Fargʻona viloyatida xizmat safarida boʻlib qaytdik. Belgilangan uchrashuv, yigʻilishlarimizdan soʻng Xayrixon ayani koʻrishga bordim.

Bu uchrashuvning qiziq tarixi bor. Xayrixon Meliboyeva 90 yoshni qarshilagan, bu inson butun hayotini ta’lim berishga sarflagan. Biroz vaqt avval onaxonning yaqinlari menga murojaat yuborib, salomatligi va yashash sharoiti ogʻir ahvoldaligini bildirgan edi. Vaziyatni oʻrganganimizda haqiqatan onaxonda sogʻliq, dori-darmonlar, uy-joy bilan bogʻliq muammolar borligini aniqladik. Mahalliy hokimlik, homiylar ham chetda turmadi, moddiy yordam, xonadon taʼmiri boshlab yuborildi. Shu oʻrinda ularga ham minnatdorlik bildiraman.

Albatta, pedagoglarimiz, faxriylarimizning ijtimoiy himoyasi, salomatligini tiklashi borasida qilishimiz kerak boʻlgan ishlarimiz koʻp. Buning uchun vazirlik kasaba uyushmalari bilan oʻqituvchilar uchun turli ijtimoiy paketlar, dam olish maskanlariga yuborish choralarini oʻylayapmiz.

Sizlarni ham faxriy pedagoglar, taʼlim bergan ustozlaringiz holidan xabar olib turishga chaqiraman. Shaxsan men oʻquvchilarga 41 yil fidoyilik bilan taʼlim bergan Xayrixon aya kabi pedagoglarimiz oldida hamisha taʼzimdaman.

Xalqaro olimpiadalarda gʻoliblikni qoʻlga kiritib, Oʻzbekiston bayrogʻini yuksaklarga koʻtarayotgan yoshlarimiz soni yildan yilga ortib borayotgani juda quvonarli holat.

Birgina 2023-2024-oʻquv yilining oʻzida oʻquvchilarimiz nufuzli va mintaqaviy xalqaro olimpiadalarda jami 91 ta medalga sazovor boʻldi. Yuqoridagi infografikada natijalar avvalgi yillar bilan solishtirilgan va koʻrsatkichlar oʻsib borayotganini koʻrish mumkin.

Shu oʻrinda oʻgʻil-qizlarimizga joriy yilning sentabr oyida boʻlib oʻtadigan Xalqaro informatika olimpiadasida ham muvaffaqiyatlar tilayman. Maqsadlarni baland, qadamlarni dadil tashlang.

Markaziy Osiyo birinchi ta'lim forumi o'tkaziladi

Oʻzbekiston Prezidenti Markaziy Osiyo davlatlari rahbarlari Maslahat uchrashuvida taʼlim sohasidagi hamkorlikni rivojlantirish boʻyicha qator tashabbuslarni ilgari surdi. Jumladan, oktabr oyida Toshkent shahrida Markaziy Osiyo birinchi taʼlim forumi oʻtkazilishi rejalashtirilgan.

Davlatimiz rahbari tashabbusi bilan oʻtkaziladigan mazkur yirik forumga anchadan beri tayyorgarlik koʻryapmiz. Forum tadbirlari 2024-yil 10-oktabrdan boshlanib, dunyo tan olgan olimlar, shu jumladan Nobel mukofoti sovrindorlarining yoshlarimiz uchun qiziqarli maʼruzalari, soha mutaxassislari uchun turli muhokama sessiyalarini oʻz ichiga oladi.

Hurmatli taʼlim fidoyilari, nafaqat Markaziy Osiyo, balki butun dunyodan 500 ga yaqin taʼlim va ilm-fan hamjamiyati vakillari tashrif buyuradigan ushbu yirik forumda yana qanday muhim masalalarga eʼtibor berilishi kerak deb hisoblaysiz? Taklif va fikrlaringiz jamoamiz uchun qiziq.

Fikrlaringizni Telegramdagi ushbu murojaat botimizga yuborishingiz mumkin: @uzedu_vazirbot

Bahodir Jalolov ikki karra Olimpiya oʻyinlari chempioni!

Boks boʻyicha Tokio-2020 yozgi Olimpiya oʻyinlari chempioni Bahodir Jalolov ikkinchi bor Olimpiada chempioniga aylandi. Eng ogʻir vazn toifasida ishtirok etayotgan yurtdoshimiz hozirgina yakunlangan jangda ispaniyalik raqibi Ayub G’adfani magʻlub etdi.

Jangni oilaviy tomosha qildik, hayajonlarga boy, shiddatli bahsda Bahodir raqibiga hech qanday imkoniyat qoldirmadi.

Xabaringiz bor, Toshkent shahrida Boks bo‘yicha Bahodir Jalolov sport mahorati maktabi faoliyat yuritmoqda. Maktabga tashrif buyurgan davlatimiz rahbari “Endi Bahodir Jalolov maktabi o‘z yo‘nalishida xuddi Prezident maktabidek namunaviy tizim bo‘ladi”, degan edilar.

Bugungi bellashuvni ayni vaqtda seminar-treninglarda qatnashayotgan tizim xodimlari, maktab direktorlari, vazirligimiz jamoasi ham qizg’in kuzatib bordi.

Bahodirning tinimsiz mehnati va Prezidentimiz tomonidan bildirilgan ishonch bugun o’z mevasini berdi. Bahodir Jalolov maktabi bu yurtga hali yuzlab, minglab bahodirlarni yetishtirib berishiga ishonamiz.

Olimpiadada munosib ishtirok etib, Vatanimiz bayrog’ini baland ko’targan, rekord natijalar bilan yurtdoshlarimizni faxrlantirgan barcha sportchilarimizga minnatdorlik bildiraman.

Ўзбекистон спорт делегацияси Париж Олимпиадасидаги иштирокини якунлаб, тарихий натижага эришди. Ўйинларнинг охирги кунида боксчиларимиз Баҳодир Жалолов ва Абдумалик Ҳалоков, эркин курашчи Разамбек Жамалов олтин, таэквондочимиз Светлана Осипова ва оғир атлетикачимиз Акбар Жўраев кумуш медалларни қўлга киритди. Бугун Президент Шавкат Мирзиёев улар билан ҳамда 9 август куни бронза медалига сазовор бўлган эркин курашчимиз Ғуломжон Абдуллаев билан телефон орқали мулоқот қилди.

Давлатимиз раҳбари бутун халқимиз номидан чемпион ва совриндорларни самимий табриклаб, мураккаб курашларда кўрсатган юксак маҳорати ва матонати учун миннатдорлик билдирди. Уларнинг ота-оналари ва мураббийларига эл-юртга муносиб шундай ўғил-қизларни тарбиялагани учун раҳмат айтди.

Сен Ўзбекистон аёллари орасида биринчи бўлиб таэквондо бўйича олимпия медали совриндори бўлдинг. Барчамиз ҳар бир чиқишингни ҳаяжон билан кузатдик. Юксак жанг санъати ва ҳақиқий жангчи руҳини намойиш этдинг. Сен билан жуда фахрланамиз,

- деди Президент Светлана Осиповага.

Тарихий ғалабанг билан чин қалбимдан табриклайман. Энг оғир вазнда тенгсиз эканингни яна бир бор бутун дунёга кўрсатдинг. Бу бизларга жуда катта фахр, ғурур-ифтихор бағишлади. Парижда ҳам олтин олиб келишга ваъда берган эдинг, бугунги тарихий зафаринг шу ваъдага мос бўлди. Катта-катта ғалабалар ҳали олдимизда. Пойтахтимизда номингга очилган бокс бўйича спорт маҳорати мактабида яна юзлаб, минглаб ўзбек баҳодирлари катта рингларга тайёрланишига ишонаман,

- деди Президент икки карра олимпия чемпиони Баҳодир Жалолов билан суҳбатда.

Фурсатдан фойдаланиб, давлатимиз раҳбари боксчиларимизнинг бош мураббийси Тўлқин Қиличев тезда соғайиб кетишини тилади.

Спортчилар Президентимизнинг шахсий эътибори уларга кучли мотивация бергани, мукаммал тайёргарлик кўришлари учун барча имконият яратилганини қайд этиб, ташаккур изҳор этдилар. Ўзбекистон спортининг янги тарихини яратишда бундан буён ҳам астойдил меҳнат қилишга, янада юксак марраларга эришишга ваъда бердилар.
—
Спортивная делегация Узбекистана завершила свое участие в Парижской Олимпиаде, достигнув исторического результата. В последний день игр наши боксеры Баходир Жалолов и Абдумалик Халоков, вольный борец Разамбек Жамалов завоевали золотые медали, таэквондистка Светлана Осипова и тяжелоатлет Акбар Джураев - серебряные. Сегодня Президент Шавкат Мирзиёев провел телефонный разговор с ними, а также с борцом вольного стиля Гуломжоном Абдуллаевым, завоевавшим 9 августа бронзовую медаль.

Глава государства от имени всего народа искренне поздравил чемпионов и призеров, выразил благодарность за высокое мастерство и стойкость, проявленные в сложной борьбе. Он поблагодарил их родителей и тренеров за воспитание таких достойных сыновей и дочерей страны.

Ты стала первой узбекской олимпийской медалистской по таэквондо. Мы все с волнением наблюдали за каждым твоим выступлением. Я хочу сказать, что ты продемонстрировала поистине высокое боевое искусство и дух настоящего воина. Очень гордимся тобой,

- отметил Президент, обращаясь к Светлане Осиповой.

От всего сердца поздравляю тебя с исторической победой. Ты еще раз показал всему миру, что тебе нет равных в супертяжелом весе. Это принесло нам огромную гордость и воодушевление. Ты обещал привезти золото из Парижа, и сегодняшняя историческая победа соответствует этому обещанию. Большие победы еще впереди. Уверен, что в открытой в столице школе спортивного мастерства по боксу, носящей твое имя, еще сотни и тысячи узбекских богатырей будут готовиться к большим рингам,

- сказал Президент в беседе с двукратным олимпийским чемпионом Баходиром Жалоловым.

Пользуясь случаем, глава государства пожелал скорейшего выздоровления главному тренеру наших боксеров Тулкину Киличеву.

Спортсмены отметили, что сильную мотивацию им придавало личное внимание Президента, выразили благодарность за создание всех условий для полноценной подготовки. Они пообещали и далее усердно трудиться над созданием новой истории узбекского спорта, добиваясь еще более высоких результатов.

Prezident.uz|Facebook|Instagram|YouTube|X

Bugun tezkor, yangiliklar bosimi yuqori davrda zamonaviy o‘qituvchi ulardan xabardor bo‘lishi, o‘z sohasi bo‘yicha o‘zgarishlar, yangi metodikalarni tez o‘zlashtirishi kerak. Biz vazirlik jamoasi esa ularga zarur sharoitni yaratib berishimiz lozim.

Har yili “Ustozlar milliy forumi”ni tashkil etish an’anaga aylanib ulgurdi. Joriy yildagi forum Toshkent viloyatidagi "Renessans" oromgohida bo‘lib o‘tdi. Avvalgi va yangi o‘quv yili uchun ko‘prik vazifasini bajaradigan ushbu ikki kunlik yirik tadbirda natijalar sarhisob qilinib, yangiliklar yetkazildi, sho‘balar kesimida treninglar tashkil qilindi.

Seminarda bu yil respublikamizning turli nuqtalaridan kelgan 400 nafar ilg’or pedagoglarimiz ishtirok etdi.

Seminarda ilk bora 5E va MRT metodik yondashuvlari haqida treninglar tashkil etildi. Endi mazkur mahorat darslari viloyat, tuman (shahar), maktab miqyosida davom etadi va respublikadagi barcha ustozlar qamrab olinadi.

Forumda fidoyi hamkasblarimizni “Xalq ta'limi a'lochisi” ko‘krak nishoni bilan taqdirladik.

Yangi o‘quv yilida barcha jonkuyar ustozlarimizdan faollik kutamiz, o‘rgangan bilim va tajribalaringizni yosh avlodga yetkazishlariga ishonamiz.

Bugun “Xorijiy tillarni oʻqitish boʻyicha eng yaxshi maktab” tanlovining taqdirlash marosimini oʻtkazdik.

Mazkur tanlov qisqa muddatda ommalashib ulgurdi. Raqamlarga murojaat qilsak, 2023/2024 oʻquv yilida oʻtkazilgan tanlovda 6 442 ta maktabning 32 210 nafar oʻquvchisi qatnashgan. Oʻtgan davr mobaynida tanlovda 110 mingga yaqin oʻquvchilar oʻz bilimlarini namoyon etdi.

Oʻn minglab qorakoʻzlarimiz qamrab olingan tanlovning yakuniy final bosqichiga yetib kelishning oʻzi katta gʻalaba.

Gʻoliblar, bugungi kun qahramonlarimiz bilan tanishing:

1-oʻrin Jizzax viloyati, Jizzax shahri 22-maktab jamoasi,

2-oʻrin Namangan viloyati, Chortoq tumani 53-IDUM jamoasi,

3-oʻrin Toshkent shahri, 110-IDUM jamoasiga nasib etdi.

Gʻoliblarga medallar hamda egallagan oʻrniga mos ravishda 300 mln soʻm, 400 mln soʻm hamda 500 mln soʻmlik pul mukofotlari topshiriladi.

Shuningdek, Prezident sovgʻasi sifatida Respublika bosqichi barcha ishtirokchilari va ularning ustozlari, jami 84 nafar oʻquvchi va pedagoglar oʻz bilim va koʻnikmalarini rivojlantirish uchun xorijga taʼlim sayohatiga yuboriladi.

Shuni bemalol aytish mumkinki, ushbu tanlov sabab xorijiy tillarni oʻrganish jarayoni maktablarimizda umummilliy harakatga aylandi.

Yana bir quvonarli statistikani keltirsam, chet tilini bilish sertifikatiga ega boʻlgan maktab bitiruvchilari soni oxirgi ikki yilda 6 mingdan 18 ming nafarga yetdi.

Bugungi tanlovda gʻolib boʻlgan barchani tabriklayman. Aziz yoshlar, oʻquvchilar xorijiy tillarni oʻrganishdan charchamang!

Bugun jurnalist, blogerlar bilan uchrashib, vazirlik faoliyatiga oid masalalarni muhokama qildik.

Savollar yig‘ilib qolgan ekan, jamoamiz bilan imkon darajasida hammasiga javob berdik. Eng ko‘p aytilgan masalalar, savol va takliflarni o‘zim uchun qayd qilib oldim. Keyingi ishlarimizda ularga yanada e’tiborli bo‘lamiz.

Ta’lim tizimiga befarq bo‘lmagan, tanqidiy, tahliliy, materiallar tayyorlab jamoatchilik nazoratini ta’minlayotgan barcha jurnalistlarga minnatdorlik bildiraman. Biz sizlar bilan ko‘proq muloqot qilishimiz kerak.

#matbuot_anjumani

Kechagi matbuot anjumani, jurnalist va blogerlar bilan muloqot atmosferasi aks etgan videolavha