💡 Tunda uyg‘ongan bola va qalbda uyg‘ongan nur

Sahl ibn Abdulloh quyidagilarni aytadi:

«Chamasi uch yoshli bola edim. Kechasi uygʻonib, togʻam Muhammad ibn Sivorning namoz oʻqishiga nazar solib turar edim. Bir kuni togʻam menga: «Seni yaratgan Allohni zikr qilasanmi?» dedi. «Uni qanday zikr qilaman?» dedim. «Tilingni qimirlatmasdan, qalbingda uch marta: «Alloh men bilan, Alloh menga nazar solib turibdi, Alloh mening guvohim», deysan», dedi. Men u soʻzlarni bir necha kecha aytdim va togʻamga xabarini berdim. U menga: «Endi ularni har kecha oʻn bir martadan ayt», dedi. Men uni ham qildim. Bir muddatdan soʻng qalbimda uning halovatini sezdim. Bir muddat oʻtgandan keyin togʻam menga: «Men senga oʻrgatgan narsani yodlab olgin-da, to qabrga kirguningcha uni davom qil», dedi. Men u ishni yillar davomida uzluksiz qilib yurdim. Ularning halovatini ichimda topdim. Soʻngra togʻam menga: «Ey Sahl! Alloh u bilan birga boʻlgan, unga nazar solib turgan va uning ustidan guvoh boʻlgan odam U Zotga osiy boʻladimi? Maʼsiyatdan ehtiyot boʻl!» dedi.

Keyin maktabga borib, olti-yetti yoshimda Qurʼonni yod oldim. Soʻng nafl roʻzani koʻp tutadigan boʻldim. Yeydigan taomim arpa noni boʻldi. Undan keyin kechalarni bedor boʻlib, ibodat-la oʻtkazadigan boʻldim».

Sahl ibn Abdullohdan keltirilgan bu qissa bolaning tarbiyasiga, xususan, ruhiy tarbiyasiga kichikligidan ahamiyat berish uning yaxshi odam boʻlib yetishishida qanchalar muhim ekanini yaqqol koʻrsatib turibdi.

📖 «Baxtiyor oila» kitobidan

🟢 Yaqinlaringizga ulashing.

Telegram | Instagram

✨ Ota-onaga hurmat: Iymonning eng yuksak belgisi

Farzand ota-onaning huzurida oʻzini qanchalik xokisor tutsa, shunchalik yaxshi. U butun mehrini xokisorlik ila ota-onasiga poyandoz qilsa ham oz. Shu bilan birga, doimo ularga Alloh taolodan rahm-shafqat tilab, duo qilib turishi lozim.

Ota-onaning hurmati, farzand ustidagi haqqi toʻgʻrisidagi oyatlar va hadislar bu borada dunyo tarixida misli koʻrilmagan oliymaqom taʼlimotlar ekani maʼlum va mashhurdir.

📖 «Baxtiyor oila» kitobidan

🟢 Yaqinlaringizga ulashing.

Telegram | Instagram

✨ So‘zlaringizda ehtirom, qadamlaringizda odob bo‘lsin

Farzand ota-onasiga, hurmat bilan, «otajon», «onajon» deya yoki boshqa ehtirom maʼnosidagi soʻzlar ila murojaat qilishi lozim. Ota-onasining ismini boshqalarning ismini aytgandek aytish musulmonchilik odobiga toʻgʻri kelmaydi.

Shuningdek, yoʻlda yurilganda ham ota-onadan keyin yurish kerak, oldinga oʻtish mumkin emas. Bir yerga oʻtirmoqchi boʻlsalar, avval ota-ona, keyin bola oʻtirishi lozim.

📖 «Baxtiyor oila» kitobidan

🟢 Yaqinlaringizga ulashing.

Telegram | Instagram

✨ Assalomu alaykum va rohmatullohi va barokatuh

✨ Juma muborak!

🟢 Yaqinlaringizga ulashing. 😊

Telegram | Instagram

✨ Yaxshi farzand bo‘lishni istaysizmi? Avval izn so‘rang

Farzandning ota-onaga yaxshilik qilishi turlaridan yana biri – ikkisining barcha vojib va mandub amrlariga itoat qilish.

Farzandning ota-onaga yaxshilik qilishi turlaridan yana biri – ikkisi tark qilishga amr qilgan narsalardan oʻziga zarar keltirmaydiganlarini tark qilish.

Farzandning ota-onaga yaxshilik qilishi turlaridan yana biri – ota-onaning oldiga kirganda faqat ularning izni bilangina oʻtirish.

Farzandning ota-onaga yaxshilik qilishi turlaridan yana biri – ota-ona bilan oʻtirganda ularning ruxsatisiz chiqib ketmaslik.

📖 «Baxtiyor oila» kitobidan

🟢 Yaqinlaringizga ulashing.

Telegram | Instagram

✨ Ota-onaning oldida: So‘zsiz hurmat, shartsiz odob

– Ota-onaning ruxsatisiz biror narsa olmaslik.

– Ota-onaga rohatbaxsh narsalarni hozir qilish.

– Ota-ona uxlayotganlarida ularni bezovta qilmaslik.

– Ota-onaning xonalariga ularning iznisiz kirmaslik.

– Ota-onadan oldin taomga qoʻl uzatmaslik.

– Yaxshi narsalarni oʻzidan oldin ota-onaga taqdim qilish.

– Ota-onaning oldilarida yonboshlamaslik.

– Ota-onaning oldilarida oyogʻini uzatmaslik.

– Ota-onadan yuqoriga oʻtirmaslik.

📖 «Baxtiyor oila» kitobidan

🟢 Yaqinlaringizga ulashing.

Telegram | Instagram

✨ Qarindoshlik rishtalari: Islomda silai rahmning qadri va qimmati

Albatta, katta oila doirasidagi aloqalar er-xotin, ota-ona, bola-chaqa orasidagi aloqa bilan chegaralanib qolmay, balki qarindosh-urugʻlar bilan qilinadigan aloqalarni ham oʻz ichiga oladi. Islomda ushbu aloqaga ham juda katta ahamiyat berilgan.

Islom adabiyotida va xalq orasidagi diniy soʻzlashuvda ham «silai rahm» istilohi ishlatib kelinadi. Aslida, bu bobdagi «rahm» soʻzi bizdagi «bachadon» soʻzining oʻrnida ishlatiladi. «Sila» soʻzi esa «bogʻlash», «ulash» maʼnolarini anglatadi.

«Silai rahm» birikmasi «bachadondoshlik aloqasini bogʻlash» degan maʼnoni bildiradi. Buning oʻrniga bizda «qarindoshlik aloqasi» istilohi ishlatiladi. Qarindoshlar kimlar ekani hammaga maʼlum.

📖 «Baxtiyor oila» kitobidan

🟢 Yaqinlaringizga ulashing.

Telegram | Instagram