東方報道立法會換咗4部智能電梯，點知發現佢哋不太智能。

陳克勤試過等𨋢等咗10分鐘，陳學鋒試過撳𨋢落樓去開會，點知部𨋢變咗上。

江玉歡預埋等𨋢時間要早啲出發，劉智鵬話可以行樓梯。

你以為佢係一部智能電梯，其實係用來催議員出門口同做運動嘅新發明。

#20240509

文匯報頭版報道YouTube、Google、Facebook、Twitter、Instagram等平台未依據法庭禁制令移除《願榮光歸香港》，X（前身為Twitter）回覆冇發現佢違反規則，而其他平台就唔覆文匯報。

小編呼籲執法部門去X美國總部執行港版國安法。

#20240510

【忙到搞錯文化遺產】 #20240511

香港01：

香港郵政推出「非物質文化遺產——長洲太平清醮」特別郵票，將長洲人只舞麒麟、貔貅變了舞獅，醒獅樣貌似抄襲姜氏金龍醒獅團，長洲太平清醮值理會主席翁志明承認上月睇過設計草圖，但佢太忙冇發現錯誤。

德國政府以涉嫌為中國從事間諜活動拘捕3人，其中Thomas R.是中國國家安全部人員的代理人，引述南早話佢在2022年7月起於貿發局擔任市場經理，未提何時離任。

星島：

香港舉重健力總會主席葉永玉繼3月在活動致辭提到「尤其喺比較細嘅國家，例如係香港」，在被揭在比賽致辭時涉稱各參賽運動員是來自13個「國家」，當中有來自香港及台灣的代表。

文匯報：

馬逢國話要今年成立智庫稱國民安康研究院，智庫專家包括全國政協委員、科學家同高校專家學者。

大公報：

半版又寫記協反中亂港，小編以為記協有乜活動或大公報有乜新證據，原來只因為傅振中得閒帶咗保衛香港運動去記協門口示威就寫咗半版。

香港01引述林定國在商台881訪問，話歡迎市民批評政府，又話所有官員都有氣量，盡可能暢所欲言，佢話：「做人呢啲量度，我無咩所謂，你話我蠢過隻豬，唔通我真係蠢過隻豬咩，唔會㗎嘛」

你幾時見過豬係知道自己蠢吖。

#20240512

---
追蹤黨媒
Threads: https://www.threads.net/@hkpropaganda
Instagram: https://www.instagram.com/hkpropaganda/
Facebook: https://www.facebook.com/support.hkmedia.propaganda
Telegram: https://www.tg-me.com/hk_propaganda
WhatsApp: https://whatsapp.com/channel/0029Va6PDpi0rGiVXcep9j3s

琴日英國以國安法起訴香港駐倫敦經貿辦行政經理袁松彪同Peter Wai等三人，中國駐英大使館強烈譴責，話英國打著司法和國家安全旗號，任意對在英中國公民進行騷擾、逮捕和拘捕，是對中方嚴重挑釁，中方提出嚴正交涉。

但香港政府就只係講話已要求英國政府提供相關資料詳情，正等待回覆。

小編覺得香港政府個回應好弱囉。

#20240514

高等法院上訴庭判律政司得直，批出《願榮光歸香港》臨時禁制令，YouTube隨即限制在香港瀏覽32條相關片段。

今日大公報話YouTube遵守禁令，但文匯報就話YouTube只係「最低限度遵守法令」，並引述湯家驊話YouTube只係限制播放而非下架可能是藐視法庭。

咁即係有冇遵守到禁制令啫？小編我好亂呀！

#20240516

今日文匯同大公都以全版報道自己獲得香港報業公會頒發最佳新聞獎，聲稱獲21個獎再次蟬聯全港報業集團之首。

小編翻查香港報業公會今年得獎名單，78個獎裡9成都係黨媒：

獲獎傳媒 得獎數目
文匯報 9
大公報 7
星島 15

點解黨媒可以攞咁多獎？

因為香港報業公會16個代表傳媒的委員中，9成都係黨媒包括文匯、大公、香港商報、巴士的報、中國日報（香港版）、南華日報、星島日報、英文虎報、香港仔、AM730同新晚報。

自己頒獎畀自己真係特別有公信力嘅！

#20240518

//假設啟德方艙可租借給國際級運動員，他們在啟德體育園比賽後，就剛好可去方艙園區居住，也可藉機會交流。//

小編相信美斯同碧咸都會好願意住方艙。👍

#20240519

今日星島報道管鳴浩又提起陳同佳，佢話：

「我當然會與（台灣）有關當局再提出請求和安排，但相信要等新班子上任一段時間，才有機會去處理。」

小編等咗5年白髪都多兩條，唔知幾時先見到呢班建制派幫潘曉穎媽媽爭取公道呢。

#20240521

文匯報報道大陸歌手華晨宇來港開三日戶外演唱會，雖然小編唔知佢乜水，但相信在楊潤雄心目中，華晨宇拍得住Taylor Swift。

起碼電話號碼都易攞啲。

#20240522

大公報報道星期六維港舉行多啦A夢無人機匯演，主辦單位話要同其他地方競爭下，先取得日本方面授權响香港首演。

話晒叮噹係日本文化唔係中國文化，點解文體旅局要咁崇日唔搞喜羊羊匯演先？

#20240523

文匯報報道圓明園舉行「曾憲梓紀念日」五周年，全體在曾憲梓雕塑前播放《沒有共產黨就沒有新中國》，小編以為呢個節日已夠奇。

更奇係曾憲梓三子曾智明憶述爸爸最愛的歌係《沒有共產就沒有新中國》，又有曾家朋友憶述曾憲梓常與家人在飯桌上高唱《沒有共產黨就沒有新中國》，而且每次唱得很激動。

#20240525

如何推廣環保？

首先印製大量膠袋，聲稱要推行垃圾徵費計劃，然後取消呢個計劃，再將印好嘅膠袋周圍派製造更多垃圾。

Goodest logic.

#20240526

---
追蹤黨媒
Threads: https://www.threads.net/@hkpropaganda
Instagram: https://www.instagram.com/hkpropaganda/
Facebook: https://www.facebook.com/support.hkmedia.propaganda
Telegram: https://www.tg-me.com/hk_propaganda
WhatsApp: https://whatsapp.com/channel/0029Va6PDpi0rGiVXcep9j3s

今日星島報道立法會議員全職助理流失率達20.9%，最勁有位選委界議員本來有8名職員，但7人陸續離職。

完善立法會有幾和諧，就睇有幾多議員會向傳媒互相報串。

至少5名議員向星島報串，話助理「8走7」可能是新丁簡慧敏，話佢大企業出身，對下屬要求較嚴，據聞上任至今司機也換了2、3人。

佢嘅助理跳糟去邊呢？就係跳去做另一位議員蘇長荣的助理。

而蘇長荣自己，去年亦有多名助理離職。

簡慧敏對星島話無回應，蘇長荣話不評論，小編對住呢班奇才都余欲無言。

#20240527

---
追蹤黨媒
Threads: https://www.threads.net/@hkpropaganda
Instagram: https://www.instagram.com/hkpropaganda/
Facebook: https://www.facebook.com/support.hkmedia.propaganda
Telegram: https://www.tg-me.com/hk_propaganda
WhatsApp: https://whatsapp.com/channel/0029Va6PDpi0rGiVXcep9j3s

星島報道內地連鎖餐廳農耕記出半價優惠，吸引好多人去排隊。

星島鉅細無遺介紹邊啲日子有乜嘢折頭，又話有香港市民在小紅書分享等咗2個鐘。

星島引述內地網民話呢間餐廳在「內地都沒人吃」、「是連鎖湘菜的墊底」，甚至還反嘲博主「兩個小時來深圳都吃完回去了」，直呼「香港人很慘」。

#20240529

今日文匯大公報道，主辦單位邀請大家六月初去維園。
#20240530

大公報今日報道香港國安法47人案，外交部發言人毛寧回應有外國評論案件及關注當中的外國公民時話：「堅決反對個別國家借有關司法個案干涉中國內政、抹黑和破壞香港法治。」外交部駐港公署話：「敦促有關政客立即停止插手香港事務，停止縱容包庇反中亂港分子，停止破壞特區法治與司法獨立。」

大公報5月14日報道英國以英國國安法拘捕懷疑為香港收集情報的3人，中國駐英國領事館就話：「英方打着司法和國家安全旗號，任意對在英中國公民進行騷擾、逮捕和拘
留，這是對中方的嚴重挑釁……」

外交部駐港公署仲話：「英國《國家安全法》條款定義模糊、執法部門授權寬泛已被世人詬病。英方濫用國安名義，無視基本人權保障，任意逮捕羈押，不僅違背法治精神，更是赤裸裸的政治操弄，其干預香港事務、包庇勾連反中亂港分子的險惡用心昭然若揭。」

#goodestlogic
#20240531

由民主歌聲獻中華到食買玩，呢啲就叫識撈。
#20240601

東方《東呼即應》今日炮轟政府又靠盛事谷旅遊業，話每個月放煙火非上策，仲為政府出謀獻策，話應該搞香港特色嘅嘢，例如「破地獄導賞團」同「紙紮祭品工作坊」，仲話「破地獄」結合火燄使用、急速轉圈與跳躍，旅客一定留下深刻印象喎。小編懷疑東方係咪好懷念馬戲團跳火圈。
#20240602

大公報今日大版介紹內地用一卡兩號攻略，話電訊商的一卡兩號價格不一，叫讀者小心選擇。但小編唔明點解要講用內地電訊商的卡用唔到facebook、instagtam、WhatsApp同google，話「必須要付費開通VPN」才能成功使用。

咁即係叫大家返內地記得翻牆？點解唔用百度抖音小紅書？

#20240602