غريبه ياعلي الليله غريبه
مصيبه ليلة الوحشه مصيبه
صحت وينك يكرار...خيم ماخلت النار
مصيبه ليلة الوحشه مصيبه

حايره ومختنگه روحي بويه وابچي ابهيده
تدري عن الغاضريه النجف موش ابعيده
صحت يابو الغوث اغثنه واعتني الهالبيده
ياعلي ولوما تجينه گلبي نار اتزيده
گضينه امن البچي والهم گضينه
علينه ياعلي لحگ علينه
إلك مشبوحه الانظار....خيم ماخلت النار
مصيبه ليلة الوحشه مصيبه

بالشدد معروف حيدر وصفك وبرهانك
حاظر السلمان واقرب إحنه من سلمانك
وانت حامي الجار كلهه اتسولف ابعنوانك
اعيالك الليله ابمصيبه ونعتبر جيرانك
دمعنه امن الهظيمه ايصب دمعنه
وضعنه يكسر الخاطر وضعنه
فلا رحمونه الاشرار....خيم ماخلت النار
مصيبه ليلة الوحشه مصيبه

شاب گلبي امن المصيبه الحَلَّت ابولياني
والهظم بفراگ اخوتي وهيبتي اتولاني
لو تجي واتشوف حالي ياعلي تلگاني
حايره ابجمع اليتامه ابحسرتي وأحزاني
عَلمنه من وگع بالطف عَلمنه
ابخيمنه شبت النار ابخيمنه
ركضنه ازغار واكبار....خيم ماخلت النار
مصيبه ليلة الوحشه مصيبه

وحشه هالليله عليه وحدي لتخليني
ليل غربه وبين غربه وكلهه غربه ابعيني
امن العطش بويه اليتامه تبچي وتناديني
وكلهه تصرخ عَمَّه عَمَّه وچم جرح ياذيني
حيره وداعة امي الليله حيره
چبيره حسرتي ابگلبي چبيره
گلبي ياعلي احتار....خيم ماخلت النار
مصيبه ليلة الوحشه مصيبه

وَجَّهِت وَجهي وجروحي ودمع عيني الهالي
الصوبك وناديت عَنِّي اشعطَّلك يالوالي
دنيتي المِنِّي خَذَتكم هالخَذَت چم غالي
بويه راح حسين مني والگمر كَفَّالي
عليه هجمت الدنيه عليه
امن اديه فرهدت كلشي امن اديه
للباري اشتكي الصار....خيم ماخلت النار
مصيبه ليلة الوحشه مصيبه

سيد علي الموسوي

ماكو غيره ماكو غيره
حسين تالي حسين ملموم بحصيره

***

حسين اعز من الهوى
الداين العالم ضوى
من السحگ جسمه انچوى
مرمي اعله رمله

الخده اضوى من الشمس
وجهه بالدم ينترس
هشمو صدره أمس
يا بويه عله

بويه والله عميه عيني
ولا اشوفك علتراب
حسين هذا الطف ذبحني
اودعت عمر الشباب
تارس الحومه بونينك
من درت صوب الحجاب
واني المك وابچي بويه
راح اموت من العذاب

بويه وسفه ،، بويه وسفه
علرمل يحسين گلي شلون تغفه

***

بويه يا كسر الضلع
يا جسم ما ينجمع
يا سهم ما ينشلع
ومأذي گلبك

يا نحر سابح دمى
ينزف وشابع ضمى
آه يلچمة فاطمه
يلمدمي كلك

بويه شمسويه الحوافر
ردت المك يا ضواي
بكل كتر بالطف لگيتك
حدب الضيمك گفاي
خنصرك ضايع وادوره
مثل دمعه بدنيا ماي
انته گدامي ويميني
وظلع منك ظل وراي

علوطيه علوطيه
صوت نحرك ما سكت وينچ رقيه

**

حيلي راح ومالي حيل
ياهو اليعين العليل
يا وجع گلبي القليل
گبالك أنته

شلون ألمك مو سهل
منظرك ما ينحمل
فكلي يا بويه الحبل
جسمك وصلته

يا حبيبي ونسمه طبعك
حظنك مسوينه دار
تلمنه بالطف بعباتك
هسه وينك شنهي صار
الدنيا تنلم بحصيره
وتندفن شمس النهار
بويه يمبچي العقيله
وتارك بكل دمعه نار

كون المك كون المك
مو لحد يحسين بالدلال اضمك

****


بيدي ألمن بالحبيب
وتارس الطف بالنحيب
يا حسين انه الغريب
ودمعي جاري

اهلي نامو علثرى
وكل نحر منهم جره
وانسبت ذيچ المره
ضيمي ومراري

يا بعد حيلي الفگدته
بطيحتك فوگ الرمال
بساعة الظليت وحدك
والثره امغطي الرجال
من درت صوب الشريعه
وصحت يلكافل تعال
بصعدت الدين اعله تله
بهدت خيول وحبال

يا هضيمه يا هضيمه
وسفه علويات ينجرن جريمه

****

ياهو اليعين الچفوف
طشرت روحي السيوف
مو جرح خاطر أروف
التارس البر

لو كتر منه انرفع
الثاني يا زينب وگع
چم ضلع منه انشلع
لو هم تكسر

حسين ضاع من الحوافر
والگبر رايد نزيل
والطفل عبد الله بعده
بدمه ومتاني الكفيل
والچفوف تريد چربه
وضعن ناوي اعله الرحيل
يرجع لارض المدينه
بلا سبي وظهر الهزيل

يا بچينه يا بچينه
كربله وللشام ونطب المدينه

كلمات الخادم / رعد الفريجي
محرم الحرام 1444 للهجره

تعبانه بويه اهوايه تعبانه
تدري انجويت اهنانه وهنانه
لتكلي بويه شلوني سووها زرگه امتوني
****
عالرمح راسك ودار العين اليه
جن تگلي شلونج ابنيتي رقيه
شرد اسولف وآنه محتركات اديه
من اليسر والضيم بويه شظال بيه

مجروحه من فرگاك مجروحه
ويابويه راسك عالي ما الوحه
غيمه الدمع بعيوني وسووها زرگه امتوني
**
اركض وبثيابي بويه مجلبه النار
حافيه وكل ساع اعثر والرمل حار
عليه كل الطك يبويه والشتم صار
زغيره وجروح البمتني كلهن اكبار

تدري شكثر بالصوط ضربوني
من صوطه بويه راحن امتوني
ابجي شكثر خلوني وسووها زرگه امتوني
*
ليش سلابي يبويه ما رعاني
حيل جر ترجيتي مني ودرفعاني
گمت اصيح ودمي ظل يجري من اذاني
گتله بت حسين انه وشتماني

وآنه صحت لو عندك بنيه
جا ما خذت من عندي ترجيه
لمن رحت هضموني وسووها زرگه امتوني
****
بويه اجانه الليل واحنه بلايه خيمه
بالحوافر بويه راحت جم يتيمه
والشمر يفتر عله زينب هضيمه
وتدري شوغات اليسر كلش اليمه

عماتي وينك گامن ايصيحن
وكلهن سوه لوجرهن ايطيحن
وانه شكثر جروني وسووها زرگه امتوني
*
اه يدرب الشام يالوعت عذابه
واحنه ماعدنه عشيره ولا كرابه
صعبه من خلونه يابويه بخرابه
بلا سگف ونام گمنه عله الترابه

آنه عله زينب دمعي يتجاره
ازرك متنها وبينه محتاره
الزينب تغير لوني وسووها زرگه متوني
***
بويه من النوم فزيت واريدك
وانه ما متعلمه انام اله عله ايدك
بشوك احضننك ردت وشتم وريدك
عالطشت خاف ابجي بويه وحرگه ازيدك

جابولي راسك بويه جابولي
هذا ابوج حسين كلولي
وعليه متت شافوني وسووها زرگه امتوني
***
تمت
ميثم العمري

ابيات ابوذيه الى السيد زينب عليها السلام

روحــي النـــوح عتعتهـا وتلها
وتفــرح بالدمــع گامــت وتلهـا
اسـم زينب علم باقـــــي وتلهـا
مزار اتطوفـــه أشراف البــريه

*

گلبي المنفجع گلـــي دواه وين
وبعد كل دوه ما ينفع دواه ون
زينب وينــي اوين الــــدواوين
تصد اخصومكم گامـــت عليـه

*


الشاعر موسى البديري

گالو الصيف هوه الحار گلت فدوه اله
حافي ومشي مومشكله لوچان الوطن كربلا
ريت اوصله مذبوح

صاحب بس حسين ميخون العشره
لا ما تلگه ثنين مثل ابن الزهره
صاحب صدكي وتجوه
عونك وكت النخوه
لا ماتلكه ثنين مثل ابن الزهره
.....
لا ما تلگ شلون حسين
وگفه بكلفه وصاحب زين
ماهد ربعه
وين اليشلع گلبك وين
وين اليشلع لجلك عين
هذا اتبعه
المو وياه الما ماشاه
هذا متيه رايه
مثل الهيل خوته كحيل
تعجب بلجنايه
جرب بس انخاه بلعازه يحضرك
تفزعلك يمناه حزام تكض ضهرك
بس لحسين الخوه
عونك وكت النخوه
..........
هوه الصاحب وكت الضيج
مثل الماي بنشفت ريج
يسگي اليذبل
مو بلكثره الصحبه براي
واحد لچن يسوه هواي
حسين الحل
هوه الراي شيخ الماي
يعله اليمشي بصيته
مشبع الطير يگطر خير
من ينكث خاچيته
هيه الخوه الماي والصاحب خيمه
والماعنده حسين عطشان بهيمه
منه اليعطش يروه
وعونك وكت النخوه
....
حاذر لو رايد تختار
لترافگ ليبيع اسرار
يم الغربه
دور الما يتيغر دوم
ماعنده وجوه بكل يوم
طيب گلبه
رافگ وين ربع حسين
محلاهم خدامه
زلمه افعال كشخ رجال
برزو مثل الشامه
الشايل عشر وجوه مانلزم ضهره
يخلص عمره يطيح من عثره العثره
حسين يعين اليهوى
عونك وكت النخوه
...
جرب ضهرك مره نطي
الربعك شوف شتترك بيه
خنجر ؟ وگفه ؟
بوجهك ليغرك تقدير
لچن من المگف ادير
لزين تعرفه
حسين وياك ما ينساك
موقف موش حجايه
من مگفاه وبملگاه
بلوجهين مرايه
العاش ب ١٠٠ لون هذا اسود نيه
الما بي عطر حسين لدخله الريه
دور مثل الشروه
عونك وكت النخوه
......
عدنه حسين الشيخ العام
يامر هوه وحچيه لزام
كلنه نطيعه
كلها براي احنه بلا راي
صار شما يطلب مولاي
شيخ الشيعه
الما والاه الما راداه
لا مو منه وبينه
زلمه يصير شانه چبير
الي يحب حسينه
شيخ وبيده الراي ناخذ جلماته
والما يرضه بهاي نكسر عصاته
حسين الوگفه التسوه
عونك وكت النخوه

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ

يازهـــــــــــراء…

هــايــالفاگـــد اعزاز .. ترضى تصير جناز
راحت سلوة الروح .. ياگلبي يامجروح
              ترضى تصير جناز
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
انا حيدر والصبر اعظم صفاتي
بس مصاب الزهره كدرلي حياتي
راحت وراحت معاها ذكرياتي
هاي ام اولادي ياناس وبنـــــــاتي

ليه لا تلــــــومون .. خل اعميها العيون
يگظي عمري بالنوح ..  ياگلبي يامجروح
                ترضى تصير جناز
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليوم جناز امشي بجنازة حبيبي
هاي فرگه والزمن قرر نـــــــــــصيبي
النار تســـــــعر بيه ياجمـــــرة لهيبي
انا مجروح اوسف ميت طبيبي

ياهو يداوي جرحين..جرح الحسن وحسين
زينب طـفله وتنوح .. ياگلبي يامــــجروح
                  ترضى تصير جناز
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ايست ماظـــــنهم يردون اليـــــــــه
واللي سافر ايســــــت ما منه جيه 
شلون دنيا جازت الحامي الحميه
طلگتها وهل خذت مني الزچيــــــــه

روحي اخذيها وياچ .. شلون ارهم بلياچ
دمع عيوني مفضوح .. ياگلبي يامجروح
                 ترضى تصير جناز
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
والكسر ظلعچ كسر خاطر بنيني
صحت واويلاه يالزهره بونيني
وين اودي اشواگي ماادري وحنيني
والگبر منـــــــــــي اخذ زهرة سنيني

ريت بصدري ادفنچ .. يمي وابقى يمچ
ريت وهذا مسموح .. ياگلبي يامجروح
                ترضى تصير جناز
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
وبظلام الليل دفنيت الاحبه
وراح ادريها حياتي تصير غربه
صعبه اطب للبيت يم حسين صعبه
ريت ماردلــــه ولا ياخــــذني دربه 

وبكل خطوه للدار .. اتذكر شني الصار
ودم اوليدي مسفوح .. ياگلبي يامجروح
                 ترضى تصير جناز
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ربي صبرني بعدها شلون الافراگ
ادري ماترحم دليلي نار الاشواگ
اعلى امچ الزهره يازينب دمعي حراگ
فرحتي هيا ويصـــــير الفرحه تنباگ

زينب صاحت بصوت .. ارحم بينه ياموت
حيدر والدي ينوح .. ياگلبي يامـــــجروح
                  ترضى تصير جناز 
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ماابطل ونتي من فدوه الاسمكم
الروح عدها والجسد يابويه عدكم
بكل نفــــــس بيه اريدن انا اشمكم
بيكم اشتم ريحة المحبوبه امكم

للي جوه التراب .. نقره ام الكتاب
اجر الفاتحه يروح .. ياگلبي يامجروح
              ترضى تصير جناز


الشاعر .. فاروق الغنامي

وي كل نفس تتألم بحالتها الله اليعلم
فاطمه '' '' '' '' '' '' فاطمه '' '' ' فاطمه
...................................................
راح اسولف عن مره زغيره بعمرها
لچن اعلا من الجبل هي بصبرها
من اجه الظالم وره الباب وعصرها
بالالم والحسره عاشت كل دهرها
...........................
المنها العلم يتعلم بحالتها الله اليعلم
فاطمه "" "" "فاطمه" "" "" "" فاطمه
....................................................
الكسر ضلعچ فاطمه ماعنده غيره
شلون حرمه وتنضرب صعبه وچببره
والي مثلچ بت نبي لازم اميره
انتي بت شيخ الزلم شيخ العشيره
..............................
جرح الگلب مايلتم بحالتها الله اليعلم
فاطمه "" "" "فاطمه" "" "" "" فاطمه
......................................................
ويه كل جرة نفس لجمه ابضلعها
لونه احمر لونزل فاطم دمعها
تبجي من اضلوعها ومحد سمعها
تفز من النوم وتون من وجعها
..............................
ضل الضلع يكطر دم بحالتها الله اليعلم
فاطمه "" "" "فاطمه" "" "" "" فاطمه
................................................
يا مصيبة محسنچ اكبر مصيبه
العمره يوم يموت يالزهره عجيبه
جرح محسن بالگلب يسعر لهيبه
چي وگفتي وي على وهاي الضريبه
.................................
والجرحه چنتي البلسم بحالتها الله اليعلم
فاطمه "" "" "فاطمه" "" "" "" فاطمه
.............................................................
ابنج المهدي يجي باجر ننطره
السطر خدج باجر يصلبه اعله شجره
وبخيال المهدي عين الزهره حمره
عاش ثارج وسط گلب المهدي جمره
...............................
يوميه ناصب مأتم بحالتهة الله اليعلم
فاطمه "" "" "فاطمه" "" "" "" فاطمه

...
الك يبن الحسن مشتاگه العيون
نبعثلك رسايل جبنه الايام
كتبنالك شعر من دم الگلوب
ما يكفي لودادك حبر الاقلام
نشعلك شمع كل جمعه مولاي
ونقره الندبه الك ياشبل الاكرام
كل عام اليمر نتحسر عليه
ونتأمل طلعتك بلكي هل العام
نکتب ورسايل ترست الماي
وبچه علينه النهر من شاف الاحلام
مرفوعات ادينه اليله ونصيح
عجل بل الفرج ياروح الاسلام
جوادك!! لو حلم ويمرنه خليه!
غايتنه أنتبرك بس بل اللجام!!!
#سعد العبودي