قلبّي وأعرفه ياسعود مايفيد الرجا فيه
‏لا حب حب ولا إنكسر حيل يقسى .

‏كان الله في عون من يُعاني من
‏فرط التفكير والشعُور الصامت

‏مرّني طاريك وأحرجني شرودي
‏بالوجيه اللي تسائل وش تفكّر ؟
‏ٰ
‏عاقد أحلامي على دعوة سجودي
‏في رجاء ربٍ لـ عبده ماتنكر
‏ٰ
‏كيف أبرضى وأبتعد يا أجمل قيودي
‏وأنت قربك ريح هيل، وطعم سكر
‏ٰ
‏ياوجودي، كان مايفرق وجودي
‏في عيونك ياصفى البال المعكّر

‏أصعب من الضيّق شرح . . أسبابه

‏على كثر ما صدري من الضيق صار يفوح
‏ما والله غبطـت اللـي من الناس متهني

‏أجامل على الدنيـا مثل ضحكة المجـروح
‏تعبببت أتظاهر بـ المسـرات " واغنـي

‏انا مبطي من الضحكه اللي ترد الروح
‏يـ ليت العمر ياقف ليا من ضحك سنـي

تمر السوالف دون ذكراك مافيهاا روح
‏معك عشت عشر اضعاف ماكنت متمني
‏
‏بروق المفارق في سماء اهل الوصال تلوح
‏تمكني . . . من الوقت قبل يتمكني

‏ماودي تروح ولاكتب ربي انك تروح
‏مراسم وداعك لاتقفي بها عني

‏يقولون قلبك تالي الوقت قطعة لووح
‏وأنا اقول قلبي راااح ماقلبي بـ مني :(

لا يغرك صدري الواسع وكثر سكاتي
‏وسط قلبي طعن رمح وجمرتينٍ حيه

يا ترف لو ما كتاب الله حداني
‏والكتاب أعرف حلاله من حرامه

‏لا أمنع الخطاب من قاصِي وداني
‏مثل منع الزير سالم لليمامه

‏ولو ما أحسب شرهة طوال اليماني
‏والله إنك ما تحطين اللثامه

‏اللثامة فوق هطلان الأذاني
‏وأنتي اللي تستحقين العمامه

ضربت في الدنيا من الجال للجال
‏واذنبت لكن ما فعلت الكباير

‏نسعى على السمعه ونسعى على المال
‏والسمعه اقنا من كبار التجاير

‏استغفر الله قبل قصاف الاجال
‏لا حلت الاجال تعمى البصاير

‏قد عشت رجال وبموت رجال
‏وماقدّر المولى على العبد صاير

‏ما كسرني في حياتي غير صورة
‏مات راعيها وهي للحين حيّة .

‏اللهمَّ ! أنت الملكُ لا إله إلا أنت . أنت ربى وأنا عبدُك ، ظلمتُ نفسي واعترفتُ بذنبي ، فاغفرْ لي ذنوبي جميعًا إنه لا يغفر الذنوبَ إلا أنت

سرا الليل يا عيني وانا عادني ما نمت
اهوجس وعيني من حلا النوم محرومه .

‏" مصيرها تزين مهما ثقلت حمّولها "

اذا قلت ابنسى يافهد حب بعض الناس
تذكرت ايامً مضت لي مع الغالي

واذا حل به طاري غدى كن بي وسواس
وقضا العمر في رجوا الحبيب على الخالي

انا بعد مافارقت غض النهد محتاس
ولا في يدي حيله على قدرة الوالي

انا من بكى عيني غدى كن فيها نعاس
وقلبي من الخلان ماهوب متشالي

غرام الحبيب يافهد شاربه في كاس
تجرعت علقم يافهد واحسبه حالي

الى من ذكرت الي خدوده كما القرطاس
كرهت الحياة وعفت انا المر والحالي

وشديد المصيبه كل ماشفت شيب الراس
وان طال هجره يافهد خلصت حالي

بلاني بحبه واثر حبه بليا ساس
وقلب الشقى مهوب من عشرته سالي

‏قامت تثقّل عيار إهمالها طيش وغشامه
‏لين حدّتني أخليها . . وهي ما تنتخلّى

‏ليه اغني لـ القمر وانتي على الارض محموله
‏وليه اسولف لـ السما ونجومها عقدك وشالك

‏ويوم صارت ساعة الفرقا على مثلي عجوله
‏اغتنمت من الدقايق لحظتينٍ . . كلها لك :)

‏مل قلبٍ من هوى الخدرات عيا
‏باقـيٍ له من هو خله بقايا

‏لابغيت اسج من سمح المحيا
‏شفت من وصفه على غيره حلايا

‏فز قلبي وانتبه عقب النسيا
‏وانحرف فكري وجـارٍ الكوايا

‏راح يشرفني على نور الثريا
‏لين وردني على حوض المنايا

‏وان بغيت اجيه ، وصله ماتهيا
‏صارو العربان من دونه حمايا

‏يا راحله وش عذرك لهذا الرحيل
‏عذرٍ تقبّله الضلوع الناحله

‏من يقنع اللي سامر الليل الطويل
‏اقسى من احلام الهوى مراحله

‏بالمنتصف بين الشهد والمستحيل
‏تشتت الولهان وتلوي كاحله

‏يا راحلة يا هل انا عابر سبيل
‏ولا مطار الهم ولا ساحله ؟

‏ولاعلى ماقيل كنتي حلم ليل
‏حلمٍ تمناه الفتى وارتاحله . .

‏تملّ الأرض . . ويجد القديم ويستريب البال
‏وإلى هالحين وإنت بصمت ذاكرتي ومكتوبي
‏ٰ
‏اجي من نشوة اللحظة غریب ونازل ورحال
‏معي وضح النوايا درهمت لـ يديك من صوبي
‏ٰ
‏سقی الله يوم جاذبتك مسافة والدروب طوال
‏سعة لو ضاقت الدنيا علي ماضاق بي ثوبي :)

‏" تراجعنا وجزنا عن خطانا والوله ما تاب
‏توديه المشاغل والنسيم العذب ياتي به

‏يانسناس الهوى شاب الغراب وملو الكتاب
‏ تلذذ بك عباد الله وأنا القى فيك تغريبه

‏ أنا جرحٍ قديم عالجه كف الزمان وطاب
‏عقب ماغابو اللي رسموه وطالت الغيبه "