قصيدة للعليله

يبويه مـن رحت كلبي شلعته
صرت بلدار اون اعليك سكته


بعد ياهو بغيابك بويه الـــــنه
يبويه من رحت خذت المحنه
وخذت ويه المحنه كـــل اهلنه
اشو وين الحنين اوياك خذته


خذت كلشي ورحت يل ماخذتني
من سار الضعن حيـــل اهضمتني
يـــــل مــدللني هســـــه عذبتني
بوجهي الباب يابـــــويه طبـگته


تسد الباب وســـــفه عل عليله
يبويه وداعتك مـــــانمت ليله
راح الچان عن همي اشتكيله
يمن رايح تـــــرة گلبي مردته

يمـــــن رايـــــح زماني عذباني
مـــــايرحم يـــبويه دوهنـــــاني
حبست ادموع عيني لجيتك اني
وحتئ الشوك بضلــوعي حبسته

كلمات
الشاعرة هبه الموسوي

صاحبة
ديوان تراث الطف
ديوان حلم مذبوح
https://www.tg-me.com/joinchat-AAAAAFDEvIVE_tY5SJrX6g

قصيدة ثگيله للحسين ع لسان حال زينب ع

وين اشوفك ... صعبه اعوفك


ها يغالي ... هاي يغالي


ياخويه مايسوة العمر ... يوم النمت عل غبرة
مشتاگه لعيونك ترة ... تجري المدامع جمرة
دارك يغالي موحشه ... والعيشه صارت مرة
هدومك يخويه وغرفتك ...خلن بگلبي حسرة

كلبي يبچي ... مگدر احچي

ها يغالي ... هاي يغالي

سيرنه ياخويه العصر ...يم دارك انه وكلبي
حسبالي عايش مامتت...امشي واناجي ربي
ياروحي يلتسوة النضر ...ماينوصفلك حبي
كد ماافكر بيك انه ... تيهت عگبك دربي

يمتئ ترجع... عيني تدمع

ها يغالي ... هاي يغالي

مو بس رقيه تيتمت...يتمت روحي اوياهه
ماتت يغالي بلغرب ...صعبه عليه انساهه
خافن الك نيه ترد ... بين الغرب تلگاهه
ماتت رقيه اعلئ الطشت...وانه الهج ابطرواهه

جرحي ينزف ... وكلبي يرجف

ها يغالي ... هاي يغالي

عمري خلص هم وقهر...من غمضتهه اعيونك
ها ياحنين امروتك ... حاچيني فدوة شلونك
متعيني نايم يلولي ...والترب غير لونك
تدريني ماعيش العمر...لو يمر بيه بدونك

نايم انته...وكلبي عفته

ها يغالي ... هاي يغالي
كلمات
الشاعرة هبه الموسوي

صاحبة
ديوان تراث الطف
ديوان حلم مذبوح
https://www.tg-me.com/joinchat-AAAAAFDEvIVE_tY5SJrX6g

قصيدة فزاعيه للرجوع

يم كبرك اجيت اليوم
گوم اكعد تلكانه


خويه وحيل مابيه
اجيت اليله مسبيه
من فركاك محنيه
ارجع يلولي اويانه

گوم اكعد يوالينه
ضربو بعدك اسكينه
ياهو الي يبارينه
خويه وحيل تعبانه

تعبانه وون اعليك
ياوسفه الترب غاطيك
ياخويه دكلي شبيك
اجيت اليوم حزنانه

اجيت اليوم محتامه
اجيت الطم علئ الهامه
جبت وياي لعمامه
بيها النذل ذلانه

وسفه يلولي نايم
كلبي اعليك ضل هايم
ردتك يلولي دايم
وسفه بساع تنسانه

كلمات
الشاعرة هبه الموسوي

صاحبة
ديوان تراث الطف
ديوان حلم مذبوح
https://www.tg-me.com/joinchat-AAAAAFDEvIVE_tY5SJrX6g

قصيدة ثكيله لاربعينيه الحسين ع

كلبي مجروح عليكم كلبي مجروح
ماتت الروح يهلنه ماتت الروح

وين اشوفك يلحنين
راح ارد بلااربعين

ليش مذبوح يخويه ليش مذبوح


يلمتت ماضن بعد نتلاكه
ماتحن حنتلي سابع ناگه
اخ يانار البعـــد حـــراكه

تبچي العين عليكم تبجي العين
وين تردين يروحي وين تردين

كون تتلاگني زين
راح ارد بلااربعين

ليش مذبوح يخويه ليش مذبوح


بربعينك راح اجي مشــــايه
عل متن ياخويه اشيل الرايه
وعل وعد اختك بگت وفايه

كلهم اوياي جبتهم كلهم وياي
قهر دنياي كتلهم قهـــر دنياي

هزني شوگي والحنين
راح ارد بلااربعــــين

ليش مذبوح يخويه ليش مذبوح


بنفسي من ارجع تشوفك عيني
يامه كتلك يلولـــــي تـــانيني
طشرتهه الخيل خويه سنيني

كلبي محتام شسوي كلبي محتام
اليل مـــــانام عليك الـــيل مانام

عاد بس فتحلي عين
راح ارد بلااربــــعين

ليش مذبوح يخويه ليش مذبوح

..............................................
(باقي القصيدة قريبا يتم نشره)

غير مبري الذمه الئ يوم الدين من يحذف اسمي أو ينسب الكلام له

كلمات الاستاذة الشاعرة هبه الموسوي
(صاحبت كروب الحناجر الذهبيه)

تابعونا علئ قناة التليكرام
الاستاذة الشاعرة هبه الموسوي

https://www.tg-me.com/joinchat-AAAAAFDEvIVE_tY5SJrX6g

تابعونا علئ اليوتيوب
الاستاذة الشاعرة هبه الموسوي

https://www.youtube.com/channel/UCoh1dE-KiwRlpuZJsBCsWpQ

قصيدة (للعليله ع)تقراء جنوبيه وثگيل


يدفان الگبر لٱ لٱ تـــــــسد بــــابه
اخاف حسين ابويه يطول اغيابه


يدفان الگبر لاتدفن الـــــــغــالي
صار البيت بعدة موحش وخالي
شلون انسه الحنين الطابع ابالي
من اشتاك اون واغفه علئ ثيابه


اطب الغرفته واشبع مهضميه
يوميه اون عل راح يـــــوميه
اگولن هم يرد ويسير اعليـــه
الف وسفه الحنين ايفارك احبابه


وين انطي الوجه بعدك دحاچيني
خليني اموت اويـــــــاك خلـــيني
اذكرك انـــــــه بنتك خاف ناسيني
نجرح كلبي وبعد شيطيب اصوابه


شلك بلگبر بويه ارجــــع البيتك
شكثر يل غالي يم الباب تانيتك
ابد لتضن يبويه يــــوم ناسيتك
رد للدار بويه وعوف لترابـــــــه

كلمات
الشاعرة هبه الموسوي

صاحبة
ديوان تراث الطف
ديوان حلم مذبوح
https://www.tg-me.com/joinchat-AAAAAFDEvIVE_tY5SJrX6g

قصيده للاهل

يادفان دافن ويـــــــن الاحباب
ادور عل حنين ودمعي سجاب
***
يادفان دافــــن وين اهلنه
دفنت احبابنه لكلهم محنه
يم سردابهم كلنه كعدنــــه
ولج ياروح اهلج جوة التراب
***
ولج ياروح كل اهلج بعيدين
يوميه العصر عدمن تسيرين
اتلوع وونن صـــــارلي سنين
جرحهم بلگلب ليهسه ماطاب
***
جرحهم بلگلب يلچمني يوميه
يادفان خليني اكعد شــــــويه
اعاتبهم واگلهم عفتو لبنيــــــه
يانــــــار الهجر ياناس لهـــــاب
***
ياناس الهجر مايرحم بــــحالي
مــــن گــــد ما اونن ذاب دلالي
جوة المكبرة مدفون چـم غالي
وين انطي الوجه واحبابي غياب
***
يفراك الحبايب يلـــچم الروح
فوك جروح كلبي زادن جروح
مطبوعه صورهم ويـن ماروح
مو هين عــــــليه هذا المصاب
***
كلمات
الشاعرة هبه الموسوي

صاحبة
ديوان تراث الطف
ديوان حلم مذبوح
https://www.tg-me.com/joinchat-AAAAAFDEvIVE_tY5SJrX6g

قصيدة للعليله ع


كاعدة بابك واتاني .. هلبت ايردك زماني

بويه بويه ..... بويه بويه

ماكلت عندي عليله بداري
هيج صارت ماتهم لخباري
ابد ماتطفئ يـــغالي ناري

ليش ابويه ماخذاني... هلبت ايردك زماني

بويه بويه .... بويه بويه


بويه من يوم الرحت اذيتني
سكته تالي اليل اون خليتني
شنهي ياغالي بعجل مـليتني

وحدي بفراكك اعاني... هلبت ايردك زماني


حيل مشتاكه تشوفك عيني
ياهو يمك يلـــولي يـوديني
وين الگه مثلك يـواسـيني

شلون اذا كلبك نساني...هليت يردك زماني

بويه بويه... بويه بويه


ياحنين شعطلك شو مــــااجيت
كون تدري ياحبيبي شكد بجيت
دورت مـــــــثلك يغالي مالگيت

وين الگه حسين ثاني.. هلبت يردك زماني


صورتك بعيوني ما انساها
وين ما التفت صرت الكاها
حيل توجع يلولي ذكــراها

دهري بفراكك رماني... هلبت يردك زماني


كلمات
الشاعرة هبه الموسوي
صاحبة ديوان "تراث الطف//حلم مذبوح"

https://www.tg-me.com/joinchat-AAAAAFDEvIVE_tY5SJrX6g

قصيدة ثكيله للسيدة زينب ع


صعبه انساك وانسه ايامك الحلوة
ترة افراك العزيز اعلئ الگلب بلوة


اجاني اليــــــــل واني بهمي محتارة
واخويه حسين عني انگطعت اخبارة
يم الباب اجو منتضــرة خــــــــطارة
عفتني اشتاكلك يلشوفتك ســــــلوة


كلمــــــــا انهضم اركض علئ اثيابك
علئ وجهي يخويه بين اغــــــــيابك
كلف كلش يغالي يلچم اصــــــــوابك
بعد وجهك يوالي كلبي مــــــــايهوة


يــــــم الباب اون اگــــــــعد تلـكاني
اجيتــــــك شايطه مــتغيرة الواني
عيش انته يخويه وخل اموت اني
خذاك الموت مــــــــني ليش بلگوة

گلت هسه يجي ويسأل علئ احوالي
منتضرين جيــــــــتك كــلهم اطفالي
چنت كل يوم اشوفك گـــاعد اگبالي
اعرفنك حــــــنين وكــــــــلك امروة


بعد عدمن اسير والفـــــي عصريه
چنت اجبل علــــــي ياناس يوميه
يــــــــگلي چان نورتينه بلـــــجية
مــــــتعنيه اجيت الشوفتك عنوة

كلمات
الشاعرة هبه الموسوي

صاحبة
ديوان تراث الطف
ديوان حلم مذبوح
https://www.tg-me.com/joinchat-AAAAAFDEvIVE_tY5SJrX6g

قصيد " للرضيع"


ذبحوك يمه بسهم ذبحوك ...يمة
ترافس اگبالي شلون خلوك..يمة
****
مــن خذاك حسين مني ردت اموت
صحت يبني وين رايح ماكو صوت
فجأة يمة بــــكربلا عـــــم السكوت
علـــــئ حالي گام يبجي الملكـــوت
مخضب بدمك يمي جابوك ...يمة
ترافس اگبالي شلون خلوك..يمة
***
گــــماط عبدالله صبح متروس دم
كبــال عيني نحرة عن جسمة انثلم
وحسين من شافك بهل حاله نهضم
زغير نحرة شلون شايل هل سهــــم
شافوك تبجي بسهم ضربوك...يمة
ترافس اگـبالي شلون خلوك...يمة
***
عبــــد يمة نـــام ليلك مسـتراح
باجر يعلگون راسك عــل رمـاح
من عباتي كمت اشدله الجراح
من رحت وياك يبنـي كلبي راح
يايمة ادري هواي أذوك...يمة
ترافس اگبالي شلون خلوك..يمة
***
انتـــة ميـــــت مبتسم المن بعد
علئ شفافك يمة شو دمك جمد
يم ابوك الراس يمي بــس جسد
مـــــن لهفتي گـــمت اهزك بلمهد
يايـــمة يم الخيمه دفنوك ..يمة
ترافس اگبالي شلون خلوك..يمة


كلمات: الشاعرة هبه الموسوي
مؤلفة
ديوان تراث الطف
ديوان حلم مذبوح
https://www.tg-me.com/joinchat-AAAAAFDEvIVE_tY5SJrX6g

لستة دعم
كريم اهل البيت عليهم السلام ( 1 )

💜💜💜💜💜💜💜💜💜
ــــــــــــــــــــــــــ

قناة منقذ البشريه 313
💜 @ansar_emam_mahdi
ـــــــــــــــــــــــــ

قصائد مكتوبة
💜 @bfkcbbfjjf
الشاعرة و الملة العلوية ام زينب الحسيني
💜 @zainxvybcxvhxxa
قصائد حسينية مكتوبة الناشرابو الاكبر
💜 @Qqaassaad
المأتم الخالده
💜 @AlHosaene
الشاعرة بتول الكربلائية
💜 @pDQDJRsUu3Q3MzAy
اسرار وخفايا اهل البيت عليهم السلام
💜 @a_313gg
برداً وسلاماً
💜 @ibraheam11
الشاعرة طالبة الزهراء القريشي
💜 @sakiAtashi
سيدة نساء العالمين
💜 @nooralatrh
العتبه الفاطميه المقدسه
💜 @alfatamae
عبرة وعظه
💜 @Ebra_w_Eza
اشراقات نورانيه
💜 @hope_pictures
الحسين مصباح الهدي
💜 @Husain_Alrouh
آنتظاري قائم حتى ظهور القائم
💜 @Husseinee
خادمة اهل البيت ام عدنان
💜 @molaomadnan
يا صاحب الزمان عج
💜 @yashblzaman
عشاق الحسين صوتيات
💜 @ashaghalhosseinmidya
متن وسبك مداحي
💜 @madahifarsii
طب وعلوم اهل البيت عليهم السلام
💜 @AlwumAhlAlpyet
سراديب العشق
💜 @khadim_ahil_albayt
دروس في تجويد المبسط
💜 @Quoraaaan

💚💜💚💜💚💜💚💜💚💜💚💜💚

⚠️#شروط_الدعم

1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله

🔺للاشتراك بدعم عبر معرف مثبت↙️
@ansar_313_m

@satobmnbot


https://www.tg-me.com/ansar_emam_mahdi

لستة دعم
كريم اهل البيت عليهم السلام ( 2 )

💜💜💜💜💜💜💜💜💜
ــــــــــــــــــــــــــ
قناة منقذ البشريه 313
💜 @ansar_emam_mahdi
ـــــــــــــــــــــــــ

⚡️قناة أهل البيت (ع) للمحاضرات
💜 @ahlulbaytm
• قصص وخواطر العلماء ﴾
💜 @mstafa0783
الشاعر حيدر مكي النصاري
💜 @lajmmmm
الأستاذة الشاعرة هبه الموسوي
💜 @hepaam
لـــِ خادمة الرضا
💜 @aryks_313
قناة خوله و الحسن المجتبى (ع)
💜 @f3i313
صوتيات عشاق ملاباسم
💜 @rrrhz33
تلحین القصائد
💜 @alhanhussinea87
قصائدحسينية مكتوبه الناشرابوالاكبر
💜 @Qqaassaad
الشاعره‌ام‌کرار الشباني
💜 @krsnta21
الشاعره حوراء الساري
💜 @asdfghf24
قناة مسلم ابن عقيل عليه السلام
💜 @mslmapnAGyel
فجر الظهور
💜 @kafeel_zainab
ولاية على حصني
💜 @madinat_elm_alrassoul
مصممه رافضيه
💜 @SINA_IRAQ
غسق
💜 @Mujtabab


💚💜💚💜💚💜💚💜💚💜💚💜💚

⚠️#شروط_الدعم

1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق


🔺للاشتراك بدعم عبر معرف مثبت↙️
@ansar_313_m

@satobmnbot

https://www.tg-me.com/satob_mn_ajl_al_mahde