraman.

Faslning farqi yoʻq yoz, koʻklam, kuz, qish.
Aytingchi dunyoda bitganmi hech ish.
Ketib qabri uzra unmasdan qamish.
Onamni Makkaga olib boraman.

Jilmayar, koʻnglida yashirin arzi.
Boʻynimda osigʻliq farzndlik qarzi.
Allohning xohishi, moʻminlik farzi.
Onamni Makkaga olib boraman.

Ishlarim yurishib ketsa galma-gal.
Kamlarim, gʻamlarim boʻlsa butun, hal.
Dunyoni bir chetga qoʻyib eng avval.
Onamni Makkaga olib boraman.

✍ Gʻulomjon NORMAT,
Sirdaryo viloyati.

Muhammad Yusuf izdoshlariga qo‘shiling👇
@Muhammadyusufizdoshlari👈kanalimiz.
@Muhammadyusufizdoshlariguruhi👈 guruhimiz

https://www.tg-me.com/Muhammadyusufizdoshlari

Бугун 20 асад, 21 август халқаро шоирлар куни барча шоирларга қутлуғ бўлсин! 🇺🇿

Bugun 20 asad, 21 avgust xalqaro shoirlar kuni barcha shoirlarga qutlugʻ boʻlsin! 🇺🇿

21 Ağustos Uluslararası şairler gününüz kutlu olsun! 🇹🇷

Bu gün- 21 Avqust Beynəlxalq Şairlər Günü mübarək olsun! 🇦🇿

Барша ақындарды бүгінгі 21-тамыз Халықаралық ақындар күні құтты болсын! 🇰🇿

Баардык акындарды бүгүн 21-август Эл аралык акындар күнү  кутту болсун! 🇰🇬

بوگون ۳۰ اسد/مرداد (۲۱ آگوست) - خلق‌ارا شاعرلر کونی برچه شاعرلریمیزگه قوتلوغ بولسین!

Turon adiblariga qoʻshiling 👇
@Turonadiblari 👈 kanalimiz,
@Turon_adiblari 👈 guruhimiz.

https://www.tg-me.com/Turonadiblari

Дурдона сатрлар

Кўрдим, қишлоқ, гўзал шаҳарлар кўрдим,
Оҳорлари кетиб борар, билмаслар.
Жамалаксоч пари – пайкарлар кўрдим,
Баҳорлари кетиб борар, билмаслар.

Тугмак бўлса етмас белбоғ учлари,
Дунё молин маҳкам тишлар тишлари,
Боғларининг ширинзабон қушлари,
Олқорлари кетиб борар, билмаслар.

Отлари-я, қорабайир отлари
“Гижинглайди”, деб ўйласам, додлади,
Ёли бўрон бўлганлигин ёдлади,
Шунқорлари кетиб борар, билмаслар.

Кузатиб бу дунёнинг ўру қирини,
Билмай қолдим келмак, кетмак сирини,
Ёлғон ёрлар ялашиб бир-бирини,
Чин ёрлари кетиб борар, билмаслар.

Чарсиллаган бир ўт ёнар ичимда,
Мен шеър айтсам, айтмадим тил учинда,
Бу талотўп, қув-қув, чоп-чоп ичинда
Ҳалима ҳам ўтиб борар, билмаслар.

Ҳалима Худойбердиева,
Ўзбекистон халқ шоири.

@halima_xudoyberdiyeva
https://www.tg-me.com/halima_xudoyberdiyeva

@halima_xudoyberdiyeva
https://www.tg-me.com/halima_xudoyberdiyeva

👆Қадрли кеча дуоси.
Рамазони шарифнинг ҳар кечаси ўқинг.
Яқинларингизга ҳам юборинг.

Qadrli kecha duosi.
Ramazoni sharifning har kechasi oʻqing.
Yaqinlaringizga ham yuboring.

Turon adiblariga qo‘shiling:
@Turon_adiblari 👈 guruhimiz,
@Turonadiblari 👈 kanalimiz.