كلت اصبر ، لان ادري الصبر مريود
تصبر يم ضباب الجام ، يتوضح
لا توكف برمشي وانت حفنة طيف
غيرك عاف دمه اعله الرمش يطفح

#حيدر_حمادي

و هافضاة الروح الك
خلك الكبر للعطش وافضه
حتى شوكي
اشما ثكل يسهل وبعضه يشيل بعضه
ياملح جرحي
اشوكت منك ابجوية وصل نحضه ؟!
وانت غيمي المايجل
هابخل غيم الديم لارضه !
لا سمارك يستحي
ولا طيفك ايوكر واكضه


عريان السيد خلف

احياناً لا وجه لي
غير وجه بلبلٍ ضائعٍ في الصخب .
احياناً يترجمني الهلعُ الى لغةٍ مرتجفة .


- هاشم شفيق

على قلقٍ كأن الريح تحتي
تقلبني يميناً او شمالا

- المتنبي

ألا طالما لاعبت ليلى وقادني
الى اللهوِ قلبٌ للحسانِ تبوعُ
وطال امتراءُ الشوقِ عني كلما
نزفتُ دموعاً تستجدُّ دموعُ


- معاذ بن كليب المجنون

يدك كلبي ( جنح خفاش )
عالمامش يرف كلبي
وهذا انه
شراع يدوس راس الريح
غيمة وكل حلمها اتطيح
اذكرك والجكارة اتصيح :
اه شكد حجي بشباجنا الميت

#حيدر_حمادي

ليش كسرت الملامح من لكيت الماي راكد
وتنفخ بغربيل دمي تهزه بيك وهو جامد
جانت اخر سولة بيه اتركها بيك
وماتبت اركض لحضنك وانت كاعد
وانت تعرف زين تعرف
اشرب امن مرايتي عيوني واغني
وكسرتها ..
ببيش اباوع مستحاتك
وانت رازونة صلافة وبيها شمعة
تضوي عد كلمن يشبهك
وانه اجوّي افّادي منها واشتهيك
يركع لتمثال اظافيرك جلد نسياني
واسكت خاف اجرحك
كلي من امسح قصائد عنك وافرح وانام
شلون امسحك ؟
شلون اغني
وانه كل احبال صوتي بيها عكدة بجية منك
يطفح الينبوع من جفك عطاشى
وانه غركان بعطش مشيول عنك
لا تناغي دموعي بيدك وانت منديلك
مثل صبير كلبك
ولا تبوس اطراف اصابيعي العفتها
تنام يم بابك نثايه بلايه راعي
ولا تشوفني صور لعيونك الحلوات كلش
وانت ماباجي بوداعي
وانسى ايام النلمح عن عشكنا بالرسايل
والاغاني تصير ساعي
انسى اسمي وغطي جيدك
لا تشوف الناس كاعي
وفرني سويرة بخيالك
بلجي ابدّي جيوب روحي وانزع اسمك
واترس الطوس العفتها تنام بالصحراء شاخص
والضم امن اخيوط حلمك
كل حلم عمري النسيته
جنت اظن الكالك امن طيوف ناسك شبح جية
وتوصل لجرفي بنوارس امنياتك
واكتل البارود بيدي بماي نهرك
وامشي بيك
وانشتل شذرة اعله نحرك
حتى اعاتب حتى اكلك
ليش كسرت الملامح من لكيت الماي راكد
يالدمع رمشك بقى بسباحي كاعد

#حيدر_حمادي
٢٠٢٤/٥/٢٨
١٢:٤٥ ص

ويلي عليك يا أنكيدو
لقد تركت طفولتنا في البرية
وعدت بلا حلوى .

- نصير الشيخ

مشاعري هي آثار

- بيسوا

اشعاري هي احلامي المكتوبة
اريد ان احيا ، لا اعرف كيف احيا ،
لذلك مجهولاً وتحت الجمال
اغني كي انتمي لنفسي .


- فرناندو بيسوا

نحيا تحت ضربات الاهمال
بدون حقيقة ، بدون شك
بدون معلم .
طيبة هي الحياة ، عظيم هو النبيذ .
الحب طيّب ، النوم أفضل .

- فرناندو بيسوا

هكذا عاطل بعمق ،
بدون ان ارى شيئاً
من الشر والخير ،
احس بأن هذا العالم بأسره
هو مكان تنبح فيه الكلاب .


- فرناندو بيسوا

شلون اغني ؟!
و آنه كل حبال صوتي
بيها عكدة بجية منك !

#حيدر_حمادي

تعالي
كلما كنا سوياً
تظهرُ في خدّ الظلمة شامة ضوء
تعالي
نضحك على ضفة النهر
ونغسل الماء بعينيكِ
ثم نبتسم للسمك الذي
يدرك بأننا عشاق ولسنا صيادين
تعالي يا سمرتي الحقيقية
فالشمس تداعب جسدي
ولا تنجب سوى ظلي الذي
يبحث عن ظلكِ في الشوارع
تعالي
قرب نافذتي ، انقري زجاجها
ثم ادخلي الى صدري

#حيدر_حمادي
٢٠٢٤/٦/١٣

١- البرتقالة التي نسيت اكلها
كسرتُ بها زجاج نافذة المطبخ .
على الانسان ترك اعصابه
في سريره صباحاً
حتى حلول الظلام
سيقوم إما بقتل احدهم
او بكتابة قصيدة كهذه .

٢- بعد سنتين من النضج
سأحذف هذه القصيدة
واصلحُ زجاج النافذة
واكره البرتقال .

#حيدر_حمادي
٢٠٢٤/٦/١٣

في ذكرى ٢٠٠٢/٦/٢٢

اخبئكِ
كالذكرى التي تهرب
من فوضى الحنين
وظلكِ في ذاكرتي
يرتجفُ تحت قنطرةٍ ثابتة .
تركتِ على باب طفولتي
صرخة وحليباً
يتخثرُ من هزة المهد
دمي الان رائبٌ وكل شيء يسيل .
انقشعت المرايا من النهر
الان تخيف الناس
تعكس لهم صور دخانٍ كثيف
انا هربتُ من المرايا
ووقفتُ فوق الرماد ملوحاً
لأثير انتباه العاصفة .

#حيدر_حمادي
٢٠٢٤/٦/٢١

كلما نَظَرَت اليّ امرأة
حجّرتُ قلبها .
مرحباً يامن تشبهين فينوس
لستُ مثل ميدوزا ، انا حزينٌ فقط .

#حيدر_حمادي

انه ادري بكاعي ضايع
بس هويتي كزبرت جلد
اللي باعوا كاعهم باول مطار
وانت تعرف جانت الطيارة خرسه
لا تكلي راحت الطيارة لاوربا نشيد !
باجر التاريخ يكتب مستحانا
ويمسح الموس الوريد
باجر التاريخ يحركها لصورنا
وينصهر بيها الحديد
وهيكل الطيارة ذايب بالصور !
لا تكلي راحت الطيارة لاوربا نشيد
وانت تعرف جانت الطيارة خرسه
ولا تكلي الباع ليله
تعتلك للناس شمسه !
الضاع عمره بلايه صوت
يلاكي عمره بصوت المضيعين حسه

#حيدر_حمادي