والكلام أنواع بس الصمت بإدراك وقناعة
‏كم رفعنّي عن كلام الناقص ورد أعتباري .

ليتك على كبر الهقاوي تسنعت
لكن ردي الساس مافيه حيله .

في ذمة الله ما القى وما اجد
أهذه صخرة ام هذه كَبِد .

فَعِش وحيداً فما في العشق منفعةٌ
وصُن فؤادك عن حُزنٍ وعن ألمِ .

‏يسبقني الدمع دايم قبل ما أبدا
زلزال في جوف صدري ثار بركانه

ما بعد طيحت قوي العزم والمبدا
الا وقوفٍ يشيل الكون بـ أركانه .

‏أحب الصراحه وأكره الكذب والكذاب
وأحب الرفيق اللي على الطيب يجذبني

ولا أحب ابو وجهين ومنافق وكذاب
ضحوك قدام وجهي ولا اقفيت يكذبني

الى ضاع ضنك في رفيقٍ عزيز وخاب
هذا والله اللي يجرح القلب ويغبني

تبون الصراحة مابقى في الزمان اصحاب
بقى مصلحه و المصلحه ما تناسبني .

من المستحيل يكون لي بينكم مجلاس
‏سواليفكم ما تشرح الخطّر الغلقه

‏اشوف السنتكم تنعقد في حضور الناس
‏لكن السنتكم في قفا الناس منطلقه .

ما يضاهي عزّة النفس بالدنيا غناة
‏عن دروب الذل يا خطوة العز إنتحي

‏الردي لو يشري المدح ما يخفى رداه
‏ندري إن ما كل من خاف ربّه ملتحي

‏مشكلتنا كل مخطي نبرّر له خطاه
‏نستحي في وقت فيه العرب ما تستحي .

‏وثوب العز يوم اني لبسته لايقٍ فيني
ولا تحتاج روحي للمدايح لجل ازكّيها .

مهما غسلت الرّدي بأبيض الظنون
الرّدي يبـقى ردي لو تغير زمانه .

‏حظيظٍ من عقله عن القاع زمّه
يرفع سمات الفكر عن كل عثرات .

عسانا نرحل من الدنيا فقيرين ذنوب
مثل ماجينا نودعها بقلب صافي .

اللَّهُمَّ اجعلني
مفتاحًا للخير
مغلاقًا للشر .

عيشوا حياتكم مثل اللي يقول :
سجّ القدم واعزم على ما تواريت
وخلك شجاع وحد الأنياب حدا .

والله اني ما التفت في ضيق بالي
لا ذكرت انك على وجه البسيطة .
بس اليوم التفت والتفت واجد
لانك تحت الارض ما انت بفوقها !
وكني به يقول:
ان ما وصلتك لا تنشّد لا صدوق ولا صديق
أسبل دموعك وادري ان الارض ماني فوقها .

يقولون مابه قمةٍ تستوي بالقاع
وانا اقول تحت القاع ودّعت لي قمه .

‏هذّبني الحزن يوم الحزن عذّبكم
وربّاني الفقد يوم الفقد بكّاكم .

‏جعل دارٍ فيه طرياك حنّان الرعود
الربيع يْفاوله والسحايب تسكبه .

‏فقدنا من الغالين فقداً مَ هو بـ شوي
مصير الضعون شتات حتى النبي ماسلْم

طْبوع البشر ترخص بعض و اليدين ملْي
ولاتدري بقيمة بعض لين ياتي علم

يضيع الثمن وقت الرخاء والونس و الغي
وتصد النفوس عزاز وأفواهْ أهلها بلم

الاحلام عادي ، لو ماحققت منها شي
عذابك من أشياءً في يدينك وصارت حلم .

هزوا بجذع السحاب إن مات جذع النخيل
لعل بعد الجفاف تطيح لي مايته

‏اثر البنادم على هفوات نفسه دليل
‏لا صار بعد الوسيلة تنجهل غايته

‏شلون ابلقى بعد مسرى الليالي حصيل
والليل ثلثه ضياع بـ عين سرايته

‏مسلسل العمر هذا بالرتابة طويل
من فيكم الواعي اللي يحرق نهايّته .