اختصر روحه البحر كطرة
ومشى بعيني
ولمن طاح فوك الخد
لكيت احلام زركة ببينك وبيني

#حيدر_حمادي

احبك من تحد السيف
تنشد عن وطن منهوب
احبك وانت جلمة لا
اذا شاعر فعلها وتاب
ثق بيه .. الشعر ميتوب

#حيدر_حمادي

جان كلفت النخل دمعة موادع
حتى يحلوّ الفراك
واحنا نكضي
شفت بمصافحنا جفك والسوار
وانه جان سواري لجمة وانت فضي
جانت الدنيا حصو بغربيل ضايع
واحنا نندل الخراب بروحنا وردناه يضيع
لمعت عيونك بعيني وانه ادري
التلمع عيونه على المامش ، يبيع .
وانت تدري !
سجة من صدري اعلمودك طايحة مناشغ
والومك لاسمعت الريل بجية ولا اجيت
ولا رسمت بدمعتك طيات وجهي
ولا كتبت بفركتي اعله الصار بيت
تبجي دمعة !
وباب كل حجة انرسم فوك الهوه
وفاتوه غربة وعاتبت ، بس استحيت
عاتبت وادم غريبة
وطولك اكثر من عتابي
فرهدت بيبان روحي وخفت من دك الملامة
وما شفت جية اعله بابي
ميل عن روحي الحنينة
ولا تسولف عن ركبتي وانت ماضايك شبابي
بخصرك الشباج يبجي
كلت اوديلك حماماتي اصابع بس بعتني
وابعدتني بحبل كربك !
هيج هيج انت تضيع ، وضيعتني
ومن طويتك شلعت ام كلثوم روحي
واشتهيت ابجيلك اول ندى اعرفته منك
اشتهيت امسح دموعي برمل حار
واجوي طيفك
بلكي نسيانك يهيم والكه صحرة اتدلي عنك
بلكي حسباتي يغركن
باول امعاتب نهر يمشي بحلاتك
وبلكي ترجع والندم بايس اصبعك
حتى اقدس مشتهاتك
بلكي توصل باول مباوس بلابل
من يجي بعين الصبح رمشك واذكرك
لا كدرت ارجع واجيك ولا اعبرك
بللت عشب السوادين وسكيته بمشتهاتي
وماكدرت الزم خصر بخلاف خصرك
لاكو نزوة بعيني تكبر واشتريها
ولاكو جية التفتح الباب اعله حظي
شفت بمصافحنا جفك والسوار
وانه جان سواري لجمة وانت فضي

#حيدر_حمادي

٢٠٢٤/٢/٢٦
١:٣٠ ص

" لا تنمو "
لا تنمو فكل شيء صغير ،
الدودة في فم الدجاجة صغيرة
وسور الصين العظيم
في اللوحة المعلقة على جدارنا صغير .
البشرية تستثقلُ
حمل الهواء الى بر الأمان ،
هذه النوافذ اصابها الزكام
ستنثرُ التراب على الكتبِ عندما تعطس .
الوحوشُ البرية تبحث عن شيطانٍ
يقودها لتفترسَ العالم ،
ولكن محال
فالناس يروضون الشيطان لخدمتهم .
هذه هي فكرة العالم
ارجوك لا تنمو

#حيدر_حمادي

٢٠٢٢/١/١٤

١٢:١٥ م

(حلم)

حين رأيتكِ في حلمي
كان على كتفكِ طفلٌ يبكي
قلتِ : احمل طفلكَ عني فحملتهُ
كان جميلاً شعرهُ أبيض كالثلجِ
وعيناه مغمضتان
وحين اخذتهُ صار يمصُّ اصابعهُ
اذّاكَ نظرتُ اليكِ
رأيتكِ تمضينَ على عجلٍ
وتذكرتُ بانكِ ميتةٌ
فأفقتُ
الليل عميقٌ وعلى كتفي
طفلٌ يبكي .

يوسف الصائغ
٢ نيسان ١٩٧٦
د/ سيدة التفاحات الأربع

اتعلمين اي حزنٍ يبعث المطر ؟
وكيف يشعر الوحيد فيه بالضياع ؟

اماهُ احضان النساء تخيفني
قالت : بني لقد ولدت مبعثرا
نم يا بني غداً لديك مواجعٌ
ان المواجعَ تستفيقُ مبكرا

سراج محمد

من مقدمة المجموعة الشعرية - تقريظ للطبيعة -
لعبد الرحمن طهمازي . بقلم عزيز السيد جاسم

ها نحن ندخل كل شارع
لا جند في اعقابنا
لا ذل يختطف المسامع
إنّا على طير حزين قادمون
وفي معيتنا الفلسطينيّ جائع

هنا اضطر الشاعر (طهمازي) الى خطأ (التقفية) فوردت كلمة (جائع) في غير محلها ، فالفلسطيني العامل والطالب والمثقف شجاع لم يسمح للجوع ان ينال منه .
الفلسطيني يتمتع - اينما كان - بالحيوية وكبرياء العمل .
انه فقط جائع الى وطنه ، الى مسقط الرأس ومكان الولادة ، الى ارضه الطاهرة ، الى حريته الوحيدة

اوادد كل سحابة تفوت
واشتاك لشمس عينك

عريان

صوت عالي
يشتري السكتة ويذبها
ليلي يكضي
وهوستي مليانه بيك
من هدوئك نكعتني
ليش انشّف روحي من بجيي عليك !
وانت حتى البجي مايملي فراغك
كلي يمتى اسكت واجيك !
روحي سولفها السهر نظرة حرام
واشتهت وجهك حلال
وضحكتك فتنة محبة
وجانت دموعك دلال
انه من اول شبر شميت طولك
عودت روحي كلت باجر يضيع
باجر الشراية تكثر
وانه اذا حاجاتي خربت
جنت اضمها وما ابيع
جنت اذكرك وين ماكلبي عثر
شفت لون الماي فضي
وكلت زنجيلك نهر
نايمة كلادة سهرنا ؟!
وانه من تعطش ركبتك
جنت اخلي كلادتك تشبع سهر
وجانت الخزامة تحلو اعله وجهك
نجمة جانت تنتظرني
ليش غيرت التفاصيل القديمة وضيعتني !
جنت تلكاني بوحشتك
بوصلة لأول فرح يحضن رغبتك
وطيّرت صحراء زاجل
وانت مكتوبك بحر
المن المرسال يوصل
ياهو ظل يكتب رسايل بيده ويعطر الصور !
انه جنت اخر محطة ماتغشك بالسفر
باجر يردلي هدوئي
واسكن واشرب سكتي
وانفخ الدخان والدنيا مطر
السمة يبقى الليل بيها
وانت مو اخر كمر

#حيدر_حمادي

٢٠٢٤/٢/٣
٦ م

على قلقٍ كأن الريح تحتي
تقلبني يميناً او شمالا

المتنبي

( مجدداً )

مجدداً
جمعتِ ثيابكِ قبل ان اشمها
ثم انام !
ايوقظكِ بردي؟
كما تفعلُ دمعتكِ حين
تقطر على ابهامي المرتجف
وانا في فراشي - قبري -
الذي داعبني خلسةً
عندما امتلأ بصوركِ .
مجدداً
ومهجتي الثكلى
تتوارى تحت ابطيكِ ،
ترسلُ دمعتها
لأعلى متنكِ
ثم تئنُ
تئنُ
تئنُ
وتعود الي

#حيدر_حمادي

٢٠٢٤/١/٢١
١١ م

تم البارحة ، كانت سفرة نفسية بالمشحوف ♥️
بقلم : ولفرد ثسيجر
ترجمة : باقر الدجيلي (قائمقام قضاء مركز العمارة )
تمت الترجمة والطبع سنة ١٩٥٦

ويصيد المعدان الاسماك بطريقة استعمال اقراص الزهر السام المصنوع من الدقيق والذروق او يضعونها في روبيان المياه العذبة ويلقونها في النهر بغية جر الاسماك اليها . وحين تأكل السمكة قرصاً من هذه الاقراص تصاب بدوار وتطفو على سطح الماء فيسها عندئذ اصطيادها .

الى علي ابن ابي طالب ( عليه السلام )

يمك وارجع لحجمي
واشوف الدنيا ، بس بعين شبعانه .
اوصلت للحضرة اهمس ياجبير الراي هذا انه
أأدخل ؟ لو اموت هنا ؟
أنه وروحي يتامى ومحد ويانه
اشبعت من شوفتك للعين
علي ظلك بقى ينطي الخبز لليوم
علي النوم بهضم مكتوب
بس كون الظلم ميدوم
الحاكم كون من يغتاض
على ريش النوارس يحط روس البوم
مثل ما عالرمح راس ابنك انشال
وعرفنا اليوم مغزاها
احب كل كنطرة يكولون جدمك داس فوكاها
ويهلهل كل خشب مشمور فوك الراك
لو طوله غفى اعله النهر وياها
الباب اللزمتك كزبر جلدها حفور
وتفطر الصوت الجان بِكْفاها
يا نغزة بكلب سلطان المرايات
وكمرنا الينحسب عالماي
لمن تغرك الايات
اليطلعهن بديه ويحطهن اعله الراك
ويلبسهن عباته ويخلع التيجان
علي بعمامه وبخوذه عرفته انسان
علي ريشة ذهب كتبت ضوة التاريخ
علي كسرة جنح غربان
كتاب ابيض على جلاده الرؤوس اخوان
عرفتك بالمهد سجيل
سولفتك
مثل راية تمر تترس الريح اعثوك
جا للجوع دمعة اليشبع ابلا صوت !
عرفتك بالصغر لمن جنت شبعان
واسمك جان رايح راد بالكاروك
وبجيتك من عرفت شصار بالسجدة
كتلوا كل سنابلنا بكطع وردة
اجينالك ، نروح لوين ؟
مضمام الدمع شردة
واستنكار خضر بالكلوب بلايه ما ينكال
وتلاحم حجي ارماد العرب
وي هيبة الشلال
شالوا جوهرة امن الكاع
لجفوف الاله انطت ضواها انذور
انحرثت كاع اهل الدين
وعلي طش البلاغة ابذور
وخضّر صوت للخرسين
حطوا عالخلافة اصكور
محد جان حارسها بدون الطمع والتشريط
علي وحده انحسب ناطور

#حيدر_حمادي
٢٠٢٣/٧/٢
٥ ص

في يوم الجمعة المصادف ١٩٤٧/١٠/٢٧
كتبت نازك الملائكة قصيدتها (الكوليرا) وخرجت فيها عن قالب القصيدة العمودية مستخدمةً بحر المتدارك لتكون بذلك قد كتبت اول قصيدة تفعيلة (شعر حر) في العالم العربي . ونشرت هذه القصيدة في بيروت ووصلت نسخها الى بغداد وفي النصف الثاني من الشهر صدرَ ديوان بدر شاكر السياب (ازهار ذابلة) وكانت فيه قصيدة من الشعر الحر (هل كان حباً) وكان تاريخ كتابتها كما مذكور في الديوان ١٩٤٦/١١/٢٦
وبذلك يكون السياب قد سبق نازك في كتابة نموذج للشعر الحر . ولكن ديوان نازك (شظايا ورماد) قد صدر في صيف ١٩٤٩ واحتوى على بعض القصائد من الشعر الحر . ثم صدر في بيروت في اذار ١٩٥٠ ديوان (ملائكة وشياطين) لعبد الوهاب البياتي وكان يحتوي على قصائد شعر حر . ثم صدر ديوان (اساطير) لبدر شاكر السياب في ايلول ١٩٥٠ الذي كان يحتوي على قصائد حرة الوزن كذلك .

#حيدر_حمادي

انتِ غيابٌ
انهضُ منكِ الان ، اراقبُ نفسي .

- جليل حيدر