صل علئ محمد وآل محمد

اللهم صل علئ محمد وآل محمد 🩷

"يَنبغِي للعَاقِل أن يَكون رَقيبًا عَلىٰ نَفسه فَيستعظمُ خَطأه ويَستَصغِر صَوابه ولا يَكترث بهِ؛ لأن الصَواب دَاخل فِي شَرط إنسَانيتهِ."

قصيدة ثكيله للعليله


شيسوة عمري يـادهر
خلص ميته امن القهر

مات ابويه ومايرد البيته
بعد ياهو ليمتلك حـنيته

خلص ميته امن القهر (2)


لو رحل خيمتنه شيعوض مكانه
ادري عندة اعزاز احنه ومانسانه
دورت بلبيت ماشــــــوفن حنانه
نشوفه يمنه المغربيه عــــــودانه

أيست مـــــــن الفرح
گلبي من راح انجرح

ادري مايرجع وانه تانيته
بعد ياهو ليمتلك حــنيته

خلص ميته امن القهر (2)



مرني يابويه بحلم خليني اشـوفك
ويايه لاتگطع ابد راضي بـطـيوفك
يااعز من گلبي ما أكــــــدر اعـوفك
كل صباح اكعد اون والهج احروفك

بعد شلي بـــلعمر
والدي ماضن يمر

بويه وجهك لاتضن ناسيته
بعــــد ياهو ليمتلك حــنيته

خلص ميته امن القهر (2)


دورت بوجوه ناسي ومـــالگيتك
بكل زوايه البيت بويه دوريـــتك
لو اعرفك وين چا هســـه اجيتك
الف وسفه عل ترب نامت لحيتك

بوجهك اشسوة الترب
واني اعيـــوني تصب

دورت بلبيت وجهك مالگيته
بعــــــد ياهو ليمتلك حــنيته

خلص ميته امن القهر (2)



بويه من يوم العفتنه تــطـــرد الدار
وحشه ماتنچهب مـــا مر بيها خطار
من سمعت ابغيبتك گلبي اشتعل نار
انفض اتراب الگبر حيل الگبر حــــار

اجي وابچي عل مكان
الچنت بي اشـبع حنان

دمعي كله بفرگتك هليته
بعد ياهو ليمتلك حــنيته

خلص ميته امن القهر (2)


كَلَّمَاتِ
الشاعرة هبه الموسوي
لايجيز شرعا حذف الاسم""""

قناة الشاعرة هبه الموسوي عل يوتيوب

https://www.youtube.com/channel/UCoh1dE-KiwRlpuZJsBCsWpQ

الاستاذة الشاعرة هبه الموسوي
صاحبة (كروب الحناجر الذهبيه)

قناة الشاعرة عل تليكرام
https://www.tg-me.com/joinchat-AAAAAFDEvIVE_tY5SJrX6g

قصيدة جنوبيه للعليله

ويـــــن ابوي الچان عزي وهيبتي
بزغري واعلئ الراس بانت شيبتي


وين ابوي الچان يزهي امچانه
وسفه منه الدار شـــــو خلوانه
راح والينـــــه وغـــــلگ بيبانه
«سدهن بيبانه وعافانه»

ليـــش يادنيه خذيتي احبابي
هم يجيني حسين ويدك بابي
وين ابويه حتئ اسمعه اعتابي
(ياهيبه يل بيك انزامط)

حيــــل اذانـــي الهجر يلوالي
من عكب عينك فلا ضل غالي
مو سهل هجـرك مـــــرد دلالي
(بسك غيبه يحسين ارجع)

الدار وحشه والحزن غاطيها
من عفتهه كمت ماطب بيها
هـــــم الك نيه وترد اعليها
(والدار اخلافك حزنانه)

طال هجرك مـــــاترد لـــــدارك
انكطعت اعلينه يحيف اخبارك
والله وسط الروح تسعر نارك
(بسك يابوي امن الغيبه)

كلمات
الشاعرة هبه الموسوي

صاحبة
ديوان تراث الطف
ديوان حلم مذبوح
https://www.tg-me.com/joinchat-AAAAAFDEvIVE_tY5SJrX6g

قصيدة للعليله

يبويه مـن رحت كلبي شلعته
صرت بلدار اون اعليك سكته


بعد ياهو بغيابك بويه الـــــنه
يبويه من رحت خذت المحنه
وخذت ويه المحنه كـــل اهلنه
اشو وين الحنين اوياك خذته


خذت كلشي ورحت يل ماخذتني
من سار الضعن حيـــل اهضمتني
يـــــل مــدللني هســـــه عذبتني
بوجهي الباب يابـــــويه طبـگته


تسد الباب وســـــفه عل عليله
يبويه وداعتك مـــــانمت ليله
راح الچان عن همي اشتكيله
يمن رايح تـــــرة گلبي مردته

يمـــــن رايـــــح زماني عذباني
مـــــايرحم يـــبويه دوهنـــــاني
حبست ادموع عيني لجيتك اني
وحتئ الشوك بضلــوعي حبسته

كلمات
الشاعرة هبه الموسوي

صاحبة
ديوان تراث الطف
ديوان حلم مذبوح
https://www.tg-me.com/joinchat-AAAAAFDEvIVE_tY5SJrX6g

قصيدة ثگيله للحسين ع لسان حال زينب ع

وين اشوفك ... صعبه اعوفك


ها يغالي ... هاي يغالي


ياخويه مايسوة العمر ... يوم النمت عل غبرة
مشتاگه لعيونك ترة ... تجري المدامع جمرة
دارك يغالي موحشه ... والعيشه صارت مرة
هدومك يخويه وغرفتك ...خلن بگلبي حسرة

كلبي يبچي ... مگدر احچي

ها يغالي ... هاي يغالي

سيرنه ياخويه العصر ...يم دارك انه وكلبي
حسبالي عايش مامتت...امشي واناجي ربي
ياروحي يلتسوة النضر ...ماينوصفلك حبي
كد ماافكر بيك انه ... تيهت عگبك دربي

يمتئ ترجع... عيني تدمع

ها يغالي ... هاي يغالي

مو بس رقيه تيتمت...يتمت روحي اوياهه
ماتت يغالي بلغرب ...صعبه عليه انساهه
خافن الك نيه ترد ... بين الغرب تلگاهه
ماتت رقيه اعلئ الطشت...وانه الهج ابطرواهه

جرحي ينزف ... وكلبي يرجف

ها يغالي ... هاي يغالي

عمري خلص هم وقهر...من غمضتهه اعيونك
ها ياحنين امروتك ... حاچيني فدوة شلونك
متعيني نايم يلولي ...والترب غير لونك
تدريني ماعيش العمر...لو يمر بيه بدونك

نايم انته...وكلبي عفته

ها يغالي ... هاي يغالي
كلمات
الشاعرة هبه الموسوي

صاحبة
ديوان تراث الطف
ديوان حلم مذبوح
https://www.tg-me.com/joinchat-AAAAAFDEvIVE_tY5SJrX6g

قصيدة فزاعيه للرجوع

يم كبرك اجيت اليوم
گوم اكعد تلكانه


خويه وحيل مابيه
اجيت اليله مسبيه
من فركاك محنيه
ارجع يلولي اويانه

گوم اكعد يوالينه
ضربو بعدك اسكينه
ياهو الي يبارينه
خويه وحيل تعبانه

تعبانه وون اعليك
ياوسفه الترب غاطيك
ياخويه دكلي شبيك
اجيت اليوم حزنانه

اجيت اليوم محتامه
اجيت الطم علئ الهامه
جبت وياي لعمامه
بيها النذل ذلانه

وسفه يلولي نايم
كلبي اعليك ضل هايم
ردتك يلولي دايم
وسفه بساع تنسانه

كلمات
الشاعرة هبه الموسوي

صاحبة
ديوان تراث الطف
ديوان حلم مذبوح
https://www.tg-me.com/joinchat-AAAAAFDEvIVE_tY5SJrX6g

قصيدة ثكيله لاربعينيه الحسين ع

كلبي مجروح عليكم كلبي مجروح
ماتت الروح يهلنه ماتت الروح

وين اشوفك يلحنين
راح ارد بلااربعين

ليش مذبوح يخويه ليش مذبوح


يلمتت ماضن بعد نتلاكه
ماتحن حنتلي سابع ناگه
اخ يانار البعـــد حـــراكه

تبچي العين عليكم تبجي العين
وين تردين يروحي وين تردين

كون تتلاگني زين
راح ارد بلااربعين

ليش مذبوح يخويه ليش مذبوح


بربعينك راح اجي مشــــايه
عل متن ياخويه اشيل الرايه
وعل وعد اختك بگت وفايه

كلهم اوياي جبتهم كلهم وياي
قهر دنياي كتلهم قهـــر دنياي

هزني شوگي والحنين
راح ارد بلااربعــــين

ليش مذبوح يخويه ليش مذبوح


بنفسي من ارجع تشوفك عيني
يامه كتلك يلولـــــي تـــانيني
طشرتهه الخيل خويه سنيني

كلبي محتام شسوي كلبي محتام
اليل مـــــانام عليك الـــيل مانام

عاد بس فتحلي عين
راح ارد بلااربــــعين

ليش مذبوح يخويه ليش مذبوح

..............................................
(باقي القصيدة قريبا يتم نشره)

غير مبري الذمه الئ يوم الدين من يحذف اسمي أو ينسب الكلام له

كلمات الاستاذة الشاعرة هبه الموسوي
(صاحبت كروب الحناجر الذهبيه)

تابعونا علئ قناة التليكرام
الاستاذة الشاعرة هبه الموسوي

https://www.tg-me.com/joinchat-AAAAAFDEvIVE_tY5SJrX6g

تابعونا علئ اليوتيوب
الاستاذة الشاعرة هبه الموسوي

https://www.youtube.com/channel/UCoh1dE-KiwRlpuZJsBCsWpQ

قصيدة (للعليله ع)تقراء جنوبيه وثگيل


يدفان الگبر لٱ لٱ تـــــــسد بــــابه
اخاف حسين ابويه يطول اغيابه


يدفان الگبر لاتدفن الـــــــغــالي
صار البيت بعدة موحش وخالي
شلون انسه الحنين الطابع ابالي
من اشتاك اون واغفه علئ ثيابه


اطب الغرفته واشبع مهضميه
يوميه اون عل راح يـــــوميه
اگولن هم يرد ويسير اعليـــه
الف وسفه الحنين ايفارك احبابه


وين انطي الوجه بعدك دحاچيني
خليني اموت اويـــــــاك خلـــيني
اذكرك انـــــــه بنتك خاف ناسيني
نجرح كلبي وبعد شيطيب اصوابه


شلك بلگبر بويه ارجــــع البيتك
شكثر يل غالي يم الباب تانيتك
ابد لتضن يبويه يــــوم ناسيتك
رد للدار بويه وعوف لترابـــــــه

كلمات
الشاعرة هبه الموسوي

صاحبة
ديوان تراث الطف
ديوان حلم مذبوح
https://www.tg-me.com/joinchat-AAAAAFDEvIVE_tY5SJrX6g

قصيده للاهل

يادفان دافن ويـــــــن الاحباب
ادور عل حنين ودمعي سجاب
***
يادفان دافــــن وين اهلنه
دفنت احبابنه لكلهم محنه
يم سردابهم كلنه كعدنــــه
ولج ياروح اهلج جوة التراب
***
ولج ياروح كل اهلج بعيدين
يوميه العصر عدمن تسيرين
اتلوع وونن صـــــارلي سنين
جرحهم بلگلب ليهسه ماطاب
***
جرحهم بلگلب يلچمني يوميه
يادفان خليني اكعد شــــــويه
اعاتبهم واگلهم عفتو لبنيــــــه
يانــــــار الهجر ياناس لهـــــاب
***
ياناس الهجر مايرحم بــــحالي
مــــن گــــد ما اونن ذاب دلالي
جوة المكبرة مدفون چـم غالي
وين انطي الوجه واحبابي غياب
***
يفراك الحبايب يلـــچم الروح
فوك جروح كلبي زادن جروح
مطبوعه صورهم ويـن ماروح
مو هين عــــــليه هذا المصاب
***
كلمات
الشاعرة هبه الموسوي

صاحبة
ديوان تراث الطف
ديوان حلم مذبوح
https://www.tg-me.com/joinchat-AAAAAFDEvIVE_tY5SJrX6g