Xullas, indinga referendum. Konstitutsiyaning biz tasdiqlashimiz yoki inkor etishimiz kutilayotgan yangi tahriri to‘liq e'lon qilindi.

Agar siz hali ham nimalar o‘zgarishi mumkinligi haqida bilmasangiz, ushbu faylni birrov ko‘zdan kechiring.

Men referendumda qatnashaman, befarq emasman degan chorlov orqali emas, o‘zingiz va kelajak avlodning yaxshiroq hayoti uchun, ongli ravishda ishtirok eting. Bu imkoniyat har kuni ham bo‘lavermaydi. Nimanidir o‘zgartirish kerakligini tushunganingizda keyingi referendumni kutishga to‘g‘ri kelmasin. Balki, hayotimizni o‘zgartirish uchun oxirgi imkoniyat shudir..?

Vatan undan kutayotganini bermagan farzand, ertaga undan nimadir kutishga haqqi yo‘q!

@hamzajumayev

#kokand

Qo‘qonda bir holatga duch keldim. Bir qarashda "majburiy" safarbarlikka o‘xshadi.

Surishtirsam gap boshqa yoqda ekan. Respect!

@hamzajumayev

Бугун жамиятдаги деярли барча соҳаларда аёллар фаол. Бугун хотин-қизлар раҳбарларлик лавозимларида фаолият олиб боришмоқда. Бир сўз билан айтганда, аёлларга эътибор қанча кўпайса жамиятда ҳам шунча яхши ўзгаришлар бўлаверади.

Давлат сиёсатининг асосий тамойилларидан бири бўлган "Аёллар дафтари"га киритилган хотин-қизларга ёрдамлар берилмоқда. Хусусан, 1 майгача дафтардаги 1 млн 680 нафар хотин-қизлардан 437 845 нафарининг муаммолари ҳал этилибди.

Бу ишларни амалга оширишда давлат тизимида турли ташкилотларнинг иштироки бор. Айтиш керакки, бу каби ишлар ортидан қанчадан-қанча опа-сингилларимизнинг ҳаёти ўзгармоқда. Давомли бўлаверсин.

@hamzajumayev

#madaniyatvaturizmvazirligi

Muhit juda ajib! #bakhshi_international_art_festival taqdirlash va tantanali yopilish marosimi boshlanish arafasida.

@hamzajumayev

#bakhshi_international_art_festival

Buxoromning san'ati zo‘r da baribir!

@hamzajumayev

#bakhshi_international_art_festival

Ilhom baxshi Norov Gulistonda bo‘lib o‘tgan festivalda gran pri sohibi bo‘ldi.

Shaxsan Nazarbekovdan 7000 dollarlik vaucherni qabul qilib oldi.

Mahnat qildi baxshi bo‘ldi,
Baxshilarning naqshi bo‘ldi.

@hamzajumayev

Сўнгги вақтларда жамоатчилик назорати муҳим нарса эканлиги ойдинлашиб бормоқда. Бирор бир ҳуқуқбузарлик ёки қонун бузилган ҳолатларда жамоатчиликнинг бунга реакцияси ваколатли органлардан кўра таъсирлироқ чиқаяпти десам хато бўлмаса керак. Йўлларимиздаги турли қоидабузар ҳайдовчиларни бемалол қоида бузишларидан оз бўлса ҳам айнан мана шу нарса сақлаб турибди. Шундай экан, бу нарсага ҳукумат даражасида эътибор қаратиш керак, жамоатчиликни фаолроқ бўлиши учун керак бўлса пул мукофотларини ҳам оширишсин. Муҳими натижа.

Мисол тариқасида айтаман, ноқонуний тамаки маҳсулотлари савдоси ҳақида хабар бериш орқали истеъмолчи унга нисбатан қўлланиладиган жариманинг 20 фоизи миқдорида (500 000 сўмдан) кешбек эгасига айланиши мумкин қилиб белгиланган. Истеъмолчи бу орқали ўзининг хафвсизлигини таъминлайди, қонун бузилиши ҳолатини камайишига сабабчи бўлади, бюджет учун зарар келтираётган эгри схемаларини камайишида хизмат қилади.

Мамлакатимизда кўпчилик бунга жиддий эътибор қаратмайди. Бефарқ бўлади, бу ишни қилганларни устидан кулади. Аслида эса мана шу одамлар бизнинг ҳақиқий қаҳрамонларимиз, айнан улар жамиятимизни ноқонуний ва хавфли маҳсулот ва хизматлардан асраб келмоқда. Агар сизга бу ишни қилиш орқали келадиган пулни олиш эриш туюлса, буни шунчаки инкор қилинг. Пулни олманг, лекин бефарқ бўлманг.

@hamzajumayev

Мана бу постга изоҳларда турли фикрлар келмоқда. Чуқурроқ тушунтиришга уриниб кўраман...

Аслида "козёл" ким?

Ижтимоий тармоқларда тротуарга машина қўйган,  қизил чизиққа ўтган,  пиёдага йўл бермаган ҳайдовчиларни фош қилган фойдаланувчиларни гўёки "ушлаб олиб"  сазойи қилиш ҳолатларини кўп кузатаман.  Бу ишни қилган одам ўзидан қаҳрамон ясайди,  қоидабузарлик ҳақида хабар берганни эса "козёл","қулоқ"қа чиқаради.  Ва афсуски,  унга бошқалар эргашади.

(Лекин, буни тирикчилик манбаси қилиб олганларни оқламайман)

Шу ишни Америкада,  Европада боринг ана,  Россияда қилиб кўрингчи.  Ўзингиз маломатга нишон бўласиз.  Чунки,  у ерларда одамлар бефарқ эмас!  "Менинг уйим четроқда"  деб жим ўтиб кетмайди. 

Қозон шаҳрида супермаркетдан харажат қилиб аравачани 500 метр наридаги меҳмонхонага ҳайдаб кетаётганимда бир татар кампир тротуарда учраб қолиб,  "тележку верните в родину потом"  деб ўтиб кетган.  Ана,  жамоатчилик назорати.

Бугун бизда ҳам муаммоларни ечишда жамоатчилик роли давлат ролидан таъсирлироқ бўлмоқда.  Менимча,  бунга давлат кўпроқ аҳамият қаратиши керак.  Керак бўлса,  қоидабузарлик ҳақида хабар берганга кўпроқ "доля"  бериш керак. 

Бунақа бефарқ бўлмаганларга ишлатиладиган "козёл"  таърифини қоидабузарларга ишлатиш ўринли.  Аслини олсангиз,  ижтимоий фаол фуқаро сизни,  фарзандингизни,  жигарингизни фожеадан асрашга хизмат қиляпти.  Шунинг учун уни "козёл"  эмас,  қаҳрамон денг! Ўша қоидабузарликдан азият чеккан одам ўрнига ўзингизни қўйиб кўринг. (худо сақласин)

Масалан, кўчага чиққанингизда машинангизни биров туртиб кетганини кўрсангиз, буни ГАИ га видео олиб ташлаб берган одамни ҳам "қулоқ" дейсизми? Керак бўлса пешонасидан ўпиб раҳмат айтасиз.

Бир нарсани тўғри тушуниш учун албатта ўша ҳолатга тушиш шарт эмас. Сал фикрлаш кифоя. Ҳаммасидан ҳам аълоси- қоидаларга, қонунларга риоя қилиш. Тамом!

@hamzajumayev

Хато қилишингни кутарлар
Абдулла Орипов

Шундайлар бор, сенга лутф айлаб,
Дўстман дея қўлин тутарлар.
Лекин хар зум қадаминг пойлаб
Хато қилишингни кутарлар.

Хато қилсанг уларга байрам,
Йўқса захру заққум ютарлар.
Майли жиндек зарра бўлса ҳам
Хато қилишингни кутарлар.

Хатоларинг керак уларга,
Шох новдадек дархол бутарлар.
Тағин кунни улаб тунларга,
Хато қилишингни кутарлар.

Ахтарурлар ҳамиша иллат,
Етти пуштинг гўрин титарлар.
Фақат унга улғайма фақат,
Хато қилишингни кутарлар.

Улар сенга бир умр йўлдош,
Содиқ хамроҳ каби ўтарлар.
Қабринг узра эгсалар ҳам бош
Хато қилишингни кутарлар.

@hamzajumayev

​Ёзни Нобель мукофоти совриндори бўлган ёзувчининг қизиқарли китоби билан бошлашга нима дейсиз? Китобхонлар қалбини ларзага солган бу асар Чернобиль фожиаси, унинг сир турилган аччиқ ҳақиқатлари ҳақида ҳикоя қилади!

📖 Тарихдаги энг фожиали воқеалардан бири марказига олиб борадиган, гувоҳлар тилидан айтиб берилган “Чернобиль таваллоси” китобини ўқиб кўринг. 

🌟 Асарда Чернобиль фожиасининг айбсиз қурбонига айланган қаҳрамонлар жасорат топиб ўзларининг айтилмаган ҳикоялари, умидлари ва қўрқувларини баҳам кўришган. Уларнинг овозлари вақт ва маконда акс-садо берадигандек, ҳайратланарли, аламли ва қизиқарлидир.

🔍 Оддий қаҳрамонлар, олимлар ва ушбу ҳалокатли ҳодисадан жабрланган чидамли жамоаларнинг унутилган эртаклари кўз ўнгингизда яна бир бор гавдаланади. Уларнинг ҳикоялари юрагингизга кириб борганини сезмай қоласиз. Шунингдек, атом реактори фожиасининг кўламини унга гувоҳ бўлганлар мисолида яққол тушуниб етасиз… Ва бу мушоҳадага арзийдиган мавзу эканини ҳам англайсиз! 

🌍 “Чернобил таваллоси” сизни ҳаяжонли саёҳатга етаклайди, инсон руҳиятининг ақл бовар қилмайдиган фожиа қаршисида ўзгармас кучи ва матонатини очиб беради. Китоб бирдамлик, умид, инсонийликни қадрлаш ва ўтмишимиздан сабоқ олиш муҳимлиги ҳақидаги кучли эслатма ҳамдир.

🌏🛍 Ушбу қизиқарли китобни эътиборсиз ўтказиб юборманг! Бугуноқ “Чернобил таваллоси”ни харид қилинг  ва қаҳрамонлар билан яқин тарихга жонли саёҳат қилинг! Асар севимли китоб дўконларингизда ва интернет орқали сотувда мавжуд.

📚💫👥 Тарихни, ҳаётий воқеаларни яхши кўрадиган, инсон иродасининг кучини ҳис этишни хоҳлаган дўстингизга постни жўнатинг. Минглаб китобхонларнинг яна бир ажойиб асардан баҳра олишига сабабчи бўлинг! 🗣📢

Нархи: 49 000 Сўм
Бетлари сони: 396 бет
Муаллиф: Светлана Алексиевич

Китоб "Asaxiy Books" лойихаси доирасида таржима қилинган.

Буюртма бериш: asaxiy.uz/u/6475b062c54cd

Буюртмалар бутун Ўзбекистон бўйлаб, ҳатто чекка ҳудудларга ҳам етказиб берилади.

Nega yozmayapsiz tag‘o?

Shu savolni ko‘p berishyapti. Yozish kerak, to‘g‘ri. Lekin vaqt kerak unga. Siz ham uzun matndan ko‘ra videoni ma'qul ko‘rishingizni bilaman. 😊

Shuning uchun endi turli mavzular haqidagi fikrlarimni ko‘proq video ko‘rinishida taqdim qilmoqchiman.

Birinchisi: Negativlarga munosabat.

@hamzajumayev

Siz davlatni o‘zgartira olasiz, qachonki... 🙏

Efirda "Tag‘o taym"

👉 @hamzajumayev