ክለባችን ሀዋሳ ከተማ በሴንትራል ሀዋሳ ሆቴል ከነሀሴ 12 ጀምሮ መቀመጫውን አድርጓል። በተከታታይ ቀናት ለቡድኑ ተጫዋቾች የህክምና ምርመራ እና የተለያዩ ስልጠናዎች ከተሰጡ በኋላ በፓላንድ ሀገር የማሻሻያ ስልጠናን ወስዶ በተመለሰው አሰልጣኝ ዘርአይ ሙሉ እየተመራ መደበኛ ልምምዱን ከነገ ሰኞ ጀምሮ ክለቡ ያከናውናል።

ክለባችን በዚህ ክረምት ያስፈረማቸው አዳዲስ ተጫዋቾች 👇

👉እንየው ካሳሁንን ከድሬዳዋ ተከላካይ
👉 አማኑኤል ጎበና ከአዳማ የመሐል ተጫዋች
👉 ፂሆን መርዕድ ከወላይታ ድቻ ግብ ጠባቂ
👉 ሚሊዮን ሰለሞን ከአዳማ ተከላካይ

ውል ያደሱ 👇

👉 መድሀኔ ብርሀኔ
👉 ተባረክ ሔፋሞ
👉 አሊ ሱለይማን
👉 አብዱልባሲጥ ከማል
👉 አቤኔዘር ኦቴ
👉 ፀጋአብ ዮሐንስ
👉 ምንተስኖት እንድሪያስ
👉 አቤኔዘር ዮሀንስ

በቀጣይ ከሀገር ውስጥ እና ከባህር ማዶ ወሳኝ ተጫዋቾችን ክለባችን የሚያስፈርም ይሆናል።

ክለባችን ሀዋሳ በጋና ፕሪሚየር ሊግ ኮከብ ተጫዋች እጩ የሆነውን ተጫዋች አስፈርሟል

በአሰልጣኝ ዘርዓይ ሙሉ መሪነት የቅድመ ውድድር ዝግጅታቸውን እየሰሩ የሚገኙት ሀዋሳ ከተማዎች እስከ አሁን በስብሰባቸው ውስጥ የሀገር ውስጥ አዳዲስ ተጫዋቾች በማስፈረም እና ነባሮችን በመያዝ ልምምዳቸውን ቀጥለዋል። አሁን ደግሞ የመጀመሪያ የውጪ ዜጋ ፈራሚያቸው በማድረግ በጋና ሊግ የአመቱ ኮከብ ተጫዋች ዝርዝር ውስጥ የተካተተውን ጋናዊውን የተከላካይ አማካይ ስሚካኤል ኦቶውን አስፈረመ።

አብዛኛዎቹ የእግር ኳስ ህይወቱን በሀገሩ ክለቦች ዩኒ ስታር ፣ ኢንተር አላይንስ እና ግሬት ኦሎምፒክስ ከተጫወተ በኋላ በመቀጠል ወደ ፓርቹጋል አምርቶ ለፖርትሞኔንሴ ተጫውቷል። ያለፉትን ሁለት ዓመታት ወደ ሀገሩ ጋና በመመለስ ለሊጎን ሲቲስ ግልጋሎት ሲሰጥ የነበረ ሲሆን በክለቡ ውስጥ ድንቅ ጊዜ ማሳለፍ በመቻሉ የአመቱ ምርጥ ተጫዋቾች ስድስቱ ውስጥ የተካተተ ሲሆን ለቀጣዩ የውድድር ዘመን ደግሞ ወደ ሀገራችን በመምጣት ሀዋሳን ተቀላቅሏል። Soccer Ethiopia

ለሀዋሳ ከተማ እግር ኳስ ክለብ አሸኛኘት ተደረገለት

በኢትዮጵያ ፕሪሚየር ሊግ የ2016 ውድድሩን ለማከናወን ዝግጅቱን ሲሰራ የነበረው ሀዋሳ ከተማ በሲዳማ ጎፈሬ ዋንጫ ላይ እና በተለያዩ የወዳጅነት ጨዋታዎች አዳዲስ ፣ ነባር እንዲሁም ታዳጊ ተጫዋቾችን በመያዝ ልምምዱን ሲሰራ እና ሲወዳደር ቆይቶ ለዋናው የፕሪሚየር ሊግ ውድድር ራሱን አዘጋጅቶ ወደ አዳማ ከማምራቱ በፊት ዛሬ ምሽት በሴንትራል ሀዋሳ ሆቴል አሸኛኘት ተደርጎለታል። የሀዋሳ ከተማ አስተዳደር ከንቲባ እና የክለቡ የበላይ ጠባቂ አቶ መኩሪያ መርሻዬ ፣ የክለቡ ከፍተኛ የቦርድ አመራሮች ፣ ከፍተኛ የከተማ አስተዳደሩ የመምሪያ ሀላፊዎች ፣ የክለቡ አመራር ፣ የደጋፊ ማህበሩ ተወካዮች ፣ አሰልጣኞች እና ተጫዋቾች በተገኙበት ነው በሴንትራል ሀዋሳ ሆቴል ሽኝቱ የተደረገው።

የከተማው ከንቲባ እና የክለቡ የበላይ ጠባቂ አቶ መኩሪያ በንግግራቸው የስራ መመሪያ ለክለቡ አባላት ያቀረቡ ሲሆን የዘንድሮው አመት የተሻለ ውጤት እንዲመጣ ከተማ አስተዳደሩም ሆነ እርሳቸው በልዩ ትኩረት ሰጥተው እንደሚከታተሉ ገልፀዋል። በመቀጠል የክለቡ አሰልጣኝ ዘርአይ ሙሉ እና አምበሉ ሙጂብ ቃሲም ክለቡ ያደረገላቸው ትኩረት እንዳስደሰታቸው ጠቁመው። ከክለቡ የተላለፈውን መመሪያ ተግባራዊ ለማድረግ ቁርጠኛ መሆናቸውን አሳስበዋል። በመጨረሻም የኬክ መቁረስ እና የእራት ግብዣ ተከናውኖ ፕሮግራሙ ተጠናቋል።