قصة يوم المباهلة

فد يوم من الايام اجوا للنبي ( عليه وآله الصلاة والسلام ) بعض من رؤساء النصارى ( نصارى نجران ) 

طبعا هاي ورى ما انتشر الإسلام بذاك الوقت !
وكل الناس گامت تدخل لهذا الدين 

فچان صعب على النصارى يتقبّلون الوضعية  بإعتبارهم نصارى شجابهم على الإسلام ؟

ف دخلوا على النبي يحاججوه بحجة ان دينهم هو الأصح
گالوا للنبي : إحنا جايين نسألك على  عيسى ( عليه السلام )

_ أنت شايف مولود ينولد بدون أب ؟؟؟

النبي گال لهم : لا والعادة ان اي مولود ينولد بأبوين ..

فهذولا گالوا له : مادام الأمر صار مو طبيعي وي عيسى معناها عيسى هو الإله أو ابن الله !

ف رب العالمين أنزل على النبي هذه الآية 👇

قال تعالى ( إِنَّ مَثَلَ عِيسَى عِنْدَ اللَّهِ كَمَثَلِ آدَمَ خَلَقَهُ مِنْ تُرَابٍ ثُمَّ قَالَ لَهُ كُنْ فَيَكُونُ )

ف جاوبوه گالوا له : هذا الكلام ما يصرفلنا لان المسيح هو ابن الله
گال لهم : زين شنو الي يرضيكم ؟
ف گالوا له : احسن شي نتباهل

نطلع احنا وياك للصحراء وندعو رب العالمين ان يهلك المبطل والكذاب بينا وينصر المحق

ف وافق النبي وعينوا يوم حتى يطلعون الي هو يوم  ( ٢٤ ) من شهر ذي الحجة

ف اكو واحد بيهم عاقل ويفتهم گال لهم اريد احجي وياكم قبل ما ترحون تباهلون النبي

گالوا له : شنو ؟
گال : انتم تعرفون ان محمد هو نبي وكتبكم بشرت بيه وانتم حاليا جايين بعناد وتعصّب اذا رحتوا للمباهلة فلازم تنتبهون لمسألة !
إذا محمد طلع وي اهل بيته لا تباهلوه
لان هاي كارثة ومعناه ان هو واثق من نفسه من جابهم وياه
وما معقولة يجيبهم وياه حتى يعرضّهم للإبادة والفناء !!
واذا جاب وياه غرباء فلا تهتمون معناها رح يوگع هالعذاب على الغرباء

فاستغربوا من الأمر وخلوا على بالهم أن يراقبون الوضع  وراها طلعوا ....

إلى أن وصلوا للموقع ظلوا يراقبون شلون رح يطلع النبي ( عليه وآله الصلاة والسلام ) ؟
فطلع الرسول وبصفه أمير المؤمنين وبين إيده الحسن والحسين ووراهم فاطمة الزهراء( عليهم جميعا صلوات الله وسلامه )

ف أحد الرؤساء انصدم ف سألهم منو هذولا ؟
جاوبوه : هذا علي ابن عمه ( قالع باب خيبر ) وهذان الحسن والحسين اولاده من بنته وهذه الي وراهم  بنته سيدة نساء العالمين ( عليهم السلام )

ف هذا ظل بصدمته !

ودار وجهه گال لجماعته : دير بالكم تباهلون النبي !!
فگال هذا الشخص العاقل : ترى هذه الوجوه الي دتشوفوها گدامكم إذا النبي أقسم على الله بيهم أن يزيل جبل من مكانه لفعل !

فلا تباهلوهم لأن هلاكنا رح يكون على إيدهم !!!
من الرعب والخوف گالوا له : زين شنسوي ؟
گال : صالحوا النبي واعقدوا وياه صلح
ف راحوا عرضوا  الصلح على النبي
بعدها النبي وافق على مصالحتهم والجزية
ورجع وي أهل بيته ( عليهم جميعا صلوات الله وسلامه )
ولهذا السبب نصوم هذا اليوم شكرا لله ودليل على عظمته هو ويوم الغدير .

والحمد لله على نعمة الولاية وحب أهل البيت ( عليهم السلام ) اللهم صل على محمد وآل محمد وعجّل فرجهم.

صلاة بيوم المباهلة تقضي إلك حوائج الدنيا والاخرة 🙏

+ اعمال هذا اليوم 👇

العمل الأول :  الغسل
ملاحظة : هذا الغسل لا يغني عن الوضوء

العمل الثاني : الصيام

العمل الثالث :  صلاة قضاء الحوائج

الي يصلي هذه الصلاة يحصّل ثواب مئة الف حجّة وعمرة ويقضي له رب العالمين حوائج الدنيا والآخرة

وقتها قبل اذان الظهر بنص ساعة

الصلاة ركعتين تقرأ في كل ركعة 👇

سورة الحمد + سورة التوحيد ( ١٠ )
+ آية الكرسي ( ١٠ )  + سورة القدر (١٠ ) .

العمل الرابع : دعاء المباهلة : هو دعاء سريع الإجابة و مشتمل على الإسم الأعظم و شبيه بدعاء السحر في شهر رمضان المبارك و هو مروي عن الإمام جعفر الصادق سلام الله عليه،( موجود بمفاتيح الجنان)

العمل الخامس : قراءة الزيارة الجامعة



طبعاً الإستغفار والتوبة والإكثار من الصلاة على محمد وآل محمد والصدقة وإدخال السرور على المؤمنين من أعمال هذا اليوم المهمة أيضاً.

صمتنا نطق ونطق الفاسدين سكوت

كلمة بليغة صدرت من حكيم زمانه الذي يعلم متطلبات كل مرحلة مهما كانت الملابسات ومهما  كثر التضليل والتعتيم على الحقائق لهذا يحسب له أعداءه الف حساب ٠

وأود أن أوجه نصيحة اخوية إلى ابناء هذا الخط الشريف في هذه المرحلة الصعبة وهي
إن نشرك وتحليلك للأحداث حسب حدود فهمك وكل انسان لايتعدى حدود فهمه كما قال شهيدنا الصدر (قدس سره) ٠
ولا يخفى على الجميع أن الأعم الأغلب تحركه العواطف ونتيجة ذلك ستؤدي إلى تشويش القاعدة وتحليل كلام القائد بصورة خاطئة ٠

خويه هاي المرحلة مو مال تحليلات هاي مرحلة طيع واسكت رحم لوالديك ووالد والديك ٠

فهدى الله الذين آمنوا لما اختلفوا فيه من الحق بإذنه والله يهدي من يشاء إلى صراط مستقيم ٠

باسمه تعالى
اللهم صل على محمد وآل محمد وعجل فرجهم والعن عدوهم

الليلة سيكون بث مباشر في الساعة التاسعة والنصف أن شاء الله تعالى ٠

الموضوع : متطلبات المرحلة الحالية ٠


مع جزيل الشكر والتقدير

متطلبات المرحلة الحالية ٠

الأخلاق كالأرزاق فالناس فيها بين غني وفقير

شكرا للاخ الرادود خضر عباس على هذه الأخلاق وردة الفعل التي ترفعه عاليا في الدنيا والآخرة ٠

باسمه تعالى
اللهم صل على محمد وآل محمد وعجل فرجهم والعن عدوهم

الليلة سيكون بث مباشر في الساعة التاسعة والنصف أن شاء الله تعالى ٠

الموضوع : الاستعداد لشهر محرم الحرام ٠


مع جزيل الشكر والتقدير