“အိန္ဒိယနိုင်ငံဟာ မြန်မာနိုင်ငံအတွက် တကယ်ပဲမိတ်ဆွေကောင်းလား”

အိန္ဒိယနိုင်ငံနှင့် မြန်မာနိုင်ငံတို့ဟာ သမိုင်းကြောင်းအရရှည်လျားတဲ့ ဆက်ဆံရေးသံခင်းတမန်ခင်းရှိခဲ့ပြီး မိတ်ဆွေကောင်းများဖြစ်ခဲ့ကြပါတယ်။ အိန္ဒိယနိုင်ငံနဲ့ မြန်မာနိုင်ငံဟာ နယ်နိမိတ်ချင်းလည်း ထိစပ်နေတာကြောင့် မဟာဗျူဟာအရ အရေးပါတဲ့ အိမ်နီးချင်းနိုင်ငံ တခုဖြစ်လို့နေပါတယ်။ ထို့အပြင် နှစ်နိုင်ငံ ကုန်စည် စီးဆင်းမှုများစွာ ရှိနေတာကြောင့်လည်း စီးပွားရေးအရ ပူးပေါင်းဆောင်ရွက်မှုများ များစွာရှိလို့နေပါတယ်။ဒါ့အပြင် အရေးပါတဲ့ နှစ်နိုင်ငံ နယ်နိမိတ် လုံခြုံရေးကိစ္စများတွင်လဲ ပူးပေါင်းဆောင်ရွက်မှုများ ရှိလို့နေပြန်ပါတယ်။ ထင်ရှားတဲ့ ပူးပေါင်းဆောင်ရွက်မှုများအနေနဲ့ နယ်စပ်စည်းရိုးကာရံခြင်း၊ မူးယစ်ဆေးဝါးများ မှောင်ခိုတင်သွင်းခြင်းနှင့် တရားမဝင်နယ်စပ်ဖြတ်ကျော် ဝင်ရောက်မှုများအား ထိန်းချုပ်ခြင်းတို့ပဲဖြစ်ပါတယ်။

အိန္ဒိယနိုင်ငံအနေဖြင့် မြန်မာနိုင်ငံအတွင်း ဖြစ်ပွားခဲ့သော ငလျင်ဘေးဒဏ်၊ နာဂစ်မုန်တိုင်းဒဏ်နှင့် Covid ရောဂါကပ်‌ဘေးကာလများအတွင်း များစွာသော လူသားချင်းစာနာမှု အထောက်အပံ့များကူညီပံ့ပိုးပေးခဲ့ပါတယ်။ မြန်မာနိုင်ငံအတွင်း နိုင်ငံရေး မငြိမ်သက်မှုနှင့် ဖြစ်ပွားနေသော တိုက်ပွဲများကြောင့် ချင်းပြည်နယ်နှင့် စစ်ကိုင်းတိုင်းမှ စစ်ဘေးရှောင်ထောင်ပေါင်းများစွာဟာ အိန္ဒိယနိုင်ငံ၏ မီဇိုရမ်ပြည်နယ်၊ မဏိပူရ ပြည်နယ်များသို့ ထွက်ပြေးတိမ်းရှောင်ခဲ့ကြရပါတယ်။ ၂၀၂၁ ခုနှစ် နိုင်ငံတော်စီမံအုပ်ချုပ်ရေးကောင်စီမှ နိုင်ငံတော်တာဝန်များကို လွှဲပြောင်းရယူထားရချိန်တွင် အိန္ဒိယ မြန်မာ နှစ်နိုင်ငံဆက်ဆံရေးမှာ ယခင်ထက်ပိုမိုကောင်းမွန်သော အခြေအနေများရှိခဲ့ပြီး စီးပွားရေး၊ လုံခြုံရေးနှင့် စစ်ဖက်ဆိုင်ရာများ ပူးပေါင်းဆောင်ရွက်မှုများရှိခဲ့ ပြီး နှစ်နိုင်ငံ၏ အဆင့်မြင့်အရာရှိကြီးများအပြန်အလှန် ခရီးစဥ်များလည်းရှိခဲ့ပါတယ်။

သို့သော်လည်း တဖက်တွင် အိန္ဒိယနိုင်ငံသည် နယ်စပ်ဖြတ်ကျော်လက်နက်ကိုင် လှုပ်ရှားနေမှုများအား ထိန်းချုပ်သည့် အလားသဏ္ဍာန်ပြသော်လဲမိမိတို့ နိုင်ငံ၏ အချုပ်အချာကိုထိပါးသော အကြမ်းဖက် လက်နက်ကိုင်ဖြစ်သည့် KIA နှင့်လည်း တရားဝင်မဟုတ်သော ဆက်ဆံရေးအခြေအနေကို တည်ဆောက်နေတယ်လို့သိရပါတယ်။ ၂၀၂၅ခုနှစ် မေလအတွင်းမှာ အိန္ဒိယနိုင်ငံအစိုးရဟာ KIA သောင်းကျန်းသူများ ထံသို့ လက်နက်ကြီးငယ်များ၊ ဆေးဝါးများကဲ့သို့သော ထောက်ပံ့ခြင်းများပြုလုပ်ခဲ့ပါတယ်။ အိန္ဒိယအစိုးရမှ မြန်မာနိုင်ငံအား ကူညီရန် ရန်ပုံငွေခေါင်းစဥ်ဖြင့် အကြမ်းဖက်သောင်းကျန်းသူများထံသို့ မဟာဗျူဟာအရ အရေးပါသော အထောက်အပံ့များကို အိန္ဒိယ-မြန်မာနယ်စပ်ရှိ vijaynagar ဒေသအနီးမှ တောနက်လမ်းများကိုအသုံးပြုကာ လျှို့ဝှက်စွာ ပို့ဆောင်နေလျက်ရှိခဲ့ပါတယ်။

ထို့ကြောင့် နှစ်ပေါင်းများစွာခိုင်မြဲခဲ့သော အိန္ဒိယမြန်မာ ဆက်ဆံရေးဟာ မီးစတဖက် ရေမှုတ်တစ်ဖက်နှင့် အကျိုးလို၍ ညောင်ရေသွန်း ဘုရားတည်ဖို့ ငြမ်းဆင်သော ဆက်ဆံရေးမျိုးပေလား၊  ဒါမှမဟုတ် ရှေးယခင်ကထဲက ညီအစ်ကိုသွေးရင်းပမာ ရင်းနှီးစွာ တည်မြဲ၍ ယုံကြည်ရသော ဆက်ဆံရေးမျိုးလားဟု ဝေခွဲရခက်သော အခြေအနေဖြစ်နေပါတယ်။ နိုင်ငံအတွင်း မငြိမ်သက်မှုများဖြစ်ပေါ်အောင်လုပ်ဆောင်နေသော KIA ကဲ့သို့ လက်နက်ကိုင်သောင်းကျန်းသူများကို စစ်ဖက်ဆိုင်ရာနှင့် ဆေးဝါးများထောက်ပံ့ပေးခြင်းဟာ မီးလောင်ရာလေပင့်သည့် အိမ်နီးချင်းမပီသတဲ့ လုပ်ရပ်မျိုးလဲဖြစ်လို့နေပြန်ပါတယ်။ ထို့ကြောင့် မိမိတို့၏ အိမ်နီးချင်းကောင်းဟု အမည်တပ်ထားသော အိန္ဒိယနိုင်ငံအနေဖြင့် မီးစတစ်ဖက် ရေမှုတ်တဖက်နှင့်ခန့်မှန်းရခတ်သည့် လုပ်ရပ်များကို လုပ်‌ဆောင်လျက်ရှိ‌နေတာကို အများသူငှာသိရှိနားလည်စေရန် မေတ္တာရှေ့ထားရေးသားတင်ပြလိုက်ရပါတယ်ခင်ဗျာ။


မေတ္တာဖြင့်_မောင်ဘုန်း

ခွေးသစ်ကတော့ သူ့အဖေ စစ်တပ်အကြောင်းမပါရင် စာမရေးတတ်ဘူးထင်တယ်..
-
မင်းရဲ့သတင်းကို ကလေးအစ.. ခွေးအဆုံး ဘယ်သူမှ မယုံဘူး.. မင်းတို့က တိုင်းပြည်ဖျက်ဆီးဖို့ သက်သက် ထောင်ထားတဲ့ UG ပြည်ဖျက်တွေပဲ ဖြစ်တယ်။
-
ငါမေးပြီးပြီ ဘယ်စစ်သည်ကိုမှလည်း ချုပ်နှောင်စစ်ဆေးနေတာမရှိဘူး။
-
နံရံမှာတောင် စာရေးသွားသေးတယ်ဆိုပဲ.. စာရေးဖို့နေနေသာ တပ်ပရဝုဏ်ထဲကို ခြေတစ်လှမ်းပဲ လှမ်းကြည့်လိုက်စမ်းပါ.. အဘား.. အဘားတောင် အော်သွားဦးမယ်။ မင်းတို့က မအေးအေးဝင်း စီစဉ်သလိုမျိုး လံကြုပ်တွေရေးပြီး ခွက်ခေါက်ဖို့ ကြံစည်နေကြတယ်မလား။
-
ငါရီချင်တာက ရိက္ခာဂိုဒေါင်ကို တပ်နဲ့ဝေးတဲ့ တောထဲမှာ တည်ဆောက်ထားတယ်တဲ့..။ စောက်ရူးလို့ပြောရင်လည်း အရူးသိက္ခာကျဦးမယ်။ မြဲမြဲမှတ်ထား.. ရိက္ခာဂိုဒေါင်ဆိုတာ အခြေခံစားကုန် ဆန်/ဆီ/ဆား/ပဲ .. စတဲ့အရာတွေ လှောင်ထားတာ.. ဒါကြောင့်မို့ ဘယ်တပ်မှာပဲကြည့်ကြည့် အိမ်ထောင်သည်လိုင်းခန်းတွေ၊ စစ်သည်ရိပ်သာတွေနဲ့ အနီးဆုံး နေရာမှာ ဆောက်ထားတာချည်းပဲ။ မင်းတို့လက်ထက်ကျမှ တောထဲမှာ ဆောက်ထားသတဲ့လား။
-
နောက်တစ်ခါ လံကြုပ်ဇာတ်လမ်းရေးမယ်ဆို သေချာလေ့လာပြီးမှ ရေးစမ်း.. ၁၀၀ ဖိုး ၃ ပုဒ် အရူးကွက်တွေနဲ့ မရေးနဲ့ ဟုတ်ပြီလား။
-
KT