احبتي لتبادل القنوات #للدعم فقط

راسلوني عبر المعرف

@dh_g8

قصيدة (للعليه ع)ثگيله من ديوان "تراث الطف"


صار هواي ابونه مالفــــه البيته
حنين وهسه راحت وين حنيته


صار هواي ابونه مانشد عـــــــنه
بعد للبيت وسفه مايــــــــرد چنه
خذت ياموت خيمتنه شردت منه
بلهفه اركض رحت عل باب تانيته


شعندة عل ترايب نايـــــم الغالي
شلون انسه الحنين الطابع ابالي
چنت يوميه بويه تگعد اكـــبالي
يلتم الشمل وياك يـــــــاريـــــته


ترد لمتنه كون ويرجع اويــــانه
ولهانه عليه الــــروح ولهــــــانه
عليش حسين ابويه ساد بيبانه
گبل ليروح بيه هواي وصـــيته


خذاك الموت مني ياضوة عيوني
يم گبر الحنين اوياكم اخـــذوني
فتحولي الگبر وياه دفـــــــنـوني
خلافك يلحنين البيـــــــت مليته


وين انطي الوجه عگبك يخــيمتنه
طشرنه الوكت شبـــساع طــــشرنه
هم يلتم شملنه وذيــــــــج كعدتنه
شمالك يلگبر شبســـــــاع ضـــميته


كلمات الاستاذة الشاعرة هبه الموسوي
صاحبة كروب الحناجر الذهبيه

قناة الشاعرة هبه علئ التليكرام

https://www.tg-me.com/joinchat-AAAAAFDEvIVE_tY5SJrX6g


قناة الشاعرة هبه علئ اليوتيوب

https://www.youtube.com/channel/UCoh1dE-KiwRlpuZJsBCsWpQ

قصيدة ثگيله للسيدة زينب ع


لو رحت مااصبـــــر اني ابدونك
روحي تفرح من تشوف اعيونك

الله وياك ... مگدر انساك
ناشدت يابو المحنه شلونك

*

ابناگه عرجه صعدوني وعثرت الناگه وطحت
بسوطهم هدو عليه وين ابو فاضل صحت
ورمو متني يخـــــــويه امن السياط انه متت
گمت اعاين يمنه يسرة تهد يبوفاضل ردت

گوم لختك فرجه صارت للـــخلك
امن الشماته كلبي ياخويه احترك

دهري ذباك ... مگدر انساك
ناشدت يابو المحنه شلونك
*

شلون راح اكضي حياتي وانته عني مسافر
لاتروح ابداعت الله يعني الـــــــه تهاجر
صعبه اعيش اخلاف وجهك واگضي عمري امناطر
ابد مانمت اليالي جبت عمري امساهر


مااضـــــــن نرجع بــعد نتلاگه
وهاي روحي ابفركتك مشتاكه

روحي تهواك ... مگدر انساك
ناشدت يابو المحنه شلونك
*

لـــــــيش نايم ياحبيبي مـــو وكتها النومه
گـــــــوم اخذ ثار ابو اليمه سلبوهه هدومه
خويه ليش انه الحنينه امن الفرح محرومه
خلصت عمري وحياتي يـــــــلكفل مالومه


گوم شوف حسين واطلب ثارة
من متت ياخوي شــــــبت نارة

بيه طرواك ... مگدر انساك
ناشدت يابو المحنه شلونك
*

شلون بيه لو عفتني وحيدة انــــه يلولي
ولشمر دزالي حارس كتله انه احرس هلي
وگتله مامات اليحبني بيه عايش كــافلي
نوخوهه الناگه خويه وذكريـــات بمحملي


عطرك الهسه اشمه بشيلتي
ياكفيلي يلمـــــــدلل عيلتي

ماضن الگاك ... مگدر انساك
ناشدت يابو المحنه شلونك


*

كَلَّمَاتِ
الشاعرة هبه الموسوي

قناة الشاعرة هبه الموسوي عل يوتيوب

https://www.youtube.com/channel/UCoh1dE-KiwRlpuZJsBCsWpQ

الشاعرة هبه الموسوي


قناة الشاعرة عل تليكرام
https://www.tg-me.com/joinchat-AAAAAFDEvIVE_tY5SJrX6g

قصيده عن لسان ام البنين (ع)

ولدي عافوني..وحدي خلوني..اونن
والـنزل خالي..عذب احوالي..اونن

*
ليـش عافوني ومشو وانة الحنينه
ينهطر گلبي امن اگول حسين ويــنه
خالي يـــابيت المحنه من ولينــــه
جـــان يفـــرح كلبي لو سير علــينه
كلبي ماينبض..بسمة ضل يلفض..اونن
ميـت الغالي ..عذب احوالي..اونن

*
بعد وين الگة قميصك حتئ اشمـــة
صــــرت يعقوب ابغيابك ليش يمة
هـــــذا گلبي العذباني زاد همـــــــه
يبني عيني بفرگتك يــــاريت تعمه
بالي يم ولدي..گطعو چبدي..اونن
ذاب دلالــــي..عذب احوالي..اونن
*
اربعه اولادي الك يوليــدي فـدوة
ياحسين الروح من بعدك متهــوة
ياحنين البيت بغيابك ميســــــوة
شلون انساها عشرتك حيل حلوة
يبني تــــانيني..وگعت عيـــني..اونن
الموت اشوالي..عذب احوالي..اونن
*
اخ لويدري العزيز شسوة بيـــــه
حيل تخنك من تجيني المغربيه
اذكر الكعدات من نكعد سويــــه
چنت من تشتاگلي تـسير عليـــه
رد يبعد امك..گمت اشم هدمك..اونن
مابقئ والي..عذب احوالـــي..اونن
***
كلمات
الشاعرة هبه الموسوي

صاحبة
ديوان تراث الطف
ديوان حلم مذبوح
https://www.tg-me.com/joinchat-AAAAAFDEvIVE_tY5SJrX6g

"يا مَنْ إذا تَضايَقَتِ الأُمورُ فَتَحَ لها باباً لمْ تَذْهَبْ إلَيْهِ الأوهامُ، فَصَلِّ على مُحَمَّدٍ وآلِ مُحَمَّدٍ، وَافْتَحْ لأُُمورنا المُتَضايِقةِ باباً لمْ يَذْهَبْ إليْهِ وَهْمٌ يا أرحَمَ الرَّاحِمين"

صل علئ محمد وآل محمد

اللهم صل علئ محمد وآل محمد 🩷

"يَنبغِي للعَاقِل أن يَكون رَقيبًا عَلىٰ نَفسه فَيستعظمُ خَطأه ويَستَصغِر صَوابه ولا يَكترث بهِ؛ لأن الصَواب دَاخل فِي شَرط إنسَانيتهِ."

قصيدة ثكيله للعليله


شيسوة عمري يـادهر
خلص ميته امن القهر

مات ابويه ومايرد البيته
بعد ياهو ليمتلك حـنيته

خلص ميته امن القهر (2)


لو رحل خيمتنه شيعوض مكانه
ادري عندة اعزاز احنه ومانسانه
دورت بلبيت ماشــــــوفن حنانه
نشوفه يمنه المغربيه عــــــودانه

أيست مـــــــن الفرح
گلبي من راح انجرح

ادري مايرجع وانه تانيته
بعد ياهو ليمتلك حــنيته

خلص ميته امن القهر (2)



مرني يابويه بحلم خليني اشـوفك
ويايه لاتگطع ابد راضي بـطـيوفك
يااعز من گلبي ما أكــــــدر اعـوفك
كل صباح اكعد اون والهج احروفك

بعد شلي بـــلعمر
والدي ماضن يمر

بويه وجهك لاتضن ناسيته
بعــــد ياهو ليمتلك حــنيته

خلص ميته امن القهر (2)


دورت بوجوه ناسي ومـــالگيتك
بكل زوايه البيت بويه دوريـــتك
لو اعرفك وين چا هســـه اجيتك
الف وسفه عل ترب نامت لحيتك

بوجهك اشسوة الترب
واني اعيـــوني تصب

دورت بلبيت وجهك مالگيته
بعــــــد ياهو ليمتلك حــنيته

خلص ميته امن القهر (2)



بويه من يوم العفتنه تــطـــرد الدار
وحشه ماتنچهب مـــا مر بيها خطار
من سمعت ابغيبتك گلبي اشتعل نار
انفض اتراب الگبر حيل الگبر حــــار

اجي وابچي عل مكان
الچنت بي اشـبع حنان

دمعي كله بفرگتك هليته
بعد ياهو ليمتلك حــنيته

خلص ميته امن القهر (2)


كَلَّمَاتِ
الشاعرة هبه الموسوي
لايجيز شرعا حذف الاسم""""

قناة الشاعرة هبه الموسوي عل يوتيوب

https://www.youtube.com/channel/UCoh1dE-KiwRlpuZJsBCsWpQ

الاستاذة الشاعرة هبه الموسوي
صاحبة (كروب الحناجر الذهبيه)

قناة الشاعرة عل تليكرام
https://www.tg-me.com/joinchat-AAAAAFDEvIVE_tY5SJrX6g

قصيدة جنوبيه للعليله

ويـــــن ابوي الچان عزي وهيبتي
بزغري واعلئ الراس بانت شيبتي


وين ابوي الچان يزهي امچانه
وسفه منه الدار شـــــو خلوانه
راح والينـــــه وغـــــلگ بيبانه
«سدهن بيبانه وعافانه»

ليـــش يادنيه خذيتي احبابي
هم يجيني حسين ويدك بابي
وين ابويه حتئ اسمعه اعتابي
(ياهيبه يل بيك انزامط)

حيــــل اذانـــي الهجر يلوالي
من عكب عينك فلا ضل غالي
مو سهل هجـرك مـــــرد دلالي
(بسك غيبه يحسين ارجع)

الدار وحشه والحزن غاطيها
من عفتهه كمت ماطب بيها
هـــــم الك نيه وترد اعليها
(والدار اخلافك حزنانه)

طال هجرك مـــــاترد لـــــدارك
انكطعت اعلينه يحيف اخبارك
والله وسط الروح تسعر نارك
(بسك يابوي امن الغيبه)

كلمات
الشاعرة هبه الموسوي

صاحبة
ديوان تراث الطف
ديوان حلم مذبوح
https://www.tg-me.com/joinchat-AAAAAFDEvIVE_tY5SJrX6g

قصيدة للعليله

يبويه مـن رحت كلبي شلعته
صرت بلدار اون اعليك سكته


بعد ياهو بغيابك بويه الـــــنه
يبويه من رحت خذت المحنه
وخذت ويه المحنه كـــل اهلنه
اشو وين الحنين اوياك خذته


خذت كلشي ورحت يل ماخذتني
من سار الضعن حيـــل اهضمتني
يـــــل مــدللني هســـــه عذبتني
بوجهي الباب يابـــــويه طبـگته


تسد الباب وســـــفه عل عليله
يبويه وداعتك مـــــانمت ليله
راح الچان عن همي اشتكيله
يمن رايح تـــــرة گلبي مردته

يمـــــن رايـــــح زماني عذباني
مـــــايرحم يـــبويه دوهنـــــاني
حبست ادموع عيني لجيتك اني
وحتئ الشوك بضلــوعي حبسته

كلمات
الشاعرة هبه الموسوي

صاحبة
ديوان تراث الطف
ديوان حلم مذبوح
https://www.tg-me.com/joinchat-AAAAAFDEvIVE_tY5SJrX6g