Қўрққанда айтиладиган дуо

Амр ибн Шуайб оталаридан, оталари боболаридан ривоят қиладилар:

Расулуллоҳ соллаллоҳу алайҳи васаллам бирор нарсадан қўрққан кишиларга:

أَعُوذُ بِكَلِمَاتِ اللهِ التَّامَّةِ مِنْ غَضَبِهِ وَشَرِّ عِبَادِهِ وَمِنْ هَمَزَاتِ الشَّيَاطِينِ وَأَنْ يَحْضُرُونِ

«Аъузу бикалиматиллаҳит таммаҳ мин ғозобиҳи ва шарри ъибадиҳи ва мин ҳамазатиш шайатийни ва ан йаҳзуруни», деб айтишни ўргатар эдилар.

Маъноси: Аллоҳнинг мукаммал калималари билан ғазабидан ва бандаларининг ёмонлигидан ва шайтон васваса қилиб, менинг ёнимда ҳозир бўлишидан паноҳ тилайман.

Абу Довуд ва Термизий ривояти.

Абдуллоҳ ибн Амр ақли кирган фарзандларига ушбу калималарни ўргатардилар. Ақли кирмаганларига эса ёзиб, унга илиб қўярдилар.

✅ Telegram | 💬 Facebook | 📸 Instagram | 📹 Youtube

Rizq

Ismoil Muhammad Sodiq

✅ Telegram | 💬 Facebook | 📸 Instagram | 📹 Youtube

Ғам-ташвиш етса, ушбу калималар билан дуо қилинг!

Абу Мусо Ашъарий розияллоҳу анҳудан ривоят қилинади:

Расулуллоҳ соллаллоҳу алайҳи васаллам:

«Кимга ғам-ташвиш етса, ушбу калималар билан дуо қилсин, деганларида, бир киши: «Эй Расулуллоҳ мана шу калималардан бебаҳра қолган киши хасоратдами» деди.

Расулуллоҳ: «Ҳа», деб жавоб бердилар. Сўнгра, «Бу калималарни ўзинглар айтиб, бошқаларга ҳам ўргатинглар. Ким бир нарса талабида ана шу калималарни айтса, Аллоҳ ундан хафаликни кетказиб, хурсандчилигини зиёда қилади», деб ўша калималарни айтдилар:

اللَّهُمَّ أَنَا عَبْدُكَ، وابْنُ عَبْدِكَ، وابْنُ أَمَتِكَ، فِي قَبْضَتِكَ، نَاصِيَتِي بِيَدِكَ، مَاضٍ فِيَّ حُكْمُكَ، عَدْلٌ فِيَّ قَضَاؤُكَ؛ أَسْأَلُكَ بِكُلِّ اسْمٍ هُوَ لَكَ سَمَّيْتَ بِهِ نَفْسَكَ، أَوْ أَنْزَلْتَهُ فِي كِتَابِكَ، أَوْ عَلَّمْتَهُ أَحَدًا مِنْ خَلْقِكَ، أوِ اسْتَأْثَرْتَ بِهِ فِي عِلْمِ الغَيْبِ عِنْدَكَ، أَنْ تَجْعَلَ القُرْآنَ العَظِيمَ نُورَ صَدْرِي، وَرَبِيعَ قَلْبِي، وَجِلاَءَ حُزْنِي، وَذَهَابَ هَمِّي

«Аллоҳумма ана ъабдука, вабну ъабдика, вабну аматика фий қобзотик, насийатий бийадик, мазин фиййа ҳукмук, ъадлун фиййа қозоук, ас`алука бикулли исмин ҳува лака саммайта биҳи нафсака ав анзалтаҳу фий китабика ав ъалламтаҳу аҳадан мин холқика ав иста`сарта биҳи фий ъилмил ғойби ъиндака ан тажъалал Қуръанал ъазийма нуро содрий ва робийъа қолбий ва жилаа ҳузний ва заҳааба ҳаммий».

Маъноси: Аллоҳим! Мен Сенинг қулингман, қулингнинг ўғлиман, чўрингнинг зурриётиман. Сенинг қабзангдаман. Кокилим Сенинг қўлингда. Ҳукминг менинг устимда жорийдир. Сенинг ҳукминг одилдир. Ўзингни номлаган ёки китобингда нозил қилган ёки халқингдан бирор кишига ўргатган ёки ғайб илмингда сақлаб қўйган исмларинг ила сўрайманки, Буюк Қуръонни дилимнинг нури, қалбимнинг баҳори, маҳзунлигимни аритувчи ва ғамимни кеткизувчи қил.

Ибн Сунний ривояти.

✅ Telegram | 💬 Facebook | 📸 Instagram | 📹 Youtube

Қийин аҳволга тушиб қолганда айтиладиган дуо

Али розияллоҳу анҳудан ривоят қилинади:

«Расулуллоҳ соллаллоҳу алайҳи васаллам Алийга: «Эй Алий, сенга сўзларни ўргатайми? Қачон қийин аҳволга тушиб қолсанг, уларни айтасан» деганларида, мен: «Ҳа, ўргатинг, Аллоҳ мени сизга фидо қилсин», дедим. У зот: «Қачон қийин аҳволга тушиб қолсанг,

بِسْمِ اللهِ الرَّحْمَنِ الرَّحِيمِ، وَلاَ حَوْلَ وَلاَ قُوَّةَ إِلاَّ بِاللهِ العَلِيِّ العَظِيمِ

«Бисмиллаҳир роҳманир роҳийм. Ва лаа ҳавла ва лаа қуввата иллаа биллаҳил ъалиййил ъазийм», деб айт. Чунки Аллоҳ мана шу дуо билан хоҳлаганича, ҳар турлик балолардан халос қилади», дедилар».

Ибн Сунний ривояти.

✅ Telegram | 💬 Facebook | 📸 Instagram | 📹 Youtube

Rasulullohning ﷺ sunnatlariga ergashish

Ismoil Muhammad Sodiq

✅ Telegram | 💬 Facebook | 📸 Instagram | 📹 Youtube

Қўрққанда айтиладиган дуо

Абу Мусо Ашъарий розияллоҳу анҳудан ривоят қилинади:

Набий соллаллоҳу алайҳи васаллам қачон бирор қавмдан хавфсирасалар:

اللهُمَّ إِنَّا نَجْعَلُكَ فِي نُحُورِهِمْ وَنَعُوذُ بِكَ مِنْ شُرُورِهِمْ

«Аллоҳумма иннаа нажъалука фий нуҳуриҳим ва наъузу бика мин шуруриҳим», деб айтардилар.

Маъноси: Эй Раббим, биз Сени уларга рўпара қўямиз ва Сенинг номинг ила уларнинг ёмонлигидан паноҳ тилаймиз.

Абу Довуд ва Насаий ривоятлари.

✅ Telegram | 💬 Facebook | 📸 Instagram | 📹 Youtube

Ehson

Ismoil Muhammad Sodiq

✅ Telegram | 💬 Facebook | 📸 Instagram | 📹 Youtube

Бирор иш оғир келганида айтиладиган дуо

Абу Ҳурайра розияллоҳу анҳудан ривоят қилинади:

«Расулуллоҳ соллаллоҳу алайҳи васаллам:

«Кучли мўмин Аллоҳ таолога кучсиз мўминдан яхшироқ ва маҳбуброқдир. Ҳар иккаласида яхшилик бор. Сенга фойда берадиган нарсага ҳарис бўл. Аллоҳдан ёрдам талаб қил. Ожизлик қилма. Агар сенга бирор мусибат етса, агар ундоқ қилганимда, бундоқ бўларди, деб айтма. Лекин, Аллоҳнинг тақдири, У хоҳлаган нарса бўлади, дегин. Чунки «агар» калимаси шайтон амалини очади», дедилар».

Имом Муслим ривояти

✅ Telegram | 💬 Facebook | 📸 Instagram | 📹 Youtube

Ўзбекистонлик ҳожилар халқимизни дуо қилмоқда

Президент Шавкат Мирзиёев 31 май куни Ўзбекистон мусулмонлари идораси раиси, муфтий шайх Нуриддин Холиқназар билан телефон орқали мулоқот қилди.

Ҳозирги муборак кунларда азиз юртдошларимиз Ҳаж зиёрати учун Маккаи мукаррамада бўлиб туришибди. Давлатимиз раҳбари улар учун яратилган шароитлар, нуронийларнинг саломатлиги ва кайфияти ҳақида сўради.

Муфтий ҳазратлари Ҳаж амалларини сидқидилдан, мукаммал адо этиш учун барча ташкилий чоралар кўрилганини таъкидлади.

Айни пайтда 15 минг нафар ҳожиларимизнинг барчаси Саудия Арабистонига етиб борган. Уларга 300 дан ошиқ гуруҳ раҳбари, 50 нафар олий тоифали шифокор, 10 дан зиёд ошпазлар ва бошқа мутахассислар ҳамроҳлик қилмоқда.

Бу йил, Ўзбекистон томонининг талабига мувофиқ, Арафот ҳудудидаги чодирлар ёпиқ тарзда барпо этилди. Уларнинг атрофи иссиқ ўтказмайдиган панеллар билан ўралган, совутиш тизими ўрнатилган, гилам ва тўшаклар солинган. Бу ҳозирги ёз кунларида зиёратчиларга қўшимча қулайлик яратади.

Бир сўз билан айтганда, бу йилги ҳаж мавсумига янада юқори даражада тайёргарлик кўрилиб, барча зарур шароитлар ҳозирланди. Бундан қалбида шукроналик ҳисси жўшган юртдошларимиз муқаддас жойларда туриб, Яратгандан мамлакатимиз тинчлиги, халқимиз фаровонлигини сўраб дуолар қилмоқда.

Муфтий Нуриддин Холиқназар Президентимизга улуғ ибодат файзи билан юрган ҳожиларимизнинг саломи ва дуоларини етказди. Давлатимиз раҳбари барча зиёратчиларга салом йўллаб, юртимизга соғ-омон келишларини тилади.

Суҳбат самимий ва кўтаринки руҳда ўтди. Муҳтарам ҳожилар Ўзбекистонга қайтгач, маҳаллаларда ижтимоий муҳитини мустаҳкамлаш, эҳтиёжманд инсонларга кўмак бериш, ёшларни илм-маърифатга тарғиб этишда намуна кўрсатишларига умид билдирилди.

✅ Telegram | 💬 Facebook | 📸 Instagram | 📹 Youtube

Hashamatga intilish

Ismoil Muhammad Sodiq

✅ Telegram | 💬 Facebook | 📸 Instagram | 📹 Youtube

Hammasi yaxshi bo'ladi

Ismoil Muhammad Sodiq

✅ Telegram | 💬 Facebook | 📸 Instagram | 📹 Youtube

У қандай яхши вакил

Авф ибн Молик розияллоҳу анҳудан ривоят қилинади:

«Набий соллаллоҳу алайҳи васаллам икки киши ўртасида ҳукм қилдилар. Зарарига ҳукм қилинган киши кетаётиб:

حَسْبِيَ اللهُ وَنِعْمَ الوَكِيلُ

«Ҳасбияллоҳу ва ниъмал вакийл» деб айтди. Шунда «Набий соллаллоҳу алайҳи васаллам: «Аллоҳ таоло ожизни маломат қилади. Сен кучлиликни маҳкам тут. Агар сен ёқтирмайдиган бирор иш содир бўлса, «Ҳасбияллоҳу ва ниъмал вакийл», деб айт», дедилар».

Маъноси: Аллоҳнинг Ўзи менга кифоя қилади. У қандай яхши вакил.

Абу Довуд ривояти.

✅ Telegram | 💬 Facebook | 📸 Instagram | 📹 Youtube